لو كنت القاضي

[شبرقية]

بماذا تحكم علي المتهم بوش?



سالت والدي هذا السوال وكانت الاجابة عكست ماتوقعت وعكس ماقد يقول كثير منكم


كانت اجابتة




ادخلة مصحة علاج نفسي





فما هو ردكم انت اخوتي

لكم كل ودي

[عماد عبدالشكور]

اختنا شبرقية انا حكمي اغرب من حكم والدك ربنا يحفظه ليك !!!!!!!
ادخل حكامنا العرب مصحة نفسية عشان يتخلصوا من حب السلطة ويتخلصوا من الولاء والطاعة المفرط (لدرجة الفزع) من الارهابي بوش
رايك شنو انت ؟

[شبرقية]

والله بستاهلو دا لو بينفع فيهم ???????
بس بوش........... بيستاهل شنو ماعارفة

[شبندر]

الأخت شبرقية الموضع بيكون ليه جوانب آخري وبيترتب عليها أشياء كثيرة والحكم بيتوقف على جنسيتي وأي دولة أنتمي إليها
أولاً : لو كنت قاضي من أي دولة من دول العالم ذات السيادة والقرار لحكمت على بوش بعقوبة جرائم الحرب كلها وبعقوبة الأرهاب .
ثانياً :أما إذا كنت من دول العالم الثالث وخاصة لو كنت عربي بحكم عليه بالبراءه من أي تهمة موجه وأحاكم الأشخاص الذي أحالوا بوش للمحاكمة ( حماية مصالح يا أخت ) أو بمعني عربي خواف

[الفارس البنفسجي]

والله اخونا عماد قال الكلام الصح، بوش ذنبو شنو؟ ظالم ، حقار؟ دكتاتور ؟ دا كلو ما مهم لانو مشكلتنا ما عند بوش مشكلتنا عندنا نحن.
وانا لو عاوز احكم على بوش بقول أعملوا ليه غسيل مخ .. لكن بجي بوش تاني ... والله مشكلة العرب دي إلا إحلها فكي مكرّب.

[المسافر]

والله حراااااااااااام عليكم ما بتستاهل
ليه تودوه المصحة النفسية عشان شنو
بس . . . مالا المشنقة مش أحسن ليهو

[sami_alkaer]

انا بسوي ليه شربات ليمون










فيهو سم يتسمم بيه

[بت الشبارقه]

لا الحكام عندهم ذنب ولا بوش امريكا عندو الذنب العيب فينا نحن الشعوب لو كنت قاضي بحكم علي الشعوب العربيه يترشوا بي مويه باااااارده ثلج عسى ولعل يصحوا شويه ويخلو الشماعه الاسمها الحكام وبوش واللي اغلبهم بيعيشو تحت رعايته في امريكا

[okasha]

اولا: ابوى قال ابعد من القضاء

ثانبا: قال لى متتكلم فى السياسة












تحت تحت بقول ليك


ما بحاكمو



عشان القلم مرفوع عنو(مجنوووووووووون)

[شبرقية]

لا الحكام عندهم ذنب ولا بوش امريكا عندو الذنب العيب فينا نحن الشعوب لو كنت قاضي بحكم علي الشعوب العربيه يترشوا بي مويه باااااارده ثلج عسى ولعل يصحوا شويه ويخلو الشماعه الاسمها الحكام وبوش واللي اغلبهم بيعيشو تحت رعايته في امريكا


يابت اهلي الشعوب بيدها شنو.?????????

[شبرقية]

اولا: ابوى قال ابعد من القضاء
انا ماقلت راي والدي الا لان الوالد قانوني



ما بحاكمو



عشان القلم مرفوع عنو(مجنوووووووووون)





هو رايك بس مابيختلف عن راي الوالد كتير سواء حوكم او لا فهو كماقلت مجنووووون

[عوض صقير]

العضو شبرقية

أنا لو كنت القاضى بحكم على بوش
بألغاء جنسيته الأمريكية
ومنحه الجنسية الأسرائيلية

وأيداعه فى إحدى السجون الفلسطينية
وعدم الأفراج عنه إلا بعد تحرير فلسطين والمسجد الأقصى من دنس اليهود

وتحويله بعد ذلك إلى العراق
ووضعه فى حوض بترول ليشرب منه حتى الموت

[طلال يوسف الحاج]

