يوم النحس العالمي( قصه من الواقع).

[ابودجانه العباس]

قصه قصيرة:بقلم المغلوب علي أمره /أبودجانه العباس
في البداية أخواني وأحبابي أعضاء المنتدي ما عايز واحد منكم يتشأم من الحياة أو من المواقف البتمر بيه في الواقع والمفروض انو يأخذ منها عظه عشان يقدر يواصل حياتو عادي وهدا عندكم اكبر دليل لو كنت استسلمت للمواقف والكفاوي الحصلت لي حرم كان تلقوني هسع في التجاني الماحي ولا هنا في (شهار)
المهم نخلينا في موضوعنا :
في اليومين الفاتو ديل سمعته كلمه ,,مجنون ,,وما نصيح ,,وفاكه منك,, سمعت الكلمات دي كتير أنا بحكي ليكم الموقف دا حصل معاي سنة 2000 ألفين وانتو وزمتكم شوفو أو قدروا الكان مفروض يحصل لي شنو وشوفو أنا مقارنه بالموقف دا مع حالتي النفسيه هسع....تعالوا نشوف الحصل!!!!وصلت مدني لي يومين بعد ماقضيت إجازة ظريفة مع أهلي هنا في السعودية وكان الوقت داك الالزاميه مدورة دوره شديدة ,اتصلت علي بت عمي كانت خريجة الوقت داك وقالت لي لازم تجي تمشي معانا فداسي صاحبنا عامل حفلة شاي وماشين بعربية خاصة يعني الساعة خمسه تكون معانا,
أخوكم ما كضب من الساعة أربعه طلع بنطلون وقميص من الجديدات لزوم أنا جاي يادوب من السعودية وحركات الشهادة العربية البايخه ديك وطلعت من البيت وجنب البيت كان راقد كلب جيرانا مسكييييين شاغلتو كده هظرت معاهو ومشيت (طبعا أنا ساكن في حي التلفزيون فبمشي أركب من تقاطع أبو جبل)شقيت ميدان التلفزيون وصلت التقاطع وبعد سله روح جا ( دفار) ركبت فيه طبعا القشرة والريحه دي ما تديك درب والجكس في الدفار يعاين ساكت للولد الوجيه دا (واحدة فيهم الظاهر أدتني عين عشان في اللحظة دي المتاعب بدت بعد ما دفعت للكمساري ,,فجأة وبدون مقدمات ألجنبي قعد يكورك ..قروشي...قروشي يا حراميه..ومسك فيني أنا و ألجنبي وقال بس وأحد منكم هو السرق قروشي...ي ازول وقفو الدفار ونزلونا قالوا حلو مشاكلكم براكم لما جي البوليس قلت ليه عليك الله شكلي دا شكل حرامي اتخيلو بعد ربع ساعة الراجل اتزكر انو نسي القروش في المكتب واخذ يعتذر ويجرس وعشان أنا مستعجل قلت ليه ما مشكله ومشيت ركبت في دفار تاني بعد ما دفعت للكمساري وجنب ألكبري تعالوا يا ناس الالزاميه وقفو الدفار بعد التفتيش طلعت للعسكري جواز السفر بتاعي (زولكم من إخوانا الجنوبيين ويا لله يعرف شويه عربي)قال لي إلا تنزل دا ما بمرقك
ركبني ليك في الدفار حق الكشه والناس ألفيه كلهم عشان كانوا جاريين ريحه العرق دي تشق راسك شق قبل ما نتحرك جا ضابط ناديتو وريتو الجواز قال لي أنت بستهبل ما طلعتو ليهم من الأول ليش قلت ليه طلعتو لكن الأخ قال دا ما إثبات وبعد ما اتاكد من صحة كلامي نزلني من الدفار وللمرة التالته ركبت دفار للجامعة ونفسياتي في الو اطه وصلت الجامعة ستة إلا ربع دخلت الكفتريا محل مواعد بت عمي صاحبته قالت لي انتظروك كثير لما ما جيت طلعوا هسع قفلت معاي زيادة,رجعت علي البيت نزلت في التقاطع وتاني شقيت ميدان التلفزيون وفي نص الميدان أسمع ليك الناس تكورك انتبه أعمل حسابك ياهيييي عاينت لقيت ليك غنمايه جاريه علي دايره تنطحني أنا قلت الغنمايه دي ماله جنت ولا شنو هااا ياااناس سمعتو بي زول ساكاهو غنمايه المهم من جاي لي جاي اتخارجت منها ووصلت البيت لقيت ليك حبيبنا الكلب راقد في حتتو ما شاغلتو والله ما شاغلتو مشيت منو بي خطوتين كدا الساعة قال ليك هوهوهوههههوووهو زى التقول شاف ليه حرامي والله ياجماعه انا شعري دا وقف صوفه صوفه والدم دا جري ليك من أخمص القدمين لحدي شحرور الشعر وقبلت عليو اديتو شلوت كضم طوالي بعد شويه قام يكورك وجري ...ها يا ناس انا مالي ألليله سويت شنو الحاصل شنو أثناء ما انا بفكر جات جدادة (دجاجه)بي وليداتها بي جنبي وجات جاريه علي .لالالالالالالا والله في حاجه انا مالي عملت شنو دخلت البيت وبدون أي خجله اقرب سرير رقدت فيه وقعدت أبكي . أبكي..أبكي جو ناس البيت مخلوعين !!!في شنو ياولد قلت ليهم بس داير أمي وأبوي ألليله مسافر ,طيب ورينا الحاصل شنو ,,بديت احكي ليهم ,,انا ابكي وهم يضحكوا انا حكي وهم يضحكوا ,,قيتو شويه شويه بالضحك بتاعن شويه ارتحت ومن اليوم داك سميتو يوم النحس الغالمي واتاكدت تماما انو (شر البليه ما يضحك).

