مدناوي بالإنجليزي... ضيف ساخن على الكرسي الساخن [الأرشيف]

zoolfrda

10-03-2007, 07:34 PM

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مرة أخرى نلتقيكم في رحاب هذا الملتقى
http://www.asmilies.com/smiliespic/FAWASEL/048.gif (http://www.asmilies.com/)
ضيفنا اليوم أخ عزيز وغالي علينا..
يدخل إلى القلب بسلاسة وسرعة
ويحمل بين طياته الكثير الكثير
فيسعدنا جميعاً أن نستضيفه لأيام وأيام
بدءاً نتركه يتحدثاً قليلاً معرفاً بنفسه ..

http://www.asmilies.com/smiliespic/FAWASEL/053.gif (http://www.asmilies.com/)

فمن هو مدناوي بالإنجليزي ((Madanawi)) ؟
[]http://www.asmilies.com/smiliespic/FAWASEL/059.gif



<CENTER><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 431px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=8 scrollDelay=75 direction=up width=550 bgColor=#000000 height=431><CENTER>

<CENTER>

http://www.y1y1.com/u/uploads1/6060a6de56.jpg (http://www.y1y1.com/u)

</CENTER>

</CENTER>

</MARQUEE>
</CENTER>

http://www.arab-x.com/uploads/Feb-06/1463bfe683.jpg (http://www.arab-x.com/)
width="500" height="300"
http://www.arab-x.com/uploads/Feb-06/33ebf935d3.gif (http://www.arab-x.com/)

مدناوية

10-03-2007, 08:24 PM

هلا والله وغلا يامدناوى,,,
مرحب بيك في الكرسي الساخن,,,

نخليك تتوهط في الكرسي أول ,,,
وتاني بندأ الأسئلة,,,

لنا عودة,,,

وربنا يديم المعروف,,,

شبرقية

10-03-2007, 09:13 PM

اهلا بهالطله اهلا

عماد عبدالشكور

10-03-2007, 09:42 PM

يللا يا مدناوي وينك تعال اقعد وارجى الراجيك

Madanawi

10-03-2007, 09:55 PM

zoolfarda ، ماهذا يا فردة ، انها هجمة مرتدة ومفاجأة أحاول ان استوعبها ،،، احسب ان القادم هوأخونا الرائع ترتاترتاترتا باعتبار الترشيحات السابقة ،،،
على العموم مرحب بيكم يا حلوين ويا ريت الاسئلة تكون من النواعم بس عشان دي اكتر حاجة بتسخن الكرسي ،،، ولكل حديث بينهن بشاشة وكل قتيل بينهن شهيد ،،،

عماد عبدالشكور

10-03-2007, 10:12 PM

اخونا مدناوي
طبعا انا اول السائلين واتشرف بذلك
اسمك ؟
عمرك؟
من وين في مدني؟
وظيفتك؟
الحالة الاجتماعية ؟
هواياتك؟

شبرقية

10-03-2007, 10:24 PM

رجاءا ممنوع الزوغان زي ناس كدة
لماذاتكتب????
احلامك????
لما تقفل معاك بعد رب العالمين بتمش لمنو????
بتبكي متين????????

بجييييييييييييييك تاني

Madanawi

10-03-2007, 10:45 PM

يا نفحات مرحبتين ، اتوهطت تب ، الكرسي ده ياهو حق ودالمطامير وشبارقة ولا واحد جديد؟؟؟؟

هلا وغلا بشبرقية بنت الشبارقة ، وبنت اهلنا ناس شرق الله الباااااااااااااااااارد!!!

يا عمدة الرحمة حلوة - لكن انا زمان كنت جعلي وساحاول ان اكون عند حسن ظنكم انشاء الله
:D :D :D :D

عماد عبدالشكور

10-03-2007, 10:52 PM

يا مدناوي انت يا زول مالك بتتململ كدا اقعد في كرسيك المولع دا وجاوب على قدر السؤال

مدناوية

10-03-2007, 10:54 PM

مدناوي ,,, ما رأيك في المقولة:
(( التور لمن يقع بتكتر سكاكينو))

دي البداية ,,, والله يعينك على الجاي,,,

وربنا يديم المعروف,,,

Madanawi

10-03-2007, 11:57 PM

اخونا مدناوي
طبعا انا اول السائلين واتشرف بذلك
اسمك ؟
عمرك؟
من وين في مدني؟
وظيفتك؟
الحالة الاجتماعية ؟
هواياتك؟

عمدة بالانجليزي

شنو ياخي مليون سؤال مرة واحدة كده ما تقول لي البطاقة الشخصية عشان اقول ليك نسيتها في الامارات ،،، طيب يا معلم والله خير ما استهللت به بسم الله الرحمن الرحيم

معـــــــــــز طـــــــــــــــــه دفــــــــــــــــــع الله

عمري 32 سنة بس روحي لسه حوالين 19 كده

مدني كلها تبعنا يا معلم من اقصاها الى اقصاها بس اتولدت واتربيت في الدرجة وبركات السرايات " يعني ود عز يا معلم " وانشاء الله تكون عينك ما حاااااااااااااااااااااارة!!!
درست في الشرقية الابتدائية ومن ثم فريني المتوسطة ثم مدني الثانوية وبعد ذلك جامعة الخرطوم "اسكول اوف ماث " وكمان اتخرجت بي مرتبة الشرف يا اخونا والتوفيق من الله والحمد لله،
الوظيفة مبرمج ومحلل نظم واحمد الله اني حظيت بشركة تهتم بتأهيل موظفيها وتدريبهم والعمل على تطويرهم فحضرت العديد من الكورسات المختلفة في البرمجة والاوراكل ونظم التشغيل والشبكات وايضا ادارة الاعمال وتطوير المهام الاشرافية وتطوير الموارد البشرية وتقويم الاداء الوظيفي!! وهنالك العديد من الاشياء التي احمد الله عليها فوجدتها في طريقي وكانت خير عون وسند لي في حياتي العملية.... اعتقد انه كفاك ولا ازيدك يا عمدة ،،، خلاص ما تبقى طماع !!!!

هوايتي الاولى القراءة بس للاسف في الفترة الاخيرة اصبحت موجهه بشكل مخيف لكل ما يتعلق بالعمل وتطوير الاداء والبرمجيات وقواعد البيانات ، لكن برضو في تخريمات للمواضيع الاخرى،

ثانيا مشاهدة مباريات كرة القدم

Madanawi

11-03-2007, 12:14 AM

رجاءا ممنوع الزوغان زي ناس كدة
لماذاتكتب????
احلامك????
لما تقفل معاك بعد رب العالمين بتمش لمنو????
بتبكي متين????????

بجييييييييييييييك تاني

أكتب لان في الكتابة سلوى وسلوان وهي المذكرات وهي المفكرات وهي المرآة التي تعكس ما يحويه اللب من فكر وما يدور من بنات الافكار،،،،

حلمي الأول أن أري السودان دولة عظمي يهابها الجميع ويعمل لها الف حساب!!!

حلمي الثاني ان لا ارى قتل وهرج أو دمعة طفل يتيم أو أم ثكلى أو إمرأة أرملة نتيجة جبروت وتسلط أناس يرون في مقتل الجندي الامريكي ذنب لا يغتفر أما مقتل شعب فهو لهو وسمر ، كلما فتحت التلفاز لارى الاخبار رأيت وابل من النيران كالامطار!!!

حلمي التالت ان تصبح منتديات ودمدني صفوة بين قريناتها وان نوصل الشمس البعيدة ونبدأ عيدها ونزرع الحب البيوقد للنهاية....

لمن تقفل معاي استغفر الله واحمده واثني عليه فبذكر الله تطمئن القلوب!!

أبكي عندما أرى ظلما سافرا ولا استطيع ان احرك ساكنا ،
ابكي عندما اري الشباب يجتهد في تضييع اوقات ثمينة كانت كفيلة بعودة الاندلس والقدس وتاريخ سطره الاجداد باحرف من نور!!!

شبارقة

11-03-2007, 12:17 AM

جنت على نفسها براقش عندما ذهبت تناقش ..
أركز وخليك جعلي زي أخوك ..

Madanawi

11-03-2007, 12:30 AM

مدناوي ,,, ما رأيك في المقولة:
(( التور لمن يقع بتكتر سكاكينو))

دي البداية ,,, والله يعينك على الجاي,,,

وربنا يديم المعروف,,,

والله يا نفحات دي حقيقة وأنا بقول انه من الناس من تأخذه العزة بالاثم ويتحين الفرص لينقض على عزيز قوم ذل ، وانا بقول ان هذا ليس من الاسلام والاخلاق في شئ لانه مهما كنا على خلاف مع الاخرين فهنالك آداب للخلاف والتشفي والحقد لا تشبه ديننا ولا اخلاقنا الاسلامية الحميدة...

Madanawi

11-03-2007, 12:39 AM

جنت على نفسها براقش عندما ذهبت تناقش ..
أركز وخليك جعلي زي أخوك ..

يا زول ما قلت ليك انا جعلي بي كل الجهات والخواف ده مو حر منو نتبره،،،

لكن بس زي اخوك دي ما فهمتها ، افصح ابن يا ابن ابي شفلعة :) !!!!!!!!!

ود المطامير

11-03-2007, 12:43 AM

حبيب قلبى مدناوى
عندما رأتك عيناى لأول مره دمعتا
يا ترى ليه ؟

Madanawi

11-03-2007, 12:51 AM

يا عمدة الحالة الاجتماعية متزوج وعندي أحمد وآية ومروة ، ربنا يحفظهم ويحفظ اولاد الجميع وما تقول عجوز عشان أنا اتزوجت وعمري خمسة وعشرين سنة تيمنا بالمصطفي عليه الصلاة والسلام...

Madanawi

11-03-2007, 12:52 AM

يا عمدة الحالة الاجتماعية متزوج يعني عندي زوجة واحدة بس وعندي أحمد وآية ومروة ، ربنا يحفظهم ويحفظ اولاد الجميع وما تقول عجوز عشان أنا اتزوجت وعمري خمسة وعشرين سنة تيمنا بالمصطفي عليه الصلاة والسلام...

شبارقة

11-03-2007, 01:04 AM

قل وافصح:
الاسم بالكامل
المراحل التعليمية
أول غرام
أول خطاب غرام ، وما هي محتوياته
أول سفر خارج السودان
أول صديق
أول موقف صعب
أول فرحة حقيقية
أول موقف محرج

Madanawi

11-03-2007, 01:07 AM

حبيب قلبى مدناوى
عندما رأتك عيناى لأول مره دمعتا
يا ترى ليه ؟

أكيد خايف من الصور وانا عشان ما ازعلك رسلتهم كلهم للاخ zoolfarda وهو حر التصرف ومخير كان عاوز يرفعها في المنتدى ولا يلمها ويسكت ، ولا ما كده يا معلم؟؟؟؟؟؟

Madanawi

11-03-2007, 01:35 AM

قل وافصح:
الاسم بالكامل
المراحل التعليمية
أول غرام
أول خطاب غرام ، وما هي محتوياته
أول سفر خارج السودان
أول صديق
أول موقف صعب
أول فرحة حقيقية
أول موقف محرج

يا شبارقة انت شارب شاي تومتي مدنية باللبن عز الضهر ولا شنو؟

يا متمرد نص الاسئلة دي سألها أخونا الحبيب عماد بالانجليزي والاجوبة كانت بالعربي لكن شكلك انت حبوبتك فرنسية يا معلم!!!!!

لكن بجاوب ليك البقية !!!

أول غرام كان بنات الجيران " السمحات " معليش للجمع بس اخوك قلبو كبير والتنك بتاعي بشيل كان ثمانين كان تسعين جالون ده الديزل خليك من البنزين والغاز .....

والله اول خطاب غرام ده ما بذكرو ليك لكن كانو خطابات يشيب لهولها الشبان ومحتوياته كلها متشابهه نوع كتبت ليك وبيني بينك شوق عمر وفي الليلة ديك ولقيت اختك فوق الحيطة وحالا حالا حبيتها واواواواواواواواواوا..................

أول سفر خارج السودان كان لليمن لمدة سنتين نسبة لظروف عمل الاسرة ، لكن زرت دول تانية مثل الاردن ومصر والسعودية محل الاقامة الحالية والامارات العربية المتحدة.

أول صديق الاخ أيمن وهو صيدلي الان في مدني وكان جارنا ودرسنا الروضة معاً...

أول موقف صعب كان وفاة جدي رحمه الله واسالكم الدعاء له بالرحمة ، كانت وفاته قبل يومين من عودتنا من اليمن وكان اول فقد جلل في الاسرة فهو الكبير والكل اولاده وبناته ويلتفون حوله.

أول فرحة حقيقية كانت دخولي للمدرسة الابتدائية فقد كان ابن خالتي وصديقي يكبرني سنا ودخل المدرسة قبلي وكان يكيلني غيظا بدخوله المدرسة وانا ما زلت في البيت حتي اصبحت الح في دخول المدرسة وكان له الفضل في دخولي للمدرسة الابتدائية وانا في الخامسة من عمري واحمد الله اني تفوقت وواصلت مع زملائي ، وما التوفيق الا بالله..........

أول موقف حرج عندما رآني والدي احمل سيجارة وادخن وكنت حينها في الجامعة في السنة الاولي ، احسست ان الدنيا على وسعها تضيق لا خوفا منه فلم اعده جبارا ولا مخيفا بل على العكس ودود ويوجه ويربي بكل ما تحمل كلمة علمية من معني ، ولكن لما سيقع على دواخله من خيبة امل وتخيلت اول كلمة سينطق بها " يا خسارة تربيتي فيك " ولكن سبحان الله ما قاله كان ابلغ وافصح حين قال : انك لا تهدي من احببت ولكن الله يهدي من يشاء ، وفي اليوم التالي طلب مني ان لا البس قمصانه فقد قددتها جميعا بالسيجار..........

zoolfrda

11-03-2007, 02:10 AM

أكيد خايف من الصور وانا عشان ما ازعلك رسلتهم كلهم للاخ zoolfarda وهو حر التصرف ومخير كان عاوز يرفعها في المنتدى ولا يلمها ويسكت ، ولا ما كده يا معلم؟؟؟؟؟؟

العزيز الغالي

وأخو الأخوان

مدناوي بالإنجليزي

حقيقة كل الروعة وكل الصدق وكل المعاني جمعتم الصور

وانتظروها إن شاء الله

لكن يا معز طلب صغير

رجاء أرسل لينا صور أحمد وآية ومروة حتى نكتحل برؤياهم الغالية

عوض صقير

11-03-2007, 02:25 AM

أخونا
مدناوى

الكرسى منور بوجودك وليس بسخانته

ألف مرحب بيك
ونتمنى لك قعدة مريحة هبابية

لنا عودة

محمد السر احمد

11-03-2007, 02:38 AM

الاح العزيز معز طه ود بلدنا الحلوة بركات مرحب وحبابك عشرة في الكرسي الساخن و انشاء الله ما يكون ساخن
ولك كل التحايا

Madanawi

11-03-2007, 03:09 AM

الاح العزيز معز طه ود بلدنا الحلوة بركات مرحب وحبابك عشرة في الكرسي الساخن و انشاء الله ما يكون ساخن
ولك كل التحايا

اهلا بالحبيب ود السر وحبابك الف وما تنسى تمد التحية لي كل الاهل والاحباب

وللدعوة اللطيفة دي بقول ولا الضاليييييييييييييين

!!!

Madanawi

11-03-2007, 03:10 AM

أخونا
مدناوى

الكرسى منور بوجودك وليس بسخانته

ألف مرحب بيك
ونتمنى لك قعدة مريحة هبابية

لنا عودة

والله يا استاذنا الدنيا بتنور بي طلتكم الجميلة دي عشان تبرد الكرسي الملهلب دا ، حبابك يا عوض

rasheed

11-03-2007, 03:24 AM

تحياتي الشديدة يا مدناوي أب أحمد آكل المناديل
أول مرة أعرف أنك غادرت جدة إلى الأمارات ،،
ما بين السعودية والأمارات رونق شباب ضاع
وأتوجدت رغباتة المادية فقط في الغربة
ومضى عمر الزهور من أجل مسئولية حملتها وأنت صغير في سني عمرك
كيف كانت في نظرك هذه الفترة لو لم تكن هذه المسئولية المبكرة 0
مع تحياتي للأسرة وناس الأمارات 0

عماد عبدالشكور

11-03-2007, 03:37 AM

اول حاجة ماشاء الله و ربنا يحفظهم
تاني حاجة ام اولادك الحلوين ديل شفتها وين واتعرفت عليها كيف و.....و.....و......و...................

بورتبيل

11-03-2007, 03:41 AM

الغالي : مدناوي .... ربنا يقدرك على الكرسي الحار دا

وانا اشتقتا ليك ... ولله اشتقتا ليك ..يا نور صباحي ومشتهيك
سؤال واحد بس
لقيت شنو في قعدة الكرسي دي

مدناوية

11-03-2007, 03:49 AM

ماشاء الله ,,, تبارك الله ,,,
ربنا يحفظهم ليك ولي أمهم يامدناوي,,,

سؤال يامدناوي ,,, جاوب عليه بكل صراحة,,,
أول يوم وصلت دبي,,, كنت سهران وين؟؟؟

Madanawi

11-03-2007, 03:58 AM

تحياتي الشديدة يا مدناوي أب أحمد آكل المناديل
أول مرة أعرف أنك غادرت جدة إلى الأمارات ،،
ما بين السعودية والأمارات رونق شباب ضاع
وأتوجدت رغباتة المادية فقط في الغربة
ومضى عمر الزهور من أجل مسئولية حملتها وأنت صغير في سني عمرك
كيف كانت في نظرك هذه الفترة لو لم تكن هذه المسئولية المبكرة 0
مع تحياتي للأسرة وناس الأمارات 0

يا سلاااااام يا الرشيد - والله ليك وحشة يا معلم ، من يوم ما مشيت الرياض وانت عامل حمد لبد لكن خبرك عندي يا حبة...

