المساعد الشخصي الرقمي

مشاهدة النسخة كاملة : العنوسة ونظرة المجتمع لها


ابورجاء
31-01-2007, 01:55 AM
العنوسة ..(البورة)

هذا التعبير الذي أصبح متداولا بشكل فظيع في كافة مجتمعاتنا العربية و بات خطرا وشبحا يهدد جميع البيوت والأسر ..
كلمة مريرة تبدأ بملاحقة الفتاة بعد أن تدرك أنها تخطت سن معينة للزواج
فتبدأ المخاوف من هذا الشبح الذي يهدد حياة ومستقبل كل فتاة فاتها قطار الزواج ( بايركس) ،،
هذه هي نظرة المجتمع التي تخدش مشاعر تلك الفتاة التي لا ناقة لها ولا جمل فيما يحدث لها ،، سوى أن نصيبها لم يأت بعد ..
أما الرجل ،، فهو قادر على الزواج متى ما سنحت له الفرصة ولا يشعره المجتمع بأي نقص أو عيب فيما لو تأخر زواجه هو أيضا ولم يأت نصيبه بعد ..
فهو في نظر المجتمع رجل لا يعيبه شيء ،، أما الفتاة فكأنها سلعة محددة بوقت معين لزواجها إذا لم تتزوج فيه فقد انتهت صلاحيتها ( وهذا هو التعبيرالصحيح الذي يحاكي واقع و حال هؤلاء الفتيات و يمكنني أن أصف فيه هذه الكلمة المشينة التي تعير كل فتاة تأخر زواجها فيها )..
هنا نناقش الاسباب والنتائج والحلول والدراسات التي قامت في هذا
الموضوع كونوا معنا أراؤكم تهمنا ومناقشاتكم هي المطلوبة فلا تبخلوا علينا...
ودوما في رعاية الله وحفظه...
مع كل الود باقة ورد.....
مدنيّة
31-01-2007, 02:02 AM
يعني يا ابورجاء ياخوي ماتراعي مشاعر البايركس المعانا ديل مش حرام عليك تقلب عليهم المواجع ناس نور العيون وناس سوار الياسمين مع الاعتذار للاغنية :p (تبعا ح يضبحوني البنات ديل ولو بكرة ماجيت ابكوا علي :D )
ابورجاء
31-01-2007, 02:28 AM
يعني يا ابورجاء ياخوي ماتراعي مشاعر البايركس المعانا ديل مش حرام عليك تقلب عليهم المواجع ناس نور العيون وناس سوار الياسمين مع الاعتذار للاغنية :p (تبعا ح يضبحوني البنات ديل ولو بكرة ماجيت ابكوا علي :D )


بتي مدنية اخت مدناوي وبت مدني
ما عشان خاطر عيونهم نحن نزلنا البوست ده
عايزين نشوف ليهم حل في البوره وكده لكن
قريبة سوار ليه ومعاها نور العيون شمار لكن
انا قايلهن عماتي وبي وليداتن حتى فكرت لو
عندهن بنيات يودوهن عرس الكورة بتاع شبارقة
لكن لقيتك يا مدنية خليها سااااااكت احسن اسكت...
وتبري يا بت امي من الضبح والسلخ خليهو لي ناس
المسافر وود المتامير وابو دجانة وبورتبيل وشبروقتي...
ودوما في رعاية الله وحفظه..ز
مع كل الود باقة ورد....
مدنيّة
31-01-2007, 02:44 AM
بتي مدنية اخت مدناوي وبت مدني
ما عشان خاطر عيونهم نحن نزلنا البوست ده
عايزين نشوف ليهم حل في البوره وكده لكن
قريبة سوار ليه ومعاها نور العيون شمار لكن
انا قايلهن عماتي وبي وليداتن حتى فكرت لو
عندهن بنيات يودوهن عرس الكورة بتاع شبارقة
لكن لقيتك يا مدنية خليها سااااااكت احسن اسكت...
وتبري يا بت امي من الضبح والسلخ خليهو لي ناس
المسافر وود المتامير وابو دجانة وبورتبيل وشبروقتي...
ودوما في رعاية الله وحفظه..ز
مع كل الود باقة ورد....


