تعالوا شوفوا... شبارقة ..في الكرسي الساخن [الأرشيف]

نزار حسن محمد

13-02-2007, 06:58 AM

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مفاجاه من العيار الثقيل .... من هو زعيم التمرد..

http://www.asmilies.com/smiliespic/FAWASEL/048.gif (http://www.asmilies.com/) من هو الاستاذ المحامى (( ؟؟؟؟؟..
يسرنا أن نستضيف ولى ايام ..انسان احببناه .. ولم يسلم الجميع من لدغاته ضيف ..عزيز على الكل ... الاستاذ ؟؟؟؟؟؟؟؟ من هوشبارقه))[/size/b][b]...
ck]تسلل إلى قلوبنا بهدوء وسكينة ( أحببناه فبادلنا كل الحب ) ..
فيسعدنا جميعاً أن نكون ضيوفاً علي.. شبارقه
نلتقيه من اليوم ولأيام التاليه لنستمتع معه وليحكي لنا عن أيام سعدنا برفقته عبر هذا الملتقى الجميل .. منتدى ودمدنى
برغم مشغولياته الكثيره ولكنه من اجلكم استجاب تعالوووونشوف الزعيم
http://www.asmilies.com/smiliespic/FAWASEL/053.gif (http://www.asmilies.com/)

[font=Arial Black]البطاقه الشخصيه يازعيم

http://tabatpeople.com/songs/imad/al3oba.ram

شبارقة

13-02-2007, 07:48 AM

يا نهار مش فايت ...
لك استاذي الكريم نيزو الف تحية وانت تجلسني على هذا (البنبر الحار) ...
لكن أخاف أن أقصر ولا أعطي هذه المساحة حقها الكامل ..
فاعذروني اذا قصرت ... فالعمل يأخذ كثيراً من وقتي ..
***
لكم كل الود

شبارقة

13-02-2007, 07:59 AM

البطاقة الشخصية:
اسمي بذكركم يذكر ، وبحبكم ينمو ويزهر ، وبصحبتكم الماجدة يسمو ويفخر .

تاريخ الميلاد : (ما نكضب) واحد يوليو سنة الف وتسعمية تمانية وسبعين.

الإقامة الحالية : الرياض المملكة العربية السعودية.

الحالة الاجتماعية : (حالة تحنن) عازب .

مسقط الرأس : الأم الرؤوم ، والمدينة الحالمة الحانية ـ الشبارقة .
أي سعال تاني

سواااح

13-02-2007, 08:01 AM

انت يا نزار والفردة عملتوها فينا ..

بتجيبوا قيادات التمرد في التلفيون

اقصد في التلفزيون الرسمي ليه ؟

حبيبو .. شبارقة ..

مرحبا بك عزيزي في هذه المساحة

ولي معك عودة اخري ....

ود المطامير

13-02-2007, 09:05 AM

حبيبنا الغالى شبارقه
مبروك عليك ودا اليوم الدايرنوا ليك يا شبارقه مبروك عليك
أها يا حبيبنا دفرتنى وقعدت إنت وإتحكرت تمام وبقيت وزير
78 إنت كنت حاكل عكازك ومتكى عليهو والغنم ياكلن فى قش
الخريف هو نحنا ح نبقى ذى التلاته أرباع ديل ولأ شنو ؟

نزار حسن محمد

13-02-2007, 10:59 AM

عزيزنا شبارقه ... مطلوب الاسم الموجود على الجنسيه والباسبورت لقايت الجد الرابع ...كما ارجوا ان لاتنسى هذا الكرسى الساخن ...وارجاء الراجيك...اظهر وبان ..حبيبنا ابو رجاء .. ابودجانه .. المسافر...وبقية العقد الفريد..

عزيز عيسى

13-02-2007, 11:42 AM

يا شبارقة،

المعلومات ناقصة كثير..
عايزين نشوف صورتك
وتدينا نبذة عن المراحل التعليمية والمناطق التي درستها والجامعة التي تخرجت فيها..
وأين تقع الشبارقة في الخارطة.. وتبعد من مدني كم كيلومتر.
وترتيبك في أخوانك وأخواتك.. وهلم جرا.
مالك عايز تخمنا يا الحبيب..
ما تخاف جايينك بالأسئلة.. وحنزرزرك..

صالح ابوشوارب

13-02-2007, 07:21 PM

يا الاسمك في لساني وماداير ينساني
**
**
**

سوار الياسمين

13-02-2007, 08:17 PM

منور يا شبارقة

ومرحب بيك وجاك يا الكرسي بلا

واسسسسسسسسه بقى الشغل يا خد كل وقتك

ما قاعد لينا من زمان متفرغ بس حبكت اسه

خليك صنديد وارجا الجاييك

دمتى

شبارقة

13-02-2007, 09:35 PM

يا شبارقة،

المعلومات ناقصة كثير..
عايزين نشوف صورتك
وتدينا نبذة عن المراحل التعليمية والمناطق التي درستها والجامعة التي تخرجت فيها..
وأين تقع الشبارقة في الخارطة.. وتبعد من مدني كم كيلومتر.
وترتيبك في أخوانك وأخواتك.. وهلم جرا.
مالك عايز تخمنا يا الحبيب..
ما تخاف جايينك بالأسئلة.. وحنزرزرك..

يا عزيزنا العزيز عزيز ...
دي صورتي ....

المراحل التعليمية :
المرحلة الابتدائية : الجمهورية العربية اليمنية ، مدرسة الثورة بصنعاء.
المرحلة المتوسطة: مدرسة الشبارقة المتوسطة.
المرحلة الثانوية : مدرسة الشهيد د. مصطفى الطيب علي الثانوية بمدني.
خريج جامعة النيلين ـ كلية القانون 2001م
تمتد الشبارقة على امتداد الضفة الشرقية للنيل ـ حوالي كيلومترين من النيل الأزرق ـ وتبعد عن مدينة مدني حوالى 30 كيلو متر ، وللشبارقة بصمات واضحة في مدينة ودمدني ، كما لها اسهامات كثيرة في المجالات السياسية والأدبية والفنية ، وتشتهر بكثرة المعلمين والمتعلمين، فمدرسة الشبارقة الاولية للبنين أنشأت في العام 1906م (قرن من الزمان) ، وقد تخرج منها الكثير من الرموز السياسية في وطننا الحبيب، على رأسهم البروفيسور الجزولي دفع الله رئيس الوزراء الأسبق، والشيخ صادق عبدالله عبدالماجد.

ابودجانه العباس

13-02-2007, 09:59 PM

حبيبنا وأخونا شبارقه

اول حاجه بحييك علي الطله الجميله دي..

وأقول ليك حاجه..وجييييه عدييييييل

بعدين قصه علويه بت الحاج دي شنو..؟؟؟؟

Madanawi

13-02-2007, 10:01 PM

شبارقة يا جالس " على الكرسي الساخن "

أولا يا شبروقة انا ما قايلك جرسة وبتضارى ورى الدعوات من قولة تيت. يعني سالي لسانك في الخلق واسمك ما قادر تكتبو وشبكتنا بحبكم ينمو ويزهر وما عارف شنو. يا ولد ما تركز شوية وتخلي أم هله هله بتاعتك دي. بعدين انت ما شفت ود المطامير اتحكر في الكرسي وملاهو كيف لمن دفق بالجنبات عشلن كده انت جيت بعد واحد كلس ولازم تكون في المستوى المطلوب.

السؤال الأول : أحكي آخر قصة حب عشتها .

السؤال الثاني : بنية عسولة شديد تمنيتها من نصيبك. يلا أحكي

مدنيّة

13-02-2007, 10:20 PM

تاريخ الميلاد : (ما نكضب) واحد يوليو سنة الف وتسعمية تمانية وسبعين.

هي ياشبارقة ماتخاف من الله :eek: :eek: :eek: :eek:
ياخوي دي حتي صورتك ابيض واسود كان تعمل ليها دبلجة وتجيبها ملونة :p
هسي جيت بس اشوف الحاسل شنو في المنتدي وبمشي وبجيكم يوم السبت بكون فضيت ليكم

محمد السر احمد

13-02-2007, 10:28 PM

الاخ شبارقة مرحب بك في الكرسي الساخن لكن نحن دايرين الاسم الحقيقي ونتمني لك لكرسي ساخن شديد واكرب نصك وارفع راس ناس الشرق

شبارقة

13-02-2007, 10:43 PM

حبيبنا وأخونا شبارقه

اول حاجه بحييك علي الطله الجميله دي..

وأقول ليك حاجه..وجييييه عدييييييل

بعدين قصه علويه بت الحاج دي شنو..؟؟؟؟

حياك الله وبيّاك أخي أبو دجانة ....
(الوجاهة حالتا من غير تجهيز ، والوقت داك جاي يادووووووووووب من السرحة ....)
علوية بت الحاج : شخصية من وحي الخيال .. يعني شخصية مفترضة ليس لها وجود في الواقع ...
وهي نوع من الطرفة والقفشات الحلمنتيشية الخفيفة ...
والعتبى لكل (علوية) سودانية ... وبنقول للعلويات : لو ماكنت سامقة وعالية ما سموك علوية ..
***
لك كل الود

شبارقة

13-02-2007, 10:53 PM

شبارقة يا جالس " على الكرسي الساخن "

أولا يا شبروقة انا ما قايلك جرسة وبتضارى ورى الدعوات من قولة تيت. يعني سالي لسانك في الخلق واسمك ما قادر تكتبو وشبكتنا بحبكم ينمو ويزهر وما عارف شنو. يا ولد ما تركز شوية وتخلي أم هله هله بتاعتك دي. بعدين انت ما شفت ود المطامير اتحكر في الكرسي وملاهو كيف لمن دفق بالجنبات عشلن كده انت جيت بعد واحد كلس ولازم تكون في المستوى المطلوب.

السؤال الأول : أحكي آخر قصة حب عشتها .

السؤال الثاني : بنية عسولة شديد تمنيتها من نصيبك. يلا أحكي

يا دووووووووووب جات الحاجات المولعة .. والبتخليني أرجف (زي الورتابة) ..

آخر قصة حب عشتها :والله ما عارف أحكيها من ياتو ناحية ؟؟؟

بنية عسولة شديد تمنيتها من نصيبك: والله اللي اتمنيت انهن يكونن من نصيبي كتيرااااااااااااااااااات
وما بتحسبو ..
لكن
كل سودانية تحمل في دواخلها من الجواهر ما يصعب الوقوف أمام بريقه ولمعانه ..
كل سودانية ترسم على وجهها إطلالة سمراء تنفض عنك غبار السفر والتعب والهموم ..
كل سودانية تحمل من القيم والمعاني ما يندر أن يوجد لدى غيرها ..
***
لك كل الود

شبارقة

13-02-2007, 10:57 PM

هي ياشبارقة ماتخاف من الله :eek: :eek: :eek: :eek:
ياخوي دي حتي صورتك ابيض واسود كان تعمل ليها دبلجة وتجيبها ملونة :p
هسي جيت بس اشوف الحاسل شنو في المنتدي وبمشي وبجيكم يوم السبت بكون فضيت ليكم

ما في حاجة (حاسلة) يا مدندن ...
الصورة جات ابيض واسود عشان كان في مطر وغبار وحاجات ...
لكن جدييييييييييدة لنج والله ...

شبارقة

13-02-2007, 10:58 PM

الاخ شبارقة مرحب بك في الكرسي الساخن لكن نحن دايرين الاسم الحقيقي ونتمني لك لكرسي ساخن شديد واكرب نصك وارفع راس ناس الشرق

انتو مصرّين على الاسم ليه ، أوعى تكونوا مع ناس الأمن ...
الإسم :
شبارقة

امير عبدالباقي

13-02-2007, 11:04 PM

الاخ الحبوب شبارقه
لك الف تحيه وانت تجلس في الكرسي الساخن
ياخوي اعمل حسابك واركز ماتظهر انك خايف شايفك بترجف يابوي زنقه تفوت ولاحد يموت
قول اسمك ساي مدسي من شنو يالخو ؛ والله في ناس هنا يشوفو رجفتك دي مابرحموك
يلا اها قول بسم الله وقول اسمك رباعي وترتيبك الكم بين اخوانك
جايك راجع

ود المطامير

13-02-2007, 11:25 PM

والله يا شبارقه ما شاء الله عليك وجاهة الجن اللحمر
والحاله دى الصوره بفِرد أضان .. بس جانى شمار قالوا
دى صورة أخوك الصغير صحى ؟ .

Madanawi

13-02-2007, 11:25 PM

يا شبارقة ما تندس تحت القش وارفع راس الشبارقة وورينا الحبيتها وقلت ليها :

النية متين نتلم والحال بطال ..................

قالتلك :

هنية وانت معاي مستورة حال بنت سودانية .........

قلت ليها : ورررررووووووك وقمت كبيت الزوغة زي عوايدك .

شبارقة

13-02-2007, 11:44 PM

والله يا شبارقه ما شاء الله عليك وجاهة الجن اللحمر
والحاله دى الصوره بفِرد أضان .. بس جانى شمار قالوا
دى صورة أخوك الصغير صحى ؟ .

انت يا المميسيخ صورتك بي أضانين يعني ...!!!
دي صورتي أنا ، ما شايف ختم حق الملكية الفوتوغرافية !!

شبارقة

13-02-2007, 11:49 PM

الاخ الحبوب شبارقه
لك الف تحيه وانت تجلس في الكرسي الساخن
ياخوي اعمل حسابك واركز ماتظهر انك خايف شايفك بترجف يابوي زنقه تفوت ولاحد يموت
قول اسمك ساي مدسي من شنو يالخو ؛ والله في ناس هنا يشوفو رجفتك دي مابرحموك
يلا اها قول بسم الله وقول اسمك رباعي وترتيبك الكم بين اخوانك
جايك راجع

الترتيب (ماشاء الله وتبارك الله ، وعينكم بااااااااااااااااااااااااااااااااااردة) التاسع

شبارقة

13-02-2007, 11:51 PM

يا شبارقة ما تندس تحت القش وارفع راس الشبارقة وورينا الحبيتها وقلت ليها :

النية متين نتلم والحال بطال ..................

قالتلك :

هنية وانت معاي مستورة حال بنت سودانية .........

قلت ليها : ورررررووووووك وقمت كبيت الزوغة زي عوايدك .

المرَّة دي زروني في الكرسي الساخن .. وحاولت أفرفر وما قدرت ....
والله يعدي الاسبوع دا على خير .. ويجيب اللي بعدنا

عماد عبدالشكور

14-02-2007, 12:13 AM

يا شبارقة ما تندس تحت القش وارفع راس الشبارقة وورينا الحبيتها وقلت ليها :

النية متين نتلم والحال بطال ..................

قالتلك :

هنية وانت معاي مستورة حال بنت سودانية .........

قلت ليها : ورررررووووووك وقمت كبيت الزوغة زي عوايدك .

اوعك تقول لي مدناوي زي ما قال (خدوري) في حلبة الملاكمة

بنت الرفاعي

14-02-2007, 01:22 AM

أولا نرحب بيك وبي طلتك يازعيم.:)
انت مالك بتتراجف كدة وخايف من الأسئلة ومعاك زوغان كمان بالله جاوب سؤال أخوي مدناوي ده أول شي , وانت قايل هو سمو الكرسي الساخن لي شنووووووووووووووووووو؟؟؟:D

Madanawi

14-02-2007, 03:21 AM

يا شبارقة ما تعمل دبلوماسي وتقعد تتزاوق من الاسئلة. جاوب ولا تنسى انك في الكرسي الساخن ولسه ناس هالة سرحان ما جنك عشان تشوف النجوم عز النهار.

احكي لينا قصة الموبايل بتاع مدنية تومتي دا شنو عشان انا تومها ما جابت لي موبايل.

شبارقة

14-02-2007, 04:41 AM

يا شبارقة ما تعمل دبلوماسي وتقعد تتزاوق من الاسئلة. جاوب ولا تنسى انك في الكرسي الساخن ولسه ناس هالة سرحان ما جنك عشان تشوف النجوم عز النهار.

احكي لينا قصة الموبايل بتاع مدنية تومتي دا شنو عشان انا تومها ما جابت لي موبايل.

إحم ...
الموبايل كان بتاع مدنية .. وبقى حقي ... وكانت بتهدد فيني ببيعو لو ما جيت استلمتو ..
وأنا كان ما طلعت حريص وحرستها حرسة الموظف للماهية .. والمطلقة للنفقة ..
ما كان لميت فيهو .....
لكن بيني وبينكم .. أهديتو لجميعة ( الرفق بحمير الحلة الخيرية ) ...

شبارقة

14-02-2007, 04:42 AM

أولا نرحب بيك وبي طلتك يازعيم.:)
انت مالك بتتراجف كدة وخايف من الأسئلة ومعاك زوغان كمان بالله جاوب سؤال أخوي مدناوي ده أول شي , وانت قايل هو سمو الكرسي الساخن لي شنووووووووووووووووووو؟؟؟:D

كده يا مرومه يا ظريفة نكون جاوبنا على كل الاسعلة ...
أي سعال تاني؟؟

عزيز عيسى

14-02-2007, 05:34 AM

يا عزيزنا العزيز عزيز ...
دي صورتي ....

يا شبارقة يا شبارقة،

أنا ما شايف غير صورة العفريتة.