انا يا باشا مشيت الامارات خمسة يوم وجيت راجع بمناسبة زواج اخونا الطيب سعد والان انا رجعت جده تاني - انت ما عارف جدة غير وانا ما بقدر امرق منها كتير الا للسودان بس ،

سؤالك عن المسئولية المبكرة والغربة ده انا ممكن اكتب فيهو كتب عدييييل يا الرشيد وانا ما عارف السؤال ده انت جبتو من وين ؟ وصدقني احسن حاجة الواحد يقولها - الحمد لله الذي بنعمته تتم الصالحات لانه المسئولية وان كانت مبكرة بحكم اني اكبر واحد بين اخوتي واخواتي فهي تصقل شخصية الانسان وتجعل منه شخصاً قوياً يجابه ويلات الحياة بكل قوة وحكمة وخبرة كما انها تجعل من الانسان مسؤلا وتساهم بقدر كبير في نجاحه وتكوين مدارك مشرقة في حياته وتضعه في الطريق الصحيح ما دام قادرا على العطاء ويتمتع بالطموح والتوفيق من عند الله عز وجل.

أما الغربة فانا بقول انها سلاح ذو حدين اما ان تكتسب منها المال والمعرفة والخبرة العملية والحياتية ، أو انك تضيع زمنك خلف آمال قل ان تحدث وظروف سيئة احسن منها بكثير العودة للوطن وان كانت الموارد شحيحة . وانا شخصيا بقول انها ولله الحمد اضافت لي الكثير ولم تأخذ فقط زهرة العمر ورونق الشباب. فبخلاف الناحية المادية انا وجدت نفسي في عملي و احمد الله انني تطورت مقدراتي العملية بصورة لا احسب انها ستكون بهذه السرعة في اي مكان في السودان ، كما ان السعودية بلد يكثر فيه ذكر الله و الحرمين الشريفين مرة حجة ومرة عمرة ومرة صلاة بالف صلاة ومرة بمائة الف صلاة وربنا يتقبل من الجميع،،،،،،،،،،،،

صدقني عزيزي الرشيد الكلام يطول ويطول واحسن حاجة الموضوعين ديل تعمل ليهم بوستين منفصلين

الغـــــــــــــــــــــــــــــــــــــــــــربة

و

المسئولـــــــــــــــــــــــــــــــــــية

ود المطامير

11-03-2007, 04:24 AM

أكيد خايف من الصور وانا عشان ما ازعلك رسلتهم كلهم للاخ zoolfarda وهو حر التصرف ومخير كان عاوز يرفعها في المنتدى ولا يلمها ويسكت ، ولا ما كده يا معلم؟؟؟؟؟؟
هههههههههههههههههههههههه
لا ما كدا يا معلم وإنت عارف وأنا عارف
وهسى بخليك شويه وبجيك راجع أتسدى
قلاقلك فينى كلها بتتذكرها ؟
الخرطمية إسم دولك , ما تقول إتلاقينا
وإتشاوفنا شوف الولهان والمنا , أصبر
لى بتسدى فيك .
أخوك المحب ... أنا .... أنا ... أنا

Madanawi

11-03-2007, 04:25 AM

اول حاجة ماشاء الله و ربنا يحفظهم
تاني حاجة ام اولادك الحلوين ديل شفتها وين واتعرفت عليها كيف و.....و.....و......و...................

يا عمدة سكيتني سك الجن لكن ما بزوق زي اخونا - أنا ما زمان كنت جعلي يا حبة،،،،،،،،،،،،

شوف يا معلم المدام اخوها دفعتي في الجامعة وصديقي والمواضيع اتجرجرت بعد داك..........

Madanawi

11-03-2007, 04:27 AM

ماشاء الله ,,, تبارك الله ,,,
ربنا يحفظهم ليك ولي أمهم يامدناوي,,,

سؤال يامدناوي ,,, جاوب عليه بكل صراحة,,,
أول يوم وصلت دبي,,, كنت سهران وين؟؟؟

في سيتي سنتر ومنها الى الشارقة وعرجت بسرعة كده عى الكراج!!!

ود المطامير

11-03-2007, 04:27 AM

ماشاء الله ,,, تبارك الله ,,,
ربنا يحفظهم ليك ولي أمهم يامدناوي,,,

سؤال يامدناوي ,,, جاوب عليه بكل صراحة,,,
أول يوم وصلت دبي,,, كنت سهران وين؟؟؟

هع هع هع هع هع هع

Madanawi

11-03-2007, 04:30 AM

الغالي : مدناوي .... ربنا يقدرك على الكرسي الحار دا

وانا اشتقتا ليك ... ولله اشتقتا ليك ..يا نور صباحي ومشتهيك
سؤال واحد بس
لقيت شنو في قعدة الكرسي دي

مرحبتين ني الحبيب بورتبيل - بالجد انت ليك وحشة يا غالي والشوق شققنا يا حبة ،،،

في الاول حاولت استوعب الموضوع وبعدين لقيت عجاج وتراب خلاهو شبارقة لكن في الاخر بزيارتكم وترحيبكم لقيت في السما نجمة !!!!

عماد عبدالشكور

11-03-2007, 04:59 AM

يا مدناوي دفعتك في الابتدائي منو ؟
وفي المتوسطة منو ؟
وفي الثانوي منو ؟

جاوب على ديل وبمشي و اجيك

Madanawi

11-03-2007, 05:33 AM

يعني يا عمدة ما دايرني اقول اسامي الشعب الصيني واحد واحد ولا اقول ليك اسامي المليون شهيد بتاعين الجزائر - يا زول من كل بستان زهرة ارح!!

الابتدائي :

محمد مصطفي ، ايمن يحي وداد ، وليد الحضري ، مزمل ابو سنون ، حسن عبدالله وكثيرين غيرهم...

المتوسطة:

محمد ابوزيد ، عمر حاج عبيد ، زهير الصائم واواواواوا

الثانوية :

الطيب سعد ، خالد العبد ، حسام الحوري ، عمار سعيد ،اسامة بلة ، محمد حسن واواواواوا

امير عبدالباقي

11-03-2007, 07:44 AM

الاخ مدناوي
لك الف تحيه وانت تجلس علي الكرسي الساخت ويبعد عنك ودالمطامير وابورجاء وشبارقه
سوالي لقد قراءت مواضيع او مشاركات وردود للاخوه الذين اجتمعت بهم بالامارات هل كان
لديك انطباع عن شخصياتهم او وضعت لهم صوره في عقلك قبل ان تقابلهم وكيف وجدت الصوره
مطابقه او مختلفه
ودالمطامير
نزار ودحسن
المسافر
زول فرده
ناسا
والعقد الفريد
برجع ليك تاني

ود المطامير

11-03-2007, 08:53 AM

الاخ مدناوي
لك الف تحيه وانت تجلس علي الكرسي الساخت ويبعد عنك ودالمطامير وابورجاء وشبارقه
سوالي لقد قراءت مواضيع او مشاركات وردود للاخوه الذين اجتمعت بهم بالامارات هل كان
لديك انطباع عن شخصياتهم او وضعت لهم صوره في عقلك قبل ان تقابلهم وكيف وجدت الصوره
مطابقه او مختلفه
ودالمطامير
نزار ودحسن
المسافر
زول فرده
ناسا
والعقد الفريد
برجع ليك تاني
يبعدنا منو كيف يا أمير ؟
أصبر لينا لمّا نروق ويروق بس

الفارس البنفسجي

11-03-2007, 09:09 AM

مرحب بيك يا عزيزنا مدناوي بالإنجليزي
الكرسي شكلو لحد الآن ما سخن بيك وشكلكها النار الفيهو أكلوها ناس ودالمطامير وشبارقة في لحمهم ساااااااي لكن خلينا نهبهب ليك النار دي عشان الرماد الفيها دا يطير شوية وتسخن قبل ما يجي حبيبنا ابودجانة ينجضك نجاض:-
أولاً : مدناوي دي معناها شنو؟
ثانيا: الحياة الزوجية لقيتها زي ما أتخيلتها؟
ثالثاً : ياترى من واقع التجربة الحب قبل الزواج بجي من وراءهو؟
رابعاً : من هم ناس وليع النيران في المنتدى ؟
خامساً : لديك ثلاث وردات لمن تهديها من أعضاء المنتدى؟ولماذا؟
سادساً : رايك شنو في العرس الجماعي؟ والرجال البعرسوا اكتر من واحدة؟
سابعاً : لو في يوم دخلت على المنتدى وجاءتك رسالة انك غير مسجل في المنتدى والمنتدى دا مابعرفك ، حا تعمل شنو؟.

والبقية في الطريق إليك

ابوالنور

11-03-2007, 09:52 AM

مدناوي
كيفك
اخبارك
وليداتك
بنياتك
حبوبتك
جكسويتك
جيرانك
كفيلك
بعين الشنطه الفي ضهرك دي بتنزلا لينا متين

وبجيك تاني

Madanawi

11-03-2007, 12:51 PM

مدناوي
كيفك
اخبارك
وليداتك
بنياتك
حبوبتك
جكسويتك
جيرانك
كفيلك
بعين الشنطه الفي ضهرك دي بتنزلا لينا متين

وبجيك تاني

مرحب بالغالي ابو النور والله هلت البشاير
يا حبة ده كمبيوتر بورتابل والصورة دي كانت في مركز تجارة دبي اثناء معرض جيتكس للكمبيوتر في اكتوبر من السنة الماضية ونزلتها طوالي اول ما وصلت الفندق وسجلت البيانات الاخدتها من المعرض وده كان برنامجي كل يوم من ايام المعرض عشان كتبت فيها تقرير وسلمتو للادارة...

Madanawi

11-03-2007, 12:54 PM

يبعدنا منو كيف يا أمير ؟
أصبر لينا لمّا نروق ويروق بس

الله يستر منك انت يا متمرد ، لكن انا عندي ليك انت بالذات صواريخ مضادة للطائرات بتطلع في الوقت المناسب ، واوعك تكون لسه رايح لانو نزتر البيوصف ليك الطريق ويرمي ليك الاشارة هسه في السودان...

Madanawi

11-03-2007, 01:04 PM

الاخ مدناوي
لك الف تحيه وانت تجلس علي الكرسي الساخت ويبعد عنك ودالمطامير وابورجاء وشبارقه
سوالي لقد قراءت مواضيع او مشاركات وردود للاخوه الذين اجتمعت بهم بالامارات هل كان
لديك انطباع عن شخصياتهم او وضعت لهم صوره في عقلك قبل ان تقابلهم وكيف وجدت الصوره
مطابقه او مختلفه
ودالمطامير
نزار ودحسن
المسافر
زول فرده
ناسا
والعقد الفريد
برجع ليك تاني

الجبيب ود الطائف البرنس ، هلا وغلا والله

طبعا الصورة ما كانت مطابقة لما رايته لكن كل واحد اختلافه يتباين عن الاخر،،،
ود المطامير ده انسان ظريف جدا وبسيط وما تشوف الفصاحة دي والله قلبه ابيض من الشب وراجل اخو اخوان.
نزار حسن عمدة وجاري طوالي في حوائج الناس ومتواضع لدرجة انه يحرجك برقي تعامله...
المسافر راجل لذيذ جدا وحبوب وكمان ود بلد اتمنى له التوفيق وان يسدد الله خطاه فهو بالجد اهل للثناء والدعاء....
اما زول فردة الرائع لو ما كان اسمه زول فردة انا كنت سميتو بالاسم ده وحقيقة الراجل اتحمل وتحامل على نفسو وجاء للملتقي رغم انه كان شايل معاهو تموين المناديل بتاع ابوظبي لمدة شهرين ولم يتركنا حتى خلص على كل المناديل وانا بقول ليهو اجر وعافية ومشكور على كل شئ يا رائع...وانا بهديه تحية ومناديل كلينكس.....
الاخ ناسا التقيته على عجالة ولكن بصراحة احسست اني اعرفه من مده فهو بالجد انسان حباه الله بكل الهدوء والحكمة وقرأت في عينيه سر يبوح بالصداقة الحميمة والاخوة الصادقة فلك مني كل التحايا يا ناسا ودمت بكل الود....

Madanawi

11-03-2007, 01:40 PM

مرحب بيك يا عزيزنا مدناوي بالإنجليزي
الكرسي شكلو لحد الآن ما سخن بيك وشكلكها النار الفيهو أكلوها ناس ودالمطامير وشبارقة في لحمهم ساااااااي لكن خلينا نهبهب ليك النار دي عشان الرماد الفيها دا يطير شوية وتسخن قبل ما يجي حبيبنا ابودجانة ينجضك نجاض:-
أولاً : مدناوي دي معناها شنو؟
ثانيا: الحياة الزوجية لقيتها زي ما أتخيلتها؟
ثالثاً : ياترى من واقع التجربة الحب قبل الزواج بجي من وراءهو؟
رابعاً : من هم ناس وليع النيران في المنتدى ؟
خامساً : لديك ثلاث وردات لمن تهديها من أعضاء المنتدى؟ولماذا؟
سادساً : رايك شنو في العرس الجماعي؟ والرجال البعرسوا اكتر من واحدة؟
سابعاً : لو في يوم دخلت على المنتدى وجاءتك رسالة انك غير مسجل في المنتدى والمنتدى دا مابعرفك ، حا تعمل شنو؟.

والبقية في الطريق إليك

حبيبنا الفارس البنفسجي حبابك الف واحكيك وازيد القول ولف
مدناوي يا حبيبنا من تمدن يتمدن فهوم مدناوي نسبة الى اروع بقعة على الارض مدني مدينة التمدن والثقافة ورائدة الحركات الثقافية والسياسية والرياضية ومنها خرج مؤتمر الخريجين نواة المقاومة السياسية في السودان والجهاد الفكري ضد الاستعمار حتي تحقق للسودان استقلاله.

الحياة الزوجية لقيتها افضل بكتير مما اتخيلتها وانصح كل عازب او عازف عن الزواج بالاسراع ودخول الشبكة حتي يلحق بركب الثورة الالكترونية فهي الاستقرار والسكن والحياة المنظمة ولن ابالغ ان قلت ان نظرة الانسان للحياة تختلف كثيرا عنها قبل الزواج...

الحب يا عزيزي ليس مرتبطا بالزواج فقط او قبله وحتي بعده ، الحب احساس جميل بالاخرين واحساسهم بك وهو الطاقة التي تزود الانسان بالامل والذي لولاه ما نعمنا بلحظة نعيشها ابدا،،،

كل الناس في المنتدي حلوين وان اشعلوا النيران فالكل يعشق الكل ومن هنا تبدأ نيران الشوق والحب والوله فما ان اشعلوا النيران تراهم يتسارعون لاخمادها فقد ادت الغرض منها ولا اخفيك سرا ان قلت ان الصيد في الماء العكر اصعب منه في الماء النقي الصافي ،،،

العرس الجماعي هو حل لمشكلة نفقات الزواج الباهظة والتي لا ارى لها مبررا ، ومن وجهة نظري المتواضعة اعتقد انها فكرة جيدة طالما انها تساعد الكثيرين على اكمال نصف الدين والله يقدرهم على النص التاني...

