العلاقات الإنسانية والعاطفية عبر النت بين النجاح والفشل

[الفارس البنفسجي]

في عالم النت العجيب ونوافذه السحرية اتعرفت على بنات وأولاد كتار جداً من السودان وخارج السودان ، سودانيين وغير سودانيين ومن هذه العلاقات من فشلت لظروف واسباب مختلفة ومنها من نجحت وأستمرت لفترة طويلة ثم انقطعت ومنها ما هو مستمر حتى الآن ، ونسبة لما تشكله هذه الخدمات الإلكترونية الجديدة في النت مثل الماسنجرات وبرامج الدردشة وساحات المنتديات من طفرة نوعية في عالم الإتصال ونسبة للزيادة الكبيرة في عدد مستخدمي النت، فنقرأ عن مئات بل آلاف العلاقات التي نشأت بين فلان وفلان أو فلان وفلانة ... بل وصلت هذه لدرجة الخرافة.

إذن هذه التكنولوجيا أثرت في حياة الكثيرين منا وسوف تؤثر في حياة الكثيرين إيضاً، يا ترى هل اثرت في حياتكم انتم؟ على مستوى العلاقات الإنسانية والعاطفية؟ ومن أهم هذه العلاقات الحب والصداقة، فهل ممكن الإنسان يحب عبر النت؟ وهل سوف تنجح أم ستفشل؟ وهل ممكن تكوين صداقات عبر النت؟ وهل سوف تنجح أم ستفشل؟

نأمل مشاركة الجميع ولو استعنتو بي تجاربكم للتوضيح يكون افضل

مع تحياتي

[الفارس البنفسجي]

وينكم يا نااااااااااااااااااااااااس شاركونا

[تسنيم خالد]

الفارس البنفسجي طرح جميل


انا اديك البداية عن تجربتي

كونت صداقات لا باس بها والحمد لله حتي الان علاقتي مستمرة
بمن اتعرفت بيهم ...لكن لا اخفيك انو قد تقع من حد لا يقدر مفهوم
مثل الصداقة لكن انا الحمد لله محظوظة خالص وربنا يديم المودة بينا
وفي كتير منهم علاقتي معاهم مستمرة قرابة السنتين وكلو عبر النت لانو
الظروف ما بتسمح لينا نلاقيهم....من سفر وغربة وخلاف دة...
تاثرها كبير جدا علي حياتي ورتني ناس حبوبين وعشرتهم حلوة
وبتمني بالجد تستمر لقدام

علي صعيد العاطفة ما عندي تجربة زي دي بس بقول انو عندي امثال
لناس دخلوا علاقات من نوع زي دة عبر النت والحمد لله اتوفقوا
ودي ما بتحصل كتير نسبة لانو الواحد ما بقدر يضمن صدق الشخص
الموجود خلف الشاشة لانو موضوع العاطفة حساس جدا خلاف الصداقة
الصداقة انت بتحب صديقك من غير مقابل ومن غير شئ متوقع غير القبول
اما في العاطفة الوضع بختلف لانو بتكون حزر في التعامل لانو الحكاية فيها
خوف علي القلب وكدة.......دة بصورة عامة بس دة ما يمنع انو في نجاحات حصلت




دمت

[الفارس البنفسجي]

اولاً متشكر على المداخلة
اعتقد انو مداخلتك واقعية جداً وكل ما ذكرتيه بحصل فعلاً ... لكن مداخلتك ذكرتني حاجة اتمنى الناس تراعياه وهي بتكتب مداخلاتها وهي مسألة العاطفة خلف الشاشة.

في انتظار وجهات نظر أخرى.

سلمت يا تسنيم ودمت كما عهدناك بحراً من العطاء

[المسافر]

مشكور يالفارس بالبنفسجي على الطرح الجميل . . .

