غير عاجل بالبريد الزاجل، من عمدة المطامير

[شبارقة]

بسم الله الرحمن الرحيم

من عمدة حلة المطامير ريفي شنب الباعوضة ، كتب بواسطة عبيدالله ود الحرم
بريد البندر ، ومنه ـ بارك الله فيهو ـ إلى جنا المطامير ، ، ، ،

جنا المطامير، بعد تحية الاسلام،،،
سمعنا انك اتمردت علي كبيرك وضهرك ومقدمك (شبارقة) ، وعصيت كلامو ، وانا وصيتك قبال ما تمشي البندر و قلت ليك ـ المخالف بياخدنو الزوالف ـ وانت شكلك باريت جنيات البندر وسمعت حديثم ، دحين والله ـ أقلب الصفحة آ عبيدالله ودالحرم ـ والله و والله وما طالبني حليفة ، ما تمسك الدرب العديل علا أجيبك علي قدومك واسرحك بالبهايم تاني، وبت عمك مدنية دي قول ليها اسمعي كلام أخوك شبارقة، ولاّ والله برضو أجيبا المطامير تلقط الويكة وتحش قش الغنم ،، والسلام ،،،

ملحوظات من عبيد الله ود الحرم (ابوي العمدة يسمو في القراية عشان كده قلت أسلم عليك من غير ما يعرف):
ازيك آ جنا المطامير ، والله حواء ست المريسة مما مشيت من الحلة قفلت الانداية وخسرت خسارة بياع القرع ، وكلم مدنية قول ليها الويكة غلت غلا في الحلة مما ادرعت البنادر، والصناديق ماشة زي السيف ... ابوك العمدة ركب دش ومصنقر في روتانا سينما وميلودي أفلام النهار جت.
في وداعة الله ..

[شبارقة]

يا ود المطامير دي رسالة أبوك العمدة ليك ،،،

ثب الى رشدك والزم الدرب العديل ...


ترد علي انت وبت عمك مدنية خلال 13 دقيقة من الان ...
ولا برسل التقرير للعمدة ...

[سواااح]

الله يهدي سركم

حالكم ما بعجب عدو ولا صديق

عين واصابتكم

[شبرقية]

الله يهدي سركم

حالكم ما بعجب عدو ولا صديق

عين واصابتكم

صدقت والله بس نسوي ليهم شنو :(
ها اجنيات ما تنصلحوا

[ابودجانه العباس]

صدقت والله بس نسوي ليهم شنو :(
ها اجنيات ما تنصلحوا

هع هع هع ...يادوووووووب
نسوي ليهم شنو ..ساعه بتحرشي في تومك
بهناك ما كنت عارفه نسوي شنو..

صلح (نو)..(نهي)..(سيبقو)..(لالالالالالالالالا)

والتسوي بايدك يغلب أجاويدك....
ودمتم..

[المسافر]

يا أخوي شبرقونا
ود المطامير عضتو أم سيسي ورقدو في المستشفى
الجنى ده بقى حنكوش وبقى ناس البندر . . .
يا حليلو زمان لما كان بعضيهو كلب . . .
كان بدو الكلب 80 حقنة . . .
خلاص يا أخوي شوف ليك زول تاني غيرو

[الفارس البنفسجي]

ود المطامير هرشوا ابوجانة بي نونيتو
ولو ما خاف الكضب هو خايف اكتر
من أبودجانة لو قام دعاهو

[ابورجاء]

بسم الله الرحمن الرحيم

من عمدة حلة المطامير ريفي شنب الباعوضة ، كتب بواسطة عبيدالله ود الحرم
بريد البندر ، ومنه ـ بارك الله فيهو ـ إلى جنا المطامير ، ، ، ،

جنا المطامير، بعد تحية الاسلام،،،
سمعنا انك اتمردت علي كبيرك وضهرك ومقدمك (شبارقة) ، وعصيت كلامو ، وانا وصيتك قبال ما تمشي البندر و قلت ليك ـ المخالف بياخدنو الزوالف ـ وانت شكلك باريت جنيات البندر وسمعت حديثم ، دحين والله ـ أقلب الصفحة آ عبيدالله ودالحرم ـ والله و والله وما طالبني حليفة ، ما تمسك الدرب العديل علا أجيبك علي قدومك واسرحك بالبهايم تاني، وبت عمك مدنية دي قول ليها اسمعي كلام أخوك شبارقة، ولاّ والله برضو أجيبا المطامير تلقط الويكة وتحش قش الغنم ،، والسلام ،،،

ملحوظات من عبيد الله ود الحرم (ابوي العمدة يسمو في القراية عشان كده قلت أسلم عليك من غير ما يعرف):
ازيك آ جنا المطامير ، والله حواء ست المريسة مما مشيت من الحلة قفلت الانداية وخسرت خسارة بياع القرع ، وكلم مدنية قول ليها الويكة غلت غلا في الحلة مما ادرعت البنادر، والصناديق ماشة زي السيف ... ابوك العمدة ركب دش ومصنقر في روتانا سينما وميلودي أفلام النهار جت.
في وداعة الله ..
الغالي حبيب قلبي ونور عيني شبارقة المتمرد ناكر الجميل المي حامي
يا جنا انا ما كلمتك قلت ليك لمن تكشحها ما تجي
بي هنا تفضحنا بي كلامك المشاتر ده اها اسه كلهم
عرفوك بتبرمها وتكشح الشغلة ده كويس الكلام ده
يعني اسه الواحد يودي وشو وين من الناس الحلوين
ديل يقولوا مصاحب شلة مطوفشين بعدين اخوي ود
المطامير ما كلمتك اول امس المدير رسلو يجيب
مبيدات للجزيرة من ابو ظبي ما صدق وكب الزوقه بي
هناك لكن وقع في شر اعمالو الحكومة من ما وصل
قبضت عليهو وحاكموهو بي غسيل الهدوم والعدة وقش
الحوش وحوش الجيران وكوي ملابس الحي كلو ويحمم
الوليدات وتحت تحت سمعنا قالو يوم الجمعة بيسوي العصيدة
بي ملاح ام تكشو والسباق طار ليهو في راسو حيكون حارس
الوليدات في البيت مافي طريقة يطلع اها امشي اشمشم باقي
الخبريات وارجع ليك يا مطوفش......