تعدد الزوجات وما ادراك ما تعدد الزوجات ، طبعا ده كلام جميل وسؤال ظريف فانا لا ارى ضير من تعدد الزوجات ففيه حل لمشكلة العنوسة نسبة للتزايد الملحوظ في عدد النواعم وديل يجيبو ليهم عرسان من وين لو ما تعددت الزوجات للرجل وانا شخصيا اري انه لا ينتقص من سمو الزوجة الاولى في شئ ان هي تفهمت ذلك، انت ناويتدبل ولا شنو يا حبة؟؟؟؟؟؟

طالما انها وردات فهي بالتاكيد من نصيب النواعم وانا بهديها لين كلهن خصوصا ونحن نحتفل بيوم المراة العالمي ومن هنا بقول ليهن كل سنة وانتن بخير وفايضين حنان عشان الرجال ينهلو فيستقيمو،،

لو المنتدي نكرني ما اظن في مكان تاني القى فيهو مدناوي عشان كده ساحاول مرة واتنين وتلاتة وعشرة وخمسين والف واواواواواواوا حتي اجد نفسي جوه الجك مرة تانية،،،،

بلادي وان جارت علي عزيزة واهلي وان ضنو علي كرام ، والعرجاء لي مراحها يا حبة ، وسيبو الزمن بجيبو، غيب وتعال تلقانا نحنا يانا نحنا ،،،

شبارقة

11-03-2007, 09:10 PM

ما رأيك في:
علوية بت الحاج
حلة المطامير
حواء ست المريسة
حميدان غناي الهوج والسافل
التاية الدعاية
العمدة
؟؟؟؟

رضا حسن محمد

11-03-2007, 09:13 PM

الذيذ مدناوى
هل فى البال انك تتزوج تانى ؟ جاوب بدون خوف
سوال تانى
ناس عايلتكم وانت منهم كلكم دمكم خفيف ..... السر شنو
سلام يا اخو

Madanawi

11-03-2007, 10:07 PM

ما رأيك في:
علوية بت الحاج
حلة المطامير
حواء ست المريسة
حميدان غناي الهوج والسافل
التاية الدعاية
العمدة
؟؟؟؟

علوية بت الحاج نموذج للمرأة الطيبة المغلوبة على امرها والتي وقع عليها ظلم ذوي القربى وهو اشد انواع الظلم، والله يسامحك يا الفي بالي ،،،،،،،،،

حلة المطامير ما شفتها عيانا لكن من مسخرتك انت وود المطامير اقتبست البساطة والحياة الريفية الجميلة ، انشاء الله ربنا يوعدنا بزيارتها يوما من الايام،،،،،،،،،،،،
اها ست المريسة دي برجع سؤالك ده لك وللاخ ود المطامير عشان انا ما من ناسها بتاتاً،،،
الواضح من اسمه غناي الهوج فهذا دليل على انه لا علاقة له بالغناء البته ، وشكلي انا بغني احسن منو ، هو بيغني لللهوج فيطربهم وانا بغني للجكس فيتمايلون رقصاً،،،،
التاية الدعاية احسن نستشير ابودجانة في الموضوع ده،،،،،،،،،،،
العمده تعب معاكم وانا لو محلو كان طلبت من الحيكومة يشغلوني شيخ قفر لانو العمودية جابت لي الهوا ،،،، والشهرة برضك ليها مساوئ وضريبتها اتقل من البتشيلها السفارة السودانية في جدة،،،

Madanawi

11-03-2007, 10:10 PM

الذيذ مدناوى
هل فى البال انك تتزوج تانى ؟ جاوب بدون خوف
سوال تانى
ناس عايلتكم وانت منهم كلكم دمكم خفيف ..... السر شنو
سلام يا اخو

اللذيذ رضا ،

والله يا حبة سؤالك ابدا ما لذيذ لكن ياهو حال النصيبة المسخنة دي الواحد مضطر يجاوب ،،،

كل الرجال في بالهم يتزوجوا تاني وانا وانت من هذه القبيلة وكان لقيت الفرصة اقبض وما تفك يا حبة،،،

والله يا رضا الدم الخفيف ده مسخرة وقلة شغلة ساكت لكن زمان حبوبتنا كانت بتسقينا موية السكر اها الوزن يتقل والدم يخف لمن بقينا كلنا زي نسيم حميد - وزن الريشة

samah

11-03-2007, 10:53 PM

الاخ معز تحياتي ..................هل تسمح بمشاركة زوجتك في المنتدي ?اذا الاجابة نعم.................لماذا هي ليست هنا...................عليك الله شيل صور العسل ديل بسحروهم(ماشاالله)

مصريه

11-03-2007, 11:57 PM

حبابك عشره في الكرسي الساخن
وربنا يعينك

مدناوية

12-03-2007, 12:05 AM

مدناوي ,,, مارأيك في الأتي,,,
الشكلاته البيضاء؟؟؟
الشكلاته بالحليب؟؟؟
الشكلاته السودااااااااااااء؟؟؟

وربنا يديم المعروف,,,

ابوالنور

12-03-2007, 12:08 AM

مرحب بالغالي ابو النور والله هلت البشاير
يا حبة ده كمبيوتر بورتابل والصورة دي كانت في مركز تجارة دبي اثناء معرض جيتكس للكمبيوتر في اكتوبر من السنة الماضية ونزلتها طوالي اول ما وصلت الفندق وسجلت البيانات الاخدتها من المعرض وده كان برنامجي كل يوم من ايام المعرض عشان كتبت فيها تقرير وسلمتو للادارة...
تسلم والله يا راقي
وعليك الله وتاني عليك الله كان ما عضيت لي اولادك العسولين وربنا يحفظم ليك انشاءالله

عماد عبدالشكور

12-03-2007, 12:10 AM

اخونا مدناوي جاوب على الاسئلة دي وبمشي وبجيك

1-بتجاوب على الاسئلة بسرعة وبصراحة ولا بتفكر اول وبتحاول تتجمل وتظهر بصورة حلوة قدام الناس ؟

2-باقة ورد لمن تهديها

3- باقة شوك لمن تهديها

4- اسوأ خبر سمعته

5- شخص لاترفض له طلبا

6- ما هي التجربة التي لا تتمنى تكرارها

7- ماهي التجربه التي تتمنى تكرارها

8- من هو توأم روحك

9- ماهو اكثر شئ تخشاه

10- مالذي يشعرك بأكثر قدر من الحرج

11- ما هو أفضل كتاب قرأته حتى الأن

12- حمامة زاجل استقرت على نافذتك تحمل رسالة من مجهول فمن تتمنى ان تكون

13- جريمه تتمنى ارتكابها

14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة

15- كلمه اخيره .. بعد ان اصابك الملل

والتحية لك ايها المدناوي يا ود جيرانا سابقا

بورتبيل

12-03-2007, 12:23 AM

مدناوي بالانجليزي:
ولله ولله ابدعتا في الكرسي الحارد دا ... ووريت الناس فنون وفنون ... وكلامك كلو عسل (مش ذي ناس كدا) قعدو وقامو ما فهمنا منهم حاجة ....
ابداع وابداع يا مدناوي
وواصل يا رائع

عماد عبدالشكور

12-03-2007, 01:05 AM

اذا واحد ضرب ليك تلفون في البيت وسالك دا بيت فلان ،، رديت عليهو قلت ليه لا دا ما بيت فلان ،، قال ليك طيب لما دا ما بيت فلان بترد ليه ،،

بتقول ليهو شنو؟؟؟؟؟؟؟

Madanawi

12-03-2007, 01:16 AM

مدناوي بالانجليزي:
ولله ولله ابدعتا في الكرسي الحارد دا ... ووريت الناس فنون وفنون ... وكلامك كلو عسل (مش ذي ناس كدا) قعدو وقامو ما فهمنا منهم حاجة ....
ابداع وابداع يا مدناوي
وواصل يا رائع

والله يا حبة كلامك ده وضع المسئولية مضاعفة على عاتقي وانشاء الله اكون عند حسن ظنكم ، والروعة جاية منكم وليكم وبدونكم ما في ولا الراء من روعة ودمت يا حبة ،،،،،،،،،

Madanawi

12-03-2007, 01:22 AM

الاخ معز تحياتي ..................هل تسمح بمشاركة زوجتك في المنتدي ?اذا الاجابة نعم.................لماذا هي ليست هنا...................عليك الله شيل صور العسل ديل بسحروهم(ماشاالله)

العزيز الاحيمر

لك التحية والود ، لو كان المشاركة في المنتدي ينتقص من قدر الانسان ما اشتركت فيهو انا ولا انت ولا كل الناس الحلوين يا معلم ، فانا ديمقراطي في البيت والعمل ومؤمن بهذا المبدأ ، اما لماذا هي ليست هنا لانها علاقتها بالكمبيوتر تقتصر على احتياجاتها التي تحددها هي حسب اولوياتها وبالتالي الكمبيوتر بالبيت موجود والانترنت موجود ولم يتبقى الا ان تحرك هي سواكنها!!!

يا جماعة العسل ديل اشيل صورهم ولا اخيلهم وتقولوا ماشاء الله؟؟؟؟

Madanawi

12-03-2007, 01:24 AM

حبابك عشره في الكرسي الساخن
وربنا يعينك

بنتنا الرائعة بنت مصر المؤمنه بي اهل الله ، حبابك والله ، وللدعوة الجميلة دي انا بقول ولا الضالين ، ،،

Madanawi

12-03-2007, 01:26 AM

مدناوي ,,, مارأيك في الأتي,,,
الشكلاته البيضاء؟؟؟
الشكلاته بالحليب؟؟؟
الشكلاته السودااااااااااااء؟؟؟

وربنا يديم المعروف,,,

عموما لا احب الشوكولاتة بكل انواعها والعجيب ان اولادي لا يحبونها ايضا ويبدولي ان الجينات شغالة كويس ، اما الحليب فانا اعتبره من الوجبات المفضلة لدي ولابنائي كمان ، انت شكلك بتحبي الشكولاتة وسمينة زي تايسون صح؟؟؟؟؟

عماد عبدالشكور

12-03-2007, 01:27 AM

حبيبنا مدناوي
عارف نفسي كترت عليك وزهجتك عدييييييل كدا بالاسئلة
وعارفك حسي قاعد تقول عماد دا ظهر لي من وين
لكن اعمل شنو كان ما حبيناك ما سألناك
يللا شد حيلك وخليك زي ما قال اخونا بورتبيل

مدناوي ماذا تفعل لو كنت :-
1/ رئيسا للجمهورية
2/واليا للجزيرة
3/ وزيرا للشباب والرياضة
4/ وزيرا للثقافة
5/ وزيرا للعمل
6/وزيرا للثروة الحيوانية
7/مديرا لمشروع الجزيرة
8/مديرا لحديقة ام بارونة
9/ امينا لجهاز المغتربين
10/ مواطن بسيط وفقير وعندك 10 ابناء

Madanawi

12-03-2007, 01:28 AM

تسلم والله يا راقي
وعليك الله وتاني عليك الله كان ما عضيت لي اولادك العسولين وربنا يحفظم ليك انشاءالله

يا جماعة الاولاد ديل دايرين يعملوا علي انقلاب ويورثوا الكرسي المصيف ده ولا شنو ، موش كفاية التلفزيون في البيت اصبح اسبيس توون وام بي سي 3 ؟؟؟

Madanawi

12-03-2007, 01:58 AM

اخونا مدناوي جاوب على الاسئلة دي وبمشي وبجيك

1-بتجاوب على الاسئلة بسرعة وبصراحة ولا بتفكر اول وبتحاول تتجمل وتظهر بصورة حلوة قدام الناس ؟

2-باقة ورد لمن تهديها

3- باقة شوك لمن تهديها

4- اسوأ خبر سمعته

5- شخص لاترفض له طلبا

6- ما هي التجربة التي لا تتمنى تكرارها

7- ماهي التجربه التي تتمنى تكرارها

8- من هو توأم روحك

9- ماهو اكثر شئ تخشاه

10- مالذي يشعرك بأكثر قدر من الحرج

11- ما هو أفضل كتاب قرأته حتى الأن

12- حمامة زاجل استقرت على نافذتك تحمل رسالة من مجهول فمن تتمنى ان تكون

13- جريمه تتمنى ارتكابها

14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة

15- كلمه اخيره .. بعد ان اصابك الملل

والتحية لك ايها المدناوي يا ود جيرانا سابقا

يا عمدة ما تديني فرصة اقول ليك اسامي الشعب الصيني والمليون شهيد بتاعين الجزائر!!

1- شوف يا معلم انا ما بفكر كتير والفي بطني بطلعوا طوالي عشان المصداقية هي اساس نجاح فكرة البمبر الملهلب ده ، وانا بتعامل مع اسئلة الجميع من هذا المنطلق والا فالصورة ستنعكس مقلوبة وما اظن تتصلح الا بي ناس الهيلاهوب...

2- باقة الورد اهديها لكل النواعم المعانا في المنتدي وخارج المنتدي بمناسبة يوم المرأة العالمي.

3- باقة الشوك اهديها لكل ظالم ، جائر ، مستعمر ومستهتر.

4- أسوأ خبر سمعتو دخول قوات دولية للسودان برغم تحفظاتي الكبيرة على النظام في السودان...

5- آية معز - لا ارفض لها طلبا ابدا وهذا يسبب مشاكل عندي في البيت وربنا يحفظها ويحفظ لي الاسرة اكملها...

6- تجربة لا اتمني تكرارها - الغربة بالرغم من الايجابيات التي وجدتها فيها!!!

7- تجربة اتمنى تكرارها - جامعة الخرطوم والدراسة فيها بس للدراسات العليا...

8- توأم روحي هي بالتاكيد زوجتي ومعظم التفاصيل الحياتية مشتركة بيننا...انا وهي والنجم والمساء

9- أكثر شئ اخشاه غضب الله علي وسخطه - والعياذ بالله!!!

10- اكثر قدر من الحرج احسه عندما اكون في موقع مساعدة ولا استطيع ان اقدم العون المرجو!!

11- أفضل كتاب قرأته حتي الان هو العبقريات للعقاد...

12- رسالة جابتها حمامة زاجلة - اتمني ان تكون من المهندس القاعد يبني لي في بيتي في الخرطوم يقول لي انتهينا وما ترسل تاني قروش..........

13- لا اتمني ارتكاب اي جريمة ولا احث ايا منكم ان يفكر في مثل هذا التفكير السلبي - اذا كان ولا بد اسحب شريط اخونا شبارقة من المنتدي...

14 ارسم بالفحم مدينة ودمدني واكتب اسفل منها - أجمل خبر......

15- لم يصيبني الملل بعد - كلمة اخيرة ، ارجوا من الجميع ان ينظروا امامهم وأن لا ينظروا تحت أقدامهم فالنظرة البعيدة والمستقبل هما الى الأمام اما النظر تحت الاقدام فهو محلك سر!!

Madanawi

12-03-2007, 02:23 AM

حبيبنا مدناوي
عارف نفسي كترت عليك وزهجتك عدييييييل كدا بالاسئلة
وعارفك حسي قاعد تقول عماد دا ظهر لي من وين
لكن اعمل شنو كان ما حبيناك ما سألناك
يللا شد حيلك وخليك زي ما قال اخونا بورتبيل

مدناوي ماذا تفعل لو كنت :-
1/ رئيسا للجمهورية
2/واليا للجزيرة
3/ وزيرا للشباب والرياضة
4/ وزيرا للثقافة
5/ وزيرا للعمل
6/وزيرا للثروة الحيوانية
7/مديرا لمشروع الجزيرة
8/مديرا لحديقة ام بارونة
9/ امينا لجهاز المغتربين
10/ مواطن بسيط وفقير وعندك 10 ابناء

1/ أستقيل.
2/ أدعم مشروع الجزيرة حتي يستغيث من كثرة الدعم.
3/ أهتم بالناشئين واستعيد روابطهم.
4/ استكثرت من المكتبات العامة ويجب ان تلبي رغبات وتطلعات كل الفئات من الاطفال الى الشيوخ.
5/ احارب البطالة واستكثر فرص العمل والتدريب.
6/ أدعم صادرات البلاد واهتم بصحة البيئة المحيطة بمناطق الرعي...
7/ استرجع كل الكوادر والخبرات - بالذات من احيلو للصالح العام...
8/ أحول حديقة ام بارونة الى منتجع سياحي من الدرجة الاولى..
9/ اعمل على عودة المغتربين ومنع خروج أي سوداني غير مؤهل لتمثيل السودان التمثيل الذي يليق ببلادي...
10/ أسال الله ان يبارك لي فيهم فنعم الاله على العباد كثيرة واجلها نجابة الابناء،،،،،،،

Madanawi

12-03-2007, 02:24 AM

اذا واحد ضرب ليك تلفون في البيت وسالك دا بيت فلان ،، رديت عليهو قلت ليه لا دا ما بيت فلان ،، قال ليك طيب لما دا ما بيت فلان بترد ليه ،،

بتقول ليهو شنو؟؟؟؟؟؟؟

أقول ليهو رديت عشان اقول ليك دا ما بيت فلان!!!!!!

مدنيّة

12-03-2007, 03:03 AM

1/ التوم سلام الله عليك

2/ شايفة عماد ما مقصر معك خااااااااااااااااااالص

3/ بجيك بكرة لو عماد خلي لينا حاجة نقولها

4/ نسيت اقوليك ربنا يحفظ ليك الاولاد ديل بس ظنيتك قلت انهم تلاتة اها مالك جايب صور اتنين بس التالت اوع يكون اية وعامل فيها ما بترفض ليها طلب :confused:

عماد عبدالشكور

12-03-2007, 03:06 AM

:ياورد مين علمك تجرح ,,, لمن توجه هذه العباره ؟؟

Madanawi

12-03-2007, 04:15 AM

:ياورد مين علمك تجرح ,,, لمن توجه هذه العباره ؟؟

للمذيعة الشديدة الفي قناة النيل الأزرق - والله عاملة لي مشكلة مع الحكومة!!!

عماد عبدالشكور

12-03-2007, 05:15 AM

تومتي أخيراً قلعتي!!

والله عمدة ما فضل ليهو اا يقومني ويقعد في حفرة الدخان دي بدلي!!

ويحفظ ليك عيالك يا غالية ، ما قلنا نشوف الاتنين كا ما حررو السوق ما بجيب التالتة ، على العموم ديل كانو احمد وآية و الجاية دي مروة الصغنونة!!!

والله يا مدناوي انا قلت اكتفي بالاسئلة الفاتت لكن بعد كلامك دا شد حيلك ساااااااااااااااااااااااااااااااااااااااااي التقيل جاي ورا

Madanawi

12-03-2007, 05:33 AM

يا عمدة حبابك وكان البوستات دي ما شالت اقوم ليك من الشواية دي وتجي تقعد بدلي ، أها قصرت معاك ، وانا قلت ليك يا حبة انا زمان كنت جعلي !!!

