انا زاتي بكتب عن عيد الحب ومافيش حد احسن من حد

[aborawan]

بسم الله الرحمن الرحيم

ما دفعني للكتابة هو سؤال وجهته لي نفسي واحببت ان اوجهه لكل الاعضاء لانني وبمنتهى الصراحة عجزت عن الرد على نفسي واحتاج مساعدتكم في الاجابة

هل تكثر المواضيع في منتديات الاوربيين والغربيين وغيرهم من اهل الكفر فيما يخص اعيادنا (( الفطر والاضحى )) حتى ولو انشقو ما بين مؤيد ومعارض لها ؟؟

وجزاكم الله عني كل الخير

[محمد السر احمد]

ابدا حتي هم ذاتو ما بعرفوا انو في عيد اسمو عيد رمضان ولا عيد الضحية

شكرا اخونا ابو روان

[عزيز عيسى]

محمد،

أزيك يا زول يا ملك.. الشوق ليك مدد..

إنت عارف يا محمد اليوم من الصباح جاتني بتي الصغيرة لينا
وقالت لي Daddy: Happy Valentine's Day
قلت ليها مين فالنتاين دا.
ياخي دي بدع إبتكرت هدفها تجاري بحت..
بيقدوا بيها جيوب الرجال..
لكن البيقيظني إنو الناس في الدول العربية ليه بتقلد
بدون ما تعرف المضمون.

[ود المطامير]

حبيبنا الغالى أبوروان
دا لو ما قامت علينا الممثله العجوز ديك , إسمها منو ياخى بتاعة الرفق بالحيوان ديك
أيوه الياثبيث تايلور ولأ تايرور ما عارف وقالت المسلمين كملوا الخرفان وإشتكتنا فى الأمم المتحده , يا الحبيب الله يدى العافيه للمسلمين اللى عايشين فى بلاد الخواجات وبيصدروا لينا أعياد النصارى وتلقاهم هم بنسوا أعيادهم مع الزحمه .
وتسلمووووووووووووووووووووووووووووو

[aborawan]

ابدا حتي هم ذاتو ما بعرفوا انو في عيد اسمو عيد رمضان ولا عيد الضحية

شكرا اخونا ابو روان

شكرا محمد السر وجعل الله النصرة للاسلام والمسلمين



محمد،

أزيك يا زول يا ملك.. الشوق ليك مدد..

إنت عارف يا محمد اليوم من الصباح جاتني بتي الصغيرة لينا
وقالت لي Daddy: Happy Valentine's Day
قلت ليها مين فالنتاين دا.
ياخي دي بدع إبتكرت هدفها تجاري بحت..
بيقدوا بيها جيوب الرجال..
لكن البيقيظني إنو الناس في الدول العربية ليه بتقلد
بدون ما تعرف المضمون.

هلا بيك يا عمنا وسمعنا ندائك وقالو لينا انك زعلان عشان الناس ما لبت النداء عشان كده ركبنا اول بص وقلنا كل شئ ولا زعل عمنا العزيز عزيز لك التحية والله يحمينا ويحميكم من العادات الدخيلة علينا كمسلمين


حبيبنا الغالى أبوروان
دا لو ما قامت علينا الممثله العجوز ديك , إسمها منو ياخى بتاعة الرفق بالحيوان ديك
أيوه الياثبيث تايلور ولأ تايرور ما عارف وقالت المسلمين كملوا الخرفان وإشتكتنا فى الأمم المتحده , يا الحبيب الله يدى العافيه للمسلمين اللى عايشين فى بلاد الخواجات وبيصدروا لينا أعياد النصارى وتلقاهم هم بنسوا أعيادهم مع الزحمه .
وتسلمووووووووووووووووووووووووووووو

الصديق عثمان عروة ود المطامير (( رضي الله عنك وارضاك وحفظك وابقاك )) :):)
العجوز دي شكيناها للي لا نام لا اكل الطعام وتجازا ان شاء الله

بعدين ياخي مالك على عيونا ماطي لينا تسلمووووووووووووووووووووووووووو بالطريقة دي
عليك الله عيب لي (( تسلم )) في جملة مفيدة

((خخخخخخخخخخخخخخخخخخخخخخ)) المعذرة يا اخوان خخخخ دي اختصار لانو الحاجة دي بايخة على حسب ما افتونا الاخوان جزاهم الله عنا كل خير

[بدر الدين محمد]

فقط افتح هذا الرابط
http://www.saaid.net/mktarat/7oob/index.htm

[aborawan]

شكرا شكرا شكرا شكرا شكرا شكرا شكرا شكرا شكرا شكرا

وسلام مربع ل (( بدرالدين ))

