للمغتربين في السعودية ـ استفيد من تخفيضات الجوال [الأرشيف]

مشاهدة النسخة كاملة : للمغتربين في السعودية ـ استفيد من تخفيضات الجوال

شبارقة

14-03-2007, 10:20 AM

الأخوة المغتربين في السعودية : السلام عليكم ورحمة الله
الان تخفيضات على الهاتف السعودي وسوا والجوال تصل الى 50% على رقم الأهل والأصدقاء،
السودان في خارج أوقات الذروة 80هللة للدقيقة
و 90 داخل أوقات الذروة ..

هذا للمعلومية

مدناوية

14-03-2007, 07:40 PM

الملح دا إنت بتعرف ليه كويس!!!!!!

وربنا يديم المعروف....

عماد عبدالشكور

14-03-2007, 08:40 PM

لكن يا شبارقة فضحتنا عديييييييل كدا
الاهل والاصدقاء قالوا لازم تتصل بينا كل يوم لانو شبارقة قال عندكم تخفيض 50%

الفارس البنفسجي

14-03-2007, 09:13 PM

يعني بالسوداني
40 قرش
والله أيام يا بلد!!!!!!!!!!!!!

رضا حسن محمد

14-03-2007, 09:14 PM

والله الملح دة يعمل ليك ضغط

شبارقة

14-03-2007, 09:18 PM

الملح دا إنت بتعرف ليه كويس!!!!!!

وربنا يديم المعروف....

خلاااااااااااااااااااااااااااااااااااااااااااااص يعني انتي الما بتريدي الملح ..
علي الطلاق أبو الوليدات قال لي مسكني ضغط من كترة الملح اللي بتسويهو المرة دي في الأكل..
بتكتليهو وتحرسي دارو!!

شبارقة

14-03-2007, 09:20 PM

والله الملح دة يعمل ليك ضغط

هي يا رضا الما رضي...
ما كشفنا أوراقك ..
وانشاء الله لو ربنا هون حنكشف حالك في جريدة المنتدى العدد سبعة ..
أرجى الجاياك

شبارقة

14-03-2007, 09:23 PM

لكن يا شبارقة فضحتنا عديييييييل كدا
الاهل والاصدقاء قالوا لازم تتصل بينا كل يوم لانو شبارقة قال عندكم تخفيض 50%

يا عماد بطل الجلدنة وبحبحا شوية ..
بالمناسبة السرة الدلالية قالت ليك ما اديتني حق المقاشيش والهبابات والبرش الأخدتهم منها جرورة في اجازتك الفاتت .. وقالت ليك تتصل عليها ضرووووووووووووري ..

مدناوية

14-03-2007, 09:27 PM

خلاااااااااااااااااااااااااااااااااااااااااااااص يعني انتي الما بتريدي الملح ..
علي الطلاق أبو الوليدات قال لي مسكني ضغط من كترة الملح اللي بتسويهو المرة دي في الأكل..
بتكتليهو وتحرسي دارو!!

بعد الشر عليهو,,,
لكن لاقدر الله ,,, أنت قاعد مافي مشكلة,,, بفك ليك بورتك,,,

وربنا يديم المعروف,,,

شبارقة

14-03-2007, 09:43 PM

بعد الشر عليهو,,,
لكن لاقدر الله ,,, أنت قاعد مافي مشكلة,,, بفك ليك بورتك,,,

وربنا يديم المعروف,,,

هههههههههههههههههههههههههههههههههههههههههههههههههه هههههههههههههههههههه
بتصرفي كم؟؟

مدناوية

14-03-2007, 09:49 PM

هههههههههههههههههههههههههههههههههههههههههههههههههه هههههههههههههههههههه
بتصرفي كم؟؟

ياولد البصرفو أنا إنت في تلاته شهور ماتصرفو....

ود حنتوب

14-03-2007, 09:55 PM

الأخ شبارقة

لك التحية

لكن اخوك اخد مقلب دولى فما ان عرفت بالنبأ حتى شغلت خدمة الاهل والأصدقاء وسجلت أحد ارقام منزل اولادى فى السودان وحينما حاولت الاتصال به فشلت فاتصلت على رقم آخر لاعرف ان الولد مشغل انترنيت على ذلك الرقم قلت معليش نغير الرقم ولكن يا حسرة فالرقم فى خدمة الاهل والاصدقاء لا يتغير...

شفت المغسة دى كيف بالله ؟؟؟؟

Madanawi

14-03-2007, 09:59 PM

يا شبارقة انت ما بطلت نظريتك حقت كتر من الملح ولو يضرك لسة ولا شنو؟؟

شبارقة

14-03-2007, 10:03 PM

ياولد البصرفو أنا إنت في تلاته شهور ماتصرفو....

والله لو كده أنا صحي ولد ساي ..

شبارقة

14-03-2007, 10:04 PM

يا شبارقة انت ما بطلت نظريتك حقت كتر من الملح ولو يضرك لسة ولا شنو؟؟

المشكلة انو نظرياتك منطبعة فينا ، وانت بالنسبة لينا زي لينين في روسيا!!
حاول تغير نظرتي يا أستاذي..

مدناوية

14-03-2007, 10:05 PM

والله لو كده أنا صحي ولد ساي ..

أها خلاص مرقتني قدر حبوبتك...

ومبروك الترقية يامان,,,

شبارقة

14-03-2007, 10:06 PM

أها خلاص مرقتني قدر حبوبتك...

ومبروك الترقية يامان,,,

لسه برونزي يا مانة ، ولو ما قسمو لينا في السلطة والثروة متمردين متمردين..

مدناوية

14-03-2007, 10:12 PM

لسه برونزي يا مانة ، ولو ما قسمو لينا في السلطة والثروة متمردين متمردين..

العافية درجات ياجناي’’’أقصد السلطة درجات
إستنى دورك وخلي الشلاقة ,,,

وربنا يديم المعروف,,,

شبارقة

14-03-2007, 10:18 PM

سواااح

14-03-2007, 10:56 PM

والله يا شبارقة اخبارك كلها شمارت وتخفيضات

ما تبقي كمان تاني في حاجات تانية !!

الزبير محمد عبدالفضيل

14-03-2007, 11:26 PM

مشكور ياغالي علي هذا الخبر الاقتصادي

مدنيّة

14-03-2007, 11:28 PM

كتر خيرك يااخ شبارقة دوما كما عهدناك تخدم الخدمات للجميع

خلف الكواليس ياقولك : عسي ولعل ان تدرك التمرد ;)

الجندي المجهول

15-03-2007, 08:38 AM

كنت مفتكركم شفوت انتو من زمن الاتصال بالجوال في موقع بيتيح ليك الاتصال بالهاتف الثابت او الجوال ومجاناً بعد ما تسجل الاشترااااك لاحظوا مجاناً مجاناً من غير ولا هللة من غير ولا قرش من غير ولا فلس والعاوز اسم الموقع يتصل بالاخ غسان العريس القديم لانو طوالي في النت وبيتصل ولما زنقتوا وراني الموقع لكن كتبني تعهد وانا بحترم الكلمة الاديتها للعريس حبيبنا ولك العتبي حتي ترضي يا مرتضي عبد العال ساتي يا حبيبنا كلنا ...............مشتااااااقين وسلام للجميع

بت الشبارقه

15-03-2007, 04:25 PM

يا اخوانا الخدمات دي ماشامله ناس شرق اّسيا الاتصال هد حيلنا