لحــــــــــن الـــــــــوفـــــــــــــــــــــاء

[مدنيّة]

السلام عليكم ورحمة الله

سؤال ورد بخاطري

اذا مات شريك الحياة

اوحبيب العمر

هل تنساه وتبتدي حياتك من جديد

تتزوج من اخر

ام تعزف لحن الوفاء

وتقضي بقية العمر في اجترار زكرياتك معه :confused:

[مدناوية]

يامدنيه ياستهن كلهن..
زي مابقولوا حبوباتنا..
البفوت مابجي زيو تاني...
((لكن دي ماقاعدة ثابته))
أنا عن نفسي ماممكن أتخيل مجرد خيال زول في مكانو...


وربنا يديم المعروف

[ابورجاء]

الغالية عمتي مدنية الطيبة الحنونة
والله يا عمتي هي لو ماتت انا العايش ليها شنو
وراها طوالي طبعا ده كلام الافلام ...
لكن لو جينا للجد الحي ابقى من الميت والذكرى
باقية الا الله عرفوهوا بالعقل يعني انا لو صغبروتي
ولسه ما شفته شئ في الحياة وهي الله يطول في عمرها
اتلحست بشوف مستقبلي وهي ربنا يرحمها ويغفر ليها ...
معليش يا اخواتنا الزمن ده زمن عقل عواطف نهي زندقي...

ودوما في رعاية الله وحفظه...
مع كل الود باقة ورد....

[عماد عبدالشكور]

الاخت الكريمة مدنية هذه سنة الحياة تفرق لتجمع وتجمع لتفرق ولازم الحياة تستمر بالرغم من الحزن والالم وخليك فاكرة انو ربنا سبحانه وتعالى اكرمنا بصفة النسيان . وربنا ما يحرمنا جميعا من احبائنا
ولك الف تحية جمهورية

[سوار الياسمين]

لاكن لقيتكم بياااااااااااااااااااااااااااااعييييييييييييين يا ابو رجاء وعماد
تهون عليكم بعد الزمن ده كلو
لالالالالالالالالا اتوقعتها من اي زول الا منك يا ابورجا

واسه كان اتعكست الآية وبقيتو انتو الفانيين
حيكون رايكم في مكانو برضو

صحي ماليكم امان

[الفارس البنفسجي]

النسوان حسب ظروفهم بكون الوفاء وفي نسوان كتار كان وفاءهم عالي جداً
من تجارب معاشة ، غير كدا نسبة الوفاء عند النساء اكثر من الرجال
لو ما عشانو هو بكون عشان الأولاد
لكن الرجال أكيد نسبة الوفاء موجودة لكن برضو لازم يعرسو

ودي سنة الحياة

[تسنيم خالد]

مدندن
والله مبالغة الفكرة دي جاتك من وين ودي تحطم الانسان كلو كلو وما تخلي ليهو فرقة
انا عن نفسي ولا بقدر اتخيل دة مع انو علينا حق بس بقول ربنا يجعل يومي قبل يوم
الناس البحبهم..ويحفظهم لي من كل شر..وصراحة مااعرف حاعيش باقي حياتي كيف
قد اتزوج عشان الحياة تستمر بس يبقي مافي القلب في القلب وقد اتزوج دي ختي تحتها
الف خط احمر..لكن انسي لاااا دة المستحيل بعينو





دمتي

[عماد عبدالشكور]

لاكن لقيتكم بياااااااااااااااااااااااااااااعييييييييييييين يا ابو رجاء وعماد
تهون عليكم بعد الزمن ده كلو
لالالالالالالالالا اتوقعتها من اي زول الا منك يا ابورجا

واسه كان اتعكست الآية وبقيتو انتو الفانيين
حيكون رايكم في مكانو برضو

صحي ماليكم امان
كتر خيرك يا سوار الياسمين ما اتوقعتيها من ابو رجاء واتوقعتيها مني انا ماشي مافي مشكلة
تخريمة ............ وبعدين انتو يالحريم بتين قاعدين تموتوا قبلنا . طوالي قاتلننا وقاعدين

[salwa]

