خذ استشارة مجانية

[شبارقة]

تضامناً مع بوست أبوزيد محمد نور .. ورفعة للمنتدى .. لدي اقتراح أعتقد أنه مفيد وهو أن يتقدم كل من لديه استفسار عن أي شيء وفي أي مجال من المجالات المختلفة يكتبه هنا ...
وأكيد من بيننا الكثير من الكوادر الجيدة في التخصصات المختلفة ..


يلا كل واحد عندو استفسار ديني .. سياسي .. اقتصادي .. اجتماعي .. تقني .. قانوني ... طبي ... أو في أي مجال آخر اسأل وبإذن الله تجد من يرد عليك ..
ويلا نستفيد من خبرات بعضنا ...
***
لكم كل الود

[شبارقة]

أنا من زمان بفتش لنسخة من القران الكريم بصوت الحذيفي CD - Mp3
مين يدلني على الرابط وأكون شاكر له ..

[عزيز عيسى]

الأخ شبارقة،

يا سبحان الله فعلا زي ما بقولوا القلوب شواهد.. والله العظيم عندي موضوع مجهزه من
فترة بنفس الفكرة كنت عايز أنزله خلال هذا الأسبوع لكن سبقتني.. كنت عايز أسميه
(من تجاربنا في الحياة)..
صدفة غريبة.
بجيك صاد وأحكي ليك واحدة من هذه التجارب.

مع فائق تحياتي وتقديري

[ود المطامير]

واحد ميكانيكى حريف يحل مشكلتى
كلما أصل سرعة 120 سيارتى تقعد ترجف وتهتز
ولمّا أتخطى سرعة ال 120 تعود طبيعيه .
عاوز حل .
ملحوظه .. الرودات والجامبينات وميزانية التواير كلو تمام

[ابودجانه العباس]

واحد ميكانيكى حريف يحل مشكلتى
كلما أصل سرعة 120 سيارتى تقعد ترجف وتهتز
ولمّا أتخطى سرعة ال 120 تعود طبيعيه .
عاوز حل .
ملحوظه .. الرودات والجامبينات وميزانية التواير كلو تمام

أخوي ود المطامير..

أنا وبلا فخر مولود في مكنه عربيه

يعني دا تخصصي..

بسم الله..

الراديتور عادة بيرفع المويه للمكنه وبترتفع المويه دي مع سرعة العربيه
حتي تصل الي اعلي مستوي لها في المكنه عند السرعه المسموح بيها وهي 120
وانت الظاهر بدل المويه ختيت (ببسيي)فلما يدخل المكنه وعند ال120 بحصل ليها رجفه زي الواحد لما يدخل ليه ببسيي في نخرته...
ودي وجه نظري ...
ودمت..

[شبارقة]

حبيبي أبو دجانة ، حبيبي ود المطامير ...
آمل أن يكون هذا البوست جدي حتى نستفيد ...
***
لكم كل الود

[ابورجاء]

الغالي حبيب قلبي ونور عيني الحبيب شبارقة
فعلا مميز انت دائما وتشكر يا الحبيب وانا بجي اطلب بعدين
لكن جبت ليك طلبك وتحت الخدمة دايما ان شاء الله ول ما عجبك
قول عوك وانا جاهز يا الحبيب:ــــــــ
http://www.mp3quran.net/hthfi.html
ده رابط الموقع يا حبيب قساي وفيه كل ما تحتاجه والاخوة ان شاء الله ...

ودوما في رعاية الله وحفظه....
مع كل الود باقة ورد.......

[ود المطامير]

حبيبي أبو دجانة ، حبيبي ود المطامير ...
آمل أن يكون هذا البوست جدي حتى نستفيد ...
***
لكم كل الود
مكانيكية السيارات تدرس فى المعاهد والجامعات وإنت قلت وأى سؤال فى أى ( مجال آخر )
ومشكلتى فعلاً حقيقيه ولكن الظاهر حكاية الجديه دى اليومين دول بقت موضه .
ولسه منتظر حد عنده فكره عن المشكله دى .