الفارس البنفسجي

12-03-2007, 05:45 AM

لكن يا عمدة ما فرمت الزول دا فرم عدييييييييل

ههههههههههههههههههههههههههههههههه

Madanawi

12-03-2007, 05:56 AM

لكن يا عمدة ما فرمت الزول دا فرم عدييييييييل

ههههههههههههههههههههههههههههههههه

الليل والخيل والبيداء تعرفني والسيف والرمح والقرطاس والقلم

شكلي انا الفارس يا بنفسجي ، هسي ياهو ده ركوزك؟؟؟؟؟؟؟؟؟

جيفارا

12-03-2007, 09:53 AM

الأخ العزبز مدنــــاوي
وما الحب إلا للحبيب الأولي

إلى أي مدي تكون العبارة صحيحة أو خطأ

همسة شوق

12-03-2007, 11:00 AM

مدناوى حبيبنا كيفك
اول نبدأ من القيفة وبعدين نخش الغريق
قريت فى فرينى سنة كم ممكن نكون اتلاقينا

zoolfrda

12-03-2007, 08:08 PM

حبيبنا مدناوي في منتدانا الراقي
أب كلاماَ شافي والنفسك عزيزة و باشي
نورت الكرسي بي قلمك المتعافي
في كل رد جبت الجواب الكافي

طلة سريعة وبجيك صادي

http://www.asharqalawsat.com/2006/06/14/images/travel.368124.jpg

http://www.elhoot.net/Music/YaReat.wma

عماد عبدالشكور

12-03-2007, 08:15 PM

حبيبنا مدناوي

1- من هو الشخص الذي تتمنى ان ترى دمعته؟

2-اذا اديتك ساعه من الزمن مع من تتمنى ان تقضيها؟

3-هل بكاؤك تعتبره عيب؟ وما الذي يبكيك؟

4-ما الفرق بين خيانة الرجل والمراه؟

5-هل تهتم بماضي الطرف الاخر؟

Madanawi

12-03-2007, 08:49 PM

الأخ العزبز مدنــــاوي
وما الحب إلا للحبيب الأولي

إلى أي مدي تكون العبارة صحيحة أو خطأ

من واقع ما عشته انا - هذه العبارة ليست صحيحة والبيع حاااااااااااصل يا حبة ،

والبعيد من العين بعيد من القلب أصح منها بكتير يا مان ، ولك الود والتحية...

Madanawi

12-03-2007, 08:52 PM

مدناوى حبيبنا كيفك
اول نبدأ من القيفة وبعدين نخش الغريق
قريت فى فرينى سنة كم ممكن نكون اتلاقينا

والله تمام يا لورد - انت كيف انشاء الله كلو في محلو!!!

يلا يا حبة نبدأ من القيفة ونشيل كتف الغنا الميًل ونتخيل .............

قريت في فريني المتوسطة من سنة 87 الى سنة 89 شافع سااااااكت موش يا حبة ، انا زاتي قلت كده!!!

ود المطامير

12-03-2007, 08:55 PM

مدنا وى .. أبو شنطه ... أبو صواريخ .. الحوّام
أنا حاسى إنو إنت زول ( ريّاد بالحيل ) ذىّ صح ؟

Madanawi

12-03-2007, 09:00 PM

حبيبنا مدناوي

1- من هو الشخص الذي تتمنى ان ترى دمعته؟

2-اذا اديتك ساعه من الزمن مع من تتمنى ان تقضيها؟

3-هل بكاؤك تعتبره عيب؟ وما الذي يبكيك؟

4-ما الفرق بين خيانة الرجل والمراه؟

5-هل تهتم بماضي الطرف الاخر؟

حبيبنا عمدة بالانجليزي
1- بوش.
2- الاخوان الرائعين في المنتدى ويكون معانا النواعم !!!:D
3- البكاء ليس عيبا بل على العكس صدق وتنفيس عن كرب او مشكلة ، الببكي الرجال شنو يا ولد انت ما سمعت جميل بثينة وهو يقول :

لكل حديث بينهن بشاشة ******************* وكل قتيل بينهن شهيد
4- الخيانة هي الخيانة تختلف الطرق والنهاية واحدة ، الا ان خيانة المرأة لها تبعات اخطر واكثر!!!
5- نو نو حبيبي ، لكل منا جوانب مظلمة في حياته لا يراها الا هو ويعكس المضئ والمشع فقط لمن حوله ... وكل ابن آدم خطائين وخير الخطاؤون التوابين ، لذلك لا تبش الماضي القديم فانني ودعت ليلا مظلما وثقيلا .............. ودع ماضي غيرك له فانك لن تغيره ولكن ربما تعايره به!!

Madanawi

12-03-2007, 09:07 PM

حبيبنا مدناوي في منتدانا الراقي
أب كلاماَ شافي والنفسك عزيزة و باشي
نورت الكرسي بي قلمك المتعافي
في كل رد جبت الجواب الكافي

طلة سريعة وبجيك صادي

http://www.asharqalawsat.com/2006/06/14/images/travel.368124.jpg

http://www.elhoot.net/Music/YaReat.wma

يا فردة اخجلتم تواضعنا والله ، انا اعتبرت انه الكرسي الحار ده مسئولية وجاوبت على اسئلة الشباب بكل شفافية واتمني ان اكون قد اوفيت المنتدي والحبايب الحلوين جزء من حقهم علي ، ولك مني اصدق التحايا يا فردة يا زوق ويا راقي !!!!

Madanawi

12-03-2007, 09:08 PM

مدنا وى .. أبو شنطه ... أبو صواريخ .. الحوّام
أنا حاسى إنو إنت زول ( ريّاد بالحيل ) ذىّ صح ؟

ريًاد وبس ، زيك دي مااااااااااااااااااا اظن يا ود ابرك!!!!!!!!!!!

عماد عبدالشكور

12-03-2007, 09:17 PM

يا مدناوي مجرد سؤال بريئ

انت عينك زايغة ؟
هل تصارح ام احمد بما يدور في هذا المنتدى وكلامك عن الجنس الناعم ؟
اذا كانت الاجابة نعم ماهو رايها في ذلك ؟
اذا كانت الاجابة لا لماذا عدم الصراحة ؟

بت العزازة

12-03-2007, 09:30 PM

http://www.flowersdubai.com/images/products/100RedRoses-b.jpg
اخى مدناوى ااسف جدا لتاخرى فى الدخول عبر بوابتك المشرعة املا وضياء والقا
سؤالى الاول ماذا لو كنت في موقف مزعج جادت به قريحتك ولم تجد ورقه ولاقلم ؟؟
ثانيا
لو مررت بمواقف كبيرة وحالت الظروف دون ان تبوح او تكتب وتاهت الافكار التي كنت ستكتبيها ماذا كنت ستفعل؟

وماهي افضل وسيلة لانتشار القلم المبدع غير المنتديات برايك وتكون جديرة باحتضان الاقلام؟؟؟

ودمت بخير عزيزي

بسم الله ما شاء الله ربنا يحفظ اية واحمد ومروة ويخليك ليهم انت وامهم

Madanawi

13-03-2007, 12:34 AM

يا مدناوي مجرد سؤال بريئ

انت عينك زايغة ؟
هل تصارح ام احمد بما يدور في هذا المنتدى وكلامك عن الجنس الناعم ؟
اذا كانت الاجابة نعم ماهو رايها في ذلك ؟
اذا كانت الاجابة لا لماذا عدم الصراحة ؟

أحول ولا قصدك شنو يا عمدة؟؟

الحمد لله يا حبة اخوك قلبه ملئ بجوالين الوله وشوالات الاحساس المرهف اما العيون فلها لغة لن يفهمها اي واحد من بني جنسي والزوغة عندي ما في العيون ، لكن من كل من لا اجد له مساحة احترام عندي او ان يضع نفسه في موقع الزوغة !!!!!!!!!!

Madanawi

13-03-2007, 12:40 AM

http://www.flowersdubai.com/images/products/100RedRoses-b.jpg
اخى مدناوى ااسف جدا لتاخرى فى الدخول عبر بوابتك المشرعة املا وضياء والقا
سؤالى الاول ماذا لو كنت في موقف مزعج جادت به قريحتك ولم تجد ورقه ولاقلم ؟؟
ثانيا
لو مررت بمواقف كبيرة وحالت الظروف دون ان تبوح او تكتب وتاهت الافكار التي كنت ستكتبيها ماذا كنت ستفعل؟

وماهي افضل وسيلة لانتشار القلم المبدع غير المنتديات برايك وتكون جديرة باحتضان الاقلام؟؟؟

ودمت بخير عزيزي

بسم الله ما شاء الله ربنا يحفظ اية واحمد ومروة ويخليك ليهم انت وامهم

الغالية بت العزازة والله اتاخرت علي كتير لكن انا استنطقت لساني لاوجد لك المبررات لذلك التأخير والمرة الجاية خسمتك بالنبي تجي بدري !!!!!!!!!!!

أصلي على النبي عليه افضل الصلاة والتسليم فبذكر الله تطمئن القلوب فأتذكر فأبوح ثم أكتب .........

افضل وسيلة لانتشار القلم المبدع غير المنتديات برايي وتكون جديرة باحتضان الاقلام هي احترام الاقلام لنفسها وصدقها مع دواخلها لتكون مقنعة للاخرين وان تسطر كل ما هو بنًآء ومن شأنه ان يخدم القارئ أو المتلقي لما سطره ذلك القلم، وبذلك يفرض نفسه وأسلوبه فينتشر دون دعاية أو عناء............................

للدعوة الحلوة دي بقول ولا الضاااااااااااااااااااااااااااااااااااااالين

ودمتي

عماد عبدالشكور

13-03-2007, 01:12 AM

أحول ولا قصدك شنو يا عمدة؟؟

الحمد لله يا حبة اخوك قلبه ملئ بجوالين الوله وشوالات الاحساس المرهف اما العيون فلها لغة لن يفهمها اي واحد من بني جنسي والزوغة عندي ما في العيون ، لكن من كل من لا اجد له مساحة احترام عندي او ان يضع نفسه في موقع الزوغة !!!!!!!!!!

زوغان العين وفهمتنا ليهو
باقي الزوغان من الاسئلة !!!
وين باقي الاجابات ؟؟؟؟؟

عماد عبدالشكور

13-03-2007, 01:41 AM

اها يا مدناوي يا حبيبنا بعد ما بقيت مشرف حا تضيف شنو للمنتدى واعضاء المنتدى ؟

Madanawi

13-03-2007, 01:54 AM

بس أقوم من الكرسي بتاع الشية ده وابدا العمل مع المجموعة وانا لا احبذ الوعود والتسويف لذا ساترك تقييم النتائج لك ولاسرة المنتدي من ادارة واعضاء ، ودمت يا غالي !!!!!!!!!!!!!!!!!!!!!!!!!!

ود المطامير

13-03-2007, 02:05 AM

يا عمده يا حبيبنا
ما تدى مدناوينا دا فرصه
يشرب ليهو كباية شاى

عماد عبدالشكور

13-03-2007, 02:08 AM

!!!!!!!!!!!!!!!!!!!!!!!!!!
_____________

ليه التعجب دا كلو ؟ زعلان من حاجة ولا شنو ؟

عماد عبدالشكور

13-03-2007, 02:13 AM

يا عمده يا حبيبنا
ما تدى مدناوينا دا فرصه
يشرب ليهو كباية شاى

يا ود المطامير مدناوي دا حبيبنا وحبيب الكل وعشان خاطرك حا اسيبو شوية عشان يشرب ليهو كباية الشاي بمشي وبجيهو بعد شوية . اها مع السلامة

مدنيّة

13-03-2007, 02:22 AM

ربنا يحفظهم ليك ياالتوم

والله يعني شايفة الجو مسخن وكدا قلت النجي اطل سااااااااااي وامشي مااكتر الاسعلة

اها يااخوانا نتابع تومي & جيري اقصد مدناوي & عماد خليكم معانا :p

محمد حسين (المميز)

13-03-2007, 03:00 AM

مدناوي اخوي

والله لكن ماشاءالله منورالكرسي
قلنا نديك السلام ونقول ليك ربنا يعينك
ويحلك بالسلامه
هههههههههه

*-*-*-*-*-*-*-*-*

عماد عبدالشكور

13-03-2007, 03:10 AM

ربنا يحفظهم ليك ياالتوم

والله يعني شايفة الجو مسخن وكدا قلت النجي اطل سااااااااااي وامشي مااكتر الاسعلة

اها يااخوانا نتابع تومي & جيري اقصد مدناوي & عماد خليكم معانا :p

يا مدنية ما تخافي على تومك لأنو شدييييييييييييييييد ونجيض وما بنقدر عليه
اهو انا ساكيهو لمن نفسي انقطع عدييييييييل كدا وما قدرت امسكه

Madanawi

13-03-2007, 03:38 AM

!!!!!!!!!!!!!!!!!!!!!!!!!!
_____________

ليه التعجب دا كلو ؟ زعلان من حاجة ولا شنو ؟

نزعل من منو؟ ونزعل في شنو؟ كل الناس هنا ما بتخبر زعل .. كل الناس صحاب وكل الناس أهل .. والما هم قراب قربهم العمل ....................

Madanawi

13-03-2007, 03:39 AM

يا ود المطامير مدناوي دا حبيبنا وحبيب الكل وعشان خاطرك حا اسيبو شوية عشان يشرب ليهو كباية الشاي بمشي وبجيهو بعد شوية . اها مع السلامة

والله الشاي معاك بكون احلى يا عمدة ، تعال ما تبتعد قرب !!

Madanawi

13-03-2007, 03:40 AM

ربنا يحفظهم ليك ياالتوم

والله يعني شايفة الجو مسخن وكدا قلت النجي اطل سااااااااااي وامشي مااكتر الاسعلة

اها يااخوانا نتابع تومي & جيري اقصد مدناوي & عماد خليكم معانا :p

ولا الضااااااااااااااااااااااااااااااالين يا تومتي ،

اخدي راحتك يا التومة اسئلتك مكانها صميم الفؤاد ، والجواب والرد عليها واجب وطني !!

يا عمدة انا والتومة بنقول ليك خليك قريب !!

Madanawi

13-03-2007, 03:41 AM

مدناوي اخوي

والله لكن ماشاءالله منورالكرسي
قلنا نديك السلام ونقول ليك ربنا يعينك
ويحلك بالسلامه
هههههههههه

*-*-*-*-*-*-*-*-*

الكرسي منور بي طلتك يا ود جيراننا !!

وعليك السلام يا المميز ، وبقول ولا الضااااااااااااااااااااااااااااالين ،

Madanawi

13-03-2007, 03:42 AM

يا مدنية ما تخافي على تومك لأنو شدييييييييييييييييد ونجيض وما بنقدر عليه
اهو انا ساكيهو لمن نفسي انقطع عدييييييييل كدا وما قدرت امسكه

سك يا عمدة لسه الدرب طويل وكان تعبت اجري قدامي وانا بسكك للصباح !!

عماد عبدالشكور

13-03-2007, 04:40 AM

مدناوي حبيب الكل
احييك على سعة صدرك وتحملك للاسئلة والاجابات الوافية .
وكدا خلاص ماعندي سعال تاني ادي فرصة لي غيري
مع السلامة
ومنور الكرسي والله
ومليون سلام تعظيم لك اخي الكريم

Madanawi

13-03-2007, 05:11 AM

التحية لك يا عمدة وعلى اسئلتك التي اثرًت واضافة الى الكرسي رونق ولون ونكهة ، اما بخصوص الردود الوافية فهذا اقل ما يمكن ان اقوم به في ظل سخانة الكرسي والواجبات المترتبة على ذلك،،،،،

Madanawi

13-03-2007, 05:12 AM

مدناوي حبيب الكل
احييك على سعة صدرك وتحملك للاسئلة والاجابات الوافية .
وكدا خلاص ماعندي سعال تاني ادي فرصة لي غيري
مع السلامة
ومنور الكرسي والله
ومليون سلام تعظيم لك اخي الكريم

عشرة مليون سلام لك يا عمدة،،،

zaher

13-03-2007, 08:27 PM

الاخ معز كيف حالك ولينا زمن من شوفتك ....

بعد عماد ما انتهى منك احنا حا نبدأ

وحا نطلع منك ذكريات الدرجة وحبايبك فيها ..
ابتداء من كبري مدرسة الجزيرة ابوبكر وميدان الشهداء مرورا بمدرسة فريني
وانتهاء بالغربة

وروق المنقا ؟؟؟؟؟

Madanawi

13-03-2007, 09:11 PM

الاخ معز كيف حالك ولينا زمن من شوفتك ....

بعد عماد ما انتهى منك احنا حا نبدأ

وحا نطلع منك ذكريات الدرجة وحبايبك فيها ..
ابتداء من كبري مدرسة الجزيرة ابوبكر وميدان الشهداء مرورا بمدرسة فريني
وانتهاء بالغربة

وروق المنقا ؟؟؟؟؟

هلا وغلا يا ود العمدة ود جيراننا ومطنشنا - ده شغل بالبارد لزوم الكرسي الساخن يا حبة

لينا من شوفتك زمن يا ابو الزهور انشاء الله امورك تمام التمام وكلو في محلو ،،،

كدي ما تحدد لي الكبري حق الجزيرة ابوبكر الشرقي ولا الغربي عشان كلو واحد فيهم عندو معاي كلام براهو ،،،

أما ميدان الشهداء ده فالتاريخ ذاتو يا حبة - كانت لنا ايام جميلة أيام روابط الناشئين لانو اخوك كان عامل فيها سانتو الكبير طبعا ايام مريخ الدرجة وبعد داك الجيل بتاع السكة حديد واذكر مرة اخونا جمال الرشيد الله يطراه بالخير كان عندنا كورة مع هلال السكة حديد وغلبناهم ولسبب ما قرر الاتحاد اعادة المباراة وقام جمال الرشيد جاب لينا حاجات كده قال اتمسحوا بيها ده كجور والله يا زاهر بقينا الكورة واقفة نجليها والاقوان تخش فينا واحد ورا التاني انا بعد الحداشر بطلت احسب !!!!!

وكمان لن انسي ذكريات نادي التضامن العريق وناس الدرجة ووقفاتهم القوية مع هذا الصرح الذي يعتبر من اميز ما يميز مجتمع الدرجة وحي 114 والاحياء المجاورة ..... اما القسمة والدافوري فدي حقو تتكلم عنها انت !!!

