تمباك البنات!!!

[DANY]

تمباك البنات!!!

بسم اللة الرحمن الرحيم


موضوعى اليوم خطير جدا وهذا ليست كلامات احاول ان اكتبها او نوع من السخرية

ولكن رايتها بام عينى

كنت مدعو على حفلة تخريج فى احدى الجامعات وكانت الحفلة فى احسن حال شباب وفتيات

واخر موضة ولبس اسكت ساكت وفتيات اخر جمال كنت اجلس وبجوارى صديقى وفجاة

نظرت امامى فتاة ماشااللة عليها اخر جمال هذة الفتاة اخرجت من جيبها خلسة كيس اسود

صغير اعتقت بانها حلاوة . يااخوانى ويااخواتى هذة هى الحقيقة الكيس كا ن تمباك واخذت منة سفه

ووضعتها تحت لسانها وكان منظر فى غاية الاشمئزاز !!هذة الحسناء تفعل كدة ؟؟؟؟

ظاهرة خطيرة فى مجتمعنا,,, وسوالى من المسئول؟؟؟ هل ادارة الجامعة ؟؟؟؟او الاباء او المجتمع

من المسئول ؟ ارجو الاجابة على سوالى هذا؟

[تسنيم خالد]

داني مجتمعنا اصبح يعاني من حالة مرضية غريبة
ومر علي نفس ما مر عليك في وضح النهار في
احدي الجامعات ولكني لا اري ان هذا السلوك
ناتج عن حدث معين ..بل هو ضعف في عقلية الفتاة
ومحاولة تقليد اشياء تراها في محيطها مع الغياب التام
للعقل لان ليس كل ما نراه نفعله وهذه الظاهرة بالذات
اري ان من تمارسها فاقدة للعقل اكيد.. وهناك خلل في
نفسيتها





الله الطف بنا



دمت

[عماد عبدالشكور]

يا لطيييييييييييييييييييييييييييييييييييف

[مرتضى ساتى]

نسال الله اللطف بالعباد
وده يرجع يادانى لعدم وجود الوالى الذى هو مشغول
بالدنيا وتارك اولاده من غير رقيب

[الفارس البنفسجي]

ولاة الأمر هم المسئولين في النهاية عن كل شئ (وجهة نظر)

وهذا لا يمنع مسئولية السلم الهرمي الإجتماعي لدينا بدءً من الأسرة والمجتمع والمنطقة وصولاً للدولة. والمسألة ما واقفة عند التمباك يا أخوي ، خش الجامعات دي وحا تشوف بلاوي مالية الدنيا ومستحيل تصدق انك في السودان.

[ابودجانه العباس]

يا لطيف ألطف بنا وبولايانا
إذا كان الشي البتقولي فيه دا صحي تبقي دي عوجه عديل وربنا يستر علينا من الزمن الجاي ما نشوف لينا بت خاته سكين في ضراعه وشايلالا عكاز وواقفه تشاغل في الرجال.

[nahla abass]

لا حول ولا قوة إلا بالله
إنت عارف ياأخ دانى أنو البت البتعمل كدة دى أكيد عندها نقص حااااد فى حاجة معينة أوتعيش ظروف سيئه للغاية ولانها بعيدة كل البعد عن الدين والرب تفعل ذلك وربنا يهديها
ياخ هى الحركه دى عند الاولاد تثير الأشمئزاز لمن عند البنات
غايتو بقول ليها ولى كل البنات الزيها الله يهديكم والأنسان مهما بلغت به قسوة الدنيا برضو فى رب رحيم وما المفترض الواحدة تمشى لى الطرق الملتوية التى تؤدى بها الى جهنم

[خالد أحمد الصول]

الابن داني:
هذه الافرازات متوقعه من زمن ... للتحلل الكبير الذي بدأ علي مجتمعنا ... و تحجيم الاسرة الممتده الي الاسرة الصغيرة.. كنت قد كتبت هذا البوست منذ فترة طويلة محذرا و منذرا الاباء و الامهات ما قد يحدث للابنائهم و للفائدة فإنني أنشره مره أخري و هو:
إلى الآباء و الأمهات في هذا الوطن الحبيب:

