المساعد الشخصي الرقمي

مشاهدة النسخة كاملة : عليكم اللّة بستاهل؟


ود المطامير
10-01-2007, 07:00 AM
يا دوبو بتعلم فى المشى , حلاتو وهو يفقد السيطرة
ويتوازن ويمشى من جديد , أشاع البهجة فى البيت
ذى هلال العيد , ضحك ورطانة وجرجير الملايات
وقلّيب الطرابيز , وإحنا نكورك ألحقوا ( عمّار )
وجات جارتنا( سودانية) داخلة بدون إنزار وبتها أكبر منو
بشهرين , شافتو يساكك فى أخوهو القبيل داك
وقالت ليهو .
_ أجى ! بقيت تمش وتجرى كمان ؟ ونحنا بتنا لسة
بتحبا وما قادرة تقيف ؟
ومشت , وحياتكم ماوصلت بيتها إلا و( عمّار ) وقع
على خشيمو يا حليلو سنيناتو الأربعة الفوق غطسوا
فى اللسان علىّ النعمة لو ما ربك ستر أكان نص اللسان
وقع برة خشيمو , حرّم الدكتور والممرضة لما شافوا
اللسان رجعوا ورا , وأمو وأخوة وأختو الدميعات فى
الواطة , عِلا على الطلاق عين المرة دى باتريوت ما
يحصلها , عِلا الحمد للّة الليلة أصبح كويس تب بياكل
ويشرب شوية شوية , أها أنا قعدت ليكم فى الشارع
مقاصد بيت جارتنا , قلت أتسدّى , أى شافع من شفّعها
يجى طالع أعاين ليهو قوّى وأقول .
_ الكتلل كريعاتو ذى عود النبلة .
يوم كامل شغال فيهم التكتلل , الكتلل , ولا واحد فيهم
إتعتر , وأم عمرو تنادينى مرة مرة
_ أدخل آراجل , البتسوى فيهو دا حرام
وأنا أحلف ما أدخل إلا أرمى لى فيهم واحد وأكسرو .
ابو حمزة
10-01-2007, 07:10 AM
العزيز msafir

عصفورنا الصغير سلامتو ويا اخوي البتسوي فيهو دا عيب عليك !! هي العين قايله بي شدة المعاينة؟؟
لأسرتك الكريمة العافية والسلامة ولأولاد الجيران كمان!!
غريبة ! انا كنت قايل عينيك المنططات ديل بصيدن لكن آخوي طلعت اشـــــــت!!!

لك محبتي ولعمار كل المنى بمستقبل باهر (ومن شابه أباهـ فما ظلم!!)
مع ودي
سواااح
10-01-2007, 07:36 AM
مسافر ..

لك التحية ..
الا جارتكم دي صعبة خلااااص
والحل انك تعلن بيتك منطقة محرمة
وحالة استنفار قصوي ..
ومكان الاسم تكتب .. منطقة عسكرية
ممنوع الاقتراب .. والتصوير ..

دمــــــــــــــــــت ،،
شبارقة
10-01-2007, 07:40 AM
جيب شفع جارتكم ديل لى ناس الحلة (حلة المطامير)، وخلي الرضية بت حمد تديهم بي عينا الواحدة دي، ما بتتذكر لمن كتلت تور جبريل عين بس، علي الطلاق السكين ما لحقتو.
***
لك خالص الود
امير عبدالباقي
10-01-2007, 07:44 AM
مسافر اخوي
انت عارف الا تعلق ليك يافطه في خسم الباب وتكتب فيها المعوذتين وقل هو الله احد عشان جارتكم دي لوجات تاني تكون قرت ليها قران قبل ماتدخل ( بس المصيبه تكون اميه مابتقرا)
يابوي امشي اجر ليك رباطابي لولاده باين عينك تعبانه ماحاره
سلامه الوليد
ود المطامير
10-01-2007, 08:25 AM
العزيز msafir

عصفورنا الصغير سلامتو ويا اخوي البتسوي فيهو دا عيب عليك !! هي العين قايله بي شدة المعاينة؟؟
لأسرتك الكريمة العافية والسلامة ولأولاد الجيران كمان!!
غريبة ! انا كنت قايل عينيك المنططات ديل بصيدن لكن آخوي طلعت اشـــــــت!!!

لك محبتي ولعمار كل المنى بمستقبل باهر (ومن شابه أباهـ فما ظلم!!)
مع ودي
تقول شنو ؟ الحالة دى أكلت كمّية من الشطة عشان يحمّرو .
وتسلم يا غالى .
ود المطامير
10-01-2007, 08:27 AM
مسافر ..

لك التحية ..
الا جارتكم دي صعبة خلااااص
والحل انك تعلن بيتك منطقة محرمة
وحالة استنفار قصوي ..
ومكان الاسم تكتب .. منطقة عسكرية
ممنوع الاقتراب .. والتصوير ..

