عنفوان

[شبارقة]

يا عنفوان سحر الجمال
مردود عليْ كل الجنون القلتو فيكْ
ما هزَّ في جوّاك حس جوّايْ
نذر غنَّايو ليكْ
ما رد ليْ منِّك نغم
فصَّل غنا الأوتار عليكْ

ماطر عليْ حسنك زخم
عارفاني ما بستحملو
زايد عليْ في الشوق ألم
سر من عيونك كمَّلو
قسَّم مناميْ عليْ قسَم
قلبي المحب لو تسألو
يا غافلة منّي وفيك رسم
زولاً بعيد مستقبلو

يا عنفوان سحر الجمال
مردود عليْ نظم القصيد
لو مرّة في بالك وصال
أو في الخيال لي زول بريد
تفتح جوانحو عليك درر
ويرجع يسالمك من جديد


الحقوق الأدبية محفوظة

[سواااح]

شبارقة ..

يا اخوي ما تثبت ليك علي واحدة

علوية ولا سمر ولا عنفوان ؟؟

عشان نقدر نتفاهم معاك

دمـــــــــــــــــــت ،،

[شبارقة]

شبارقة ..

يا اخوي ما تثبت ليك علي واحدة

علوية ولا سمر ولا عنفوان ؟؟

عشان نقدر نتفاهم معاك

دمـــــــــــــــــــت ،،

أخوك متيم يا سوّاااح ...

[مدناوية]

آآآآآآآآآآآآآآآآيوى ...يوووووووووووووووووووي ياشبارقة...
ألف مبرووووووووك..وربنا يتمو ليك على خير ,,, من غير شواكيش...عجبنا ليك والله ياأخوي..

وربنا يديم المعروف..

[سواااح]

أخوك متيم يا سوّاااح ...


لكن ده قلب ولا دولاب ؟

[امير عبدالباقي]

الحبيب شبارقه
والله لكن درر ده كلو كنت داسيهو يازول فطفط ماتكتم

[شبارقة]

آآآآآآآآآآآآآآآآيوى ...يوووووووووووووووووووي ياشبارقة...
ألف مبرووووووووك..وربنا يتمو ليك على خير ,,, من غير شواكيش...عجبنا ليك والله ياأخوي..

وربنا يديم المعروف..

يا مره بتزغردي علي شنو؟؟
أطري الله ..

[شبارقة]

الحبيب شبارقه
والله لكن درر ده كلو كنت داسيهو يازول فطفط ماتكتم

والله يا أمير الحسن يا حبيبي خايف يسرقوني أدبياً ..
أخوك قبل كده انسرق عينك عينك وزوووووووووووووول قال حاجة مافي !!










أوعى تصدق ..

[مدناوية]

يا مره بتزغردي علي شنو؟؟
أطري الله ..



لا إله إلا الله ,,, محمد رسول الله
يا خوي كتر خير الفرحت ليك... دايرين نعرس ليك كان تروق شوية...

[samah]

[راااااااااااااائعة]

[شبرقية]

صح لسانك يامبدع

والف مبروك:p ;)

[شبارقة]

لا إله إلا الله ,,, محمد رسول الله
يا خوي كتر خير الفرحت ليك... دايرين نعرس ليك كان تروق شوية...

اطمني

رااااااااااااااااااااااااااااااااااااااااااااااااا ااااااااااااايق

[مدناوية]

اطمني

رااااااااااااااااااااااااااااااااااااااااااااااااا ااااااااااااايق



أنا زاتي دايرة ليك شنو غير الروقة ياجناي....
الله يضوقك العرس ياحبيب قساي...

وربنا يديم المعروف

[شبارقة]

شكراً سماح .. شكراً شبرقية

***
لكم خالص الود

[شبارقة]

يا اخوانا القصيدة دي بعتها لحميدان ود السرّة غناي المطامير ...
وانتظروا اللحن من ابورجاء أو المسافر

[مدنيّة]

يا عنفوان سحر الجمال
مردود عليْ كل الجنون القلتو فيكْ
ما هزَّ في جوّاك حس جوّايْ
نذر غنَّايو ليكْ
ما رد ليْ منِّك نغم
فصَّل غنا الأوتار عليكْ

ماطر عليْ حسنك زخم
عارفاني ما بستحملو
زايد عليْ في الشوق ألم
سر من عيونك كمَّلو
قسَّم مناميْ عليْ قسَم
قلبي المحب لو تسألو
يا غافلة منّي وفيك رسم
زولاً بعيد مستقبلو

يا عنفوان سحر الجمال
مردود عليْ نظم القصيد
لو مرّة في بالك وصال
أو في الخيال لي زول بريد
تفتح جوانحو عليك درر
ويرجع يسالمك من جديد


الحقوق الأدبية محفوظة



والله يا شبارقة اتجليت وابدعت

[مدنيّة]

لكن ده قلب ولا دولاب ؟

:D :D :D :D :D


بالجد حلوة منك ياسواااح

[okasha]

اسمع يا شبارقة امشى بالدرب

*****************************

يلا امشى لناس عمك تنقو والكبار ديل



ونحننا على الطلاق نهجج معاك هجيج ماحصل

[شبارقة]

والله يا شبارقة اتجليت وابدعت

دا من طرف الشنطة بس .. والرايحات أكتر من الجايات

[شبارقة]

:D :D :D :D :D


بالجد حلوة منك ياسواااح

آي نسأل منك .. ونفتش ليك ... وتجي تعرفي لينا لي دا ...

