أدخل وأكتب مثل سوداني

[بدرينا]

أعزائي أعضاء منتديات ود مدني:
بما أنه لا يوجد قسم خاص للأمثال الشعبية في هذا المنتدي
اقترح هذا البوست للأمثال ومعانيها لتعم الفائدة بمعرفة تراث وطننا الحبيب..
وهذا البوست مفتوح للجميع..
والآن أبدأ أنا بهذا المثل:

[بدرينا]

ابلم مو شقي شقي البتكلم معاه
الابلم هو الذى لا يفهم و لا يفهم فهذا الابلم لا يتعب فى محادثته وانما يتعب
محادثه فى حالتى الفهم والتفهيم وتفهيمه صعب لضعف عقله..

[بدرينا]

دخانكم يدخن وجوعكم يمحن..
ترى الدخان من المطبخ و تشم الرائحة والدار يعمها الجوع بظهور اثره على اجسام افرادها وشكاوى ضيوفها

[بدرينا]

أم سـلمبويتي ولا كـدكاي زول

هذا المثل من أمثال أهلنا في غرب السودان
أم سلمبوية هي الفـــأر الصـغير ويسمى أم سيسي
والكـدكاي هو الفـأر الكبيرأو ما يسمى (الجقــر)
وهذا المثل مـُطابق للمثل القائل لالوبنـا ولا تمر النـاس

[بدرينا]

راحت شمار في مرقه
ومعناه ذهبت بلا فائدة كما تذهب فائدة الشمار عندما يوضع في المرق
ويضرب هذا المثل تحسرا...

[بدرينا]

سرارة اللعوت تتلاقى يوم الموت ..
قرابتكم كقرابة شجر اللعوت ما تلتقي أعواده إلا عند حرقها بعد قطعها كذلك انتم لا تلتقون إلا عند وفاة أحدكم في الصلاة عليه – يضرب في المبالغة في الجفا

[بدرينا]

بخيت شكروه قال داك شهر تانى
قيل أن عبدا اسمه بخيت رأى بين جماعة هلال رمضان دون غيره واراهم اياه فشكروه وشهدوا له بقوة الإبصار فاغتر بالشكر وقال داك هلال تانى ، يضرب لمن يدعى معرفة الشئ

[ود حنتوب]

البتسوى كريت فى القرض بتلقاه فى جلدها

المعنى الحرفى ان كريت شاة تأكل القرض فاذا بها تذبح وتسلخ ويدبغ بالقرض جلدها ليكون ذلك الجلد ذا منفعة لامور اخرى ...

المعنى البعيد الواحد يحاول ما يضر الناس ولا اى شىء لان الضرر عائد عليه

[الفارس البنفسجي]

كان كترت عليك الهموم ادمدم نوم

[الفارس البنفسجي]

خربانة ام بناياً قش

[الفارس البنفسجي]

البباري الجداد بودو الكوشة

[مهند صلاح]

البلعب مع الجريوات بخربشنو

[ابوالنور]

بعد ما الفأس وقع في الرأس




يعني بعد تعمل الغلط ما ينفع الاسف

[جيفارا]

أمات طه أسطورة تروي عظمة الخالة عند المجتمع السوداني طلاسمها تحكي عن اليافع طه الذي كان له اربع خالات وتوفيت والدته وأحتضننه خالاته الأربع وحبنه حبا شديدا حتى اصبح يقال لهن أمات طه ( أمهات طه ) ترعرع طه في حنان خالاته ونضج وفي مرة خرج طه ولم يعد فسهرن الخالات خوفا من مكروه قد يلم بطه وبدأن رحلة البحث عن طه ولم تثمر جهودهن في ارجاع طه لبيته وجلسن مرة واتفقن على تتجه كل واحدة منهن على اتجاه بحثا عن طه وذهبت واحدة شمالا والثانية جنوبا والثالثة شرقا والرابعة غربا على ألا يعدن إلا وطه .....
ولكن كان ذلك يوم الفراق بينهن ولم يجتمعن مرة اخرى

فاصبحت هذه الاسطورة مضرب مثلا فيقال ( لحق أمات طه ) ..