مدرسة فريني من المحطات الهامة جدا في حياتي فالمتوسطة مرحلة تكوين الشخصية ولي اصدقاء كثر اعتز بصداقتهم وزمالتهم لي في تلك المدرسة ومن دفعتنا المميزة جدا فجل الشباب كانوا من المتفوقين وهم الاطباء والمهندسين والمحامين وصفوة المجتمع ........ وقد تعلمنا على يد اساتذة ومربين اجلاء اذكر منهم على سبيل المثال لا الحصر الاستاذ ومربي الاجيال عبقري اللغة الانجليزية عبد الباقي مونه واستاذ شمس الدين واستاذ خضر وغيرهم من الاساتذة الاجلاء اسال الله ان يكونوا جميعا في احسن حال،،،،

الغربة ،
الدنيا ليل غربة ومطر ،،، وطرب حزين وشح تقاسيم الوتر

شرب الزمن فرح السنين ،،، والباقي هدًاهو الســــــــــــــــــفر

الغربة مساحة من الفضاوات العجيبة والمتناقضات التي تفتقر الى المنطق والسببية فهي الغيبوبة التي يعيشها كل من دخل مع سرب المغتربين وهي وعي يدركه من مر على بيت الغربة من اي باب من الابواب وهم كثر ، لكن السؤال هنا هل الغربة اضافة ام خصم بلغة المحاسبين ؟؟؟
أقول الاجابة تتحمل الاثنين وتختلف بمختلف الاشخاص والازمان والامكنة فلكل مغترب تجربة خاصة وهو نموذج يختلف عن الاخرين اذا التقييم والنسبة النهائية تكون نسبية حسب معايير كل متغرب عن وطنه وانا اسال الله ان يرد الكل سالما وغانما الى دياره وان تكون تجربة الغربة ثرة ويخرج منها بايجابيات كثيرة تكون زادا له في مقبل ايامه ان كانت لنا ايام باقية!!!

zaher

13-03-2007, 09:24 PM

انا بخير والف عافية والحمد لله يا اخوي

وربنا يطلعك من الكرسي ده بالخير

وذكريات الدرجة .. هي كل دقيقة عشناها ...

بس عاوز اعصرك شوية كدة ... واحكي لينا عن سبب تواجدك دوما في كبري الجزيرة ابوبكر

وانت مخير ... عاوز تبدا بالشرقي ولا الغربي

وجمال الرشيد مازال على حاله ... والحداشر ده انا جايب فيها اربعة اقوان( لمن كنت صغير ) .. ويا حليلك يا معتز الصادق....

ولنا عودة

همسة شوق

13-03-2007, 10:22 PM

أسمع ياعمك لكن لقيتك ( قوز كبَرو )

Madanawi

13-03-2007, 11:08 PM

سلام مدناوي
الجماعة تعبوك بالاسئلة لكن انا بقول ليك ربنا يحفظ ويرد غربتك وغربتنا بالسلامة
اخوك بكري كسلا

ولا تعبوني ولا حاجة واسئلتهم باردة على قلبي زي الكرسي الساخن ويا ريت يكتروا منها ،،

ولا الضالين يا زوق،،

ومشكور كتير يا ود كسلا،،

مدنيّة

13-03-2007, 11:10 PM

مدناوي حبيب الكل
احييك على سعة صدرك وتحملك للاسئلة والاجابات الوافية .
وكدا خلاص ماعندي سعال تاني ادي فرصة لي غيري
مع السلامة
ومنور الكرسي والله
ومليون سلام تعظيم لك اخي الكريم

عماد ما بدري ياخ :eek:

Madanawi

13-03-2007, 11:10 PM

أسمع ياعمك لكن لقيتك ( قوز كبَرو )

جزيرة ما ينفع يا حبة؟؟؟

انت شغال تاجر دقيق ولا شنو يا معلم؟؟؟

Madanawi

14-03-2007, 12:28 AM

انا بخير والف عافية والحمد لله يا اخوي

وربنا يطلعك من الكرسي ده بالخير

وذكريات الدرجة .. هي كل دقيقة عشناها ...

بس عاوز اعصرك شوية كدة ... واحكي لينا عن سبب تواجدك دوما في كبري الجزيرة ابوبكر

وانت مخير ... عاوز تبدا بالشرقي ولا الغربي

وجمال الرشيد مازال على حاله ... والحداشر ده انا جايب فيها اربعة اقوان( لمن كنت صغير ) .. ويا حليلك يا معتز الصادق....

ولنا عودة

والله يا ابو الزهور مشاركاتك بالجد ذكرتني ايام جميلة في الدرجة - واذكر كمان انك كنت طالوش تشوت الواحد يودوه الحوادث طوالي ،، يا سلااااااااااام والله ذكرتني اولاد جيراننا ناس معتز ومجدي الصادق وعمر عثمان وناس الدرجة كلهم اهلي واخواني ومجتمعها راقي جداً والناس حالهم زي اسرة واحدة والجيران ناس بحر وحسن عابدون وناس الحوري وناس الشامي وناس خطاب وطه حسن ابراهم وناس حسن هاشم وعبدالرحيم هاشم وعزوز واواواواواواواواو

الكبري الشرقي بتاع المشاغلات والجكس وسجارة العصر عشان الحاج ما كان عارفنا بندخن وطبعا الدرجة مدينة دراسية كاملة ومدارس البنات ايييييييييييييييييييك اكتر من الطالبات زاتهم ولحدي هنا كفاك عشان الموضوع ده داير ليهو بوست كامل !!!

اما الكبري الغربي فكان بتاع التجمع بتاع الدافوري وسجارة بعد الدافوري بعد ما نكمل الموية حقة الازيار بتاعت ناس عمنا حسن الهادي وناس عزوز وناس ابوبكر ومرات مرات بالصباح كده بيشتغل زي الكبري التاني ما اصلها المشاوير كانت بين الكبريين لكن يا ابو الزهور انا بتذكر كويس حلاقتك العجيبة ديك انت ما قلبك كان كبيييييييييييييييييير يا حبة وما خليت طالبة الا وحبيتها يا حبة!!

ابوزيد محمد نور

14-03-2007, 12:58 AM

Madanawi من الشخصيـات المقربة و لها شعـبية كبيرة جدااااااا
لك التحية
تمنــياتي الطــيبة لك دائما بكل الخير

Madanawi

14-03-2007, 01:50 AM

Madanawi من الشخصيـات المقربة و لها شعـبية كبيرة جدااااااا
لك التحية
تمنــياتي الطــيبة لك دائما بكل الخير

الاخ الرائع ابوزيد

لك مني كل الود وارق التحايا ، والكلمات الجميلة دي اثلجت صدري برغم سخانة الكرسي،،،،

عماد عبدالشكور

14-03-2007, 08:30 PM

حبيبنا سعادة / مشرف المنتدى العام مدناوي
خليتك تشرب الشاي مع ولد خالي وجارك زاهر ود العمدة ورجعت ليك بكم سؤال كبداية جديدة وكدا
1/ سؤال تتمنى ان لا يوجه لك ؟
2/ سؤال تتمنى ان يوجه لك ؟
3/ سؤال محرج ولم تجاوب عليه ؟
4/ سؤال توقعته ولم يوجه لك ؟
جاوب على ديل وبمشي وبجيك

Madanawi

14-03-2007, 09:50 PM

حبيبنا سعادة / مشرف المنتدى العام مدناوي
خليتك تشرب الشاي مع ولد خالي وجارك زاهر ود العمدة ورجعت ليك بكم سؤال كبداية وكدا
1/ سؤال تتمنى ان لا يوجه لك ؟
2/ سؤال تتمنى ان يوجه لك ؟
3/ سؤال محرج ولم تجاوب عليه ؟
4/ سؤال توقعته ولم يوجه لك ؟
جاوب على ديل وبمشي وبجيك

والله يا عمدة شايفك تتلصق شوية شوية فيني انا وابو الزهور لكن بس اروق من السخانة دي شوية وبرجع ليك في الموضوع ده ...

1/ نفس سؤالك ده.
2/ أي الجنان تتمنى ان تدخل لاقل الفردوس الاعلى،،
3/ في الكرسي الساخن جاوبت على كل الاسءلة بمنتهى الصراحة والشفافية،،
4/ العودة من الغربة ، متى؟؟

ابودجانه العباس

14-03-2007, 10:16 PM

حبيب قساي ونور مساي
وبسكويتي بتاع الساي(الشاي)
لكن عشان الوزن بقت الساي
معليش كنت مشغول منك في الفتره السابقه
وطبعا أخوك اتولد في الدرجه برضو وعشت
طفولتي(حلوه دي) كلها هناك بيتنا كان قصاد
مدرسه(ب)سابقاً يعني جنب التمرين والجزيرة
وياما لعبنا في ميدان الشهداء.أما فريني فدرست
فيها فقط بدايه الصف الاول وبعدين رجعت للملكه تاني.
وأحلي ما في تلك الفتره في فريني كانت الدوره المدرسيه.
بالمناسبه دي مشاركاتك في الدورات المدرسيه كانت كيف؟
وبالمناسبه دي برضو(قابلت أستاذ عبدالباقي وأستاذ سيف
بتاع التربيه الاسلاميه في الحج القبل الفات وعرفتهم طوالي
وهم كذلك ربنا يديهم العافيه وطوله العمر.
سؤال مافي ليهو داعي:الحيوان الاليف البتخاف منو شنو؟

عماد عبدالشكور

14-03-2007, 10:28 PM

والله يا عمدة شايفك تتلصق شوية شوية فيني انا وابو الزهور لكن بس اروق من السخانة دي شوية وبرجع ليك في الموضوع ده ...

1/ نفس سؤالك ده.
2/ أي الجنان تتمنى ان تدخل لاقل الفردوس الاعلى،،
3/ في الكرسي الساخن جاوبت على كل الاسءلة بمنتهى الصراحة والشفافية،،
4/ العودة من الغربة ، متى؟؟
يا معز انشاء الله يتلصق فيك ابو القنفد وما يفكك الا بعد تلف ميدان الشهداء وانت جاري عشرة مرات قول امين
(قال تتلصق فينا قال)
المهم عندي سعال وكدا
احلى حاجة بتعجبك في الجنس الناعم شنو (عارفك بكاي) ما تقول لي الاخلاق والجوهر وكلام الجرايد دا خش في الموضوع طوالي
وبمشي وبجيييييييييك حسي دي

ابوزيد محمد نور

14-03-2007, 10:33 PM

الاخ الرائع ابوزيد

لك مني كل الود وارق التحايا ، والكلمات الجميلة دي اثلجت صدري برغم سخانة الكرسي،،،،

حبيبنا سعادة / مشرف المنتدى العام مدناوي
بأسال الله العلى القدير ان يسهل عليك تلك الجلسه فى هذا الكرســـــ البارد ـــــــــــى ولك منى تلك الاسئله :
1/ ماشعورك حينما عرفت بانك اصبحت مشرف المنتدى العام ؟
2/ وماهى الخطط التى تدور فى راسك حول المنتدى ؟

مع خالص امنياتى لك بالتوفيق ياصديقى مدناوى ......

Madanawi

15-03-2007, 12:22 AM

حبيب قساي ونور مساي
وبسكويتي بتاع الساي(الشاي)
لكن عشان الوزن بقت الساي
معليش كنت مشغول منك في الفتره السابقه
وطبعا أخوك اتولد في الدرجه برضو وعشت
طفولتي(حلوه دي) كلها هناك بيتنا كان قصاد
مدرسه(ب)سابقاً يعني جنب التمرين والجزيرة
وياما لعبنا في ميدان الشهداء.أما فريني فدرست
فيها فقط بدايه الصف الاول وبعدين رجعت للملكه تاني.
وأحلي ما في تلك الفتره في فريني كانت الدوره المدرسيه.
بالمناسبه دي مشاركاتك في الدورات المدرسيه كانت كيف؟
وبالمناسبه دي برضو(قابلت أستاذ عبدالباقي وأستاذ سيف
بتاع التربيه الاسلاميه في الحج القبل الفات وعرفتهم طوالي
وهم كذلك ربنا يديهم العافيه وطوله العمر.
سؤال مافي ليهو داعي:الحيوان الاليف البتخاف منو شنو؟

يا ابودجانة والله نعم الاساتذة الذكرتهم ديل وهنيئا لك مقابلتهم في الحج ،

الدورة المدرسية لعبت فيها مرة واحدة وانا في مدرسة فريني وبرضو شاركت مرة واحدة وانا في مدني الثانوية لكن لعبت في دوري الكليات في جامعة الخرطوم لخمسة سنوات متتالية ،،،

هو اسمو اليف واخاف منو يا ابو دجانة !!! لكن ممكن يكون الأرانب عشان عشان الارانب دي بتخلي الواحد يضحك موش اسمها برضو الضحاكات؟؟؟

Madanawi

15-03-2007, 12:25 AM

يا معز انشاء الله يتلصق فيك ابو القنفد وما يفكك الا بعد تلف ميدان الشهداء وانت جاري عشرة مرات قول امين
(قال تتلصق فينا قال)
المهم عندي سعال وكدا
احلى حاجة بتعجبك في الجنس الناعم شنو (عارفك بكاي) ما تقول لي الاخلاق والجوهر وكلام الجرايد دا خش في الموضوع طوالي
وبمشي وبجيييييييييك حسي دي

هههههههههههههههههههههههههه

والله لقيت فيك فرصة لكن يا عمدة ، قول واحد والجايي احلى!!

احلى حاجة في الجنس الناعم كل حاجة ، انت ما سمعت كاظم الساهر بيقول :

كلك على بعضك حلو ، تزعل لو ترضى حلو ، شوكة في عين اليحسدونك ،،،،،،،،،،،،

Madanawi

15-03-2007, 12:28 AM

حبيبنا سعادة / مشرف المنتدى العام مدناوي
بأسال الله العلى القدير ان يسهل عليك تلك الجلسه فى هذا الكرســـــ البارد ـــــــــــى ولك منى تلك الاسئله :
1/ ماشعورك حينما عرفت بانك اصبحت مشرف المنتدى العام ؟
2/ وماهى الخطط التى تدور فى راسك حول المنتدى ؟

مع خالص امنياتى لك بالتوفيق ياصديقى مدناوى ......

بقول ولا الضااااااااااااااااااااااااااااااااااااااااااااااا اااااالين يا ابو زيد يا فردة ،

1/ شعور بالمسئولية الملقاة على عاتقي واسال الله ان يوفقني الى اضافة الجديد والمفيد لهذا المنتدى الرائع.

2/ كل ما يدور في رأسي الان هو كيفية تقديم الفائدة للجميع وبالجميع نوصل المنشود ولهم نعمل،،

مدناوية

15-03-2007, 12:30 AM

هههههههههههههههههههههههههه

والله لقيت فيك فرصة لكن يا عمدة ، قول واحد والجايي احلى!!

احلى حاجة في الجنس الناعم كل حاجة ، انت ما سمعت كاظم الساهر بيقول :

كلك على بعضك حلو ، تزعل لو ترضى حلو ، شوكة في عين اليحسدونك ،،،،،،،،،،،،

كلام ياعوض دكام,,,,

دا الكلام يامدناوي ولا بلاش,,,

عماد عبدالشكور

15-03-2007, 12:59 AM

يا مدناوي
1/ عايزك تدينا نموزج يوم من حياتك وتحكي لينا كل التفاصيل من ما تقوم من النوم لحدي ما تجي راجع و تنوم تاني ؟
2/ كم الف من الريالات عندك ؟ (طبعا عيني باردة) ؟
3/ راجع نهائي بتين للسودان ؟
4/ المدام متابعة كرسيك المسخن دا وللا لا ؟
5/ اذا طلبنا منك تتنازل عن مشرف المنتدى حا تديها لمنو بدالك ؟
6/ لكل واحد فينا سلبيات وايجابيات اها ورينا الاتنين ؟
قزقز بي ديل وبمشي وبجيك بعد شوية

Madanawi

15-03-2007, 01:52 AM

يا مدناوي
1/ عايزك تدينا نموزج يوم من حياتك وتحكي لينا كل التفاصيل من ما تقوم من النوم لحدي ما تجي راجع و تنوم تاني ؟
2/ كم الف من الريالات عندك ؟ (طبعا عيني باردة) ؟
3/ راجع نهائي بتين للسودان ؟
4/ المدام متابعة كرسيك المسخن دا وللا لا ؟
5/ اذا طلبنا منك تتنازل عن مشرف المنتدى حا تديها لمنو بدالك ؟
6/ لكل واحد فينا سلبيات وايجابيات اها ورينا الاتنين ؟
قزقز بي ديل وبمشي وبجيك بعد شوية

1/ مثلا اقرب حاجة يوم امس باعتبار انو اليوم لم ينتهي بعد ، قمت الصباح ولبست واتشنطت ومدورت العربية ومشيت الشركة وطلعت الدور اتاني حيث مكتبي و شغلت الكمبيوتر وجا الولد الطيب المعانا زبط لي كباية شاي تمام ، وبعد كده بدأت عجلة الشغل وانا عين مع الشغل وعين مع المنتدى الى ان تم ايقاف المنتدي في وقت مناسب معاي حيث كان لدينا اجتماع استمر لمدة ثلاث ساعات وبعدها اتيت واكملت بعض الاشغال وبعد العصر وجدت ان المنتدي تمت صيانته وكل حاجة تمام والحمد لله ، وهكذا الى ان جاءت نهاية الدوام ومشيت لزيارة صديقي عمر وانا في الطريق الى البيت وبعد ان تناولت الغداء وجلست قليلا امام التلفاز لبست مرة تانية وخرجت لاسلم على خالي الذي عاد لتوه من الاجازة وقضينا سواليف العودة من الاجازة وقضينا سهرة جميلة ومن ثم عدت الى البيت،،،

2/ اكثر من الوفات جرأة هذا السؤال بقليل. ولا اظن ان عينك باردة!!
3/ الرجعة للسودان في البال وفي الخاطر ولكن مشيئة الله تسوقنا الى حيث كتب الله لنا فلا تدري نفس ماذا تكسب غدا ولا تدري باي ارض تموت!!!
4/ تتابع.
5/ ما تعودت التنازل عن حق مشروع ، ولكن للرد على السؤال اقول انا تم تكليفي بالتشاور والانتخاب لذا فمن سياتي بعدي يجب ان ياتي بنفس الطريق والحكاية ليست وصاية ولا وراثة ،،،،،
6/ الاتنين يكونوا اقرب الى الصحة اذا سمعنهم من الاخوة الاعضاء .

