المساعد الشخصي الرقمي

مشاهدة النسخة كاملة : يا ناس مدنى شكيت محنكم .


ود المطامير
21-01-2007, 10:52 AM
واللّة العظيم شكيتها على اللّة أكان خربتوا طبعى , وشقلبتوا حياتى فوق تحت , قبل ما أتشرف بمعرفتكم , حرّم كنت فى اليوم الواحد باكل خمسة وجبات ودا غير الهبيش اللى بين وجبة ووجبة أكان موزة ولأ أكان برتقالة ولأ أكان طرف خبزة مغموسة فى نص حلة ملاح , وبنوم الضهر ذى الوارث وفى المساء من الساعة حداشر بنوم نوم الجن اللحمر , ومن المغرب لحد مواعيد النوم هامل ومطلوق فى المواقع من غير هدف , ما ألقى برنامج وعلى الطول أحملة , وتعرفت عليكم وأقسم باللّة الحق , خربتوووووا طبعى خربة شنو أقول ليكم ؟ بقى أكل مافى , على الطلاق أى زول بعرفنى بقول لى إنقسمت النص , علشان مش عاوز أفارقكم ولو للأكل , ( دى حقيقة ) وقالتها ( أم عمروى ) وغيرها الكثيرين , و13 ساعة وأنا فى اليوم الواحد حوامة ما بين المنتدى العام والثقافى , أهبش دا وألدغ دا وأقرص دا , ورأس أمى من يوم تعرفت عليكم وأنا أفتح الداهى دا على مدنى وأقفلة على مدنى فقط وبس لا غير , وبكم أصبحت غربتى هينة ولينة لأنى أحس بكم معى فى غرفتى إحساس ملموس , أتنفس أنفاسكم , وأرى بعيونكم الحياة جميلة ومشرقة , واللّة العظيم إحساسى بكم حولى ومعى هو إحساس حقيقى بكل معنى الكلمة , واللّة الحق وأنا مع أولادى بشتاق متين أرجع للجزيرة للقياكم !!! و( أم عمرو ) على علم تام بكل مجريات الإمور , واليوم إجازة رسمية عندنا إلا إنها أبت إلا وأن أذهب للجزيرة وألتقى أحبتى , ووصلت الجزيرة فى الخامسة مساء , وفتحت الكمبيوتر , و ... رسائل الريد بالعشرات , و ال .. أون لاين ما بدوا الدرب , والمنتدي أخضر وجميل , وساعات وساعات وأنا محتار أقول شنو ؟ غير أفارقكم كيف أودعكم كيف لا لا لا لا ما بقدر , ] ود المطامير أمسك المايك .
أها مشيت مع ود الفكى ووالوفد المرافق لة وشلنا جنازة أبوى العمدة ومشينا المقابر وفى نص الطريق الشيبة فرفر وقحقح والجماعة اللى شايلنوا من الخوف رموهوا واللى صدم صدم واللى جرى جرى , المهم القصة الراجل جاتو صدمة سكرى وحكيم الشفخانة قال إتلحس , ولما صحى فى نص الطريق , يعنى العمودية طارت وجبناهوا مدنى شان العيون مكسرة ولما فتح قال يتفسح وفسحناهوا وهنا شافنا أمير .,..
عِلا ياكن زعلان من شبارقة بالحيل , قال ما فرش عليهو لما مات وما بارك ليهو لما قام بعاتى .
يالحبايب الطيبين , من غير ذكر أسماء فى ميزان حسناتكم جميعاً , واللّة الحق مشاعركم النبيلة هى وسام على صدرى أبد الدهر , وحبكم لى مقابلة مليون حب منى للجميع ... للجميع .. للجميع .
المسافر
21-01-2007, 08:56 PM
بتأكل موز وبرتقالة . . . . دووووووووووول
نان البياكل الدوم واللالوب والنبق منو !!!!!
Madanawi
21-01-2007, 09:05 PM
يعني المرة الجاية يا ود المطامير ترفق لينا شهادة الوفاة بصراحة كدا عشان انت اتختيت في البلاك ليست وشوف البيصدق ليك كلام تاني منو؟ بعدين حبك المليوني البتوزع فيهو دا نصدقوا كيف نحن وانت بقيت زي ود الموية هسي البنت ....(عشمانة).............. قاعدة راجياك ليها تلاتة يوم الموية ما ضاقتها اظنك عشمتها بالحلق والمسكينة ما صدقت قدت الاضان طوالي. تاني كان عملتها وزوغت نعمل شنو نحن وبعدين الزوغانات ليكم شنو يا اولاد شرق الله البارد؟ مرة شبارقة من بت الحاج زايغ ومرة انت من عشمانة الغشمانة تكلر في راس البت لمن بقى قدر خلاطة الاسمنت وبعدين فست واتلحست بكل هدوء. كدي اكتب خطاب الضمان وبعدين تعال نتفاهم في باب الجريدة هناك.
الفارس البنفسجي
21-01-2007, 09:05 PM
بتأكل موز وبرتقالة . . . . دووووووووووول
نان البياكل الدوم واللالوب والنبق منو !!!!!