أفو يا ودالشبارقة مالك بتتزاوغ من الأسئلة.. الناس دي كلها لاحظت ذلك.
ما تخليك زي أخونا (الكلس) ودالمطامير.

هي واحدة من إثنين:

يا إما إنك خايف من ناس الإلزامية
أو
في واحد طالبك وما عايزو يعرف محلك.

لو خايف من ناس الإلزامية بنوسط ليك واحد من الكيزان يحلك منهم.
ولو مسألة مطالبة بنعمل ليك كشف ونساعدك في التسديد. :D

شبارقة

14-02-2007, 07:19 AM

يا شبارقة يا شبارقة،

أنا ما شايف غير صورة العفريتة.

أفو يا ودالشبارقة مالك بتتزاوغ من الأسئلة.. الناس دي كلها لاحظت ذلك.
ما تخليك زي أخونا (الكلس) ودالمطامير.

هي واحدة من إثنين:

يا إما إنك خايف من ناس الإلزامية
أو
في واحد طالبك وما عايزو يعرف محلك.

لو خايف من ناس الإلزامية بنوسط ليك واحد من الكيزان يحلك منهم.
ولو مسألة مطالبة بنعمل ليك كشف ونساعدك في التسديد. :d

بصراحة يا اخوانا علوية بت الحاج لو شافتني بتكلم عن الحب والغرام و الحاجات دي بتجي تخرب عليكم المنتدى ، وتكسر الكراسي ، وتوقع الصيوان ، وتدق الفنان ، دحين الحب والحاجات الماضقت طعمها لحدي هسي دي خلوها لمن الشيطانة دي تغفل ـ خلاص !! ـ أسعلوني أسعلة بااااااااااااااردة ..
***
لكم كل الود

الشريف الهندي

14-02-2007, 07:49 AM

الرائع شبارقه ... الاستاذ المحامي ... لك من التحايا ما يليق بمقامك ياراقي
يسعدنا كثيرا وجودك على المنصه الساخنه قدر ما تنقلب تلقاها مسخنه ..طويله وعريضه
اسعدنا كثير وجودك البهي الراقي بيناتنا بكل جمالك وبهائك...
دمت بخير ... حبيت اسلم عليك واطل عليك اطمئن على حالك بين حبايبنا المسخنين
لكن اطمئن ناس الامن مامعانا في القعدات الحلوه دي هههههههه .....

نور العيون

14-02-2007, 08:08 AM

الاخ الرائع شبارقه
مرحبا بك ضيفا عزيزا على الكرسي الساخن
و دي كوبايه كركدي بارده تبرد ليك
جوفك من السخانه بتاعةالكرسي
و لي رجعه تاني معاك

مدناوية

14-02-2007, 07:33 PM

سويت شنو في دنيتك ياشبارقة عشان الناس دي تزرك الزرة دي؟؟؟
الله يستر عليك ويمرقك سالم غانم

بدور أسعلك سعال ياجناي.... ماناوي ليك نية عرس قريب؟؟

وربنا يديم المعروف

zoolfrda

14-02-2007, 08:56 PM

شبارقة

داير ردك بصراحة شديدة

صحيت من النوم في يوم :

السؤال الأول

لقيت نفسك في السجن وبعد ساعات قليلة موعد اعدامك

السؤال الثاني

عرفت ان والدينك ما الحقيقيين وانو تم تبديلك في المستشفى مع ولد تاني

السؤال الثالث

دخلت غرفتك لقيت ابوك قاعد بيفتش في دولابك الإنت داسي فيهو كيس السعوط والسجاير وقزازتين كده

السؤال الرابع

حسيت انو سائق التاكسي غير طريقو عن المكان الداير تصلوا وبدأ يسوقك لمنطقة نائية

السؤال الخامس

لقيت نفسك في طيارة وبعد دقائق حتقع

السؤال السادس

يدعوك احد اصدقائك الى بيته ليعرفك على والدينو وتفاجأ بأن والده هو والدك!!!!

السؤال الأخير

لقيت نفسك مشرف المنتدى

Madanawi

14-02-2007, 09:45 PM

يا شبارقة شعورك شنو وانت ومعاك عروستك بت الحاج في الكوشة وانا وود المطامير معانا جكسايتين حنكوشات وحلوات وظريفات وصغنونات وعسوليات وجايين عليكم نبشر ليكم ، طرق طرق طرق.

حسن السيد

14-02-2007, 10:39 PM

شبارقة الله يجازي الكان السبب يا زول الورطك الورطة دي منو / دا واحد في السعالات

الدنيا ليل وغربة ومطر ؟
ود الشباقة دقتو مطرة وشعفوفة وفيها برد كمان وأنت حالق صلعة وأنت لابس جلابيتك بس
كيف يتصرف الود الحنكوش
ونتقابل في الــــ مي دايمة ؟ ورجعلك تاني

شبارقة

14-02-2007, 10:51 PM

الرائع شبارقه ... الاستاذ المحامي ... لك من التحايا ما يليق بمقامك ياراقي
يسعدنا كثيرا وجودك على المنصه الساخنه قدر ما تنقلب تلقاها مسخنه ..طويله وعريضه
اسعدنا كثير وجودك البهي الراقي بيناتنا بكل جمالك وبهائك...
دمت بخير ... حبيت اسلم عليك واطل عليك اطمئن على حالك بين حبايبنا المسخنين
لكن اطمئن ناس الامن مامعانا في القعدات الحلوه دي هههههههه .....

أبوي الشريف الهندي ،
الكلمات بزخمها الجم وقفت كأنها خرساء
محتارة!! كيف ترد على اطراءك الرائع ..
لك كل الود والتقدير

شبارقة

14-02-2007, 10:54 PM

الاخ الرائع شبارقه
مرحبا بك ضيفا عزيزا على الكرسي الساخن
و دي كوبايه كركدي بارده تبرد ليك
جوفك من السخانه بتاعةالكرسي
و لي رجعه تاني معاك

الله يباركك يا المبروكة ....... يا الحنينة ........ يا الطيبة ..
انت الوحيدة رطبتي لي الجو ،، مش زي ناس .....................
شغالين دفيس حطب تحت الكرسي !!
***
لك كل الود

شبارقة

14-02-2007, 10:57 PM

سويت شنو في دنيتك ياشبارقة عشان الناس دي تزرك الزرة دي؟؟؟
الله يستر عليك ويمرقك سالم غانم

بدور أسعلك سعال ياجناي.... ماناوي ليك نية عرس قريب؟؟

وربنا يديم المعروف

والله يا نفحات أنا جاااااااااهز للعرس ، بس ناقصاني القروش والبيت والعفش والشنطة ، وحق الفنان!!

شبارقة

14-02-2007, 11:10 PM

شبارقة

داير ردك بصراحة شديدة

صحيت من النوم في يوم :

السؤال الأول

لقيت نفسك في السجن وبعد ساعات قليلة موعد اعدامك

السؤال الثاني

عرفت ان والدينك ما الحقيقيين وانو تم تبديلك في المستشفى مع ولد تاني

السؤال الثالث

دخلت غرفتك لقيت ابوك قاعد بيفتش في دولابك الإنت داسي فيهو كيس السعوط والسجاير وقزازتين كده

السؤال الرابع

حسيت انو سائق التاكسي غير طريقو عن المكان الداير تصلوا وبدأ يسوقك لمنطقة نائية

السؤال الخامس

لقيت نفسك في طيارة وبعد دقائق حتقع

السؤال السادس

يدعوك احد اصدقائك الى بيته ليعرفك على والدينو وتفاجأ بأن والده هو والدك!!!!

السؤال الأخير

لقيت نفسك مشرف المنتدى

لقيت نفسك في السجن وبعد ساعات قليلة موعد اعدامك
حأتصل على علوية بت الحاج وأقول ليها : الحمد لله حلاني منك الحل بلة، وأوزع كيس حلاوة.

عرفت ان والدينك ما الحقيقيين وانو تم تبديلك في المستشفى مع ولد تاني
عاد كان الجديدين كانو مرطبين ومغندلين ما بقول حاجة ، وخشمي عندي.

دخلت غرفتك لقيت ابوك قاعد بيفتش في دولابك الإنت داسي فيهو كيس السعوط والسجاير وقزازتين كده
بالرغم اني الحاجات دي كلها ما قاعد اسويها ، لكن فالنفترض اني بسويها ، أكيد حيكون أبوي هو اللي علمني ليها ، وتفتيشو دا يكون تفتيش زول خرمان بس ، وكده انا اللي حأزرو زرة شديدة ، واقلع منو حق التمباك والسجاير اللي شالهن.

حسيت انو سائق التاكسي غير طريقو عن المكان الداير تصلوا وبدأ يسوقك لمنطقة نائ
دي تكون فرصتي الوحيدة عشان البع منو قريشاتو (مسيكين ما جايب خبر)..

لقيت نفسك في طيارة وبعد دقائق حتقع
انت قايلني عوير.. بمشي مع الطيار أكييييد عندو دريبات جاي جاي تمرقو ..

يدعوك احد اصدقائك الى بيته ليعرفك على والدينو وتفاجأ بأن والده هو والدك!!!!
أجري جري أودي الشمار لأمي ، عشان توريهو المكشن بلا بصل .

لقيت نفسك مشرف المنتدى
لا دي بالغت فيها ، نحن معارضة نبقى حكومة كيف؟؟؟

شبارقة

14-02-2007, 11:14 PM

يا شبارقة شعورك شنو وانت ومعاك عروستك بت الحاج في الكوشة وانا وود المطامير معانا جكسايتين حنكوشات وحلوات وظريفات وصغنونات وعسوليات وجايين عليكم نبشر ليكم ، طرق طرق طرق.

انت قايل علوية بتديني فرصة أعاين ، أكيد حتكون رابطاني على الكرسي، وعامله لي حظر جوي أرضي بحري .. هه عشان ما بتعرف علولو ... البتمشي وتتلولو ..
***

مدناوية

15-02-2007, 12:58 AM

والله يا نفحات أنا جاااااااااهز للعرس ، بس ناقصاني القروش والبيت والعفش والشنطة ، وحق الفنان!!

لا كان كدي ياحبيب قساي أنت جاااااااااااااهز تب
أبشر ياعريس

بنت الرفاعي

15-02-2007, 04:27 AM

رجعنا ليك يا كابتن الزوغان..
دراسة القانون عملت ليك شنو؟؟أفادتك ولا...................؟؟؟؟!!!!
الغربة كيف لقيته؟؟؟؟؟

محمد السر احمد

15-02-2007, 05:57 AM

الاخ شبارقة اكتر زول بتشتاق ليهو في الشبارقة منو غير اهلك و بصراحة ومن غير زوقان

سواااح

15-02-2007, 08:35 AM

شبارقة ..

اول بيان :

كيف تعرفت بالمنتدي ؟

ثاني هام :

اعضاء تشدك مشاركاتهم ؟

ثالث سؤال :

موقفك من الانتخابات الاخيرة ؟

رابع حوالة :

ماذا قدم لك المنتدي وماذا اخذ منك ؟

شبرقية

16-02-2007, 01:53 AM

شبارقة كب الزوقة مالو ؟؟؟؟؟؟؟؟؟؟؟؟؟؟
ياجنا كان خايف من بت الحاج انا مشيت الغابة اجيب لي حطيبات اولع بيهن الداهي الختوك في دا لقيت الاخت قالت ماشة علي حواء اتكلم ساي دي اسبوع مابتجيب خبرك
ثانيا الهداك علي قراية القانون شنو
اخر شاكوش اختو من منو ومتين ؟
اذا فرضنا انك ماشي السودان

مشيت المطار

ركبت الطيارة

وصلت الخرطوم

طلعت من المطالر

ركبت عربية

ماشي الحلة

طلعت من الخرطوم

وصلت مدني

عديت كبري حنتوب

عديتالعريباب

والدناقلة

ولقيت الشبارقة

مافي بتسو شنو؟

المكاشفى

16-02-2007, 03:20 AM

هي ياشبارقة ماتخاف من الله :eek: :eek: :eek: :eek:
ياخوي دي حتي صورتك ابيض واسود كان تعمل ليها دبلجة وتجيبها ملونة :p
هسي جيت بس اشوف الحاسل شنو في المنتدي وبمشي وبجيكم يوم السبت بكون فضيت ليكم

يا أم المدائن معليش الصوره جديده ابيض واسود عشان هى باقى صور العمره مافيها حاجه
يا ابو الشووووق قلبى معاك لاكن عارف ناس الشبارقه ما بتدقدروا كلكم محامييييييين وكمان انت محامى بى الجد ومن الشبارقه الله يمرقنا نحن دى هجمه مرتده

magdi

16-02-2007, 03:27 AM

يا خوي إسمك دا مالو مصفره كده ...
أرفع راس الشبارقة فوق ذي ما قال ليك مدناوي
ما شفت ود المطامير .... حتاه كيف ... ولا لسان سااااااااااااي
وبعدين شغال شنو في البلد دي ؟؟
والطلعك شنو من الشبارقة ؟؟
واللماك بي ناس مدني ديل منو ؟؟؟

ابوالنور

16-02-2007, 07:17 AM

شبارقه سلام عليكم

ابوشوتال

16-02-2007, 09:02 AM

بتعرف تسوق ؛؛ حصل اشوكشت ؛؛ عرف تعريف كامل ابوك من وين وامك من وين والقبيلة شنو
الرجاء ترد بصراحة عشان توري الناس

Madanawi

16-02-2007, 09:26 PM

شبارقة اظهر على حقيقتك وبطل شغل الدبلوماسية دا لانك عملتها ظاهرة وبي تريقة دا انهن ها نامل مااك شنكبة انكبة. جاوب على اسئلة الناس واحترم عقولها عشان ما نكلم المعارضة ونقلب البمبر دا فوق راسك.

samah

16-02-2007, 10:40 PM

??????????????????????????????????????

شبارقة

17-02-2007, 01:24 AM

رجعنا ليك يا كابتن الزوغان..
دراسة القانون عملت ليك شنو؟؟أفادتك ولا...................؟؟؟؟!!!!
الغربة كيف لقيته؟؟؟؟؟

دراسة القانون أفادتني في طق الحنك بس ..

الغربة .... (لن تعرف قيمة وطنك الا بالاغتراب)
انا حالي في بعد الوطن .................... دفعني ضي العين تمن

شبارقة

17-02-2007, 01:27 AM

الاخ شبارقة اكتر زول بتشتاق ليهو في الشبارقة منو غير اهلك و بصراحة ومن غير زوقان

واحد صاحبي اسمو (جدو) ... مشتاق ليهو عشان داير منو قروش ..

شبارقة

17-02-2007, 04:44 AM

شبارقة ..

اول بيان :

كيف تعرفت بالمنتدي ؟

ثاني هام :

اعضاء تشدك مشاركاتهم ؟

ثالث سؤال :

موقفك من الانتخابات الاخيرة ؟

رابع حوالة :

ماذا قدم لك المنتدي وماذا اخذ منك ؟

عرفني بالمنتدى العضو الرائع ابو رجاء ..
كل الأعضاء تشدني مشاركاتهم وأرائهم ... وأهتم بقراءتها ...
نحن لا بتاعين انتخابات ولا بنفهم في السياسة .. نحن ناس الله ساااااااكت
قدم لي هدية ثمينة وهي صحبتكم الماجدة ..

شبارقة

17-02-2007, 07:36 AM

بتعرف تسوق ؛؛ حصل اشوكشت ؛؛ عرف تعريف كامل ابوك من وين وامك من وين والقبيلة شنو
الرجاء ترد بصراحة عشان توري الناس

بعرف أسوق بس ما عندي رخصة

انطقيت شاكوش وااااااااااحد لسه ما بقيت منو طيب

ابوي جعلي ، وأمي شايقية (ناس باكر بجيك قاطع مسافات العشم) ... واتلاقو كيف دي أنا ما عارفه !!

القبيلة جعشايقي

شبارقة

17-02-2007, 07:37 AM

بتعرف تسوق ؛؛ حصل اشوكشت ؛؛ عرف تعريف كامل ابوك من وين وامك من وين والقبيلة شنو
الرجاء ترد بصراحة عشان توري الناس

أوامرك سعادتك

شبارقة

17-02-2007, 08:58 AM

شبارقة كب الزوقة مالو ؟؟؟؟؟؟؟؟؟؟؟؟؟؟
ياجنا كان خايف من بت الحاج انا مشيت الغابة اجيب لي حطيبات اولع بيهن الداهي الختوك في دا لقيت الاخت قالت ماشة علي حواء اتكلم ساي دي اسبوع مابتجيب خبرك
ثانيا الهداك علي قراية القانون شنو
اخر شاكوش اختو من منو ومتين ؟
اذا فرضنا انك ماشي السودان

مشيت المطار

ركبت الطيارة

وصلت الخرطوم

طلعت من المطالر

ركبت عربية

ماشي الحلة

طلعت من الخرطوم

وصلت مدني

عديت كبري حنتوب

عديتالعريباب

والدناقلة

ولقيت الشبارقة

مافي بتسو شنو؟

سلمي لي على حواء وقولي ليها شبارقة قنع من الشربوت ...
آخر شاكوش وهو الشاكوش الوحيد أخدتو من واحده قريبتك، ومتين والله ما بتذكر لانو الشاكوش مسح ذاكرتي ...
الشبارقة لو لقيتا مافي بنتظرا طول عمري..