ههههههههههههههههه
هن عماتك اي لكن عاملات فيها بنات صغار عشان البورة وكدا :p
واخير بعد دا انا اسكت عشان لو واصلت ح اضبح ح اضبح :D
والتانين ديل زاتهم كان ضبحوهم مامشكلة موت الجماعة عرس :cool:
ابورجاء
31-01-2007, 03:17 AM
يا بتي يا مدنية يا طيبة
حتى الموت بقى فيهو عرس والله
العرس الجنن شبارقة ده الله يسترنا منو
طيب رايك شنو نلم البايرين علي البايرات
ونشكهم ونوزعهم كونكان اربعتاشر؟؟؟؟ ....
ودوما في رعاية الله وحفظه...
مع كل الود باقة ورد...
المسافر
31-01-2007, 07:13 AM
حبة عيني أبو رجاء
تسلم على الطرح اللذيذ وزي ما قلتي نحن في ( السيف سايد ) إلا أن الموضوع ذات أهمية قصوى لنا عشان طبعاً ما عايز الجكس يكون نفسياتو محطمة لما نجي نرتبط بيهو لأن القصة أكيد حتكون مرتبطة بطريقة العيش والإنجاب.
لكن في وجهة نظري الموضوع ما بسمى بالعنوسة أو البيركلس زي ما سمو نفسهم إنما تأخر في الزواج . . . ونلاحظ أن أغلب المتزوجين في أفريقيا وخصوصاً السودان أعمارهم بين (40 و 30) عكس دول الخليج وأسيا .
عشان كده الجكس ما عايز يصبر وبتخوفوا من الإنتظار إلى تلك الأعمار .

ودمت يا الغالي
ابورجاء
31-01-2007, 07:29 AM
حبة عيني أبو رجاء
تسلم على الطرح اللذيذ وزي ما قلتي نحن في ( السيف سايد ) إلا أن الموضوع ذات أهمية قصوى لنا عشان طبعاً ما عايز الجكس يكون نفسياتو محطمة لما نجي نرتبط بيهو لأن القصة أكيد حتكون مرتبطة بطريقة العيش والإنجاب.
لكن في وجهة نظري الموضوع ما بسمى بالعنوسة أو البيركلس زي ما سمو نفسهم إنما تأخر في الزواج . . . ونلاحظ أن أغلب المتزوجين في أفريقيا وخصوصاً السودان أعمارهم بين (40 و 30) عكس دول الخليج وأسيا .
عشان كده الجكس ما عايز يصبر وبتخوفوا من الإنتظار إلى تلك الأعمار .

ودمت يا الغالي
الغالي تمرة فؤادي وحبة العسل المصفى
والله يا حبة الرمان الموضوع بيحتاج
لي علاجات جذرية يعني تأخر الزواج عندنا
في السودان ليهو اسباب طبعا كان زمان
المادة هي العايق الاول ومسألة القبلية
لكن الان التعليم مسح كل هذه العادات
والمعتقدات بعد ده كلو في تاخر السبب
شنو ده المجنن بوبي ...
لو عرفته كلمني يا حلو العيون كلمني
والكاين يكون كلمني حاول حس بي ....
ودوما في رعاية الله وحفظه...
مع كل الود باقة ورد....
امل حياتى
31-01-2007, 08:13 AM
يعني يا ابورجاء ياخوي ماتراعي مشاعر البايركس المعانا ديل مش حرام عليك تقلب عليهم المواجع ناس نور العيون وناس سوار الياسمين مع الاعتذار للاغنية :p (تبعا ح يضبحوني البنات ديل ولو بكرة ماجيت ابكوا علي :D )



هههههههههههه والله يا مدنية ربنا يديك العافية عشان انت ضمنت

بس ناس نور العيون وسوار حلوات ما بيبور و
ابورجاء
31-01-2007, 08:24 AM
هههههههههههه والله يا مدنية ربنا يديك العافية عشان انت ضمنت

بس ناس نور العيون وسوار حلوات ما بيبور و
الغالي يا امل حياتي وغربتي وجع كلوتي
حياك الله يا الغالي وتسلم على الطلة الحلوة
دي بس بيني وبينك الكلام ده لو سمعوهو ناس
ناس المسافر وابو دجانة ما بينومواليوم اسكت
ما تفضحنا مع الجنيات اصلهم كبكابات وبيموتوا
في حلاوة طحنية .....
ودوما في رعاية الله وحفظه....
مع كل الود باقة ورد.....
Jamal Elmahi
31-01-2007, 02:04 PM
الوجيه زين الشباب أبو رجاء
موضوع البايركس حيوي وحساس وقابل للكسر...
مدنيّه براك بتجيبي لي روحك الهبايب...
أنا غايتو سمع أضاني سوار الياسمين صف خطابه أولو في الدوحه أخرو في مدني فات الكبري وماشي علي القضارف....
ونور العيون سوقه حار مولع لامن غالبا تختار ....المهم يا مدنيّه شوفي ليك بايركس غادي غادي...
ومرات مرات يابت أمي القسمه تفوت أحلي البنوت...
أبورجاء قالوا نسبة البنات للاولاد بمعدل تمانيه لواحد في السودان وبرضو علي مستوي العالم ..يعني ألاّ ناس الشريعه يدوها كوز ويحللوا لينا نتزوج تمانيه عشان البنيات ما يبقو بايركس...غايتو دي إلا يحلّها الشربكا....