ودمتم

[سواااح]

ابو دجانة ..

والله حكايتك حكاية
بس ما تكون الغنماية طاردتك
وبعدين انت ضربت الكلب
واتخارجت من الكلام العجيب ده كلو
فمافي داعي تسميهو يوم النحس
خليهو يوم الحظ العالمي
لانو كان ممكن الراجل ما يقول انو نسي قروشو
وكويس انك قدرت اتفاهمت مع الضابط
ومشوار فداسي شر ربنا صرفو عنك

* ما تقول لي اليدو في الموية
ما زي اليدو في النار
لاني اتعودت انظر للامور ببساطة

* مشكور يا جميل علي هذه السياحة داخلك

دمــــــــــــــــــــــت ،،

[ابورجاء]

الغالي ابو دجانة ابو لبانة شلاقة ابو الحظ كلو
بعد ده حبيب قلبي ونور عيني وسبب غلبي يا ود انت مالك
ده شبارقة بيقول لي ما تقوليهو كده عليك الله شوف الحسد
المهم يا حبيب قساي انا ما بقول ليك اكتر من القالو حبيبنا
سواااح الود المرتاح لانو كلامو عين العقل الابس عندي
شيتن كده واقف لي في حلقي وداير اقولوا في زمتك تسكك
جداده يمكن قايلاك حبه يا حبه واحتمال تكون غيرانه منك
بعدين الكلب عادي في الاول ما يشتغل بيك عشان يكون في
الفتره ديك نفسياتو كانت ميه ميه بعد رجعته يكون اتشره والا
حاجه قال يفشها فيك وعمك الناسي القريشات في المكتب ده
طلع من صالحك عشان لو كان واصلت في المشوار في نفس
الدفار كان حصلت مصيبة كان الجكس اتشاكل فيك وبقت حرب
اهلية وتكون انت السبب شفت التحليل كيف ...
اها نجي لي حتت الدفار بتاع الالزامية ده كوم ودفار الالزامية كوم
خليهو بعدين بوريك ونحن برانا... نجي للمشوار الاساسا انت طالع
عشانو اولا بالشكة بتاعتك الوصفتها ديك لو كنت مشيت عرس كنت
فرتقتو عشان العروس لو شافتك بتطلب الطلاق في نفس اللحظة
والولد الكنتو ما شين ليهو ده يحمد ربو ساكت لانو الجكس الفي الحفلة
كان بيتلم فيك زي الضبان في الكمونية ويسيبوا صاحبنا يغرض في
اضافريوني من الغيظ واحتمال في تلك اللحظة ينط في رقبتك الماكنه
دي ويجيب خبرك يعني كنت اسه تكون المرحوم ابو دجانة العباس...
بالله عليك الله رايك في التحليل ده شنو ما شتات يا فرده...
ودوما في رعاية الله وحفظه...
مع كل الود باقة ورد....

