المساعد الشخصي الرقمي

مشاهدة النسخة كاملة : من حلة الجنيد ..نزار ودحمدتو مع ودالماحى


نزار حسن محمد
17-03-2007, 10:03 PM
جايناكم .. ياحبايبنا .. بعد .. سفره كانت اكثر من رائعه ...

فور وصلى لمدنى اتصلت على اخى نبيل حمدتو ووجدته بالخرطوم واخبرنى بانه سوف يمكث حتى يوم الاربعاء فطلبت منه ان نتقابل بالخرطوم ويتصل هو بالاخ صول سودان لكى نذهب سويا للجنيد لمقابلة ودالماحى وحضور زواج شقيقه بكرى العريس النفض الكيس..وصلت الخرطوم بسيارتى وقابلت الوجيه نبيل حمدتو ... وابتداء المشور ..كانت مــــــدنيه حلقة الوصل بيننا وبين ود الماحى ..لان العريس بكرى والذى كنت على اتصل شبه دائم به قد وقع منه المبايل وراح فى حق الله ..عند مشارف الجنيد .. اخبرنى العريس بان نحضر عن طريق بنطون رفاعه ..
وبالفعل عبرنا ببنطون رفاعه الى ان وصلنا الى الجنيد الحله ...
وهنا توقفت عقارب الساعه عند اللقاء.. الاحباب .. كان سلام يفوق كل اتفاقيات السلام المبرمه فى العالم... وكانت اصالة .. اهل العوض وكرام اهل العوض ... حرم صنية الغداء مابشيلوها الا راجلين بى شنبات.. جلسنا نتغداء وحكى لنا ود الماحى عن مقابلته .. لشريكه ابوصلعه عمك تنقو يعنى ياعم تنقو بقن ثلاثه صلعات ام صلعة نبيل حمدتو .. باروكه سمير غانم مابتغطيه.. بعد صلاة المغرب ... اخبرت ود الماحى بان يعطنى الاذن على وعد ان يعود نبيل حمدتو وخالد الصول يوم الخميس لحضور الليله الكبرى ... حلف ود الماحى ماامشى الا بعد ما اعرض عرضه عرضتين.. قمنا كده دخلنا على حوش النسوان. بعد ماسلمته على خالتة بتول والوالده والاخوات ... دقت الدلوكه.. طبعا ده برنامج لى حاله .. سوف احكى لكم على حلقات ... لكم الود ..
سواااح
17-03-2007, 10:12 PM
مراسلكم بالجنيد : نزار حسن
وبعدين يا اخوي مش متفقين
انك لما تصل السودان مفروض تتصل علي ؟؟
عموما دي بنتفاهم عليها
واين انت الان في السودان ولا رجعت الامارات ؟
نزار حسن محمد
17-03-2007, 11:25 PM
مراسلكم بالجنيد : نزار حسن
وبعدين يا اخوي مش متفقين
انك لما تصل السودان مفروض تتصل علي ؟؟
عموما دي بنتفاهم عليها
واين انت الان في السودان ولا رجعت الامارات ؟


عريسنا ... الفنان ..ضياء..
والله ياسواااح برغم انه فى برنامج من سيربح المليون قالوا شبكة الاتصالات بتاعت السودان احدث شبكه على مستوى العالم .. لكن الكلام ده ماظنته صحيح واسال اخوك .. حرم لمن الجرس يرن كان الزول مارده برضو تنبسط المهم رنه ...
وصلت الامارات وانتظر الشمارات .. لك الود ودحسن
مدنيّة
18-03-2007, 12:40 AM
غايتو يانزار ياخوي الفيك اتعرفت خلا :o

وبعدين ياخ كان تصلني صدقني ما كنت ح اطالبك بالحاجات اللي رسلتهم لي نور العيون معك عشان عارفة انك محول زي كدا :p
ابوالنور
18-03-2007, 12:47 AM
غايتو يانزار ياخوي الفيك اتعرفت خلا :o



وبعدين ياخ كان تصلني صدقني ما كنت ح اطالبك بالحاجات اللي رسلتهم لي نور العيون معك عشان عارفة انك محول زي كدا :p