الحكم على بوش ماعايز لف ودوران التعذيب والقتل بالبطيء جداً وما نرمي اللوم على حكامنا ولا على شعوبنا ، ، حكامنا هم قالوا الي بوش أو أي حاكم من الغرب تعالوا دمروا فلسطين أو دمروا العراق ولا إتحشروا في دارفور ولا مذبحة صبرا وشاتيلا ولا مذبحة البوسنه والهرسك ولا خططو لي إغتيالات كل ده من حكام الغرب المخطط كبير جداً جداً لو تم الكش عنو لما تردد واحد بجري في دمه العزة والكرامه وحب الدين والوطن في قتله مع سبق الإصرار والترصد وكفايا نلوم ناس ما بتملك حاجه فاقد الشئ لا يعطيه

[بت الشبارقه]

أنا لو كنت القاضى بحكم على بوش
بألغاء جنسيته الأمريكية
ومنحه الجنسية الأسرائيلية
وأيداعه فى إحدى السجون الفلسطينية
وعدم الأفراج عنه إلا بعد تحرير فلسطين والمسجد الأقصى من دنس اليهود
وتحويله بعد ذلك إلى العراق
ووضعه فى حوض بترول ليشرب منه حتى الموت

يا ابو الشباب القال ليك منو فلسطين عندها سجون ؟ والقال ليك منو العراقيين رضيانين يحاكموا بوش لو كانو كده كان عملوا خطوه ايجابيه بدل ما يقعدوا ييذبحوا في ابنائهم الفلسطينيين برغم الحاصل وحبة الانتفاضات البيعملوها الا انهم استحلو (بقت ليهم حلوه) فكرة الارض المحتله لو داير تحاكم بوش امش دافر عديييييل ونفذس الاعدام فيه..لكن وحاتك العرب ببقوا في حالهم دا وبيجيبوا مليون بوش جديد.

[بت الشبارقه]

أنا لو كنت القاضى بحكم على بوش
بألغاء جنسيته الأمريكية
ومنحه الجنسية الأسرائيلية
وأيداعه فى إحدى السجون الفلسطينية
وعدم الأفراج عنه إلا بعد تحرير فلسطين والمسجد الأقصى من دنس اليهود
وتحويله بعد ذلك إلى العراق
ووضعه فى حوض بترول ليشرب منه حتى الموت

يا ابو الشباب القال ليك منو فلسطين عندها سجون ؟ والقال ليك منو العراقيين رضيانين يحاكموا بوش لو كانو كده كان عملوا خطوه ايجابيه بدل ما يقعدوا ييذبحوا في ابنائهم كل يوم الفلسطينيين برغم الحاصل وحبة الانتفاضات البيعملوها الا انهم استحلو (بقت ليهم حلوه) فكرة الارض المحتله لو داير تحاكم بوش امش دافر عديييييل ونفذ الاعدام فيه..لكن وحاتك العرب ببقوا في حالهم دا وبيجيبوا مليون بوش جديد.

[بت الشبارقه]

الاخ طلال يوسف الحاج
ان معاك انو القتل بالبطيء ما حق بوش لكن ايوه حكامنا هم اللي نادوهم ....صدام رحمه الله استعان بيهم في حربو علي الكويت وهم المدوه بالاسلحه ولو قريت الامثال بتاعة بدرينا في مثل بيقول:(السوتو كريت في القرض تلقاه في جلدا) وبعد ما صدام عاداهم معارضنو حالفوهم عشان اقضو عليه اها انت براك شايف البحصل شنو .. الاول جور الحاكم والتاني جهل الشعب مش المعارضين ديل برضو من الشعب؟
دارفور....... دار الفور دي براها كمان قصه المثل البيقول الناس في شنو والحسانيه في شنو دا زاتو حقهم , السودان يادوب بيجر في نفسو من حرب الاربعين مع اخوانا اللي في الجنوب ... تلب الهمباته ان صح التعبير جو ناطين جاطو الدين مع الدوله واثروا علي القلوب الضعيفه المليانه غيره علي الوطن وسووا السلطه هي الظالم .
هم اللي مشوا, كان الحكام كان الشعب القلبوا ضعيف ونادوهم يقيفوا معاهم وفي الاخر نحن الضايعين
ولو قروا الايه9من سورة الحجرات ما كان الحاصل ده كلو حصل