هذا زمان الاقتصاد المفتوح و الانترنيت و الإباحية و المخدرات... أعلم جيداً تلك الهموم المشاغل الكثيرة التى أنيطت بكم من الكد بالنهار وجزءاَ من الليل لتوفير اللقمة الكريمة و التعليم إلي فلذات أكبادكم و أعلم جيداً ما تعانون منه جراء ذلك حيث يصل الواحد منكم بيته منهوكاً مكدوداً و أعلم ما تعانيه الأم مهندسة إقتصاد المنزل في تدبير شئونه ... ولكنى أقولها لكم صريحة ... إستقطعوا جزاءاً من وقتكم لمتابعة أبنائكم و بناتكم و توجيههم حتى لا تقع الفأس في الرأس و يكون (ما زمرتوه زمرتوه لله).

[Madanawi]

داني يا أخوي في الزمن دا الواحد بيتوقع كل حاجة حتى المستحيل أصبح في متناول اليد والدليل على ذلك قصة الفتاة التي ذكرتها. ربنا يحفظنا ويحفظ ولايانا ويحفظ المسلمين جميعا من كل سوء وان يجنبنا الفتن ما ظهر منها وما بطن. آمييييييييييييين

[سوار الياسمين]

صدمتني طبعا يا داني
كان وصل حال البنات لسف التمباك
يبقى عليهو العوض ومنو لاعوض
وهو على قول نهلة عند الاولاد ومشمئزين منو
خلو كمان بقى للبنات

يا حفيظ احفظنا
الباقي شنو تاني البنات ما عملوه

[خالد عبدالماجد]

سمعنا كثيراً عن تفشي هذه الظاهرة السيئة وسط الفتيات السودانيات ، ولكن أن تتعاطى التمباك فتيات وفي أوساط جامعية تبقى هنا المشكلة والإشكال ، فالمفترض أن تكون فتيات الجامعات أكثر إلتزاماً وبعداً عن ممثل هذه الممارسات النابعة من جهل تام .
عموماً الله يكون في عون الاسر وأوليائها .

[محمد مصطفي]

لا حول ولا قوة إلا بالله

[Bet-alsudan]

الله يستر على الجميييييييييييييع ...

[عماد عبدالشكور]

يعني بعد كدا ممكن نسمع انو العريس فلاااااااااااااااااااااااان جاب شوااااااااااااااااااااال تمباك في الشيلة مع باقي الشوالات

[بابكر]

والله هذا زمن اللامعقــــــــــــــــــــــــــــول
وكل شىء جائز فى هذا الزمن الاغبر!!!
شكرا لك يادانى !! الموضوع حقا يتطلب الوقوف والتأمل
وقول ياساتر!!

[بورتبيل]

يا لطيف ألطف بنا وبولايانا
إذا كان الشي البتقولي فيه دا صحي تبقي دي عوجه عديل وربنا يستر علينا من الزمن الجاي ما نشوف لينا بت خاته سكين في ضراعه وشايلالا عكاز وواقفه تشاغل في الرجال.

يا جماعة دي حريات شخصية .... انا شايف المسالة عادية .... وانتو ليه بتمسكو التمباك ... وبتسكتو على حاجة اكبر واخطر على المجتمع مثال ( الايدز) والبنات المنحرفات في الجمعات السودانية ... وحاجات كبيرة وكتيرة تشيب الراس ...ز بس التمباك دا مرحلة ممكن الناس ما تتاثر بيها كتير في حباة الفتاة

[المسافر]

والله الموضوع لو وقف على التمباك بس ممكن يكون عادي إلا الأمر أكبر بكثير
لأني شاهدت بنات في أرقى جامعة متخصصة للبنات في السودان وهم يتعاطي
البنقو وعلى عينك يا تجار . . . وطبعاً القصة مع البنقو حتجر. . .
فعلاً زمان كنا بنقول غياب الأهل والوازع الديني ولكن واضح إن الأهل
مش غايبين بس مييتين عديل كده وإبتعدنا على ديننا الحنيف على أسوء
ما يكون .

