مصداقية مدنية

[شبارقة]

أعزائي أحبائي ..
اليوم أحدثكم عن مصداقية عضوة بالجد تستحق التقدير والاحترام ..

الكل يذكر البوست الذي يحمل عنوان ( صورة ، وتعليق ، وجائزة)
والذي كتبته العضوة الرائعة مدنية ..
وللأمانة والتاريخ ..
قرأت في البوست أني فزت بجائزة موبايل سوداني .. لقاء أحسن تعليق ..
لم أكترث للأمر كثيراً ..
غير أن الأخت مدنية أصرت أن أرسل أحد ما لاستلام الموبايل ..
واليوم تفاجأت بأنها فعلاً اتصلت بالشخص الذي أعطيتها رقمه ووعدته بأن يحضر لاستلام الجائزة!!

بالجد ياشباب هذه المصداقية تستحق التقدير والاحترام ..
حيو معي الغالية مدنية
***
لكم خالص الود

[شبارقة]

يا ناس ما في واحد يحيي مدنية؟؟

[سواااح]

العزيز شبارقة ..

الف مبروك لك
وللاخت مدنية
عاطر الشكر والتحايا

دمــــــــــــــتم ،،

[سوار الياسمين]

ياااااااااا شبارقة انت بتهظر

ده مدنية والاجر على الله

وليها الف تحية على صدق كلمتها

ومبروك عليك الموبايل يا شبارقة

[تسنيم خالد]

مدندن يا عسل عقدنا فيك الصدق ودة شئ كنا متاكدين منو يا شبارقة
وميقنين كل اليقين انو مدندن حترسل ليك الهدية وتوفي بوعدها

ربنا يخليكم



دمتم

[ابورجاء]

أستاذتي : عمتي مدنية الحنينة
.. لا أملك في هذه اللحظات القصيرة إلا أن أقف معك هذه الوقفة ...
غير هذا الدعاء............
(( يا رب اجعلها في كنفك عزيزة ،، شامخة ،، قوية ،، صامدة ،، غنية ،، سالمة ،، سعيدة ،، هانئة ،، و أكرمها في هذه الساعة المباركة : بصحة عامرة ،، و رفعة عن الخلق دائمة ،، و سخر لها من حيث لا تحتسب ،، و وفقها في كل طريق تسلكه
يا سامع كل دعاء .. )) هذا اقل ما اقدم للاستاذة ...وبركاتك يا عمتي مدنية...
ودوما في رعاية الله وحفظه...
مع كل الود باقة ورد....

[ابودجانه العباس]

اللهم انك تعلم ان مدنية عملت مسابقه............بيها شبارقة.........جائزةموبايل.........وبعدين......... .وهسع
هو..........اللهم فان كنت تعلم ان..........فبها
وان كنت تعلم.........اللهم........و........و........آمين

[سوار الياسمين]

اللهم انك تعلم ان مدنية عملت مسابقه............بيها شبارقة.........جائزةموبايل.........وبعدين......... .وهسع
هو..........اللهم فان كنت تعلم ان..........فبها
وان كنت تعلم.........اللهم........و........و........آمين

هههههههههههههههههههه
والله والله حرام عليك البتعملو فينا يا ابو دجانة
ياخي كتلتنا بالضحك عديل
ارتى لي حالنا شوية

[وليد عمر سعيد]

الف الف مبروك يا شبارقه

وتشكرااااااااات للاخت الغاليه مدنيه

[ود المطامير]

قولوا لى دا منو دا الكان ما مصدق ؟
أختنا مدنيه قدر كلمتها وأكتر وأكبر
يا مدنيييييييييييييييييييييييه شوفى لى
واحد موبايل ولو مستعمل وموبايلى سرقوهوا
وأول الشهر بعيد .

[المسافر]

مبروك يا شباقة

الاحرف عندما توجه اليك تفقد رونقها وبريقها وتبقى باهته ولا تستطيع ان تعبر عن روعتك يا مدّنية. . . بس المسابقة الجاية متيين !!!!