( بسم الله الرحمن الرحيم
وان طائفتان من المؤمنين اقتتلوا فاصلحوا بينهما فان بغت احداهما على الاخرى فقاتلوا التي تبغي حتى تفيء الى أمر الله فان فاّءت فاصلحوا بينهما بالعدل واقسطوا ان الله يحب المغسطين )صدق الله العظيم

[عوض صقير]

بت الشبارقة

القال ليك منو فلسطين مافيها سجون ؟
والقال ليك منو العراقيين ماقاعدين يعملوا خطوة إيجابية ؟

والدليل على ذلك تزايد عدد القتلى من الجيش الأمريكى بالعراق

العراقيين عاوزين يحاكموا بوش ونص

ولكن ما باليد حيلة

وجماعتنا واقفين إتفرجوا

[بت الشبارقه]

عوض صقير




القال ليك منو فلسطين مافيها سجون ؟

فلسطين سجنت ليها اسرائيلي واااااااااااااحد الاسرائيليين قتلوا بلده كامله عشان احرروه
طيب الاسرائيليين ديل ما حابسين اّلاف اللبنانيين والسوريين والفلسطينيين رد الشعوب العربيه كان شنو؟(نحن نشجب وندين و..............) الهتافات العقيمه اللي لا بتجيب ولا بتودي وهم بيهتفوا عارفين ده كويس ونمشي بعيد لي شنو .. نحن ما جزء من الشعب لو انا لو انت حسي قاعدين نعمل شنو عشان الاسلام او الوطن اللهم الا الصلاه والدعاء ودي ما كعبه الكعب انو الشعوب المسلمه كلها عامله كده وربنا امرنا بالسعي والعمل والصلاه والدعاء ما نعمل شيء ونغض الطرف عن الباقي

والقال ليك منو العراقيين ماقاعدين يعملوا خطوة إيجابية ؟
والدليل على ذلك تزايد عدد القتلى من الجيش الأمريكى بالعراق
العراقيين عاوزين يحاكموا بوش ونص

الخطوه الايجابيه ما معناها انو اقعد افجر في الناس , وشوف قصاد كل جندي امريكي بيموت كم طفل وكم ام وكم اب والذنب الوحيد انهم من العراق انت عارف بعد ما يجلوا الامريكان من العراق حا تفضل ارض فاضيه لا فيها انس ولا جن الا هاروت وماروت
وانا قلتها ولسه بقولا رغم انو كلامي ما بيتعدى البوست ده حاكمو انفسكم يا العرب والمسلمين عشان تقدروا تحاكموا بوش والمجرمين السلبوا حرياتكم ولو كل دوله وسطت دوله مسلمه لفك النزاعات الحاصله فيها مافي غربي ولا غيروا يقدر عليها

[Madanawi]

يا شبرقية هل بوش متهم ، وهل من احد يجرؤ على مثل ذلك الاتهام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ود حنتوب]

أنا حاستقيل لاننى لن اسمح لنفسى بأن احاكم مثل هذا الوغد الأشر ....

ده منه لله ياخى والله ينتقم منه بس ....

[meshanshow]

انا حكمي غريب شويه
بحكم عليهو
بالمؤبد و كل يوم اديهو 500 سوط و توضع الشطه علي المناطق الحساسه

[MASS77]

لو كنت القاضي
كنت سأدير عقلي والتفت اليه واضعه امام تلفاز طوال اليوم
وادير الشريط تلو الاخر كنت سأريه فنون القتل في فلسطين وضرب
النساء وتعذيب الكهول وكسر ايادي الشباب وتدمير المساكن فوق الاطفال
كنت ساجعله ينظر الي ملايين القبور وملايين صلوات الجنازات والتشييع
كنت ساريه دموع الامهات وعويل الاخوات ودموع مرارات الزوجات وغبن الاخوات
كنت ساريه قهر الرجال ودماء الاحرار وويلات المعتقلات
اجعله يتامل كوارث افغانستان ونكبة بغداد وحرقة العرب
كنت ساجعله يتامل الاطفال الضائعين في كل العالم واريه ملايين الارامل
وملايين الاباء المفجوعون وملايين اليتامي
بعدها سادعوه ان يحكم علي نفسه بما يراه مناسبا