[الفارس البنفسجي]

والله يا أبودجانة من يوم الداردنومة داك يا في شئ فيك نحن ما عارفنو ؟؟؟؟؟؟؟؟؟ ولا عندك عين

بصراحة : الله يكون في عونك شديييييييييييييييييييييييييييييييييييييييد

بالرغم انو القصة تراجيديا جداً إلا إني لا أملك إلا أن












اضحك ثم


















اضحك و















اضحك

[ابودجانه العباس]

الغالي سوااح شكراً علي المرور والنصيحه
لكن برضو بقول ليك الايدو في المويه..
ودا قدر الله ما عندنا عليه اعتراض
ودمت.

[ابودجانه العباس]

حبيب قساي أبو رجاء

هو في زول بحلل زي تحليلك
(تتزكر لما حللت لي الملاريا)
والله حلالاً
ولك احلي تحيه.

[ابودجانه العباس]

فارسنا الهمام(البفنسجي,السبنفجي,الجبنسفي,الخرابه البشبه الظهري داك)..
ليك الف تحيه وربنا يديك العافيه طوالي مرضي علي الله يرضي عليك وكان علي الضحك أضحك ساااااي عافي منك.
ودمت علي الزياره اللطيفه.

[MOHAMED OMER]

تشكر الاخ ابو دجانه وبسردك للقصه زكرتنى الاخ محمد برعى -فريرى - واسلوبه السلس مع زكريات الجامعه وسلام كتير لى احمد اخوك انا حسى حاليا فى امريكا مدينة شيكاغو وبلغ تحياتى لجميع الدفعه وابقه واصل

[تسنيم خالد]

ابودجانة

انت قول ان حظي كدقيق فوق شوك نثروه
ثم قالوا لحفاة يوم ريح اجمعوه

بس بيني وبينك الكلام القالوهو ليك الاخوان فوق

عين العقل شوف الحكاية من الجانب المشرق

ودايما خت الاعذار للقدر


الله يكفينا شر المصايب






دمت

[وليد عمر سعيد]

ههههههههههههههههه

بركه الجات كدا يا اخوي

خير ما كعب كلو كلو


احمد الله


لكن كان يوم صعب عدييييييييييييييييييييل

[sami_alkaer]

والله كلام ونحن هسع في 2007 مافي جديد من 2000
ماتخجل وتقول الناس ديل يقولو عني كج (غير محظوظ ) اناختيتها بين قوسين لانو يمكن في ناس شهاده عربيه - ولو سابقا كما حالتك - مابفهموها

[ابودجانه العباس]

تشكر الاخ ابو دجانه وبسردك للقصه زكرتنى الاخ محمد برعى -فريرى - واسلوبه السلس مع زكريات الجامعه وسلام كتير لى احمد اخوك انا حسى حاليا فى امريكا مدينة شيكاغو وبلغ تحياتى لجميع الدفعه وابقه واصل

مشكور اخوي محمد علي المرور وربنا يردك لينا غانم سالم انشاءالله.
ياريت بالمره تسلم لي علي توم كروز والشله حقته
ياحليلم كانو اصحابي قرو معاي الابتدائي في مدرسه ام دقرسي الثانويه.
ودمت اخي.