والله يا مدون ما تستاهلي لكن نزار ده شكلو اتلوم مع الشباب دي كلها لانو جايب معه اجانب عشان الجامع الي عايز يبنيه لكن ما بيناتنا وابقي عشره علي محمد السر لانو بقي قريب منكم تسلم يا خي
نزار حسن محمد
18-03-2007, 12:57 AM
غايتو يانزار ياخوي الفيك اتعرفت خلا :o

وبعدين ياخ كان تصلني صدقني ما كنت ح اطالبك بالحاجات اللي رسلتهم لي نور العيون معك عشان عارفة انك محول زي كدا :p



يامدنيه ... والله انا جاى من السودان قلت دخلتى للمنتدى .. ادافع واترافع ان اختى مدنيه فى الدعاوى بتاعت المميز مشكلة شاى اللبن .. بعد ماعرفت الحقيقه وهى طلب اخونا المميز للشاى ال اللبن .. طبعا هو متعود على شاى الهنود واسمه كرك... ماعلينا يامدنيه ..كدىورينا كيف.. اتعلم السلبطه..
لك الود ...ايتها المشرفه
نزار حسن محمد
18-03-2007, 01:01 AM
والله يا مدون ما تستاهلي لكن نزار ده شكلو اتلوم مع الشباب دي كلها لانو جايب معه اجانب عشان الجامع الي عايز يبنيه لكن ما بيناتنا وابقي عشره علي محمد السر لانو بقي قريب منكم تسلم يا خي

الحبيب ابو النور .. ازيك وكفينك ... انت يالحبيب دخلت ضفارى كدى اول حاجه افهم الحاصل وبعدين اخد راحتك .. افو انا الجعلى الما بعرف اللوم.. طيب جيتى للسودان عشان احضر عرس بكرى اخوه ود الماحى ... اه كدى الكلام وقع ليك ... تسلم .. مع ودى ..
مدنيّة
18-03-2007, 01:17 AM
يامدنيه ... والله انا جاى من السودان قلت دخلتى للمنتدى .. ادافع واترافع ان اختى مدنيه فى الدعاوى بتاعت المميز مشكلة شاى اللبن .. بعد ماعرفت الحقيقه وهى طلب اخونا المميز للشاى ال اللبن .. طبعا هو متعود على شاى الهنود واسمه كرك... ماعلينا يامدنيه ..كدىورينا كيف.. اتعلم السلبطه..
لك الود ...ايتها المشرفه


هسي يانزار كدي خلينا من موضوع الشاي وقت ما جيتني اها هسي دي ترسل لي الحاجات اللي ادتك ليهم نور العيون عشان بناتي
ود حنتوب
18-03-2007, 01:21 AM
يا حليلنا نحن فى الغربة ياخى

هنئيا لكم احبتى بهذا الوصال

وربنا يديم نعمته عليكم
Madanawi
18-03-2007, 03:37 AM
حمدا لله على السلامة يا ود حسن وبنقول مليون مبروك للعريس بكري واخونا جمال الماحي وربنا يجعل اللمة دائما ي الافراح ، الشبكة عذبتني يا نزار لاني اخذت تلفونك من مدنية وهي حلقة وصل بينا وبينك برضو لكن شكلو الارسال بطال من الاستديوهات الرئيسية لاني حاولت مرات عديدة اتصل بيك وخصوصا في يوم الخميس المساء لانو الشباب بيكونوا كلهم معاك في المزازيك وكده لكن ابت عديل كده يا نزار ،،،

راجين منك شمارات العرس والبنطون بالله البنطون ده اهم حاجة لانو يوم الخميس حسب متابعاتي كان في كتاحة شديدة في السودان !!!
ابورجاء
18-03-2007, 03:51 AM
الغال حبيب القلب ود عمي حسن (نيزو)
احيييييييييييييييييييييييي منك وتاني احييييييييييييييييييييي
منك حسدتك عديييييييييييييييييييييييييييييييل كده ليه وتاني
ليه وبعدين ليه خلاص لحدي هنا وقف يا ابو رجاء...
تصدق انت سعيد انك تقابلت مع الرائع اخوي الكبير ود الماحي
وشميت ريحة تراب بلدي واتمتعته بي طيبة اهل بلدي انت
ما بيزوروا فوقك الايام دي ناس الامارات وبعد ده كلو
نحن الاسعد بي رجعتك وبي طلتك ويا ربي ما تحرم بوست
من نيزو في انتظار باقي القصة انا بجي من الصباح اتحكر
عشان اسمع كويس باقي سمعي ضعيف وزن الريشه وبشوف
طشاش اها في رجاك ما تتاخر ....