والله علاقات المنتدى جميلة وخصوصاً إلى تستمر وبدل ما تبقى عبر النت تبقى مباشرة . . . وهنا يجوز لعلاقات المنتدى إن تتطور إلى أن تصبح لدرجة الحب . . . ولكن عبر النت من دون لقاء من وجهي نظري ستكون فاشلة لأن الإنسان مهما بقى صادق مع نفسه وسرد كل تفاصيل حياته وسيبقى هنالك أشياء صعب التطرق لها ولا تظهر إلى مع اللقاءات بالرغم من أنني أعلم علاقة بنيت على هذا الأساس وهي قائمة واثمرت الآن .

ودمت يا الغالي

[Madanawi]

يا شباب النت دا صداقة وفردنة واحساس صادق بالصداقة والاخوة وبس، اما ما عدا ذلك فانا احذر نفسي وكل الشباب من الدقسة التي قد تكون عواقبها وخيمة . أما اذا كانت النت بداية لمشروع حضاري يمتد لفترة طويلة ويتم التعرف عن قرب فيما بعد فربما يكون النجاح وارد ، ودمتم واعملوا حساب الدقسة . لانو انا بعرف ناس دقسوا واتلحسوا.

[الفارس البنفسجي]

مشكور يالفارس بالبنفسجي على الطرح الجميل . . .
والله علاقات المنتدى جميلة وخصوصاً إلى تستمر وبدل ما تبقى عبر النت تبقى مباشرة . . . وهنا يجوز لعلاقات المنتدى إن تتطور إلى أن تصبح لدرجة الحب . . . ولكن عبر النت من دون لقاء من وجهي نظري ستكون فاشلة لأن الإنسان مهما بقى صادق مع نفسه وسرد كل تفاصيل حياته وسيبقى هنالك أشياء صعب التطرق لها ولا تظهر إلى مع اللقاءات بالرغم من أنني أعلم علاقة بنيت على هذا الأساس وهي قائمة واثمرت الآن .
ودمت يا الغالي
متشكرين على المداخلة ودمت كما عهدناك
سلمت يداك

[الفارس البنفسجي]

يا شباب النت دا صداقة وفردنة واحساس صادق بالصداقة والاخوة وبس، اما ما عدا ذلك فانا احذر نفسي وكل الشباب من الدقسة التي قد تكون عواقبها وخيمة . أما اذا كانت النت بداية لمشروع حضاري يمتد لفترة طويلة ويتم التعرف عن قرب فيما بعد فربما يكون النجاح وارد ، ودمتم واعملوا حساب الدقسة . لانو انا بعرف ناس دقسوا واتلحسوا.

مشروع حضاري دي حلوة وعجبتني شديد

وشكراً على المداخلة الرائعة من شخص رائع كقامتك

[الفارس البنفسجي]

ممكن تعارف النت يكون مجدي للصداقة
لكن هل ممكن يكون مجدي للزواج ؟

مجرد تسآل ووجهة نظر

[مصريه]

اولا احب اشكرك علي طرحك للموضوع
ووالله انا من راي النت للصداقه لانك بتكون في صداقات كتير
بس مااظن انوه يكون للحب
لانهااكيد حتفشل
لانك بتكلم زول ما تعرف شكلوه شنوولا جنسوه شنوه
وتحياتي ليك

[الفارس البنفسجي]

تشكري على المرور يا مصرية
وعلى وجهة النظر

دمت كالنيل العظيم
شامخاً مليئاً بالخير والنماء

[محمد السر احمد]

ممكن تعارف النت يكون مجدي للصداقة
لكن هل ممكن يكون مجدي للزواج ؟

مجرد تسآل ووجهة نظر
انا معاك الصداقة عبر النت حلوة وممكن تكون صادقة لحد كبير
لكن الزواج عبر انا في راي الشخصي ما اظن يكون ممكن لانو النت ما كافي لمعرفة ما بدواخلنا
وشكرا كتير علي الموضوع

[الفارس البنفسجي]