نسأل الله الستر لنا ولولايانا ولكم جميعاً . . . آللهم أمين

[بورتبيل]

مسالة الابتاعد عن الدين دي الاخطر يا مسافر .... ولله الناس لو بتفكر في الدين كان ممكن اي حاجة تكون عادية بس ... المسالة بقت كبيرة جد
ربنا يهدي الجميع انشاء الله

[ود المطامير]

يعنى معنى كدا لو الواحد تمباكو كمل يشوف
أقرب بت ويطق بأصبعو كدا ويقول ليها
سفة لوسمحتى ؟؟؟!!!

[الشريف الهندي]

ياساتر
ياساتر
ياساتر
ياساتر

[شبندر]

زمان كان عندي عمتي عندها وجع ضرس وابالليل وجعها زوجها اداها سفه وقال ليها الصباح نمشي المستشقى وبعد داك نامت وطبعاً هي خوافه والصباح قالت ليه بقيت كويسة ويالليل تاني اخذت ليها سفه ومن ديك وعيك بقت بي كيسها . أمكن البنت الشفتها دي كان عندها وجع ضرس

[مدنيّة]

:eek: :eek: :eek: :eek: :eek:

[بورتبيل]

زمان كان عندي عمتي عندها وجع ضرس وابالليل وجعها زوجها اداها سفه وقال ليها الصباح نمشي المستشقى وبعد داك نامت وطبعاً هي خوافه والصباح قالت ليه بقيت كويسة ويالليل تاني اخذت ليها سفه ومن ديك وعيك بقت بي كيسها . أمكن البنت الشفتها دي كان عندها وجع ضرس

ولله ممكن يكون عندها وجع ضرس ... بعدين مش ممكن ما يكون تمباك اصلاً ... وممكن يكون حاجة من بعيد زي التنمباك .... ولله جائز ولو تمباك ... قول تمباك يا زول ما اختلفنا ...فيها شنو يعني ...عادي

[وانجا]

نسال الله اللطف بالعباد
وده يرجع يادانى لعدم وجود الوالى الذى هو مشغول
بالدنيا وتارك اولاده من غير رقيب

لي انته زمان ابوك حماك من كم حاجه وانته عملتها من وراء علمه
يا جماعه ما تخلينا من قصه ولي الامر دي ربنا قال( ان الانسان علي نفسه لبصير) ونحن في مرحله تحول ثقافي السودان القديم في فترة الحكم الانجليزي وبعده كانت امهاتنا ترتدي الميني جيب والكط وترقص التويستي هي عادات دخيله اتت من مخالطه الثقافات الغربيه وانتهت بعد فتره الحكم الانجليزي بكثيرما عشان اولياء امورهم منعوهم عشان اتعلموا وعرفوا وفهموا ونحن اليوم نتثقف التحرر من قنواتنا الفضائيه ونعيش الحضاره بشرب السجاير وسف التمباك وبدل ما نلبس اولياء الامور طاقيه الغلط نحارب الثقافات الدخيله بالتوعيه ليس الا ما عشان هم ما عارفين انو ده غلط عشان هم مفتكريين التحرر اعمل فيها ما هاميني:cool:

[nasir]

حلوه يمكن عندها وجع ضرس
وطيب نقول شنو علي الحبوبات العندهم حقه (حقه يعني علبة نيفيا)
كلو عندالعرب صابون تمباك جامعات ولا تمباك حبوبات ههههههههههههههههه

[سواااح]

يعنى معنى كدا لو الواحد تمباكو كمل يشوف
أقرب بت ويطق بأصبعو كدا ويقول ليها
سفة لوسمحتى ؟؟؟!!!