[ابودجانه العباس]

ابودجانة

انت قول ان حظي كدقيق فوق شوك نثروه
ثم قالوا لحفاة يوم ريح اجمعوه


انا بقولا كامله:

إن حظي كدقيق فوق شوك نثروه
ثم قالوا لحفاة يوم ريح إجمعوه

أو غزال في فلاة أطلقوه
ثم قالوا لرماة بعصاة إجلبوه

فصعب عليهم الأمر فقال بعضهم إتركوه
إن من أشقاه ربي كيف أنتم تسعدوه

[ابودجانه العباس]

ههههههههههههههههه

بركه الجات كدا يا اخوي

خير ما كعب كلو كلو


احمد الله


لكن كان يوم صعب عدييييييييييييييييييييل

والله بيني وبينك يا خوي وليد
خير عشان بعدها والله نعم ربنا بدت تنزل علي من كل جهه
والحمدلله.
دمت اخوي وليد.

[ابودجانه العباس]

والله كلام ونحن هسع في 2007 مافي جديد من 2000
ماتخجل وتقول الناس ديل يقولو عني كج (غير محظوظ ) اناختيتها بين قوسين لانو يمكن في ناس شهاده عربيه - ولو سابقا كما حالتك - مابفهموها

شكرا أخوي سامي علي المرور
بس دا حال الدنيا يوم ليك والف وخمسمائه تلاته وستين يوم عليك

بعدين كلمه كج معروفه :

فالمكجوج هو قليل الحظ وهي مشتقه من سكج أو إسكاج
نال القليل منه وقد ذكرها العالم العربي (الداردمي المسوكج)
في كتابه(دراسه الكج في الفقه والرياضيات بالتطبيق علي أهل الملكيه والمربعات).
ودمت أخوي سامي.

[شبارقة]

فيلم هندي يا ابودجانة؟؟

والله ذكرتني بتوم اند جيري !!!


***
لك كل الود

[ابودجانه العباس]

فيلم هندي يا ابودجانة؟؟

والله ذكرتني بتوم اند جيري !!!


***
لك كل الود

هييي تاني انا الهنود ديل ما برضي فيهم

عشان ديل نسابه اخوانا مزوني ومدناوي

ودمت علي المرور

[ابورجاء]

شكرا أخوي سامي علي المرور
بس دا حال الدنيا يوم ليك والف وخمسمائه تلاته وستين يوم عليك

بعدين كلمه كج معروفه :

فالمكجوج هو قليل الحظ وهي مشتقه من سكج أو إسكاج
نال القليل منه وقد ذكرها العالم العربي (الداردمي المسوكج)
في كتابه(دراسه الكج في الفقه والرياضيات بالتطبيق علي أهل الملكيه والمربعات).
ودمت أخوي سامي.

الغالي حبيبي وقلبي وفشفاشي ومصراني الاعور
بالله كتاب (دراسه الكج في الفقه والرياضيات بالتطبيق علي أهل الملكيه والمربعات).
لسه معاك والله انت مصيبة كنت داسيهو وين ليه ما سلمتو لابله مدنية
والله كان ما اشتكيت للناظرة اصبر بس يا السويت والتركت وفعلت وخليت....
ودوما في رعاية الله وحفظه....
مع كل الود باقة ورد.....

[بورتبيل]

هاهاهاهاهاهاهاه
ولله دائما ظريف ظريف بالجد ... انتا يا ابو دجانة بالله عليك بتجر من الغنماية .... اسكت ساكت ... وبعدين مشوار فداسي طرشق .... ولله اليوم داك بنات فداسي اظنهن نامن ندمانات عديل كدا
وبعدين الجرسة شنو وبالبكا في شنو ... يوم ذي اي يوم يا ود الشهادة العربية انتا يا عسل انتا
هاهاهاهاهاهاها ولله حلوة بالجد
وخلينا نشوفك يا ابو دجانة في اي حاجة حلوة ذي دي

