* حين تدخن المرآة...!!!

[ابورجاء]

كان التدخين لفترات من الزمان متركزا في أوساط الذكور.
ولعدد من الأسباب منها الأعلام المنحرف وما يسمى الفن من
التمثليات والأفلام ونحوها- فقد تكاثر التدخين في أوساط
النساء وتفاقمت المشاكل جراء ذلك أكثر من ذي قبل.
وما من شك أن المرآة حين تدخن فان الأضرار تكون
اكبر وأوسع بالنظر لمكانتها في الأسرة ولكونها قدوة
لصغارها، كما أن الأجنة إنما تتخلق بأمر الله في أحشائها،
ولهذا تكون انعكاسات التدخين على الأجنة كبيرة وسيئة.
هنا تكون الطامة الكبرى عندما تدخن المرأة......
السؤال هنا ما رأيك في المرأة المدخنة ؟؟؟؟؟؟
وهل تقبل ان تدخن زوجتك أو اختك او امك او بنتك؟؟؟؟
ودوما في رعاية الله وحفظه...
مع كل الود باقة ورد......

[عماد عبدالشكور]

تعرف يا ابو رجاء المراة المدخنة زي شنو ؟
زي الحليب الراكة فيهو ضبانة

[مدنيّة]

هي يا ابورجاء ياخوي عندنا راي في تدخين الراجل كمان جابت ليها تدخين نسوان :eek:

والله مرة كنت في القاهرة ماشة في الشارع ومعاي زوج اختي لاقتنا وحدة عجوز كدا طلبت من زوج اختي ولعة بالجد ما بتتخيل انها اثارت اشمئزازئ لاي درجة :mad:

غايتو ربك يهدي

[ابورجاء]

تعرف يا ابو رجاء المراة المدخنة زي شنو ؟
زي الحليب الراكة فيهو ضبانة
الغالي حبيب قلبي عمده الطيب
والله تشبيهك عجيب وغريب ده شنو
لميت فينا لاضبان لكن برضو ما جاوبت
على الاسألة ارجع جاوب بعدين نتفاهم....

ودوما في رعاية الله وحفظه.....
مع كل الود باقة ورد........

[عماد عبدالشكور]

انا شخصيا ارفض ان تكون المراة مدخنة لاي سبب من الاسباب ولا اعتقد ان هناك سبب يبرر التدخين للمراة وحتى الرجل يكفي ان التدخين يسبب كتييييييييييييير من الامراض في مقدمها امراض القلب والشرايين وسرطان الرئة حمانا الله واياكم وهل من المنطقي ان يشم الزوج رائحة الدخان تنبعث من زوجته ؟؟؟؟؟ والعكس ايضا ؟

[محمد السر احمد]

اخوي ابو رجاء دي لسه عندنا ما جات لو جاءت يبقي كلام تاني يعني علي الدنيا السلام

[ابوالنور]

ابو رجاء صاخبي
الله يكون في العون

[ابورجاء]

هي يا ابورجاء ياخوي عندنا راي في تدخين الراجل كمان جابت ليها تدخين نسوان :eek:

والله مرة كنت في القاهرة ماشة في الشارع ومعاي زوج اختي لاقتنا وحدة عجوز كدا طلبت من زوج اختي ولعة بالجد ما بتتخيل انها اثارت اشمئزازئ لاي درجة :mad:

غايتو ربك يهدي




الغالية عمتي مدنية الطيبة
والله يا عمتي يمكن تكون لدرجة قف تأمل
بعدين تدخين المرأة اخطر من كده بي كثير
لكن المشكلة وين يعني ليه بيعملن كده
وما جاوبتي على الاسئلة ليه ؟؟؟؟؟

ودوما في رعاية الله وحفظه.....
مع كل الود باقة ورد.......

[ابورجاء]

اخوي ابو رجاء دي لسه عندنا ما جات لو جاءت يبقي كلام تاني يعني علي الدنيا السلام
الغالي حبيب قلبي ونور عيني ود السر
الحق يا اخوي حصلنا وفاتنا بي هناك وكمان
اخطر من السجاير شيشة يا حبيب قلبي وحاتك
تفاحتين وكده وبرضو ما جاوبت على الاسالة ....