ود الماحي
ود المطامير
31-01-2007, 06:05 PM
يا أبو رجاء ما هو لازم يبورن بورة الجن اللحمر
لأنو الرجال ربع وهن تلاته أرباع إبقى عليك الله
الربع دا يحوق عليهن كيف ؟ والمشكله هن فرحانات
بكترتهن عليانا ويكاون فينا ويضحكن عليك الله قول ليهن
أضحكن سمح عرس مافى .
سوار الياسمين
31-01-2007, 09:46 PM
يعني يا ابورجاء ياخوي ماتراعي مشاعر البايركس المعانا ديل مش حرام عليك تقلب عليهم المواجع ناس نور العيون وناس سوار الياسمين مع الاعتذار للاغنية :p (تبعا ح يضبحوني البنات ديل ولو بكرة ماجيت ابكوا علي :D )




مدنية !!!!!!!!!!!!!!!!!!
:eek: :eek: :eek:
اصبري لي
:mad: :mad: :mad:
سوار الياسمين
31-01-2007, 09:48 PM
هههههههههههه والله يا مدنية ربنا يديك العافية عشان انت ضمنت

بس ناس نور العيون وسوار حلوات ما بيبور و

الغالي امل حياتي

تسلم يا زوووووووق

وما عدمناك
سوار الياسمين
31-01-2007, 09:55 PM
أنا غايتو سمع أضاني سوار الياسمين صف خطابه أولو في الدوحه أخرو في مدني فات الكبري وماشي علي القضارف....
ونور العيون سوقه حار مولع لامن غالبا تختار ....المهم يا مدنيّه شوفي ليك بايركس غادي غادي...


العم العزيييييييز ود الماحي
مالك بخلان علينا بطلتك البهية
وانت يا عمي اضانك ده ما بتفوتها حاجة :p ;)

ربنا يديم على العافية ونعمة السمع:D
ابورجاء
31-01-2007, 10:42 PM
الوجيه زين الشباب أبو رجاء
موضوع البايركس حيوي وحساس وقابل للكسر...
مدنيّه براك بتجيبي لي روحك الهبايب...
أنا غايتو سمع أضاني سوار الياسمين صف خطابه أولو في الدوحه أخرو في مدني فات الكبري وماشي علي القضارف....
ونور العيون سوقه حار مولع لامن غالبا تختار ....المهم يا مدنيّه شوفي ليك بايركس غادي غادي...
ومرات مرات يابت أمي القسمه تفوت أحلي البنوت...
أبورجاء قالوا نسبة البنات للاولاد بمعدل تمانيه لواحد في السودان وبرضو علي مستوي العالم ..يعني ألاّ ناس الشريعه يدوها كوز ويحللوا لينا نتزوج تمانيه عشان البنيات ما يبقو بايركس...غايتو دي إلا يحلّها الشربكا....

ود الماحي
الغالي حبيب قسانا وضواي منتدانا
تسلم علي مرورك الجميل والرائع والظريف..
الموضع لانو قابل للكسر نكلم ناس مدنية ما
يشترو بالحجار ....
بعدين الصف الشفتو من الدوحة لمن حصل القضارف ده
ما صف خطاب ده صف العمرة اتلخبط عليك الاختصاص...
وقلت لي سوقها مولع نار يكون مشيت سوق الدهب ...
وانا لي مده اقول البنوت ديل جابن مقولة الرجال ربع
المجتمع من وين يجازي محنك يا ود الماحي ضحكت
علينا البنوت وتسلم مليار مره على المرور الجميل ده
يا كلك كلك حلو .....
ودوما في رعاية الله وحفظه...
مع كل الود باقة ورد.....
شبارقة
31-01-2007, 10:56 PM
والله يا أبو رجاء نحن ما قصرنا وفتحنا باب العرس على مصراعيه ..
ووزعنا الاستمارات ..
واحدة قالت لينا عينكم في راسكم مافي .. نسوي ليهم شنو بعد كده..؟؟
خليهم انشاء الله البورا حدها المية ..
***
لك خالص الود
ابورجاء
31-01-2007, 11:05 PM
يا أبو رجاء ما هو لازم يبورن بورة الجن اللحمر
لأنو الرجال ربع وهن تلاته أرباع إبقى عليك الله
الربع دا يحوق عليهن كيف ؟ والمشكله هن فرحانات
بكترتهن عليانا ويكاون فينا ويضحكن عليك الله قول ليهن
أضحكن سمح عرس مافى .
الغالي نور العيون وضي القلوب العتمه
يا اخوي انا عنيد بنيه خايف عليها بدورلها
العرس والستره كيفن نخليهن لازم نلقى لينا
حل يحلنا الحله بله.
وتسلم يا الحنين على المرور الجميل والظريف
ظرافت روحك الطيبة تعال تاني ما تطول الغيبة...
ودوما في رعاية الله وحفظه...
مع كل الود باقة ورد....
ابورجاء
31-01-2007, 11:11 PM
مدنية !!!!!!!!!!!!!!!!!!
:eek: :eek: :eek:
اصبري لي
:mad: :mad: :mad:
بتنا سوار الياسمين الطيبة
اولا تسلمي علي المرور الهادر زي
جيش شرق الله البارد...
يا بتي مالك ومال مدنية البنيه ما قدرك
بعدين تشوفي في الفيل وتضعني في ضلو...
ودوما في رعاية الله وحفظه...
مع كل الود باقة ورد....
Madanawi
31-01-2007, 11:16 PM
يا ابو رجاء لك التحية وانت تفتح ابواب جهنم على المتمردات علينا.