[ruby]

هههههههههههههههههههههههه
ههههههههههههههههههههههههههههههه
بالجد عندك خفة دم ماطبيعيه

[سواااح]

هههههههههههههههههههههههه
ههههههههههههههههههههههههههههههه
بالجد عندك خفة دم ماطبيعيه


يعني كده كويس ؟

شر البلية ما يضحك

[عزيز عيسى]

الأخ أبودجانة العباس،

يا زول قطعت مصارينا بالضحك والله لمان دموعي جرن..
وهو فعلا الحظ لما يعاكس بتحصل حاجات غريبة ذي ما حصلت ليك..
حصل لي موقف مشابه لما كنت مسافر السودان عام 2000..
ودي قصة طويلة زي الفيلم الهندي برضو لكن عشان أحكيها بتأخذ وقت..
أمبارح إلتقيت بجمال ودالماحي وقلت ليه أنا ما عايز أحكي ليك
لكن ألحق شوف أبودجانة كتب شنو.
برضو أخوك ساكاني ديك قبل كدة.. أي والله ديك ما جدادة..
يعني لو كانت جدادة كان ثبت في مكاني وقلت.. أفو تسكني جدادة؟
كدي أمشي أقرأء المصيبة الوقعت أنا فيها في دكان ودالصوال:
http://wadmadani.com/vb/showthread.php?t=9698&page=3

[Jamal Elmahi]

الوجيه زين الشباب أبودجانه...
عنوان القصه مفروض يكون يوم الحظ العالمي للاتي:
لما إتسلبط فيك أخو البنات النسي قروشو كان ما محظوظ كان مفروض تبيت في الحراسه مع كتالين الكتله وكان أمنته لانو أي مبلغ يدعي إنو فقدو كان لقوهو عندك يا مقرّش ...
مرقتك الجباره من ناس الالزاميه النعمنهم ما بتفاهمو وكان مرقوك في همشكوريب ومن هناك وعلي ملكال وكان رجعته أهلك لومني...
ولو إتخارجته من ديل كلهن وحصلته عربية بت عمك ولحقته لامن وصلته فداسي كان لمّت فيك علويه بت الحاج وسقتك عروك محبّه وخلتك تكتب فيها شعر لي يوم الليله ....قال يوم النحس العالمي قال....هاك السواسيو ديل....

ود الماحي

[ابودجانه العباس]

الغالي حبيبي وقلبي وفشفاشي ومصراني الاعور
بالله كتاب (دراسه الكج في الفقه والرياضيات بالتطبيق علي أهل الملكيه والمربعات).
لسه معاك والله انت مصيبة كنت داسيهو وين ليه ما سلمتو لابله مدنية
والله كان ما اشتكيت للناظرة اصبر بس يا السويت والتركت وفعلت وخليت....
ودوما في رعاية الله وحفظه....
مع كل الود باقة ورد.....

لا دي حاجات اثريه ما تطلع الا في وقتها وعندي كتاب تاني
تحفه برضو اسمه(الكج والمكجوجين من هسع الي يوم الدين)ز
ودمت حبيبنا.

[ابودجانه العباس]

هاهاهاهاهاهاهاه
ولله دائما ظريف ظريف بالجد ... انتا يا ابو دجانة بالله عليك بتجر من الغنماية .... اسكت ساكت ... وبعدين مشوار فداسي طرشق .... ولله اليوم داك بنات فداسي اظنهن نامن ندمانات عديل كدا
وبعدين الجرسة شنو وبالبكا في شنو ... يوم ذي اي يوم يا ود الشهادة العربية انتا يا عسل انتا
هاهاهاهاهاهاها ولله حلوة بالجد
وخلينا نشوفك يا ابو دجانة في اي حاجة حلوة ذي دي

شماته العدو يا يمه (شمتان فيني )معليش من ضحك علي اخيه

دمت حبيبنا بورتبيل

[ابودجانه العباس]

هههههههههههههههههههههههه
ههههههههههههههههههههههههههههههه
بالجد عندك خفة دم ماطبيعيه

هههههههههههههههههههههه
ههههههههههههههههههههههههه

شكرا

سؤال خارج النص(روبي دا ولد ولا بت)

ودمت(ي).

