لغه الراندوق بامفتحييييييييييييييييييييييين

[okasha]

اولا مصدر اللغه ؟

هل لغه الرندوق مصدرها الطبقه المعدمه ( الشماشه)

ام الطبقه الوسطى ومن بينهم طلبه الجامعات

ام لغه ليس لها اصل ظهرت بسرعه ولكنها انتشرت اسرع ؟

الغريبه انو لغه الرندوق اصبح يتحدث بها كثير من الشعوب العربيه وحتى الاحنبيه والمصرين مثلا يسمونها اللغه الروشه وايضا المجتمع الغربى والذى يتحدث اللغه الانجليزيه نجد ان الشباب لديهم لغه خاصه بهم ليس لها اصل فى اللغه الانجليزيه ولو كنت قاعد فى وسط طلبه اوشباب ممكن تكون بره الخدمه اذا كانو بتحدثو بلغه الرندوق دى ؟

السؤال ؟
هل سوف تكون لغه الرندوق هى اللغه الاصليه للاجيال القادمه؟

من الامثله الرندوقيه ؟


الجلوك ( الاب )

الجلكينه( الام )

فرده ( صديق او صاحب )

الشرتيت او الشروقه او الضحكات او الكنجالات ( القروش )

عشمانه ولا عشه الفلاتيه ( العشاء )

القدمبليه ( الغداء )

الدامه ( البنت )

الفاره والدقوس ولا المدقس ( الزول الماعارف شىء او الما ناقش شىء هههههه ما لقيت ليها معنى بالعربى كملتها بالرندوق)

ودى عينه وانا متاكد تماما انو ممكن نملا عشرات الصفحات بلغه الرندوق دى ويلا ورونا بترندقو كيف

واى لوز ما قانش الرندوق ده يجى هنا ياخد دروس ويشتت عشان يعيش بيها مع العالمين دى

يلا انا مشتت واسيبكم يا فرد تجدعو لينا كم جدعه كده على فكره البنات اكتر من يتحدث بلغه الرندوق

[الفارس البنفسجي]

يعني بعد شوية حا يكون في قاموس للغة دي

تعيش كتير تسمع كتير

[مدناوية]

نحيا ونشوف... عرس الجدادة للخروف

[شبارقة]

والله يا فردة أخوك ما ناقش الرماد في لغة الرانتوق ..
لكن الحاجة الوحيدة العرفتها الشرتيت يا مان ..
أخوك عامل حبكانات مع القنزب ..
وبموت في الدامات النضيفة .. أخوك بلي نضيف برضو
***
لك كل الود

[سواااح]

والجكس قالوا صار اسمو الارانب !!

[مصريه]

هههههه
والله فعلا لغه غريبه
بيقولوه علي القمر الرمق
والشاي الياش
الدجموه الحبيبه
السان الانسان
وهكذا الفكره انهم بيقلبوه الكلمه
وكده يعني
وشكرا لموضوعك

[المسافر]

تسلم يا فردة على الراندوق الشديد ده
المصيبة إن الغربة أبعدتنا تماماً عن
الأجواء في السودان . . . وربما يأتي
اليوم الذي سنذهب فيه إلى السودان
ومعانا مترجمين . .

ودمت يا الغالي

[عماد عبدالشكور]

شكرا يا فردة يا منقرضة على الموضوع

[ابودجانه العباس]

نيو يا رفده اللكام أد دشيد لخاس ونا تنك واعز
لوز يكتب نع الضمووع اد نم مزان رشكا لجيزا
(وين يا فرده الكلام دا شديد خلاس وانا كنت عاوز
زول يكتب عن الموضوع دا من زمان شكرا جزيلا)

القرنبوز....بنات العالي.
القنزب.....القروش.
الحنك...الاقناع بالشي.
حبه أو فرده...الزول العزيز.

[عماد عبدالشكور]

نيو يا رفده اللكام أد دشيد لخاس ونا تنك واعز
لوز يكتب نع الضمووع اد نم مزان رشكا لجيزا
(وين يا فرده الكلام دا شديد خلاس وانا كنت عاوز
زول يكتب عن الموضوع دا من زمان شكرا جزيلا)

القرنبوز....بنات العالي.
القنزب.....القروش.
الحنك...الاقناع بالشي.
حبه أو فرده...الزول العزيز.

الترجمة على الشريط ؟

[ود حنتوب]

يبدو ان الحكاية عربية تماما
فقد شاهدت الفنان المصرى عصام كاريكا ( مش كاريكا بتاع مدنى ) يغنى اغنية عجيبة كلماتها كلها غريبة وشكلها رندوق مصرى ...