يا مدنية انتي اختي تمااااااام وانا من وعيت في الدنيا دي ما حصل كضبت ليك كلام.

ربع يا سوار الياسمين آآآآآآآ ربع قلتي لي؟ ، سمح السمح ، وسمح الربع.

انتو يا تلاتة ارباع التمن حا تطفشونا وتبكو بي ورانا وحات الله ما نجيكم الا تجهزوا الشيلة والشبكة وبالمناسبة الشبكة ما تكون فيها اي سوار. موش حا تلبسوها انتو برضو ما يكون فيها سوار.

وما اشوفكم في البوست حق الزواج الجماعي لانو بالاتفاق مع الاخ مزوني حا يكون العروسات كلهن هنديات من سوق المنقة والبشتري من الشباب قفة بيدوهو معاها قفة مجانية.

يا جماعة انا بقترح انه
Madanawi
31-01-2007, 11:20 PM
نفكر في الانسحاب التكتيكي. لكن والله يا ود المطامير في ناس انا خايفهم يخزلونا.

قلوبهم رهيفة زي ودأبرك أول ما يشوف عشوشة ريشو يتنتف.

الاجتماع الجاي سيتحدد القرار النهائي ولك التحية عمنا ابو رجاء
ابورجاء
31-01-2007, 11:29 PM
والله يا أبو رجاء نحن ما قصرنا وفتحنا باب العرس على مصراعيه ..
ووزعنا الاستمارات ..
واحدة قالت لينا عينكم في راسكم مافي .. نسوي ليهم شنو بعد كده..؟؟
خليهم انشاء الله البورا حدها المية ..
***
لك خالص الود
حبة الفؤاد ومنية القلب
تسلم حبيبنا على الطله البهية
زي لون قلبك الصافي الجميل
يا اخوي بعد ده سوليهم موية
ليمون او شاي احمر مع كمون
والا اقول ليك امشي قنيص جيب
ليهم عرق محبة ...
ارجا الراجيك لو وحده قالت ليك
عينك في صنقورك ...
ودوما في رعاية الله وحفظه..
مع كل الود باقة ورد...
مدنيّة
31-01-2007, 11:33 PM
تبعا ياخوانا انا البوست دا تاني ماجاياه
لاني تعرضت لضغط وتعذيب معنوي مبااااااااااالغ فيه ووصلني تهديد بالايمل وبالرسائل الخاصة وكمان شوف اضاني ذاعوا التهديد في الجزيرة وبكل اللغات الحية وكمان قالوا لي يمكن يكلموا كوندليزا ويودوني جوانتنامو والكلام دا مابقدر عليه انا وفي ناس قالوا لي سمعوا صوت سكين سوار ونور العيون لذا حفاظا علي روحي وعلي بناتي مامعروف اللي بيحصل عليهم اعلنها علي الملا انسحاااااااااااااااابي من هذا البوست ويا ابو رجاء اعذرني مابقدر اضحي بحياتي
ابورجاء
31-01-2007, 11:39 PM
يا ابو رجاء لك التحية وانت تفتح ابواب جهنم على المتمردات علينا.

يا مدنية انتي اختي تمااااااام وانا من وعيت في الدنيا دي ما حصل كضبت ليك كلام.

ربع يا سوار الياسمين آآآآآآآ ربع قلتي لي؟ ، سمح السمح ، وسمح الربع.

انتو يا تلاتة ارباع التمن حا تطفشونا وتبكو بي ورانا وحات الله ما نجيكم الا تجهزوا الشيلة والشبكة وبالمناسبة الشبكة ما تكون فيها اي سوار. موش حا تلبسوها انتو برضو ما يكون فيها سوار.