Madanawi

15-03-2007, 01:54 AM

كلام ياعوض دكام,,,,

دا الكلام يامدناوي ولا بلاش,,,

مشكورةعلى الاطراء الجميل ، وعلى قولك ربنا يديم المعروف

جيفارا

15-03-2007, 02:16 AM

بصراحة بعد أسئلة الشباب أسمح لي أن أقول لك أنت إنسان جدير بالمعرفة وربنـــا يسعدك في حياتك مع رعايته وحفظة ولك مني كل التقدير

Madanawi

15-03-2007, 02:46 AM

بصراحة بعد أسئلة الشباب أسمح لي أن أقول لك أنت إنسان جدير بالمعرفة وربنـــا يسعدك في حياتك مع رعايته وحفظة ولك مني كل التقدير

الله يا جيفارا ، ده الكلام الما بنقدر عليهو ، وانا بقول انه كلامك ده ما بيجي الا من انسان رائع كروعتك ، وللدعوات الجميلات بقول ولا الضااااااااااااااااااااااااالين ، ودمت بكل الود يا جيفارا!!!

عوض صقير

17-03-2007, 10:03 AM

عزيزنا مدناوى

قابلت أمس أخونا ياسر الريح ( كمبيوتر هول )
وقال لى حصل ليك موقف فى زواجك والطيارة أتأخرت
كدى أحكى لينا الحصل شنو ؟

محمد السر احمد

17-03-2007, 12:23 PM

اخونا الغالي مدناوي اولا مبوك مشرف المنتدي العام وثانيا دايرنك تحكي لينا عن ايام بركات وناس بركات.
ودمت

Madanawi

17-03-2007, 10:55 PM

عزيزنا مدناوى

قابلت أمس أخونا ياسر الريح ( كمبيوتر هول )
وقال لى حصل ليك موقف فى زواجك والطيارة أتأخرت
كدى أحكى لينا الحصل شنو ؟

يا سلام - قابلت ياسر ده اكيد في برنامج اسماء في حياتنا ، لانو صاحبنا من يوم ما اتزوج وعامل حمد لبد ، ىخر مرة قابلته في جدة قبل اكتر من سنتين واتمنى ان اراه قريبا ، كنا انا والاخ هشام خضر نسال عنه قبل حوالي شهر بعد ان فقدنا جميعا الاتصال به لفترة ، ارجو ان تعمل فينا معروفا يا عوض وان ترسل لي رقم هاتفه (في رسالة خاصة) ولك جزيل الشكر....

الطيارة ما فاتتني ولا حاجة وما اظن تحصل مع عريس الا يكون داقس يا عوض ، لكن الطيارة اتاخرت وكادت ان تفوتني العرس زاتو لكن ربك ستر وحضرت البلنتيات ،،،

Madanawi

17-03-2007, 10:57 PM

اخونا الغالي مدناوي اولا مبوك مشرف المنتدي العام وثانيا دايرنك تحكي لينا عن ايام بركات وناس بركات.
ودمت

بارك الله فيك يا ود السر فهذا تكليف بمنزلة التشريف ،،،

يا زول ده سؤال انا وانت وناس بركات والحلال والضهرة وناس المنتدي نكتب ويكمل المداد ولا تكتمل روعة الكلمات عن بركات ، اذا سمحت لي يا ود السر انا أزكي كلامك ده بان نجعل بوست كامل للحديث عن بركات وناس بركات وما ادراك ما ناس بركات ،،،، يلا انت اعمل بوست جديد وخلينا كلنا ندلو بدلونا ،،،

عماد عبدالشكور

18-03-2007, 04:29 AM

يا مدناوي طولنا منك واشتقنا ليك . عندي ليك شوية اسعلة وكدا يعني !
1/ رأيك في سياسيات ثورة الانقاذ منذ عام 1989 وحتى عام 2007 وما صاحبها من متغيرات وتبديل للمواقف ؟
2/ ماهو لونك السياسي ؟
3/ هل تم اعتقالك في يوم من الايام لأي سبب من الاسباب ؟
4/ هل شاركت في مظاهرات من قبل ؟ وماهي الاسباب ؟
5/ هل كنت من المشاركين في اركان النقاش وانت في الجامعة ؟
6/ هل توجد ديمغراطية حقيقية حاليا في السودان ؟
7/ رايك في اتفاقية سلام الجنوب (نيفاشا) ؟ وهل لبت متطلبات المرحلة ؟ وهل توجد خروقات ؟
8/ اين انت من مشكلة دارفور ؟ وما سبب المشكلة ؟ ومن المتسبب في حدوثها ؟ وماهو الحل ؟
التحية لك حبيبنا مدناوي
وبمشي وبجيك

Madanawi

18-03-2007, 04:51 AM

يا مدناوي طولنا منك واشتقنا ليك . عندي ليك شوية اسعلة وكدا يعني !
1/ رأيك في سياسيات ثورة الانقاذ منذ عام 1989 وحتى عام 2007 وما صاحبها من متغيرات وتبديل للمواقف ؟
2/ ماهو لونك السياسي ؟
3/ هل تم اعتقالك في يوم من الايام لأي سبب من الاسباب ؟
4/ هل شاركت في مظاهرات من قبل ؟ وماهي الاسباب ؟
5/ هل كنت من المشاركين في اركان النقاش وانت في الجامعة ؟
6/ هل توجد ديمغراطية حقيقية حاليا في السودان ؟
7/ رايك في اتفاقية سلام الجنوب (نيفاشا) ؟ وهل لبت متطلبات المرحلة ؟ وهل توجد خروقات ؟
8/ اين انت من مشكلة دارفور ؟ وما سبب المشكلة ؟ ومن المتسبب في حدوثها ؟ وماهو الحل ؟
التحية لك حبيبنا مدناوي
وبمشي وبجيك

تاني ما تطول يا عمدة عشان ما تطًر تشتاق،،،
1/ سياسات نظام شمولي.
2/ بدون.
3/ نعم.
4/ نعم ، احتجاج على بعض القرارات التي تمس كرامة الشعب السوداني.
5/ مستمع جيد.
7/ الاتفاقية هي افضل الحلول المطروحه حاليا رغم التحفظات على بعضها. نعم توجد والدليل تاخير التنفيذ الى الان.
8/ مشكلة دارفور ازمة حقيقية تؤرق وجدان كل سوداني وطني وغيور على تراب بلده ، وسبب المشكلة التدويل الذي لن ياتي بالحل ابدا والدليل الحرب في الجنوب استمرت لعقود واخيرا حلت بواسطة الحوار السوداني السوداني. الحل هو الحوار وتقديم بعض التنازلات مع الاخذ في الاعتبار عيون اهل دارفور وكل الشعب السوداني.

بورتبيل

18-03-2007, 05:18 AM

مدناوي

يا اخوي ما تقعد تباري ليا عماد دا ... الزول دا بجرك لحتات .. الله يعلم يكون وراها شنو !!!

عماد عبدالشكور

18-03-2007, 05:21 AM

مدناوي

يا اخوي ما تقعد تباري ليا عماد دا ... الزول دا بجرك لحتات .. الله يعلم يكون وراها شنو !!!
انت يا بورتبيل خالي حصص الانجليزي وجاي هنا مالك ؟
وبعدين مدناوي دا حبيبنا و (جارنا) زمان بس هو ماعرف
والاهم من دا كلو انو انا قصدي شريف
والتحية لك اخونا بورتبيل

بورتبيل

18-03-2007, 05:27 AM

مشكور يا عمدة .. بس ما انا عايز الاستاذ مدناوي دا ... عندو حصة .. مخليها وقاعد هنا فوق الكرسي .. ويتكلم في السياسة الشمولية .. ويفتل في عضلاتو .. ويذكر ايام كان جاري في شارع الجامعة ... وعلب البمبان في وراء .. والبوليس ساكيه.
فيكوه خلوه يشوف درب الحصص بتاعتو.

مثني ودالعيكوره

18-03-2007, 06:50 AM

مدناوي.... تتضقلم
لك التحيه... ومبروك وكفاره (للوظيفه والعبء الجديد)....
ولاني جيت متأخر(والخيل الجرايه بتخرم في الاخير) عندي اسأئله كتيره

1/متى تشعر بانك غريب على نفسك.. ومتى تشعر بانك غريب عن المجتمع المحيط بك؟
2/ اعطاك احدهم هدية.. ماذا تتمنى ان تكون؟
3/ ذكرى طفولية لا تنساها؟
4/ ماهي نقطة ضعفك؟
5/ وقفت ذات يوم اما مجموعة من الاطفال وكان امامك سبورة وطباشير... ما الدرس الذي تعلمه لهم؟
6/سمح لك ان ترجع الى الوراء وتختار خطأء اخطأئته في حق احد عزيز لتمسح هذا الخطأ وكأنه لم يكن... ما هو هذا الخطأ؟

7/يقال ان الذين لديهم مشاكل لا حل لها يلجأون احيانا الى الهزل والمزاح... الى اي حد ينطبق عليك هذا القول؟

8/ اعضاء تحس بانطباق الاوصاف التالية عليهم
عاطفي
حساس
حاسم
قاسي
شاتر
عقلاني

مع عاكر كودتي......

Madanawi

18-03-2007, 10:35 PM

مدناوي

يا اخوي ما تقعد تباري ليا عماد دا ... الزول دا بجرك لحتات .. الله يعلم يكون وراها شنو !!!

ما تخاف على اخوك ، انا افضل من يجيد القراءة بين السطور،،،

وبعدين عمده قال ليك نواياه حسنة ونحن معاهو للاخر يا حبة ،،،

ود المطامير

19-03-2007, 08:24 AM

يا أبو شنطه ويا أبو شنّاقه فوق
والله كان عندى كم سؤال كدا لكن
ناس توم وجيرى ما قصروا تب وتب
أها قول لى كدا وبكل صراحه وصراحه
عليك الله حلوات ولأ ما حلوات ؟؟؟؟ !!!

محمد السر احمد

19-03-2007, 01:15 PM

اخونا مدناوي في منتدي ود مندنيات في بوست اسمو بركات طرواة و الزول حلاوة لكن ما كل الناس بتمش هناك .
دايرنك تحكي لينا احساس انك اول مسافر برا السودان و ماشي تغترب

عماد عبدالشكور

19-03-2007, 07:57 PM

يا مدناوي تأكيدا لحسن النوايا . عايز اعرف رأيك في الاتي :-

بالتمادي .......... يصبح اللص بأوربا مديرا للنوادي
وبأمريكا .... زعيما للعصابات وأوكار الفساد
وبأوطاني التي من شرعها قطع الايادي
يصبح اللص................ زعيما للبلاد

عماد عبدالشكور

19-03-2007, 08:01 PM

ورأيك برضو في الكلام دا :-

في بلاد المشركين
يبصق المرء بوجه الحاكمين
فيجازى بالغرامة
ولدينا نحن اصحاب اليمن
يبصق المرء دما تحت ايدي المخبرين
ويرى يوم القيامة
عندما ينثر ماء الورد ... والهيل...بلا اذن .....على وجه امير المؤمنين

نزار حسن محمد

19-03-2007, 09:16 PM

ازيك يامدناوى..لم اقراء الكرسى بعد جت اسلم عليك وبجيك برواقه ايها العزيز الغالى

Madanawi

19-03-2007, 10:39 PM

يا مدناوي تأكيدا لحسن النوايا . عايز اعرف رأيك في الاتي :-

بالتمادي .......... يصبح اللص بأوربا مديرا للنوادي
وبأمريكا .... زعيما للعصابات وأوكار الفساد
وبأوطاني التي من شرعها قطع الايادي
يصبح اللص................ زعيما للبلاد

شبيهنا واتلاقينا.....................

كل اناء بما فيه ينضح............

أرزاق من رب العباد.............

Madanawi

19-03-2007, 10:43 PM

اخونا مدناوي في منتدي ود مندنيات في بوست اسمو بركات طرواة و الزول حلاوة لكن ما كل الناس بتمش هناك .
دايرنك تحكي لينا احساس انك اول مسافر برا السودان و ماشي تغترب

يلا يا ناس كلنا نمشي هناك.................

أكيد احساس حا يكون مفعم بالغيب وعدم الادراك بما سيحدث ولكن يبقى دائما هنالك ضوء يشع اسمه الامل ،،،،،،،،،،

Madanawi

19-03-2007, 10:59 PM

مدناوي.... تتضقلم
لك التحيه... ومبروك وكفاره (للوظيفه والعبء الجديد)....
ولاني جيت متأخر(والخيل الجرايه بتخرم في الاخير) عندي اسأئله كتيره

1/متى تشعر بانك غريب على نفسك.. ومتى تشعر بانك غريب عن المجتمع المحيط بك؟
2/ اعطاك احدهم هدية.. ماذا تتمنى ان تكون؟
3/ ذكرى طفولية لا تنساها؟
4/ ماهي نقطة ضعفك؟
5/ وقفت ذات يوم اما مجموعة من الاطفال وكان امامك سبورة وطباشير... ما الدرس الذي تعلمه لهم؟
6/سمح لك ان ترجع الى الوراء وتختار خطأء اخطأئته في حق احد عزيز لتمسح هذا الخطأ وكأنه لم يكن... ما هو هذا الخطأ؟

7/يقال ان الذين لديهم مشاكل لا حل لها يلجأون احيانا الى الهزل والمزاح... الى اي حد ينطبق عليك هذا القول؟

8/ اعضاء تحس بانطباق الاوصاف التالية عليهم
عاطفي
حساس
حاسم
قاسي
شاتر
عقلاني

مع عاكر كودتي......

اخوي ود العيكورة بارك الله فيك وكفر الله سيئاتك،،،
1/ غريب طالما انا خارج وطني،،،
2/ ساعة فالوقت عندي له اهمية عظمى،،،
3/ صنعاء مدينة الغيوم والبرد القارس لي فيها ذكريات جميلة،،،
4/ احس باني ضعيف عندما ارى خطأ يستصعب علي تقويمه،،
5/ الصدق...
6/ صديق اخطأت في حقه دون قصد فساء فهم الموضوع ،،
7/ لا اجد له في نفسي مكان ، فالحل في اللجوء الى الله بالدعاء ،
بسم الله الرحمن الرحيم
واذا سالك عبادي عني فاني قريب اجيب دعوة الداعي اذا دعانِ،
صدق الله العظيم

عاطفي ابودجانة
حساس ابو رجاء
حاسم ود المطامير
قاسي لا يوجد
شاتر لا يوجد
عقلاني نزار

Madanawi

19-03-2007, 11:00 PM

يا أبو شنطه ويا أبو شنّاقه فوق
والله كان عندى كم سؤال كدا لكن
ناس توم وجيرى ما قصروا تب وتب
أها قول لى كدا وبكل صراحه وصراحه
عليك الله حلوات ولأ ما حلوات ؟؟؟؟ !!!

حلوات شديد !!!!!!!!!!!!!!

Madanawi

19-03-2007, 11:01 PM

ورأيك برضو في الكلام دا :-

في بلاد المشركين
يبصق المرء بوجه الحاكمين
فيجازى بالغرامة
ولدينا نحن اصحاب اليمن
يبصق المرء دما تحت ايدي المخبرين
ويرى يوم القيامة
عندما ينثر ماء الورد ... والهيل...بلا اذن .....على وجه امير المؤمنين

كلو خطأ في خطأ

بورتبيل

20-03-2007, 04:40 AM

يا استاذ مدناوي .. شايف قعدتك طالت فوق الكرسي دا
وانتا شكلك خلاص استكنتا ليه
يا ابوي .. قوم كفاك ورانا مدرسة وحصص وامتحانات
الطلبة عاملين فوضى .. عايزين نعصرهم حبة
ولك الود

بنت الرفاعي

20-03-2007, 04:56 AM

أوووووووو مدناوي في الكرسي الساخن؟؟؟!! عارفة اني جيت متأخرة جدا لن تقول شنو ظروف الدنيا لكن برضو بنرحب بيك ويامليون مراحب بيك.:)
والأسئلة ماشاءالله ماخلوا لينا فيها شي لكن نبدا:
مواقف مررت بيها (طريفة, مفرحة ,محزنة, محرجة).
مارأيك في السودان الآن كتطور وثقافة؟!
ماهي الايجابيات والسلبيات التي وجدتها في بلاد الغربة(غير الغربة) واصلا ماهو السبب الذي دفعك للاغتراب؟!(قررت تغترب أو جاتك الفرصة واغتربت أو في أسباب تانية؟)
نمشي ونحاول نجيك تاني انشاءالله.