والله يا مسافر كلامك صحي ... شوف فلسفة ود المطامير!! .... سبحان الله !!!!!!!!!!!!!!!!!!!!!!
المسافر
21-01-2007, 09:20 PM
يعني المرة الجاية يا ود المطامير ترفق لينا شهادة الوفاة بصراحة كدا عشان انت اتختيت في البلاك ليست وشوف البيصدق ليك كلام تاني منو؟ بعدين حبك المليوني البتوزع فيهو دا نصدقوا كيف نحن وانت بقيت زي ود الموية هسي البنت ....(عشمانة).............. قاعدة راجياك ليها تلاتة يوم الموية ما ضاقتها اظنك عشمتها بالحلق والمسكينة ما صدقت قدت الاضان طوالي. تاني كان عملتها وزوغت نعمل شنو نحن وبعدين الزوغانات ليكم شنو يا اولاد شرق الله البارد؟ مرة شبارقة من بت الحاج زايغ ومرة انت من عشمانة الغشمانة تكلر في راس البت لمن بقى قدر خلاطة الاسمنت وبعدين فست واتلحست بكل هدوء. كدي اكتب خطاب الضمان وبعدين تعال نتفاهم في باب الجريدة هناك.


يا مدناوي قبل الكلاش ده أنا كنت منتظر ودالمطامير وحبة الرمان عشان موضوع علوية وأختها وطبعاً الاثنين زاغو . . . عشان كده موضوع خطاب الضمان ده أحسن نغيرو بعقد زواج رسمي على علوية وأختها عشان تاني ما يلعبوا بينا كده .
امير عبدالباقي
21-01-2007, 11:13 PM
ياجماعه هوي انتو ماتشدو علي الزول كده هو قصدو دوم ودليب ونبق وقضيم بس في ناس هنا مابعرفو الاسامي دي قال احسن اقول موز وبرتقال خليه يتفشخر شويه ويشعر انو بقي من ناس البندر
بركه الجيت يازول
نزار حسن محمد
22-01-2007, 12:36 AM
خبر عاجل
... شوهد اخوكم ود المطامير ياكل فى الايسكريم فى كافتريا على شاطى النيل الخصيب وجالس على اريكه ((كنبه)) وبتفرج على خلق الله واتكلم بصوت عالى ..فى الجكس الحايم ..دى زريقه.. دى صفيره دى شطه بس.. دى كوريعنا روقاق..حتى ساح الايسكريم..على الشاطى (( وهذا الخبر اكيد من مصدرنا امير عبد الباقى))
ود المطامير
22-01-2007, 12:46 AM
بتأكل موز وبرتقالة . . . . دووووووووووول
نان البياكل الدوم واللالوب والنبق منو !!!!!
ما هو مدنى دى خيرها كتير , ونحنا المخالى بنجيبها لشنو ؟
ما شان نملاها من سوق مدنى العامر , موز وبرتقال ومنقة
مفرهدة , واليوم كلو حايمين بين الأكشاك , ناكل ونتفرج .
ود المطامير
22-01-2007, 12:58 AM