[سواااح]

هههههههههههههههههههههه
ههههههههههههههههههههههههه

شكرا

سؤال خارج النص(روبي دا ولد ولا بت)

ودمت(ي).



ابو دجانة ..

يا ولدنا مالك بتفتش للمشاكل ؟

قال ولد ولا بت

بالله عليك في ولد اسمو روبي ؟؟

باين عليك مخلوع الي الان

[ابودجانه العباس]

يعني كده كويس ؟

شر البلية ما يضحك

الله يديك العافيه استاذنا سواااح علي الرد الطريف دا
أحرجتم تواضعنا بحضوركم المشرف
ودمت لنا.

[ابودجانه العباس]

الأخ أبودجانة العباس،

يا زول قطعت مصارينا بالضحك والله لمان دموعي جرن..
وهو فعلا الحظ لما يعاكس بتحصل حاجات غريبة ذي ما حصلت ليك..
حصل لي موقف مشابه لما كنت مسافر السودان عام 2000..
ودي قصة طويلة زي الفيلم الهندي برضو لكن عشان أحكيها بتأخذ وقت..
أمبارح إلتقيت بجمال ودالماحي وقلت ليه أنا ما عايز أحكي ليك
لكن ألحق شوف أبودجانة كتب شنو.
برضو أخوك ساكاني ديك قبل كدة.. أي والله ديك ما جدادة..
يعني لو كانت جدادة كان ثبت في مكاني وقلت.. أفو تسكني جداده


عمنا واستاذنا عزيز

الف الف شكرا ليك علي مواساتك لي

يعني انطبق علينا المثل (شبهينا واتلاقينا)

ودمت علي المرور.

[ابودجانه العباس]

الوجيه زين الشباب أبودجانه...
عنوان القصه مفروض يكون يوم الحظ العالمي للاتي:
لما إتسلبط فيك أخو البنات النسي قروشو كان ما محظوظ كان مفروض تبيت في الحراسه مع كتالين الكتله وكان أمنته لانو أي مبلغ يدعي إنو فقدو كان لقوهو عندك يا مقرّش ...
مرقتك الجباره من ناس الالزاميه النعمنهم ما بتفاهمو وكان مرقوك في همشكوريب ومن هناك وعلي ملكال وكان رجعته أهلك لومني...
ولو إتخارجته من ديل كلهن وحصلته عربية بت عمك ولحقته لامن وصلته فداسي كان لمّت فيك علويه بت الحاج وسقتك عروك محبّه وخلتك تكتب فيها شعر لي يوم الليله ....قال يوم النحس العالمي قال....هاك السواسيو ديل....

ود الماحي


أستاذ جمال شكرا علي المداخله
وانا متاكد انو الحمدلله كان يوم الحظ العالمي
لانو بعدها والحمدلله فعلا اتغيرت حاجات كتيره في حياتي
والمؤمن مبتلي بس العنوان دا (حركه في شكل ورده )عشان يعنيييييييي اسمو شنو هووووو
ماااااااااا هناي ...ما تحرجني انت عارف الباقي.
ودمت لينا.

[ابودجانه العباس]

اليشوف مصيبه غيره


تهون عليه مصيبته


ودمتم...

