المساعد الشخصي الرقمي

مشاهدة النسخة كاملة : يا جماعة هووووى فى وداعة اللّة أبوى العمدة مات .


ود المطامير
16-01-2007, 12:57 PM
أحبائى وأعزائى وإخوانى وأخواتى الطيبين أبناء عروس النيل الجميلة ( مدنى )وضواحيها
السلام عليكم ورحمة اللّة تعالى وبركاتة .
اليوم وبعد عمر فوق للتمانين مات أبوى العمده وهداك ود الفكى والوفد المرافق لة مستنظرين فى الكبرى شان أمشى وأنفذ الوصية وأتحكر فى كرسى العمودية , هلا هلا آلمطامير أمانة ماجاك بلا والناس السمحين ديل يرتاحوا من شلاقتى وهبالتى وعوارتى والمشابا للبعرفو والما بعرفو , عِلا ياكن قلنا قبلما نودعكم نطلب منكم السماح والمعافا وأى زول هبشتو ولأ ضايقتو ولأ جرحتو بكلمة عليكم النبى يعفى لى وما يخليهو ذنب فوق رقبتى أقابل بيهو ربى يوم القيامة , دا المسامح كريم , دا ربنا غفور رحيم , ونا عافى لأى زول يقول اليطير فى ستين , وعافى ليكم لو غنّايكم غنّى فوقى بلا وإنجلى , عِلا ياكن تاكدوا كلكم مخلايتى الجيت بيها وطلعت مليانة عقارب هسى راجع بيها ومليانة بمحبتكم كلكم فرداً فرداً , ولو بديت بقول اللسامى حرم ورق صفحات المنتديات ديل كلو ما يكفى , وسبحان اللّة أطلع من قلوبكم قبل يوم واحد من اليوم اللى سجلت بيهو فى المنتدى , هلا هلا يا ود المطامير عفيت منك فى فِرد شهر خليت المطامير على كل لسان , أكان بهبيش ولأ كان بقريص كفاية بقت أشهر من نار على علم , وما بقول ليك يا( شبارقة ) أمسك الراية دا إنت عشان ( الجكس ).. هلا هلا المفارق عينو قوية .. عشانهن بتبيع المطامير بيت بيت , عِِِلا ياكن بقول للحبيب ((( بروتبيل))) المثل بقول حضرت الملايكة وذهبت الشواطين أها أرفع راية جديدة أصلو راية أخوك ما سمحة وبتخجل , ماهى راية جهل وشلاقة وتعكير مزاج خلق اللّة عِلا إنت من صورتك السمحة دى ماشاء اللّة واعى وفاهم شان كدى يا أخوى أرفع راية العلم وريهم صورة مغايرة لأخوك وخيط الشرطتو أنا وأرفع راسنا فوق ما ذى أخوك عتر وكترن سكاكينو مش كدا يا ..
وااكد ليك أن هؤلاء الرجل ود المطامير لو عاوز حاجة فى مدنى حدّو كبرى أبوحراز بس وبرسل الجنيات يتموا المشوار ويستنظرهم , وبوصيك أبعد من ( شبارقة ) وصاحب( أبو رجاء ) و (المسافر) , ويا اللى فى راس الهرم هوووى مع السلامة ويا اللى سجلت هسى مع السلامة ويا اللى بين داك ودا لك حبى .. إحترامى .. وتقديرى .. وإنشاء اللّة نتقابل فى الأفراح .
وهلا هلا يا المطامير أمانة ما جاك بلا . وصدق إحساسك يا ( أميمة ) (( خرج ولم يعد )) .
أخوكم فى اللّة .. عروة إبراهيم عثمان .
الشرفة الشريف بركات .
أبو... شجن .. عمرو ... عمّار .. وأبوظبى ذاتها .
وشكراً .
تاريخ الدخول ل مدنى .. 18 / 12 / 2006 .
تاريخ الفرفرة منها .. 17/1/ 2007 .


هذة رسالة إليكم يرجى عدم الرد .
Madanawi
16-01-2007, 09:55 PM
بالرغم من انك ترجو عدم الرد الا ان العزاء واجب ، احسن الله عزاءكم وجبر كسركم.
سواااح
16-01-2007, 10:15 PM
بالرغم من انك ترجو عدم الرد الا ان العزاء واجب ، احسن الله عزاءكم وجبر كسركم.