شبارقة

17-02-2007, 08:59 AM

شبارقه سلام عليكم

ابو الرتينة عليكم السلام

ابوشوتال

17-02-2007, 09:31 AM

ابوك ساكن وين ومن وين وحاليا ساكن وين

ابوالنور

17-02-2007, 09:39 AM

فيه مدرس ودوه مدرسة نائية في قرية طبعاً ( بدو ) دخل على الطلاب لأول لقاء سأل : من الذي قتل عمربن الخطاب رضي الله عنه ؟

بدوا الطلاب يبكون !!!!!!!!!!!

عاد السؤال ........زاد البكاء

عجيب !!!!!!! ايه الهرجه

رفع صوته ( من الذي قتل عمر بن الخطاب رضي الله عنه )

بكوا الطلاب وبدا الأول يقول : والله ما هوا أنا !!!ويبكككككي
قال الثاني : والله ما هوا أنا ؟ ويبكي

والثالث مثله

استغرب وقام دخل على المدير

وقال لي ( يا استاز .. الطلاب كل ما قلت لواحد من الذي قتل عمر بن الخطاب رضي الله عنه كل واحد يقول ما هو أنا ويبكي )

فكر المدير شوي وسكت ثم قال : يا أستاذ متأكد أنته إنه واحد منهم
ههههههههههههههههههههههههه هههه

طلع المدير مثلهم

سلام للمره التانيه يا شبااااااارقه

نزار حسن محمد

17-02-2007, 08:22 PM

ياشبارقه ..انت لمتين ..بتتزاوق ..كدى زى ود المويه ..وكان دى شطارتك فى المحامى حرم وطاتنا اصبحت وقضيه واحده ما بنفوز بيها ...اسبت كما سبت الزاكى طمل.. واقلع الكرفيته دى من رقبتك
والبس السروال والعراقى .. واستعد للجايك ...
1/ شبارقه متهم فى قضية تمرد والحكم ..اعدام وقالوا لك عندك خيار تجيب واحد من هؤلا ينفذ فيه الاعدام بدلا عنك ..اختار من القائمه التاليه:-
1/ ابورجاء
2/ ود المطامير
3/ ابودجانه
4/ مسافر

شبارقة

17-02-2007, 08:56 PM

ياشبارقه ..انت لمتين ..بتتزاوق ..كدى زى ود المويه ..وكان دى شطارتك فى المحامى حرم وطاتنا اصبحت وقضيه واحده ما بنفوز بيها ...اسبت كما سبت الزاكى طمل.. واقلع الكرفيته دى من رقبتك
والبس السروال والعراقى .. واستعد للجايك ...
1/ شبارقه متهم فى قضية تمرد والحكم ..اعدام وقالوا لك عندك خيار تجيب واحد من هؤلا ينفذ فيه الاعدام بدلا عنك ..اختار من القائمه التاليه:-
1/ ابورجاء
2/ ود المطامير
3/ ابودجانه
4/ مسافر

أنا عشان غالي قصوهم كلهم بدلي، واليك الترتيب:
1/ ابورجاء
2/ المسافر
3/ ابودجانة
ود المطامير دا عشان سمين خليهو للعيد الجاي ..

Madanawi

17-02-2007, 09:14 PM

يا شبارقة الايام دي الرياض فيها برد وامطار وحالة صعبة شديد ، قاعد تتدفى بي شنو وبي صراحة لليفة ومن غير زوغانات.

شبرقية

17-02-2007, 11:03 PM

حواء قالت ليك حتي لو قنعت ماتنسي الهدية

استاذا كرهك المدرسة????????

مادة عقدتك??????

حلم مامكن يتحقق?????

باماااااااانة اخدت شاكوش واحد بس

مدنيّة

18-02-2007, 01:19 AM

سؤال وجيه كدا

الزول اللي في الكرسي دا هو شبارقة اللي بنعرفه ولا زولا تاني عشان مافي وجه شبه بين الاتنين الحاسل شنو يااخوانا زول يفهمنا اي حاجة :confused:

عوض صقير

18-02-2007, 03:33 AM

شبارقة
معليش أنا جيت فى نص الجلسة
وماعارف الحصل شنو فى بدايتها
ولكن شامى ريحة زنقة شديدة
الظاهر الشباب ديل ماصدقوا إنك جيتهم فى الكرسى الساخن

مرحب بيك فى الكرسى
وخليك صنديد

شبارقة

18-02-2007, 07:19 AM

حواء قالت ليك حتي لو قنعت ماتنسي الهدية

استاذا كرهك المدرسة????????

مادة عقدتك??????

حلم مامكن يتحقق?????

باماااااااانة اخدت شاكوش واحد بس

الحمدلله علاقتي بالمدرسين ممتازة من الصف الاول حت التخرج من الجامعة.

ومادة عقدتني، مادة الفيزياء.

حلم مامكن يتحقق،
لا أؤمن بالمستحيل ، فكل ما هو معقول جائز حدوثة.

باماااااااانة اخدت شاكوش واحد بس

وحاااااااااات الخوة البيناتنا الما في ليها داعي وااااااااااااااااااااااااااحد وما بقيت منو طيب

شبارقة

18-02-2007, 07:22 AM

سؤال وجيه كدا

الزول اللي في الكرسي دا هو شبارقة اللي بنعرفه ولا زولا تاني عشان مافي وجه شبه بين الاتنين الحاسل شنو يااخوانا زول يفهمنا اي حاجة :confused:

والله يا مدندن لمن يزروك زرة متل دي ، بتبقي مسيكينة،
وشاحد ليك الله يطيرو جنك بي كرسياً ملهلب جنس الهليب القاعد فوقو أنا دا ،
قولي يامين،،،،
تاني حاجة انتي ياختي بتقلعي من وين وبتمشي وين؟؟؟

شبارقة

18-02-2007, 07:28 AM

شبارقة
معليش أنا جيت فى نص الجلسة
وماعارف الحصل شنو فى بدايتها
ولكن شامى ريحة زنقة شديدة
الظاهر الشباب ديل ماصدقوا إنك جيتهم فى الكرسى الساخن

مرحب بيك فى الكرسى
وخليك صنديد

حالتك دي المحامي بتاعي ، الرماد كال قدومك يا شبارقة !!!!!!!

ابورجاء

18-02-2007, 07:48 AM

الغالي حبة الرمان تفاحة التيمان عشا البايتات
انا جاي هنا عندي سؤال واحد بس
البنغالي الشغال معاك متزوج والا لا ؟؟؟؟؟
بس ما عندي غير السؤال ده بعدين لو جاوبت
اجابة صح عليك حق الفطور اليوم كويس ...

تخريمة :ـــ يا شباب والله شغلكم ني ما زنقتوا
المحامي ده ازنقوهو كويس انا عارفو بيتزاوق
يمشي وين اكلمهم والا اسكت لو قلت اسكت
انت عارف رقم الحساب سلام خلاص خلص الكلام.....

ودوما في رعاية الله وحفظه.....
مع كل الود باقة ورد.....

محمد السر احمد

18-02-2007, 08:04 AM

يا شبارقة والله عامل فيها بتاع تمرد كدا طلعت بتاع كلام ساي
اخوي شبارقة اكتر حتة بتحن ليها في الشبارقة وين غير بتكم طبعا وليه
تسلم شبارقة

راسكال

18-02-2007, 08:43 AM

شبارقه يا حبيبنا

اخوك الصغير وعندى سؤال صغير

احب يوم ليك شنو ومناسبتو شنو ؟

حسن السيد

18-02-2007, 09:18 PM

والله ما كان العشم يا شبارقة ضاربنا طنااااااااااااااااااااش الظاهر عندك خيار وفقوس
ويا حليل زمن ود المطامير الما بفرق بين الاحباب وعلي اطلاق انا تاني مش ساعلك
والله الزعلة دايرة تطرشق بي
ومع 1000 سلامة يا شبارقة

حسن السيد

18-02-2007, 09:23 PM

والله ما كان العشم يا شبارقة ضاربنا طنااااااااااااااااااااش الظاهر عندك خيار وفقوس
ويا حليل زمن ود المطامير الما بفرق بين الاحباب وعلي اطلاق انا تاني مش ساعلك
والله الزعلة دايرة تطرشق بي
ومع 1000 سلامة يا شبارقة

thola

18-02-2007, 10:03 PM

يلا قول بسم الله ياشبارقة
1_عدد افراد الاسرة وترتيبك بينهم:
2-الحالة الاجتماعية يتضمنها الوضع العاطفي في حالة العزوبية :
3-برجك :

4-يا شبارقة... سنة 2007 سنة جديدة طلت علينا.. ماذا غيرت فيك او في خططك المستقبلية؟
5- هل تؤمن بصداقة النت ؟

7- المنتديات ماذا تعني لك ؟
8- تشعر بالضيق ويركبك هم الدنيا وتغلق الابواب في وجهك.....فاي الاماكن ترتاد؟؟

9-.من خلال تجربتك في الحياة
ماهو اكثر شيء مدهش في بني البشر ؟؟؟

10-. هل تؤمن بفكرة الصديق الحقيقي وهل مازال موجودا في هدا الزمان؟؟؟

11- هده الكلمات متى تقولها ولمن تقولها
احبك
سامحني
اكرهك
احترمك
فرقاك

12-. لو وقع في يديك فانوس علاء الدين وقيل لك تمنى ثلاث امنيات ماذا سوف تتمنى؟؟؟؟؟؟؟؟؟؟؟

13-. حين تشعر بأن قلمك لا يطاوعك .. و الافكار تثير زوابع في فكرك .. ما هو الشيء الذي يهديء الموقف .. ؟؟

بمعنى منفذ اخر للمشاعر .. غير الكتابة .. ؟؟

14- ماهي ردة فعلكـ

1- اذا كتبت موضوع من وجهة نظرك انه قيّم ومفيد "اخذ منك الوقت والجهد لإعداده"
ولم يرد عليه او يلتفت له..؟؟

2- مارأيك بــالردود التى تكون بعيدة عن الواقع ويعتمد أصحابها على المثالية ؟؟

3- اذا وجدت احد الاعضاء يردود بردود جارحة على الأخرين؟
15- كيف هي حال مشاعرك هنا ؟
مع بكاء امرأة
مع رؤية عزيز قوم ذل
مع موت ضمير
مع اندثار حضارة
مع وداع حبيب

16- مارايك بالكرسي الساخن؟؟ قالو لى ما بتحبو!!

هل جلوسك على كرسي الساخن له وقع في نفسك وما هو؟

بجيك تااااني

Madanawi

18-02-2007, 10:32 PM

يا شبرق ابقا مارق لي قدرك وبطل الحنكشة وجاوب اها الليلة جاتك thola البت الحديقة وشايلة في ايدينا فأس والله يستر عليك آعشاي.

ما تضارى ورا الدعوات ************** وما تتلبس الفرح الفات

سألنا عليك وما رديت زي ما قلوا البلابل .

السؤال : متى سترد بصراحة على اسئلة الاعضاء الموقرين؟

محمد السر احمد

18-02-2007, 10:53 PM

الاخوة المشرفين نرجو منكم تغير شبارقة من الكرسي الساخن لانو كابي الذوقة وما عارفين الحاصل عليه شنو
وشكرا

مدنيّة

19-02-2007, 01:50 AM

الاخوة المشرفين نرجو منكم تغير شبارقة من الكرسي الساخن لانو كابي الذوقة وما عارفين الحاصل عليه شنو
وشكرا

انا غايتو لما شبارقة اللي بنعرفه اللي فاز بالموبايل - تبعا ح اكرهه بالموبايل دا - يجي ادوني خبر عشان نجيه جية فاااااهمة كدا

مدنيّة

19-02-2007, 01:59 AM

والله يا مدندن لمن يزروك زرة متل دي ، بتبقي مسيكينة،
وشاحد ليك الله يطيرو جنك بي كرسياً ملهلب جنس الهليب القاعد فوقو أنا دا ،
قولي يامين،،،،
تاني حاجة انتي ياختي بتقلعي من وين وبتمشي وين؟؟؟

العالم الله قعدنا فيه الكرسي دا لكن زي سواتك دي ما سويناها

وبعدين انت عميت ياشبارقة ماشايف كويس !!! لانك بترد علي البعض والبعض الاخر لا :confused:

كدي اقعد في واطة الله دي وورينا الحاسل عليك شنوووووووو ؟؟ كان جرستك دي سببها الكرسي دا اها انا بطالب باقالتك منه وكان في سبب تاني ورينا ليه عشان نفهم حاجة

شبارقة

19-02-2007, 04:04 AM

الغالي حبة الرمان تفاحة التيمان عشا البايتات
انا جاي هنا عندي سؤال واحد بس
البنغالي الشغال معاك متزوج والا لا ؟؟؟؟؟
بس ما عندي غير السؤال ده بعدين لو جاوبت
اجابة صح عليك حق الفطور اليوم كويس ...

تخريمة :ـــ يا شباب والله شغلكم ني ما زنقتوا
المحامي ده ازنقوهو كويس انا عارفو بيتزاوق
يمشي وين اكلمهم والا اسكت لو قلت اسكت
انت عارف رقم الحساب سلام خلاص خلص الكلام.....

ودوما في رعاية الله وحفظه.....
مع كل الود باقة ورد.....

البنغالي المعانا مات الله يرحمو (خنقتو لالوبة!!)

شبارقة

19-02-2007, 04:05 AM

والله ما كان العشم يا شبارقة ضاربنا طنااااااااااااااااااااش الظاهر عندك خيار وفقوس
ويا حليل زمن ود المطامير الما بفرق بين الاحباب وعلي اطلاق انا تاني مش ساعلك
والله الزعلة دايرة تطرشق بي
ومع 1000 سلامة يا شبارقة

والله يا ودالسيد ماعندي خيار وفقوس، والمدردم كلو عند العرب ليمون، علا الشغل سااااااااااااااااااااكت هد حيلنا ،،،
***
لك كل الود

شبارقة

19-02-2007, 04:37 AM

يلا قول بسم الله ياشبارقة
1_عدد افراد الاسرة وترتيبك بينهم:
2-الحالة الاجتماعية يتضمنها الوضع العاطفي في حالة العزوبية :
3-برجك :

4-يا شبارقة... سنة 2007 سنة جديدة طلت علينا.. ماذا غيرت فيك او في خططك المستقبلية؟
5- هل تؤمن بصداقة النت ؟

7- المنتديات ماذا تعني لك ؟
8- تشعر بالضيق ويركبك هم الدنيا وتغلق الابواب في وجهك.....فاي الاماكن ترتاد؟؟

9-.من خلال تجربتك في الحياة
ماهو اكثر شيء مدهش في بني البشر ؟؟؟

10-. هل تؤمن بفكرة الصديق الحقيقي وهل مازال موجودا في هدا الزمان؟؟؟

11- هده الكلمات متى تقولها ولمن تقولها
احبك
سامحني
اكرهك
احترمك
فرقاك

12-. لو وقع في يديك فانوس علاء الدين وقيل لك تمنى ثلاث امنيات ماذا سوف تتمنى؟؟؟؟؟؟؟؟؟؟؟

13-. حين تشعر بأن قلمك لا يطاوعك .. و الافكار تثير زوابع في فكرك .. ما هو الشيء الذي يهديء الموقف .. ؟؟

بمعنى منفذ اخر للمشاعر .. غير الكتابة .. ؟؟

14- ماهي ردة فعلكـ

1- اذا كتبت موضوع من وجهة نظرك انه قيّم ومفيد "اخذ منك الوقت والجهد لإعداده"
ولم يرد عليه او يلتفت له..؟؟

2- مارأيك بــالردود التى تكون بعيدة عن الواقع ويعتمد أصحابها على المثالية ؟؟

3- اذا وجدت احد الاعضاء يردود بردود جارحة على الأخرين؟
15- كيف هي حال مشاعرك هنا ؟
مع بكاء امرأة
مع رؤية عزيز قوم ذل
مع موت ضمير
مع اندثار حضارة
مع وداع حبيب

16- مارايك بالكرسي الساخن؟؟ قالو لى ما بتحبو!!

هل جلوسك على كرسي الساخن له وقع في نفسك وما هو؟

بجيك تااااني

عدد أفراد الأسرة ما شاء الله أربعة عشر، وأنا ترتيبي التاسع ...، الحالة الاجتماعية : حالة ما يعلم بيها إلا الله (عازب)، الوضع العاطفي ترقب (لزولة) المستقبل،اندهاش من بعض الفاتنات اللائي يحتكرن شاشات الفضائيات!!
سنة الفين وسبعة سنة كباقي السنوات والتغيير لا يأتي وليد اللحظة ، لكن مع تدرج الأيام..
أؤمن جداً بصداقة النت ، أو الصداقة الصامتة .... ولي الكثير من أصدقاء النت!
المنتديات تجمع لمجموعة من الناس يتبادلون فيه همومهم، وهي منبر من لا منبر له ..
أكثر الأماكن التي أرتادها عندما أكون مهموماً النيل.
أكثر ما يدهشني في الإنسان أنه سبب تعاسة أو سعادة نفسه،، وأخطر شيء على الإنسان هو الإنسان نفسه!
أؤمن تماماً بفكرة الصديق الحقيقي، وأعتقد أن الدنيا مازالت بخير.
أقول:
احبك : عندما أقف أمام والدتي
سامحني: عندما أفكر في تقصيري حيال وطني.
أكرهك: للغربة
احترمك: المرأة المخلصة في هذا الزمان.
فرقاك : ما عرفت الكلمة!!
لو وقع في يدي فانوس علاء الدين وقيل لك تمنى ثلاث امنيات أقول:
الأولى : أشوف السودان أعظم بلد في الكون.
الثانية: أشوف السودان أعظم بلد في الكون.
الثالثة: أشوف السودان أعظم بلد في الكون.
حين أشعر بأن قلمي لا يطاوعني .. و الافكار تثير زوابع في فكري .. الشيء الذي يهديء الموقف سحب شريط الذكريات.