Madanawi

20-03-2007, 09:03 PM

يا استاذ مدناوي .. شايف قعدتك طالت فوق الكرسي دا
وانتا شكلك خلاص استكنتا ليه
يا ابوي .. قوم كفاك ورانا مدرسة وحصص وامتحانات
الطلبة عاملين فوضى .. عايزين نعصرهم حبة
ولك الود

العزيز بورتبيل ، جايي ليك يا حبة غيمة تملأ ماعونك خريف ، بس انت اهرش الجنيات وزي ما قلت ليك في بعض الشباب والصبيا دايرين العين الحمرا وفي واحدين تانيين دايرين العيون الحمرا كلها مرة واحدة ، أي انفلاتات بلغ طوالي الادارة العليا للمدرسة ، وراجعين ،،،،،

Madanawi

20-03-2007, 10:31 PM

أوووووووو مدناوي في الكرسي الساخن؟؟؟!! عارفة اني جيت متأخرة جدا لن تقول شنو ظروف الدنيا لكن برضو بنرحب بيك ويامليون مراحب بيك.:)
والأسئلة ماشاءالله ماخلوا لينا فيها شي لكن نبدا:
مواقف مررت بيها (طريفة, مفرحة ,محزنة, محرجة).
مارأيك في السودان الآن كتطور وثقافة؟!
ماهي الايجابيات والسلبيات التي وجدتها في بلاد الغربة(غير الغربة) واصلا ماهو السبب الذي دفعك للاغتراب؟!(قررت تغترب أو جاتك الفرصة واغتربت أو في أسباب تانية؟)
نمشي ونحاول نجيك تاني انشاءالله.

الرائعة دوما مرام ، ما مشكلة التاخير المهم انك جيتي ومرحب بيك ،،
المواقف الطريفة والمحرجة في آن واحد كتيرة واطرفها لما دخلت سينما خواجة في مدني وانا في سنة اولى جامعه والفلم كان بادي ليهو ربع ساعة كده وانا قاعد لوج ومعاي ابن خالتي وصديقي وبعد كده طلعت سيجارة اولعها وما كانمعاي ولاعة فسالت الشخص القاعد قدامي من ولاعة بس للاسف طلع خالي وتعالي شوفي الفلم انقلب بي وين!!!

السودان اصلا بلد متطور بموارده البشرية والطبيعية وما نراه الان من بوادر حضارة و ديليفري وخدمات كانت موجوده قبل خمسين سنة واهلنا الكبار بيحكوا لينا بالامجاد والحضارة ،،، بس البلد كانت تعيش كبوة وانا بقول انشاء الله الجايي احلى ،،،
الغربة سلاح ذو حدين ، اما انك تجد فرصتك وتبدع وتتطور وتلم القريشات أو انك تسبح في فراغات وهم وامنيات وتكون عالة على غيرك وتخسر سنين من عمرك دون تحصيل او جني اي ثمار في زهو الشباب وفترة الانتاج القصوى،،
انا يا ستي كنت شغال وانا طالب بجامعة الخرطوم في شركة الفيّ بالخرطوم 2 وكان عندي شركة في شارع الجمهورية مشاركة مع شخص آخر وكانت الامور ماشة معاي آخر حلاوة،عشان كده ما قررت اتغرب وبالعكس انا لما اتيحت لي فرصة الخروج من السودان كنت شغال في مدني في كمبيوتر هول وبديت ماجستير في جامعة الجزيرة وكمان بدات الخدمة الالزامية في مدني لاني اول ما اتخرجت من الجامعة اشتغلت سنة في كمبيوتر هول بعد ما زهجت من صخب الخرطوم والعمل بها وبعدها الى جدة - شركة كلوركس العالمية وحتي المعاينة الاولى عملتها وانا في السودان وكان عبارة عن برنامج رواتب الموظفين وارسلته لادارة الشركة ومن ثم ارسلو لي الفيزا وتوكلت على الله ،،،

شبرقية

21-03-2007, 12:31 AM

ويييييييييين استاذنا النجط علي الكرسي وزاغ من المدرسة
انا من طليت عليك اول مرة تاني ماجيتك
عارف الظروف والعصرة
اها قول لي رايك شنو في بيت الشعر القئل
مع الاعتزار لابيات السعر
بابا يغسل العدة

بتساعد المدام في البيت?

قلت الاولد محرمين عليك التلفزيون
بامانة كدا مابتهف ليك مرات تحضر معاهم توم اند فرفور جيري

وتاني شنو تاني شنوووووووووو
اي اتزكرتا
ياخي طار برجع ليك تاني

عماد عبدالشكور

21-03-2007, 01:25 AM

ناس اردوا عليهم باللون الوردي وناس باللون الاسواااااااااااااااااااااااااااااد
الله غالب
بجيك بعد شوية حبيبنا مدناوي

مدنيّة

21-03-2007, 01:43 AM

ناس اردوا عليهم باللون الوردي وناس باللون الاسواااااااااااااااااااااااااااااد
الله غالب
بجيك بعد شوية حبيبنا مدناوي

وين انت كنتي مختفي من الكرسي ؟؟ ان شاء الله المانع خير :confused:

ود المطامير

21-03-2007, 01:49 AM

ناس اردوا عليهم باللون الوردي وناس باللون الاسواااااااااااااااااااااااااااااد
الله غالب
بجيك بعد شوية حبيبنا مدناوي
شكيت محنك ضحكتنى لما دمعت

عماد عبدالشكور

21-03-2007, 02:33 AM

وين انت كنتي مختفي من الكرسي ؟؟ ان شاء الله المانع خير :confused:

اختنا مدنية
اهي مشاغل الدنيا
بس صدقيني اي فرصة بلقاها ما قاعد افوتها ابدا تلقيني توووووووووووش قاعد ومحكر جوة المنتدى وما بطلع منو الا حمار الوادي يهنك
لك التحية وشكرا على السؤال والله يديك العافية
وكرسي مدناوي دا خليهو علي بسخنو ليك لما يولع عدييييييييييييييل كدا

عماد عبدالشكور

21-03-2007, 02:37 AM

شكيت محنك ضحكتنى لما دمعت
بطل حركاتك دي يا ود المطامير وما تعمل لينا مشاكل مع حبيبنا مدناوي

Madanawi

21-03-2007, 10:14 PM

ويييييييييين استاذنا النجط علي الكرسي وزاغ من المدرسة
انا من طليت عليك اول مرة تاني ماجيتك
عارف الظروف والعصرة
اها قول لي رايك شنو في بيت الشعر القئل
مع الاعتزار لابيات السعر
بابا يغسل العدة

بتساعد المدام في البيت?

قلت الاولد محرمين عليك التلفزيون
بامانة كدا مابتهف ليك مرات تحضر معاهم توم اند فرفور جيري

وتاني شنو تاني شنوووووووووو
اي اتزكرتا
ياخي طار برجع ليك تاني

طبعا يا شبرقية عارف الظروف والعصرة ، هو انتي زنقتك دي في زول ما سمع بيها!!!

ده ما بيت شعر يا شبرقية ده بيت نظارة!!

بالتاكيد اساعد المدام في البيت وفي كل مكان ،

بامانة كدا مابتهف ليك مرات تحضر معاهم توم اند فرفور جيري؟؟ اكيد مرات كتيرة كمان ومرات اضحك لما اموت من الضحك ، ومعاهم الابتسامة تزداد رونقا ومعنى،،،

Madanawi

21-03-2007, 10:15 PM

بطل حركاتك دي يا ود المطامير وما تعمل لينا مشاكل مع حبيبنا مدناوي

الله لا جاب مشاكل يا عمدة ، ومن ناحيتي اطمئن يا حبة!!

Madanawi

21-03-2007, 10:15 PM

اختنا مدنية
اهي مشاغل الدنيا
بس صدقيني اي فرصة بلقاها ما قاعد افوتها ابدا تلقيني توووووووووووش قاعد ومحكر جوة المنتدى وما بطلع منو الا حمار الوادي يهنك
لك التحية وشكرا على السؤال والله يديك العافية
وكرسي مدناوي دا خليهو علي بسخنو ليك لما يولع عدييييييييييييييل كدا

منتظرك يا الحبيب،،، وزي ما قلت ليك للصباح يا حبة!!

Madanawi

21-03-2007, 10:16 PM

شكيت محنك ضحكتنى لما دمعت

الدموع انت ما بتفتش ليهن يا فردة ، بكاااااااااااااااااااااي من يومك ،،،

Madanawi

21-03-2007, 10:17 PM

وين انت كنتي مختفي من الكرسي ؟؟ ان شاء الله المانع خير :confused:

والله انا برضو قلت كده ، انشاء الله المانع خير يا حبة!!

Madanawi

21-03-2007, 10:19 PM

ناس اردوا عليهم باللون الوردي وناس باللون الاسواااااااااااااااااااااااااااااد
الله غالب
بجيك بعد شوية حبيبنا مدناوي

موش كده يا همده ، نعمل شنو لكن يا حبة ، كما تكونوا يولى عليكم ،،،،

لكن بيني وبينك كده ، الحمد لله انو كل الناس بتلقى ردود ، ولا شنو يا شبارقة؟؟؟

نزار حسن محمد

21-03-2007, 11:08 PM

الحبيب الغالى .. ماشاء الله عليك ردود مائه مائه ...

كدى تعال نطلعك من الجو ده ... صحيت الصباح وانت فى منزلكم ببركات .. وجدته القمرى يقوقى على شجر الحدئقه الاماميه ولعت سجارتك وطلبت فنجان نسكافى بمزاج .. دخل عليك فى الجو الصباحى محمد العبد ومحمد حسن وكل واحد معاه رسالة من جكسايه وطلبوا منك ان ترد على الرسائل ..عشان هم عا زمنك على فطورفى بوفيه رئاسة مشروع الجزيره بترفض العرض ولا بتكتب لهم ... لك الحب بن بركات الاصيل .... نزار حسن

mohd.dafalla

22-03-2007, 07:46 AM

مدناوي هلا لا يهمنا اسمك بقدر ما لفتنا تعليقاتك وردودك المحترمه شكرا ودمدني على مدناوي

محمد السر احمد

22-03-2007, 12:37 PM

هههههههههههههههههههه
نزار حسن والله عرض مغري وانا بضيف عليهو عزموك لعبة حلاوة العصر في ميدان اللقت

salwa

23-03-2007, 02:04 AM

مدناااااااااااااااااااااوي

منورررررررررررررررررررررررررررررررر

ووالله عيني بارده

ما قصرت

فهم صح.....وززوووووووووق صحين

ومعليش للغياب بس ظروف والاولاد

بس بجيك

عماد عبدالشكور

24-03-2007, 02:08 AM

يا مدناوي ناوي تنزل متين من الكرسي دا ؟

مدنيّة

24-03-2007, 02:19 AM

الحبيب الغالى .. ماشاء الله عليك ردود مائه مائه ...

كدى تعال نطلعك من الجو ده ... صحيت الصباح وانت فى منزلكم ببركات .. وجدته القمرى يقوقى على شجر الحدئقه الاماميه ولعت سجارتك وطلبت فنجان نسكافى بمزاج .. دخل عليك فى الجو الصباحى محمد العبد ومحمد حسن وكل واحد معاه رسالة من جكسايه وطلبوا منك ان ترد على الرسائل ..عشان هم عا زمنك على فطورفى بوفيه رئاسة مشروع الجزيره بترفض العرض ولا بتكتب لهم ... لك الحب بن بركات الاصيل .... نزار حسن

اها يانزار ياخوي طفشت التوم من المنتدي بسعالك دا
انت ماعارف انه المدام متابعة معاه الكرسي دا رد برد ؟؟
وانت تبعا ختيته في زاوية ضيقة واظنه فضل الزوغة من الكرسي زي واحد اخونا كدا :D

الفارس البنفسجي

24-03-2007, 07:30 AM

الغالي مدناوي

أولاً : الحبر البتكتب بيه دا حقي أنا
أنت حبرك وينو؟

ثانياً [/COLOR]: في العادة الولد هو اللي بقول للبنت
بحبك ، لو جاتك بنت و ختتك في الزاوية
الضيقة وقالت ليك بحبك، بتعمل شنو؟
ثالثاً : لكل منا علقة في الذاكرة ،أخدها من أبو ولا أمو
ولا من المعلم في المدرسة أو واحد من أولاد الفريق.
أحكي لينا علقة في الذاكرة عمرك ما تنساها.
بمشي وبجيك

Madanawi

24-03-2007, 10:27 PM

الحبيب الغالى .. ماشاء الله عليك ردود مائه مائه ...

كدى تعال نطلعك من الجو ده ... صحيت الصباح وانت فى منزلكم ببركات .. وجدته القمرى يقوقى على شجر الحدئقه الاماميه ولعت سجارتك وطلبت فنجان نسكافى بمزاج .. دخل عليك فى الجو الصباحى محمد العبد ومحمد حسن وكل واحد معاه رسالة من جكسايه وطلبوا منك ان ترد على الرسائل ..عشان هم عا زمنك على فطورفى بوفيه رئاسة مشروع الجزيره بترفض العرض ولا بتكتب لهم ... لك الحب بن بركات الاصيل .... نزار حسن

يا سلام يا نزار والله رجعتني لي ايام لها ايقاع وذكريات احلى من الغنًاها الفنان عثمان مصطفي ،،،

اولا التحية لك وعبرك لكل اولاد عمنا حسن وعمنا العبد وكل اعمامنا في بركات الحبيبة ،،،

ثانيا اظنك تعرف جيدا انني ساقبل العازومة ولو ما عزموني هم كان عزمتهم انا ، اما بخصوص رسائل الجكس فهذا المجال لي فيه باع طويل ولو حسبت ليك كمية الرسائل الجاتني ورسلتها ممكن تحير ليك ناس الهوتميل وياهو وال جي ميل وكل ادوات التواصل البيها سافرنا وشهدنا انفجارك في الارض يا سمرا يا واضحة ،،،،،ما غنيت يوم جيتك صدفة ...قبل ابداك كان غصنك بشر.....يوم ما كان احساسك مسرى .......عرج غيمك فيني ومطر.......لحظة طار عصفور من صدرك ودوزن عصب الزمن الاشتر......

Madanawi

24-03-2007, 10:35 PM

الغالي مدناوي

أولاً : الحبر البتكتب بيه دا حقي أنا
أنت حبرك وينو؟

ثانياً : في العادة الولد هو اللي بقول للبنت
بحبك ، لو جاتك بنت و ختتك في الزاوية
الضيقة وقالت ليك بحبك، بتعمل شنو؟
ثالثاً : لكل منا علقة في الذاكرة ،أخدها من أبو ولا أمو
ولا من المعلم في المدرسة أو واحد من أولاد الفريق.
أحكي لينا علقة في الذاكرة عمرك ما تنساها.
بمشي وبجيك

مرحب بالفارس الهمام ، نورتنا بالجد الليلة ،،
ههههه حبرك يا فارس !! حبري انا اديتو لي جكسايتين ظريفتين كده عشلن يكتبن لي بيهو رسالتي عمك نزار حسن الجايبينها لي ناس محمد العبد ومحمد حسن ،،،،

واحدة تقول لي بحبك ،،، اقول ليها وعيني في عينيها بريدك ومافي غيرك نور .......واقول ليها بنية متين نتلم والحال بطال...تقول لي...هنية وانت معاي...
يا زول العلقات دي ما تعد اخوك ما كان شقي ....وكل يوم مفلق ...اما المدرسة فكنت اجيب السيطان واتدق بيهم........ ولو ما انجلدت ما اتكيف زاتو يا حبة.......
رايك شنو في الحبر ده؟؟؟؟؟؟؟؟
[/COLOR]

Madanawi

24-03-2007, 10:37 PM

مدناوي هلا لا يهمنا اسمك بقدر ما لفتنا تعليقاتك وردودك المحترمه شكرا ودمدني على مدناوي

يا سلام عليك يا ود دفع الله يا رائع ، والله بالجد احمر الجبين لهذا الاطراء الرائع ، بس بقول انو الابداع دوما بكم ولاجلكم ،،،

Madanawi

24-03-2007, 10:43 PM

هههههههههههههههههههه
نزار حسن والله عرض مغري وانا بضيف عليهو عزموك لعبة حلاوة العصر في ميدان اللقت

ا سلام يا ود السر ، ميدان اللقد ده يا ود السر مرة اخوانك اسامة واحمد لاعبين سيردباك واسطوبر واخوك مدناوي طبعا كان مهاجم من الطراز الاول ويومها كان في مباراة حامية الوطيس والجماعة لعبوا لي باص لوب من فوق الدفاع وانا جاري على الكورة والدقائق الاخيرة للمباراة واسمع ليك حس الكرعين بي وراي والجماعة اتعازموا ليك في المقشاشة احمد السر يقول لي اسامة سيبو لي واسامة يقول لي احمد لا لا سيبو لي انا وبعداك انا وقفت الكورة جنب الكورنر وبعد شوية القا ليك انو نحنا التلاتة ودونا المستشفى ،،،،، انف واذن وحنجرة!!!!!

Madanawi

24-03-2007, 10:47 PM

مدناااااااااااااااااااااوي

منورررررررررررررررررررررررررررررررر

ووالله عيني بارده

ما قصرت

فهم صح.....وززوووووووووق صحين

ومعليش للغياب بس ظروف والاولاد

بس بجيك

والله يا سلوى افتقدتك كتير ، يعني ده وكت تخليني فيهو عشان الشباب الحلوين ديل يستفردوا بي ، لكن على العموم الحمدلله على رجعتك تاني وربنا يسهل عليك مع الاولاد وغلبتهم ويحفظهم ليك يا رب،،

الزوق بجي منك ومن الحلوين المنورين المنتديات ديل ،،، ربنا يديمها نعمة ويجعل التواصل دائما بؤرة الالتقاء عبر بوابة المنتدى الرائع،،،،،،،

Madanawi

24-03-2007, 10:55 PM

اها يانزار ياخوي طفشت التوم من المنتدي بسعالك دا
انت ماعارف انه المدام متابعة معاه الكرسي دا رد برد ؟؟
وانت تبعا ختيته في زاوية ضيقة واظنه فضل الزوغة من الكرسي زي واحد اخونا كدا :D

يا التومة انا مرارا وتكرارا قلت في هذا المنتدي باني كنت جعلي والخواف دا مو حر منو نتبرااااااا،،

انا يا تومتي عاشق للزوايا الضيقة واحسن من يجيد الخروج من عنق الزجاجة وكمان سلك دبلوماسي باكملو ، ما سلك بتنا سرورة....