نحن فى الغربة نتفرج ونندهش وتتملكنا الحيرة
انا حاجز بنبر هنا عشان اشوف دندوقكم ده كيف ؟؟؟

[magdi]

قالوا في واحد كمساري مات ... قام الكماسرة كلهم اتجمعوا مع بعض واختاروا أفضل واحد لبق فيهم - قالوا ليه تمشي لأبو صاحبنا وتكلمه بالحصل وتديه القروش دي ...
أخونا الكمساري مشى ... ولما وصل البيت ... التقى والد زميله الميت وقال ليه:
" أسمع يا جلكين ... الفاره دقس ... وقع اتلحس .. هاك الشرتيت دا ...وأنا مشتت ... "

[magdi]

الموضوع منقول عن لغة الراندوق !!
الشماشة أو الشماسة ... المتشردين أو المشردين وبين الكلمتين فرق بين وهم أولئك القوم الذين نطلق عليهم لفظ (الشماسة ) وهم أهل ممكلة وطقوس وسمت ومسلك وطرائق اجتماعية ونظام لا يعلم احد وشخص ما من وضع قوانينه وهل هي قواعد صنعت هكذا عفوا أم تدبرها المؤسسون الأوائل من الرعيل الأول منهم ... لست أدرى ولم كم تمنيت أن يقف باحث ما على هذه النقطة داخل ممكلة الراندوق ..
الرندقة في عرفهم هي لغة هجين من كل شي عربية ولكن تقلب حروفها وتقرا معكوسة أو مبعثرة فان كان اسم احدهم (شرف ) فانه ينادى باسم (فرش ) وهكذا وكذلك لهم تعابير ومصطلحات خاصة بهم و(اكواد ) فاللص والسارق الذي يتخصص في السرقات الخفيفة (النشل ) فانه يسمى ( كدكه ) والذي يتجاوز تلك لما هو أعلى وأغنى فانه (بتاع سمينة ) والمال عندهم يسمى (الربطة ) و(القالب ) والشخص العظيم بينهم فهو (الجوكى ) وأما البسيط وغير المحترف منهم فهو (فأره ) و(حمام ميت ) أو (وهم ) والحق اننى أتعامل معهم بعفوية وود بلا حذلقة مقيتة ودوما وأثناء مروري بحشد منهم يتخذ من بعض المباني والزوايا المجاورة لمقر عملي أقف بقربهم وأحييهم (كيف يا صاقعات ) فيردون (أبو طويلة ..كيف يا عمك ) فاقول ( تمام .. Z ) والحرف الانجليزى (z ) يعنى ان الحال جيد ولا تثريب عليه وليس ( شلش ) ويبدأ بيننا حديث أتفقد فيه صديقي و(فردتي ) (تنقو )فياتى الرد من احدهم ( تنقو أمبارح دقس مشى مايو كان مرطب هناك عفص ليهو بمبة وزنو ليك يا عمك ودوه الربط واحتمال يكون قطع الكوبري ) ومعنى هذا الحديث أن صديقهم المذكور ذهب في زيارة إلى منطقة مايو جنوب الخرطوم حيث يتمتع هناك ببعض طيبات مزاجه من خمر أو مخدر لكنه لسبب ما اصطدم برجل شرطة (بمبه ) ولفظة ان فلان (وزنوه ) اى أوقعت به طامة ومصيبة فكان أن اقتيد (تنقو ) إلى الحبس بقسم الشرطة ومن ثم قد يرحل محكوما أو منتظرا إلى السجن الذي يكنى له بان فلان قطع (الكوبري ) في إشارة إلى سجن امدرمان ! فسألتهم عما هم فاعلون فقال محدثي ( كابوكى فردتنا شتت من الصباح يلم الرقعة من الفرد عشان جاحة تنقو تعمل ليهو عضة لغاية ما الوهمة تخلص ) و(الجاحة ) هي البنت الصديقة والمعشوقة ورفيقة الدرب والشمس ...
عالم مثير وطريف من القصص والحكايا والشخوص يختلف الناس أو يتفقون حول ظاهرتهم لكن يجب ان نلتزم -كلنا كنت من علية القوم أو أطياف ملح الأرض -أنهم سودانيون اقحاح رغم ان كثير من جدل قسمة السلطات والثروات لا يضع لهم سهما ومقعدا ومتكأ ،يفهمون كثيرا فى السياسة يطبق بعضهم اشتراكية لم يقف عليها مفكر ويلتزم بعضهم بشفافية وشورى وروح أخاء تنعدم بين كثير من القوى التي تنصب نفسها ناطقة باسم البشر أو حاكمة باسم الناس يحبون (الهلال) ولطالما اقتصدوا واقتطعوا من فتات أموالهم لأجل اكتحال أعينهم بمشهد هدف يحرزه الهلال ليرقصون بعدها الى الصباح وهو يغذون الخطى فى الليل من شمال العرضة إلى الخرطوم جنوب والسجانة حين ينتشرون فى نومهم ويموتون لاجل (المريخ) وقد رايتهم الخميس الماضي وعقب فوز المريخ بهدف العجب وهم يسدون شارع الأربعين يضحكون من قلوبهم مع مناكفات جميلة حين يحتج الأهلة منهم ( حارس مرمى فاره ووهم ,وداقس وما تفتيحه هسة دا قون يخش فيهو ) ! ووصلت لقناعة ان كثير من افراحنا العامة والحاشدة يكون لهؤلاء القوم فيها رشة ملح وعطر وما بين الاولى والثانية حالين من الطعم والطعامة وفوح الاريج . واكثر من ذلك ان عامية (الشماسة ) وغض النظر عمن تمثلهم فانها دخلت صلب العامية السودانية وأصبحت ركنا كرينا فيها سواء داخل الأحاديث الشعبية بالجامعات او فى مجالس الثرثرة بالأحياء .
الفردة ( كركوج ) و(تيكو ) و(عامر جلكسات ) .... سلام من الله يغشاكم حيثما كنتم (مرطبين ) او (مربوطين )