[مدنيّة]

قصه قصيرة:بقلم المغلوب علي أمره /أبودجانه العباس
في البداية أخواني وأحبابي أعضاء المنتدي ما عايز واحد منكم يتشأم من الحياة أو من المواقف البتمر بيه في الواقع والمفروض انو يأخذ منها عظه عشان يقدر يواصل حياتو عادي وهدا عندكم اكبر دليل لو كنت استسلمت للمواقف والكفاوي الحصلت لي حرم كان تلقوني هسع في التجاني الماحي ولا هنا في (شهار)
المهم نخلينا في موضوعنا :
في اليومين الفاتو ديل سمعته كلمه ,,مجنون ,,وما نصيح ,,وفاكه منك,, سمعت الكلمات دي كتير أنا بحكي ليكم الموقف دا حصل معاي سنة 2000 ألفين وانتو وزمتكم شوفو أو قدروا الكان مفروض يحصل لي شنو وشوفو أنا مقارنه بالموقف دا مع حالتي النفسيه هسع....تعالوا نشوف الحصل!!!!وصلت مدني لي يومين بعد ماقضيت إجازة ظريفة مع أهلي هنا في السعودية وكان الوقت داك الالزاميه مدورة دوره شديدة ,اتصلت علي بت عمي كانت خريجة الوقت داك وقالت لي لازم تجي تمشي معانا فداسي صاحبنا عامل حفلة شاي وماشين بعربية خاصة يعني الساعة خمسه تكون معانا,
أخوكم ما كضب من الساعة أربعه طلع بنطلون وقميص من الجديدات لزوم أنا جاي يادوب من السعودية وحركات الشهادة العربية البايخه ديك وطلعت من البيت وجنب البيت كان راقد كلب جيرانا مسكييييين شاغلتو كده هظرت معاهو ومشيت (طبعا أنا ساكن في حي التلفزيون فبمشي أركب من تقاطع أبو جبل)شقيت ميدان التلفزيون وصلت التقاطع وبعد سله روح جا ( دفار) ركبت فيه طبعا القشرة والريحه دي ما تديك درب والجكس في الدفار يعاين ساكت للولد الوجيه دا (واحدة فيهم الظاهر أدتني عين عشان في اللحظة دي المتاعب بدت بعد ما دفعت للكمساري ,,فجأة وبدون مقدمات ألجنبي قعد يكورك ..قروشي...قروشي يا حراميه..ومسك فيني أنا و ألجنبي وقال بس وأحد منكم هو السرق قروشي...ي ازول وقفو الدفار ونزلونا قالوا حلو مشاكلكم براكم لما جي البوليس قلت ليه عليك الله شكلي دا شكل حرامي اتخيلو بعد ربع ساعة الراجل اتزكر انو نسي القروش في المكتب واخذ يعتذر ويجرس وعشان أنا مستعجل قلت ليه ما مشكله ومشيت ركبت في دفار تاني بعد ما دفعت للكمساري وجنب ألكبري تعالوا يا ناس الالزاميه وقفو الدفار بعد التفتيش طلعت للعسكري جواز السفر بتاعي (زولكم من إخوانا الجنوبيين ويا لله يعرف شويه عربي)قال لي إلا تنزل دا ما بمرقك
ركبني ليك في الدفار حق الكشه والناس ألفيه كلهم عشان كانوا جاريين ريحه العرق دي تشق راسك شق قبل ما نتحرك جا ضابط ناديتو وريتو الجواز قال لي أنت بستهبل ما طلعتو ليهم من الأول ليش قلت ليه طلعتو لكن الأخ قال دا ما إثبات وبعد ما اتاكد من صحة كلامي نزلني من الدفار وللمرة التالته ركبت دفار للجامعة ونفسياتي في الو اطه وصلت الجامعة ستة إلا ربع دخلت الكفتريا محل مواعد بت عمي صاحبته قالت لي انتظروك كثير لما ما جيت طلعوا هسع قفلت معاي زيادة,رجعت علي البيت نزلت في التقاطع وتاني شقيت ميدان التلفزيون وفي نص الميدان أسمع ليك الناس تكورك انتبه أعمل حسابك ياهيييي عاينت لقيت ليك غنمايه جاريه علي دايره تنطحني أنا قلت الغنمايه دي ماله جنت ولا شنو هااا ياااناس سمعتو بي زول ساكاهو غنمايه المهم من جاي لي جاي اتخارجت منها ووصلت البيت لقيت ليك حبيبنا الكلب راقد في حتتو ما شاغلتو والله ما شاغلتو مشيت منو بي خطوتين كدا الساعة قال ليك هوهوهوههههوووهو زى التقول شاف ليه حرامي والله ياجماعه انا شعري دا وقف صوفه صوفه والدم دا جري ليك من أخمص القدمين لحدي شحرور الشعر وقبلت عليو اديتو شلوت كضم طوالي بعد شويه قام يكورك وجري ...ها يا ناس انا مالي ألليله سويت شنو الحاصل شنو أثناء ما انا بفكر جات جدادة (دجاجه)بي وليداتها بي جنبي وجات جاريه علي .لالالالالالالا والله في حاجه انا مالي عملت شنو دخلت البيت وبدون أي خجله اقرب سرير رقدت فيه وقعدت أبكي . أبكي..أبكي جو ناس البيت مخلوعين !!!في شنو ياولد قلت ليهم بس داير أمي وأبوي ألليله مسافر ,طيب ورينا الحاصل شنو ,,بديت احكي ليهم ,,انا ابكي وهم يضحكوا انا حكي وهم يضحكوا ,,قيتو شويه شويه بالضحك بتاعن شويه ارتحت ومن اليوم داك سميتو يوم النحس الغالمي واتاكدت تماما انو (شر البليه ما يضحك).