[بت الشبارقه]

والله يا جيفارا الخالات صاح كده واكتر.

التسي بي ايدك بغلب اجاويدك
الخيل تجقلب والشكرا لي حماد

[ود حنتوب]

كل زول بعجبوا الصارو

[رهيب]

الما بتلحقة جدعة

والجاتك في مالك سامحتك

[بنت الدوحه]

القلم مابزيل بلم

[مدناوية]

الصلاة يوم القيامة مابتنفع,,,

[مدناوية]

الحسنة في الهناي ,,, زي الهناي في الهناي,,,


((الحسنة في المنعول ,,, زي الشرى في القندول)),,,

[بدرينا]

البتسوى كريت فى القرض بتلقاه فى جلدها

المعنى الحرفى ان كريت شاة تأكل القرض فاذا بها تذبح وتسلخ ويدبغ بالقرض جلدها ليكون ذلك الجلد ذا منفعة لامور اخرى ...

المعنى البعيد الواحد يحاول ما يضر الناس ولا اى شىء لان الضرر عائد عليه


شكرا على الابداع يا ود حنتوب ..
ودا زي المثل البقول:البيتو من قزاز ما بفلع الناس بالحجارة

[بدرينا]

شكرا لكل الذين شاركوا بهذه الأمثال القيمة..
وفي الحقيقة في بعض منها أنا شخصيا ما كنت عارف معناه..
زي المثل بتاع أخونا جيفارا (أمات طه) فهو يحمل قصة لذيذة جدا..
وفي الحقيقة كلنا أكيد حنكون سمعنا بالمثل الفلاني ولكننا نجهل معناه..
فيا حبذا لو كان مع كل مثل يكتب تتبعه قصته أو مدلوله.. لتعم الفائدة..
ولكم التحية..
وهيا إلى المزيد من الأمثال..

[بدرينا]

الأسد ما كتل مرته
يضرب تطمينا للمرأة التي تخاف صحبتها لزوجها احتيالا عليه أو تطمينا له واصله إن الإمام على جاءه إعرابي شاكيا زوجته بأنه كل ما جاءها صاحت : قتلني قتلني.. فقال.. اقتلها وديتها علىّ..

[بدرينا]

خَتّوه قرض
وهذا المثل للمتخاصمين فهم قد تخاصموا حتى صار الكلام بينهم في مرارة القرض

[Madanawi]

الخيل تجقلب والشكر لي حماد

[بدرينا]

الخيل تجقلب والشكر لي حماد


شكرا مدناوي..
حقيقة مثلك دا ذكرني نكتة طريفة حصلت لي واحد بلدياتنا
(هو كدا زول زي ما بقولو على قد حالو قام اشتري ليه عطر جديد
ووضع من هذا العطر على جسمه ما فيهو الكفاية.. وهو ماشي في
الشارع مع واحد رجل أعمال اسمو عبد الوهاب.. فلاقاهم واحد في
الشارع فقال مخاطباً عبد الوهاب: والله يا عبد الوهاب عطرك لذيذ..
صاحبنا المسكين داك اتضايق جداً وقال ليه: نتريح نحن ويشموها في عبد الوهاب

[مدناوية]

الطمع ودر ماجمع,,,

[مدناوية]

السواي ما حداث,,,

[مدناوية]

اليتيم مابوصوه على البكى ,,,

[مدناوية]

الممطورة ما بتخاف الرشة,,,

[مدناوية]

راجل بنات ضيف الله ,,, هن يقولن حرم ,,, وهو يقول يعلم الله

[بورتبيل]

الممطورة ما بتخاف الرشة,,,

الممطورة ما بتابلي من الرشة

اي الارض التي اصابها المطر ليس فيها شي ان يصيبها ثانية فقد تبللت بالماء بما فيه الكفاية

[بورتبيل]

القمرية ما بتعزر التقاء

القمرية طبعا معروفة ... والتقاء مكان تجميع الحبوب للحصاد ... فالقمرية بعد ما ينتهي الحصاد وتجمع الحبوب .. وينتهي كل شي فانها اي القمرية تاتي .. وتبحث في مكان الحصاد.