مدوووووووووووووووون

موضوع رائع

ووالله يا مدون الحبيب او شريك الحياة ده لو حصل ليه زي ما قلتي

ما الترابه في خشمنا....ووووووووووووب زي ما قالت بنت النيل

والله مدون شيء حار شديد والله لا يجيب اليوم ده

وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده

وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب

عموما لا يمكن ان ننسى فراقه او نتحمله

وبعيد عننا ياختي مالك علينا

الله يطول في عمرهم يارب ويخليهم لينا

وتسلمي

موضوع جميل ومن واقع الحياة

[سوار الياسمين]

كتر خيرك يا سوار الياسمين ما اتوقعتيها من ابو رجاء واتوقعتيها مني انا ماشي مافي مشكلة
تخريمة ............ وبعدين انتو يالحريم بتين قاعدين تموتوا قبلنا . طوالي قاتلننا وقاعدين

لالالا والله ما قصدي يا سعادة الرئيس

وردا على تخريمتك بعيني ده شايفة الرجال محكريييييييييين وقاعدين في الدنيا والنسوان يا حليلهم هم الراحلات والواحد ما يدق الشهر الا وتلقى فتح خشمو طوالي يا عرس
وديك يا القشرة والفرحة
والله يعلم في سماه لي كم سنة شايفة لانسوان هم الراحلات والرجال ما يعدي كم شهر الا في وحدة في بيتو

[عماد عبدالشكور]

لالالا والله ما قصدي يا سعادة الرئيس

وردا على تخريمتك بعيني ده شايفة الرجال محكريييييييييين وقاعدين في الدنيا والنسوان يا حليلهم هم الراحلات والواحد ما يدق الشهر الا وتلقى فتح خشمو طوالي يا عرس
وديك يا القشرة والفرحة
والله يعلم في سماه لي كم سنة شايفة لانسوان هم الراحلات والرجال ما يعدي كم شهر الا في وحدة في بيتو

والله يا سوار لو حسبنا عدد السنين الاتحبسوها النسوان بعد ما (قرضوا) رجالهم وجمعناها نلقاها مؤبد عديل كدا وفي النهاية نحن السابقون وانتم اللاحقون يعني ورانا ورانا

[ابورجاء]

لاكن لقيتكم بياااااااااااااااااااااااااااااعييييييييييييين يا ابو رجاء وعماد
تهون عليكم بعد الزمن ده كلو
لالالالالالالالالا اتوقعتها من اي زول الا منك يا ابورجا

واسه كان اتعكست الآية وبقيتو انتو الفانيين
حيكون رايكم في مكانو برضو

صحي ماليكم امان
الطيبة سوار القمردين اقصد سوار الياسمين
والله يا بتي ما بياااااااااااااااعين ولا شئ ....
بعدين عمتي قالت لو والله لا ورانا يوم زي ده ان
شاء الله انا قبلها حبيبة قلبي وونور عيني وحياتي وعمري
وقلبي وتاج راسي اواصل والا كده كفاية.انا عندي زيها كم
لكن برضو الناس تعيش واقعها يا بتيوكلام الافلام ده ما بيأكل
عيش عشان الحياة تمشي بعدين انا لو اتزوجت تاني ما عشاني
عشان خاطر الاولاد .......قال منطقهم قال ......
ولو اتعكست الحكاية والله شئ عادي بس انا عارفها ما بترضى
هي لانها بتموت فيني ومكسرليها كم ضلعه (يا ولد خلاص يا جيمي)

ودوما في رعاية الله وحفظه...
مع كل الود باقة ورد....

[شبارقة]

الحياة لا تنتهي بموت أحد ،،،،،،

والا لكانت انتهت بموت أفضل خلق الله صلى الله عليه وسلم ،،،

لا نستسلم لليأس ،، بل نفتح شرفة من شرفات الأمل ونواصل الرسالة ...
***
لك كل الود

[بنت الرفاعي]

طبعا ده هو الحاصل انو أغلب النسوان عندهم الوفاء أكتر من الرجال لكن الحياة برضو ماشة.
يامدنية أختي ماقلتي لينا عنك انتي؟!