ودمتم



شنو الدفارات الكتيرة دي يا ابو لبانة :eek:
وبماسبة دفار الخدمة دا هل اديت الخدمة الوطنية ام لا ؟؟؟ :D

تبعا احلي حاجة عجبتني كلب جيرانكم بالله الكلب قاعد في امان الله لما طلعت من البيت وعامل فيها صاحبك لما لقي الدنيا كلها قبلت عليك قال واشمعن انا !!! انا اولي اني اقبل عليه :cool:

[مصريه]

لا حول لله
ربنا يكون في عونك اليوم ده
والحمدلله انك روحت البيت بسلامه

[ابودجانه العباس]

لا حول لله
ربنا يكون في عونك اليوم ده
والحمدلله انك روحت البيت بسلامه

اي والله ويكون في عون الجميع

وشكرا لك يا مصريه علي المرور

ودمت...

[الشريف الهندي]

ابوا دجانه والله اتلومته ما وريتنا الغنماية البقت عليها شنو ومشت على وييييييييييين
وقفت ولا لحد اسه جاريه ؟
ههههههههههههههههه
هههههههههههههههههههههه
هههههههههههههههههههههههههه
هههههههههههههههههههههههههههههههه
والله قلبي وجعني من الضحك الله يفرحك ويفرح ايامك كلها قول آمين

[ابودجانه العباس]

ابوا دجانه والله اتلومته ما وريتنا الغنماية البقت عليها شنو ومشت على وييييييييييين
وقفت ولا لحد اسه جاريه ؟
ههههههههههههههههه
هههههههههههههههههههههه
هههههههههههههههههههههههههه
هههههههههههههههههههههههههههههههه
والله قلبي وجعني من الضحك الله يفرحك ويفرح ايامك كلها قول آمين

الغناميه إتضح أنو في شباب رابطين ليها جرس في

رقبته عشان كده كانت جاريه زي المجنونه

والله يسامحه جننتني معاها

ودمت عل المرور..

[samah]

[الله اكبر اخيرااااااااا.....................فهمت!!!!!!!!!!!! !!!!!!!!!!!!![

[ابودجانه العباس]

[الله اكبر اخيرااااااااا.....................فهمت!!!!!!!!!!!! !!!!!!!!!!!!![

بعد شهر؟؟؟سبحان الله

نحن بنضحك في الناس الفهمن بجي

بعد الساعه اتناشر

انت بعد شهر..

ربنا يكون في العون..

ودمت..

[samah]

مالك شاااااابي لي كدة هسي طيرت الفهم ذاتو.........................اهااستنى شهر تانى الله يعمل ليك شنو............