ودوما في رعاية الله وحفظه....
مع كل الود باقة ورد.....

[ابورجاء]

ابو رجاء صاخبي
الله يكون في العون
الغالي حبيب القلب صاخبي ابو النور
تسلم والله لكن برضو ما بعفيك من ارد على الاسئلة
امشي ذااكر كويس وتعال جاوب اوكي....

ودوما في رعاية الله وحفظه....
مع كل الود باقة ورد.....

[سواااح]

ابدا ..

ابدا ..

مهما يكون ِ

[ابورجاء]

ابدا ..

ابدا ..

مهما يكون ِ

الغالي حبيب القلب ونرو العيون الجميل سواااح
تسلم وكويس انك جبتها من الاخر وده المطلوب
يا ابيض يا اسود وتسلم حبيب قلبي على الاطلالة
البهية والجواب الشافي الكافي .....

ودوما في رعاية الله وحفظه....
مع كل الود باقة ورد.....

[الفارس البنفسجي]

مافي اتنين بختلفوا انو الدخان مضر للراجل وللمرة
لكن بالنظرة للموضوع من ناحية إجتماعية نجد فرق
شاسع بين تدخين المرة وتدخين الراجل.

تدخين الراجل حسب المجتمع والعمر والظروف بكون التقييم
يعني لو كان شافع بدخن ، أكيد ما زي الراجل الكبير
لكن مسألة المرة اللي بتدخن دي أكيد ما مقبولة في المجتمع الكبير
وقد تكون وللأسف مقبولة وسط شلتها، واكيد دي شلة فاسدة.

زمااااااااااان ايام الجهل والزار والدجل والجهل ، نسوان كتار بدخنن بقولو
ان الأسياد طلبو كدا ويشربوا الدم ، طبعاً الظاهرة دي في إنقراض
نسبة لتعلم المجتمع وتغير الفهم وفقاً لنظرية توالي الأجيال.

المشكلة الآن في البنات اللي بقوا يدخنو وكمان بعض
منهم بسفو التمباك ... اكيد هذه ظواهر غريبة جداً على مجتمعنا
وأكيد السبب الإنحراف في قيمنا الإخلاقية اللي بقت سئية جداً
واللي أكيد مرتبطة بي فهم البنت نفسو.والمجتمع كلو بلعب دور
في وجودها.

إذن السؤال اللي بطرح نفسو
ماهي قناعات البنت؟ وما هي القيم الأخلاقية التي جعلتها تدخن.
وهنا مربط الفرس ومحل الوجع.

سلمت على الموضوع وهو فعلاً موضوع مهم جداً وحساس
ونأمل أن يساهم هذا البوست في إضافة قناعات جديدة
ورؤية إيجابية لهذه الظاهرة.

[ابورجاء]

الغالي حبيب القلب الفارس البنفسجي الحنين
تسلم على الاضافة الثرة والجميلة والمفيدة
نعم ظواهر غريبة علينا وعلى مجتمعاتنا وقيمنا
وعاداتنا وكما ذكر في السابق كانت لها مبرراتها
من الجهل وعدم الوعي لكن في عصر العلم الاجباري
ووسائل التعلم المتاحة وعصر القرية الالكترونية
ماهو الدافع والسبب وراء هذه الظواهر ومن اخطرها
ما طرح هنا لانها مركز التكوين الاسري وهي المرأة ...
والتخريمة صاحبة مشاققة حبيبنا ود الماحي:ــ
برضو ما جاوبت يا فارسنا على الاسألة وما بنعفيك
ترجع تجاوب على اسألتنا وعلى فكرة عادي ممكن تستعين
بصديق او تحذف اجابتين او تستعين بالجمهور في رجاك يا
الغالي اوع تطول الغيبة ......

ودوما في رعاية الله وحفظه...
مع كل الود باقة ورد....