[ود حنتوب]

الأخ مجدى

لك التحية

لقد أنصفت القوم سيدى وقلت فيهم ما هم اهل له ...
صدقنى ان عشرة هؤلاء تفوق عشرة علية القوم وساعة الجد تجدهم ينفرون نحوك خفافا وثقالا ولا تجد منهم تكاسلا ابدا وقد تجدهم حيث لا تظن وحيث لا تتوقع ان يكونوا ويقدموا لك خدمات جليلة نظير كلمات تعاطف معهم او كلمة حق فى حق احدهم ...

لله درك اخى فقد تنزلت نفسك الكبيرة لفئة ظلمت مرات ومرات .. مرة حين تخلى عنهم اهلهم ولفظوهم والله اعلم كيف وصلوا الى ما وصلوا اليه ومرة اخرى حينما عاملهم المجتمع معاملة الاجرب الذي يجب الفرار منه ومرة اخرى حينما جعلهم النظام والشرطة هدفا لشن حملاتهم ورميهم بكل جريرة سواء اكانوا مرتكبيها ام كانوا ابرياء منها ...
انهم فئة جار عليهم الزمن وعز عليهم الحليف ولكن الله معهم يقينا..

لك تحياتى ومودتى ....

[okasha]

لواى المعيظ السانات دشيشيين لديع دكا


اليكم هذه الجائزة



زغبيير***الزوغان

شرحبييل***شر الزول(خلف الموعد)

خوجلى****الخجل

*********************************************

فلان ركبو ماسورة اى دقسوه اى خدعوه



امدونا بالمزييييييييييد يا ناس مجدى

عشان نتعلم

[شبرقية]

I need Oxford Randoog Dictinory

[ابودجانه العباس]

I need Oxford Randoog Dictinory


آي ونت هلب هم بت ذا

دكشنري نت وذ مي يو اندستاند

سجنل تو كمبرهنشن نو قو تو

همبرقر شكن بلس..

(شعاكه اللوزه إد عايضه دعييييل

رويها جاحه شعان اه ربه البكشه)..

[شبرقية]

آي ونت هلب هم بت ذا

دكشنري نت وذ مي يو اندستاند

سجنل تو كمبرهنشن نو قو تو

همبرقر شكن بلس..

(شعاكه اللوزه إد عايضه دعييييل

رويها جاحه شعان اه ربه البكشه)..

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه
I didn`t understand any thing:confused: :eek:

[meshanshow]

دي لغة شوارع و امكن الطلبه اتعلموها منهم لكن ليست لغه حضاريه حيث لايمكن ان تتكلم بها في الاجتماعات و ده رايي

[sami_alkaer]

نيو يا رفده اللكام أد دشيد لخاس ونا تنك واعز
لوز يكتب نع الضمووع اد نم مزان رشكا لجيزا
(وين يا فرده الكلام دا شديد خلاس وانا كنت عاوز
زول يكتب عن الموضوع دا من زمان شكرا جزيلا)

القرنبوز....بنات العالي.
القنزب.....القروش.
الحنك...الاقناع بالشي.
حبه أو فرده...الزول العزيز.