[عزيز عيسى]

يا ود المطامير،

حسب معلوماتي وسؤالي لبعض الميكانيكية بأن الرجفة في السيارة
إنه العجلات بتحتاج الى (ترصيص) أو (وزنة) بالسوداني..
ومرات بيكون السبب من شيالات المكنة.. إحتمال تكون تهالكت
وتحتاج الى تغيير لأن المكنة غير مثبته في مكانها بإحكام..
ويلا خلي واحد عندو فكرة في الميكانيكا يجي يصحح كلامي دا لو ما هو مضبوط.

[ود المطامير]

يا ود المطامير،

حسب معلوماتي وسؤالي لبعض الميكانيكية بأن الرجفة في السيارة
إنه العجلات بتحتاج الى (ترصيص) أو (وزنة) بالسوداني..
ومرات بيكون السبب من شيالات المكنة.. إحتمال تكون تهالكت
وتحتاج الى تغيير لأن المكنة غير مثبته في مكانها بإحكام..
ويلا خلي واحد عندو فكرة في الميكانيكا يجي يصحح كلامي دا لو ما هو مضبوط.
والله يا عزيزنا الغالى فيك الخير وحكاية الشيالات
بتاعات المكنه دى مافى واحد من اللى وديتها ليهم فكروا
ليها وإنشاء الله يوم الخميس بشوف الحكايه دى
وفى ميزان حسناتك يا عزيزنا .
ويا شبارقه أنا كدا إستفدت ومش بعيد
أكون مرقت من حادث محقق .

[zaher]

الاخ / شبارقة التحية لك

هذا الرابط يمكنك من فتح موقع المكتبة الصوتية للقران الكريم وقراءات الشيخ علي الحذيفي
http://www.mp3quran.net/hthfi.html

[شبارقة]

شكراً أبورجاء شكراً زاهر ... لكم كل الشكر وفعلاً الفكرة مثمرة وجميلة ...
أعتقد أنه من الفائدة بمكان تثبيت هذا البوست ...
يا ناس الحيكومة سامعننا ولا لا !!

[Madanawi]

أنا أؤيد كلام شبارقة ولنرفع شعار الجدية في هذا البوست والشكر لكل الشباب لانجاح هذا العمل والشكر موصول ايضا للاخ أبوزيد محمد نور للفت الانتباه.

أنا عندي سؤال اقتصادي.

العملة السودانية تزداد قوة من يوم الى آخر ومع ذلك لا نرى أي تحسن في اسعار العرض في الاسواق الداخلية بل على العكس ربما هنالك زيادات في كل السلع الاستهلاكية وغيرها؟

[الفارس البنفسجي]

امتداداً للسوال عن الجنية السوداني القادم ، سمعنا أنو الجنية حا يساوي 2 ريال سعودي، هل الكلام دا صحي ؟ ولا كان صحي هل تعتبر دي معالجة إقتصادية للجنية السودانية أم معالجة نفسية فقط؟

مع تحياتي للجميع وخصوصاً شبارقة

[شبارقة]

الفارس البنفسجي حبيب قلبي .. لك أنت كل الشكر بمشاركتك الطيبة ...

وينكم يا ناس الاقتصاد؟؟؟

[شبارقة]

نرجو من الجميع عدم البخل بالاجابة على الاستفسارات ، والكل يسهم ،، نسأل الله أن يثيب الجميع

[zaher]

الاخ / مدناوي التحية لك

تغييرهم للعملة ليس فيه سلبيات ولا ايجابيات ... لانه اصلا هو عملية سياسية اكثر منها اقتصادية وانفاذ لاتفاقية نيفاشا .... اللي .... نشفتنا

[admin]