[محمد السر احمد]

السؤال هنا ما رأيك في المرأة المدخنة ؟؟؟؟؟؟
وهل تقبل ان تدخن زوجتك أو اختك او امك او بنتك؟؟؟؟
ودوما في رعاية الله وحفظه...
مع كل الود باقة ورد......

يا اخوي والله كلام يا عوض دكام وراي في المراة المدخنة انها فقدت انثتها!!!!!!!!!!!!!
السؤال التاني اي زول بكون عارفو لانو ماف زول برضي في واجحدة منهم والكلام دا بجيب دم بعد كدا

[ابورجاء]

يا اخوي والله كلام يا عوض دكام وراي في المراة المدخنة انها فقدت انثتها!!!!!!!!!!!!!
السؤال التاني اي زول بكون عارفو لانو ماف زول برضي في واجحدة منهم والكلام دا بجيب دم بعد كدا
الغالي الحبيب الطيب الجميل الاسد النتر ود السر
تمام يا ود السر وحاجة تمااااااااااااااااااااااام
اها قلت لي دم عدييييييييييييييييييييييييييييييييييل كده
طيب رايك شنو في البيدخنن مع اخوانهم وشيشة
كمان وغيرو كتير..وفي النهاية هي عوامل التربية الصحيحة
والتربية القويمة والمثل والقيم والعادات السمحة
لو رجعنا للاصول والتربية السليمة وقيم الدين والسنة
مافي خوف تاني وتسلم يا الاسد النتر .....

تخريمة مع المشاققة الت ود الماحي:ــ
العنقريب شلتو والا لسه بعدين اعمل كشف نظر
ورسلو لي عشان ارسل ليك النظارة الجديدة بدل
الانكسرت اول امس.......

ودوما في رعاية الله وحفظه....
مع كل الود باقة ورد...

[Madanawi]

والله البيعيش بيشوف!!!

[بورتبيل]

كان التدخين لفترات من الزمان متركزا في أوساط الذكور.
ولعدد من الأسباب منها الأعلام المنحرف وما يسمى الفن من
التمثليات والأفلام ونحوها- فقد تكاثر التدخين في أوساط
النساء وتفاقمت المشاكل جراء ذلك أكثر من ذي قبل.
وما من شك أن المرآة حين تدخن فان الأضرار تكون
اكبر وأوسع بالنظر لمكانتها في الأسرة ولكونها قدوة
لصغارها، كما أن الأجنة إنما تتخلق بأمر الله في أحشائها،
ولهذا تكون انعكاسات التدخين على الأجنة كبيرة وسيئة.
هنا تكون الطامة الكبرى عندما تدخن المرأة......
السؤال هنا ما رأيك في المرأة المدخنة ؟؟؟؟؟؟
وهل تقبل ان تدخن زوجتك أو اختك او امك او بنتك؟؟؟؟
ودوما في رعاية الله وحفظه...
مع كل الود باقة ورد......
الغالي ... ابو الغاليين ... ابو رجاء
انا ولله شايف موضوع التدخين دا بالنسبة للمراة مرفوض مرفوض مرفوض
بس في حاجة لذيذة بالنسبة للنسوان الكابر (المشلخات ) ناس عمتي التاية
وحاجة سكينة .. وعائشة شلعونا .. ونسوان كتار ... بدخنن .. ولله التدخين عندهن معاهو حكاوي وونسات لذيذة بس ربك يلتطف بالجميع

[ابورجاء]

والله البيعيش بيشوف!!!

الغالي مدناوينا الحبيب الجميل الرائع
والبيشوف معناها عايش .....

ودوما في رعاية الله وحفظه...
مع كل الود باقة ورد......