[بنت الرفاعي]

انت يا أبو رجاء يعني مامكسر فيها؟؟؟!:eek:
وبعدين شنو الأنانية دي هي توفي ليك وانت ولا يهمك؟!:confused:

[ابودجانه العباس]

السلام عليكم ورحمة الله

سؤال ورد بخاطري

اذا مات شريك الحياة

اوحبيب العمر

هل تنساه وتبتدي حياتك من جديد

تتزوج من اخر

ام تعزف لحن الوفاء

وتقضي بقية العمر في اجترار زكرياتك معه :confused:




مدنية الغالية..(والله ما قصدي احول الموضوع لهزل)

بس أقري النكته دي عشان بتعكس لسان حال كتير من الناس:

ولد ساق أمه الحج وفي الطواف عشان هي كبيره شاله

في كتفو قام واحد من الجماعه الجنبو قال ليه:

ياخ امك دي شايله ليه دي لسه سغيره عرسوا ليها

هسع ترجع شباب تاني..

الولد قال ليه عرس شنو يا حاج؟؟الحاجه دي كبرت خلاص

امو من فوق طوالي ضربتو في راسو..وقالت ليه:

أجي ياااا ولدي ..بتعرف أكتر من ناس مكه...




(انشاءالله تكون وصلت)...ودمت

[امل حياتى]

ربنا يطول فى اعمار الجميع مدنية انت مالك بتاعت كوارث كده

[المسافر]

طبعاً أنا حأبدأ ليك القصة بالمقلوب
أنا مثلاً لو كنت على فراش الموت
أول طلب ممكن أطلبو من زوجتي
إن كانت لسع فيها رقشة هي أن
تتزوج . . .
لكي تستمر الحياة فلاتفقدني
وتفقد متعبة الحياة التي قدرها
الخالق . . . واليبقى الوفاء
في الخاطر . . .
فلن أستفيد بوفائها شيئاً
ولن تستفيد .
فما تسمعي كلام الجكس
ده نفحات وسوار وتسنيم وسلوى ومرام
دي إشاعات ساي وبعدين في الأربعين
تكون مجكسة غيرو .

ودمتي

[ابورجاء]

انت يا أبو رجاء يعني مامكسر فيها؟؟؟!:eek:
وبعدين شنو الأنانية دي هي توفي ليك وانت ولا يهمك؟!:confused:
الغالية بتي مرام عربي بس الطيبة
والله يا بتي مكسر فيها لدرجة قف تأمل شاطئ
البحر وألقط منه في الدرر يا بتي انا منشدة ما
مكسر فيها ماشي بالجبمة وكاسر ركبة وحاتي بلالي
يا بتي دي حياتي وروحي وعمري وكل شئ في الدنيا
في الحته دي ما كلام رشدي اباظة ده كلامي انا زاتي
وهي ام الغالية وانا كيف ما تكسر فيها ده انا مدشدش
ومفلق ومجنون عديييييييييييييييييل كده اها تاني ليك شنو....
وهي لو توفي لي انا سيما ليها :D :D :D :D :D

ودوما في رعاية الله وحفظه.....
مع كل الود باقة ورد....

[ابودجانه العباس]

واحد من أخوانا ال(..........)علي فراش الموت
فطلب من أولادوا إنو لو مات يعرسوا أمهم لي فلان من الناس
فسألوة ليه إخترت فلان دا بالذات.
فقال ليهم :قبل كدة عامل فيني مقلب وداير إسدا فوقو..
(شفتوا الوفاء كيف)هااااهاااااااااهااااااا قال وفاء قال..

(تسنيم,سوار,أم أحمد,نفحات,مرام) أبقن عشرة علي رويحاتكن يا بنات أمي..
ودمتم..