تخريمة مع مشاققة اخو العريس حبيبنا:ـــ
لو سمحته يا ود عمي حسن ترجع الأمانة
لي عمتي مدنية والا اقول ليك اديهن ود المطامير
وهو يوصلهن لي وانا بي دوري بوصلهم لعمتي
باذن الله اها يا عمتي كده كويس احسن من يروحن
في شربة ميه :D :D :D :D

ودوما في رعاية الله وحفظه...
مع كل الود باقة ورد.....
مدنيّة
18-03-2007, 04:00 AM
هي يا التوم دا رقم ود امي ما رقم نزار انت غايتو اصلك ما بتجمع هو الرقم مكتوب (wad alma7i ) يعني ح يكون بتاع نزار كيف ولاياربي يكون دا تلفونك الطوووووووووووويل مع سوااااااااااااح ؟؟؟ وقلت لي استاذ شنو ؟؟ :p

اها تبعا ياجماعة يعني ما بذيع سر لو قلت انه نزار دا من خلال الهاتف اصلا ما بتحس انه هو الزول الجااااااااااااااااادي والناااااااااااشف بتاع المنتدي العام - سابقا تبعا - بديك احساس انه فعلا ود البلد الاصيل - مع انه ما جاب لي حاجاتي اللي رسلتهم لي نور العيون معاه -
ويانزار ياخوي الكلام دا كان في السابق هسي انت احسن زول علي اساس انه الرتب محفوظة وكدا :D
مدنيّة
18-03-2007, 04:06 AM
تخريمة مع مشاققة اخو العريس حبيبنا:ـــ
لو سمحته يا ود عمي حسن ترجع الأمانة
لي عمتي مدنية والا اقول ليك اديهن ود المطامير
وهو يوصلهن لي وانا بي دوري بوصلهم لعمتي
باذن الله اها يا عمتي كده كويس احسن من يروحن
في شربة ميه :D :D :D :D




كدي يادابن ما راحن في شربة مية
نزار الامانة لازم توصلها لي حتي لو دفعت شحن جوي لكن انك تديها لزول تاني دي انساااااااااااها
سواااح
18-03-2007, 10:13 AM
غايتو يانزار ياخوي الفيك اتعرفت خلا :o

وبعدين ياخ كان تصلني صدقني ما كنت ح اطالبك بالحاجات اللي رسلتهم لي نور العيون معك عشان عارفة انك محول زي كدا :p




شبهين واتلاقو !!!
محمد السر احمد
18-03-2007, 11:19 AM
الاخ نزار حمد لله علي السلامة اها ورينا باقي الشمار و لمن رجعت الاملرات قالوا الحكومة حفتك عملت ليك حسن فتاشة خائفة تكون شفته ليك شوفه تانية وانا ما كلمتها بالكلام القلت جنب باب بيتنا
ههههههههههههههههههههههههههههههههه
مدناوية
18-03-2007, 07:52 PM
حمدالله على السلامة ياعمنا نزار حسن ،،،
والله المنتدى نور بي طلتك،،،


وربنا يديم المعروف،،،
صالح ابوشوارب
18-03-2007, 08:03 PM
حمدالله على السلامة اخونا نزار .. طبعا كانت رحلة جميلة .. وسمعنا ود الماحى كان حالف يعقد ليك عشان تبقي الصداقة قرابة .. ولكن ما عارف الحصل شنو .. اوع تكونوا عملتوها ( كوتيمى ) .. وغدا الخبر عند جهينة .. ياناس الامارات ؟ حول !!:confused:

ابو الله جـــابو
نزار حسن محمد
19-03-2007, 01:18 AM
يا حليلنا نحن فى الغربة ياخى

هنئيا لكم احبتى بهذا الوصال

وربنا يديم نعمته عليكم

ويديمه عليك ياود حنتوب...وانشاء نتلاقى فى ساعة خير ...ونجلس فى جنائن حنتوب الجميله .. لك الود
نزار حسن محمد
19-03-2007, 01:23 AM
حمدا لله على السلامة يا ود حسن وبنقول مليون مبروك للعريس بكري واخونا جمال الماحي وربنا يجعل اللمة دائما ي الافراح ، الشبكة عذبتني يا نزار لاني اخذت تلفونك من مدنية وهي حلقة وصل بينا وبينك برضو لكن شكلو الارسال بطال من الاستديوهات الرئيسية لاني حاولت مرات عديدة اتصل بيك وخصوصا في يوم الخميس المساء لانو الشباب بيكونوا كلهم معاك في المزازيك وكده لكن ابت عديل كده يا نزار ،،،

راجين منك شمارات العرس والبنطون بالله البنطون ده اهم حاجة لانو يوم الخميس حسب متابعاتي كان في كتاحة شديدة في السودان !!!