عذرا اخي مدناوي ..

ولكنك لم تفهم قصده
ود المطامير عايز يعمل شتاااااات
ومفارق وبعين قوية كمان
واليك الرابط :

دمــــــــــــــــــــت ،،

http://wadmadani.com/vb/showthread.php?t=14577
ابورجاء
16-01-2007, 10:23 PM
الغالي ود المطامير (عروه) ود الشرفة بركات
بدون تعليق
امير عبدالباقي
16-01-2007, 10:40 PM
ودالمطامير
مفارق وين مخلينا والله نمشي ليك في الحله ونجرك من كرعينك ونريطك في البوكس وراء ونجيبك تاني كدي بس انت اعمله وامشي حله المطاميركلها مابتفكك مننا قال مفارق قال هي لعبه جيتنا ضهبان وضميناك لينا ووريناك البندر فتحت خلاص واتفلهمته وطلع ليك ضب عاوز تتفلهم علينا كمان ؛
قال ابوه العمده مات انا حسي شايفوه راكب حماره ضهبان في السوق قال عاوز الداهيه البسموها الباسطه دي هم اهل المطامير بعرفو ياكلو باسطه .
بنت الرفاعي
16-01-2007, 10:51 PM
عليك الله يازول انت جاااادي كدة وفايتنا.
عيد حساباتك وخليك معانا أحسن ليك الا اذا زهجت مننا فدي مشكلة.
ونحن بنرحب بسهولة لكن..... مابنودع بالسهولة دي.
راجع حساباتك تاااني.
تسنيم خالد
17-01-2007, 12:28 AM
دة شنو الاحزان الطالعة من الصفحة دي..
بتتكلم جدي يا عروة ؟ اتمني يكون هظار والله
اسرة المنتدي بتفقد كتير والله ونحنا نلم في
الناس انت طالع لبرة..كدي راجع القرار دة



دمت
ابورجاء
17-01-2007, 12:36 AM
بدون تعليق[




فكي بي ركوة وسبحة ومبرقع وعصاه والناس بتتبرك فيك مااظن كلامك غير وفعلك غير ومنصبك ذي منصب اصحابنا البقوا وزراء من غير مؤهل بس لانهم من الجبهجية والميرغنية والمهدية والترابي جدهم الذي علمهم كل شي واهمها التجارة في السياسة و البلد الهاملة المامعروف ليها سيد الا من ياتي ويجلس علي الكرسي ذي ما انت ح تحلس علي كرسي العركين والسادة الصالحين لمجرد انك ولد او حفيد واحد منهم والله اعلم بدواخلك واعلم ببركاتك وبي مافي النفوس خيرك وشرك

الله يرحم اصحاب الكرامات والبركات الصالحين اليدهم لاحقا وطويلة ودعواتهم مسموعة ومجابه وبجاهم عند الله يرحمنا ويحفظنا من كل شر والله قادر علي كلي شي . الله يرحمهم ويوسع مقعدهم ويلحقنا بجاهم والعزاء للجميع الصالحين والطالحين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



اخوك عماد الدين النخلي ،،،،،،،،،،،،،،،،،،،،،،،،،،،،،،،،،،،،،،،،،،،،،،
[FONT="Arial Black"]كدي اضغط كلتش ودوس الفرامل
مالك يا اخوي في شنو الحاصل شنو
مسخن كده مالك رفدوك من الشغل
ارجع يا اخوي واقرأ الكلام كويس
الزول ده صادكم كلكم وعمل ليكم
الكاميرا الخفية (صادوه مع ود الشرفة)
إعداد وتقديم ود الشرفة بركات
مونتاج ود الشرفة بركات
تصوير ود الشرفة بركات
اخراج ود الشرفه بركات
ودوما في رعاية الله وحفظه...
مع كل الود باقة ورد..
وليد عمر سعيد
17-01-2007, 12:42 AM
لا لا لا لا لا ما تقول كدا يا ودالمطامير