دمــــــــــــــــــت ،،
ها زول أقول ليك قطعت لسان الجنا
واللّة ذى اليافتة دى ترميها برمشة عين .
ود المطامير
10-01-2007, 08:30 AM
جيب شفع جارتكم ديل لى ناس الحلة (حلة المطامير)، وخلي الرضية بت حمد تديهم بي عينا الواحدة دي، ما بتتذكر لمن كتلت تور جبريل عين بس، علي الطلاق السكين ما لحقتو.
***
لك خالص الود
لكن المشكلة البوديهم ليها منو ؟
أنا ؟ عشان بعد ما الجنا نبقى فى أبوة ؟
ود المطامير
10-01-2007, 08:35 AM
مسافر اخوي
انت عارف الا تعلق ليك يافطه في خسم الباب وتكتب فيها المعوذتين وقل هو الله احد عشان جارتكم دي لوجات تاني تكون قرت ليها قران قبل ماتدخل ( بس المصيبه تكون اميه مابتقرا)
يابوي امشي اجر ليك رباطابي لولاده باين عينك تعبانه ماحاره
سلامه الوليد
ونعم باللّة عِلا الناس العيونهم ماحارة
ح يزعلوا ويقولوا دا خايف مننا ولأ شنو؟
والرباطاب وصّافين لكن عيونهم ماحارة
عِلا حقى بجيبو بعينى براى ولو سخنتها
فى النار .
وليد عمر سعيد
10-01-2007, 10:04 AM
وحات الله عسولي ما شاء الله مايستاهل والله


وانشاء الله يا رب يكبر كدا وتشوفو عرييييييييييييييييييييس



وحاجزين ليو علويه بت الخليفه !
ود المطامير
10-01-2007, 12:09 PM
وحات الله عسولي ما شاء الله مايستاهل والله


وانشاء الله يا رب يكبر كدا وتشوفو عرييييييييييييييييييييس



وحاجزين ليو علويه بت الخليفه !
مشكور واللّة كتير
عِلا حكاية العرس دى ظنيتو كدا ما بستنى لى ال 18 سنة
الرجال ما بجيهم والبنات عاد أبو اللصيق . طالع لابوهو وأبوهو
طالع لأبوهو العمدة ( ريّادين بالحيل ) .
علوية مين يا عم ؟ دا السلّيم اللى لاقيهو من البنات والنسوان
فى الجضيمات حرّم أبوهو مالاقيهو منهن .
تسنيم خالد
10-01-2007, 12:38 PM
مسافر والله الف سلامة علي الغالي عمار ربي يديهو العافية....وشكيتها علي الله جارتكم دي ... حصن الاولاد وابقي عليهم عشرة ...
ربي يدكم العافية
ود المطامير
10-01-2007, 12:58 PM
مسافر والله الف سلامة علي الغالي عمار ربي يديهو العافية....وشكيتها علي الله جارتكم دي ... حصن الاولاد وابقي عليهم عشرة ...
ربي يدكم العافية
واللّة حسيت فعلاً بخوفك عليهم
واللّة بريدك للّة فى اللّة
( الصراحة أحسن منها مافى )
دا كلام منوووووووووووووو ؟
تسنيم خالد
10-01-2007, 01:03 PM
تسلم مسافر ...وربي بالجد يحفظهم ليك لانو الاطفال اكبر واحلي النعم نخاف عليهم من النسيم
وبالجد الصراحة مافي زيها .... ومافي اعظم من ريدة في الله ....
سلمت من كل شر ....






دمت
ود المطامير
10-01-2007, 01:10 PM
تسلم مسافر ...وربي بالجد يحفظهم ليك لانو الاطفال اكبر واحلي النعم نخاف عليهم من النسيم
وبالجد الصراحة مافي زيها .... ومافي اعظم من ريدة في الله ....
سلمت من كل شر ....






دمت
ولك منى فائق الإحترام والتقدير .
المسافر
10-01-2007, 07:34 PM
سلامتو عمار وربنا يواليه بالعافية سريعاً ويحفظه ويجعله من أبناء الوطن الأبرار
سوار الياسمين
10-01-2007, 08:45 PM
سلالالالالالالالامات لعموري وما يشوف شر
وعليك الله عندك ولد زي فلقة القمر ماشاء الله (عشان ما تقولو سحرناه)
مالك ما بتحصنوا
الله يحفظوا ليكم ويقيه من كل عين ما صلت على النبي
ود المطامير
10-01-2007, 08:46 PM
سلامتو عمار وربنا يواليه بالعافية سريعاً ويحفظه ويجعله من أبناء الوطن الأبرار
تسلم يا الحبيب وربنا ما يوريك شر
ود المطامير
10-01-2007, 09:14 PM
سلالالالالالالالامات لعموري وما يشوف شر
وعليك الله عندك ولد زي فلقة القمر ماشاء الله (عشان ما تقولو سحرناه)
مالك ما بتحصنوا
الله يحفظوا ليكم ويقيه من كل عين ما صلت على النبي
إنشاء اللّة ربنا يحفظك ويحفظ ليك كل غالى وعزيز
والمشكلة أنا ذاتى داير اللى يحصّنى !
مدنيّة
10-01-2007, 10:18 PM
أها أنا قعدت ليكم فى الشارع
مقاصد بيت جارتنا , قلت أتسدّى , أى شافع من شفّعها
يجى طالع أعاين ليهو قوّى وأقول .
_ الكتلل كريعاتو ذى عود النبلة .
يوم كامل شغال فيهم التكتلل , الكتلل , ولا واحد فيهم
إتعتر , وأم عمرو تنادينى مرة مرة
_ أدخل آراجل , البتسوى فيهو دا حرام
وأنا أحلف ما أدخل إلا أرمى لى فيهم واحد وأكسرو .