يعني المرة الجاية يا ود المطامير ترفق لينا شهادة الوفاة بصراحة كدا عشان انت اتختيت في البلاك ليست وشوف البيصدق ليك كلام تاني منو؟ بعدين حبك المليوني البتوزع فيهو دا نصدقوا كيف نحن وانت بقيت زي ود الموية هسي البنت ....(عشمانة).............. قاعدة راجياك ليها تلاتة يوم الموية ما ضاقتها اظنك عشمتها بالحلق والمسكينة ما صدقت قدت الاضان طوالي. تاني كان عملتها وزوغت نعمل شنو نحن وبعدين الزوغانات ليكم شنو يا اولاد شرق الله البارد؟ مرة شبارقة من بت الحاج زايغ ومرة انت من عشمانة الغشمانة تكلر في راس البت لمن بقى قدر خلاطة الاسمنت وبعدين فست واتلحست بكل هدوء. كدي اكتب خطاب الضمان وبعدين تعال نتفاهم في باب الجريدة هناك.
واللّة يا من أول من قلت ليهو ( بريدك سااااكت ) واللّة كلامك صاح
عِلا ياكن على الطول القائمة السودا ؟ مافى إنزارات ؟ واللّة عجبتنى
( ود الموية ) لأنها فى يوم من الأيام كانت لاصقة فينى ؟ ويا ( عشمانة )
جيبى أضانك هاك الحلق ,
( بالجد .. لك ريدتى الشديدة ).
ود المطامير
22-01-2007, 01:04 AM
والله يا مسافر كلامك صحي ... شوف فلسفة ود المطامير!! .... سبحان الله !!!!!!!!!!!!!!!!!!!!!!
أوووووو , زارتنا البركة , الفارس .. واللّة إنت
صعب كيف ؟ أها صافية لبن ؟بالجد إشتقت ليك
أها بعدين أجيك بالملاريا ولأ لا ؟
ود المطامير
22-01-2007, 01:09 AM
ياجماعه هوي انتو ماتشدو علي الزول كده هو قصدو دوم ودليب ونبق وقضيم بس في ناس هنا مابعرفو الاسامي دي قال احسن اقول موز وبرتقال خليه يتفشخر شويه ويشعر انو بقي من ناس البندر
بركه الجيت يازول
اللّة يخليك لى , ودائماً سند أخوك , وريهم
عِلا إنشاء اللّة يكون عندهم كتاب الترجمة !
ود المطامير
22-01-2007, 01:27 AM
خبر عاجل
... شوهد اخوكم ود المطامير ياكل فى الايسكريم فى كافتريا على شاطى النيل الخصيب وجالس على اريكه ((كنبه)) وبتفرج على خلق الله واتكلم بصوت عالى ..فى الجكس الحايم ..دى زريقه.. دى صفيره دى شطه بس.. دى كوريعنا روقاق..حتى ساح الايسكريم..على الشاطى (( وهذا الخبر اكيد من مصدرنا امير عبد الباقى))
يا الحبيب , هو دا إنت اللى كنت بتراقبنى زمان ؟
يا حليل أيام إستيديو الساعة ومحلات أبوظبى
والحوامة وراهن لما مرات تفوتنا الباصات
وصف طبق الأصل لأيام زمان ... تحياتى لك ..
zoolfrda
22-01-2007, 01:30 AM
هوووي يا أخوانا

