اطفال يحملون الموبايلات

[تسنيم خالد]

اطفالنا يحملون الموبايلات....

كل منا يري التقدم السريع المذهل للتكنولوجيا الهاتف النقال حتي اصبح اكثر من عدد سكان العالم
وهذا ان دل انما يدل علي ان اي شخص يحمل اكثر من موبايل..في البدء هي تكنولوجيا استفدنا منها استفادة كبير قربت كل كل بعيد وسهلت الاتصالات والتواصل الاجتماعي..لكن عندما نستخدمها الاستخدام
السئ فنها تصبح عبارة عن نقمة وليس نعمة....
واول نقمة لها انها تسربت وبسرعة لايدي الاطفال...اطفال في الابتدائية يحملون الهواتف لا ندري من
يحدثون وماذا يقولون..
هل من ضرورة الي ذلك وماهي الاسباب؟؟؟
وانت ايها الاب وانتي ايتها الام والاخت والاخ ما رؤيتك لاخيك او ختك الصغيرة وفي يده النقال؟؟
قبل سنوات ليش بالكثيرة نسمع بان فلان اهدي ابنه الموبايل بمناسبة تخرجه من الجامعة
وبعدها اصبح يهدي بمناسبة دخول الثانوي

وقريبا سنسمع اهداء موبايل بمناسبة دخلو المدرسة وما بعيد كمان ناس الروضة والحضانة
يهدوا ليهم موبايلات....


نسمع اراءكم لو سمحتهم




دمتم

[الفارس البنفسجي]

الموبايلات سلاح ذو حدين وبصراحة انتشرت انتشار فظيع ... وأكيد سلبياتها على الأطفال اكثر لانهم لا يتعاملون معها بي حكمة .......... وللأسف لا أرى أي خيار سواء سوء الإستعمال لها من قبل الأطفال، ويمكن حل المشكلة زي ما عملت السعودية، جوال الطالب ووضعت فيهو خطوط محددة للإتصال بيها أو منها.
الخلاصة : لو مافي ضوابط لهذه الظاهرة او الخدمة أكيد حا تنشأة أزمة إجتماعية.

[وليد عمر سعيد]

انا شايف انو حروب الغزو الفكري هي السبب

هي اللي وصلت لمجتعنا انو من التقدم والتطور انو الصغار قبل الكبار يكونو شايلين موبايلات

بعدين كثرت شركات الهاتف النقال اتاحت لي جميع فئات الشعب انو يتمكنو من حمل الموبايل

يعدين في جزو كدا بوبار انو والله ولدنا بيقرا في سنه سادسه ابتدائي وعندو موبايل

اسباب كتييييييييييره خلتنا نشوف انو صغار السن يحملون موبايلات

وما في شي مقنع يخلي صغار السن يشيلو موبايلات

ولكن العتب على الفكره اللي اتكورت في راس الاشترى ليو الموبايل ونظرتو ليها

كدي برجع ليكم تاني .....!

[عماد عبدالشكور]

جهاز الموبايل جهاز مهم جدا في حياتنا لو استخدم بالطريقة الصحيحة فهو يوفر الوقت والجهد ويقرب المسافات
بس يكون عند الاطفال افتكر دا غلط كبير ومافي داعي ليهو
والتحية والتقدير لك اختنا تنسيم

[محمد مصطفي]

اكثر بلد في الوطن العربي يستخدمون الموبايلات هم السودان ودول الخليج

طيب انا شايف انو المواطن السودان ما بستخدم الموبايلات عشان التواصل او لي الضروره

والكلام ده ما لي الصغار الكبار كلهم يحملون الموبايلات لي عشان اتباهو بيها

الواحد همو كلو اجيب ليه قروش عشان اغير موبايلو لي N70 وامثاله

وزمان السودان كان الاقتصاد بتاعه بتمركز في مشروع الجزيره اسه بقي

عن طريق الاتصالات والموبايلات وهذا كان راي


ودمتي تسنيم خالد علي طرح المشكله الكبيره



وشكرا ،،،،،،

[تسنيم خالد]