اذا كتبت موضوع من وجهة نظري انه قيّم ومفيد "اخذ مني الوقت والجهد لإعداده"
ولم يرد عليه او يلتفت له. حقيقة أحزن قليلاً، ثم التمس العذر للقراء!
رأيي بــالردود التى تكون بعيدة عن الواقع ويعتمد أصحابها على المثالية ، المثالية شيء جميل ولنأخذ منها قدر المستطاع!!
اذا وجدت احد الاعضاء يردود بردود جارحة على الأخرين أرسل رسالة خاصة لأحد المشرفين لتنبيهه (ناس الحيكومة).
حال مشاعري :
مع بكاء امرأة : إذا كان صادقاً فما أمرّه.
مع رؤية عزيز قوم ذل : الأيام دول، وهذه سنة الحياة.
مع موت ضمير : يؤلمني موت ضمير الناس، وما أكثره هذه الايام.
مع اندثار حضارة : منذ بدأ الخليقة والحضارات تزدهر وتندثر، وليس بالشيء المستغرب.
مع وداع حبيب : أقسى ما في الوجود.

مارايك بالكرسي الساخن؟؟ قالو لى ما بتحبو!!
هل جلوسك على كرسي الساخن له وقع في نفسك وما هو؟

الكرسي الساخن يكشف الجوانب الحقيقية للشخصية، وعشان أنا العميل رقم صفر أعتقد أنه ليس من الملائم اجلاسي عليه،،
لك كل الشكر يازوله يا راقية على الأسئلة الحارة،،،

شبارقة

19-02-2007, 04:39 AM

يا شبرق ابقا مارق لي قدرك وبطل الحنكشة وجاوب اها الليلة جاتك thola البت الحديقة وشايلة في ايدينا فأس والله يستر عليك آعشاي.

ما تضارى ورا الدعوات ************** وما تتلبس الفرح الفات

سألنا عليك وما رديت زي ما قلوا البلابل .

السؤال : متى سترد بصراحة على اسئلة الاعضاء الموقرين؟

أكان ختيتني انت ما بتجيني عوجة
***
لك خالص ودي

ود المطامير

19-02-2007, 07:36 AM

يا حبايب يا حلوين
شويه شويه على أخوى وحبيب قلبى شبارقه ( وبالجد كدا )
أخوى دا مش براوغ ويزوغ من الأسئله إلا لأن الشديد القوّى
مانعو وحاميهو ومكتفو ورابط لسانو واللى بيعرفو ذى أكيد راح
يعزرو , فالظروف اللى متاحه لود المطامير والمساحه اللى إتحرك فيها
ود المطامير أخوى شبارقه لا يملك منها ذره وهو بالجد كدا محاط
بسياج لا يستطيع القفذ فوقه ومكبل بقيود لا يستطيع الفكاك منها
فنحن فى المطامير متشدين للغايه فى الإمور الحساسه اللى بيزوغ منها ,
وود المطامير زول معرس وعنده وليدات يعنى ما هاميهو حتى ولو
أهل المطامير نفهو لآخر الدنيا فهو بشيل وليداتو وبمشى ,
يا أحبّه أخوى شبارقه معزور وياريت تفهموه وتعزروه لأن ظروفه
الإجتماعيه بعد أن كشف عن شخصيته الحقيقيه لا يستطيع أن يفت
حياته كود المطامير وأنا لا أتكلم بلسانه ولكن وجدتكم لم تفهموا
بما يقاسيه ما بين إرضائكم وبين ما ما راح يلاقيه لو أرضاكم
أحبتى الرجاء إلتماس العزر له لأن أهل المطامير كتار فى النيت .
ويا أخوى شبارقه .. أخوك حاسى بيك .

Jamal Elmahi

19-02-2007, 07:40 AM

الوجيه عريس الموسم شبارقه
شايفك ما مرتاح في البنبر الساخن وتتململ وتتزاوغ وكابّي الجرسه زي جرستك من علويه بت الحاج..والحواليك يشكو وبعضهم خرت إيدو ومرق فات ...بس قلته أقول ليك الصقر إن وقع كترت البتابت عيب أأأأعشاي دحين أركز والجاتك في بنبرك سامحتك ...
سعالي عارفك ما بتجاوب عليهو عشان كدا خليهو حمدو في بطنو..
مع كل الود باقة ورد أو كما قال أبورجاء

ود الماحي

شبارقة

19-02-2007, 10:10 AM

الاخوة المشرفين نرجو منكم تغير شبارقة من الكرسي الساخن لانو كابي الذوقة وما عارفين الحاصل عليه شنو
وشكرا

والله يا ود السر يسمع منك الله ،،
أنا يا شباب ظروف عملي ما بتخليني أتابع وأرد على كل الناس ، فأرجو أن تلتمسو لي العذر، ولكم العتبى حتى ترضوا
***
مع خالص ودي

شبارقة

19-02-2007, 10:14 AM

الوجيه عريس الموسم شبارقه
شايفك ما مرتاح في البنبر الساخن وتتململ وتتزاوغ وكابّي الجرسه زي جرستك من علويه بت الحاج..والحواليك يشكو وبعضهم خرت إيدو ومرق فات ...بس قلته أقول ليك الصقر إن وقع كترت البتابت عيب أأأأعشاي دحين أركز والجاتك في بنبرك سامحتك ...
سعالي عارفك ما بتجاوب عليهو عشان كدا خليهو حمدو في بطنو..
مع كل الود باقة ورد أو كما قال أبورجاء

ود الماحي

الغالي علينا جداً ود الماحي ..
الإخوة حبايب قلبي شعب المنتدى العظيم ..
والله شبارقة زرة العمل والضغط الشديد ما بيخليهو يتابع ...
ومن البداية قالوا الكلام دا ....!!
ولو عارفين كيف بسرق اللحظات عشان ارد عليكم شوية شوية حتعذروني ..
فلكم العتبى ، وآسف على التقصير ،،، ويا ريييييييييييييت تنزلوني من جنس التشعلقة دي ..
***
لكم كل ودي

شبارقة

19-02-2007, 10:15 AM

يا حبايب يا حلوين
شويه شويه على أخوى وحبيب قلبى شبارقه ( وبالجد كدا )
أخوى دا مش براوغ ويزوغ من الأسئله إلا لأن الشديد القوّى
مانعو وحاميهو ومكتفو ورابط لسانو واللى بيعرفو ذى أكيد راح
يعزرو , فالظروف اللى متاحه لود المطامير والمساحه اللى إتحرك فيها
ود المطامير أخوى شبارقه لا يملك منها ذره وهو بالجد كدا محاط
بسياج لا يستطيع القفذ فوقه ومكبل بقيود لا يستطيع الفكاك منها
فنحن فى المطامير متشدين للغايه فى الإمور الحساسه اللى بيزوغ منها ,
وود المطامير زول معرس وعنده وليدات يعنى ما هاميهو حتى ولو
أهل المطامير نفهو لآخر الدنيا فهو بشيل وليداتو وبمشى ,
يا أحبّه أخوى شبارقه معزور وياريت تفهموه وتعزروه لأن ظروفه
الإجتماعيه بعد أن كشف عن شخصيته الحقيقيه لا يستطيع أن يفت
حياته كود المطامير وأنا لا أتكلم بلسانه ولكن وجدتكم لم تفهموا
بما يقاسيه ما بين إرضائكم وبين ما ما راح يلاقيه لو أرضاكم
أحبتى الرجاء إلتماس العزر له لأن أهل المطامير كتار فى النيت .
ويا أخوى شبارقه .. أخوك حاسى بيك .

خلاص رجعت للمريسة تاااااااااااااااااااااااااااااااااني

شبارقة

19-02-2007, 10:23 AM

انا غايتو لما شبارقة اللي بنعرفه اللي فاز بالموبايل - تبعا ح اكرهه بالموبايل دا - يجي ادوني خبر عشان نجيه جية فاااااهمة كدا

اصبري آ مجضيمات ، كان ما كتبت فيك النونية ما ابقى شبارقة ،، سمح بنجمك!!
***
لك ودي

Jamal Elmahi

19-02-2007, 10:53 AM

خلاص رجعت للمريسة تاااااااااااااااااااااااااااااااااني

شفته يا ود المطامير يا طيب عشان تآمن إنو
الحسنه في القندول زي الشرا في الفول...
والمريسه كان رقوها مابتسكر ليها زول
والقرض كان مضغوهو أحسن من البنادول
الما دايرك كان سقيتو العسل بقول ديتول
وفي ميزان حسناتك حتي لو ميس كول...

مشاققه...
أما آن لشبارقه أن يترجّل ...تقديراَ لظروف الوجيه شبارقه ..ننادي رفقاَ بالباب يا أحباب ...والعفش داخل البص علي مسئولية صاحبه..ونسبة لان البنبر حبالو إتهردوا و يحتاح وسار بجبال جديده أو قد(مع كسر القاف) فنرجو إعفاء طيب الذكر شبارقه حتي يتمكن المشرفين من صيانة البنبر وتوسيره ..وما دايرين نسمع زول يقول شبارقه قال الروووووب أو كبّ الجرسه ...

مع كل الود باقة ورد أو كما قال الوجيه أبو رجاء

ود الماحي

ود المطامير

19-02-2007, 01:33 PM

خلاص رجعت للمريسة تاااااااااااااااااااااااااااااااااني
وهو دا منو اللى غشى عليك وقال ليك أنا خليتها ؟
والله فعلاً الحسنه فى المنعول ذى الشره فى القندول

ود المطامير

19-02-2007, 01:40 PM

شفته يا ود المطامير يا طيب عشان تآمن إنو
الحسنه في القندول زي الشرا في الفول...
والمريسه كان رقوها مابتسكر ليها زول
والقرض كان مضغوهو أحسن من البنادول
الما دايرك كان سقيتو العسل بقول ديتول
وفي ميزان حسناتك حتي لو ميس كول...

مشاققه...
أما آن لشبارقه أن يترجّل ...تقديراَ لظروف الوجيه شبارقه ..ننادي رفقاَ بالباب يا أحباب ...والعفش داخل البص علي مسئولية صاحبه..ونسبة لان البنبر حبالو إتهردوارو يحتاح وسار بجبال جديده أو قد(مع كسر القاف) فنرجو إعفاء طيب الذكر شبارقه حتي يتمكن المشرفين من صيانة البنبر وتوسيره ..وما دايرين نسمع زول يقول شبارقه قال الروووووب أو كبّ الجرسه ...

مع كل الود باقة ورد أو كما قال الوجيه أبو رجاء

ود الماحي
حبيب القلوب ( ود الماحى )
نسوان المطامير هديلك شرطن هدومهن وقالن شبارقه جاب راسهن فى الواطه
وقعد يتزاوغ ذى أبو الرقيع وكل واحده خاته ليهو بتها مسكتها عليها وقالت
دا من النضمى بخاف أكان جاهم حرامى بسوّى شنو ؟

ود المطامير

19-02-2007, 01:50 PM

الغالي علينا جداً ود الماحي ..
الإخوة حبايب قلبي شعب المنتدى العظيم ..
والله شبارقة زرة العمل والضغط الشديد ما بيخليهو يتابع ...
ومن البداية قالوا الكلام دا ....!!
ولو عارفين كيف بسرق اللحظات عشان ارد عليكم شوية شوية حتعذروني ..
فلكم العتبى ، وآسف على التقصير ،،، ويا ريييييييييييييت تنزلوني من جنس التشعلقة دي ..
***
لكم كل ودي
الشغل دا كان وين لما فتحت الجريده ؟
وأكان وين لمان عملت عرس الكوره ؟
وأكان الشغل وين لما ولعت لينا الحرب ضد الحيكومه ؟
وأكان وين لما عملت موضوع الإستشاره المجانيه ؟
وأكان الشغل وين لما تشيل وتألف الشعر الحلمنتيشى فى علويه ؟
والشغل أكان وين لما قلبت الشعر الحلمنتيشى فى أختها سحر ؟
يا شباااارقه قووووول ( واااااى ) والله ما أكلم زول
( قال رجع للمريسه قال , التقول أنا خليتها ؟ )

Madanawi

19-02-2007, 09:28 PM

الحجاز بدوهو عكاز.

ود المطامير حشرت نفسك في كورنر.

دا اسمو الكرسي الساخن وانا بقول احسن شبارقة يمارس دبلوماسية الاجابة على ان يتهرب من الاسئلة وبعدين مافي زول بيقعدوهو في النصيبة الملهلبة دي ويقعدوا يدافعوا عنو خصوصا لو كان افوكاتو زي صاحبنا ولا رايك شنو يا جنا الخلا؟

ود المطامير

20-02-2007, 12:06 AM

الحجاز بدوهو عكاز.

ود المطامير حشرت نفسك في كورنر.

دا اسمو الكرسي الساخن وانا بقول احسن شبارقة يمارس دبلوماسية الاجابة على ان يتهرب من الاسئلة وبعدين مافي زول بيقعدوهو في النصيبة الملهلبة دي ويقعدوا يدافعوا عنو خصوصا لو كان افوكاتو زي صاحبنا ولا رايك شنو يا جنا الخلا؟
والله يا الحبيب ( مدناوينا ) فعلاً الحجاز بيدوهو عكاز
وفصاحتو معاى أنا عشان عارفنى مسكين ساااى
أنا قلت أجيب ليهو العكاز وهوشالو منى وأدانى بيهو
فى نص راسى ..
ويا شبارقه .. يحلك الحلّ بله

محمد السر احمد

20-02-2007, 12:08 AM

شبارقة عودا حميدا انشاء الله

شبارقة

20-02-2007, 12:08 AM

الحجاز بدوهو عكاز.

ود المطامير حشرت نفسك في كورنر.

دا اسمو الكرسي الساخن وانا بقول احسن شبارقة يمارس دبلوماسية الاجابة على ان يتهرب من الاسئلة وبعدين مافي زول بيقعدوهو في النصيبة الملهلبة دي ويقعدوا يدافعوا عنو خصوصا لو كان افوكاتو زي صاحبنا ولا رايك شنو يا جنا الخلا؟

جنا الخلا طينة ، لط ، مافارزك تقول في شنو.
أمبارح سامعو يغني:
بلّه يا بلّه
الرقم جلا
بله ود عشة
السايق الركشه
الرقم خشه
سألتو قلت ليهو دا شنو؟
قال قصيدة جديدة داير يوديها لى فرفور يغنيها!!!!

ود المطامير

20-02-2007, 12:24 AM

جنا الخلا طينة ، لط ، مافارزك تقول في شنو.

أمبارح سامعو يغني:
بلّه يا بلّه
الرقم جلا
بله ود عشة
السايق الركشه
الرقم خشه
سألتو قلت ليهو دا شنو؟

قال قصيدة جديدة داير يوديها لى فرفور يغنيها!!!!

شكيت محنك .. ناشر القصيده لشنو ؟
أها هسى غنايين الحفلات تلقاهم لطشوها

مدنيّة

20-02-2007, 12:37 AM

يا حبايب يا حلوين
شويه شويه على أخوى وحبيب قلبى شبارقه ( وبالجد كدا )
أخوى دا مش براوغ ويزوغ من الأسئله إلا لأن الشديد القوّى
مانعو وحاميهو ومكتفو ورابط لسانو واللى بيعرفو ذى أكيد راح
يعزرو , فالظروف اللى متاحه لود المطامير والمساحه اللى إتحرك فيها
ود المطامير أخوى شبارقه لا يملك منها ذره وهو بالجد كدا محاط
بسياج لا يستطيع القفذ فوقه ومكبل بقيود لا يستطيع الفكاك منها
فنحن فى المطامير متشدين للغايه فى الإمور الحساسه اللى بيزوغ منها ,
وود المطامير زول معرس وعنده وليدات يعنى ما هاميهو حتى ولو
أهل المطامير نفهو لآخر الدنيا فهو بشيل وليداتو وبمشى ,
يا أحبّه أخوى شبارقه معزور وياريت تفهموه وتعزروه لأن ظروفه
الإجتماعيه بعد أن كشف عن شخصيته الحقيقيه لا يستطيع أن يفت
حياته كود المطامير وأنا لا أتكلم بلسانه ولكن وجدتكم لم تفهموا
بما يقاسيه ما بين إرضائكم وبين ما ما راح يلاقيه لو أرضاكم
أحبتى الرجاء إلتماس العزر له لأن أهل المطامير كتار فى النيت .
ويا أخوى شبارقه .. أخوك حاسى بيك .