[الفارس البنفسجي]

الغالي حبيب القلب الفارس البنفسجي الحنين
تسلم على الاضافة الثرة والجميلة والمفيدة
نعم ظواهر غريبة علينا وعلى مجتمعاتنا وقيمنا
وعاداتنا وكما ذكر في السابق كانت لها مبرراتها
من الجهل وعدم الوعي لكن في عصر العلم الاجباري
ووسائل التعلم المتاحة وعصر القرية الالكترونية
ماهو الدافع والسبب وراء هذه الظواهر ومن اخطرها
ما طرح هنا لانها مركز التكوين الاسري وهي المرأة ...
والتخريمة صاحبة مشاققة حبيبنا ود الماحي:ــ
برضو ما جاوبت يا فارسنا على الاسألة وما بنعفيك
ترجع تجاوب على اسألتنا وعلى فكرة عادي ممكن تستعين
بصديق او تحذف اجابتين او تستعين بالجمهور في رجاك يا
الغالي اوع تطول الغيبة ......

ودوما في رعاية الله وحفظه...
مع كل الود باقة ورد....
حاضر يا أبو رجاء

بالنسبة للمرأة المدخنة : هي جاهلة بكل المقاييس وناقصة وازع وعاوزة ليها دقة مظبوووووطة.
وبالتأكيد لن أقبل أن تدخن امي أو زوجتي او اختي أو إبنتي.

[ابورجاء]

الغالي ... ابو الغاليين ... ابو رجاء
انا ولله شايف موضوع التدخين دا بالنسبة للمراة مرفوض مرفوض مرفوض
بس في حاجة لذيذة بالنسبة للنسوان الكابر (المشلخات ) ناس عمتي التاية
وحاجة سكينة .. وعائشة شلعونا .. ونسوان كتار ... بدخنن .. ولله التدخين عندهن معاهو حكاوي وونسات لذيذة بس ربك يلتطف بالجميع

الغالي الحنين الجميل الرائع بورتو
تسلم يا رب على المداخلة الجميلة دي
والله لكن كلام يا عوض دكام ديل النسوان
الكبار اها الصغار مشكلتهم شنو يشربن
الشيشة والسجاير واللازي منو يعني سببهن
شنو ولو في سبب زاتو يديهن الحق يدخنن
والا روتانا سينما مش حتقدر تغمض نخريك
وحاكو حاكو يا بله شئ عجييييييييييييييييب...
لكن برضو مريت وما رديت على الاسعلة ارجع
رد وبنديك جايزة يا برتو ........

ودوما في رعاية الله وحفظه....
مع كل الود باقة ورد......

[ابورجاء]

حاضر يا أبو رجاء

بالنسبة للمرأة المدخنة : هي جاهلة بكل المقاييس وناقصة وازع وعاوزة ليها دقة مظبوووووطة.
وبالتأكيد لن أقبل أن تدخن امي أو زوجتي او اختي أو إبنتي.

الغالي حبيب القلب الجميل الوسيم الرائع الفارس
تسلم وما قصرت ويحضرلك الخير ان شاء الله
وربنا يديم المعروف يا بركة ......
مشاققة وتخريمة مع بعض:ـــ
حصانك بعتو والا شنو بعدين ما تقول لي ابتسامتك
ما كدهhttp://www.roro44.com/smilies/psmilie/012.gif قف تأمل .........

ودوما في رعاية الله وحفظه ....
مع كل الود باقة ورد.......

[جيفارا]

ما عارف بس الكل بيهرب من الموضوع بداعي الرفض
بس الواقع بيقول حسب ما اعرف التدخين بقى عااااااااااااااادي عند البنات في الداخليات والكوافير وغيرها بس أقول انشاء الله الامور ما تتطور لقدام .

وذي ما الكل عارف الجماعة ديل في السودان كل يوم بيطلعوا حاجة جديدة للأسف قمة التخلف ذي بياخدوا حقن ( أنسليييييييييين ) و ( كورتيذوووووووون ) عشان يسمنو في حين أنو الدنيا كلها بتتكلم عن الوزن المثالي .
الغريب أنو الدواء يبقى الداء
وأقول من الشفته أحسن يدخنوا أرحم وما داير اكتر الله يهدي
على العموم أنا كنت أشيش وخليتها وفي الطريق لترك التدخين . وهذه دعوة للجميع لترك التدخين مش لانو بيمرض فقط . التبغ كلوا بقى مغشوش .