يضرب للشخص الذي يبحث عن شي في مكان انهائيه

[بورتبيل]

الموية الحارة مااااااااا لعب قعونج

مثل تحذيري للشخص الذي يقدم على امر فيه خطورة عليه
القعونج : الضدفاضع

[بورتبيل]

يساعدوه في قبر ابوه دسا المحافير

يضرب للشخص الذي يساعده الاخرين وهو يرفض ان يساعدو

[بورتبيل]

المحرش ما بقاتل

اي الشخص المحرض على المشاجرة لن يفعلها

[بورتبيل]

الجاتك في مالك .............سامحتك

اي المصيبة التي تصيبك في مالك او ممتلكاتك اهون ومن التي تصيبك في بدنك او في احد احبابك

[مدناوية]

أهلك كان كلاب أنبح معاهم,,,

[مدناوية]

الجمل ما بشوف عوجة رقبتو ,,,

[مدناوية]

النيه عكازة سيدها ,,,

[مدناوية]

الكلب ينبح والجمل ماشي,,,

[ابوزيد محمد نور]

من خرج من دارو قل مقدارو
ويقال للشخص الذي يترك منزله ثم يتعرض للبهدله

الموز بجيبك ياقرد
كراع البقر جيابه
ويقال لمن له حاجة عند اخر

التسوي كريت تلقي في جلدها

ويطلق علي من يفعل مكروها لاحد ثم يعود له ومثله من "حفر حفرة لاخيه وقع فيها"

يدوك ليها مملحة تدورها يابسه
ويقال لمن يعطي شيئا ويرفضه ثم يندم علي رفضه ويبحث عنه مجددا او غيره

[شبارقة]

عينك للغنماية تطعن في ضلها

[مدناوية]

بجي الخريف واللواري بتقيف,,,

[مدناوية]

من بره هلا هلا ,,, ومن جوه يعلم الله,,,

[مدناوية]

الصبر ظل النبي,,,

[رضا حسن محمد]

بلد ما فيها تمساح يقدل فيها الورل

[مدناوية]

غاب أب شنب ولعب أب ضنب,,,

[mo7tarm]

االبسويهو العتان يحير البقر

[بدرينا]

االبسويهو العتان يحير البقر


هههههههههههههه
صباح الخير يا mo7tarm

والله مثلك لذيذ
عليك الله ورينا العتان دي بتسوي شنو؟

[abosnoon]

البقعد في العقاب بيدوق العزاب

[بورتبيل]

ابيتها مملحة ... وتكوس ليها غروض

يضرب للشخص الذي يفوت امر .. ويصبح فتش ويندم على الذي فاته

[بورتبيل]

العارف عزو مستريح

[بورتبيل]

الصقر كان قبض ... كترت البتابت عيب

[بنت الدوحه]

الداير تهري اسكت خلي

[رضا حسن محمد]

الشيطان استاذ الرجل وتلميذ المرأة

[مدناوية]

العارف عزو ,,, كلام الناس مابهزو,,,

[مدناوية]

تسويها بإيدك ,,, تغلب أجاويدك,,,

[مدناوية]

كان الصدق مانجاك ,,, الكذب مابنجيك,,,

[مدناوية]

العندو ضهر مابنجلد على بطنو,,,

[مدناوية]

الصبر مفتاح الفرج,,,

[بدرينا]