وما اشوفكم في البوست حق الزواج الجماعي لانو بالاتفاق مع الاخ مزوني حا يكون العروسات كلهن هنديات من سوق المنقة والبشتري من الشباب قفة بيدوهو معاها قفة مجانية.

يا جماعة انا بقترح انه
الغالي مدناوي حبيبنا حبة الرمان
تسلم يا روحنا ودمنا علي المرور السكره
والطلة الحلوة ليك وحشه يا حبيبنا...
قلت لي هنديات عديييييل كده لكن رايك
شنو في لالوب بلدنا احسن من التمر هندي
والله ات ماك عارف احييييييييييييييييي انا
من اللالوب .....
قلت لي هن يجيبن الشيلة بس تعال عندنا
البيسجلن ليك البيت كمان ولو داير عربية
على الزيرو اجري حصل قبل يجي صاحبك
يخمهن من قدامك ...
ودوما في رعاية الله وحفظه...
مع كل الود باقة ورد...
ابورجاء
31-01-2007, 11:53 PM
تبعا ياخوانا انا البوست دا تاني ماجاياه
لاني تعرضت لضغط وتعذيب معنوي مبااااااااااالغ فيه ووصلني تهديد بالايمل وبالرسائل الخاصة وكمان شوف اضاني ذاعوا التهديد في الجزيرة وبكل اللغات الحية وكمان قالوا لي يمكن يكلموا كوندليزا ويودوني جوانتنامو والكلام دا مابقدر عليه انا وفي ناس قالوا لي سمعوا صوت سكين سوار ونور العيون لذا حفاظا علي روحي وعلي بناتي مامعروف اللي بيحصل عليهم اعلنها علي الملا انسحاااااااااااااااابي من هذا البوست ويا ابو رجاء اعذرني مابقدر اضحي بحياتي


عمتي مدنية الطيبة
لقيتك جلكينه واكبر مني عشان كده بقول ليك
عمتي والخوف ده ما حقنا وفي سبيل القضية
يا عمتي ما في خوف كدي استهدي بالله واقعدي
انا كلمت السوار والنور بتاع العيون يعفوا منك
لانك عايزه مصلحتهم والا ما كده خلاص وافقوا
ارجعي يا عمتي وكوندليزا الايام دي مشغوله في
رويحتها هي زاتها بايره وداير ليه راجل يلمها...
وحياتك والله غالية علينا بس ما تخافي وراك
رجاله وعذابه زي التراب هع هع هع ...
ودوما في رعاية الله وحفظه...
مع كل الود باقة ورد....
محمد السر احمد
01-02-2007, 02:09 AM
يا شباب حقو الناس تاخد الموضوع بصورة جديه لانو موضوع حساس وبقي مشكلة في السودان يا رايت يا اخوي ابو رجاء تكمل لينا الدراسة عشان نعرف الحل شنو
تسلم اخي ابو رجاء
ابورجاء
01-02-2007, 03:10 AM
يا شباب حقو الناس تاخد الموضوع بصورة جديه لانو موضوع حساس وبقي مشكلة في السودان يا رايت يا اخوي ابو رجاء تكمل لينا الدراسة عشان نعرف الحل شنو
تسلم اخي ابو رجاء
الغالي حبيبنا ود السر الثائر
تسلم حبيبنا على مرورك السندسي
والرائع ودوما كما عودتنا توش على
صلب الموضوع وعند الوعد ان شاء الله
بتكملت الدراسة قريبا ان شاء الله ...
تخريمة :ــ
ما تجي نديك اربعة مع بعض وبعد سنة
تعمل ليهم فك وتسجل لاربعة تانين تكون
ساهمت في الحل :D :D :D :D :D
نيش كويس اوع تجلي بونيتك ....
ودوما في رعاية الله وحفظه...
مع كل الود باقة ورد.....
تسنيم خالد
01-02-2007, 04:05 AM
مدنية السرير الفي توقيعك دة فيهو هدوم المكوة ولا شنو؟؟
هههههههههههههههههههههههه
تسنيم خالد
01-02-2007, 04:08 AM
انا بشوف انو الزمن اتغير كتير
زمان حبوباتنا البتصل 14 سنة دي بايرة
والناس كلها تتحاكي بعدم عرسها
اسي مع الحركة السريعة لايقاع الحياة
والعالم بقي مفتوح وفرص التعليم والشغل
كتيرة ومافيها قيود الوضع اتغير بقي البت
بتدرس الجامعة وتتخرج وتعمل ماستر
وتشتغل حتي تفكر تتزوج يعني سن البورة
بقت من 14 زمان بقت 30 اسي