ماشي وين يا زول


كدي عليك الله بطل هظارك البايخ دا


وانسى الفكره


وبرجع ليك تاني
صالح ابوشوارب
17-01-2007, 06:29 AM
الاخ الصغير ابوعمار
تحياتي واشواقي ليك وللشلة شبارقه وابورجاء
اولا يمكن ماكتبت او عقبت عليك في مواضيعك وونستك الحلوة .. وذلك لان النضاره بقت مطموره .. ولكن الليله جبت لى نضاره قــعر كباية .. اوع تفتكر قعر قصب سكر
ولكن
لاني سوف افتقد كلامك الجميل وونستك الدقاقه .. ولكن عايز الصباح لمن افتح المنتدى وارش الحوش بالموية القاك قدامي ذى كل يوم . شايل البخور .. اوع اجي القاك مافي

ابوشـــــــــــــــــوارب
عزيز عيسى
17-01-2007, 10:46 AM
ودالمطامير.. ودالمطامير.. ها جنا لاحول ولا قوة إلا بالله..
يا زول مالك مروح تقوم تخذلني بعد ما سمعت كلام أخوك
وغيرت إسمك من التنقليزي للعربي.
أقول ليك جاييك وماشي أجيب ليك أهلك ناس البطانة ودالماحي وودالصادق
وأدخلهم ليك البندر علشان يأكلوا الداهية البارد اللي إسمو العسكريم دا
ويركبوا الركشة لأنه عمرهم ما شافوها سمعوا بيها سمع ساكت..
عليك الله تقوم تدينا ضهرك بالطريقة دي
وقبل ما نجي نتونس معاك ونسمع كلامك السمح داك..
لا.. لا.. والله إتلومت طب
هسع الجماعة ديل إتصرف معاهم كيفن.. كل واحد فيهم راكب ليهو دحشة
ومنتظر عند كبري حنتوب علشان يمررهم البوليس مع العربات..
غايتو أكان ما ظهرت خلال الـ 48 ساعة القادمة أخوك حيكون ضحية
ويفتكروني كذبت عليهم وبعد داك يلموا فيني بعكاكيزهم يجيبوا خبري..
ودالماحي وودالصادق حيحلفوا طلاق علا ترجع
وأكان ما رجعت ذنب حريمهم في رقبتك وعلى مسعوليتك..
أها شن بتقول يا السمح.. كدي قدر الخوة البينا.
اميمه عشريه
17-01-2007, 11:19 AM
يا ابو شجن خلي الشجن ... !!!!!!!!:mad:
المسافر
18-01-2007, 12:37 AM
والله ما فهمنا منك أي شيء يا أبوعمرو
وشنو تاريخ الفرفرة
على العموم الموضوع ده بناقشوا معاك
لمن أجيك في الجزيرة . . .

ودمت يا الغالي
ابورجاء
18-01-2007, 01:15 AM
الغالي المسافر
حتى انت يا ......
ما قلنا ليكم الزول ده الحمه طلعت ليهو في راسو
وبقى يخطرف ويقول كلام خارم بارم وطبعا انتو
عارفين حمة الملاريا لمن تطلع في الراس بتعمل
شنو عشان كده ما تشيلو هم بكره بيرجع شايل معاهو
الفرح والابتسامة وكل حرمان اليتامة ..
ودوما في رعاية الله وحفظه...
مع كل الود باقة ورد....
المسافر
21-01-2007, 05:21 AM
الغالي المسافر
حتى انت يا ......
ما قلنا ليكم الزول ده الحمه طلعت ليهو في راسو
وبقى يخطرف ويقول كلام خارم بارم وطبعا انتو
عارفين حمة الملاريا لمن تطلع في الراس بتعمل
شنو عشان كده ما تشيلو هم بكره بيرجع شايل معاهو
الفرح والابتسامة وكل حرمان اليتامة ..
ودوما في رعاية الله وحفظه...
مع كل الود باقة ورد....


يا . . . . كان تكملها لأنها حتكون حلوة منك !!!
ود المطامير ما مورود لأنه المكان القاعد فيها دي
ما فيها ( مرت الباعوضة ) . . . أكيد عنده شيء تاني
وأحسن نشوفو قبل ما يتمكن منو !!

ودمت يا الغالي
ابورجاء
21-01-2007, 07:05 AM
يا . . . . كان تكملها لأنها حتكون حلوة منك !!!
ود المطامير ما مورود لأنه المكان القاعد فيها دي
ما فيها ( مرت الباعوضة ) . . . أكيد عنده شيء تاني
وأحسن نشوفو قبل ما يتمكن منو !!