حواء تكوس لا أدم و أدم يكوس لا حواء
زعموا أن أدم وحوا عندما نزلوا من الجنة كانا مفترقين واصبح كل منهما يبحث عن الأخر فرأت حواء أدم أولا فجلست تحت شجرة ومسحت رجلها من الغبار فلما وصلها أدم فرح لها وقال لزعموا أن أدم وحوا عندما نزلوا من الجنة كانا مفترقين واصبح كل منهما يبحث عن الأخر فرأت حواء أدم أولا فجلست تحت شجرة ومسحت رجلها من الغبار فلما وصلها أدم فرح لها وقال لها أنى منذ نزلت ابحث عنك بتلهف وشوق فقالت له حواء أنا منذ
نزلت الأرض في مكاني هذا لم أبرحه فورثت بناتها عنها هذه العادة فى كتمان محبتها والتظاهر بالدلال عليه
ها أنى منذ نزلت ابحث عنك بتلهف وشوق فقالت له حواء أنا منذ
نزلت الأرض في مكاني هذا لم أبرحه..
فورثت بناتها عنها هذه العادة فى كتمان محبتها والتظاهر بالدلال عليه

[بدرينا]

بركة الكلام في قلته
يعنى الكلام أحسنه ما قل ودل

[بدرينا]

حساب ولا كوار
حاسبني بنظام وزن أو كيل أو تقدر بإجمال والكوار معناه فرض ثمن للسلعة جمله

[رضا حسن محمد]

يلمها النمل ويطاها الفيل

[رضا حسن محمد]

تمر الفكى شايلو ومشتهى

[رضا حسن محمد]

شملة منوكدى ما عارف هى تلاتية وقدها رباعى

[رضا حسن محمد]

المابيك فى الضلمة يحدر ليك

[Ibrahim]

الفلجن خلهن اقرع الواقفات...!

[Ibrahim]

حقك تحرسو ولا بيجيك حقك تلاوي وتقلعو

[مدناوية]

المشتهي الحنيطير يطير،،،

[معتز حمدتو]

التسوي كريت تلقي في جلده ...
معني كلمة كريت

[بدرينا]

أبوك أمير وأبوي أمير مين بسوق الحمير
أبوك أمير وأبوي أمير فمن منا يسوق الحمير أي من منا يخدم صاحبه –
يضرب للمتكبرين الذين لم يتفضل إحداهما بأخذ الفضل والخضوع للأخر

[بدرينا]

أرجى سفيه و لا ترجى باطل
انتظر السفيه ليعقل ولا تنتظر الباطل لينعكس ( السفيه من يصرف أمواله في ملذاته و لا يلتفت إلي واجباته الدينية والادبيه أما الباطل فهو الذي يكون عالة على غيره )

[بدرينا]

خربانه من كبارها
حالة العداوة والبغضاء الظاهرة في الصغار موروثة من آبائهم وأمهاتهم

[عوض صقير]

القلب لو أباك
الوش بديك خبر

[مدناوية]

الكحة ولا صمة الخشم،،،

[مدناوية]

العترة بتصلح المشية،،،

[بدرينا]

خلى خشمه ملح ملح
ترك عذوبة ريقه مالحة من خجل او وجل (يعني حيَّرو)

[بدرينا]

خلى ريحته طير طير
ترك رائحته تشبه رائحة الطيور والمعنى أتعبه وضيق عليه – يضرب للفخر الممزوج بألشماته

[بدرينا]

الدين لو درهمين يسوِّد الخدين
تأكيدا لحكمة الدين هم باليل وذل بالنهار
(المديون ما بنوم)
اللهم أغننا عن الدين

[بدرينا]

المرة بدقوها باختها

[بدرينا]

القرش الأبيض لليوم الأسود .

يضرب للحث على عدم التبذير .

[بدرينا]

خبّو القُرَم الكبار لخيّكن آذار .

آذار هو شهر البرد وغالباً ما كان الفلاحون يخزنون الحطب (القرم ) لهذا الشهر

[عبدالرحيم سعيد]

ده شعرن ماعندي ليهو رقبه0أي مد كراعك علي قدر لحافك0]

[بدرينا]

كان جريت جري الوحوش غير رزقك ما بتحوش.