سلام جاكم من كبيركم لي صغيركم

جابني الدرب

قلت النلحق لينا قرصة قرصتين معاكم

أصلوا وقت الواحد عملوا مااااااا تمااااام

إمكن تصيبنا ليك محبة ود المطامير اللي لوجه الله تعالى

وتظلنا ليك يوم القيامة

أبقوا عافية
ابورجاء
22-01-2007, 01:40 AM
واللّة العظيم شكيتها على اللّة أكان خربتوا طبعى , وشقلبتوا حياتى فوق تحت , قبل ما أتشرف بمعرفتكم , حرّم كنت فى اليوم الواحد باكل خمسة وجبات ودا غير الهبيش اللى بين وجبة ووجبة أكان موزة ولأ أكان برتقالة ولأ أكان طرف خبزة مغموسة فى نص حلة ملاح , وبنوم الضهر ذى الوارث وفى المساء من الساعة حداشر بنوم نوم الجن اللحمر , ومن المغرب لحد مواعيد النوم هامل ومطلوق فى المواقع من غير هدف , ما ألقى برنامج وعلى الطول أحملة , وتعرفت عليكم وأقسم باللّة الحق , خربتوووووا طبعى خربة شنو أقول ليكم ؟ بقى أكل مافى , على الطلاق أى زول بعرفنى بقول لى إنقسمت النص , علشان مش عاوز أفارقكم ولو للأكل , ( دى حقيقة ) وقالتها ( أم عمروى ) وغيرها الكثيرين , و13 ساعة وأنا فى اليوم الواحد حوامة ما بين المنتدى العام والثقافى , أهبش دا وألدغ دا وأقرص دا , ورأس أمى من يوم تعرفت عليكم وأنا أفتح الداهى دا على مدنى وأقفلة على مدنى فقط وبس لا غير , وبكم أصبحت غربتى هينة ولينة لأنى أحس بكم معى فى غرفتى إحساس ملموس , أتنفس أنفاسكم , وأرى بعيونكم الحياة جميلة ومشرقة , واللّة العظيم إحساسى بكم حولى ومعى هو إحساس حقيقى بكل معنى الكلمة , واللّة الحق وأنا مع أولادى بشتاق متين أرجع للجزيرة للقياكم !!! و( أم عمرو ) على علم تام بكل مجريات الإمور , واليوم إجازة رسمية عندنا إلا إنها أبت إلا وأن أذهب للجزيرة وألتقى أحبتى , ووصلت الجزيرة فى الخامسة مساء , وفتحت الكمبيوتر , و ... رسائل الريد بالعشرات , و ال .. أون لاين ما بدوا الدرب , والمنتدي أخضر وجميل , وساعات وساعات وأنا محتار أقول شنو ؟ غير أفارقكم كيف أودعكم كيف لا لا لا لا ما بقدر , ] ود المطامير أمسك المايك .
أها مشيت مع ود الفكى ووالوفد المرافق لة وشلنا جنازة أبوى العمدة ومشينا المقابر وفى نص الطريق الشيبة فرفر وقحقح والجماعة اللى شايلنوا من الخوف رموهوا واللى صدم صدم واللى جرى جرى , المهم القصة الراجل جاتو صدمة سكرى وحكيم الشفخانة قال إتلحس , ولما صحى فى نص الطريق , يعنى العمودية طارت وجبناهوا مدنى شان العيون مكسرة ولما فتح قال يتفسح وفسحناهوا وهنا شافنا أمير .,..
عِلا ياكن زعلان من شبارقة بالحيل , قال ما فرش عليهو لما مات وما بارك ليهو لما قام بعاتى .
يالحبايب الطيبين , من غير ذكر أسماء فى ميزان حسناتكم جميعاً , واللّة الحق مشاعركم النبيلة هى وسام على صدرى أبد الدهر , وحبكم لى مقابلة مليون حب منى للجميع ... للجميع .. للجميع .
الغالي نور العيون وضي الاماني
تفارق كيف تخلينا دا شوقنا وذكرا ماضينا
وكيف بعدك يكون الحال وكيف تصبح ليالينا
وين بعدك نلاقي حنان طيبة ورقة يا زينا
مشيت خليتنا للأيام متين ترجع تعود لينا
فريقنا الكان منور بيك وعاش روعة تلاقينا
صبح حزنان وما مصدق في يوم ترحل تخلينا
وحاتك نحنا ما بننساك ولا بعدك بنسينا
ومهما طالت الأيام مصير الحي يلاقينا
بنحسب بعدك اللحظات ليل الشوق يطول بينا
وما بنتمنى يوم بعدك ولا الايام تصافينا
************************
اوعك تجافينا وتطول ليل الفرقة علينا (مني)
**************************
ياحب ..ياود..يالطافة ياسيد الذوق والظرافة
بريد عيونك بريدها.بس يوم تزعل بخافها
دواخلك دايما حنينة ..تفيض بالريد مع ضنينها
يزيل دمعتنا وأنينها وظلم الدنيا وسنينها
ربوعنا بشوق يوم تجينا..وتزيّن نيلها وضفافها
كتير غنيت لجمالك..ونور محياك ودلالك
وقلت كتير في خصالك..وبفرح كيف بوصالك
انت تامر بدلالك..وأسيب مين زيك قيافة
لقيت قلبك طرفه آسر..عفيف وظريف ومظاهر
تعال علمنا المشاعر وكيف الحب يبقى طاهر
عيونك جنة وأزاهر..وقلبي هو أقرب نشافة