والله تسلموا كتير علي الاراء دي

ويا ريت نعرف المزيد غايتو علي راي

الفارس البنفسجي هي سلاح زو حدين

غلط كبير انو يكون في يد الاطفال

ويا الفارس ورينا جوال الطالب دة كيف




شكرا علي المشاركة





دمتم

[الفارس البنفسجي]

والله تسلموا كتير علي الاراء دي
ويا ريت نعرف المزيد غايتو علي راي
الفارس البنفسجي هي سلاح زو حدين
غلط كبير انو يكون في يد الاطفال
ويا الفارس ورينا جوال الطالب دة كيف
شكرا علي المشاركة
دمتم

نشأت فكرة جوال الطالب من شركة الإتصالات السعودية ... بالنسبة للسعودية الجوال للولد في المدرسة يعتبر شئ أساسي لظروف المجتمع والرفاهية اللي بعيش فيها ، وتتخلص فكرة جوال الطالب في :-
1) انو لديك القدرة على الإتصال على ثمانية اشخاص يحددهم ولي الأمر والعدد ممكن يقل لكن ما ممكن يزيد. وفي شركات الآن بتستخدموا إذا تتطلبت الوظيفة اتصال بأشخاص معيين لانو اقتصادي.
2) لديه القدرة في استقبال اي مكالمة (ممكن تكون دي عيب فيه وممكن تكون ميزة).

بالنسبة للسودان الإتصالات عندنا متقدمة جداً ممكن الحكومة تلزم شركات الهاتف بتوفير الخدمات دي ، لانها اساساً موجودة تقريباً في كل الجوالات ، وهي خدمة حظر المكالمات الصادرة والواردة ، بمعنى ان يكون الإتصال الصادر او الوراد مشروطاً بكملة سر. وهكذا

طالما هناك رغبة فهناك طريقة

[سواااح]

الموبايلات سلاح ذو حدين وبصراحة انتشرت انتشار فظيع ... وأكيد سلبياتها على الأطفال اكثر لانهم لا يتعاملون معها بي حكمة .......... وللأسف لا أرى أي خيار سواء سوء الإستعمال لها من قبل الأطفال، ويمكن حل المشكلة زي ما عملت السعودية، جوال الطالب ووضعت فيهو خطوط محددة للإتصال بيها أو منها.
الخلاصة : لو مافي ضوابط لهذه الظاهرة او الخدمة أكيد حا تنشأة أزمة إجتماعية.


طالب مين يا عم الفارس

الان اصبح اسمو جوال السواق

الكلام ده كان قبل خمسة سنين

الان الوضع اتغير

واصبح جوال السواق

[الفارس البنفسجي]

وبرضو سمو الجوال العائلي ... نحن ساكنين في الجنوب ، الأسامي بتجينا بعد ما تبقى قديمة في المدن الكبيرة

سلمت يا سوااااااااااااااااااااح

[محمد السر احمد]

يا اخونا الموبايل في المجتمع بقي شئ اساسي اهم من الاكل والشراب بذات عند السودانيين ودي مشكلة وبالجد وممن غير زعل الموبايل هو سبب المشاكل الحاصلة في المجتمع لانو بكل سهولة تتسيطيع التكلم مع من تريد في مكان واي زمان
شكرا الاخت تسنيم

[المسافر]

تسلمي يا تسنيم على الطرح الهام . . .
وأعتقد إن من عاداتنا وعادات أغلب شعوب المناطق النامية
والتي يغطى الجهل إلى أغلب سكانها يتحول كل شيء
جيد ومفيد إلى نوع من المظاهر . . . وخلافه .
ومن هنا تأتي المشكلة . . . فيتم توفير هذه الأجهزة
بكل ما فيها من إمكانيات من قبل أبويين جاهلين ودون
رقابة إلى أطفال يسهل جداً إستغلالهم . . . وكأن يقولون
للفساد تفضل إلى داخل بينا وإلى أبنائها .

ودمتي