دلالة على أن الرزق مكتوب ومسطر

[بدرينا]

اسأل مجرب ولا تسأل طبيب
في هذا المثل ترجح الخبرة

[بدرينا]

الما بيشرب بايدو ما بيروي
حث للاعتماد على النفس

[بورتبيل]

يا بدرينا

الطشاش في بلد العِمِي شوف

[انيس التوم]

يا غريب خليك اديب

[انيس التوم]

تسوي كريت تلقى في جلدها

[ود قمر]

السواي ما حداث

[ود قمر]

جراداية في خشم دبيب..دبيب ما بعضي
وهو من امثال اهلنا بغرب السودان وهو يضرب عادة للاشخاص الذين يحبون معاكسة وضرر الآخرين فاذا شغلتهم بشي بسيط فلا خوفا عليك منهم.

[ود قمر]

اخوك كان حلقو ليه بل راسك

[انيس التوم]

تمر الفكي سيدو شايلوا ومشتهي
:cool:

[بدرينا]

رأسه ضارب
كناية عن الحيرة في توجيهه توجيها حسنا

[elmoiz]

التسوي كريت في القرض تلقى في جلدها

[ابوندى]

عينك في الفيل تطعن في ضلو
الكلام ليك يالمنطط عينيك

[قلب من ورق]

1 جبكيس والنبق الرخيس شن جدة في المخدة التنجيد ولا الكيس
يقال لو زول فجاه اهتم بي شي هو اساسا قدامو من زمان
2 الفلهمة العورة وشيل البطارية في القمرة
ودي افتكر واضحة
ودمتم

[جيفارا]

الخيـــــــــر في البقر

للأتي ذي ما قال أهلنـــــــــــــا الجنوبيين بنشرب لبنا و بناكل لحمها وشحمها بنعملوا ذيت ( وقود لحاجة كدا ذي الفانوس ) بنوروا بيها وجلدها بعملوا بيهوا شباشب وخيم والروث سماد حتي القرون يلبسوها لم يرقصوا يعني من الاخير كلوا شغال .

المهم المثـــــــل يطلق لمـــــا تلقي ليك واحد مامنو فايده ( الصديق السيئ ) أحسن ليك ترعا ابقارك

[بدرينا]

البنت المليحة خير من الصبي الفضيحة.

[بدرينا]

إن البعوضة تُدْمي مُقْلةَ الأسد

[بدرينا]

درب السلامة للحول قريب
أي أن الطريق الدي يوصلك بأمان مهما بعد وطال زمنه
فهو يعتبر الأقرب..

[بدرينا]

من خرج من دارو قل مقدارو
ويقال للشخص الذي يترك منزله ثم يتعرض للبهدلة

[بدرينا]

الموز بجيبك ياقرد
أو
كراع البقر جيابه
ويقال لمن له حاجة عند اخر

[بدرينا]

يدوك ليها مملحة تدورها يابسه
ويقال لمن يعطى شيئا ويرفضه ثم يندم علي رفضه ويبحث عنه مجددا

[بدرينا]

جني الفار حفار

وبقال لمن يشبه ابيه في الفعل ومثله ابن الوز عوام

[بدرينا]

زريبة المك .. البرة داير يدخل والجوة داير ينفك
ويقال لمن لايرضي بماناله من نصيب

[بدرينا]

ناس كفوت وناس لفوت هو يجي من الخلا وهي تجي من البيوت لايدن قوت ولايخلو كلمة تفوت
ويقال للمرأة التي تقضي كل يومها في بيوت الاخرين وتنسي بيتها وواجباتها ثم تكون في مناقره مع زوجها عند عودته

[بدرينا]

جهولة ام سكاسك

ويقال للمرأة الكبيرة في السن وتقلد النساء الصغيرات في تصرفاتهن

[بدرينا]

السمح سمح لو زرعوه عيش يقوم قمح

ويطلق كناية عن الجمال الفطري

[بدرينا]