هو خلي المحاماه ولبسك الروب انت ياود المتامير ;)

ولا ياربي يكون اداك الموبايل عشان كدا جيت تدافع عنه :p

همسة : ماعايزة اقوليك عجبني ليك رده عليك عشان جيت تدافع عنه وهو متهرب من الاعضاء الكرام ديل :D

مدنيّة

20-02-2007, 12:44 AM

اصبري آ مجضيمات ، كان ما كتبت فيك النونية ما ابقى شبارقة ،، سمح بنجمك!!
***
لك ودي

لالالالالالالالالالالالالالالالا
النبي فيك
ماهي النونية دي الخلتني اديك الموبايل اها كمان بعد ما اديتك الموبايل عايزة تجي تالفها فيني !!! سمح رجع لي موبايلي الاول :p

ود المطامير

20-02-2007, 01:01 AM

هو خلي المحاماه ولبسك الروب انت ياود المتامير ;)

ولا ياربي يكون اداك الموبايل عشان كدا جيت تدافع عنه :p

همسة : ماعايزة اقوليك عجبني ليك رده عليك عشان جيت تدافع عنه وهو متهرب من الاعضاء الكرام ديل :D

أختى العزيزه ( مدنيه ) سلااااام
بتعرفى حكاية ضربنى ومشى يشتكى ؟ أها دى بقت علىّ
بهناك شابكنى ألحقنى ألحقنى ولما لحقتو عمل لى فيها عنتر
وبالمناسبه ( المسافر ) لسه ما جاب البرتقال وقولى الحقيقه
فى برتقال ولأ مافى ؟

مدنيّة

20-02-2007, 01:14 AM

أختى العزيزه ( مدنيه ) سلااااام
بتعرفى حكاية ضربنى ومشى يشتكى ؟ أها دى بقت علىّ
بهناك شابكنى ألحقنى ألحقنى ولما لحقتو عمل لى فيها عنتر
وبالمناسبه ( المسافر ) لسه ما جاب البرتقال وقولى الحقيقه
فى برتقال ولأ مافى ؟

وعليكم السلام ورحمة الله

عاد ياود المتامير ماعايزة اقوليك الحسنة في اللي فاز بالموبايل زي الشررة في القندول :D

بالمناسبة انا اديت المسافر القروش وهو قال لي انه وصلك ليك اها هسي انت طلعته لي كضااااااااااااااب وانا تبعا بصدقك انت :p

ود المطامير

20-02-2007, 01:33 AM

وعليكم السلام ورحمة الله

عاد ياود المتامير ماعايزة اقوليك الحسنة في اللي فاز بالموبايل زي الشررة في القندول :D

بالمناسبة انا اديت المسافر القروش وهو قال لي انه وصلك ليك اها هسي انت طلعته لي كضااااااااااااااب وانا تبعا بصدقك انت :p

أها غايتو نحنا حقنا مابنخليهو وعاوزين برتقالنا
تسلميهو لينا ذى ما سلمتى الموبايل لشبارقه

ابورجاء

20-02-2007, 02:38 AM

لالالالالالالالالالالالالالالالا
النبي فيك
ماهي النونية دي الخلتني اديك الموبايل اها كمان بعد ما اديتك الموبايل عايزة تجي تالفها فيني !!! سمح رجع لي موبايلي الاول :p

الغالية عمتي الطيبة مدنية
لا حول ولا قوة الا بالله ليييييييييييييييه كده الظلم ده
عليك الله يا عمتي مدنية تبيعينا بالشكل ده
والله يا عمتي ما كان العشم والنونية حقت شبارقة
ما فايتك ووراها طوالي سينية ود المطامير وبعدها
بشوف اي نماي في الضهاري بجيبو ليك عشان يكتب
فيك ضادية عشان تكوني مضاد للشمارات احييييييييييي
يا عمتي مدنية السوداني ما ضيعتي علي .....
يا جماعة اي واحد في الرياض يقلع لي الجوال من الجنا
ده وليهو الحلاوة اتفقنا.......

ودوما في رعاية الله وحفظه.....
مع كل الود باقة ورد...

مدنيّة

20-02-2007, 02:39 AM

أها غايتو نحنا حقنا مابنخليهو وعاوزين برتقالنا
تسلميهو لينا ذى ما سلمتى الموبايل لشبارقه

انا تبعا ياود المتامير ما جعلية بس خوااااااااااافة اها عاد لو هددتني بنونية بركب رقشة اجيب ليك البرتقال في ابو ظبي وارجع :(
واقوليك سر ياخوي - مادام اصلا الكرسي دا فاضي خلينا نحكي فيه احنا - اها السر هو مافي حاجة فقعت لي مرارتي غير كلام شبارقة قال انه لم يكتثر للهدية وهو وحاة الله ما خلي ليه تهديد ما هدده لي شئ نونية وشئ طلاق ثري ويجي يقول لم اكترث للهدية عليك الله لو اكترث كان عمل شنوووووو :confused: ما ياهو البحير ؟؟

اها ناس عمرو والاولاد كيف ؟؟؟؟

مش شبارقة زائغ من الكرسي دا ؟؟؟

انا تبعا المحيرني انه قبل الكرسي كان في المنتدي 24/24 ساعة اول ما قعدوه فيه قال الشغل كتير وظروفي سعبة

ود المطامير

20-02-2007, 05:33 AM

انا تبعا ياود المتامير ما جعلية بس خوااااااااااافة اها عاد لو هددتني بنونية بركب رقشة اجيب ليك البرتقال في ابو ظبي وارجع :(

واقوليك سر ياخوي - مادام اصلا الكرسي دا فاضي خلينا نحكي فيه احنا - اها السر هو مافي حاجة فقعت لي مرارتي غير كلام شبارقة قال انه لم يكتثر للهدية وهو وحاة الله ما خلي ليه تهديد ما هدده لي شئ نونية وشئ طلاق ثري ويجي يقول لم اكترث للهدية عليك الله لو اكترث كان عمل شنوووووو :confused: ما ياهو البحير ؟؟

اها ناس عمرو والاولاد كيف ؟؟؟؟

مش شبارقة زائغ من الكرسي دا ؟؟؟

انا تبعا المحيرني انه قبل الكرسي كان في المنتدي 24/24 ساعة اول ما قعدوه فيه قال الشغل كتير وظروفي سعبة

لو كان كدا أركبى الرقشه ساااى وجيبى البرتقال وتعالى
وفعلا والله الكرسى فاضى وبقى خلا ساااى عشان كدا أحسن
نملاهو نحنا وشبارقه قال مامكترث ؟ والله كضاب والموبايل وفر
ليهو مصاريف شهر أصلو قال للجماعه بيعوهوا وباعوهوا زمان
وناس عمرو والله الحمد لله تماااام وبسلموا عليك كتير السلام
وصاحبنا قال الرووووب من الكرسى بس مافى ليهو .

امير عبدالباقي

20-02-2007, 06:52 AM

اخوي شبارقه
شنو الحاصل دي خوفه ولاشنو ؛ ولدنا خليك صنديد ماتخلي مدينه تهرشك نحن معاك ياخوي
سبته الكرسي ومشيت وين وخليت ناس مدينه والمطامير قلبوه ونسه ساي
تعال لكرسيك واتحكر فيه ماشفت ودالمطامير كان جالس فيه كيف حاكيه بس انت
يلا ياالاخو تعال صادي واركز

مدنيّة

20-02-2007, 08:18 AM

اخوي شبارقه
شنو الحاصل دي خوفه ولاشنو ؛ ولدنا خليك صنديد ماتخلي مدينه تهرشك نحن معاك ياخوي
سبته الكرسي ومشيت وين وخليت ناس مدينه والمطامير قلبوه ونسه ساي
تعال لكرسيك واتحكر فيه ماشفت ودالمطامير كان جالس فيه كيف حاكيه بس انت
يلا ياالاخو تعال صادي واركز

اها يا امير ياخوي انت بترضي كرسي اخونا شبارقة يكون فاضي كدا :confused:
وبعدين احنا كلنا اخوانا وبنسد ليه وقت الحارة وكرسيه دا شكله هو الحااااااااااااااااااااارة بعينها اها كان عايز تسد معانا حبابك الف بالدينار ما بالجنية :cool:

مدنيّة

20-02-2007, 08:24 AM

لو كان كدا أركبى الرقشه ساااى وجيبى البرتقال وتعالى
وفعلا والله الكرسى فاضى وبقى خلا ساااى عشان كدا أحسن
نملاهو نحنا وشبارقه قال مامكترث ؟ والله كضاب والموبايل وفر
ليهو مصاريف شهر أصلو قال للجماعه بيعوهوا وباعوهوا زمان
وناس عمرو والله الحمد لله تماااام وبسلموا عليك كتير السلام
وصاحبنا قال الرووووب من الكرسى بس مافى ليهو .

ياخ باع الموبايل :eek: لااااااااااااااااااااااحولة
انا قعدت الشهر الفات دا كله الم في القروش واستلف بهنا واخد سلفية شئ علي المرتب وشئ علي الحقوق ومرات مرات ادين من الناس دا كله عشان انستر لكن ماكنت قايلاه ح يبيعه :(
وبيني وبينك كدا ياود المتامير لما اخونا شبارقة دا يجي بحكي ليكم حاجة كدا بخسوس الموبايل دا

اها النرجع لموضعنا الاساسي واللي هو اننا اتفقنا نملا الكرسي دا لاخونا شبارقة لغاية لما يجي
قلت لي ولدك اللي مابحب يمشي المدرسة لسة في حالته ديك ماخلاها وربنا هداه كدا وبقي زي الباشمهندسة ؟؟ وماقلت لي عندك بت ولا ماعندك عشان لما انا اجي واجيب معاي البرتقال بجيب البنات تبعا وهم عايزات ليهم بت تلعب معاهم :p
اها بجي بكرة اتم بقية الونسة دي تبعا شبارقة لا ح يظهر بكرة ولا بعده عشان كدا يانا المتحكرين في الكرسي دا والا الشديد القوي ودا تبعا لما يقعد فيه ابورجاء ببقي هو زاتووووووووو الشديد القووووي :D

مدنيّة

20-02-2007, 08:28 AM

الغالية عمتي الطيبة مدنية
لا حول ولا قوة الا بالله ليييييييييييييييه كده الظلم ده
عليك الله يا عمتي مدنية تبيعينا بالشكل ده
والله يا عمتي ما كان العشم والنونية حقت شبارقة
ما فايتك ووراها طوالي سينية ود المطامير وبعدها
بشوف اي نماي في الضهاري بجيبو ليك عشان يكتب
فيك ضادية عشان تكوني مضاد للشمارات احييييييييييي
يا عمتي مدنية السوداني ما ضيعتي علي .....
يا جماعة اي واحد في الرياض يقلع لي الجوال من الجنا
ده وليهو الحلاوة اتفقنا.......

ودوما في رعاية الله وحفظه.....
مع كل الود باقة ورد...

الصراحة راحة يا ابورجاء شبارقة دا لما يقول شعر في زول خلا حاله بقيف ماشفت وقف حال علوية كيف ؟؟ دا لا بيرحم لا بخلي رحمة ربنا تنزل والسودانيين بيقولوا الخواف شنو يا ابورجاء ؟؟؟؟؟ اها انا عاد عندي بتين مش اخير لي اديه الموبايل واسكت اربي البنات ديل ؟؟ وبعدين انت وود المتامير ما منكم خوف لانكم وراكم اولادكم بتلهيكم لقمة العيش لكن دا فااااااااااااااااضي ماوراه اي حااااااجة يعني جاهز موية ونور اها مش طلع معاي حق وحسبتها سح ؟؟ :D

وبعدين النداء اللي عملته لناس الرياض دا انساه لانه ود المتامير قال شبارقة خلا باع الموبايل

يوم اسود اللي فزت فيه بالموبايل دا يا شبااااااارقة :p

ود المطامير

20-02-2007, 08:45 AM

ياخ باع الموبايل :eek: لااااااااااااااااااااااحولة

انا قعدت الشهر الفات دا كله الم في القروش واستلف بهنا واخد سلفية شئ علي المرتب وشئ علي الحقوق ومرات مرات ادين من الناس دا كله عشان انستر لكن ماكنت قايلاه ح يبيعه :(
وبيني وبينك كدا ياود المتامير لما اخونا شبارقة دا يجي بحكي ليكم حاجة كدا بخسوس الموبايل دا

اها النرجع لموضعنا الاساسي واللي هو اننا اتفقنا نملا الكرسي دا لاخونا شبارقة لغاية لما يجي
قلت لي ولدك اللي مابحب يمشي المدرسة لسة في حالته ديك ماخلاها وربنا هداه كدا وبقي زي الباشمهندسة ؟؟ وماقلت لي عندك بت ولا ماعندك عشان لما انا اجي واجيب معاي البرتقال بجيب البنات تبعا وهم عايزات ليهم بت تلعب معاهم :p
اها بجي بكرة اتم بقية الونسة دي تبعا شبارقة لا ح يظهر بكرة ولا بعده عشان كدا يانا المتحكرين في الكرسي دا والا الشديد القوي ودا تبعا لما يقعد فيه ابورجاء ببقي هو زاتووووووووو الشديد القووووي :D

أيوه باع الموبايل وقال ليهم حقو هو مصاريف الشهر وإنتى أمشى حلى الديون
أها الولد عمرو والله الحال فى حالو وكل يوم الصباح شكله مع أمو فى الصحيان
من النوم وطبعا المزاكره إلا بالجلد وغايتو ماسك درب أبوهو تمام .
وكيف تسألينى لو كان عندى بنت ؟ لما أنا كنت على الكرسى إنتى كنتى بدخلى شمال
أيوه عندى بنت وإسمها ( شجن ) وعمرها 8 سنوات وشاطره وبتحب المدرسه .
والكرسى إحتليناهو ما لقيناهو أرض بور صح ؟

شبارقة

20-02-2007, 09:30 AM

مدنية يا مدندن
ام بصلاً مكشن

دا مطلع النونية .. وارجي الجاياك يا مدنية !!

شبارقة

20-02-2007, 09:36 AM

اخوي شبارقه
شنو الحاصل دي خوفه ولاشنو ؛ ولدنا خليك صنديد ماتخلي مدينه تهرشك نحن معاك ياخوي
سبته الكرسي ومشيت وين وخليت ناس مدينه والمطامير قلبوه ونسه ساي
تعال لكرسيك واتحكر فيه ماشفت ودالمطامير كان جالس فيه كيف حاكيه بس انت
يلا ياالاخو تعال صادي واركز

خليني النفضا يا أمير الحسن ..
والله يطير ليهم جنهم دا كلو ..
أنا الشافو خلو .. انا الككر .. انا العكر ... انا تمساح خالتي فاطنة

Jamal Elmahi

20-02-2007, 02:24 PM

الثلاثي المرح ود المتامير + مدنيّه + أبورجاء
بالله شوف مدنيّه في وسطكم حلاته ...والعجب كان هرتكم بي شاي لبن نصت نهار ...مدنيّه تلم في الواحد تبراهو لامن يآمن حتي تسقيهو شاي اللبن ...شاي اللبن أساساَ شاي لبن الصباح لكن البريان بياخد الضحويه كلها لامن الواطه تضوهر وبالتالي الشاي بكون بأثر رجعي ولله في خلقه شئون...
أنعشتوا لينا الكرسي الساحن ( نسيان نقطة الخاء لزوم اللجنه ) شفتوا شاي اللبن نصت نهار بعمل سنو!!؟ أها دي كمان تلاته نقط ذيادة خير...
أبقوا واصلوا ولاّ ختوا أبورجاء في الكرسي الساخن...

ود الماحي

ود المطامير

20-02-2007, 02:32 PM

الثلاثي المرح ود المتامير + مدنيّه + أبورجاء
بالله شوف مدنيّه في وسطكم حلاته ...والعجب كان هرتكم بي شاي لبن نصت نهار ...مدنيّه تلم في الواحد تبراهو لامن يآمن حتي تسقيهو شاي اللبن ...شاي اللبن أساساَ شاي لبن الصباح لكن البريان بياخد الضحويه كلها لامن الواطه تضوهر وبالتالي الشاي بكون بأثر رجعي ولله في خلقه شئون...
أنعشتوا لينا الكرسي الساحن ( نسيان نقطة الخاء لزوم اللجنه ) شفتوا شاي اللبن نصت نهار بعمل سنو!!؟ أها دي كمان تلاته نقط ذيادة خير...
أبقوا واصلوا ولاّ ختوا أبورجاء في الكرسي الساخن...

ود الماحي
يا حبيب قلوبنا والله مشتاقين شديد
لا ,, نحنا ح نواصل وأبورجاء كاسر شمال من الكرسى لمّا
الدركسون طقطق , أنا وأختى مدنيه بنونسكم تماااام

ابورجاء

20-02-2007, 09:41 PM

الصراحة راحة يا ابورجاء شبارقة دا لما يقول شعر في زول خلا حاله بقيف ماشفت وقف حال علوية كيف ؟؟ دا لا بيرحم لا بخلي رحمة ربنا تنزل والسودانيين بيقولوا الخواف شنو يا ابورجاء ؟؟؟؟؟ اها انا عاد عندي بتين مش اخير لي اديه الموبايل واسكت اربي البنات ديل ؟؟ وبعدين انت وود المتامير ما منكم خوف لانكم وراكم اولادكم بتلهيكم لقمة العيش لكن دا فااااااااااااااااضي ماوراه اي حااااااجة يعني جاهز موية ونور اها مش طلع معاي حق وحسبتها سح ؟؟ :D

وبعدين النداء اللي عملته لناس الرياض دا انساه لانه ود المتامير قال شبارقة خلا باع الموبايل

الغالية عمتي مدنية طبعا عيب الواحد يدلع عمتو يقول ليها مدندن صح
اولا شبارقة والله يستاهل الموبايل وحق الفطور كمان لانو عذابي ومشوكش
هو طبعا حلف قال مشوكش مره وحده بس كضاب من شدة الشواكيش ما كتار
راسو بقى زي جبال البحر الاحمر واخر شاكوش مديهو ليهو انا زاتي اتم يا شبارقة
والا تجي تقعد في بنبرك الساخن ده ونكفي على الخبر ماخور يالا شاور راسك واديني
خبر قبل ما تطق في راسي واسويها فيك ........
وتاني شئ يا عمتي قالوا فعلا الخواف ولد بيت وربى عربية اقصد ولد عيال ورباهم
ربة جد هجيج زي هجيج ود الماحي اليل عرس اخوهو المهم احسن ليك تخافي وود
المطامير برضو بيجهز ليك في السينية ما تشوفي قعادو معاك هنا انا برضو حدثتك
وانتي مخيرة اها ارقدوا عافية ماشي اربي عيالي.....