انا معاك الصداقة عبر النت حلوة وممكن تكون صادقة لحد كبير
لكن الزواج عبر انا في راي الشخصي ما اظن يكون ممكن لانو النت ما كافي لمعرفة ما بدواخلنا
وشكرا كتير علي الموضوع

ألا تعتبر هذه إزدواجية ... بمعنى أن تخاطر بتكوين صداقة على النت وتعرضها أم للنجاح أو الفشل
ولا ترضى ذلك على الزواج ؟
وما تنسى انو الزواج نفسوا معرض للنجاح والفشل حتى لو شفت شريك حياتك قبل ما تتزوجو؟
إذن أين المعادلة الصحيحة؟
مجرد تساؤلات ، وتشكر اخي محمد على المرور

[ابوزيد محمد نور]

موضوع رائع يلامس الواقع الذي نعيشه والعصر الذي نعاشره ...

من وجهة نظري لاحب في المنتدى او الماسنجر ...

يكون اعجاب نعم ( اعجاب وان يكون غالي وعزيز ) ...

ولكن حب لا اعتقـــــــــــــــــــــــــــد ...

فهناك الكثير من البنات والشبان يوهمون انفسهم بالحب
ولكن هذا ليس بحب وانما اعجاب من ناحية البنت / الشاب ايضاء ......


وهذا من وجهة نظري

شكرا لك الفارس البنفسجى على تميزك واطلالتك الرائعة

[مدنيّة]

ممكن تعارف النت يكون مجدي للصداقة
لكن هل ممكن يكون مجدي للزواج ؟

مجرد تسآل ووجهة نظر


ود جيرانا تبعا انا خارج السؤال التاني بالنسبة لي :p بس برد ليك من وجهة نظري المتواضعة

نبدا ونقول انه النت دا وسيلة زيها وزي اي وسيلة تانية يعني اتنين اتلاقوا في جامعة في مواصلات في حفلة كل دي وسائل بس المشكلة انه النت وسيلة جديدة علي الناس

انا دائما بقول انه زي زمااااااااااااااان في السبعينات كدا لما كانت البنت بتجيب واحد زميلها من الجامعة وتقول عايزة تتزوجه طبعا دي كانت حاجة غريبة جدا والناس مابتوافق عليها بس جاء لف الزمن وهسي اصبحت اكتر من عادية بل بالعكس يعني الواحدة اللي ما بتتزوج قريبها ح تتزوج زميلها لو في الدراسة او الشغل وانا بقوليك انه الزواج عن النت ح يجي عليه زمن ويصبح حاجة عادية جدا بالنسبة لاولادنا ولما نقول عبر النت نفهم انه وسيلة التعارف الاولي كانت النت


وبالنسبة للصداقة الحمد لله انا شخصيا عندي صداقات كتيرة بالنت والحمد لله مستمرة وممن نكون اقرب لبعض من الناس اللي عائشين وسطهم يعني اديكم مثال هسي انا وسوار دي من الصباح في اجهزتنا وبنعرف اخبار بعض ولو حصل اقل موقف في نفس اللحظة بنعرفه وهي قريبة لي اكتر من الشخص اللي معاي في المكتب مع اني بتعامل معاها من خلال الجهاز والشخص اللي معاي تعاملي مباشر معاه


اسفة للاطالة بس الموضوع مشوق
تشكر ياود جيرانا

[الفارس البنفسجي]

موضوع رائع يلامس الواقع الذي نعيشه والعصر الذي نعاشره ...
من وجهة نظري لاحب في المنتدى او الماسنجر ...
يكون اعجاب نعم ( اعجاب وان يكون غالي وعزيز ) ...
ولكن حب لا اعتقـــــــــــــــــــــــــــد ...
فهناك الكثير من البنات والشبان يوهمون انفسهم بالحب
ولكن هذا ليس بحب وانما اعجاب من ناحية البنت / الشاب ايضاء ......
وهذا من وجهة نظري
شكرا لك الفارس البنفسجى على تميزك واطلالتك الرائعة