والله المستعان



دمتم
ابورجاء
01-02-2007, 04:41 AM
انا بشوف انو الزمن اتغير كتير
زمان حبوباتنا البتصل 14 سنة دي بايرة
والناس كلها تتحاكي بعدم عرسها
اسي مع الحركة السريعة لايقاع الحياة
والعالم بقي مفتوح وفرص التعليم والشغل
كتيرة ومافيها قيود الوضع اتغير بقي البت
بتدرس الجامعة وتتخرج وتعمل ماستر
وتشتغل حتي تفكر تتزوج يعني سن البورة
بقت من 14 زمان بقت 30 اسي

والله المستعان

دمتم
بتنا تسنيم الطيبة
تسلمي على المرور الجميل والتعليق الاجمل
والرائع والاضافة المفيدة والشيقة...
يعني في النهاية في بورة مع تغير السنة
المحدده لزواج البنت طيب وين الحل والسبب
شنو والاثار المترتبه من الحكاية دي شنو..
ده كلو بنشوفوا مع بعض نكمل الدراسة
ونشوف الحلول لازم نلقى حل ...
ودوما في رعاية الله وحفظه..
ابورجاء
02-02-2007, 12:25 AM
ذي ما وعدنا نكمل موضوعنا واي حد عندو اضافة مرحب ومن دواعي سروري:ـــــــــــــ
إن تعاليم الشريعة الإسلامية تحث على الزواج المبكر ، وعلى الاختيار على أساس الدين ، وتيسير مؤونة الزواج .. وتنهى عن المغالاة في المهور ، وتشدد على أهمية التوالد وحفظ النفس والنسل .. تلك التعاليم وغيرها من قيم الإسلام تمثل مرجعية أساسية لكل سياسة تسعى إلى مواجهة هذه الظاهرة والقضاء على أسبابها ، في مواجهة أخلاقيات العولمة ، ودعاوى المنظمات الدولية ، الساعية إلى نشر الحرية الجنسية وإباحة الشذوذ ومحاربة الزواج المبكر!
وبما أن الزواج هو الوسيلة الوحيدة لبقاء النوع الإنساني واستمراره وأنه هو الوسيلة العظمى للاستقرار النفسي والطبيعي والاجتماعي للإنسان فإن العنوسة وعدم التزويج يخلف مشاكل خطيرة في الحياة البشرية إذا تحول إلى ظاهرة عامة في المجتمع ،، ولذلك نهى الإسلام عن الترهب في الدين وهو ترك الزواج دونما سبب ..
يتأخر سن الزواج في المجتمعات الجديدة بعدما اتسعت متطلبات الحياة العصرية ، وأصبحت البيوت الزوجية محتاجة إلى نفقات مالية باهظة مما يصيب جيل الشباب بالخوف من حمل أعباء الحياة الزوجية ، وفي المقابل تتسع مساحات الخوف من العنوسة في هاجس وأفكار جيل الفتيات الجديد في عمر مبكر بعد الاطلاع على حالات الأخوات والقريبات العانسات إثر الوصول الى سن متقدمة ، مما جعل هذا الجيل النسائي يحاول البحث عن حلول سريعة للعنوسة المتوقعة .. وعبر مكاتب الزواج المتنقلة ، وحوارات الدردشة على الانترنت ، والاطلاع على صفحات طلبات الزواج في بعض المجلات النسائية ، يستمر البحث عن الاستقرار الزوجي ، فيصبح اللجوء إلى الشعوذة والسحر والأحجية المكتوبة داخل مغلفات جلدية من الحلول الجاهزة ، لتتسع مطاردة الوهم وتتعدد خيبات الأمل ولا يتحقق حلم الاستقرار في عالم الطلاسم والوعود الكاذبة ..
ومع اتساع ظاهرة العنوسة في البلاد العربية ، بدأت الدراسات برصد الأسباب والدوافع ليتضح أن المشكلة الاقتصادية تقف في مواجهة الارتباطات الزوجية الحديثة ، وهذه المشكلة كوّنتها الحياة المرفهة الجديدة بعدما أصبحت البيوت محتاجة إلى وسائل عصرية لم تكن موجودة في بيوت الآباء والأجداد في زمن البساطة والمتطلبات المحددة ، فيما تتطلب هذه المرحلة الزمنية التزامات عديدة تعتبر من الأسس الضرورية في تكوين البيت الزوجي ، مما يساهم في تأخير رغبة الشباب بالزواج ..
*ونتابع بعد هذا الاسباب ان شاء الله....
ودوما في رعاية الله وحفظه...
مع كل الود باقة ورد.....
مزوني
02-02-2007, 05:34 AM
بدأت الدراسات برصد الأسباب والدوافع ليتضح أن المشكلة الاقتصادية تقف في مواجهة الارتباطات الزوجية الحديثة