ودمتم

[الفارس البنفسجي]

مدنية طلعتي جدعة وبنت ولا كل البنات ........... تسلمي

انا حاجز بنتك من هسه لي ولدي ................ لكن ملح ساااااااااااااااااااااااااااااي عشان انتو بتشترو رجالة.

جاهزة ؟

[ابوالنور]

*مسطول سالوه:عندك كم سنه؟ قالهم:40. سالوة بعد10سنين :؟ قالهم:40.سالوه اذاى بتقول ان عمرك 40سنه وانت قلت كدة من عشر سنين؟ قالهم:اصل كلمة الراجل واحدة
























تسلمي يا غاليه

[شبارقة]

ما أكثر حبايبك يا مدنية !!!

[ود المطامير]

اللهم انك تعلم ان مدنية عملت مسابقه............بيها شبارقة.........جائزةموبايل.........وبعدين......... .وهسع
هو..........اللهم فان كنت تعلم ان..........فبها
وان كنت تعلم.........اللهم........و........و........آمين
وذى ما قالت أختنا سوار الياسمين يا خى أرحمنا شويه
وخلينا نجر نفسنا القطعتو بالضحك شويه يا خى .

[Jamal Elmahi]

شبارقه بخيت وسعيد الموبايل وعقبال ما تفوز بعلويه بت الحاج ...وعاد نفول كدا نغني ليك... دا اليوم الدايرنو ليك ياشبارقه مبروك عليك ...

مشاققه...
طقش أضاني مسابقة مدنيّه الجايه جائزتا مرسيدس الشبح والحشاش يملأ شبكتو ...

ود الماحي

[شبارقة]

شبارقه بخيت وسعيد الموبايل وعقبال ما تفوز بعلويه بت الحاج ...وعاد نفول كدا نغني ليك... دا اليوم الدايرنو ليك ياشبارقه مبروك عليك ...

مشاققه...
طقش أضاني مسابقة مدنيّه الجايه جائزتا مرسيدس الشبح والحشاش يملأ شبكتو ...

ود الماحي

حبيب قلبي ودالماحي ...
العشا ابلبن ...
الله يبارك فيك ...
علا علوية خلاص مما هجتني بقصيدتها :
(سنتين بلا حمام .. عيد الله ما اتبرد)
قنعتا منها ..
.....
المسابقة الجاية كان فزت بيها بهدي الشبح لجمعية (الشفع المشاترين)
***
لك كل الود

[شبارقة]

بالمناسبة ... مدنية وين ؟؟

[admin]

بالمناسبة المسابقة الجاية وين؟ ومتين؟ والسؤال شنو؟
ودالماحي ما تخليني ابيع عربتي ساكت من حسه انتا متاكد الجائزة مرسيدس

[شبارقة]

مدنية دي الا مشت مدني يا اخوانا ...
واحد يسعل منها ما تكون راحت مع غنماية جنا المطامير!!!

[المكاشفى]

ياشبارقه لو مادا حصل دى مامدنيه
وما عندى كلام بنزاد........................

[Jamal Elmahi]

بالمناسبة المسابقة الجاية وين؟ ومتين؟ والسؤال شنو؟
ودالماحي ما تخليني ابيع عربتي ساكت من حسه انتا متاكد الجائزة مرسيدس

ود المبارك هو أتا لسه ما بعتها ...أقول ليك أتبرع بيها أأأبوي وأرجا مدنيّه عليك أمان الله كان مافزته في مسابقتا تديك لكزس وأن بطلت BMW غايتو أنا حمارتي هديتا لي أولاد حمدالنيل وهادي تصنقره في الكبري يا غرق يا جيت حازما...والله يكضب الشينه...

مشاققه...
ياربي مدنيّه بترجع من المانيا متين؟؟؟ والله ما كان في داعي تتعب ...مارسيديسات السودان دي مالا عيبوها لي!!!