تسلم كتير يا شيخ ابو زيد وانا طبعاً بتفق معاك في الكلام اللي قلتو كلو ، وفي نفس الوقت ذكرني
سوال مهم.
كتير من السوادنيين وبالذات المغتربين بعرسوا بالصور . فالسوال هل ممكن تتزوج عن طريق النت يعني مثال : تتعرف على بنت في النت، ترسل ليك صورها ، تشوفها في الكام؟ تكلم أهلها يعملوا العقد بناءً على قناعات شوفك ومعرفتك ليها من خلال النت؟
السوال دا لي أبوزيد ولي جميع الأخوة في المشاركين؟

[الفارس البنفسجي]

متشكرين جداً اخت على مدنية ، وكلامك واقعي جداً ومقنع ومنطقي واعتقد أنو أغلب الشباب
حا يقتنعوا بيهو ، وياريت تدينا وجهة نظرك في السؤال اللي طرحتو للأخ ابوزيد في الرد السابق دا.

تشكرين مرة تانية على المداخلة الرائعة
والمؤثرة اختنا مدنية

[مختار بازى]

هاكم تجربتي مع العلاقات فلدي عدد لا يتصورة احد منكم واللة اعلم بما اقول معظمها من الجنس الخشن ولكني اقمت علاقة عاطفية مع واحدة من الصين تتحدث الانجليزية وما زالت العلاقة مستمرة حتي اننا تقابلنا في مصر كانت واسرتها في زيارة سياحية للاهرام .وانا متاكد من انك ستسغرب لو قلت انها التي اصرت علي الاسرة بزيارة مصر في زلك التوقيت حتي نلتقي واللة علي ما اقول شهيد

[ابورجاء]

الغالي الحبيب الفارس البنفسجي
تسلم والله على الموضوع الجميل والشيق
والخطير والمتشعب ووووو كتيرة ما بتكمل
ندخل توش في الموضوع.........
فهل ممكن الإنسان يحب عبر النت؟جدا لو بمفهوم الحب عموما
بغض النظر عن نوع الحب دي طبعا تحتها مليار خط واحمر كمان......
وهل سوف تنجح أم ستفشل؟ دائما الحب الصادق ناجح بكل المقايس ...
وهل ممكن تكوين صداقات عبر النت؟عييييييييك ما اكترها من صداقات النت
وتجارب شخصية طبعا بالمشاعر الالكترونية وفي النهاية الصداقة هي تنشأ
عندما تلتقي الاهتمامات والميول والافكار كل واحد يفسر على كيفو....
وهل سوف تنجح أم ستفشل؟ لا فشل مع الصدق والصداقة هي شقيق الصدق....
وتسلم دشليون مرة يا حبيبنا الفارس الارجواني ابو لون فوشيا :D :D :D

ودوما في رعاية الله وحفظه....
مع كل الود باقة ورد.....

[المها]

شكرا اخى الفارس البنفسجى على الموضوع الحساس........ فى اعتقادى ان تلاقى اى اثنين سواء عبر النت او اى مكان اخر هو لحكمة ونقول بالدارجى كدة قسمتهم بمعنى انو نحنا بدل نقعد نعاين انو العلاقة كانت عبر النت او غيرها نشوف الحكمة من التلاقى فى حد ذاتو شنو؟ ونوسع افقنا ونقول انو تلاقى اى روحين هو مسطر من عند المولى عز وجل بس كيف ووين؟؟ دى بتبقى حاجات فرعية وماضرورى نقيف عندها كتيربس ليه خلينا نتكل عندها شوية المهم فى الموضوع انو مانجرى وراء الوهم ونعيش معاهو خلينا دايما مفتحين ومنفتحين عشان الدقسة ماتحصل

[صالح شرف]