والله كده سكتني يا دووووووووووووووب يا أبو رجاء وما خليت لي حاجه أقولها

وفعلا هو ده لب المشكله وما بقدر أقول غير انو ربنا يستر بس على الجميع

وتسلم يا رائع وربنا يديك الصحه والعافيه
ابورجاء
03-02-2007, 12:35 AM
والله كده سكتني يا دووووووووووووووب يا أبو رجاء وما خليت لي حاجه أقولها

وفعلا هو ده لب المشكله وما بقدر أقول غير انو ربنا يستر بس على الجميع

وتسلم يا رائع وربنا يديك الصحه والعافيه
الغالي الحنين الحبيب المن القلب قريب
تسلم علي مرورك الجميل وكلماتك الحلوات
ودعواتك الطيبات ...لكن ات واحد من اسباب
العنوسة في السودان عارف ليه عشان عايز
تخارج الهنديات وتخلي بنياتنا يبورين شكيت
محنك ناس تبيع في بضاعتها وات تبيع حقت
جيرانكم الله يهديك كورك لي بنياتنا ديك وقول
كل حاجه بي خمسه اي حاجة بي خمسه جبناهو
بالطيارة وبعناهو بالخسارة يمكن يلقن...
وتسلم يا ظريف يا كلك كلك حلو...
ودوما في رعاية الله وحفظه..
مع كل الود باقة ورد....
محمد السر احمد
03-02-2007, 02:57 AM
ابو رجاء الرائع تسلم بالجد انت لمسه الوتر الحساس انو السبب الوضع الاقتصادي عشان كدا زلام اهل البت يتفهمو الوضع بقي صعب وانو لابد من تسهيلات عسان البنات يتسترو
ابورجاء
03-02-2007, 03:19 AM
ابو رجاء الرائع تسلم بالجد انت لمسه الوتر الحساس انو السبب الوضع الاقتصادي عشان كدا زلام اهل البت يتفهمو الوضع بقي صعب وانو لابد من تسهيلات عسان البنات يتسترو
الغالي ود السر حبيبنا
تسلم على المتابعة والتعليق الجميل
طبعا الوضع الاقتصادي جزء من المشكلة
والاسباب كثيرة واظن الاهل بقوا يتفهموا
حتت الوضع الاقتصادي دي بس الحاجات
الباقية الحل ليها كيف ده مربط الفرس...
ودوما في رعاية الله وحفظه..
مع كل الود باقة ورد....
ابورجاء
06-02-2007, 10:49 PM
أسباب العنوسة

الأسباب المؤدية للأزمة تتفاوت من قطر إلى آخر ؛ فمنها ما هو مرتبط بالعادات
والمغالاة في المهور ، وانغلاق الطبقات في مسألة الزواج على نفسها..
ومنها ما هو عائد إلى أسباب اقتصادية كأزمة السكن والبطالة ..
ومنها ما هو عائد إلى عدم الرغبة في الزواج بسبب انتشار الفساد
الأخلاقي والتحلل السلوكي الذي تبثه الفضائيات ، وما يترتب عليه
من قضاء الوطر في الحرام دون حاجة لتحمل أعباء الزواج مادياً
ونفسياً واجتماعياً ! .. وكلها أسباب تصب الزيت في النهاية على
نار الأزمة المشكلة ..
و في استفتاء على مجموعة عددهم 176 شابا و شابة حول أسباب
العنوسة كانت النتائج كما يلي ::
52 رأيهم أن قلة الوازع الديني وكثرة الزنا سبب العنوسة في وطننا العربي ..
و 48 منهم قالوا أن غلاء المهور وتكلفة الزواج العالية هي السبب في العنوسة ..
بينما 38 منهم عزاها إلى بطالة الشباب وغلاء المعيشة ..
و 18 قالوا هي عادات القبائل بانتقاء أصحاب الحسب والنسب السبب ..
و 10 رأيهم في قلة أعداد الرجال وكثرة البنات ..
6 منهم قالوا أن العزوف عن الزواج بحجة إكمال الدراسة هو السبب ..
أما أربعة منهم فعزوها إلى عزوف الشباب عن الزواج ببنت البلد ..
( من خلال هذا الاستفتاء بالرغم من صغر حجم المستفتين إلا أن
أكبر نسبة منهم كان رأيهم في قلة الوازع الديني وكثرة الزنا ،
وإذا كان هذا كذلك فإننا سندرك كبر حجم الخطر الذي يتهدد
مجتمعاتنا المسلمة التي بدأت بالانحدار شيئا فشيئا جراء
العادات والأفكار المستوردة من خارج نطاق عالمنا ومجتمعنا
العربي الإسلامي المحافظ والذي أثرت فيه إلى حد كبير
موروثات الغرب السيئة المنافية لديننا الحنيف )
ونواصل ان شاء الله .......
ودوما في رعاية الله وحفظه....
مع كل الود باقة ورد....
ابورجاء
09-02-2007, 12:53 AM
نتائج العنوسة