أكتر من كتده بيدقوني الجماعة ...
ودوما في رعاية الله وحفظه...
مع كل الود باقة ورد....
وليد عمر سعيد
22-01-2007, 02:00 AM
كل الحروف تسال عليك

اجمل كلام في الدنيا ليك

اندى التحايا مني ليك



الف الف الف حمدلله على السلامه اخوي عروه

واخجلتم تواضعنا بي توقيعك

لك كل الود ، والحب ، والاحترم
ود المطامير
22-01-2007, 02:09 AM
كل الحروف تسال عليك

اجمل كلام في الدنيا ليك

اندى التحايا مني ليك



الف الف الف حمدلله على السلامه اخوي عروه

واخجلتم تواضعنا بي توقيعك

لك كل الود ، والحب ، والاحترم
تسلم يا عزيزى وتوقيعى هو عربون
من القلب اللى سكنتة بالحب والريد .
وشكراً كتير لتلبية الطلب يا حبيب .
مزوني
22-01-2007, 02:30 AM
ود المطامير شخشيا ها هنا ؟!؟!؟!؟!؟!؟!؟!؟

والله لو بتستاهل لي زغروطه يوم عرسك ما سمعتا بيها

حبابك الااااااااااااااااااااااااااااااااف مؤلفه يا حبيبنا ونورت المنتدى

وهدا شفت براااااااااااااااك حب الناس ليك يا أصيل ويا أصفى من الدهب

أبقي خاتشي لي بيتك وألحق الصينيه عشان ما تقول ضعفناك ههههههههههههه

تقبل فائق حبي وتقديري
ود المطامير
22-01-2007, 02:34 AM
يا أبو رجاء
عهدى بيك بتدخل قلبى من كل الدروب
بسماحة كلماتك وحسن المعنى , وتلك
النبرات التى تنساب فى مسامعى وتتغلغل
وتشعل فى الأعماق براكين الإلفة والمحبة
عهدى بيك أخو أخوان
ولك كل المحبة .. كل الود
محمد السر احمد
22-01-2007, 03:06 AM
ود المطامير بالصورة دي نحن حنرسل ليك اسعاف مليانة دربات لكن اعمل حسابك دي ما بشربها دي بياخدهو بالوريد
تسلم يا رائع
ود المطامير
22-01-2007, 05:04 AM
ود المطامير بالصورة دي نحن حنرسل ليك اسعاف مليانة دربات لكن اعمل حسابك دي ما بشربها دي بياخدهو بالوريد
تسلم يا رائع
الحبيب كيفك ؟ واللّة ما بتقصر
عِلا ياكن الوريد ذاتو شنو ؟
ياكن ما عليك على العموم
بنستفيد من السيور لكتيف الماعز
ولك تحياتى .
ابوشوتال
22-01-2007, 05:23 AM
اسال عليك لا الليل يجيب لا كلمة ترجع في الصدي
انا كاتب اعلان للتقبيل او البيع للاسم معني كدة نلغية ولا شنو
بركة الجيت ؛؛؛ بركة الجيت
ود المطامير
22-01-2007, 05:50 AM
اسال عليك لا الليل يجيب لا كلمة ترجع في الصدي
انا كاتب اعلان للتقبيل او البيع للاسم معني كدة نلغية ولا شنو
بركة الجيت ؛؛؛ بركة الجيت
ها زول أسرع وألغيهو ولأ إنت ما بتخاف من حاج موت ؟
عسل إنت وسكر إنت وبسكوييييت .
ولك شكرى وإمتنانى .
عزيز عيسى
22-01-2007, 09:39 AM
ودالمطامير،