الحبيب الغالى ..بركاتوى = مدناوى بالانجليزى .. كيفينك ..عارفك مابتقصر لكن نسوى شنوا مع شبكة الاتصالات وحالته قالوا احدث شبكه على مستوى العالم.. والله يامعز ياريت لو كنت معنا يازول ناس الشرق ديل فى الرجاله زايدين حبه وفى الكرم فايتين الناس مسافه .. اما عمك ود الماحى ده براه داير ليه صفحه كامله ..لكن انتظر التفاصيل وخليك قريب.. لك الود كله ....
معتز حمدتو
19-03-2007, 06:12 AM
ابو البنات
حمداً علي سلامة العوده ،،،
ومن خلالك مبروك للعريس وكان عشمي تشوف لود عمي عروس من الجنيد ان شاء الله شوال سكر بس ما يرجع وخشمه فاضي .
نزار حسن محمد
19-03-2007, 08:09 PM
الغال حبيب القلب ود عمي حسن (نيزو)
احيييييييييييييييييييييييي منك وتاني احييييييييييييييييييييي
منك حسدتك عديييييييييييييييييييييييييييييييل كده ليه وتاني
ليه وبعدين ليه خلاص لحدي هنا وقف يا ابو رجاء...
تصدق انت سعيد انك تقابلت مع الرائع اخوي الكبير ود الماحي
وشميت ريحة تراب بلدي واتمتعته بي طيبة اهل بلدي انت
ما بيزوروا فوقك الايام دي ناس الامارات وبعد ده كلو
نحن الاسعد بي رجعتك وبي طلتك ويا ربي ما تحرم بوست
من نيزو في انتظار باقي القصة انا بجي من الصباح اتحكر
عشان اسمع كويس باقي سمعي ضعيف وزن الريشه وبشوف
طشاش اها في رجاك ما تتاخر ....

تخريمة مع مشاققة اخو العريس حبيبنا:ـــ
لو سمحته يا ود عمي حسن ترجع الأمانة
لي عمتي مدنية والا اقول ليك اديهن ود المطامير
وهو يوصلهن لي وانا بي دوري بوصلهم لعمتي
باذن الله اها يا عمتي كده كويس احسن من يروحن
في شربة ميه :D :D :D :D

ودوما في رعاية الله وحفظه...
مع كل الود باقة ورد.....

ابو رجاء محبوبى الفنان ... ازيك وكفينك ياغالى..وكيف الاموره رجاء..

وتوش دخلنا .. تعرف لى زمن ماركبت البنطون ...والله كانت لحظات حلوه بعد غربه طويله ..اعادت لى ايام زمان وذكريات زمان ..لكن انقر فى الرجعه مارحونا علما بانه يوجد شارع زلط واحد من المشرع الى رفاعه وبعد كده روحنا وطشاينا والسبب نبيل حمدتو جهجهنى وقال لى الشارع ده ما جينا بيه .. لكن انا برجع السبب لى الفريق التحت فى حلة الجنيد وعمك ود الماحى اصر والحا... وهو جنس شئ لايوصف ...كدى انت ياحبيب قساى انتظر الحلقه التانيه من الرحله ... سعدت كثيرا بوجودك كمشرف وهذا ماسعيت من اجله..فانت اضافه حقيقيه لهذه الكوكبه.. فتك بعافيه ..
نزار حسن محمد
19-03-2007, 08:37 PM
هي يا التوم دا رقم ود امي ما رقم نزار انت غايتو اصلك ما بتجمع هو الرقم مكتوب (wad alma7i ) يعني ح يكون بتاع نزار كيف ولاياربي يكون دا تلفونك الطوووووووووووويل مع سوااااااااااااح ؟؟؟ وقلت لي استاذ شنو ؟؟ :p

