لكل بعيد أو مبعد عن الوطن وهو ينشد العوده إلى حضنه....

[وليد مصطفى]

وبقيت أصارع إحتمال جيتى
وجراح زمنا مفارق ضحكتو...
ورضيت أسلم للظروف كل المعايا من عمرى
أحلامـــــــــــــــــــو ومنيتو...
لو ألتقيك ،،،
بتبقى الدنيا فى عينى مباهج
من سنا الحلم البشابى عليهو لحظة شهقتو...
ويبقى عمرو المستحيل ،ما هد حيل أملا
بصارع ريح ضلامو ..وسطوتو...
ويبقى عمر الحزن فينا،،
لحظة ما غيمة وظلال ..ترحل مع الزمن البرافق قسوتو...
***************
****************
معاك ،،،
معاك ببدأ الزمن يتلاشى ترحل خطوتو...
ويترتب شتات أملا رجينا وعودو باأشواق
وشلنا وراه لوعة حرقتو...
ليلين،،،،،،،،،،،
ليلين أغالب إحتمالن..من عذابن وطول سهادن ووجعتو ...
وارحل مع الزمن المسافر فى مدارا ،
طال غنتظار ضو نجمتـــــــــــــــــــــو...
وعزانا فى آخر المطاف ،،
غيمات بتمطر من نزيف..
تغسل ملامح الفرحة فينا ويرفض إشارة وقفتو...