[امير عبدالباقي]

الاخت مدنيه
والله موضوعك جميل وحساس جدا ؛ لو نظرنا للواقع نجد النساء وخاصه السودانيه مابتتزوجو لما زوجها يموت وتقعد باقي عمرها تربي الاولاد والقصه ماقصه وفاء لكن خوفها علي اولادها هو السبب
اما الرجال ليهم حق هو بكون مشغول مع مصارعه الحياه اليوميه يعني مابكون فاضي ويخلي بالو من اطفاله عشان كده بنجد كثير من الاسر يقومو بعمليه ( التعويض ) اي بعوضوهو باختها عشان بتكون حنينه علي اطفال اختها
ولاكلامي غلط

[سواااح]

لا تغرق مع المركب

طالما هناك امكانية للنجاة !!

[سواااح]

ووالله يا مدون الحبيب او شريك الحياة ده لو حصل ليه زي ما قلتي

ما الترابه في خشمنا....ووووووووووووب زي ما قالت بنت النيل

والله مدون شيء حار شديد والله لا يجيب اليوم ده

وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده

وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب

عموما لا يمكن ان ننسى فراقه او نتحمله





سلوي ..

ها انت تعزفين لحن الوفاء الابدي

ولكن هل في لغة العشق شئ اسمه الابد !!

[خطاب العبيد]

والله يامدنية الموضوع جميل فى حدذاتو بس دى مابتتحدد الاعن طريق الشخص الهواعايش الموقف ده ومدى نسبةالوفا فيه والحالة الشخصية له عشان كده من المفروض انو لورحل احدالطرفين ماتتوقف الحياة عندالطرف التانى والعكس .
مافى رجال بتزوجو بنات صغارفى السن والفارق اقل شيء بكون 20-25-طيب فى حالة زى دى البنت دى حتعمل شنو هل حتعيش بالوافاء لزوجهاالميت وتتوقف الحياة عندالنقطة دى وتحرم نفسها من زينة الحياة الدنيا .



فى حل تانى نرجع لزمن الفراعنة وندفن المرة مع راجلها الميت رايكم شنو عشان يفض الوفاء الى الابد خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ

[محمد السر احمد]

الاخت مدنية الله ما جاب اليوم دا لكن لا مفر منو و الموت حق علينا كلنا لكن علي حسب الموقف البكون فيهو الزول او الزولة
وتسلمي كتير علي الموضوع البوجع القلب دا

[مدنيّة]

يامدنيه ياستهن كلهن..
زي مابقولوا حبوباتنا..
البفوت مابجي زيو تاني...
((لكن دي ماقاعدة ثابته))
أنا عن نفسي ماممكن أتخيل مجرد خيال زول في مكانو...


وربنا يديم المعروف


نفحات ياغالية ما بتتخيلي دا بس عشان الوفاء طبع فيك
تسلمي علي المشاركة

[عماد عبدالشكور]

مدوووووووووووووووون

موضوع رائع

ووالله يا مدون الحبيب او شريك الحياة ده لو حصل ليه زي ما قلتي

ما الترابه في خشمنا....ووووووووووووب زي ما قالت بنت النيل

والله مدون شيء حار شديد والله لا يجيب اليوم ده

وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده

وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب

عموما لا يمكن ان ننسى فراقه او نتحمله

وبعيد عننا ياختي مالك علينا

الله يطول في عمرهم يارب ويخليهم لينا

وتسلمي

موضوع جميل ومن واقع الحياة
اسمع كلامكم اصدقكم اشوف عمايلكم استغرب

[ابوزيد محمد نور]

الحياة لا تنتهي بموت أحد ولكن تصحبنا الذكريات و الجميل منها فقط ....
لك التحية

[مدنيّة]

الغالية عمتي مدنية الطيبة الحنونة
والله يا عمتي هي لو ماتت انا العايش ليها شنو
وراها طوالي طبعا ده كلام الافلام ...
لكن لو جينا للجد الحي ابقى من الميت والذكرى
باقية الا الله عرفوهوا بالعقل يعني انا لو صغبروتي
ولسه ما شفته شئ في الحياة وهي الله يطول في عمرها
اتلحست بشوف مستقبلي وهي ربنا يرحمها ويغفر ليها ...
معليش يا اخواتنا الزمن ده زمن عقل عواطف نهي زندقي...

ودوما في رعاية الله وحفظه...
مع كل الود باقة ورد....