اها تبعا ياجماعة يعني ما بذيع سر لو قلت انه نزار دا من خلال الهاتف اصلا ما بتحس انه هو الزول الجااااااااااااااااادي والناااااااااااشف بتاع المنتدي العام - سابقا تبعا - بديك احساس انه فعلا ود البلد الاصيل - مع انه ما جاب لي حاجاتي اللي رسلتهم لي نور العيون معاه -
ويانزار ياخوي الكلام دا كان في السابق هسي انت احسن زول علي اساس انه الرتب محفوظة وكدا :D


مدنيه يامدنيه انتى مالك دايره تجهجهنى ومعاك نور العيون.. السلبطه لكم شنوا..ومشكور يارقيه على الكلام الطيب النابع من قلب اخت اكن لها كل الاحترام .. بس ذى ماكنت انا ناشف فى المنتدى العام دايرك ساعة الجد ...تكونى مدنيه الناشفه الجاده.. وعارفك مابتقصرى ..لكن اصبرى لى انت نور العيون فى صلبتتكم... ياسلباطين...
نزار حسن محمد
19-03-2007, 08:49 PM
الاخ نزار حمد لله علي السلامة اها ورينا باقي الشمار و لمن رجعت الاملرات قالوا الحكومة حفتك عملت ليك حسن فتاشة خائفة تكون شفته ليك شوفه تانية وانا ما كلمتها بالكلام القلت جنب باب بيتنا
ههههههههههههههههههههههههههههههههه

كتحه ... انا الصعب المتكل بالشعب ‘‘‘ والله اخوك حريف ذى رونالدينو...
نزار حسن محمد
19-03-2007, 08:51 PM
حمدالله على السلامة ياعمنا نزار حسن ،،،
والله المنتدى نور بي طلتك،،،


وربنا يديم المعروف،،،
الغاليه بنت خوى نفحات الصباح النديه..تسلمى ياغاليه على مرورك الكريم .. وربنا يديم المعروف
نزار حسن محمد
19-03-2007, 09:00 PM
حمدالله على السلامة اخونا نزار .. طبعا كانت رحلة جميلة .. وسمعنا ود الماحى كان حالف يعقد ليك عشان تبقي الصداقة قرابة .. ولكن ما عارف الحصل شنو .. اوع تكونوا عملتوها ( كوتيمى ) .. وغدا الخبر عند جهينة .. ياناس الامارات ؟ حول !!:confused:

ابو الله جـــابو

ابو الله جابو .. والله فقدناك بشده واكيد اكيد حتكون جاتك عشراقه من كترة سيرتك الجبناها.. والله يا ابو شوارب ود الماحى ما خله بنت قاعده جنس رقيص وهجيج .. ما يديك الدرب ونحن بينى وبينك ماقصرنا اتفشينا حقنا بالكامل لمن عرقنا كب واطه وجابو لنا مويه بارده النفس ما بقى قصير بالله عرضه واحده الواحد افتش على النفس ما يلقى ..اما موضوع كوتيمى ده انا وصلته لى ام الاميره بس خلى ود الماحى اصل امريكا ..بلقى قدام.. لكن داير النصيحه ود الماحى كابى الجرسه عشان خلىاولاده فى امريكا .. ياخى هذا الانسان غير طبيعى فهو ملاك فى شكل انسان ..
نزار حسن محمد
19-03-2007, 09:03 PM
ابو البنات
حمداً علي سلامة العوده ،،،
ومن خلالك مبروك للعريس وكان عشمي تشوف لود عمي عروس من الجنيد ان شاء الله شوال سكر بس ما يرجع وخشمه فاضي .

تعرف يامعتز من مااتحركنا من الخرطوم لقايت ماوصلنا الجنيد ومدنى موضوع عرس نبيل كان الموضوع الداير.. وابشر بالخير قريبا جدا سوف نتوج الفارس نبيل للسجن الذهبى.. لك الود ايها الغالى
المسافر
19-03-2007, 09:04 PM
حمد الله على السلامة أخونا عراض المنتدى أخو السماحت وجمل الشيل !!!!!
لك التحية والتقدير إنت والأخوان نبيل حموتو وصول سودان وود الماحي
وإنتم تحملون المنتدى في أسفاركم وترحالكم ولقاءاتكم .