واتمنى من كل الاعضاء زيارة موقع صيد الفوائد لمافيه من فوائد جمة واخص كل المؤيدين لهذه المناسبة المبتدعة من الاخوة المسلمين بزيارة هذا الرابط الذي اتحفنا بيه بدرالدين

وتاني مرة شكرا يا بدرالدين

[ود المطامير]

الصديق عثمان عروة ود المطامير (( رضي الله عنك وارضاك وحفظك وابقاك )) :):)
العجوز دي شكيناها للي لا نام لا اكل الطعام وتجازا ان شاء الله

بعدين ياخي مالك على عيونا ماطي لينا تسلمووووووووووووووووووووووووووو بالطريقة دي
عليك الله عيب لي (( تسلم )) في جملة مفيدة

((خخخخخخخخخخخخخخخخخخخخخخ)) المعذرة يا اخوان خخخخ دي اختصار لانو الحاجة دي بايخة على حسب ما افتونا الاخوان جزاهم الله عنا كل خير
والله يا الحبيب قدر ما حكحكت راسى عشان أعيب ليك
كلمة ( تسلم ) فى جمله مفيده ما قدرت بس أنا لقيت الموضه اللى ماشيه هى
تسلموووووووووووووووو
وركبت الموجه وما دام بايخه ( هدا طرفى منها )

[aborawan]

عروة (( لووووووووووووووووووووووووووووووووووووووووووووووووو وووووووووول ))

[ود المطامير]

عروة (( لووووووووووووووووووووووووووووووووووووووووووووووووو وووووووووول ))
ولكمووووووووووووووووووووووووووووووووووووووووووو

[Madanawi]

والله يا فردة هم الخواجات ديل عارفين كل حاجة عننا بس ما بتذكرونا الا لمن يلقوا فينا الكدة

[محراب]

تعرف انا غايتو ما بعرف لكن أي شيء ما بنبع من الاحساس بالشيء بقناعة كاملة بعتبرو أجوف عشان كده عندي مسألة الاحساس وإدراك الأحساس نفسو مسألة بتتأطر بصورة ذاتيه بغض النظر عن قباحة وقتامة واقعها بمعنى الاحساس الجميل بالشيء بخلق لنفسك واقع أجمل عشان كده انا يبدو لي الاحساس الجميل هو البخلق معنى للادراك الجميل والنظر بصورة أجمل لذا احساسك بغيرك من خلال محبتك له ونشر المحبة بفهم عام لا من جانب عيد الحب وزي ماقالوا وثنية ساهمت فيها ونشرتها وجملتها الفضائيات وخلقت لها واقع في مجتمعاتنا كانت غائبة


لكل عندما أبحرت بي الأيام بين الكائن وما يجب أن يكون
اخترت ان ارسو على شاطئ الفن وبحر من فنون
لا لشيء.. لكل شيء
فقد عشقت ما يجب أن يكون ومللت الكائن من الأمورشيء

[magdi]

والله كلامك صاح يامدناوي ... هم عارفين عننا أي حاجة ولاقين فينا الكدة ... وكدة شديدة كمان ... تعرف ليه لأننا نستاهل .. لأنهم بيكرهونا شديد ... وفي نفس الوقت عارفين إنو نحن بنحبهم لدرجة عبيطة ... لأننا بنحب. أفلامهم ... كورتهم .. غناهم ... شخصياتهم ... .. ونقلدهم في الموضة ونحفظ ليك أخبارهم دي صم ... ونحتفل بي أعيادهم كمان ... وبعد دا كله نطلع إرهابيين ....
ويستهزأ بديننا ورسولنا ... والله المستعان .. وإتفرجو ياشباب على النتيجة

[aborawan]

مدناوي محراب مجدي
لكل منا نظرته ورأئيه الخاص في شتى الامور لكن ما يحزننا ويدمع قلوبنا هو انتشار عادات هؤلاء الكفرة الفجرة بين شبابنا ما نسميه التقليد الاعمى وتجدهم (( هم )) بعيدين كل البعد عن عاداتنا وتقاليدنا اذاً نحن مستهدفون وعلينا ان ننشئ شبابنا نشأة دينية سليمة حتى حتى لا يفلت الحبل من القارب .

ملاحظة :-
ما حفزني لكتابة الموضوع هي امور شتى منها وعلى سبيل المثال التهاني والتبريكات بمناسبة (( عيد الحب )) بين شباب المسلمين وللاسف الشديد في مجتمعنا السوداني اصبح البعض يرتدي الاحمر في مثل هذا اليوم (( معلومة مؤكدة ))

تقبلو تحياتي