ود الماحي

[الشريف الهندي]

الرائعة مدنية .... أصالة وصدق ومصداقية
لكي من الشكر أطنان وأطنان ودمتي بألف خير يارب

شبارقه مبرووووووووك عليك الموبايل .
وكفاك لحدي كده عليك الله
خلينا نلقا لينا حاجه معاك مادام الحكايه بقت جد جد كده ..... ههههه
وشكرا ليك كتير أن حدثتنا عن مصداقيتها وصدقها ....

[شبارقة]

مدنية دي ما جات من المانيا ولا شنو يا ناس؟؟؟
***
لكم خالص الود

[Madanawi]

مبروك يا شبارقة ، وبقول لي تومتي مدنية والله قدرها يا بت امي وياها المحرية فيك.

شبارقة انشاء الله تكون قدر كلامك وزي ما وعدتني كان جاتك الهدية ، فيفتي فيفتي ولا خلاس نسيت العهود يا حبة؟

[شبارقة]

مبروك يا شبارقة ، وبقول لي تومتي مدنية والله قدرها يا بت امي وياها المحرية فيك.

شبارقة انشاء الله تكون قدر كلامك وزي ما وعدتني كان جاتك الهدية ، فيفتي فيفتي ولا خلاس نسيت العهود يا حبة؟

خلاص ولا يهمك .. نجيب ساطور .. نقسم الجوال فيفتي فيفتي ...
انت شيل نص وانا نص .. انت نص وانا نص ..
***
لك كل الود

[عوض صقير]

شبارقة
مبروك الجائزة

حقيقة مدنية لها بصمات واضحة فى هذا المنتدى
وذلك من خلال مشاركاتها ومداخلاتها ذات المضمون القيم
وهى تستحق كل هذا الثناء وأكثر

أما بالنسبة للمسابقة

سوف نراقب جيدا أى مسابقة لمدنية لأن أخونا ود الماحى زاع سر الجائزة

التحية لمدنية لمصداقيتها التى تغلبت على بعد المسافة بين أعضاء المنتدى
وألف مبروك لأخونا شبارقة وعقبال المارسيدس

[شبارقة]

تم استلام الموبايل من قبل مندوب حلة المطامير ، وأفاد أنه جديد لنج على الزيرو ..
الا أنهم ما زالو يجاهدون لتشغيله ، واقترح عليهم ابونا العمدة جلب خبير الماني للمعاينة والتشغيل ..
***
لكم خالص الود

[المسافر]

إنت يا شبارقة يا شليق فضحتنا في السودان هسي يقولوا علينا شنو المغتربين
التعبانين ديل . . . وبدل ما تقول لمدنية خلي التلفون عشان وأنا حأجيب ليك واحد
تاني هدية وبدفع ليك 100 دولار حق حليب البنيات . . . تقوم تستلم الهدية . . .
شرطو عينا عديل كده إنت ود المطاير :mad: :mad: .


والماعاجبو يجيني في الغابة دييييييييييييك :mad:

[شبارقة]

إنت يا شبارقة يا شليق فضحتنا في السودان هسي يقولوا علينا شنو المغتربين
التعبانين ديل . . . وبدل ما تقول لمدنية خلي التلفون عشان وأنا حأجيب ليك واحد
تاني هدية وبدفع ليك 100 دولار حق حليب البنيات . . . تقوم تستلم الهدية . . .
شرطو عينا عديل كده إنت ود المطاير :mad: :mad: .


والماعاجبو يجيني في الغابة دييييييييييييك :mad:

المسعلة يا حبيب قساي ما ماديات .. المسعلة أخوة وصداقة ...
ومدنية والله والله .. وما طالبني حليفة .. أدق ليها حلق للبنية .. وانشاء الله أعزما تحضر عرسي ..
وتجبجب هي وبنيتا في حفلتي ..

[Madanawi]

والله يا المسافر يا اخوي كلامك منطقي وكان شبروقة دقسني في الفيفتية انا بايد كلامك طوااااااااالي

[المسافر]

المسعلة يا حبيب قساي ما ماديات .. المسعلة أخوة وصداقة ...
ومدنية والله والله .. وما طالبني حليفة .. أدق ليها حلق للبنية .. وانشاء الله أعزما تحضر عرسي ..
وتجبجب هي وبنيتا في حفلتي ..