العملة السودانية تزداد قوة من يوم الى آخر ومع ذلك لا نرى أي تحسن في اسعار العرض في الاسواق الداخلية بل على العكس ربما هنالك زيادات في كل السلع الاستهلاكية وغيرها؟
الاخ مدناوي تحياتي واشواقي
على حسب وجهة نظري الاقتصادية اصيغ اجابتي على سؤالك كالاتي:
تنتج قوة العملة من عدة اسباب وتتاثر بعدة عوامل .. ولكن اهمها هو مقابلة الصادرات مع الواردات .. يعني بكلام اقل تعقيدا لفائدة الجميع .. كل من نكون بنصدر اكثر (اكثر قروش موش اكثر مواد) وبنستورد اقل بتكون عملتنا اقوى .. ومعني انو نصدر اكتر معناها اكتفينا ذاتياً وبنصدر ما يفيض لدينا.. ودا البخلي الاسعار تقل لانو عندنا سلع وخدمات ومنتجات مليانة في السوق وبتفيض عن حاجتنا وبنقوم نصدرها ..
في الواقع المعاش في السودان اغلب السلع الموجودة الان بالسوق مستوردة .. وفايضنا المصدر من القليل منها يكاد لا يذكر .. اذن كيف حصلت قوة العملة؟ .. السبب هو انه تم تصدير اضافي في قطاع البترول خصوصا دون الاكتفاء الذاتي منه .. وذلك استفادة من الارتفاع العالمي المشاهد في اسعار البترول في العالم .. حيث كما تعلمون خلال عام 2005 - 2006 كسرت اسعار البترول ارقاما قياسية عديدة ..
وكانت هذه النظرية نتيجة للضغوط السياسية الورادة في اتفاقية السلام السودانية.. حيث البترول اهم نقاطها .. وكان المفهوم العام ان يتم تصدير معظم الانتاج حتى لاتستفيد مناطق من البترول دون مناطق اخرى .. لذا تجد سعر البنزين في ازدياد مستمر في السودان رغما عن زيادة الانتاج.
من المفترض الاستفادة من الواردات من العملة الصعبة في التنمية والتطوير ورفع عجلة الانتاج .. وذلك من شانه العودة الى نقطة زيادة الانتاج وانخفاض الاسعار .. ولكن للاسف الزيادة تستخدم في تغطية الانفاق الحكومي المستمر في الزيادة .. لذا من غير المتوقع ان يحصل انخفاض في الاسعار في الوقت الراهن.


امتداداً للسوال عن الجنية السوداني القادم ، سمعنا أنو الجنية حا يساوي 2 ريال سعودي، هل الكلام دا صحي ؟ ولا كان صحي هل تعتبر دي معالجة إقتصادية للجنية السودانية أم معالجة نفسية فقط؟


عزيزي الفارس البنفسجي كما ذكر لك الاخوة كانت المعالجة سياسية بحتة .. ولكن بالنسبة لاثرها الاقتصادي فاعتقد انه ستكون ذات اثر سلبي .. وذلك لعدة اسباب اهمها .. التكلفة العالية لعملية تغيير العملة والتى كنا في غنى عنها .. حيث سيضطر الشعب السوداني لدفعها .. اضافة الى ارتفاع الاسعار المتوقع نتئجة لعملية التغيير هذه.. وارجو ان لاتنسي الاثار النفسية والاجتماعية المترتبة على مثل هذا التحول.

[بنت الرفاعي]

أخي الفارس البنفسجي فعلا الجنيه بريالين وده بالتأكيد مافي صالح أي سوداني مغترب وعندو التزامات داخل السودان وبصراحة تغيير العملة حاليا ماعامل شي كدة بيقولوا عليهوا غير انو غير من دينار لجنيه وعمل جهجهه للناس وبقوا ما عارفين يتعاملوا بألف جنيه ولا واحد جنيه مع انو الاتنين واحد!! لكن مع الوقت الناس احتمال تقدر تتعامل معاهم ,وحقيقة الورق الجديد بغض النظر عن انو أفاد الاقتصاد ولا لا شكليا جميل وفيهو مايجعل عملية التزوير صعبة!
وانشاءالله التغيير ده يعمل شي في الاقتصاد العام بس الله يهدي ناس الحكومة
ويخلوا الاقتصاد تمام لأنو البلد اقتصاده نوعا ما لا بأس به وفيها قروش كتييييييرة ولو وزعوها على المواطنين لجعلت من السودان بلدا غنيا لكن الحكومة زي ما قال أخي أدمن زيادة الانفاق عندهم, المشكلة مافي زيادة الانفاق لكن في انو الانفاق ده نوعوا شنو! ولو عرفتوا القروش دي بتروح وبتنفق كيف وفي شنو ووييييين.......................................... ....!!!!!!!!