ودمت يا الغالي
الغالي حبيبي طوالي
الشغلة ملاريا مزمنة يعني جابها معاهو
من البلد وكتين مشى لي عرس شبارقة
والنطيط الفي الحفلة داك وهو زولا رهيفوني
ما بيحمل التعب والنطيط الا الصوط تب بياكلو
لكن الوردي غلبتو الا لكن الحمد لله بقى طيب
وجايكم واسه تلقاهو ناطي ليكم هنا ده...
بعدين يا...... كملها انت عليك الله عشان
انا ماشي عندي شغله اقضيها وارجع...
ودوما في رعاية الله وحفظه...
مع كل الود باقة ورد...
المسافر
21-01-2007, 07:14 AM
الغالي حبيبي طوالي
الشغلة ملاريا مزمنة يعني جابها معاهو
من البلد وكتين مشى لي عرس شبارقة
والنطيط الفي الحفلة داك وهو زولا رهيفوني
ما بيحمل التعب والنطيط الا الصوط تب بياكلو
لكن الوردي غلبتو الا لكن الحمد لله بقى طيب
وجايكم واسه تلقاهو ناطي ليكم هنا ده...
بعدين يا...... كملها انت عليك الله عشان
انا ماشي عندي شغله اقضيها وارجع...
ودوما في رعاية الله وحفظه...
مع كل الود باقة ورد...



ليهو كم يوم ما ظهر عشان كده بكون
ما عارف بدخلوا المنتدى كيف !!!!!

والتكملة يا ( مطرطش )
ونردها ليك في الأفراح .
وأنا عندي دعوة لاميها ليك من زمااااااان بس راجي وقت مناسب .

ودمت يا الغالي
ابورجاء
21-01-2007, 07:26 AM
ليهو كم يوم ما ظهر عشان كده بكون
ما عارف بدخلوا المنتدى كيف !!!!!

والتكملة يا ( مطرطش )
ونردها ليك في الأفراح .
وأنا عندي دعوة لاميها ليك من زمااااااان بس راجي وقت مناسب .

ودمت يا الغالي
المسافر والله داير رضاك
انا كيف احمل قساك
يا ....... تكملتها رائع
يا.......تكملتها حنين
يا.......تكملتها جميل
يا.......تكملتها كلك كلك حلو
يا.......تكملتها اخى الذي لم تلده امي
يا.......تكملتها كل حاجة حلوة اتقالت
والا لسه ما اتقالت دي ما مشكلة
المشكلة انو تكون لسه ما فهمتها
يا...............................
ودوما في رعاية الله وحفظه..
مع كل الود باقة ورد.....
ود المطامير
21-01-2007, 03:50 PM
بالرغم من انك ترجو عدم الرد الا ان العزاء واجب ، احسن الله عزاءكم وجبر كسركم.
أصيل يا مدناوى أول واحد لفحت عمتك وجيت
للعزاء , لكن معليش أخرها شوية , عمك العمدة لسة
فيهو باقى نفس , دحين بتعرف أبو اللصيق
ود المطامير
21-01-2007, 03:55 PM
عذرا اخي مدناوي ..


ولكنك لم تفهم قصده
ود المطامير عايز يعمل شتاااااات
ومفارق وبعين قوية كمان
واليك الرابط :


دمــــــــــــــــــــت ،،

http://wadmadani.com/vb/showthread.php?t=14577
يا الحبيب سواح مشكور كتير واللّة للإيضاح
لكن بتوضح لمين ؟ رامس فيلد والصواريخ الذكية ؟
ود المطامير
21-01-2007, 04:00 PM
يا ابو شجن خلي الشجن ... !!!!!!!!
:mad:
ثلاث كلمات ردوا عقلى
شكراً يا ( أميمة )
أوجزتى وأصبتى .,
ود المطامير
21-01-2007, 04:10 PM
واللة يا عزيزى .. عزيز أبو عيسى
إتلومت معاك , لكن تقول شنو ؟ فى
نفس اليوم اللى شان خاطرك غيرت
إسمى من التنقليزى للعربى , صواريخ
المعارضة إنهالت على راسى ولا يوم
سقوط بغداد , والإنسحاب كان فوق مرادنا
لكن الحمد للّة بيكم جينا تانى للحرية .
ود المطامير
21-01-2007, 04:18 PM
الاخ الصغير ابوعمار