بعدين انا من يوم ما قعدت في الكرسي ده ما كبيت الزوغة وما من واحد او واحدة من الحلوين بتاعين المنتدي سالني سؤال او اكثر الا وجاوبته وارجعي لي برنامج من الامس يا فردة وشوفي التوم كان قصر؟؟؟

Madanawi

24-03-2007, 10:55 PM

يا مدناوي ناوي تنزل متين من الكرسي دا ؟

لمن تقول لي انك تعبت ومليت من الاسئلة وضليت وهج الحروف وغابت عنك شمس الشمارات وهطلت عليك امطار الملل من الاجوبة المتلاحقة لكل الزوايا والركنيات،،،،،،،، ممكن افكر حينها ان اعتزل

مدناوية

24-03-2007, 10:58 PM

مرحب بالفارس الهمام ، نورتنا بالجد الليلة ،،
ههههه حبرك يا فارس !! حبري انا اديتو لي جكسايتين ظريفتين كده عشلن يكتبن لي بيهو رسالتي عمك نزار حسن الجايبينها لي ناس محمد العبد ومحمد حسن ،،،،

واحدة تقول لي بحبك ،،، اقول ليها وعيني في عينيها بريدك ومافي غيرك نور .......واقول ليها بنية متين نتلم والحال بطال...تقول لي...هنية وانت معاي...
يا زول العلقات دي ما تعد اخوك ما كان شقي ....وكل يوم مفلق ...اما المدرسة فكنت اجيب السيطان واتدق بيهم........ ولو ما انجلدت ما اتكيف زاتو يا حبة.......
رايك شنو في الحبر ده؟؟؟؟؟؟؟؟

غايتو الشفقة تطير وتقع في البير ،،، مدناوي ياأخوي ماتخلي طيارة العين دي وترضى بالعندك،،،
وخلي الكواسة والمقابضة،،،

وربنا يديم المعروف،،،،

Madanawi

25-03-2007, 01:18 PM

غايتو الشفقة تطير وتقع في البير ،،، مدناوي ياأخوي ماتخلي طيارة العين دي وترضى بالعندك،،،
وخلي الكواسة والمقابضة،،،

وربنا يديم المعروف،،،،

يا استاذة نفحات ما قريتي السؤال يعني انا ما مشيت اقابض قال لي بنت حلوة جاتك وقدمت اوراق اعتمادها سفيرة للحب ، ايش اسوي يعني ...ابقى انسان سلبي ولا شنو....ما اراعي احاسيس النواعم؟؟؟

شبرقية

25-03-2007, 09:51 PM

السلام عليكم

مدناوي بتتزكر اول مشاركة ليك في المنتدي
بتقرا كل المواضيع الجديدة?
ولا مواضيع ناس معينين?
ولا علي حسب العنوان?

صفة سئ فيك وماحب اولادك ياخدوها منك

واخري حميدة ومن هسه بتعلم فيها للعيال
الله يخليهم ليك

ولي عودة ان شاء الله

مدناوية

25-03-2007, 10:02 PM

يا استاذة نفحات ما قريتي السؤال يعني انا ما مشيت اقابض قال لي بنت حلوة جاتك وقدمت اوراق اعتمادها سفيرة للحب ، ايش اسوي يعني ...ابقى انسان سلبي ولا شنو....ما اراعي احاسيس النواعم؟؟؟

الله يخليك لينا ياأستاذ ،،، وتراعي أحاسيس النواعم،،،

ود قمر

26-03-2007, 12:45 AM

العزيز مدناوي لك التحية والشوق..
طولنا منك وآخر مرة إتقابلنا فيها مرت عليها سنتين وربما اكثر في وفاة العم عبد المجيد شجر الخيري له الرحمة بالمهندسين...
ومبروك ليك البنيات ابو احمد..
سعدت كثيرا للطيب سعد وربنا يسعدو..
كرسيك هجومو مسخن لكن شايفك مقفل الدفاع وبتشتت كويس..بس أعمل حسابك من المهاجم
بالفنلة البرتقالية بالرقم 404
ياسر جلال بسلم عليك وقال ليك هو برضو ما ود بركات وما قرا معاك الجامعة وما اقنعك في داخلية كسلا ايام بركس الرجال بانو السيجائر مارلبورو اسمو ماربورو..

الشريف الهندي

26-03-2007, 05:57 AM

الرائع الجميل مدناوي ...
الحقيقة اسعدتنا كتير بتواجدك البهي في الكرسي اليومين ديل
ولي معاك جلسه قريبه مع كودات الاوراكل لكن ماريتني تخصصك في
الاوراكل في شنو ؟؟ وليك عاطر التحايا يارائع

ود المطامير

26-03-2007, 11:00 AM

يا حبيبنا أبوشنطه
ياخى رقم التلفون اللى أدونى ليهو يوم الحفله
فى أبوظبى ضاع منى مابتتزكر لى آخر تسعه أرقام منو ؟

Madanawi

26-03-2007, 09:44 PM

السلام عليكم

مدناوي بتتزكر اول مشاركة ليك في المنتدي
بتقرا كل المواضيع الجديدة?
ولا مواضيع ناس معينين?
ولا علي حسب العنوان?

صفة سئ فيك وماحب اولادك ياخدوها منك

واخري حميدة ومن هسه بتعلم فيها للعيال
الله يخليهم ليك

ولي عودة ان شاء الله

طبعا لا اذكرها ولكن اذكر انني دخلت من باب الرياضة،
طبعا أقرأ كل المواضيع الجديدة ما بقينا (حيكومة) ولازم نشوف اخبار التمرد شنو؟؟؟
وبالتالي ليس عندي خيار وفقوس في قراءة المواضيع فكل الاعضاء حبايبنا ومشاركاتهم تثلج صدورنا..
صفة سيئة فيني - كان التدخين والحمد لله اقلعت عنه ولا احب ان ارى احمد ابني مثلا يدخن او اي شخص اخر فهو بالجد عادة خطيرة وضارة بالفرد والمجتمع.....

الصفة الحميدة - هي انني والحمد لله اجتماعي جدا.. ولي اصدقاء كثر واعتز بصداقتهم جميعا لانهم اهل لذلك ..فهم في الخاطر وفي البال... وفي الحقيقة وفي الخيال.. هم الجمال..وشايلهم في الوجدان.. وهم الامس واليوم ويوم باكر ....واريت باكر يكون هسه،،،،

Madanawi

26-03-2007, 09:45 PM

يا حبيبنا أبوشنطه
ياخى رقم التلفون اللى أدونى ليهو يوم الحفله
فى أبوظبى ضاع منى مابتتزكر لى آخر تسعه أرقام منو ؟

آخر تسعة ارقام ولا آخر تسعة حروف يا متمرد؟؟؟؟؟؟؟؟؟؟؟؟؟

Madanawi

26-03-2007, 09:54 PM

العزيز مدناوي لك التحية والشوق..
طولنا منك وآخر مرة إتقابلنا فيها مرت عليها سنتين وربما اكثر في وفاة العم عبد المجيد شجر الخيري له الرحمة بالمهندسين...
ومبروك ليك البنيات ابو احمد..
سعدت كثيرا للطيب سعد وربنا يسعدو..
كرسيك هجومو مسخن لكن شايفك مقفل الدفاع وبتشتت كويس..بس أعمل حسابك من المهاجم
بالفنلة البرتقالية بالرقم 404
ياسر جلال بسلم عليك وقال ليك هو برضو ما ود بركات وما قرا معاك الجامعة وما اقنعك في داخلية كسلا ايام بركس الرجال بانو السيجائر مارلبورو اسمو ماربورو..

اهلا ومرحب بيك يا ابو حميد والله زمن طويل بالجد يا حبة،
فعلا اخر مرة اتقابلنا فيها في المهندسين في وفاة عمنا عبد المجيد شجر الخيري رحمة الله عليه،
اله يبارك فيك ومبروك ليك الزواج الميمون يا معلم ، وكمان مبروك للطيب سعد ولكل العرايس والعرسان،
ولا مقفل ولا حاجة بس واجب علي الرد بكل احترام واهتمام لكل اسئلة الاعضاء الكرام حتى يتسنى للجميع المشاركة عبر بوابة الكرسي الملهلب...
يا سلام يا احمد ..ياسر جلال ..الله يسلمو ..وين المارد ده واخبارو شنو بالله،،
مارلبورو شنو وليليى مراد الجابها هنا شنو يا ود قمر انت راكب غلط يا حبة وانا بقول احسن تمشي تتاكد من الزول الاقنعو ده منو عشان الراي العام وكده!!!

Madanawi

26-03-2007, 10:05 PM

الرائع الجميل مدناوي ...
الحقيقة اسعدتنا كتير بتواجدك البهي في الكرسي اليومين ديل
ولي معاك جلسه قريبه مع كودات الاوراكل لكن ماريتني تخصصك في
الاوراكل في شنو ؟؟ وليك عاطر التحايا يارائع

مرحب بالشيوخ ،،،

عزيزنا ود الهندي مرحب بيك في اوكت وانا والاوراكل في الخدمة يا معلم ، بالنسبة لتخصصي في الوراكل ، انا متخصص برمجة وتحليل نظم .. ولكن لي خبرة جيدة والحمد لله في ادارة قواعد بيانات الوراكل والاتصالات والداتا انتيقرتي "تكاملية البيانات" وتحليل النظم،، يعني باختصار كده التحليل والتخطيط والتصميم والبرمجة والصيانة لقواعد البيانات والتطبيقات ووسائل الاتصالات فيما بينها سواء كان على الشبكات المحلية او اللا سلكية او الانترنت كوسيلة اتصال،

مدنيّة

26-03-2007, 11:38 PM

تبعا يااخونا التوم معانا في الكرسي دا لغاية بكرة الساعة 12:00 ظهرا

اها العنده سؤال لسة ماساله ليه يلحق بسرعة

ياعماد تعال حصل قبل ما صاحبك ينزل من الكرسي دا

نزار حسن محمد

27-03-2007, 12:35 AM

هوووووووى يامشرفين المنتدى العام ... مدناوى ده خالص استوى وبقى شوربه عديل ... شوفه الدور على منوا ... والدور الدور موعوده يالى عليك الدور

ود المطامير

27-03-2007, 12:44 AM

هوووووووى يامشرفين المنتدى العام ... مدناوى ده خالص استوى وبقى شوربه عديل ... شوفه الدور على منوا ... والدور الدور موعوده يالى عليك الدور
عمّى وحبيب قلبى مشتاقين والله
يا عمّى إنت بتنادى لمنو ؟ يعنى إلا يقول ليك الروووووب ؟
عليك الله رجّع ود أخوك تانى لو ما لقيت ليك زول .
وأبو شنطه حبيبى دا والله تب ما قصر معاكم كفّى حقو وزاد عليهو
كمان ونحنا إتحرمنا منو ومن صواريخو أرض جو بحرى
فكوهوا لينا خليهو يفكفك الصواريخ

عماد عبدالشكور

27-03-2007, 08:22 PM

يا مدناوي يا حبيبنا مالك مستعجل خليك شوية
عايزين كلمة اخيرة وكدا
ولا المفارق عينو قوية ؟

Madanawi

27-03-2007, 10:07 PM

عمّى وحبيب قلبى مشتاقين والله
يا عمّى إنت بتنادى لمنو ؟ يعنى إلا يقول ليك الروووووب ؟
عليك الله رجّع ود أخوك تانى لو ما لقيت ليك زول .
وأبو شنطه حبيبى دا والله تب ما قصر معاكم كفّى حقو وزاد عليهو
كمان ونحنا إتحرمنا منو ومن صواريخو أرض جو بحرى
فكوهوا لينا خليهو يفكفك الصواريخ

الصواريخ جاياك يا ود المطامير ما تستعجل على رزقك ، ابقى قدرها!!!!!!!!!!!!!!!!!!!

Madanawi

27-03-2007, 10:09 PM

هوووووووى يامشرفين المنتدى العام ... مدناوى ده خالص استوى وبقى شوربه عديل ... شوفه الدور على منوا ... والدور الدور موعوده يالى عليك الدور

مدناوي قال ليكم كان جعلي يعني بيهز ويرز ، وبنسكت الخشامة يا ابو النيز ، يعني ما تخاف على اخوك واسال مني عمده جايي يسكني سكيتو !!!

Madanawi

27-03-2007, 10:10 PM

تبعا يااخونا التوم معانا في الكرسي دا لغاية بكرة الساعة 12:00 ظهرا

اها العنده سؤال لسة ماساله ليه يلحق بسرعة

ياعماد تعال حصل قبل ما صاحبك ينزل من الكرسي دا

اسمع كلام التومة يا عمده وحصل قبل المولد ما يخلص،،،،،،،،،،،،،،،،،،،،،،،،،

Madanawi

27-03-2007, 10:21 PM

يا مدناوي يا حبيبنا مالك مستعجل خليك شوية
عايزين كلمة اخيرة وكدا
ولا المفارق عينو قوية ؟

ابدا يا عمده وهاك الكلمة الاخيرة ،،،

الشكر للكل ..لانهم زي الفل .. ادارة ...ومشرفين ..واعضاء بهذا المنتدى الرائع لاتاحتهم لي هذه الفرصة الطيبة والبراح الجميل والكرسي الذي كان بمثابة بيت دافئ احتضنت فيه اسئلة اروع من الجمال وحاولت ان اكون شفاف وصادق كي اساهم في انجاح الفكرة واوصل المطلوب لكل الحبايب في المنتدى خليني اقول كما نبغي ،،

سعدت جدا بحضور الاعضاء ومشاركتهم ومبادلتهم الاحاسيس المرهفة والمشاعر البراقة والصادقة فكل من وطأت اقدامه مدينة ودمدني هنيئا له .. وكل من خط قلمه حرفاً في منتديات ودمدني .. هنيئا له .. واقول ان اللقاء امتد بكم في عجالة بناظري هي بضع ثوان.. وهل تطيق وداعا ايها الرجل ..هي هي هي ..

الى اللقاء والشكر مرارا وتكرار لتلك الكوكبة الماسية التي تبلورت فانصهرت فكان مخاضها تحت جذع منتيات ودمدني .. فشكلت وجداناً للصداقة الفريدة .. ونبراساً للمحبة والاخاء.....

بكم وعبركم تمتد الفرحة .. وتاتي وتاتي وتاتي .. تكبر الكلمات فتزدهر المعاني فتقول الى اللقاء

ودمتم بكل الود ،،

مدناوية

27-03-2007, 11:43 PM

مدناوينا ،،، أسعدتنا كتير بصراحتك ،،، ووضوحك ،، وشفافيتك،،،

نورت الكرسي الساخن ،،، وأتحفتنا بوجودك يارائع،،،

وربنا يخليك لي عيالك ويحفظهم ليك ,,,

وربنا يديم المعروف،،،،

سواااح

28-03-2007, 12:12 AM

مدناوي / معـــز

لك جميل الشكر

علي هذه الوقفة

والاستراحة الراقية في رياضك

عذرا فالجميع لم يترك شيئا الا وعرفوه

فكنت انا من البعد اتفيا ظلال حديثك

كن دوما بخير صديقي

كن بخير ابد العمر ...

مشاققة :

رسالتك في الجوال قلت لي الضباح المسطول عمل شنو ؟؟

Madanawi

28-03-2007, 12:18 AM

ولا الضالين يا نفحات ،

ومشكورة على الاطراء الجميل ،

ودمتي بكل الود،،

Madanawi

28-03-2007, 12:22 AM

حبيبنا سواح ،

دوما كلماتك تشبهك ، لها سحر متفرد لذلك تجد لها متكأ عند كل من تعبره او تمر من خلاله ،

مشكور كل الشكر ،

اما بالنسبة للضباح فقد ولى عهد الذبح وابتدع فن التجديد،،،

Madanawi

28-03-2007, 12:23 AM

الكلمة الاخيرة ،،،

الشكر للكل ..لانهم زي الفل .. ادارة ...ومشرفين ..واعضاء بهذا المنتدى الرائع لاتاحتهم لي هذه الفرصة الطيبة والبراح الجميل والكرسي الذي كان بمثابة بيت دافئ احتضنت فيه اسئلة اروع من الجمال وحاولت ان اكون شفاف وصادق كي اساهم في انجاح الفكرة واوصل المطلوب لكل الحبايب في المنتدى خليني اقول كما نبغي ،،

سعدت جدا بحضور الاعضاء ومشاركتهم ومبادلتهم الاحاسيس المرهفة والمشاعر البراقة والصادقة فكل من وطأت اقدامه مدينة ودمدني هنيئا له .. وكل من خط قلمه حرفاً في منتديات ودمدني .. هنيئا له .. واقول ان اللقاء امتد بكم في عجالة بناظري هي بضع ثوان.. وهل تطيق وداعا ايها الرجل ..هي هي هي ..

الى اللقاء والشكر مرارا وتكرار لتلك الكوكبة الماسية التي تبلورت فانصهرت فكان مخاضها تحت جذع منتيات ودمدني .. فشكلت وجداناً للصداقة الفريدة .. ونبراساً للمحبة والاخاء.....

بكم وعبركم تمتد الفرحة .. وتاتي وتاتي وتاتي .. تكبر الكلمات فتزدهر المعاني فتقول الى اللقاء

ودمتم بكل الود ،،