ودوما في رعاية الله وحفظه....
مع كل الود باقة ورد.....

شبرقية

20-02-2007, 10:15 PM

شباااااااااااااااااااارقة وينك
شمت خلق الله فينا
ياود ماااااااااا ........
قال تمساح قال!!!!

اعرفو كلكم

لو ماظهر خلال يومين

دا ما من الشبارقة?????

ابورجاء

20-02-2007, 11:42 PM

الثلاثي المرح ود المتامير + مدنيّه + أبورجاء
بالله شوف مدنيّه في وسطكم حلاته ...والعجب كان هرتكم بي شاي لبن نصت نهار ...مدنيّه تلم في الواحد تبراهو لامن يآمن حتي تسقيهو شاي اللبن ...شاي اللبن أساساَ شاي لبن الصباح لكن البريان بياخد الضحويه كلها لامن الواطه تضوهر وبالتالي الشاي بكون بأثر رجعي ولله في خلقه شئون...
أنعشتوا لينا الكرسي الساحن ( نسيان نقطة الخاء لزوم اللجنه ) شفتوا شاي اللبن نصت نهار بعمل سنو!!؟ أها دي كمان تلاته نقط ذيادة خير...
أبقوا واصلوا ولاّ ختوا أبورجاء في الكرسي الساخن...

ود الماحي

الغالي حبيب الشعب شيبا وشباب المرح الطيب الحنين ود الماحي
والله بتوحشنا مشاققاتك الضهرية زي شاي اللبن بتاع مدنية
وانت لمن تدخل المنتدى بتبدأها من القون للقون ولعبك حريف
جدا بترقص المدافعين والهجوم مع بعض ولمن تجي عند القون
بتقول بلغة اهلنا الجعلية حرم ما بجيب قون عشان خاطركم يا حلوين
عشان كده يا حبيب القلوب فكرنا نعينك معانا في فريقنا بتاع الحلة
فريقنا اسموا خلونا برانا وما همانا وعندنا مشكله في الهجوم هجومنا
تعبان والنص مهرود القون خليهو ساااااااااااااااكت شعيرية بي لبن
وكان على الدفاع حدث ولا حرج نوم العوافي بيصحوا كل نص ساعة
عشان يتقلبوا على الصفحة التانية اها يا اخوي والله محتاجين ليك في
فريقنا والدايرو بندفعو ليك والعربون قلوبنا ومحبتنا ليك اها قولك شنو
اتفقنا وانا عارفك عارف اللعيبة الخطيرين المعاك بيتاوقوا للعبة وبتخارجوا
رايك شنو نلمهم ونسوي فريق مشترك وان شاء الله تاني تيم يقلبنا مافي
دورها وادينا رايك لمراسلتنا (عمتنا مدنية دوت كوم شمار دوت نت ) أو
(ود المطامير إيزي مان دوت نت سي يو)أو (المسافر علاقات دوت هابي نيو يو اير)
أو (ابو دجانة دوت شلاقة آت وجاهة دوت حبكانة) او
(مدناوي دوت جكس مان آت حب ليك كان زادي)او (انت زاتك آت حبنا ليك فاق حد الوصف)
مع تحيات ود مدنى آت البيت الكبير دوت الحب المتجدد)

ودوما في رعاية الله وحفظه...
مع كل الود باقة ورد.....

ابورجاء

21-02-2007, 12:29 AM

اعرفو كلكم
لو ماظهر خلال يومين
دا ما من الشبارقة?????

الغالية بتنا شبرقية الطيبة
اها يا بتي يكون من وين تكساس والا كوالامبور
والا احتمال كبير يكون من جزر هايتي والله كلام
يا عوض دكام شي عجييييييييييب شي عجيييييييييب يا اب شرا
شي عجييييييييييب وشبارقة زي الترتيب يا اب شرا......

ودوما في رعاية الله وحفظه....
مع كل الود باقة ورد.....

بنت الرفاعي

21-02-2007, 01:27 AM

سلام الله عليكم يا ناس الكرسي لأني شايفاهو مابقى حق شبارقة ال...................
وتحياتنا لأبو رجاء ود المطامير ومدنية..
شبارقة غبنا كم يوم وجينا ولقينا الكرسي ده مافيهو جديد في شنو؟؟؟والله يخلي الثلاثي الملوا ليك الكرسي. وبالله أظهر.

شبارقة

21-02-2007, 01:30 AM

شباااااااااااااااااااارقة وينك
شمت خلق الله فينا
ياود ماااااااااا ........
قال تمساح قال!!!!

اعرفو كلكم

لو ماظهر خلال يومين

دا ما من الشبارقة?????

أنا أنا أخوك آم زعموط ...
أها ظهرت!!

بنت الرفاعي

21-02-2007, 04:08 AM

ظهرت دقيقة بس وطلعت! ليييييه في شنوواللاحقك شنو؟؟!

بنت الرفاعي

21-02-2007, 04:09 AM

بالمناسبة انت عامل زي الجاري وجارين وراهو!:d

Jamal Elmahi

21-02-2007, 10:26 AM

(المسافر علاقات دوت هابي نيو يو اير)
أو (ابو دجانة دوت شلاقة آت وجاهة دوت حبكانة) او
(مدناوي دوت جكس مان آت حب ليك كان زادي)
مع تحيات ود مدنى آت البيت الكبير دوت الحب المتجدد)

ودوما في رعاية الله وحفظه...
مع كل الود باقة ورد.....

الكابتن أبو رجاء
أنا جاهز للفريق مويه ونور وكدّاره وصفاره لو الحكم عمل أي عنكبه جنكبه صفارات تبش...
ياخوي مسعول من الخير اللعيبه أبودجانه ومدناوي وين الحي بيهم ...أبو دجانه بعد ماطلعوهو من الاستباليه بعد آخر شاكوش يكون مشي وين!!! غايتو الله يكضّب الشينه...

ود الماحي

شبارقة

21-02-2007, 09:14 PM

ظهرت دقيقة بس وطلعت! ليييييه في شنوواللاحقك شنو؟؟!

مروم العسل الفي الصحون، ،، ،، ،
انا الساكيني خليهو ساااااااااااااااااااااااااااااااااااكت ...
أبقي على خشمك (تن) ، واتعظي بي مدندن أم بصلاً مكشن ..
***
لك خالص ودي

ابورجاء

21-02-2007, 09:55 PM

الكابتن أبو رجاء
أنا جاهز للفريق مويه ونور وكدّاره وصفاره لو الحكم عمل أي عنكبه جنكبه صفارات تبش...
ياخوي مسعول من الخير اللعيبه أبودجانه ومدناوي وين الحي بيهم ...أبو دجانه بعد ماطلعوهو من الاستباليه بعد آخر شاكوش يكون مشي وين!!! غايتو الله يكضّب الشينه...

ود الماحي

الغالي الحبيب المن القلييب قريب تب ماك بعيد
ود الماحي الحنين
تسلم يا الغالي على الاستجابة وده عشمنا فيك
والعنكبة والشنكبة خليها لينا معانا الهمباته
ود المطامير وود رفاعه والمسافر ومدناوي وبورتبيل
ومعانا راسا كبير بالحيل في الهمبته بس خليهو في سرك....
ولو دار محور سؤالك عن حبايبنا ابو دجانة شلاقة حبكانة
الود العسل والله بس خلوكم معاهو بالدعوات في واحده من
شلاقاتو قدم مشروع تطوير لي كفيلو ويا ريت ما قدمو اسه
عاملين ليهو كعب داير في كل انحاء المملكة كل يوم والا يومين
في منطقة والمشكلة المناطق البيمشي ليها النت فيها يجيركم الله
بيحاول يفتح المنتدى ومجرد ما تقرب الصفحة الرئيسية تفتح تكون
ماموريتو انتهت وهكذا دواليك يعني نقول الله يعينوا ويرجعوا لينا بالسلامة..
واما اذا تحول سؤالك الى اخونا وحبيب قلبنا مدناوينا برضو مزنوق في
الشغل والايام دي في جولة برضو والله يعينهم يا رب ويوفقهم ويرجعهم لينا
سالمين غانمين يا رب ....
والتخريمة مع المشاققة بتاعتك الاتعودنا عليها :ـ
الناس دي كلها بتعزكم يا كبارنا ويا سندنا ويا ضهرنا
ويا اصلنا ويا دهبا ويا قمرنا فبالله حلفناك بالغالين
كان ما لملمتهم من تاني واخونا الفاضل عزيز ما مقصر
بس داير السند ونحن عارفنك ما بتقصر تب ياك قدرها ...

ودوما في رعاية الله وحفظه...
مع كل الود باقة ورد....

شبارقة

21-02-2007, 09:58 PM

أبو رجوية .. الكسرة بالموية ..

مرقوكم خلاص من السجن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

ابورجاء

21-02-2007, 10:43 PM

أبو رجوية .. الكسرة بالموية ..

مرقوكم خلاص من السجن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
الغالي حبة الرمان القليب الحزنان شبروقتي
الحبيب الهارب من البنبر الساخن
ليه كده الظلم ده حرام عليك تفضحني بالشكل ده
مع الاعتذار للأغنية.....

ودوما في رعاية الله وحفظه....
مع كل الود باقة ورد.....

نزار حسن محمد

22-02-2007, 12:46 AM

الغالى العزيز شبارقه ...
لظروفك القاهره ... بنسمح لك تنزل من الكرسى ... والدور الدور موعود يالى عليه الدور ..عليه الدور ... ياربى الدور على منووووو !!!!!!

عبدالرحيم سعيد

22-02-2007, 12:47 AM

شبارقة انا شبارقة زاتي سؤالي شنو الكابدلو اتحداك

مدنيّة

22-02-2007, 01:40 AM

الغالى العزيز شبارقه ...
لظروفك القاهره ... بنسمح لك تنزل من الكرسى ... والدور الدور موعود يالى عليه الدور ..عليه الدور ... ياربى الدور على منووووو !!!!!!

هسي احنا فهمنا منه شنو يانزار ياخوي عشان تنزلوه لينا من الكرسي اللي اصلا ما قعد فيه :eek:

محمد السر احمد

22-02-2007, 02:32 AM

هسي احنا فهمنا منه شنو يانزار ياخوي عشان تنزلوه لينا من الكرسي اللي اصلا ما قعد فيه :eek:

تسلمي يا استاذة مدنية والله كلامك صح

مدنيّة

22-02-2007, 03:04 AM

تسلمي يا استاذة مدنية والله كلامك صح

اها كدي تعال نناديه ياود السر

شبااااااااااارقة

خلا تعال نزلوك من الكرسي الماقعدت فيه اصلا
تعال خلا مافي حاجة تاني تخاف منها :p

salwa

22-02-2007, 08:33 PM

غايتوا مدون ومحمد بتبالغوا

الراجل يمكن عنده ظروف ولا مشغول

اعذروه وادوه فرصة تانيه

عموما والله كان كرسي خفيف ظل شديد بيك يا مدون وباقي الشلة

تسلموا والله

Madanawi

23-02-2007, 11:16 AM

يا جماعة انتو شغالين فتاوي والراجل ما معروف خبرو شنو؟

يا ابو النيز يا حبيبنا لو سمحت ادي الراجل دا فرصة يقدم دفوعاتو مع انو عامل محامي وكدا.

تومتي الغالية مدنية - ادعي لي شبارقة الله يبرد عليهو البمبر عشان يقعد ويجاوب على الناس انشاء الله كان سؤال كان سؤالين.

مدنيّة

23-02-2007, 10:39 PM

غايتوا مدون ومحمد بتبالغوا

الراجل يمكن عنده ظروف ولا مشغول

اعذروه وادوه فرصة تانيه

عموما والله كان كرسي خفيف ظل شديد بيك يا مدون وباقي الشلة

تسلموا والله

ياسوسو لا مشغول لا يحزنون هسي المسافة اللي كتب فيها النونية دي مش كان اولي انه يجي يحرس كرسيه دا :confused: لكن اصلا اصلا زاااااااااااائغ وبقولها بالصوت العالي مش كان عملت النونية كان عملت كل الحروف انت زااااااااااااااااائغ ياشبارقة :p

والله ياسوسو قلنا نملا الكرسي دا بدل ما يكون فاضي بس كنا عايزينك معانا ياعسل خلا المرة الجاية ابورجاء لو ما ملا كرسيه تعالي معانا :D

مدنيّة

23-02-2007, 10:41 PM

يا جماعة انتو شغالين فتاوي والراجل ما معروف خبرو شنو؟

يا ابو النيز يا حبيبنا لو سمحت ادي الراجل دا فرصة يقدم دفوعاتو مع انو عامل محامي وكدا.

تومتي الغالية مدنية - ادعي لي شبارقة الله يبرد عليهو البمبر عشان يقعد ويجاوب على الناس انشاء الله كان سؤال كان سؤالين.

عشم ابليس في الجنة كان انتظرناه سنة برضو بزووووووووووووووووغ من الكرسي دا :p

شبارقة

24-02-2007, 12:45 AM

ازووووووووووووووووووووووووووووووووووووووغ
انا مشيت أنجر ليك موشحة في ابن المطامير ووالد رجاء ..

لأقطعنّهم ارباً ارباً ... ولتشدونَّ بذمهم الركبان .....

شبارقة

24-02-2007, 12:46 AM

شنو يا نزار .. ما بالغت يا خي ...

نزل أخوك ...

ولا عاجباك جنس المرمطة دي؟؟؟

مدنيّة

24-02-2007, 12:48 AM

ازووووووووووووووووووووووووووووووووووووووغ
انا مشيت أنجر ليك موشحة في ابن المطامير ووالد رجاء ..

لأقطعنّهم ارباً ارباً ... ولتشدونَّ بذمهم الركبان .....

وهي الزوغة دي كيف :eek:

ماياها اللي بتعمل فيها دي تخلي الكرسي وتمشي تقطع ليك كلام من راسك وتجي تقوله :mad:

وبعدين يعني ما رديت علي سعالي ح ترجع لي موبايلي متين ؟؟

شبارقة

24-02-2007, 12:53 AM

مدنية ................
مدندن ........................
مدوووووووووووووووووووووووووووووووووووووووووووووووو ن ....

شنو يا خي البناتنا ما عااااااااااااااااااااااااااااامرة !!

انتي عارفة الموبايل أنا اتبرعت بيهو لجمعية حلة المطامير الخيرية للرفق ( بالكدسة) ...
دايره تشرديها مالك؟؟

مدنيّة

24-02-2007, 12:57 AM

مدنية ................
مدندن ........................
مدوووووووووووووووووووووووووووووووووووووووووووووووو ن ....

شنو يا خي البناتنا ما عااااااااااااااااااااااااااااامرة !!

انتي عارفة الموبايل أنا اتبرعت بيهو لجمعية حلة المطامير الخيرية للرفق ( بالكدسة) ...
دايره تشرديها مالك؟؟

هسي بقيت مدووووون

ماكنت المدندن ام بصلا مكشن :mad:

مابعرف اي كلام كتير ياشبارقة واصلا مافي حاجة بيناتنا عشان تبقي عامرة ناهيك عن عااااااااااااااااااااااااااامرة :mad:

سررررررررررررعة الزول الشاله يجي يرجعه لي وماتنسي مستقبله في يدي بضيعه ليك بضيعه ليك ود اهلك دا :p

شبارقة

24-02-2007, 01:00 AM

يا أخوانا زول يفكنا من الشبكة دي!!!

مدنيّة

24-02-2007, 01:06 AM

يا أخوانا زول يفكنا من الشبكة دي!!!