يا سهر ليلي الطويلة وسهاد نومي وحبيب قساي شبارقة
يا أخوي ما تحلف لينا إنت مسحت بكرامتنا الأرض وأخوي
مدناوي شاهد وواقف معاي وبدل ما تحلف بطلاق 3 ما تشيلو
أفو عليك . . . بس ممكن تصلح الحصل ده وترسل حقو لمدنية :p
وبعد ده نحن بلم الموضوع :mad:

ودمت يا الغالي

[المسافر]

والله يا المسافر يا اخوي كلامك منطقي وكان شبروقة دقسني في الفيفتية انا بايد كلامك طوااااااااالي


يا فردتي ونور عيوني الأتثنين
نحن نصعد الموضوع لمان شبروقة
يتأثر ويدفع حق الموبايل وأنا أتفقت
مع مدنية نقسمها على 3
كده أعتقد بتغطي معاك . . . مش

ودمت يا الغالي

[خالد عبدالماجد]

يامسافر شبارقة ليه مايشيل الجائزة ؟؟
مدنية قدمت الجائزة وكان لشبارقة الحق في أستلام جائزته التي وعدت بها مدنية يتعليقه الطريف ..
مبروك عليك الجائزة أخي شبارقة أما مدنية فقد أثبتت أنها على قدر كلمتها .
تحياتي للجميع .

[ابورجاء]

يا فردتي ونور عيوني الأتثنين
نحن نصعد الموضوع لمان شبروقة
يتأثر ويدفع حق الموبايل وأنا أتفقت
مع مدنية نقسمها على 3
كده أعتقد بتغطي معاك . . . مش

ودمت يا الغالي

الغالي حبيب قساي ونور عيني الضواي
والله يا حبيب قساي انت ومعاك مدناوي
ما قصرتو الجنا شرط عينا وخلنا زي
الجريوات ندسه بين الصفحات والبيسوي
فوقوا كتير وفاضحنا في القنوات الا خلوها
بعدين بجبلكم خبارات ومن عندو شمارات
وبعملكم منو فرجة لي كل البنات ....
المهم في الموضوع ده كل يا اخواني ست
الوجعه زاتها وين والله والمعبود في سماه وحشتنا
وحشنا كلامها وطيبة قلبها وماشقاتها في دروب المنتدى
فقدناك يا عمتي وينك علك عافية وطيبة وما في عوجة
والله فرقتك ما بتنسد اظهري وطمنينا عليك والعارف عنها
شئ يطمنا والله شفقتنا غيبتها وكل يوم نسأل منها نسمة
صباح جاينا فجر وكل ما اشرب الشاي اتذكرها عليك الله
يا عمتي طمنينا عليك والله والله والله وحشتينا يا طيبة ....
اسألوا وفتشوا كل الدروب للغالية مالكة القلوب....
عمتي مدنية بندخل في اضراب عن الطعام لحدي ما تظهري ....

ودوما في رعاية الله وحفظه...
مع كل الود باقة ورد.....

[المسافر]

يامسافر شبارقة ليه مايشيل الجائزة ؟؟
مدنية قدمت الجائزة وكان لشبارقة الحق في أستلام جائزته التي وعدت بها مدنية يتعليقه الطريف ..
مبروك عليك الجائزة أخي شبارقة أما مدنية فقد أثبتت أنها على قدر كلمتها .
تحياتي للجميع .



يا ود كسلا نحن مفروض المبادرين والسابقين مش العكس وندعم الناس البهناك
ومفروض كان ينتازل عن الجايزة بطريقة لطيفة . . . مش !!