تحياتي واشواقي ليك وللشلة شبارقه وابورجاء
اولا يمكن ماكتبت او عقبت عليك في مواضيعك وونستك الحلوة .. وذلك لان النضاره بقت مطموره .. ولكن الليله جبت لى نضاره قــعر كباية .. اوع تفتكر قعر قصب سكر
ولكن
لاني سوف افتقد كلامك الجميل وونستك الدقاقه .. ولكن عايز الصباح لمن افتح المنتدى وارش الحوش بالموية القاك قدامي ذى كل يوم . شايل البخور .. اوع اجي القاك مافي



ابوشـــــــــــــــــوارب

لن أقول لك يا عمى ولا حرف , بس تكفينى دمعة
( أم الوليدات ) وهى تسمع كلامك دا , والشديد القوّى
هو اللى أخرنى عليك , إحنا بنحسكم ونشعر بكم
ود المطامير
21-01-2007, 04:23 PM
لا لا لا لا لا ما تقول كدا يا ودالمطامير


ماشي وين يا زول


كدي عليك الله بطل هظارك البايخ دا


وانسى الفكره


وبرجع ليك تاني
أما إنت يالحبيب , توقيعى خير شاهد على
الحب .
ود المطامير
21-01-2007, 04:27 PM
عليك الله يازول انت جاااادي كدة وفايتنا.
عيد حساباتك وخليك معانا أحسن ليك الا اذا زهجت مننا فدي مشكلة.
ونحن بنرحب بسهولة لكن..... مابنودع بالسهولة دي.
راجع حساباتك تاااني.
راجعت حساباتى ولقيت طالبك
كم ألف فى آخر عملية لينا مع بعض
أها حقى ويييين ؟ تسلمى وربنا يخليك
لى أخت ورسامة خطط بالطريقة الصاح .
ود المطامير
21-01-2007, 04:40 PM
بدون تعليق[




فكي بي ركوة وسبحة ومبرقع وعصاه والناس بتتبرك فيك مااظن كلامك غير وفعلك غير ومنصبك ذي منصب اصحابنا البقوا وزراء من غير مؤهل بس لانهم من الجبهجية والميرغنية والمهدية والترابي جدهم الذي علمهم كل شي واهمها التجارة في السياسة و البلد الهاملة المامعروف ليها سيد الا من ياتي ويجلس علي الكرسي ذي ما انت ح تحلس علي كرسي العركين والسادة الصالحين لمجرد انك ولد او حفيد واحد منهم والله اعلم بدواخلك واعلم ببركاتك وبي مافي النفوس خيرك وشرك

الله يرحم اصحاب الكرامات والبركات الصالحين اليدهم لاحقا وطويلة ودعواتهم مسموعة ومجابه وبجاهم عند الله يرحمنا ويحفظنا من كل شر والله قادر علي كلي شي . الله يرحمهم ويوسع مقعدهم ويلحقنا بجاهم والعزاء للجميع الصالحين والطالحين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



اخوك عماد الدين النخلي ،،،،،،،،،،،،،،،،،،،،،،،،،،،،،،،،،،،،،،،،،،،،،،
قال أخوك عماد الدين قال
ود المطامير
21-01-2007, 04:42 PM
يا أبو رجاء و المسافر
طبعاً عارفين ؟
ود المطامير
21-01-2007, 04:44 PM
دة شنو الاحزان الطالعة من الصفحة دي..
بتتكلم جدي يا عروة ؟ اتمني يكون هظار والله
اسرة المنتدي بتفقد كتير والله ونحنا نلم في
الناس انت طالع لبرة..كدي راجع القرار دة