ها زول حبابك.. والله سعيدين برجعتك.. أفتكرتك كتلت أبوك العمدة ومسكت محلو..
بس أعمل حسابك أبوك العمدة اليومين ديل بدور عليك يختك في الحراسة..
قال شلت حاله وطلعتو بعاتي.. شيل شيلتك.

واللّة العظيم شكيتها على اللّة أكان خربتوا طبعى , وشقلبتوا حياتى فوق تحت , قبل ما أتشرف بمعرفتكم , حرّم كنت فى اليوم الواحد باكل خمسة وجبات ودا غير الهبيش اللى بين وجبة ووجبة أكان موزة ولأ أكان برتقالة ولأ أكان طرف خبزة مغموسة فى نص حلة ملاح .

في زمطك الملاح الغمست فيه الخبزة دا كان ملاح أم شعيفة ولا ملاح أم حبيبة..

نزار ودحسن،

العسكريم لما ساح ودالمطامير زودوا ملح وشطة وشربو روب..
حلف قريشاته ما يضيعن في الفاضي.
الزول دا أعزمو سينما.. بس أعمل حسابك ما تدخلو لوج
بيقوم ينفعل مع الفلم وينط يكسر رقبتو.
ود المطامير
22-01-2007, 10:14 AM
يا عزيزنا ويا عزيز الكل
أبوى العمدة دا روحو سلبة ماشاء اللّة
وكل مرة يقول للناس الجنا دا ح يدفنى
بالحيا ويمسك مكانى , أها اليوم داك
لما فتح ولقانى لابس طاقيتو أول شئ قال
ما قلت ليكم ؟ غايتو خليهو ساكت والحراسة وبس ؟
دا حلف يشرب من دمى , أها الملاح داك كان
أم تكشو !! والعسكريم حرّم مرة وصانى ليهو
العوض بس وصلنا أبو حراز وبدا يسوح وأنا
ألقف , هو يسوح وأنا ألقف , أها أكان خليت
ليهو الخشبة الحلوة ديك وصاحبك قرمشها مبسوط
وهو يقول ... هلا هلا يا عسكريم مدنى .
magdi
23-01-2007, 02:53 AM
يا ود المطامير تعال نشوف ليك قطعة أرض جنبنا عشان تتحكر مرة واحده وتكون جنب العسكريم والباسطة وناس البرعي والإحسان هههههههههههههههههههههههه
بنت الرفاعي
23-01-2007, 04:31 AM
ويييييييين يازول مشيت وخليتنا؟؟دي حالته فيها اتفاق وشراكة!!

خلي شمسك فينا تشرق...بالأماني الحلوة زيك..
بالتواصل الجميل منك...ونحن ديمة نفرح بيها.
ود المطامير
23-01-2007, 05:57 AM
ويييييييين يازول مشيت وخليتنا؟؟دي حالته فيها اتفاق وشراكة!!

خلي شمسك فينا تشرق...بالأماني الحلوة زيك..
بالتواصل الجميل منك...ونحن ديمة نفرح بيها.
واللّة خليتى جضيماتى حُمّر
هو أنا أقدر أفوت وأسيب الشركة حقتنا ؟
أها اليومين ديل مافى خطة جديدة ؟
بنت الرفاعي
24-01-2007, 04:53 AM
غير خطة التمرد حقتك دي ماشايفة لكن اذا عندك أدينا ونحن بنكمل التنفيذ.
ود المطامير
24-01-2007, 08:43 AM
غير خطة التمرد حقتك دي ماشايفة لكن اذا عندك أدينا ونحن بنكمل التنفيذ.
هو يعنى التمرد شوية ؟ يلا تكتكى .