[ود المطامير]

يا صاحبى يا أبو رجاء
نحنا وصلنا السفّه والتمباك
وإنت تقول لى التدخين ؟
والجامعات والهيرويين
وحبوب الهلوسه والكاكويين
والإيدز وما تعرف إنتشر لحد وين ؟
يا أبورجاء أسكت
ياريتو بس لوتدخين !!

[مدناوية]

الله يستر علينا جميعاً
ويحفظ جميع شباب المسلمين..


وربنا يديم المعروف

[ابورجاء]

يا صاحبى يا أبو رجاء
نحنا وصلنا السفّه والتمباك
وإنت تقول لى التدخين ؟
والجامعات والهيرويين
وحبوب الهلوسه والكاكويين
والإيدز وما تعرف إنتشر لحد وين ؟
يا أبورجاء أسكت
ياريتو بس لوتدخين !!

الغالي حبيب قساي الحنين ود المطاريش اقصد ود المطامير المطوفش
اهااااااا سكتنا قلت كده لكن ده برضو ما بعفيك
من الاجابة حقت الاسألة ارجع جاوب بعدين
نتفاهم اوكي يا مطوفش ....
تخريمة وفجأة كده معاها مشاققة ود الماحي:ــ
عليك الله شارد من يوم التلاته وبعد ده جاي
ويديك فاضية رسل لي حقي والا بكلم......

ودوما في رعاية الله وحفظه...
مع كل الود باقة ورد.....

[ابورجاء]

الله يستر علينا جميعاً
ويحفظ جميع شباب المسلمين..


وربنا يديم المعروف

الغالية بتنا نفحات الصباح بالليل الطيبة
تسلمي وما قصرتي لكن برضو ما رديتي
عل التساؤلات هل تقبلي ان تدخن اختك امك
ابنتك صديقتك ارجع لينا عشان تجاوبي ....

ودوما في رعاية الله وحفظه...
مع كل الود باقة ورد.....

[المسافر]

حبيب قساي ونور عيني

والله مشكلة التدخين بقت متفاقمة جداً وحتى الأطفال
بقوا من المدخنين . . . أما عن الحريم فده موضوع براهو
والمشكلة لم تقتصر على تدخين السجاير وبس ولكن المخدرات
والشيشة . . . الخ
والحمد لله عندما في السودان لسع بعتبروه عيب كبير ولكن
اصبحت هذه العادة في بلاد الشام منتشرة ونوع من الأوتوكيت

والله يحظفنا جميعاً

ودمت يا الغالي

[ابورجاء]

حبيب قساي ونور عيني

والله مشكلة التدخين بقت متفاقمة جداً وحتى الأطفال
بقوا من المدخنين . . . أما عن الحريم فده موضوع براهو
والمشكلة لم تقتصر على تدخين السجاير وبس ولكن المخدرات
والشيشة . . . الخ
والحمد لله عندما في السودان لسع بعتبروه عيب كبير ولكن
اصبحت هذه العادة في بلاد الشام منتشرة ونوع من الأوتوكيت

والله يحظفنا جميعاً

ودمت يا الغالي

الغالي حبيب قلبي ونور عيني وريدي ودم وريدي
يا حبيب لكن مصيبة كبيرة وطبعا هنا ديل
بيقلدو التقليد الاعمى وما دارين بالحاصل
وما عارفين معنى القيم والدين والحياء
والاستقلالية في التعلم والتعليم يعني مستهلكين
غير منتجين حتى للعادات القبيحة مستهلكين
وربنا يسترنا ويحفظ بناتنا من هذا المنزلق...
برضو ارجع ورد على الاسألة لانو ما في اعفاء
وبنرجاك يا الحبيب ....

ودوما في رعاية الله وحفظه...
مع كل الود باقة ورد...

[جيفارا]

حبوب أسمها إنسجام ( حبوب هلوسة )