في النهاية الموت علينا حق يا ابورجاء وح يحصل ح يحصل مهما امتد العمر بينا

يعني هسي بعد كلامك الجميل دا ياابورجاء تقول معليش

بس اصلا عدم الوفاء طبع في الرجال

مشكور علي المشاركة

[مدنيّة]

الاخت الكريمة مدنية هذه سنة الحياة تفرق لتجمع وتجمع لتفرق ولازم الحياة تستمر بالرغم من الحزن والالم وخليك فاكرة انو ربنا سبحانه وتعالى اكرمنا بصفة النسيان . وربنا ما يحرمنا جميعا من احبائنا
ولك الف تحية جمهورية


اكيد سنة الحياة

وانت من خلال كلامك انك ح تنسي وتعيش حياتك مع وليف اخر :(

مشكور علي المشاركة

[مدنيّة]

لاكن لقيتكم بياااااااااااااااااااااااااااااعييييييييييييين يا ابو رجاء وعماد
تهون عليكم بعد الزمن ده كلو
لالالالالالالالالا اتوقعتها من اي زول الا منك يا ابورجا

واسه كان اتعكست الآية وبقيتو انتو الفانيين
حيكون رايكم في مكانو برضو

صحي ماليكم امان


وشنو ياسوار ماسمعنا رايك انتي :confused:

تشكري علي المرور

[مدنيّة]

النسوان حسب ظروفهم بكون الوفاء وفي نسوان كتار كان وفاءهم عالي جداً
من تجارب معاشة ، غير كدا نسبة الوفاء عند النساء اكثر من الرجال
لو ما عشانو هو بكون عشان الأولاد
لكن الرجال أكيد نسبة الوفاء موجودة لكن برضو لازم يعرسو

ودي سنة الحياة


احيك ياود جيرانا علي اعترفك بوجود الوفاء بنسبة اكبر عند النساء وطبعا لانك ح تكون متحيز لجنس الرجال بررت انه سنة الحياة انه الرجل يتزوج مرة اخري

تشكر علي المشاركة

[مدنيّة]

مدندن
والله مبالغة الفكرة دي جاتك من وين ودي تحطم الانسان كلو كلو وما تخلي ليهو فرقة
انا عن نفسي ولا بقدر اتخيل دة مع انو علينا حق بس بقول ربنا يجعل يومي قبل يوم
الناس البحبهم..ويحفظهم لي من كل شر..وصراحة مااعرف حاعيش باقي حياتي كيف
قد اتزوج عشان الحياة تستمر بس يبقي مافي القلب في القلب وقد اتزوج دي ختي تحتها
الف خط احمر..لكن انسي لاااا دة المستحيل بعينو



دمتي


الموت هو الحقيقة الوحيدة الثابتة في الدنيا يا يام باسل وهو حق علينا طال عمرنا او قصر

احيك والله علي وفاءك دا بس ياربي لو الصورة اتقلبت زي ماقالت سوار لابورجاء وعماد ياربي ح يكون رده نفس ردك دا ؟؟؟ :confused:

تشكري علي المشاركة

[ابوالنور]

مدون
من غير تعليق

[مدنيّة]

مدوووووووووووووووون

موضوع رائع

ووالله يا مدون الحبيب او شريك الحياة ده لو حصل ليه زي ما قلتي

ما الترابه في خشمنا....ووووووووووووب زي ما قالت بنت النيل

والله مدون شيء حار شديد والله لا يجيب اليوم ده

وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده

وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب

عموما لا يمكن ان ننسى فراقه او نتحمله

وبعيد عننا ياختي مالك علينا

الله يطول في عمرهم يارب ويخليهم لينا

وتسلمي

موضوع جميل ومن واقع الحياة


سلوي ياغالية بعد الشر عليكم وانشاء الله بعد خرف زي مابيقولوا

لكن الموت دا علينا حق لو طال العمر او قصر

وبحي فيك الوفاء ياسلوي واصلو النساء طبعهن الوفاء

تشكري علي المشاركة

[عماد عبدالشكور]