وبعدين إنت ما شايفنا نحن بقينا مراقبين ولا شنو . . . ليه ما بتحترمنا وتسمع كلامنا :D

ودمت يا الغالي

[المسافر]

الغالي حبيب قساي ونور عيني الضواي
والله يا حبيب قساي انت ومعاك مدناوي
ما قصرتو الجنا شرط عينا وخلنا زي
الجريوات ندسه بين الصفحات والبيسوي
فوقوا كتير وفاضحنا في القنوات الا خلوها
بعدين بجبلكم خبارات ومن عندو شمارات
وبعملكم منو فرجة لي كل البنات ....
المهم في الموضوع ده كل يا اخواني ست
الوجعه زاتها وين والله والمعبود في سماه وحشتنا
وحشنا كلامها وطيبة قلبها وماشقاتها في دروب المنتدى
فقدناك يا عمتي وينك علك عافية وطيبة وما في عوجة
والله فرقتك ما بتنسد اظهري وطمنينا عليك والعارف عنها
شئ يطمنا والله شفقتنا غيبتها وكل يوم نسأل منها نسمة
صباح جاينا فجر وكل ما اشرب الشاي اتذكرها عليك الله
يا عمتي طمنينا عليك والله والله والله وحشتينا يا طيبة ....
اسألوا وفتشوا كل الدروب للغالية مالكة القلوب....
عمتي مدنية بندخل في اضراب عن الطعام لحدي ما تظهري ....

ودوما في رعاية الله وحفظه...
مع كل الود باقة ورد.....



حبيبي ونور عيوني وفردتي
أولاً مدنية تماماً وبستلم عليك بس
عندها مشكلة في الانترنت بتاعها
وبعدين لازم نعمل لشبارقة لفت
نظر عشان تاني ما يعمل كده
ونأخذ منو 300 دولار بعد
إساءة سمعة لينا . . . ورلا رأيك
شنو يا فردة

ودمت يا الغالي

[ابورجاء]

حبيبي ونور عيوني وفردتي
أولاً مدنية تماماً وبستلم عليك بس
عندها مشكلة في الانترنت بتاعها
وبعدين لازم نعمل لشبارقة لفت
نظر عشان تاني ما يعمل كده
ونأخذ منو 300 دولار بعد
إساءة سمعة لينا . . . ورلا رأيك
شنو يا فردة

ودمت يا الغالي

[FONT="Arial Black"]الغالي السكر زيادة والاحلى من الفنان حمادة
معك للاخر وانا بخت عليها زيادة رسوم رفع
غبينة من تحت الكبينة 500دولار دولار ينطح دينار
عشان التعب والسمعه الشينة السواها لينا في
الضهاري وفوق اللواري وامسك مني انا ماشي
ارفع الدعوة طوالي... بعدين قول لي عمتي مدنية
تسال منك العافية يا عمتي والحمد لله اطمنا عليك
والجاتك في انترنيتك سامحتك وتعيشي وتاخدي انترنت
غيروا الا ما تتاخري الحلة بتحرق....
انمشي يا عشاي يا جنا حشاي....
ودوما في رعاية الله وحفظه....
مع كل الود باقة ورد.....

[بنت الرفاعي]

والله يا جماعة مدنية أبدا ماقصرت وأثبتت انو نحن بيكون عند كلمتنا وبنوفي الوعود مش زي ما بتقولوا انتو يا الرجال!!!!!!:mad: :D
وتسلم مدنية والله يخليها لينا فخرا.
وألف ألف مبروك الجائزة يا شبارقة.:)

[بنت الرفاعي]

هي ياجماعة بالراحة بالراحة على شبارقة مالكم عليهو علشان فاز يعني ولا شنو؟؟؟
بعدين الزول فاز بجائزة كيف يخليها وهي من نصيبوا ولا علشان من مرة؟؟؟؟؟!!!!!!:confused:
ودي زاتو ماحصلت زول يفوز لي بجائزة ويتنازل عنها ولا برضو علشان.............!!! :D

[شبارقة]

هي ياجماعة بالراحة بالراحة على شبارقة مالكم عليهو علشان فاز يعني ولا شنو؟؟؟
بعدين الزول فاز بجائزة كيف يخليها وهي من نصيبوا ولا علشان من مرة؟؟؟؟؟!!!!!!:confused:
ودي زاتو ماحصلت زول يفوز لي بجائزة ويتنازل عنها ولا برضو علشان.............!!! :D

ارديتكن يا بنات حواء الحنينات الطيبات .....

