إعلان هام : 17 مارس بداية العام الدراسي الجديد بالمنتدى

[المسافر]

بعد أن تم إجراءات التنقلات والتعيينات الجديدة للمشرفين فقد تقرر أن يكون يوم السبت هو بداية العام الدراسي الجديد بالمنتدى والذي يبدأ عند الساعة (08:00) صباحاً بالطابور الصباحي الذي يحضره المشرف العام ونائبه وجميع المشرفين ، وسوف يقدم فيه نشيد الصباح من قبل أعضاء الحضانة ( عضو جديد + عضو مميز + عضو فعال ) وسوف يقدم المشرف العام كلمة بداية العام الدراسي ، وبعد ذلك يتم توزيع الأعضاء على فصول الدراسة وتبدأ الحصص على المعتاد . علماً سوف تصرف الكتب في اليوم التالي مباشرة .
وعلى الأعضاء الجدد دفع الرسوم المقرر وإحضار أولياء الأمور معهم .

** الزي :
- الزي للأعضاء على النحو التالي :
طلاب الحضانة ( عضو جديد + عضو مميز + عضو فعال ) :
مريلا بيضاء + شدة من نفس اللون .
- الزي لباقي الطلاب :
الأولاد : ردا أزرق + قميص من نفس اللون + شدة سوداء
البنات : فستان أزرق + طرحة زرقاء + شدة سوداء

** هذا وسوف يتم عمل صيانة للمنتدى قبل دخول الأعضاء إلى الفصول وهي على النحو التالي :-
(1) عمل طلاء عام للمنتدى .
(2) صيانة الكراسي والأدراج .
(3) تركيب مراوح جديدة .
(4) شراء عدد (80) زير حجم Xxxl نظراً لكثرة الكلام .

** وسوف يتم تحويل فصل ( منتدى الأخبار ) إلى كافتيريا لعدم وجود طلاب في هذا المكان .

والله الموفق

[الفارس البنفسجي]

شكلك كدا يا مسافر حنيت لي أيام
الدراسة واشتقت للطباشيرة والسبورة
والمساحة وطابورالصباح.

تسلم على الإطلالة وعلى الإحساس
اللي اديتنا ليهو.

لكن بجيكم راجع عشان
أحضر الطابور
دمت بود يا مسافر

[مدناوية]

ثجلوني في الفصل المختلط في أخر كنبة قبل مايتملي,,,
ويوم الثبت بجيب معاي الرثوم,,,
وبكلم ماما تجي معاي,,,

[المسافر]

شكلك كدا يا مسافر حنيت لي أيام
الدراسة واشتقت للطباشيرة والسبورة
والمساحة وطابورالصباح.
تسلم على الإطلالة وعلى الإحساس
اللي اديتنا ليهو.
لكن بجيكم راجع عشان
أحضر الطابور
دمت بود يا مسافر



صاح يا استاذ أنا حنيت للمدرسة شديد
ونحن منتظرك يا استاذ وما بندق الجرس
لغاية ما تجي يا استاذ .

ودمتي يا الغالي

[المسافر]

ثجلوني في الفصل المختلط في أخر كنبة قبل مايتملي,,,
ويوم الثبت بجيب معاي الرثوم,,,
وبكلم ماما تجي معاي,,,



ما تنسي يا شاطرة تلبسي المريلا البيضاء والشدة
وتجيبي معاك الثندوتشات عشان ستات الفطور
ما بجو من أول يوم يا هلوة .

ودمتي

[شبارقة]

خالتي عشة الفراشة مكانا وين في مدرستكم دي؟؟

[المسافر]

خالتي عشة الفراشة مكانا وين في مدرستكم دي؟؟


أنا عارفك بتجي المنتدى ده عشان الفطور . .
همك في بطنك . . .

عشة مرت ولدها ( التاية ) في الإسبتالية
ما تبجي الليلة . . . جيب معاك كسرتك
من البيت .

ودمت أبداً

[Madanawi]

وكمان حا يكون في برنامج ترفيهي عشان الاعضاء الجدد ما يملو المدرسة من اول يوم ،،،

عايزين واحد وواحدة نعينهم الفاوات عشان الانضباط وكده ،،،،

وكل واحد فيكم يرشح الفا ، انا بقول ود المتامير !!

[شبارقة]

وكمان حا يكون في برنامج ترفيهي عشان الاعضاء الجدد ما يملو المدرسة من اول يوم ،،،

عايزين واحد وواحدة نعينهم الفاوات عشان الانضباط وكده ،،،،

وكل واحد فيكم يرشح الفا ، انا بقول ود المتامير !!