اكيد سنة الحياة

وانت من خلال كلامك انك ح تنسي وتعيش حياتك مع وليف اخر :(

مشكور علي المشاركة


استمرار الحياة لا يعني النسيان الكامل حا تفضل الزكرى الجميلة موجودة مع استمرار الحياة وما ممكن الحياة تقيف ونفضل عايشين على الزكرى

[مدنيّة]

والرجال ما يعدي كم شهر الا في وحدة في بيتو


يابت دا انتظر كم شهر زاتووووووو
والله في نوعية بعد (15) يوم تلقيها تفكر في البدائل

[مدنيّة]

الحياة لا تنتهي بموت أحد ،،،،،،

والا لكانت انتهت بموت أفضل خلق الله صلى الله عليه وسلم ،،،

لا نستسلم لليأس ،، بل نفتح شرفة من شرفات الأمل ونواصل الرسالة ...
***
لك كل الود


اكيد الحياة لا تتوقف بموت احد
بس لية ياشبارقة انتو بتواصلوا الرسالة واحنا نتوقف علي ذكرياتنا معاكم !!! :confused:

مشكور علي المشاركة

[مدنيّة]

طبعا ده هو الحاصل انو أغلب النسوان عندهم الوفاء أكتر من الرجال لكن الحياة برضو ماشة.
يامدنية أختي ماقلتي لينا عنك انتي؟!


وبرضو يامرومة يجوا يقولوا اننا ما عندنا وفاء :(

بعزف لحن الوفاء عائشة علي ذكرياتي معه وبجد كلامي دا ماشعار ساي يامرومة

تشكري علي المشاركة

[مدنيّة]

انت يا أبو رجاء يعني مامكسر فيها؟؟؟!:eek:
وبعدين شنو الأنانية دي هي توفي ليك وانت ولا يهمك؟!:confused:


يامرومة ماتزعلي اصله ياهو دا حالهم

[مدنيّة]

مدنية الغالية..(والله ما قصدي احول الموضوع لهزل)

بس أقري النكته دي عشان بتعكس لسان حال كتير من الناس:

ولد ساق أمه الحج وفي الطواف عشان هي كبيره شاله

في كتفو قام واحد من الجماعه الجنبو قال ليه:

ياخ امك دي شايله ليه دي لسه سغيره عرسوا ليها

هسع ترجع شباب تاني..

الولد قال ليه عرس شنو يا حاج؟؟الحاجه دي كبرت خلاص

امو من فوق طوالي ضربتو في راسو..وقالت ليه:

أجي ياااا ولدي ..بتعرف أكتر من ناس مكه...




(انشاءالله تكون وصلت)...ودمت


دي النكتة ياابودجانة لكن الواقع شنووووووو ؟؟ :confused: اظنك عارف كويس انه الواقع نقيض النكتة دي

تشكر علي المشاركة

[مدنيّة]

ربنا يطول فى اعمار الجميع مدنية انت مالك بتاعت كوارث كده


الموت علينا حق ياامل حياتي ان شئنا ام ابينا

لكن ما وريتنا ح تعمل شنووووووو

تشكر علي المشاركة

[مدنيّة]

طبعاً أنا حأبدأ ليك القصة بالمقلوب
أنا مثلاً لو كنت على فراش الموت
أول طلب ممكن أطلبو من زوجتي
إن كانت لسع فيها رقشة هي أن
تتزوج . . .
لكي تستمر الحياة فلاتفقدني
وتفقد متعبة الحياة التي قدرها
الخالق . . . واليبقى الوفاء
في الخاطر . . .
فلن أستفيد بوفائها شيئاً
ولن تستفيد .
فما تسمعي كلام الجكس
ده نفحات وسوار وتسنيم وسلوى ومرام
دي إشاعات ساي وبعدين في الأربعين
تكون مجكسة غيرو .