هييييييييييييييييييييييييييييييييييييييييييييييييي يييييييييييييييييييييي

[شبارقة]

متشكرين يا شباب

[مدناوية]

هوي بي ,,, هوي بي,,,
شبارقة العريس يالله تم لي,,,

[المسافر]

تسلم يا باشا وربنا يخليك
والنبي قصيدة حلوة أوي أوي

ودمت يا الغالي

[شبارقة]

هوي بي ,,, هوي بي,,,
شبارقة العريس يالله تم لي,,,

حرّم يا نفحات الا أجيبك يوم الحنة تغني لي ...
والبياض علي ..

[شبارقة]

تسلم يا باشا وربنا يخليك
والنبي قصيدة حلوة أوي أوي

ودمت يا الغالي

الله يخليك يا عم ، دا من زوأك ..
ياخوانا موضة اللهجة المصرية دي شنو المنتشره اليومين ديل!
......................؟؟؟
........................................؟؟؟
ولا امكن.................................؟؟

[مدناوية]

حرّم يا نفحات الا أجيبك يوم الحنة تغني لي ...
والبياض علي ..



مبروك عليك ,,, ودا اليوم الدايرنو ليك ,,, ياشبارقة,,,

أنت كدا بس سويها,,,
وخلي موضوع غناية يوم الحنة دا على أنا ,,,,

لكن كان ماداير تكلف نفسك موضوع عشاء للمعازيم ,,, ماعندك مشكلة أنا بغني ليك طوالي,,,
دقيقة وحدة مابكون في زول تاني قاعد في الصيوان,,,

[شبارقة]

مبروك عليك ,,, ودا اليوم الدايرنو ليك ,,, ياشبارقة,,,

أنت كدا بس سويها,,,
وخلي موضوع غناية يوم الحنة دا على أنا ,,,,

لكن كان ماداير تكلف نفسك موضوع عشاء للمعازيم ,,, ماعندك مشكلة أنا بغني ليك طوالي,,,
دقيقة وحدة مابكون في زول تاني قاعد في الصيوان,,,

عاااااااااارف ، حيغمى عليهم من الصوت الفاتن الجميل ..

[مدناوية]

هههههههههههههها
يديك ألف عافية على جبر الخاطر...

((الليلة مسافر أنا أنا ... وما جبر الخاطر لي أنا))


أخجلتم تواضعي,,,

[شبارقة]

هههههههههههههها
يديك ألف عافية على جبر الخاطر...

((الليلة مسافر أنا أنا ... وما جبر الخاطر لي أنا))


أخجلتم تواضعي,,,

الزول الصوتو سمح ما ظااااااااااااااااهر .. وما يحتاج كلام يا نانسي بت خالي عجرم ، يا هيفاء بت الحاج وهبي!!

[مدناوية]

الزول الصوتو سمح ما ظااااااااااااااااهر .. وما يحتاج كلام يا نانسي بت خالي عجرم ، يا هيفاء بت الحاج وهبي!!



لالالا ,,, عليك النبي كان تشبهني بالجماعة ديل,,,,
والله كان بريدهم رب العالمين يجازيني,,,,

[شبارقة]

لالالا ,,, عليك النبي كان تشبهني بالجماعة ديل,,,,
والله كان بريدهم رب العالمين يجازيني,,,,

أعلم أنك أكبر وأرفع من (الجماعة ديل) ..
وربنا يخليكم يا بنات بلدنا الطيبات الحنينات ..

[مدناوية]

أعلم أنك أكبر وأرفع من (الجماعة ديل) ..
وربنا يخليكم يا بنات بلدنا الطيبات الحنينات ..


تشكرات أفندم... كلك ذوق

[شبارقة]

لكل الشباب المارين كل شكر وتقدير

[ابودجانه العباس]

عاين الجني جنو
والله كتابن...
بغض النظر عن الغمامه
التي كانت تلوح في افقنا
في الفترة السابقه
الا ان القصيدة رغم
قصرها عبرت واوفت
لكثير من المشاعر
الدفاقه التي تبلورت
في قالب إجتماعي وانساني
جميل مما اضفى عليها رونقا
وبها متعك الله بالصحة والعافيه
(عليك الله شوف جنس الكلام دا)..
حكم ودرر..(كلامي انا ما انت)..

[شبارقة]

عاين الجني جنو
والله كتابن...
بغض النظر عن الغمامه
التي كانت تلوح في افقنا
في الفترة السابقه
الا ان القصيدة رغم
قصرها عبرت واوفت
لكثير من المشاعر
الدفاقه التي تبلورت
في قالب إجتماعي وانساني
جميل مما اضفى عليها رونقا
وبها متعك الله بالصحة والعافيه
(عليك الله شوف جنس الكلام دا)..
حكم ودرر..(كلامي انا ما انت)..

كلامك درر ، شكراً ابو دجانة ،،