صَدقا كنتُ مُنتظراً لواحدة(فقط) من مشاركاتك
لادخل عبرها الي عوالم هذا البنفسجي...
ويبدو أني وجدتها(اخشي من انفعالي ان افعل فعلة ذلك المكتشف...أنت تعرفه يا (استاذ)صحيح)
العلاقات العنكبوتية
نسبة للشبكة بذات المُسمي
اولا يا فارس الالوان
هذه العلاقات في الاصل والاساس
تُبني علي الوهم
وما ينجح منها يكون حائط استناد العلاقة في المبدأ الجرأة ثم المجازفة فما من عاقل يكشف اوراقه لمن لايعرف عنه الكثير هذا في اول العلاقة طبعا
ثانيا..يا ملك الاساطين الملونين
فكرة التعلق باحدهم عبر (النت)قد تنجح لمن لا تفتح امامهم ابواب العلاقات الطبيعية(المحرومين)و(المنشغلين جدا)والانهزاميين...

صدقني أود المواصلة ولكن علي ان اختتم برامج اذاعة ودمدني لهذا اليوم


الي لقاء

[جيفارا]

ود جيرانا تبعا انا خارج السؤال التاني بالنسبة لي :p بس برد ليك من وجهة نظري المتواضعة

نبدا ونقول انه النت دا وسيلة زيها وزي اي وسيلة تانية يعني اتنين اتلاقوا في جامعة في مواصلات في حفلة كل دي وسائل بس المشكلة انه النت وسيلة جديدة علي الناس

انا دائما بقول انه زي زمااااااااااااااان في السبعينات كدا لما كانت البنت بتجيب واحد زميلها من الجامعة وتقول عايزة تتزوجه طبعا دي كانت حاجة غريبة جدا والناس مابتوافق عليها بس جاء لف الزمن وهسي اصبحت اكتر من عادية بل بالعكس يعني الواحدة اللي ما بتتزوج قريبها ح تتزوج زميلها لو في الدراسة او الشغل وانا بقوليك انه الزواج عن النت ح يجي عليه زمن ويصبح حاجة عادية جدا بالنسبة لاولادنا ولما نقول عبر النت نفهم انه وسيلة التعارف الاولي كانت النت


وبالنسبة للصداقة الحمد لله انا شخصيا عندي صداقات كتيرة بالنت والحمد لله مستمرة وممن نكون اقرب لبعض من الناس اللي عائشين وسطهم يعني اديكم مثال هسي انا وسوار دي من الصباح في اجهزتنا وبنعرف اخبار بعض ولو حصل اقل موقف في نفس اللحظة بنعرفه وهي قريبة لي اكتر من الشخص اللي معاي في المكتب مع اني بتعامل معاها من خلال الجهاز والشخص اللي معاي تعاملي مباشر معاه


اسفة للاطالة بس الموضوع مشوق
تشكر ياود جيرانا





دا كلام صاح وممكن ونص وماهي الا وسيلة تعارف لا أكثر ولا أقل

[HaSsOoN]

شكرا ليك يالفارس البنفسجي على طرحك للموضوع دا.......بالنسبه لرأيي في الموضوع دا بعتقد انو الكثير من العلاقات مهما كانت عبر النت بتكوت عرضه للنجاح والفشل ودي بتعتمد على جديه الطرفين ومدى فهمهم للعلاقه .....يعني انا عندي العديد من الاصدقاء من سنين طويله اتعرفتا عليهم عن طريق النت وكبرت المعرفه واتلاقينا ونعم الاصدقاء .....لاكن برضوا في نوعيه من العلاقات لاتتجاوز حد النت يعني في ناس يقول ليك خلينا net friends ودي طبعا على حسب فهم الشخص .....وبالنسبه للعلاقات العاطفيه ((الحب)) دي بتعتمد على الطرفين ..وانا شايفا انو من النادر ماتلاقي جديه ...وانا بعرفا عدد من الناس ارتبطوا بعلاقات زي دي عن طريق النت في منهم الاتوفق واتزوج في منهم الماكمل العلاقه .........

واسف على الاطلاله ياحبايب

ومره تانيه يديك العافيه يافارسنا على موضوعك الجميل

[mohammed_76]

مشكور يالفارس بالبنفسجي على الطرح الجميل . . .