لو بحثنا في نتائج العنوسة في الغرب وفي الشرق لوجدنا أن بعض هذه النتائج مشترك وبعضه مختلف فمن أهم نتائجها المشتركة بين الشرق والغرب :: باعتراف الجميع :: شعور الوحدة الذي يصيب العانس :: ذكرًا أو أنثى :: هذا الشعور الذي يمكن تعويضه نسبيًّا بالكثير من العلاقات الاجتماعية والصداقات . . لكن يبقى واقع أنه لا شريك يقف مع الآخر في لحظات الفرح والحزن من أكبر النتائج السلبية للعنوسة ، وخاصة بالنسبة لنا .. فنحن :: كما هو معروف :: من الشعوب الاجتماعية والمحبة للآخر ، وأصحاب لهفة قد تصل إلى درجة المبالغة في التدخل في حياة الآخرين ..
والنتيجة الثانية للعنوسة بالنسبة للذكور :: في بلادنا تحديدًا :: هو عدم استمرار اسم العائلة ونسبها إلى أجيال قادمة :: مما يجعلها غير مستحبة .. كما أن العانس غالبًا ما تواجَه بالانتقاد أو تُدفَع لانتقاد ذاتها لكثرة التعليقات التي توجَّه لها بسبب كونها " غير شاطرة " لأن غيرها من البنات فزن بالعريس ، بينما فشلت هي في ذلك!
من النتائج السلبية للعنوسة كبت مشاعر الأمومة عند الفتاة العانس لأن مجتمعنا يرفض إشباع هذه الغريزة عن طريق التبني ..
وأيضا عدم تلبية الاحتياجات الجنسية الفطرية عند كلا الجنسين ( الذكور والإناث ) ..

آثار العنوسة

أما أبرز آثار ظاهرة العنوسة فيرصدها خبير في علم الاجتماع في إحدى الدول العربية فيقول :
1. 15000 دعوى لإثبات بنوة المواليد من زواج عرفي وزنا ..
2. زيادة مطردة في أعداد اللقطاء الذين يعثر عليهم أمام المساجد أو المساكن أو فى صناديق القمامة ..
3. عودة ظاهرة قتل المواليد من سفاح . .
4. تفشي الانحلال خصوصا فى المدن الكبرى . .
بالبحث في بعض التقارير الواردة من أقطار عدة في الوطن العربي تشير إلى تفاقم ظاهرة العنوسة بين النساء والعزوبية بين الرجال ؛ الأمر الذي يهدد مجتمعات الوطن العربي بأزمات اجتماعية وأخلاقية خطيرة . .
أظهرت الاحصاءات ارتفاعاً في أعداد الفتيات اللاتي بلغن سن العنوسة في العراق وفي عدد من الدول الخليجية وشمال إفريقيا في حين وصلت إلي أدني مستوياتها في فلسطين ، فلبنان وسورية والأردن. .
فقد بينت الأرقام الرسمية أن أعلي نسبة من الفتيات اللاتي بلغن مرحلة العنوسة سجلت في العراق إذ وصلت إلي 85% ، فيما بلغت 35% في كل من الكويت وقطر والبحرين والإمارات ، وانخفضت هذه النسبة في كل من السعودية واليمن وليبيا لتصل إلي 30% ، بينما بلغت 20% في كل من السودان والصومال، و10% في سلطنة عُمان والمغرب ..
أما في سورية ولبنان والأردن فلم تتجاوز النسبة 5%.. وكانت في أدني مستوياتها في فلسطين ، حيث مثلت نسبة الفتيات اللواتي فاتهن قطار الزواج 1% .. وأوضحت الإحصائيات التي نشرت في بعض الصحف العربية أن العنوسة لا تقتصر علي النساء فقط ، فهناك نسبة كبيرة من الرجال يعانون من هذه الظاهرة ، ففي سورية بيّنت الأرقام الرسمية أن أكثر من 50% من الشبان السوريين ، الذين تتراوح أعمارهم بين 25 و29 عاماً لم يتزوجوا بعد ..
ولاحقا ان شاء الله التفاصيل لهذه الإحصائيات ..
ودوما في رعاية الله وحفظه...
مع كل الود باقة ورد....