ربنا يحفظه من كل شر ونصيحة ليك اخوي كل يوم الصباح والمساء حصن اولادك بالمعوذتين والاخلاص ضم يدينك واقراء فيهم السور دي وامسح بيدينك اولادك صباحية ومساء وربنا يحفظهم ليك من كل شر


همسة : اها اخووووي كلامك الجبته ليك مقتبس دا وحاة الله ضحكني جنس ضحك في المكتب ولو دخل علي زول كان قال علي مجنونة عليك الله كدي قوله لينا بلغة غير لغة ناس المطامير دي :p
ود المطامير
11-01-2007, 04:17 AM
ربنا يحفظه من كل شر ونصيحة ليك اخوي كل يوم الصباح والمساء حصن اولادك بالمعوذتين والاخلاص ضم يدينك واقراء فيهم السور دي وامسح بيدينك اولادك صباحية ومساء وربنا يحفظهم ليك من كل شر




همسة : اها اخووووي كلامك الجبته ليك مقتبس دا وحاة الله ضحكني جنس ضحك في المكتب ولو دخل علي زول كان قال علي مجنونة عليك الله كدي قوله لينا بلغة غير لغة ناس المطامير دي :p



تسلمى يالغالية على النصائح الطيبة وح يحصل إنشاء اللّة .
عِلا ياكن أبوى العمدة ما بتكلم غير لغة واحدة باقى ليك ولدو بعرف إنقليزى ؟
همسة ... ودا قصدى .. أزرع البسمة . . الضحكة .
وشكراً لك
Jamal Elmahi
11-01-2007, 06:00 AM
ود المطامير حبابك
جارتكم دي عينا بالتقدها ...عينا في الفيل تطعن في ضلّو...هي مابتشوف اللسانو طويل في بيتكم منو تقوم تعصر علي عمّار المسكين ...هسع أبو عمّار دا في أطول من لسانو في البيت والمنتدي...كان ريحتنا من لسانك دا يومين تلاته...ولاّ بلعته لسانك لما شرّفت جارتكم...

مشاققه...
عايزين تلاته من جارتكم دي واحده تغتّس لينا حجر إسرائيل وأتنين لي أمريكا والرهيفه التنقد...

ود الماحي
ود المطامير
11-01-2007, 07:38 AM
ود المطامير حبابك
جارتكم دي عينا بالتقدها ...عينا في الفيل تطعن في ضلّو...هي مابتشوف اللسانو طويل في بيتكم منو تقوم تعصر علي عمّار المسكين ...هسع أبو عمّار دا في أطول من لسانو في البيت والمنتدي...كان ريحتنا من لسانك دا يومين تلاته...ولاّ بلعته لسانك لما شرّفت جارتكم...

مشاققه...
عايزين تلاته من جارتكم دي واحده تغتّس لينا حجر إسرائيل وأتنين لي أمريكا والرهيفه التنقد...

ود الماحي
ما هى عارفة لسانى ذى ضنب الضب ينقطع بهنى ويقوم بهنى شان كدا قالت عمار أخير
نزار حسن محمد
11-01-2007, 09:21 AM
هووووووى ياود المطامير ..الضب ال ياكلك ..وتقولوووو ..داير لك واحد رباطابى ...انت قايل عين الوالدين مابتصيب ... على العموم حمدالله على سلامته ..وبمشى وبجيك
ود المطامير
11-01-2007, 09:28 AM
هووووووى ياود المطامير ..الضب ال ياكلك ..وتقولوووو ..داير لك واحد رباطابى ...انت قايل عين الوالدين مابتصيب ... على العموم حمدالله على سلامته ..وبمشى وبجيك
عمّى كيفك ؟
اللّة يسلمك ويديك العافية
وعارفك ماشى وين ؟ أها النحصّلك بهناك
وأشوفك قلت شنو ؟ ما برانا اللى مساهرين
الليلة وود أخوك إتعلّم تعقب المتواجدين .