ودمتي


والله يالمسافر ياخوي اللي قلت انك بتعمله دا ماقاعدين يعملوه اخوانك
لكن كلام الجكس اللي قلته دا هو اللي حاصل
تشكر علي المشاركة

[مدنيّة]

واحد من أخوانا ال(..........)علي فراش الموت
فطلب من أولادوا إنو لو مات يعرسوا أمهم لي فلان من الناس
فسألوة ليه إخترت فلان دا بالذات.
فقال ليهم :قبل كدة عامل فيني مقلب وداير إسدا فوقو..
(شفتوا الوفاء كيف)هااااهاااااااااهااااااا قال وفاء قال..

(تسنيم,سوار,أم أحمد,نفحات,مرام) أبقن عشرة علي رويحاتكن يا بنات أمي..
ودمتم..


يكون المسافر لما قال بوصي زوجته وهو علي فراش الموات انها تتزوج غيره يكون عايز يتسدا المقلب

ودا اعترف صريح منك ياابودجانة بعدم وجود الوفاء عند الرجال

[مدنيّة]

الاخت مدنيه
والله موضوعك جميل وحساس جدا ؛ لو نظرنا للواقع نجد النساء وخاصه السودانيه مابتتزوجو لما زوجها يموت وتقعد باقي عمرها تربي الاولاد والقصه ماقصه وفاء لكن خوفها علي اولادها هو السبب
اما الرجال ليهم حق هو بكون مشغول مع مصارعه الحياه اليوميه يعني مابكون فاضي ويخلي بالو من اطفاله عشان كده بنجد كثير من الاسر يقومو بعمليه ( التعويض ) اي بعوضوهو باختها عشان بتكون حنينه علي اطفال اختها
ولاكلامي غلط


طب ياامير هي زااااتها مابتصارع في الحياة لانها بتربي ليها في يتامي

وهي لما تمسك اولادها عليها وتصارع الحياة تبقي القصة ما قصة وفاء لكن هو لما يتزوج بالتعويض او غيره بكون عشان هو مافاضي !!! :(

تشكر علي المشاركة

[مدنيّة]

لا تغرق مع المركب

طالما هناك امكانية للنجاة !!


سواح احيك علي الصراحة جبتها علي بلاطة زي مابيقولوا

تشكر علي المشاركة

[مدنيّة]

سلوي ..

ها انت تعزفين لحن الوفاء الابدي

ولكن هل في لغة العشق شئ اسمه الابد !!


شوف بالله ياسواح هي تعزف لحن الوفاء الابدي وشوف ردود الرجال


يوجد في لغة العشق شئ اسمه الابد ولكن عند النساء فقط

[مدنيّة]

والله يامدنية الموضوع جميل فى حدذاتو بس دى مابتتحدد الاعن طريق الشخص الهواعايش الموقف ده ومدى نسبةالوفا فيه والحالة الشخصية له عشان كده من المفروض انو لورحل احدالطرفين ماتتوقف الحياة عندالطرف التانى والعكس .
مافى رجال بتزوجو بنات صغارفى السن والفارق اقل شيء بكون 20-25-طيب فى حالة زى دى البنت دى حتعمل شنو هل حتعيش بالوافاء لزوجهاالميت وتتوقف الحياة عندالنقطة دى وتحرم نفسها من زينة الحياة الدنيا .



فى حل تانى نرجع لزمن الفراعنة وندفن المرة مع راجلها الميت رايكم شنو عشان يفض الوفاء الى الابد خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ


تتخيل ياخطاب المراة ممكن ترجع لزمن الفراعنة وتدفن مع زوجها

مشكووووووووووور علي المشاركة

[مدنيّة]

الاخت مدنية الله ما جاب اليوم دا لكن لا مفر منو و الموت حق علينا كلنا لكن علي حسب الموقف البكون فيهو الزول او الزولة
وتسلمي كتير علي الموضوع البوجع القلب دا


زي ماقلت ياود السر الموت علينا حق

وشايفاك يعني خليتها للظروف ماعملت زي باقي اخوانك وصرحت :confused:

تشكر علي المشاركة

[مدنيّة]

اسمع كلامكم اصدقكم اشوف عمايلكم استغرب


والله كلامنا وعمايلنا زي العجب ياعماد ياخوي

[مدنيّة]