العود لو مافيهو شق ما بقول طق


بمعني انه ليس هناك كلام ياتي من فراغ لابد ان يكون له اساس

[بدرينا]

اقول تيس تقولو احلبوهو

ويقال دلاله علي عدم الفهم من الشخص المستمع

[بدرينا]

العميان شايل المكسر

ويقال دلاله علي كثرة الحشد

[thola]

النار بتلد الجمر والجمر بلدي الرماد

يا الضامن الرجال يا ضامن المية فى الغربال (مثل نسائى حاقد)
الكلاب تنبح والجمل ماشى
الفشا غبينتو خرب مدينتو
الحوت ما بهددوه بالغرق

أبوك أمير وأبوي أمير مين بسوق الحمير

الخيروه حيروه

الاعرج ديروهو من الجقلو الجقلو ما مشى عرج

[بدرينا]

المي حار ولا لعب قعوي
مثل من غرب السودان يعني المويه الحاره مابتلعب فيها الضفادع

[بدرينا]

زي الدنيا
في تقلب حاله

[بدرينا]

يحلنا الحل بلة
مثل يطلقه الناس وقت الضيق والزنقة وتنسد الطرق السلمية لحل المشكلة
ويقال أن بلة رجل مجنون مربوط بالسلاسل في مسيد فقرا ..وكان علاجه الضرب
يوميا والإهانة من الفقرا والذلة حتى توفي على هذه الحالة!!
فأصبح المثل: يحلك الحل بلة من القيد والمذلة!!
والله أعلم

[بدرينا]

كان جادت: بخيوط العنكبوت تنقاد
وكان بخلت: تـغلب سلسل الحداد

[بدرينا]

البَرْدَانْ يْحَطِبْ
البردان يعني الذي يحس ببرودة الجو والحاجة الشديدة إلى النار والدفء.. ويحطب يعني يقوم فيجمع الحطب يوقد به النار ليحصل على الدفء .
يضرب مثلا لذوي الحاجة وأن عليهم أن يهتموا بها وأن لا يكلفوا غيرهم بالهتمام بشئ لا يهمهم ....

[ابوالنور]

تنقد الرهيفه انشاءالله ما تتلتق

[s3don]

اخوك كان عسل ماتلحسو كلو

[بدرينا]

الما شاف البحر تخلقو الترعة

[بدرينا]

البنات جزم وما بنقدر نمشى حفايا

[بدرينا]

خير الإخوان أقدمهم

[بدرينا]

جليس المرء مثله

[بدرينا]

قليل الفهم ياكل الكسرة قبال اللحم

[بدرينا]

الماشفتو في بيت امك بخلعك

[thola]

باب النجار مخلع وشعر المشاطة مقلع

[thola]

تجرى جرى الوحوش غير رزقك ما بتحوش

[thola]

مالنا ومال القراية ام دق

[thola]

شهر ما عندك فيه نفقة ما تعد ايامه

[thola]

سرارة اللعوت تتلاقى يوم الموت
قرابتكم كقرابة شجر اللعوت ما تلتقي أعواده إلا عند حرقها بعد قطعها كذلك انتم لا تلتقون إلا عند وفاة أحدكم في الصلاة عليه – يضرب في المبالغة في الجفا

[thola]

بخيت شكروه قال داك شهر تانى...
قيل أن عبدا اسمه بخيت رأى بين جماعة هلال رمضان دون غيره واراهم اياه فشكروه وشهدوا له بقوة الإبصار فاغتر بالشكر وقال داك هلال تانى ، يضرب لمن يدعى معرفة الشئ اكثر من الواقع المعتاد

[بدرينا]

باب النجار مخلع وشعر المشاطة مقلع


شكرا يا زولة على المشاركات الحلوة..
وحقيقة دا أحلى مثل مر علي خاصة الجزء التاني..
يلا المزيد
وتسلمي

[بدرينا]

العبد البضلع من شلوفتو

[بدرينا]

جرادة في سروال زول ولا بعضي
الا قعادا شين

[بدرينا]