هسي كان ختيت الرحمن في قلبك وانسترت ورديت علي الناس دي ماكان احسن من الجرسة دي :confused:

بس اوع تكون قضاياك اللي بتتولي الدفاع عنها بتكون بنفس اسلوب الكرسي دا :cool:

غايتو نسيحة ليك مني :

اتولي الدفاع في الخفاء عن من يهمك امره وفي العلن عن من تريد ان يذهب جوانتنامووووووو :D

تبعا ما قلت الاعدام عشان الاعدام ارحم من جوانتنامو بمليون مرة

محمد السر احمد

24-02-2007, 03:30 AM

والله يا مدنية تسلمي واصلك ما تخلي موبايلك لانو اخونا زاااااااااااااااااااااااااااااائغ وهو السعوديه دي في محكمة ما شاغلين قطقع ايد وقطع راس طوالي
يعني ما عندك حجة يا شبارقة

شبارقة

24-02-2007, 04:29 AM

ود السر
بزيع السر
واكشف في الخلوق حالك ..
خليك بعيييييييييييييييييييييييييييييييييييييييييييييييي ييييييييييييييييييييييد

وانا كان قبلت عليك بتنسى ام الوليدات في سوق البصل زي المرة الفاتت ...

salwa

24-02-2007, 07:59 PM

ياسوسو لا مشغول لا يحزنون هسي المسافة اللي كتب فيها النونية دي مش كان اولي انه يجي يحرس كرسيه دا :confused: لكن اصلا اصلا زاااااااااااائغ وبقولها بالصوت العالي مش كان عملت النونية كان عملت كل الحروف انت زااااااااااااااااائغ ياشبارقة :p

والله ياسوسو قلنا نملا الكرسي دا بدل ما يكون فاضي بس كنا عايزينك معانا ياعسل خلا المرة الجاية ابورجاء لو ما ملا كرسيه تعالي معانا :D

مدووووووووووووووووووون

حنينننننننننننننننننننة

انا حبيبتك ...صح ...اوعك هاااااااااااااااااااااا

تعرفي ببقى ليك اكعب من شبارقة

اخير شبارقة جه عمل نونية انا ما بتشوفي خلقتي

شبارقة

24-02-2007, 09:05 PM

مدووووووووووووووووووون

حنينننننننننننننننننننة

انا حبيبتك ...صح ...اوعك هاااااااااااااااااااااا

تعرفي ببقى ليك اكعب من شبارقة

اخير شبارقة جه عمل نونية انا ما بتشوفي خلقتي

أم أحمد خليك في صفي طالما طردوك ...
وأنا سمعت إنو لسانك ما بتقابل ........
نعمل اتحاد ضد المتمردين على التمرد ...
ولا رايك شنو؟؟

salwa

25-02-2007, 09:22 PM

شبارقه

والله تعرف انا من اول في صفك ودافعت ليك ارجع وراء شوف

لكن لو على الطرد حلو على قلبي ودايراه ....كله ولا كراسي ولا عناقريب...الله اكبر

( بيني وبينك القال ليك منو لساني ما بتقابل باين واحد وصله سوطي ..هههههههه )

مدنيّة

25-02-2007, 10:43 PM

تبعا يااخونا نما الي علمنا من مصدر موثوق بها سبب زوغاااان المدعو شبارقة من الكرسي الا وهو انه طلع فناااان اي فنااان يعني طرب ومشغووووووووول جدا الايام دي بتجهيزاته لشرئطه الغناني التاني وطبعا عشان الناس تتاكد جبت ليكم شريطه الاول عشان ما نتغالط ساااااااااااااااااي

http://www.m5zn.com/uploads/ecb51c7ed1.jpg (http://www.m5zn.com)

ابوالنور

26-02-2007, 12:18 AM

بلاهي هو ده انت طيب يا شبارقه دايرين لينا صبحيه
بمناسبة بنيان حيطتنا الوقعت من الخريف

ود المطامير

26-02-2007, 01:23 AM

إجازى محنك يا شبارقه
أتاريك إنت ( حميدان ) غنّاى الهوج وشرق الله البارد ؟
والله ليك حق تكون مشغول وخاصه فى موسم الأفراح
قال محامى قال

ابورجاء

26-02-2007, 01:31 AM

تبعا يااخونا نما الي علمنا من مصدر موثوق بها سبب زوغاااان المدعو شبارقة من الكرسي الا وهو انه طلع فناااان اي فنااان يعني طرب ومشغووووووووول جدا الايام دي بتجهيزاته لشرئطه الغناني التاني وطبعا عشان الناس تتاكد جبت ليكم شريطه الاول عشان ما نتغالط ساااااااااااااااااي

http://www.m5zn.com/uploads/ecb51c7ed1.jpg (http://www.m5zn.com)

الغالية عمتي مدنية الطيبة الحنينة
انا سخسيا ما بغالط لكن عندي سؤال
ممكن أسأل السؤال

هو

بتلقيهو تحت شويه

تاني شويه كمان

قربنا ما تستعجلو

خلاص هانت حبه تحت كمان

السؤال يا عمتي البنطلون التحت الشريط
ده الكواهو منو ؟؟؟؟؟؟؟؟؟

ودوما في رعاية الله وحفظه....
مع كل الود باقة ورد......

عماد عبدالشكور

26-02-2007, 02:23 AM

بمناسبة البنطلون المكوي ولا الما مكوي دا اقول ليكم نكتة
قال ليك بوش وتوني بلير عاملين مؤتمر صحفي مع الصحفيين العرب بوش قال خلال سنتين مات في العراق 25000 الف عراقي وطبيب اسنان قام واحد صحفي قال : ليه طبيب اسنان ؟ قام بوش اتلفت على توني بلير وقال ما قلت ليك ما حا يسالوا من ال 25000
هههههههههههههههههههه حلوة مش كدا ؟ انا عارف انها حلوة
يعني يا ابو رجاء انت سايب الشريط وبتسال عن مكوة البنطلون
التحية الجمهورية المرة دي ليك حبيبنا ابو رجاء

ابوالنور

26-02-2007, 02:33 AM

الغالية عمتي مدنية الطيبة الحنينة
انا سخسيا ما بغالط لكن عندي سؤال
ممكن أسأل السؤال

هو

بتلقيهو تحت شويه

تاني شويه كمان

قربنا ما تستعجلو

خلاص هانت حبه تحت كمان

السؤال يا عمتي البنطلون التحت الشريط
ده الكواهو منو ؟؟؟؟؟؟؟؟؟

ودوما في رعاية الله وحفظه....
مع كل الود باقة ورد......

سلامت نظرك ده بنطلون

وفضلنا وحاتك منتظرين

محمد السر احمد

26-02-2007, 02:39 AM

خلاس باريت درب الغنا دا الله يكون في عونك وعون اهلك المستنيك وبعدين سؤال مهم علويه بت الحاج عارفة

مدنيّة

26-02-2007, 02:42 AM

بمناسبة البنطلون المكوي ولا الما مكوي دا اقول ليكم نكتة
قال ليك بوش وتوني بلير عاملين مؤتمر صحفي مع الصحفيين العرب بوش قال خلال سنتين مات في العراق 25000 الف عراقي وطبيب اسنان قام واحد صحفي قال : ليه طبيب اسنان ؟ قام بوش اتلفت على توني بلير وقال ما قلت ليك ما حا يسالوا من ال 25000
هههههههههههههههههههه حلوة مش كدا ؟ انا عارف انها حلوة
يعني يا ابو رجاء انت سايب الشريط وبتسال عن مكوة البنطلون
التحية الجمهورية المرة دي ليك حبيبنا ابو رجاء

اها ياعماد دي النوعية اللي بتخلي الموتوع الاساسي وتمشي تفتش ليها حاجة من مافي عشان تلفت الانتباه عن القضية الاساسية

غايتو الله يسبرناااااااااااااااا

ود المطامير

26-02-2007, 02:54 AM

والله يا جماعه الكرسى دا الظاهر ما لاقين ليهو زول
خلاص طالبوا بى ارجع تانى .

Madanawi

26-02-2007, 04:24 AM

ههههههههههههههههههههههههههههههههههههههه

والله يا ود المطامير لقيتك أسد - شكلك قايلو كرسي وزارة شغال تلف وترجع زي ناس الاحزاب.

انا بقول ندي ولدنا فرصة برضو الراجل قال مشغول وكدا - ولازم نرجع لي اخونا نزار وناس الحلة كلهم يقولوا رايهم ولا رايك شنو يا شبروقة.

ود المطامير

26-02-2007, 05:50 AM

ههههههههههههههههههههههههههههههههههههههه

والله يا ود المطامير لقيتك أسد - شكلك قايلو كرسي وزارة شغال تلف وترجع زي ناس الاحزاب.

انا بقول ندي ولدنا فرصة برضو الراجل قال مشغول وكدا - ولازم نرجع لي اخونا نزار وناس الحلة كلهم يقولوا رايهم ولا رايك شنو يا شبروقة.
يا الحبيب وينك ؟ والله مشتاقين
ياخى الزول دا بهناك شغال شعر ولا أبو نواس
وهنى يعمل فيها مشغول , والله عمّى نزار يستاهل
نزلنى قبلما أستعدل للنضمى أها هسى بقى
ذى كرسى الحلاق كل زول يجى يقعد شويه ويمشى

محمد السر احمد

27-02-2007, 12:31 AM

الاخ شبارقة الحاصل شنو الخبر الجانا انك مكتئب لانو شريط ما اتباع عشان كدا هاجر الكرسي دا عشان تبطل شلاقة الغني ليك شنو كان مدحت كان احسن منها اجر

مدنيّة

27-02-2007, 12:39 AM

الاخ شبارقة الحاصل شنو الخبر الجانا انك مكتئب لانو شريط ما اتباع عشان كدا هاجر الكرسي دا عشان تبطل شلاقة الغني ليك شنو كان مدحت كان احسن منها اجر

هههههههههه

ايوة ياود السر قرب يدخل مستشفي من الاكتئاب لانه خسر في الشرئط خسارة كبييييييييييييييييرة

Madanawi

27-02-2007, 02:19 AM

ههههههههههههههههههههههههههههههه

خلاص يا ود المطامير غنو لي شبارقة نما قال بجي مالو ماجا يمكن يرجع بعد اتناشر سنة زي النميري.
والله خلانا نبكي وسيد الوجعة غايب. وتجيك تومتي مدنية تبكي وبعد داك تقول لي هو المات منو؟

بنت الرفاعي

27-02-2007, 04:11 AM

والله لكن مباالغة لحدي الآن مافهمت ده شنو كرسي ساخن ولا.................؟؟؟؟:eek:
ياشبارقة مشكلتك شنو في الدنيا دي تجي مابتجاوب لكن بتلف وتدور علي شنو ماعارفة؟!!!!:D

Madanawi

28-02-2007, 12:16 AM

والله يا ود المطامير كان بودنا نجيبك راجع لكن شبارقة مشى وشال معاهو الكرسي!!!!!!!!!!!!!!!!!!!

مدنيّة

28-02-2007, 12:20 AM

والله يا ود المطامير كان بودنا نجيبك راجع لكن شبارقة مشى وشال معاهو الكرسي!!!!!!!!!!!!!!!!!!!

غتاتة منه تبعا :p
لا عايز هو يقعد فيه ولا يقعد زول بوراءه

شبارقة

28-02-2007, 12:33 AM

طلعتيني غناي آخر عمري يا مدندن ...

الموبايل يسمك فيهو ...

وعلي الطلاق بعد ما قلت أجيب ليك كردان دهب ، غيرت رايي ماني جايبلك الرماد ...

والهيلمانه اللاماها دي أنا بفرتقا ليك ...

وبيناتنا المحاكم ....

والملاحم .....

وأنا أخوك يا امزعموط .....

نزار حسن محمد

28-02-2007, 12:44 AM

ياخوانا .... بعد مرعاة ظروف اخونا شبارقه ... ورفض الاغلبيه العظمى من الاعضاء بنزول شبارقه من الكرسى تم تعين الاخوان ود المطامير وابورجاء لسد العجز فى حالة انشغال شبارقه الى تاريخ 8/3/2007 .. ولكم الود ..

شبارقة

28-02-2007, 01:05 AM

بخيت وسعيد عليهم ...

يا خوي الكرسي الساخن دا بقى زي بيت البكا يبدأ بكا وينقلب ونسات وضحك .....

الله يباركك يا نيزو الظريف ....

ابورجاء

28-02-2007, 02:52 AM

ياخوانا .... بعد مرعاة ظروف اخونا شبارقه ... ورفض الاغلبيه العظمى من الاعضاء بنزول شبارقه من الكرسى تم تعين الاخوان ود المطامير وابورجاء لسد العجز فى حالة انشغال شبارقه الى تاريخ 8/3/2007 .. ولكم الود ..

الغالي نيزو ود عم حسن الحبيب
طيب علي الطرب بالتلاتة ما نرجع كلمتك
ومن اسه انا بسد ليك الفرقة لحدي ما يجي
ود المطامير المطوفش من البلد لانو كبه
الزوقه من امس رسلوهو يجيب اغراض
من ابو ظبي ومن هناك وعيك شتات البيت
المهم انا استلمته ...
اها كل حاجة بي بالف واي حاجة بالف
جبناهو بالطيارة وطلق نبيعو بالخسارة
الما غشنا وشال مننا بكره يجي هنا ويقول
ياريت وانا بعد شوية ماشي البيت علينا جاي
كرسي فاضي للبيع .......

ودوما في رعاية الله وحفظه....
ومع كل الود باقة ورد.....

مدنيّة

28-02-2007, 02:59 AM

الغالي نيزو ود عم حسن الحبيب
طيب علي الطرب بالتلاتة ما نرجع كلمتك
ومن اسه انا بسد ليك الفرقة لحدي ما يجي
ود المطامير المطوفش من البلد لانو كبه
الزوقه من امس رسلوهو يجيب اغراض
من ابو ظبي ومن هناك وعيك شتات البيت
المهم انا استلمته ...
اها كل حاجة بي بالف واي حاجة بالف
جبناهو بالطيارة وطلق نبيعو بالخسارة
الما غشنا وشال مننا بكره يجي هنا ويقول
ياريت وانا بعد شوية ماشي البيت علينا جاي
كرسي فاضي للبيع .......

ودوما في رعاية الله وحفظه....
ومع كل الود باقة ورد.....

كويس ياابورجاء اصبر لي بس :mad: :mad: :mad:

شابكني عمتي عمتي هسي نزار نكرني منكم وانت سيرتي سااااااااي ماجبتها

وانت يانزار الفيك اتعرفت خلا

انا لي زمن حارسة الكرسي دا مع ود المتامير لما المدعو شبارقة هجائي ودفعت الثمن غااااااااااااااااالي من بصلي اقصد من منتداي

الله غاااالب :(

ابورجاء

28-02-2007, 03:58 AM

كويس ياابورجاء اصبر لي بس :mad: :mad: :mad:

شابكني عمتي عمتي هسي نزار نكرني منكم وانت سيرتي سااااااااي ماجبتها

وانت يانزار الفيك اتعرفت خلا

انا لي زمن حارسة الكرسي دا مع ود المتامير لما المدعو شبارقة هجائي ودفعت الثمن غااااااااااااااااالي من بصلي اقصد من منتداي

الله غاااالب :(

الغالية عمتي مدنية الطيبة الحنينة
انتي يا عمتي بينسوك انتي الخير والبركة وانتي
ستنا وتاج راسنا وبلاك تخرب بس لانك فوق
وقامتك عالية ما جبنا سيرتك عشان ما يسحروك
ويدوكي عين زي الجماعة اياهم عشان كده حقك
علينا وسامحينا يا ست الاصل والزوق يا عمتي...
ودي هدية مني ليك .........
دي حاجة بسيطة لطشتها ليك ....
طلبوا الذي نالوا فما منعـوا ** رفعت فما حطت لهم رتــب
وهبوا وما منت لهم خلق ** سلموا فما أودى بهم عطـب
جلبوا الذي يرضى فما كسدوا ** حمدت لهم شيم وما كسبوا
غضوا وما ساءت لهم خلق ** ستروا فما هتكت لهم حجبوا
ذهبوا وما يمضي لهم أثر ** رحموا فما حلت بهم نوب
حسب لهم تزكوا فما سقطوا ** كلِم لهم صدقت فما كـذبوا
عصب بهم نصرت فما خذلوا ** شرفوا فلا يدنوا لهم حسـب

ودوما في رعاية الله وحفظه....
مع كل الود باقة ورد.....

بنت الرفاعي

28-02-2007, 05:15 AM

والله يانزار أخوي الناس ديل من دون ما تسلمهم الكرسي مستلمنوا بعد ما أديت الصراح يا ربي الحيحصل شنو؟؟؟؟!!!
طبعا شبارقة داك رامين طوبتو لأنو مابيجي ولما يجي زي الساكيهو كلب ولا تقول ضيف جاي يسأل التقول الكرسي ماحقو! لكن زي ماقلنا قبل كدة البركة في الناس البسدوا للشارد.
ودمتم.

شبارقة

28-02-2007, 05:40 AM

توووووووووووووووووووووش ومن غير رتوش ...........

أخوكم قاع يجهز للعرس ......... ما في زول يسألني .......

وأبقو تلاتة علي الكرسي:

مدندن ام بصلن مكشن

جنا المطامير ابو مخاً خمير ......

أبو رجاء تكوس لي ما تلقا ......

ابورجاء

28-02-2007, 05:43 AM

والله يانزار أخوي الناس ديل من دون ما تسلمهم الكرسي مستلمنوا بعد ما أديت الصراح يا ربي الحيحصل شنو؟؟؟؟!!!
طبعا شبارقة داك رامين طوبتو لأنو مابيجي ولما يجي زي الساكيهو كلب ولا تقول ضيف جاي يسأل التقول الكرسي ماحقو! لكن زي ماقلنا قبل كدة البركة في الناس البسدوا للشارد.
ودمتم.
الغالية بتنا مرام انجليزي وعربي الطيبة
اولا حمد الله على سلامة الوصول وتاني شئ
اديك عينة من البيحصل :ـــ
اسم مرام يعني شنو؟؟؟
انتي ليه بتدخلي بعد العصر وقبل المغرب
دايما يعني مجرد سؤال؟؟؟
وصحي السمعناهو ده والا كذبة فبراير؟؟؟؟
وشبارقة ده بيقى ليك شنو تحامي ليهو كده؟؟؟؟
بعدين طوبة شبارقة وديتيها وين؟؟؟؟
والكلب الساكي شبارقة اسمو منو ؟؟؟؟
ولو ما جاوبتي على الاسألة دي بنطالب بجلوسك في
الكرسي ده لحدي ما تقري وتعترفي عشان نحكم عليك
ونوديك بيت العدل اقصد السجن الذهبي ....
سلام خلص الكلام......

