العملة الجديدة (يا سابل الستر يارب)

[شبارقة]

يوم الثلاثاء القادم 9 يناير حينزلو العلملة الجديدة !!
والألف جنيه زمان بقت 1جنيه!!
وحيستمر تبديل العملة الى 30 يونيو 2007م..
والله يستر على المغتربين، ويا ناس السعودية الجنيه بريالين!!
***
أقروا عن الموضوع في الشرق الأوسط والرابط:
http://www.asharqalawsat.com/details.asp?section=45&article=399272&issue=10258

لكم خالص ودي

[خاطب ودكم]

يوم الثلاثاء القادم 9 يناير حينزلو العلملة الجديدة !!
والألف جنيه زمان بقت 1جنيه!!
وحيستمر تبديل العملة الى 30 يونيو 2007م..
والله يستر على المغتربين، ويا ناس السعودية الجنيه بريالين!!
***
لكم خالص ودي


شبارقة

يعني الأف ريال بي كم

والله الريال والجنيه ديل قصتم قصة

صدقني بالطريقة دي الشعب السوداني

حيبقى أشطر شعب في الرياضيات

اللهم أصلح حال أوطاننا وبارك لنا في أموالنا

[مدنيّة]

والله حكاية الدينار والجنية لهسي مافهمناها هسي كمان جابت ليها جنية تاني لكن مازي جنية زمان

في الاول كنا بنقول بالجنية ولا الدينار هسي ح نقول بالجنية ياتو الزمان ولا الهسي وبعد كدا ما ح نفهم :(

[ابورجاء]

الغالي شبارقة (راجل المره ده حلو حلاه)
يا اخوي كان سووا جنيه والا دينار والا سووا الجن الاحمر
يانا الراجعين بلدنا بس شويه كده نخم لينا خمه ماكنه كده
ونرجع بعدين انا حافتح لي مكتب خدمات في السودان
اجيب سعوديين يشتغلوا عندنا رايك شنو نتشارك في المكتب
تبقى كفيل ابو عمه ما ابو عقال ...
ودوما في رعاية الله وحفظه....
مع كل الود باقة ورد....

[شبارقة]

ههههههههههههههههههههههههههه
نحن يا أبو رجاء شعب متحضر ، ولله الحمد، ولو بقينا كفلاء أو ملوك ، الزول يا هو الزول أصالة وزوق.
***
لك خالص ودي

[مختار بازى]

بسم اللةالرحمن الرحيم نحنا هنا في مصر تعبانين مع المصريين تعب ما عادي عشان الواحد فيهم لما يسال .العيل عندكو في السودان لما يروح المدرسة بتعطوا كم؟ لما اقول ليهم الفين جنية الواحد فيهم لما يشخر .بعد كدة الواحد يقدر يتفاهم معاهم .بس انتنوا ورونا بيعادل كم مصري ولكم خالص الشكر بازى مجنون مدني

[ابورجاء]

ههههههههههههههههههههههههههه
نحن يا أبو رجاء شعب متحضر ، ولله الحمد، ولو بقينا كفلاء أو ملوك ،
الزول يا هو الزول أصالة وزوق.
***
لك خالص ودي

[B]الغالي شبارقة
عشان نحن اصالة وزوق عايزين
نوري البهايم ديل معنى الكفالة الصح
مش الاستعباد والاستبداد البيسوا فوقو
ده وبراك شايف البسوهو في اخوانا البنغالة
الله يعينهم ويصبرهم مع الملاحظة انهم بقوا
يتجهو صوب السودان بكثرة الايام دي يعني
السودان ماشي كويس جاب ليهو بنغالة ههههههههه
عقبال الباقين والله يختينا المصريين قولوا آآآآآآآآآآآآآمين..
ودوما في رعاية الله وحفظه....
مع كل الود باقة ورد........

[محمد السر احمد]

يا اخوني المغتربين دا كلام كويس من ناحية اقتصادية لانو حيقلل التضخم دا حايرفع من وضع العملة حقتنا لكن السؤال هل دا ح يعود علينا و لي حيكون ذي البترول
دمتم

[سواااح]

انت يا شبارقة في دي

والله الاعلان الفي التلفزيون

حاجة صعبة خلاص ..

دمــــــــــــــــت ،،

[مزوني]

الجنيه

http://sa32.com/images/daa0d03c055796c0/p1.png.html

عشره جنيهات

http://sa32.com/images/c3a9dcb451614cae/p10.png.html

ده العندي ,, ولو زول عندوا كمان يلحقنا بي الباقي

عشان الواحد ما يطش لما ينزل السودان

تقبلوا فائق الاحترام والتقدير

[بنت الرفاعي]

الفرق بين الجنيه والدينار انو المية دينار بتساوي ألف جنيه يعني بتزيد الصفر للدينار بيطلع جنيه مثلا 1000دينار+0=10000جنيه يعني الألف دينار بتساوي عشرة ألاف جنيه وده بالعملة الجديدة بيساوي عشرة جنيهات.
والجنيه يعني ألف جنيه( هنا شلنا الأصفار للجنيه ذاااتو) والألف جنيه فيها ريالين والريال النازل واطة ده قبل كم شهر كان بيساوي 700جنيه وأسي بقى 500جنيه طبعا بالنسبة للمغتربين في السعودية وقطر بالخسارة معاهم. والدولار نازل برضو بالخسارة.
لكن هل يا ترى التغيير في العملة حيفيدنا ولا حيكون زي ما هو؟؟؟!
ولنا عودة.

[التيمان]

هووووووووووووووووى

كلام غريب


هى خلاص القروش كتيره

عشان يقعدو يغيرو

ما يحل الماشكل الفى دى

هسى وين هى القروش

اذا كانالشعب عاطل عن العمل

احسن يشوفوبرنامج تانى والله

[كاندي]

مشكور شبارقة والله يستر علينا
با الجد

[امل حياتى]

يا جماعة خلاص نحن حنخلى الامارات وجاين السودان ان شاء الله شهر مارس ونعافر مع امة لا اله الا الله ونكابس فى الجنيه الجديد ده ان شاء الله 750 جنيه فى الشهر

[شبارقة]

تاني دايرين يغيروا العملة ....
البوست حق تغيير العملة الفاتت ما برد ، و هم تااااااااااااااااااني دايرين يغيروا العملة ....
يا الله براااااااااااااااااك شايفنا ...

[آلاء عبد الرحمن]

ولسه

امس تقريبا سمعته حيخلو الجنيه والخمسة

البلد دي بقت مامفهومة