وأنا أثني ، ونائب الألفه المسافر

[شبرقية]

انا انا انا انا
استاذ انا مودبة وبتعد ساتة
بس بديني الالفة
عسان في ناس هنا دايلة اوديهم للمدير ترهوني

[ابورجاء]

الغالي حبيب قلبي وريدي ووريدي
المسافر ماك راجع لبلادك؟؟؟؟؟؟

نظرا لبداية العام الدراسي الجديد
واولا قرار نتخذوا نحن ادارة الحضانة
بفصل الشويفع المسافر من الروضة
نهائيا وما يدخل الروضة دي اصلو طول
ما انا حي ويا انا يا هو ياكل فطوري من اول
يوم يعني لحدي نهاية السنة يكون فلس بي
الجنا المفجوع ده ما تقول لي ده شبارقة
شبارقة ما بياكل الهمبرغر ولا بيعرف ليهو
اصلو وانا شايفو جايب معاهو كسرتو من اصبحت
اها تمشي تجيب ولي امرك وتجي نشوف القصة دي
شنو اوعك تجيب لي ود المطامير وتقول ده ولي امري
جابو ابو لبانة قبلك وقال برضو ولي امرو امشي سرعة
بلاش فوضوى معاكم اسكت يا ولد بلاش كلام فارغ ....

تخريمة مع المشاققة :ـــ
لو دفعته حق الفطور الطفحتو ممكن نتنازل عن القضية
ونبيع يا مألم والا شنو؟؟؟؟؟؟؟

ودوما في رعاية الله وحفظه.....
مع كل الود باقة ورد......

[بورتبيل]

يا اخوانا انا بجي متاخر شوية .. وعشان بيتنا بعيييييييييييييييييييد
عشان كدا انا ابوي كلم المدير عشان ما يجلدني لما اجي متاخر
وما احضر الطابور ...

[مدنيّة]

غايتو يا المسافر احلي حاجة في المدرسة دي الشدة السوداء

لكن الساعة 8 دي بدري شديد ياخ خليها 10 ممكن ؟؟ :confused:

[yassir elamin]

دايرين لعبات تتار وطوطحانيه ومتدس وووووبس وبندقيه وابوى قال ليك الرسوم بعد مايدوهو المرتب

[المسافر]

وكمان حا يكون في برنامج ترفيهي عشان الاعضاء الجدد ما يملو المدرسة من اول يوم ،،،

عايزين واحد وواحدة نعينهم الفاوات عشان الانضباط وكده ،،،،

وكل واحد فيكم يرشح الفا ، انا بقول ود المتامير !!




يا أخوي ود المطامير بخرب المدرسة دي
وفراش ما بنفع . . . خليهو يملأ الأزيار أحسن

ودمت يا الغالي

[المسافر]

وأنا أثني ، ونائب الألفه المسافر


أنا عارفك عينتي نائب ألفة عشان اليوم كلو تزوق
وتمشي لعشة بتاعت الفطور وتخلي قاعد براي
مافي ليك إنتي ألفة برااااااااااااااااااااااااك

ودمت يا الغالي

[المسافر]

انا انا انا انا
استاذ انا مودبة وبتعد ساتة
بس بديني الالفة
عسان في ناس هنا دايلة اوديهم للمدير ترهوني


بدينا على الحركات دي قبل المدرسة ما تفتح
عشان كده نحن زاتو ما عايزين نقرأ
شنو ماشة تشتكينا من هسي . . .

ودمتي

[المسافر]

الغالي حبيب قلبي وريدي ووريدي
المسافر ماك راجع لبلادك؟؟؟؟؟؟

نظرا لبداية العام الدراسي الجديد
واولا قرار نتخذوا نحن ادارة الحضانة
بفصل الشويفع المسافر من الروضة
نهائيا وما يدخل الروضة دي اصلو طول
ما انا حي ويا انا يا هو ياكل فطوري من اول
يوم يعني لحدي نهاية السنة يكون فلس بي
الجنا المفجوع ده ما تقول لي ده شبارقة
شبارقة ما بياكل الهمبرغر ولا بيعرف ليهو
اصلو وانا شايفو جايب معاهو كسرتو من اصبحت
اها تمشي تجيب ولي امرك وتجي نشوف القصة دي
شنو اوعك تجيب لي ود المطامير وتقول ده ولي امري
جابو ابو لبانة قبلك وقال برضو ولي امرو امشي سرعة
بلاش فوضوى معاكم اسكت يا ولد بلاش كلام فارغ ....

تخريمة مع المشاققة :ـــ
لو دفعته حق الفطور الطفحتو ممكن نتنازل عن القضية
ونبيع يا مألم والا شنو؟؟؟؟؟؟؟

ودوما في رعاية الله وحفظه.....
مع كل الود باقة ورد......



يا ولد ههههاي ما تتسلبط فينا من هسي
أمش شوف فطورك ختيتو وين ولا أمكن
نسيتو في البيت . . . بس أنا عارفك
لو ما الفطور ده إنت ما تجي الحضانة
نهائياً . . .
أنا شايف شبارقة وود المطامير وأبو لبانة
شايلين فطورك ده قايلونوا كورة ومشوا
يلعبوا بيهو . . . إنت برضو غلطان كيف
تجيب فطور هبموجر وإنت بقرأ مع زي
ديل .