والله انت وعكاشه ذكرتوني حاجه ليها سنين ، وباختصار مشيت لاهلنا في المتمه (شندي) وكان الكلام ده (كم وتسعين) والمهم هناك شكلو الرندوق المقلوب ده كان عندهم كرت (جديد) وبس بتكلموا بيهو ، وفي مره قاعدين يتونسوا وانا قاعد والكلام كان بيدور عن العبد لله ( اللوز عبات دمني اد ماعل فيها بلاع يف الروكه كلن مرح كبره بسكروا) - الزول بتاع مدني ده عامل فيها لعاب في الكوره لكن حرٌم بكره بكسرو - المهم طوالي انا قلت ليهم ليه تكسروني ...وهنا الخشوم انفتحت متريين: يازول انت بتعرف الرندوق بتاعنا ده من وين ...وطبعا اتحبطوا لما عرفو اني انا عارف كلامهم والرندوق الي هم متصورين براءة الاختراع الخاصه به اجيزت من المتمه.
مع تحياتي

[بورتبيل]

يا فردة
موضوع في غاية الاهمية .. واصبح منتشر جدا في هذه الايام .. اعتقادي ان هذا الموضوع ناتج من مجموعة عوامل كثيرة .. منها كمثال (ضعف في المكنون الثقافي للفرد في هذه الشرائح ) او قل ان كافة هذه الشرائح فقيرة جدا ثقافياً ..( انا اتكلم عن جانب المحتوى الثقافي الذي نعيشه ) فناهيك عن الدين والاخلاق .. والرؤى والتطلعات .
لذا نجد تولّد هذه الظاهرة من هذا المنطلق احياناً .. واحياناً نجد انها تولّدت نتيجة للمزحات والقفشات بين الاصدقاء .... والاخطر طبعاً هو تسلل هذه الظاهرة الى الاسرة الصغيرة .. وخصوصاً الاطفال .. وتجد كثيراً منهم يتبادل هذه اللغة .. في اطار الاسرة .. ولكن ( عندما يتفتح ذهن الطفل وهذه اللغة متعلقة بعقله .. وتعامله .. هل تعتقد ان يكون هذا الطفل فتى في المستقبل؟؟؟)
اما اذا جينا من ناحية اللغة ومناقشتها نجدها كثيراً ما تفتقر الى الجدية في التامل بين الاخرين .. فهي في المضمون الاول هزلية لابعد حد .. ولغة سخرية وتتخذ للضحك والمذاح في احيانا كثيرة وفي مجتمعات شتى.
اقرب حاجة ان هناك قصةمتداولة بينالاخرين عن حكاية سائق لوري ومساعديه :

يحكى انه كان هناك سائق لوري ومعه بعض من مساعديه وقد تعرض هذا اللوري لحادث نتجد عنه وفاة احد المساعدين.... طبعاً تالم السائق والمساعد الاخر غاية الالم لوفاة المساعد الاول. واقترح السائق ان يرسل المساعد الاخر الى اهل الاول .. ليخبرهم بوفاة ابنهم.
ذهب صاحبنا الى منزل صديقه وهو يحمل بعض اغراضه بعد وفاته ويدور في راسه كيف له ان يختار كلمات يخفف بها وقع الخبر على اهل المرحوم .
وعندما قابل والد المتوفي ابتدره بهذا الكلام:
اسمع يا جلك ... الفردة ولدك دقس واتلحس
وامسك الشرتيت دا انا مشتت!!!

هل هذا ما نرجوه من هذه اللغة الفرضية في مجتمع اختصه الله باحب اللغات (اللغة العربية) وبخير الاديان ( الاسلام)
(((( وكنتم خير امة اخرجت للناس))))
وسوف نعود

[ود المطامير]

هسى نحنا فى المطامير أكان دايرين نرندق
كلامنا نقول شنو ؟
واحد يرندق لى الجمله دى
عوووك يا ود الطاهر أفتح الزريبه خلّى البقر يتراوح

[okasha]

نواصل ما انقطع منرندقة


فلان اتلحس**** اى مات

فلان فتح لزول **** اى عمل نائم وما اشتغل بيهو

فلان اتفكفك**** اى شتت و مشى لحال سبيله

فلان فارش**** اى منتهى وما ناقش حاجة

فلانة شديدة **** اى جميلة جمال مبالغة



دمتم



واصلوا وما تنقطعو

[Madanawi]

يا ود المطامير يوندقو ليك شنو ما كلامك اصلا مترندق براهو!!!!!!!!!!!!!!!!!

يا جوكس دس النفس ده عشان الجلك بجي يكشف ولو دقست الا تقوم جاري!!!!!!!!

[ود المطامير]

يا ود المطامير يوندقو ليك شنو ما كلامك اصلا مترندق براهو!!!!!!!!!!!!!!!!!

يا جوكس دس النفس ده عشان الجلك بجي يكشف ولو دقست الا تقوم جاري!!!!!!!!
ههههههههههههههههه
الحاله دى يا الحبيب
إخترت جمله من لغة الجيل
الجديد .

[معتز الريح]

والله يا عمك..
موضوعك أبعاد ..
ما تقول بنكسر ليك تلج ولا بنرمي ليك طعمة ..
ورونا الجديد عشان ما يدقسونا ..

سؤال ؟
النجيجة وين؟

[محمد دفع الله]

مفروض الرجل بالذات اكون كلامو واضح ومحدد وصريح من غير اى رندوق عشان ما يقلل من شخصيتة