[عمار هبّار]

البنفسجي ..
أشكراً على هذا الموضوع الجميع وبما أننا في نطاق النت فمن واجبنا التطرق أولاً لهمومة ومشاكلة ومحاولة ثبر أغوارها ..
أولاً : بالنسبة للعلاقات في النت مشكلتها أنها يحكم عليها بالنفشل قبل أن تبدأ لذلك تجد الطرفين غير جادين وعدم الجديد هذا يضع العلاقة في مهب الريح حيث أنها حتى ولو خلقت لم تستمر كثيراً .
ثانياً : رغم هذه النظرة السلبية إلاّ أن مساحة التعارف عبر النت أكبر من التعارف مباشرة فوقتنا وحريتنا في النت أكبر منه في الحياة العامة ، ولكن هل كل ما نقول وكل مايقال حقيقة أم لمجرد التسلية واللعب بعقول وقلوب الآخرين ؟! .
ثالثاً : الإطار الذي نتعارف من خلاله له الأثر في شكل العلاقة ومصداقيتها .. فالذي أعرفه عبر منتدى ود مدني مثلاً غير الذي أعرفة في الياهو أو التاقد ..
هذه محاولة بسيطة مني لتوضيح أسباب النجاح والفشل ولي عودة ..
لك التحية والإحترام ..

[نور عبدالله]

الفارس البنفسجي ......... شكرا لطرحك هذا الموضوع الهام . اعتقد المسالة انو الواحد بعرف وحده وبكون في تواصل دائم معاها وبتناقشوا في كل المواضيع وبسالها من تفاصيل كتيرة في حياتها ( واذا كذبت فهي ممكن تكذب في اي حال ) وبشوفو بعض دائما وبعد فترة كل واحد بعرف شخصية التاني وده كلوا من خلال النت .. وكدة اعتقد انو الشبكة ادت المهمة الاولى وهي التعارف بنية الزواج اما قرار الزواج في حد زاتو فبرجع لعوامل اخرى يعني راي الاهل مثلا ... وفي النهاية التعارف عن طريق النت بغرض الزواج عادة مايكتب له النجاح على حد معرفتي .. وانا بعتبر انو النوع ده من الزواج احسن من انواع اخرى من صور الزواج التقليدي زي زواج الصور او شرائط الفيديو والتي لازالت موجودة حتى اليوم .

[الفارس البنفسجي]

هاكم تجربتي مع العلاقات فلدي عدد لا يتصورة احد منكم واللة اعلم بما اقول معظمها من الجنس الخشن ولكني اقمت علاقة عاطفية مع واحدة من الصين تتحدث الانجليزية وما زالت العلاقة مستمرة حتي اننا تقابلنا في مصر كانت واسرتها في زيارة سياحية للاهرام .وانا متاكد من انك ستسغرب لو قلت انها التي اصرت علي الاسرة بزيارة مصر في زلك التوقيت حتي نلتقي واللة علي ما اقول شهيد


الأخ مختاز بازي

السؤال ما زال قائماً
هل يمكن أن تتزوج بهذه
المرأة؟

[الفارس البنفسجي]

الأخــــــــــوة
الرائعــــــــــــــــــــــون

ابورجاء
المها
صالح شرف
جيفارا
HaSsOoN
mohammed_76
عمار هبّار
نور عبدالله

شكراً على مروركم الذي
اثرى هذه المساحة من الرؤيا

[GREY MAN]

الحبيب ضياء الدين
الزواج عبر النت لن يكون مستبعدا في السنوات القليله القادمه..بس حا يكون مقصور علي فئات معينه زيها وزي التعارف عن طريق الموبايل

[dr-ahmed24]

سلامات يا زول يا رايع
والله الموضوع بالجد هادف لكن انا فى اعتقادى انو نسبة نجاح العلاقات بالنت كبيرة عن تجربة شخصية ودمتم