دق الكلب في عين سيدو حقاره

[بدرينا]

ضلها فى الباقير وصابه فى ابو فريع

[بدرينا]

المابعرفك بجهلك

[عبدالرحيم]

المبتلحقو جديعو

[طلال الصول]

تمساح دار كلي الاماتو 99 ويكوس للرغام
يضر المثل للبال الطويل

[طلال الصول]

جيتك ياعبد المعين تعين لقيتك عاوز تتعان

[طلال الصول]

هاكونا ماتاتا
يعني عيش ايامك سعادة

[nahla abass]

الزول بونسو قرضو
جلداً ماجلدك جُر فيهو الشوك
الشراب بيد الرجال قُل
أبعد جنك من جني
الجن التعرفو ولاالجن المابتعرفو
التسوي كريت في القرض تلقى في جلده

[بدرينا]

الاقارب عقارب

[بدرينا]

الزعلا ن جرا بو يا بس

[بدرينا]

الر جا ل د نا قر ولا كبر عنا قر

[بدرينا]

الما كسا امه ما بكسى خا لته

[بدرينا]

البشيل السعن ببل ظهره

[بدرينا]

مسيح القطرا ن فى الصوف ما بلين الفروة

[بدرينا]

العند و كبير ما بقع فى البير

[بدرينا]

الثعلب ما بحر سوه بالغنم

[بدرينا]

التور كان وقع بتكتر سكاكينو

[بدرينا]

الكذب كان غداك ما بعشيك

[بدرينا]

الدرب حسود بلمك مع قاتل ابو ك

[بدرينا]

كان دقو ناس توم ناس بصل بد مد مو

[بدرينا]

العليك بد ر بيه

[طلال الصول]

الدنيا دبنقة دردقي بشيش

[طلال الصول]

ماقدرت على الحمار بتتشطر على البردعة

[طلال الصول]

عينك للفيل تطعن في ضلو

[طلال الصول]

البرقصو الدبيب بخاف من الحبل

[بدرينا]

فاس الما وراها ناس

[بدرينا]

الإبرة ماتشيل خيطين

[ابوالنور]

خربانه ام بنايتن قش

[مسافر]

الزمن رضاي و سداي
يعني كان زول ما جاك يقول ليك في المرض كفارة ما تزعل منو عشان الزمن رضاي يعني بكرةه يمرض و ما تمشي ليه و كدا تكون اتسكيت حقك او الزمن هو الاسد ليك ولا شنو؟؟؟؟؟؟؟؟؟؟؟؟؟؟؟؟

[مسافر]

قالو الفيك بادربو
يعني الزول لو فيه عيب تلاقية بادر اول باولا يتهم الناس او شخص محدد بعيبو الفيه

[مسافر]

قالو كتلوك ولا جوك جوك(قتلوك ولا جاواك جاواك
يعني اخير تقول لي مافي ولا كل يوم تقول لي بكره و بعد بكره

[بدرينا]

بلداً ما بلدك امشي فيهو عريان

[بدرينا]

جلداً ما جلدك جر فيهو الشوك

[بدرينا]

الفشا غبينتو خرب مدينتو

[بدرينا]

الصا بـرات روا بح ولـو يـجـن قـماح

[البراء]

رد الجميل صعب .
بليله مباشر ولا صبيحه مكاشر.
اعمل الطيب وارمي البحر وعنها قيل ان امراه كانت كتير ماتقول ذلك المثل الي ان اصبح زوجها يغتاز عند سماع ذلك ففي يوم قرر ان يرمي ذهبها في البحر ويري ماذا سيفعل ذلك المثل لها وخبرها بان هنالك ضيوف سوف يحضرون في اليوم التالي فاخبرته ان يحضر لها سمكا وعندما احضر السمك كانت ذلك السمك مقفولا وعندما قامت بتنظيفه وجدت الذهب داخل بطن السمكه وعندما راء زوجته مرتديه ذهبها عندها ادرك مقولتها وتاكد من صحتها.