[شبارقة]

حبيبي ونور عيوني وفردتي
أولاً مدنية تماماً وبستلم عليك بس
عندها مشكلة في الانترنت بتاعها
وبعدين لازم نعمل لشبارقة لفت
نظر عشان تاني ما يعمل كده
ونأخذ منو 300 دولار بعد
إساءة سمعة لينا . . . ورلا رأيك
شنو يا فردة

ودمت يا الغالي

أنا داير المحامي بتاعي ... نادو لي ودصقير

[شبارقة]

يا ود كسلا نحن مفروض المبادرين والسابقين مش العكس وندعم الناس البهناك
ومفروض كان ينتازل عن الجايزة بطريقة لطيفة . . . مش !!

وبعدين إنت ما شايفنا نحن بقينا مراقبين ولا شنو . . . ليه ما بتحترمنا وتسمع كلامنا :d

ودمت يا الغالي


محكمة المنتدى العامة
صحيفة دعوى
اسم المدعي : شبارقة
اسم المدعى عليه: المسافر + أبو رجاء + مدناوي باللنقليزي مكان الاقامة : تحت لعوت المنتدى

سعادة رئيس المحكمة العامة لمنتديات ودمدني سلمه الله
السلام عليكم ورحمة الله وبركاته
أتقدم لسعادتكم بدعواى هذه ضد الرمتالة المذكورين أعلاه ، حيث قاموا بالتشهير بسمعتي .
وأطلب ما يأتي:
1ـ تغريم كل واحد موبايل إن 73 لنج مع الشريحة.
2ـ جلد كل واحد خمسمية جلدة مع الانذار.
3ـ دفع أجرة المحامي عوض صقير.

ولكم الخيار في إعدامهم ..

[شبارقة]

يا أخوانا مدنية دي الانترنت حقها يتصلح متين ؟؟؟؟
واحد يعزم فيهو

[المسافر]

هي ياجماعة بالراحة بالراحة على شبارقة مالكم عليهو علشان فاز يعني ولا شنو؟؟؟
بعدين الزول فاز بجائزة كيف يخليها وهي من نصيبوا ولا علشان من مرة؟؟؟؟؟!!!!!!:confused:
ودي زاتو ماحصلت زول يفوز لي بجائزة ويتنازل عنها ولا برضو علشان.............!!! :D



قصدك شنو يا مرام بالإنجليزي بالمرة دي
والمثل قال ( الفي بطنو something براهو dancing )
والله ما قصدنا كده بس أصل الجائزة من زي الجميع فاكر
عشان كده نحن عاملين حملة على شبارقة لإرجاعها
وكلك نظر !!!!

ودمتي

[المسافر]

يا شبارقة أول شيء تدفع الغرامة وبعدين أمشي أشتكي

[المسافر]

يا أخوانا مدنية دي الانترنت حقها يتصلح متين ؟؟؟؟
واحد يعزم فيهو


مدنية أعتزلت المنتدى وقالت لو الأعضاء زي شبارقة
أحسن ليها تبيع كسرة في السوق

[Madanawi]

محكمة المنتدى العامة
صحيفة دعوى
اسم المدعي : شبارقة
اسم المدعى عليه: المسافر + أبو رجاء + مدناوي باللنقليزي مكان الاقامة : تحت لعوت المنتدى

سعادة رئيس المحكمة العامة لمنتديات ودمدني سلمه الله
السلام عليكم ورحمة الله وبركاته
أتقدم لسعادتكم بدعواى هذه ضد الرمتالة المذكورين أعلاه ، حيث قاموا بالتشهير بسمعتي .
وأطلب ما يأتي:
1ـ تغريم كل واحد موبايل إن 73 لنج مع الشريحة.
2ـ جلد كل واحد خمسمية جلدة مع الانذار.
3ـ دفع أجرة المحامي عوض صقير.