شنو يا ود المطامير
انت قايل نفسك راكب في بص ؟
وكمان سفة لو سمحتي ؟؟

[ود المطامير]

شنو يا ود المطامير
انت قايل نفسك راكب في بص ؟

وكمان سفة لو سمحتي ؟؟

والله كمان سفة الجكس تخليك
شايف الدنيا كلها عصافير

[ود المطامير]

زمان كان عندي عمتي عندها وجع ضرس وابالليل وجعها زوجها اداها سفه وقال ليها الصباح نمشي المستشقى وبعد داك نامت وطبعاً هي خوافه والصباح قالت ليه بقيت كويسة ويالليل تاني اخذت ليها سفه ومن ديك وعيك بقت بي كيسها . أمكن البنت الشفتها دي كان عندها وجع ضرس
شكيت محنك ,, هازول كتلتنى بالضحك
يا زول تعال لينا بهناك إنت زولنا تب
عليك الله تعال .

[ود المطامير]

صدمتني طبعا يا داني
كان وصل حال البنات لسف التمباك
يبقى عليهو العوض ومنو لاعوض
وهو على قول نهلة عند الاولاد ومشمئزين منو
خلو كمان بقى للبنات

يا حفيظ احفظنا
الباقي شنو تاني البنات ما عملوه
قالوا الشينة منكورة
أدنى سفّة بسرعة عليك الله البص
داك مايفوتنى .

[عبدالباسط فتحى]

هو شى ليس بالغريب فكم منا له حبوبه بتمبك ورمى المسوْليه على البيت او على الجامعه ليس فيه انصاف وذلك السلوك هو موْشر الى غياب الانوسه يعنى البنات اترجلن وهذه هى المأساه الحقيقيه

[waheeb]

المجتمع اصبح أكثر هشاشة اليوم نسبه لعوامل كثيره اجتمعت لتخلق مبررات واهيه لا تعطي لمن يتخبط بدهاليز مظلمه كالتقليد الاعمي للغرب تاره واتخبط بتلك العادات المقززه تاره اخره اخرى كسف التنباك وشرب السجاير وهلمجرا..
نسأل الله لنا الستر والعافيه...

[sami_alkaer]

وماخفي أعظم

[بورتبيل]

دخلت ابحث عن سفة ... فلم اجد
ووجدت بنات .. لم اسالهن عنها ... خجلاً
وعندما خرجت قالو لي ( اها سفيت ) قلت لا
قالو لماذا... قلت هناك بنات .. ومافي ولد ؟؟؟
قالو طيب ليه ما شحدتا منهن سفة .... اخ خ خ خ خ
لم اكن اعلم بانهن يتعاطين التمباك ؟؟؟؟

[شبندر]

شكيت محنك ,, هازول كتلتنى بالضحك
يا زول تعال لينا بهناك إنت زولنا تب
عليك الله تعال .
ود المطامير لك كل الود والتيحه للشرفه بركات والشرفة البحر والتحية لأخي الفنان بكري الشرفه وانا قريب منك في حنتوب المربعات كداري بصلك واصبر لي متى ما ربنا فك اسري من الغربه حتماً بجيك

[بنت الرفاعي]

:eek: والله مبالغة زي ماقالوا عند الأولاد والرجال شايفينو مقرف لما البنات مبااااااااااالغة!!!:eek: :confused:

[Madanawi]

يا جماعة الخير صلوا على رسول الله وادوها صنة.

كل ما ذكرتم صحيح ولكن هل كل البنات بمارسن سف التمباك؟ الاجابة اكيد وطبعا لا.

هل السيئات منهن اسوأ ما يمارسن من سوء هو سف التمباك؟ طبعا واكيد لا.

هل كل البنات سيئات. لا والف لا.

او كما قال صلى الله عليه وسلم ، الخير فيَ وفي أمتي الى يوم القيامة.

أنا من رأيي تدوني رأيكم في البنات البجد بسدن عين الشمس. عشان الاحباطات بقت كتييرة وعايزين نفرفش شوية.