دمت
تقولى شنو ؟ قال الصالحين والطالحين !!!
ود المطامير
21-01-2007, 04:58 PM
ودالمطامير
مفارق وين مخلينا والله نمشي ليك في الحله ونجرك من كرعينك ونريطك في البوكس وراء ونجيبك تاني كدي بس انت اعمله وامشي حله المطاميركلها مابتفكك مننا قال مفارق قال هي لعبه جيتنا ضهبان وضميناك لينا ووريناك البندر فتحت خلاص واتفلهمته وطلع ليك ضب عاوز تتفلهم علينا كمان ؛
قال ابوه العمده مات انا حسي شايفوه راكب حماره ضهبان في السوق قال عاوز الداهيه البسموها الباسطه دي هم اهل المطامير بعرفو ياكلو باسطه .
إحترت أقول ليك شنو ؟ غير فى ميزان الحسنات
لأنى بينكم أنا إنسان وبدونكم إشت و صفر على الشمال
شكراً لإعادة الإبن الضال إلى مكانة بين إخوتة وأحبابة .
صالح ابوشوارب
21-01-2007, 08:04 PM
يا ابو عمار انا قلت ليك تعال الصباح وشايل البخور تجيني الساعة خمسة صباحا يعني نبخر الباعوض ولا شنو .. ولكن حمدالله على سلامة الوصول . ولكن امس لمن عفريته صورتك اتحمضت وظهرت الصورة . قلت الزول وصل السوق الشعبي . المهم حمدالله على سلامة الوصول . انشاء الله ام العيال والعيال طيبين

ابوشــــــــــواب
Madanawi
21-01-2007, 08:47 PM
حمدلله على السلامة يا ود المطامير،

أنا عزيتك في عمدتكم الكتلتو انت في خيالك وبس لاني عارفك راجع راجع وحتى علقت ليك بالرد والتعزية برغم انك طلبت عدم الرد على البوست ولم اعلق حتى ولو بكلمة واحدة على موضوع هروبك لانه ودمدني ومنتدياتها دأبت على لم الشمل والتكاتف لا التشتيت والفرقة والبيمشي مننا بيرجع لينا تاني براهو عشان نحن حلوين وكدا يا فردة. مرحبا بك بين اهلك واخوانك ونتمنى انك ما تكتل الحلة كلها المرة الجاية لانك بديت بالعمدة (رأس الرمح) . والآن مطلوب منك كتابة استيضاح لمل قمت به من عمل مزعج وهروب غير متوقع؟؟؟ خش الملجة واقعد جنب البرينسة حقت حلتكم وابدأ ورينا؟؟؟
ابورجاء
21-01-2007, 10:39 PM
يا أبو رجاء و المسافر
طبعاً عارفين ؟
عارفين ومقدرين يا عمدتنا
ويا مدناويين. وانت زي السمك
ما بيعيش بره البحر ...
لكن عندي سؤعالا محيرني
انت سجلته في المنتدى اخر
شهر في السنة انت مراجع عام
والا شنو جاي تعمل كشه على
الجماعة خليك حنين علينا يا
اصفى من التبر وارق من صفح النسيم
يا شعلة من همة ما تنطفي يا وردة من
اجمل حقول يا رايع انت واحلى زول ....
ودوما في رعاية الله وحفظه..
مع كل الود باقة ورد....
بورتبيل
21-01-2007, 10:51 PM
انا غايتو لو المضوع جد بكون اول واحد حا يفتقدك بالجد كدا يا عروة ( مطامير) ... لكن انا من ما قريت الموضوع ... عرفتا ان الحكاية ما جد ... عمودية شنو وكلام فارغ شنو ... انتا لسع في زمن العمودية .. والصمودية دا كلام فات عليه زمن ما بتلحق .... ربنا يطول في عمر ابوك العمدة .. ويديك العافية ... وتكون معانا .... ولك التحية والود ولناس الشرفة بركات
اخوك مدثر
ود المطامير
22-01-2007, 02:46 AM
يا ابو عمار انا قلت ليك تعال الصباح وشايل البخور تجيني الساعة خمسة صباحا يعني نبخر الباعوض ولا شنو .. ولكن حمدالله على سلامة الوصول . ولكن امس لمن عفريته صورتك اتحمضت وظهرت الصورة . قلت الزول وصل السوق الشعبي . المهم حمدالله على سلامة الوصول . انشاء الله ام العيال والعيال طيبين

ابوشــــــــــواب
واللّة يا عمى العزيز من سمعت كلامك وجرى لمدنى
عِلا ياكن الحبايب لقيتهم مستنين فى الكبرى وهاك ياسلام
لحد الصبح شان كدا فتحت الإستيديو شان تعرف ود أخوك
وصل والحمد ليك يا اللّة دا اللى حصل والعيال وأمهم بخير
وبسلموا عليك كتير السلام
بالجد أنا مبسوط لإهتمامك بى .
ود المطامير
22-01-2007, 02:55 AM
حمدلله على السلامة يا ود المطامير،