فدمتم جميعاً
نزار حسن محمد
19-03-2007, 09:20 PM
حمد الله على السلامة أخونا عراض المنتدى أخو السماحت وجمل الشيل !!!!!
لك التحية والتقدير إنت والأخوان نبيل حموتو وصول سودان وود الماحي
وإنتم تحملون المنتدى في أسفاركم وترحالكم ولقاءاتكم .


فدمتم جميعاً

المسافر كوجك الدنجوان الحبيب الغالى ازيك وكفينك ...والله فقدناكم بشده وانشاء الله نتلاقى قريبا فى ساعة خير لك الود ايها الراقى
نزار حسن محمد
20-03-2007, 10:19 PM
الاحباب .. جناكم عشان نواصل الحلقات ..

بعدما صلين صلاة المغرب فى مسجد حلة الجنيد .. توجهنا الى منزل خالة ود الماحى بتول .. وتقابلنا فى الطريق وكانت معها شقيقتها ام العريس والدة جمال الماحى وبعد السلام والمقالده وحنين اهلى الحنان توجهنا الى منزل المناسبه وكان هناك صيوان ضخم تجلس فيه الحسان وهم يجهزوا .. لليلة الخميس الكل مشغول فى تجهيز السلطات وتقطيع البطاطس ... عند دخولنا دقت الدلوكه .. وكان معنا العريس بكرى .. هذا الانسان الرائع ..فجاء اشاهد ودالماحى قام لى فوق وضرب الواطه والبيت انفقش بالزغاريد.. واخوكم ماكضب انا ود الماحى والعريس فى نص الصيوان وهاك ياعرضه وطبعا اخوكم ماخد تعهد لى ام الاميره زوجة ودالماحى اذا جمال عمل اى فرفره كدى ولا كدى على بيه.. لكن منوا البقدر اقبض المويه بالله اتلفت كده القى برقص مع سته اتلفت كده القى مجكس سبعه وكلهن اموتن بالضحك.. واستمر هذا الاحتفال قرابة الساعتين بعد ..ذلك طلعنا بره الحوش .. وهبوبك يالله وما احلى نسائم شرق بلادى وعبيق اهل العوض .. تجمعنا حول سيارتى وتودعنا فى عناقا طويل ....
Madanawi
22-03-2007, 12:03 AM
يا نزار والله راجنك تدينا التفاصيل ،أهلنا في مدني وأهلنا ناس الشرق وناس بركات وناس عموم اهل السودان ، العرس والبهجة وبيني وبينك كده الشبكة كعبة صحي ولا ما دايرين زول يلخبط عليكم الاجواء الاحتفالية والجكس والربات ، ، ،
نزار حسن محمد
22-03-2007, 12:28 AM
يا نزار والله راجنك تدينا التفاصيل ،أهلنا في مدني وأهلنا ناس الشرق وناس بركات وناس عموم اهل السودان ، العرس والبهجة وبيني وبينك كده الشبكة كعبة صحي ولا ما دايرين زول يلخبط عليكم الاجواء الاحتفالية والجكس والربات ، ، ،

الحبيب الغالى احكى لك عن شنوا ولا شنوا والله السودان مابنفات بلمتو وحديث اهله الحلوين...تعرف ياحبيب مدنى كلها بتتحدث عن الفرقه الاثيوبيه الزائره واليومين ديل هم فى مدنى ومعاهم جمال فرفور. وطبعا ناس مدنى يعجبوك الفرقه الاثيوبيه يفترض تجلس لمدة يوم واحد بعدين ترجع الخرطوم .. وحاتك ليوم الليله مافارقت مدنى واهل مدنى ... يازول حتى الجكس بقى البس الذى الاثيوبى تقول نحن فى اديس ابابا ... اما اخبار البلد ..هناك نهضه عمرانيه واضحه للعيان .. وبينى وبينك فى تماسيح كبار من الخرطوم شغالين فى تحويل اموالهم الهى اموال محمد احمد الغلبان لمشاريع استثماريه ضخمه !!!!؟..
وناس عايشه وناس دايشه ..والجميع يلتقى بالبسمه والضحكه الحلوه وهكذا هم اهل مدنى عند الاجتماعيات يتساوى الفقير مع الغنى .. وبجيك راجع..