ولكم الخيار في إعدامهم ..


والله يا شبروقة اخص عليك راجل. ما متوقعة منك ابدا والله.

داير تمشي القصر وتودينا السجن ، الفيك اتعرفت يا اخوي وانا بعرس صاحبة عروس الجنا الرهيف داك عقابا ليك فهنيئا لك عديلك المعووووووج.

[Madanawi]

محكمة المنتدى العامة
صحيفة دعوى
اسم المدعي : شبارقة
اسم المدعى عليه: المسافر + أبو رجاء + مدناوي باللنقليزي مكان الاقامة : تحت لعوت المنتدى

سعادة رئيس المحكمة العامة لمنتديات ودمدني سلمه الله
السلام عليكم ورحمة الله وبركاته
أتقدم لسعادتكم بدعواى هذه ضد الرمتالة المذكورين أعلاه ، حيث قاموا بالتشهير بسمعتي .
وأطلب ما يأتي:
1ـ تغريم كل واحد موبايل إن 73 لنج مع الشريحة.
2ـ جلد كل واحد خمسمية جلدة مع الانذار.
3ـ دفع أجرة المحامي عوض صقير.

ولكم الخيار في إعدامهم ..


والله يا شبروقة اخص عليك راجل. ما متوقعة منك ابدا والله.

داير تمشي القصر وتودينا السجن ، الفيك اتعرفت يا اخوي وانا بعرس ليك صاحبة عروس الجنا الرهيف داك عقابا ليك فهنيئا لك عديلك المعووووووج.

[ابورجاء]

محكمة المنتدى العامة
صحيفة دعوى
وأطلب ما يأتي:
1ـ تغريم كل واحد موبايل إن 73 لنج مع الشريحة.
2ـ جلد كل واحد خمسمية جلدة مع الانذار.
3ـ دفع أجرة المحامي عوض صقير.

ولكم الخيار في إعدامهم ..
الغالي حبة الفؤاد ونور القلب الوقاد
يا حبيب قساي الشي القلتو ده بيجيبوهوا
من اي صيدلية قدر ما لفيت اسأل من ال ان 73
ما لميت فيهوا يا المسافر ومدناوي لو لقيتو الجن
ده جيبوا لي واحد معاكم الجنا ده عارفنو سلباط
بعدين الجلد خلوهو علي بدبل وبنجلد ليكم واجرة
المحامي ما عليكم بيها بحنكوا عوض صقير اصلو
زولا طيب وما حق شدايد وبعد داك بفضى ليكم
لي شبارقة عندي لكم ليهو شمار بيقطع رجلو
من المنتدى شهرين اقول يا شبروقتي والا تتنازل
عن القضية وتدفع تعويض قلت شنو ما سامعك
قلت ليك ما سامعكم خلاص اتفاهم مع المسافر
ومدناوي الانجليزي اتفقنا استلمو يا شباب .....

ودوما في رعاية الله وحفظه....
مع كل الود باقة ورد.....

[مدناوية]

ألف مبرووووووووووووووووك عليك الموبايل ياشبارقة
وتحية كبيرة جداً للأخت مدنية الرائعة على المصداقية


وربنا يديم المعروف

[شبارقة]

ألف مبرووووووووووووووووك عليك الموبايل ياشبارقة
وتحية كبيرة جداً للأخت مدنية الرائعة على المصداقية


وربنا يديم المعروف

الله يبارك فيك ويخليك ..
وانشاء الله بعمل ليك مستي كوووول بالموبايل ...
ويا مدنية حبايبك رقدو هبطرش

[مدنيّة]