أنا عزيتك في عمدتكم الكتلتو انت في خيالك وبس لاني عارفك راجع راجع وحتى علقت ليك بالرد والتعزية برغم انك طلبت عدم الرد على البوست ولم اعلق حتى ولو بكلمة واحدة على موضوع هروبك لانه ودمدني ومنتدياتها دأبت على لم الشمل والتكاتف لا التشتيت والفرقة والبيمشي مننا بيرجع لينا تاني براهو عشان نحن حلوين وكدا يا فردة. مرحبا بك بين اهلك واخوانك ونتمنى انك ما تكتل الحلة كلها المرة الجاية لانك بديت بالعمدة (رأس الرمح) . والآن مطلوب منك كتابة استيضاح لمل قمت به من عمل مزعج وهروب غير متوقع؟؟؟ خش الملجة واقعد جنب البرينسة حقت حلتكم وابدأ ورينا؟؟؟
واللّة العظيم يا ( مدناوى ) بينى وبين نفسى دعيت ليك بطول العمر
شان إنت أول واحد جا العزاء , بس إنت عارف أخوك ( الصغير )
بحب يشاغلك شان عارفك بتولع سريع , وعلى الطول الصواريخ
تجينى ذى أبوالرقيعات , وخلاص يالحبيب نتلاقى جنب برينستنا
جنب الملجة وأوريك أبوى العمدة قام بعاتى كيف ؟
لك كل المحبة والريدة طبعاً عارفها .
ود المطامير
22-01-2007, 02:59 AM
عارفين ومقدرين يا عمدتنا
ويا مدناويين. وانت زي السمك
ما بيعيش بره البحر ...
لكن عندي سؤعالا محيرني
انت سجلته في المنتدى اخر
شهر في السنة انت مراجع عام
والا شنو جاي تعمل كشه على
الجماعة خليك حنين علينا يا
اصفى من التبر وارق من صفح النسيم
يا شعلة من همة ما تنطفي يا وردة من
اجمل حقول يا رايع انت واحلى زول ....
ودوما في رعاية الله وحفظه..
مع كل الود باقة ورد....
هكذا عهدى بيك , من الصميم للصميم
واللى ذيكم يشرف بالإنتماء إليكم
ومنك تعلمت الكثير .. الكثير .
ود المطامير
22-01-2007, 03:03 AM
انا غايتو لو المضوع جد بكون اول واحد حا يفتقدك بالجد كدا يا عروة ( مطامير) ... لكن انا من ما قريت الموضوع ... عرفتا ان الحكاية ما جد ... عمودية شنو وكلام فارغ شنو ... انتا لسع في زمن العمودية .. والصمودية دا كلام فات عليه زمن ما بتلحق .... ربنا يطول في عمر ابوك العمدة .. ويديك العافية ... وتكون معانا .... ولك التحية والود ولناس الشرفة بركات
اخوك مدثر
واللّة يا ود عمى الغالى وجودك هِنى فرحنى شديد
وإنشاء اللّة أكون عند حسن ظنك وناس الشرفة كلهم بسلموا
عليك وخلينا نسمع صوتك ونعرف أخبارك .
عزيز عيسى
22-01-2007, 05:00 AM
الزول السمح ودالمطامير رجع.. دا أسعد خبر

هازول مستنينك قصاد كبري حنتوب لينا ثلاثة أيام وماظهرت
بس نفسي أعرف دخلت مدني عوم ولا ركبت مركب..
نزاز ودحسن كاشف حالك بهناك قال شافوك بتاكل في العسكريم..
دا منو الخرب طبعك.
ود المطامير
22-01-2007, 05:17 AM
الزول السمح ودالمطامير رجع.. دا أسعد خبر

هازول مستنينك قصاد كبري حنتوب لينا ثلاثة أيام وماظهرت
بس نفسي أعرف دخلت مدني عوم ولا ركبت مركب..
نزاز ودحسن كاشف حالك بهناك قال شافوك بتاكل في العسكريم..
دا منو الخرب طبعك.
عمى العزيز واللّة عزيز شديد علىّ
أقول ليك سر ؟ أنا ماطلعت , كنت لابد
فى الملجة ورا شوالات البصل حق جدى
ود الطاهر , وعمى نزار أنا عارفو مراقبنى
أصلو أبوى موصيهو على , وإنتو اللى خربتوا
طبعى بمحبتكم لى .
شكراً كتير يا عمو .