مشاققة مع تخريمة (2)
أمشي أشتكى للمشرفة ولا خليهم
يسوو ليك تبرعات

ودمت يا الغالي

[المسافر]

يا اخوانا انا بجي متاخر شوية .. وعشان بيتنا بعيييييييييييييييييييد
عشان كدا انا ابوي كلم المدير عشان ما يجلدني لما اجي متاخر
وما احضر الطابور ...



إنت يا بورتبيل بيتكم بعيد شنو ما بتقوم كل يوم
قبل صلاة الصبح وبتركب الحمار وبتمشي الحواشة
وبتحلب الغنم وترجع البيت الساعة 6 صباحاً
بس عشان المدرسة بقى بيتكم بعيد . . .

ودمت يا الغالي

[المسافر]

غايتو يا المسافر احلي حاجة في المدرسة دي الشدة السوداء

لكن الساعة 8 دي بدري شديد ياخ خليها 10 ممكن ؟؟ :confused:






أختي مدنية الشدة السوداء دي للطلبة بس
لكن المشرفين لازم يلبسو ( كبك ) . . .
مع خالص الإعتذار للأخ كبك

وبرضو الساعة 8 دي للطلبة
بس لكن المشرفين يجو الساعة
6 صباحاً .
وكدى إتأخري شوف المدير بسوي فيك شنو

ودمتي

[المسافر]

دايرين لعبات تتار وطوطحانيه ومتدس وووووبس وبندقيه وابوى قال ليك الرسوم بعد مايدوهو المرتب



يا أخوي ياسر إنت ما جاية عشان القراية
أحسن ليك أمشي شوف ليك مكان تاني
ولو ما جبت الرسوم ما تخش ما باب
المنتدى ده فاهم ولا لا . .
وبعدين ليه ما لابس المريلا يا ولد
وكمان ما حالق شعرك . . .
الظاهر عليك إنت ولد متعب جداً

ودمت يا الغالي

[بت الشبارقه]

استاذ انا ابوي قال ليك ابناء المعلمين معفيين من الرسوم كمان الاخوان الاتنين لو في مدرسه واحده يدفع واحد ونحن تلاته .
اللبس قال ليك ابوي لسه ما صرف عشان يشتري لينا الكسوه عندي شراب بس ممكن اجي بيه ؟
ناس التعليم وزعوا كراسات للمحتاجين ادونا منهن قال ليك ابوي

[المسافر]

استاذ انا ابوي قال ليك ابناء المعلمين معفيين من الرسوم كمان الاخوان الاتنين لو في مدرسه واحده يدفع واحد ونحن تلاته .
اللبس قال ليك ابوي لسه ما صرف عشان يشتري لينا الكسوه عندي شراب بس ممكن اجي بيه ؟
ناس التعليم وزعوا كراسات للمحتاجين ادونا منهن قال ليك ابوي



يا بت هوووووووووي لو أي واحد عفينا عشان أبوه معلم
حنقفل المنتدى ده ونمشي نشحد كلنا سوا
وبعدين أخوك التاني ياهو منو ؟؟؟؟
هااااااااااااا إنتو (3) مش أثنين
جايبين لينا الشبارقة كلها !!!!!!!
خلاص يا هلوه تعالي بالشراب
بس يكون أبيض والمنتدى متبرع
عشان إنتو جنيات المعلمين حيشترى ليك
المريلات والشدة البيضا بس مقاسك كم .
عِلا الكرسات دي ماشين نبيعها على حساب
المنتدى ( والكلام ده سر ) .

ودمتي

[بت الشبارقه]

استاذ..اهيء.. اهيء ..اهيء .. انا دايره لي فطور جيعاااااااااااااااااااااااااانه سجلو لينا وجبه علي حسابكم , خلاص؟
بعدين انت مسافر لي متين كده ارجع خلاص قال ليك البلد بقت عامره اي شي بي الف تدريس شنو وسفر شنو ؟ والله حاجه تجنن.

[المسافر]

استاذ..اهيء.. اهيء ..اهيء .. انا دايره لي فطور جيعاااااااااااااااااااااااااانه سجلو لينا وجبه علي حسابكم , خلاص؟
بعدين انت مسافر لي متين كده ارجع خلاص قال ليك البلد بقت عامره اي شي بي الف تدريس شنو وسفر شنو ؟ والله حاجه تجنن.



مش كفاية حنقريكم وكمان عايزين نأكلكم !!!!!!!!!
وبرضو كمان عايزة تشاكلي فراش المنتدى . . . أمشي جيبي ولي أمرك وتعالي
وأنا حلفت بالطلاق ما بتدخلي المنتدى ده إلا معاك ولي أمرك . . . فاهمة ولا لا
وبعدين أنا ما مسافر أن طفشااااااااااااااااااااااااااااااااااااااااااااااا اااااااااااان

[بت الشبارقه]

استاذ .. استاذ .. . استاذ... . استاااااذ.... .؟
هوي انت قاعد واللا طفشتا؟