ودوما في رعاية الله وحفظه....
مع كل الود باقة ورد....

[بورتبيل]

هع هع هع ...يادوووووووب
نسوي ليهم شنو ..ساعه بتحرشي في تومك
بهناك ما كنت عارفه نسوي شنو..

صلح (نو)..(نهي)..(سيبقو)..(لالالالالالالالالا)

والتسوي بايدك يغلب أجاويدك....
ودمتم..

والتسوي كريت تلقا في جلدا ....
وانتا الدور عليك يا المنطط عينيك ...
ونشوفك قريب .. انشاء الله

[رهيب]

في شنو ياجماعة الحاصل شنو فهمونا
والله دين عين واصابتكم

[مدنيّة]

بسم الله الرحمن الرحيم

من عمدة حلة المطامير ريفي شنب الباعوضة ، كتب بواسطة عبيدالله ود الحرم
بريد البندر ، ومنه ـ بارك الله فيهو ـ إلى جنا المطامير ، ، ، ،

جنا المطامير، بعد تحية الاسلام،،،
سمعنا انك اتمردت علي كبيرك وضهرك ومقدمك (شبارقة) ، وعصيت كلامو ، وانا وصيتك قبال ما تمشي البندر و قلت ليك ـ المخالف بياخدنو الزوالف ـ وانت شكلك باريت جنيات البندر وسمعت حديثم ، دحين والله ـ أقلب الصفحة آ عبيدالله ودالحرم ـ والله و والله وما طالبني حليفة ، ما تمسك الدرب العديل علا أجيبك علي قدومك واسرحك بالبهايم تاني، وبت عمك مدنية دي قول ليها اسمعي كلام أخوك شبارقة، ولاّ والله برضو أجيبا المطامير تلقط الويكة وتحش قش الغنم ،، والسلام ،،،

ملحوظات من عبيد الله ود الحرم (ابوي العمدة يسمو في القراية عشان كده قلت أسلم عليك من غير ما يعرف):
ازيك آ جنا المطامير ، والله حواء ست المريسة مما مشيت من الحلة قفلت الانداية وخسرت خسارة بياع القرع ، وكلم مدنية قول ليها الويكة غلت غلا في الحلة مما ادرعت البنادر، والصناديق ماشة زي السيف ... ابوك العمدة ركب دش ومصنقر في روتانا سينما وميلودي أفلام النهار جت.
في وداعة الله ..


وبرضو يقول مازائغ من الكرسي :confused:

[تسنيم خالد]

العمدة بالغ عديل انا اقول ليكم هو فتش في درب روتانا سينما
وفي درب ميلودي افلام يبقي دار يرجع الجنيات ديل ساااااااي حسادة منو
عشان يمشي هو البندر يشوف بعينو وينسي العمودية ويجدع اولادو
اخير طفشي الصغار اوعكم ترجعوا يقوم ابوكم يطش

[شبارقة]

رد يا جنا المطامير المهلة انتهت

[ود المطامير]

ها ناس ها , الواحد لو إضاير منكم كدا ولأ كدا ما تفهموها
أبو العمده من شبارقه أخوى رسل ليهو طقم السنون الجديد
حلف وعلى راسو ألف سيف إلا يقشر بيهو فى مدينة ود مدنى
ومن صباح الرحمن جينا مدنى وحات دينى وأيمانى فى الشوارع
ما يشوف ليهو زول يبتسم ليهو التقول ود أخوه عشان يطلّع السنون
الجديده والناس يشوفوها والعجب لو شاف بت سمحه , يقهقه ويضرب الواطه
بكرعيه , يا شبارقه يا تعال أمسك الورديه وحوم بأبونا العمده فى شوارع
مدنى يا أضرب تلفون ليهو وقول ليهو يا با العمده طقم السنون دا قالوا
بسوّى السرطان أجدعو وأرجع الحِلّه ؟

[Madanawi]

انت يا شبارقة ما كنت ملجم في الكرسي الساخن واللجام مبلعك لسانك ومشغول وما قادر تتكلم وبره الشبكة زاتو ، هسي الوقت الراقد لمن بقيت توزع فيهو للناس جبتو من وين، قال مهلة 13 دقيقة ....

[ود المطامير]

ملحوظات من عبيد الله ود الحرم (ابوي العمدة يسمو في القراية عشان كده قلت أسلم عليك من غير ما يعرف):
ازيك آ جنا المطامير ، والله حواء ست المريسة مما مشيت من الحلة قفلت الانداية
في وداعة الله ..[/quote]
أكان كدى مافى داعى أرجع
عليك الله ياعبيد مجرد ما تفتحها
تانى قول عوووووووك
عشان أقدم إجازتى السنويه .

[بورتبيل]

ارجعـــــــــــــــــوا الينـــــــــا هذا الزمن الجميـــــــــل

اين انتــــــــــــــــــــم بالله عليـــــــــــكم