الحياة لا تنتهي بموت أحد ولكن تصحبنا الذكريات و الجميل منها فقط ....
لك التحية


اكيد لا تنتهي بموت احد والا كانت انتهت بموت سيد البشرية صل الله عليه وسلم
مشكور علي المشاركة

[محمد السر احمد]

زي ماقلت ياود السر الموت علينا حق

وشايفاك يعني خليتها للظروف ماعملت زي باقي اخوانك وصرحت :confused:

تشكر علي المشاركة



تسلمي اختي مدنية ما تحاصرني شديدة لكن بالجد دائما النساء اكثر وفاء وربنا يقدرنا نرد ليهم جزء من هذا الوفاء
تشكري كتير

[مدنيّة]

مدون
من غير تعليق


ليييييييييييية ياابو النور :confused: :confused:

تشكر علي المشاركة

[مدنيّة]

استمرار الحياة لا يعني النسيان الكامل حا تفضل الزكرى الجميلة موجودة مع استمرار الحياة وما ممكن الحياة تقيف ونفضل عايشين على الزكرى


لية الرجل ماعنده الوفاء والمراءة تفضل عائشة علي الذكري:confused: :confused: :confused:

[مدنيّة]

تسلمي اختي مدنية ما تحاصرني شديدة لكن بالجد دائما النساء اكثر وفاء وربنا يقدرنا نرد ليهم جزء من هذا الوفاء
تشكري كتير


يديك العافية ياود السر
وح اكتفي منك بالاعتراف دا
تشكر علي المتابعة

[salwa]

عماد

مالنا ياربي....................؟؟؟؟

[salwa]

زي ما قلتي مدوووووووووون


الوفاء عند النساء

وما قصرتي

[سواااح]

يا شباب ..

الامر ليس تحيز وانتماءات

نحن نريد الوصول لنتيجة مفيدة وصحيحة

النساء : ليس هناك شئ اسمه الابد الا عندهن

الرجال : تضارب في الاراء

نقطة نظام : الامر يرتبط بوضع اي طرف

فليس الجميع سواسية

هناك عامل السن

وعامل الوضع الاجتماعي

وعامل التعليم

وعامل الاسرة

ولكن شئ لا اظن الطرفين ينسيانه

هو الذكري التي جمعت بينهما ..

[مدنيّة]

يا شباب ..

الامر ليس تحيز وانتماءات

نحن نريد الوصول لنتيجة مفيدة وصحيحة

النساء : ليس هناك شئ اسمه الابد الا عندهن

الرجال : تضارب في الاراء

نقطة نظام : الامر يرتبط بوضع اي طرف

فليس الجميع سواسية

هناك عامل السن

وعامل الوضع الاجتماعي

وعامل التعليم

وعامل الاسرة

ولكن شئ لا اظن الطرفين ينسيانه

هو الذكري التي جمعت بينهما ..


الامر فعلا ماتحيز ياسواااح والله
وهسي انت راجع كل التعليقات ح تلقي انه جنسنا من خلال ردوده الاكثر وفاءً وحتي لو نظرت للمجتمع تجد ان المراءة هي الاكثر تضحية بحقوقها للمحافظة علي حقوق الاخرين وقد تجد امرءة صغيرة السن وجميلة ويتقدم لها الكثيرون بعد ان اصبحت ارملة لكنها ترفضهم جميعا من اجل ذكراها مع زوجها من اجل تربيتها لاطفالها

تشكر سوااااح علي المتابعة

[بنت الرفاعي]

:eek: :confused: أها يا مدون نحن نعمل شنو؟؟؟؟؟؟؟؟؟!!!!!!!:confused: :eek:

[ابورجاء]

:eek: :confused: أها يا مدون نحن نعمل شنو؟؟؟؟؟؟؟؟؟!!!!!!!:confused: :eek:
الغالية بتنا مرام الطيبة
اعملي نايمة يا بنتي ولا تهتمي للايام ...

ودوما في رعاية الله وحفظه...
مع كل الود باقة ورد.....

[بنت الرفاعي]

أصلا عاملة نايمة وخلاها للأيام لكن انت .............!