السلام عليكم عليكم ورحمة الله

والله ياجماعة الواحد ماعارف يشكركم كيف غايتو مابقدر اقول الا جزاكم الله خير وبمشي وبجيكم برواقة عشان مضغوطة جدا في الشغل بس دخلت قلت ابارك لاخونا راشد خضر بمناسبة زواجه مالقيت في زول فيكم نزل ليه بوست اها انا نزلته يلا امشوا علي التهاني باركوا ليه واتمنوا ليه حياة زوجية سعيدة وبرجع ليكم تاني انا بروقة كدا
همسة : ود المتامير التهاني دي جمع تهنئة ما حاجة تانية :p

[ابورجاء]

السلام عليكم عليكم ورحمة الله

والله ياجماعة الواحد ماعارف يشكركم كيف غايتو مابقدر اقول الا جزاكم الله خير وبمشي وبجيكم برواقة عشان مضغوطة جدا في الشغل بس دخلت قلت ابارك لاخونا راشد خضر بمناسبة زواجه مالقيت في زول فيكم نزل ليه بوست اها انا نزلته يلا امشوا علي التهاني باركوا ليه واتمنوا ليه حياة زوجية سعيدة وبرجع ليكم تاني انا بروقة كدا
همسة : ود المتامير التهاني دي جمع تهنئة ما حاجة تانية :p


الغالية عمتي مدنية الطيبة الصادقة
والله والله والله وحشتينا يا عمتي وانا ومعاي
جماعة كده خليهم في سرك كنا مضربين عن
الطعام قلنا لو ما ظهرتي ما بناكل واليوم ظهرتي
كدي خليني امشي ابشر الجماعة اولا ونضرب الكبسة
عشان نجيب الفرق بتاع الجوع وكده بعد نضرب الكبسة
بنرجع ليك ان شاء الله.. حلفتك بالغالين ما تتاخري تاني...

ودوما في رعاية الله وحفظه....
مع كل الود باقة ورد....

[مدناوية]

مستي كول ليه ياشبارقة؟؟؟؟
الموبايل جديد يعني فيهو رصيد
خلي الجبر وأضرب عديل
ههههههههههههههه


وربنا يديم المعروف

[ود المطامير]

السلام عليكم عليكم ورحمة الله




همسة : ود المتامير التهاني دي جمع تهنئة ما حاجة تانية :p


( يا فرحه ما تمت , أنا قايلها الحاجه التانيه )
حمد لله ألف ألف على السلامه وإشتقنا ليك
لحدما قربنا نجيب أبو دجانه يدعّيك

[المسافر]

ألف مبرووووووووووووووووك عليك الموبايل ياشبارقة
وتحية كبيرة جداً للأخت مدنية الرائعة على المصداقية

وربنا يديم المعروف



شنو يا نفحات الصباح المبروك دي . . .
بصراحة في شمار أنا عايز أقول ليك عليهو
شبروقة ده أستغلت وضع وسلك طريق ما تمام حتى
يستلم الجائزة ونحن هنا عايزو يرجعها ومع تعويض
لصاحبتها . . . وأرجوك أقيفي معانا لإحقاق الحق

ودمتي

[شبارقة]

شنو يا نفحات الصباح المبروك دي . . .
بصراحة في شمار أنا عايز أقول ليك عليهو
شبروقة ده أستغلت وضع وسلك طريق ما تمام حتى
يستلم الجائزة ونحن هنا عايزو يرجعها ومع تعويض
لصاحبتها . . . وأرجوك أقيفي معانا لإحقاق الحق

ودمتي

وأنا أضم صوتي لصوت المسافر يجب معاقبة شبارقة بغرامة مالية ، كما يجب جلدة ميتين جلدة بكرباج الحسن ود خريتيمة، واعدامو في حدبة الحلة ...

[المسافر]

وأنا أضم صوتي لصوت المسافر يجب معاقبة شبارقة بغرامة مالية ، كما يجب جلدة ميتين جلدة بكرباج الحسن ود خريتيمة، واعدامو في حدبة الحلة ...


ويجرو بالكارو بتاع ود المطامير ويحوموا بيهو
في الحلة نص النهار . . . عشان يكون عبرة
لكل من هو مارق عن قانون الحلة
بس الغرامة واقعة عليك واقعة عليك

ودمت