ودوما في رعاية الله وحفظه....
مع كل الود باقة ورد....

مدناوية

28-02-2007, 05:50 AM

غايتو البخش البوست دا ... زي الداخل الملجة..
كل زول فاتح خشمو ويكورك بي جمبة..
وشبارقة ماداير يقعد في الأرض ويسكت الخشامة

وربنا يديم المعروف

بنت الرفاعي

28-02-2007, 05:58 AM

هو انت بعد ده كلوا ماختيتني في الكرسي بس بطريقة مارسمية الحمدلله!
اسم مرام يعني المرام يعني الهدف.
لأنو ده الوقت الوحيد البكون فاضية فيهو مع انو مابيكفي لكن تقول شنو مشاغل الدنيا الكرهتنا الدنيا! قبل شهرين كنت فاضية بدخل فيهو في أي وقت صباح مساء نهار أسي بفتش للوقت فتيش علشان أدخل المنتدى ولو نص ساعة.
سمعت شنو؟؟؟؟؟؟؟؟؟؟؟؟؟؟؟:confused:
أنا؟؟؟:eek: بتين حاميت ليهو ده غايظني غيظ شديد على التهرب وعدم الجدية حقتوا دي! شفتو قال بجهز للعرس قال دي طريقة زوغان جديدة منو.بس زي ماقال ليكم أبقوا عالكرسي!:D
الكلب ده أنا ماسألتو من اسمو لكن شبارقة أكيد بيكون سألو!:D
نحن مطالبين بجلوسك انت لأنو شبارقة ده ماجايب حقو!:p

ابورجاء

28-02-2007, 06:22 AM

هو انت بعد ده كلوا ماختيتني في الكرسي بس بطريقة مارسمية الحمدلله!
اسم مرام يعني المرام يعني الهدف.
لأنو ده الوقت الوحيد البكون فاضية فيهو مع انو مابيكفي لكن تقول شنو مشاغل الدنيا الكرهتنا الدنيا! قبل شهرين كنت فاضية بدخل فيهو في أي وقت صباح مساء نهار أسي بفتش للوقت فتيش علشان أدخل المنتدى ولو نص ساعة.
سمعت شنو؟؟؟؟؟؟؟؟؟؟؟؟؟؟؟:confused:
أنا؟؟؟:eek: بتين حاميت ليهو ده غايظني غيظ شديد على التهرب وعدم الجدية حقتوا دي! شفتو قال بجهز للعرس قال دي طريقة زوغان جديدة منو.بس زي ماقال ليكم أبقوا عالكرسي!:D
الكلب ده أنا ماسألتو من اسمو لكن شبارقة أكيد بيكون سألو!:D
نحن مطالبين بجلوسك انت لأنو شبارقة ده ماجايب حقو!:p

الغالية بتنا مرام عربي وانجليزي الطيبة
والله ما قصرتي تب كنتي قدرها المسعولية
بعدين شبارقة يعرس ركبيهو دي حركات منو
بعدين البترضي بي المطلق منو ويا بنوت هي
اسمعن كلامي ده شبارقة متزوج اربعة والخامسة
خاتيها احتياطي لزوم الفك والتسجيل وبعدين زمان وحليل
زمان كان عندو المال والاملاك اسه غير جزمة بنية وشراب
اسود وكرفته كحلية وقميص باقي ملايتي لمن كنت عذابي
وبنطلون من البطانية حقت ودالمطامير لمن كان زي وجمسية(عربية gmc موديل 1822م)
الكرهت فيهو الجكسية يخربو اي ابيض زي بيت العنكبوت في الصيف
انا ما سفت بيت العنكبوت في الصيف لكن الناس الشافوهو قالو بدون ابواب
ومافي هو شبابك وكمان السقف نهي زندقي وحيطان الله يجريكم برضو
مافي المهم في ده كلو يا بنوتنا ما تتغشن فيهو اي انتي بالذات النططي عيونك
ديل اي انت لا الجمبك ما انتي لا يا خي ديك المنططه عويناتها ايواااااااااا دي
عارفك كنتي خاته عينك عليهو مجرد ما شفتي صورة البنغالي الشغال معاهو
الختاها قبل كده وشالها انا كلمتكن وانتن حرات اها انا بمشي اشوف الحاصل
شنو بي هناك ووعد برجع لو في العمر بقية ......

ودوما في رعاية الله وحفظه....
مع كل الود باقة ورد.....

بنت الرفاعي

28-02-2007, 06:26 AM

يا أبو رجاء قايلني شبارقة بقوم جارية؟!!!!:confused: :eek: :D

ابورجاء

28-02-2007, 06:54 AM

يا أبو رجاء قايلني شبارقة بقوم جارية؟!!!!:confused: :eek: :D

الغالية بتي مرام المره دي انجليزي عربي الطيبة الصنديدة
والله حاشاك من الجري انتي وشبارقة خليهو الجري
ده ما حقو امس شوف عيني جاري من البطحاء لحدي منفوحة
ساكيهو كيس مفتكروا دي علوية بت الحاج وانتي خليك قريبة
ما تمشي بعيد اسه هو بيجي لانو انا فضحتو ليكم فضحة ماهو
عامل ليكم محامي الحقيقة يا جماعة شبارقة دفعتي في الكتاب
قرينا سوا سوا ما سوا الشريحة سوا مع بعض يعني وبعدين
هو ما شاء الله كان شاطر وان ابلد من الهطلة هو ما واصل
مع انو كان شاطر ومتمنى يطلع محامي عشان كده فكاها فيكم
انو محامي بعدين هو مشى السرحة طوالي وانا من هناك وعلى
الملجة وبمشي وبجي لانو شايفو هداك جاي جاري جري اتخارج
قبل ما يمسكني شتااااااااااااااااااااااااااااات .......

ودوما في رعاية الله وحفظه...
مع كل الود باقة ورد.....

المسافر

28-02-2007, 08:11 AM

طبعاً يا شبروقا أنا منتظر أخر ليك يوم ليك في الكرسي البارد ده
عشان أفت ليك شمار خاص . . .
بس الظاهر في خيانات حاصلة وما بقدر أصبر لأخر يوم

ودمت

Madanawi

28-02-2007, 10:17 PM

يا جماعة انا استأذن ماشي احضر الكرسي بتاع شبارقة لكن شكلي خشيت سوق ام دفسو............

ابورجاء

28-02-2007, 10:32 PM

يا جماعة انا استأذن ماشي احضر الكرسي بتاع شبارقة لكن شكلي خشيت سوق ام دفسو............

الغالي حبيب قلبي ونور عيني مدناوينا
اولا الف الف الف حمد الله على السلامة
ونورت المنطقة يا باشا ياعسلنا ويا قمرنا
ويا شمسا ويا سمرنا ....
ومالو تعال دافس معانا اهو شئ خير من لا شئ...

ودوما في رعاية الله وحفظه...
مع كل الود باقة ورد.....

ابورجاء

28-02-2007, 10:49 PM

يا جماعة انا استأذن ماشي احضر الكرسي بتاع شبارقة لكن شكلي خشيت سوق ام دفسو............

الغالي حبيب قلبي ونور عيني مدناوينا
اولا الف الف الف حمد الله على السلامة
ونورت المنطقة يا باشا ياعسلنا ويا قمرنا
ويا شمسا ويا سمرنا ....
ومالو تعال دافس معانا اهو شئ خير من لا شئ...

ودوما في رعاية الله وحفظه...
مع كل الود باقة ورد.....

مدنيّة

28-02-2007, 10:55 PM

طبعاً يا شبروقا أنا منتظر أخر ليك يوم ليك في الكرسي البارد ده
عشان أفت ليك شمار خاص . . .
بس الظاهر في خيانات حاصلة وما بقدر أصبر لأخر يوم

ودمت

لالالالالالالالالالالالالالالالا
المسافر دا كلام شنو دا
سبب واااااااااحد يخليك تنظر ثانية واحدة عشان تقول الشمارة ماااااااااااافي

يلا ياخ كلنا اذان صاغية

انت لسة ماقلت الشمارة :eek:

تسنيم خالد

01-03-2007, 04:49 AM

ههههههههههههههههههههههه هههههههههه
سبحان الله يعني حالة صعبة

شبارقة الله يصبرك

بنت الرفاعي

03-03-2007, 12:05 AM

مدناوي..؟؟؟؟!!!!:eek:

ود المطامير

03-03-2007, 07:34 AM

أيها المشاهدون الإعزاء
ونواصل تقديم المسلسل المكسيكى الرائع
( شبارقه وااااى واااى نزّلونى )
بطولة أبورجاء وود المطامير ومدناوى ومدنيه
وضيف الحلقات ((( شبارقه )))

ود المطامير

03-03-2007, 07:40 AM

توووووووووووووووووووووش ومن غير رتوش ...........

أخوكم قاع يجهز للعرس ......... ما في زول يسألني .......

وأبقو تلاتة علي الكرسي:

مدندن ام بصلن مكشن

جنا المطامير ابو مخاً خمير ......

أبو رجاء تكوس لي ما تلقا ......
حلم الجيعان عيش

شبارقة

03-03-2007, 11:06 PM

حلم العيش جيعان

ابورجاء

03-03-2007, 11:41 PM

جعان العيش حلم

مدناوية

04-03-2007, 03:45 AM

حشم العيج نلع

m_aminhasan

04-03-2007, 08:40 AM

شبارقة السكاكين كترت عليك عشان كدة انا بخفف عنك شوية واقوليك ناس الشبارقة ناس فعلاً متعلمين انا عندما كنت في المدرسة الابتدائية في ذلك الزمان كان مديرنا على ما اذكر محمود جميل

شبارقة

04-03-2007, 10:02 PM

شبارقة السكاكين كترت عليك عشان كدة انا بخفف عنك شوية واقوليك ناس الشبارقة ناس فعلاً متعلمين انا عندما كنت في المدرسة الابتدائية في ذلك الزمان كان مديرنا على ما اذكر محمود جميل

نتشرف بوجود معنا أخونا m_aminhasan وحبابك عشرة في الشبارقة وفي الكرسي الساخن ...
رأيك شنو تقعد مكاني على بال ما أجي!!!

بنت الرفاعي

04-03-2007, 10:55 PM

شبارقة شرف ,شبارقة وصل ياجماعة !!!!!:confused: :eek:
حمدالله عالسلامة أقصد مبروك العرس!!:D

عماد عبدالشكور

05-03-2007, 03:51 AM

يا شبارقة اصعب سؤال اتسألتو كان شنو لحدي حسي ؟

ود المطامير

05-03-2007, 09:41 AM

شبارقة السكاكين كترت عليك عشان كدة انا بخفف عنك شوية واقوليك ناس الشبارقة ناس فعلاً متعلمين انا عندما كنت في المدرسة الابتدائية في ذلك الزمان كان مديرنا على ما اذكر محمود جميل
والله يا أخوى وماطالبنى حليفه وحاة أمّى وعلى ّ الطلاق طلاق تلاته
أولاد الشبارقه زمان كانوا بيقروا عندنا فى الشرفه بركات والله جد
والله الواحد فيهم يقوم الدغش ويركب ( أبيض ضميرك ) ويخلف الكريعات فوق
الرقبه وينوم وما يصحى إلا الحمار يقيف ويقول تششووو يعطس يعنى
وأصحابى القروا معاى فى الثانويه العامه من الشبارقه فى الشرفه كتار
بس شبارقه جا بعدى بشويه , مش عشان أنا أكبر منو لا لا يا الحبيب الغالى
عشان هو كان بليد وبيعيد فى الفصل الواحد مرتين تلاته .
ويا شبارقه زمان كنتوا بتقروا الثانويه العامه وين ؟

ود المطامير

05-03-2007, 09:43 AM

يا شبارقة اصعب سؤال اتسألتو كان شنو لحدي حسي ؟
والله يا عمده يا فرده ضحكتنى
هو كان قعد للناس عشان يسألوه ؟؟؟

عماد عبدالشكور

06-03-2007, 12:09 AM

والله يا عمده يا فرده ضحكتنى
هو كان قعد للناس عشان يسألوه ؟؟؟

والله كلامك صاااااااااااح هو حايم وخالي الكرسي الساخن بتاعو لمن برد

شبارقة

06-03-2007, 01:00 AM

والله كلامك صاااااااااااح هو حايم وخالي الكرسي الساخن بتاعو لمن برد

بسيطة
البوتوجاز جاااااااااااااااهز

ولا أفزع للحطب ....

يا اخوانا نزلوني خلاص!!

مدنيّة

06-03-2007, 01:14 AM

يا شبارقة اصعب سؤال اتسألتو كان شنو لحدي حسي ؟

والله ياعماد بالغت ادددددددددديل كدا في سعالك دا :eek:

مسعول يعني كدا من الخير انت ما كنت متابع معنا مسلسل شبارقة في الكرسي الساخن :confused:

مدنيّة

06-03-2007, 01:15 AM

بسيطة
البوتوجاز جاااااااااااااااهز

ولا أفزع للحطب ....

يا اخوانا نزلوني خلاص!!

باقي ليك يومين شيل الصبر ساااااااااي
:p

مدنيّة

06-03-2007, 01:16 AM

بسيطة
البوتوجاز جاااااااااااااااهز

ولا أفزع للحطب ....

يا اخوانا نزلوني خلاص!!

باقي ليك يومين شيل الصبر ساااااااااي ;)

عماد عبدالشكور

06-03-2007, 01:27 AM

بسيطة
البوتوجاز جاااااااااااااااهز

ولا أفزع للحطب ....

يا اخوانا نزلوني خلاص!!

تنزل وين هو دخول الحمام زي خروجو

شبارقة

06-03-2007, 05:35 AM

يا شبارقة اصعب سؤال اتسألتو كان شنو لحدي حسي ؟

سؤالك دا........................

شبارقة

06-03-2007, 05:36 AM

تنزل وين هو دخول الحمام زي خروجو

والله المثل دا لليلة ما فاهمو ...
بس على العموم هو أنا قلت دخلوني الحمام؟؟؟

ابورجاء

06-03-2007, 07:09 AM

باقي ليك يومين شيل الصبر ساااااااااي ;)

الغالية عمتي مدنية الطيبة
يا عمتي لكن ما بالغتي ليه تكلميهو خليهو
المطوفش هو اصلا الكرسي قعد فيهو لحدي
يضايق ما كتر خيرك والمطوفش التاني ودالمطامير
ما قصرتو وسديتو ليهو الغياب المتكرر والمتعمد
لكن نقول شنو الحشرة في القندول والناس تكوس للحسانية
بس يا هو المثل زاتو انطبق على شبارقة ......

تخريمة ومشاققة ود الماحي مع بعض:ــــ
الشغل كيف كويس اها البنغالي رجع والا لسه
عشان والله حنيت عليك كل يوم المدير شابكك
يا شبارقة جيب شاي جيب قهوة جيب جيب جيب
مليان عساكر لكن ممكن ارسل ليك بنغالي من
عند اخونا المطوفش :D :D :D :D :D ..

ودوما في رعاية الله وحفظه....
مع كل الود باقة ورد......

مدنيّة

06-03-2007, 10:14 PM

سؤالك دا........................

عشان دا اول سعال تتسال ليه :p

هي نسيت ياشبارقة اخوي معليش بس الطبع غلاب نعمل شنو !! ;)

شبارقة

07-03-2007, 09:09 AM

عشان دا اول سعال تتسال ليه :p

هي نسيت ياشبارقة اخوي معليش بس الطبع غلاب نعمل شنو !! ;)

أنا ما متأسف على حاجة الا اني ما حضرتك على الكرسي الساخن ، وأطالب بعودتك اليه مرة أخرى عاااااااااااااااااااااااااااااجلاً

ود المطامير

08-03-2007, 10:44 AM

أنا ما متأسف على حاجة الا اني ما حضرتك على الكرسي الساخن ، وأطالب بعودتك اليه مرة أخرى عاااااااااااااااااااااااااااااجلاً
وبرضو يا مدنيه .. تقولى عفا الله عما سلف ؟
ولأ يعنى صدقتى الكم بيت الحلوين دولك ؟

شبارقة

09-03-2007, 10:14 PM

وبرضو يا مدنيه .. تقولى عفا الله عما سلف ؟
ولأ يعنى صدقتى الكم بيت الحلوين دولك ؟

أولاً:
شيطانك الماكل الفوتريته والويكة والورق ما متغذي كويس ..
خارم بارم.
ثانياً:
قاعد للفتن ، ومدنية وأنا زي التفاحة وقشرتا ، ولو داير تخش بين التفاحة وقشرتا ما تلوم الا نفسك!

شبارقاوية

05-04-2007, 06:18 AM

والله شبارقة عامل زى الكمبيوتر المعلق يجى يجاوب على الاسئلة كلها ويختفى ويرجع تانى وينزل اجابات كلها ورا بعض ويختفى
شرطتا عينا يا شبارقة