يا كسلانييين !!!

[المسافر]

هل فعلاً نحن كسلانين أم هي كلمة إرتبطت بنا بلا ذنب !!!!

إن كثير من الشعوب وخصوصاً عندما تعرف إن لدينا في بلادنا خيرات كثيرة وخصوصاً الزراعية يقولوا عنا إننا كسلانين إلى أن إنتشرت وإرتبطت بنا وأصبح هنالك الكثير من النكات والفكاهات التي تتحدث عن كسلانا كما يزعم الجهلة من أهل هذه الشعوب.

تحدثت مع أحد من يدعي هذه الكلمات وذكر لي بأن بلدكم كبير وبه خيرات كثيرة بس إنتو ما عايزين تشتغلون وحتى السودانيون الموجودين هنا قليلي الطموح ويكتفى كل واحد بعمله الرسمي دون محاولة لتحسين أوضاعه مهما كانت ويكتفى أيضاً بعد إنتهاء دوامه أن يذهب لينام أو يلعب ( الكوتيشينة ) أو منهم من يفضل الجلوس في ( قهاوي الحبش) أو الزيارات الكثيرة والمجاملات البلا معنى !!!! بالرغم من إن معظم المغتربين خارج السودان مشهود لهم بالكفاءة العالية والدقة والإخلاص في عملهم.
وجدت حديثه مقبول جداً وخصوصاً في الجزء الأخير فلن أستطيع الرد عليه فهو إستدل لي بشهود نعرفهم سوياً . . . إلا إنني وجدت مبرر لعدم إستفادتنا من خيرات بلدنا . . وكان ردي هو ( الحروب الأهلية المتعددة في السودان لن تدع مكان للتنمية ) !!!!

ويأتي السؤال هنا هل نحن فعلاً شعب كسلان ولا نمتلك أي طموح ؟

[zoolfrda]

...قليلي الطموح ويكتفى كل واحد بعمله الرسمي دون محاولة لتحسين أوضاعه مهما كانت ويكتفى أيضاً بعد إنتهاء دوامه أن يذهب لينام أو يلعب (الكوتيشينة ) أو منهم من يفضل الجلوس في ( قهاوي الحبش)





والله يا خالد

ده الحاصل بحذافيره بالنسبة لمغتربي الإمارات

إلاّ من رحم ربي

[نزار حسن محمد]

عزيزى المسافر
لك تحياتى واشكرك على الموضوع الجميل ..
طيب انا متفق مع محدثك فى بعض النقاط ومختلف معه فى البعض واتمنى من الجميع يدخل هذا البوست ويدلى بدلوه..طيب طيب نفترض نحن كسلانين ..زمان كان فى اتكاليه فى حياتنا يعنى تلقى واحد شغال وبصرف على البيت كله مع العلم البقيه يمكن ان يجدوا عمل ولكن الجميع يتكل على الشغال ويكل ويشرب وينوم..
وبختلف معه فى ان الشعب السودانى اولا تربى تربيه انجليزيه ولو رجعنا للوراء تجد الاجداد كانوا يقمون من صلاة الفجر الى ان يحن موعد النوم وهم يعملون ..
ثم اتات الحروب .. وقلة فرص العمل ..
برجع لك تانى عزيزى المسافر واتمنى من الجميع المشاركه.

[Almostshar]

السلام
عليكم .
لفت نظري موضوع الكسل وأن الشعب السوداني كما يقال بمجمله كسول ... هذه العبارة ربما كانت صحيحة في نظر البعظ وأنا لا أوافق عليها . الشعب السوداني داخل السودان ليس بالشعب الكسول بالدرجة التي ييتوقعها بعض الناس هو خمول وقتي ليس إلا أما وقت العمل والجد فهم عاملون ممتازون ... ربما اثرت فيهم طبيعة البلد وقربهم من خط الأستواء . أما في الخارج فأنا سأتحدث عن المغتربين في المملكة العربية السعودية بصفتي مراسل . يغلب طابع الكسل وأعني الكسل الشديد على بعض المغتربين في هذا البلد وذلك لتوفر المعيشة وقلة العمل ووجود الكتشينة وهلم جر . أي أن طبيعة العمل أحيانا قد لا تضطر البعض إلى بذل مجهود كبير قد يكتفي بالجلوس على الكرسي فقط أو مزاولة بعض الأعمال اليدوية وهم بذلك يصابون بالخمول وبعد ذلك الكسل ... لا أنكر أنه يطلق على هذا الشعب بالكسول ... وقد يستغرب البعض عندما يجد النشاط المتمتع به هذا الشعب عند بذل العمل والدقة فيه ... يعني هناك تضاد في الفكرة والحقيقة والمضمون ... ولنا عودة

[وليد عمر سعيد]

والله يا حبيبنا سمعنا ما سمعنا

عجازين وكسلانين ...... الخ




لكن في مقوله بتقول ليك :





" العارف عزو مستريح "






دمـــــــــــــــــــــــت !

[المسافر]

ده الحاصل بحذافيره بالنسبة لمغتربي الإمارات

إلاّ من رحم ربي[/COLOR]




بداية كل عام وإنت بخير . . . ومشكور على المرور

وبصراحة أصبحت هذه الصفة ملازمنا بإستمرار . . . وحتى قبل فترة في المطار وجدت مجموعة كبيرة من الحبشيات قادمة من الخرطوم ( ترانزيت ) إلى دبي . . وقال لي أحد الموجودين هنالك ( ديل كلهم جايبهم ليكم !!! )

فعلاً القصة بقت معقدة جداً

[المسافر]

عزيزى المسافر
لك تحياتى واشكرك على الموضوع الجميل ..
طيب انا متفق مع محدثك فى بعض النقاط ومختلف معه فى البعض واتمنى من الجميع يدخل هذا البوست ويدلى بدلوه..طيب طيب نفترض نحن كسلانين ..زمان كان فى اتكاليه فى حياتنا يعنى تلقى واحد شغال وبصرف على البيت كله مع العلم البقيه يمكن ان يجدوا عمل ولكن الجميع يتكل على الشغال ويكل ويشرب وينوم..
وبختلف معه فى ان الشعب السودانى اولا تربى تربيه انجليزيه ولو رجعنا للوراء تجد الاجداد كانوا يقمون من صلاة الفجر الى ان يحن موعد النوم وهم يعملون ..
ثم اتات الحروب .. وقلة فرص العمل ..
برجع لك تانى عزيزى المسافر واتمنى من الجميع المشاركه.



كلامك في محلو عزيزي نزار . . . بس ده طبعاً للناس الموجودة في السودان ويمكن ظروف الحياة الآن أجبرتهم على العمل وترك الإتكالية . . . إنما الأمر هنا بكل هذه الإمكانيات الموجودة والمتوفرة بتجد هؤلاء الأشخاص بكميات كبيرة بتخزن لها . . . أأمل أن نجد لهذه الظاهرة حل

[المسافر]

السلام
عليكم .
لفت نظري موضوع الكسل وأن الشعب السوداني كما يقال بمجمله كسول ... هذه العبارة ربما كانت صحيحة في نظر البعظ وأنا لا أوافق عليها . الشعب السوداني داخل السودان ليس بالشعب الكسول بالدرجة التي ييتوقعها بعض الناس هو خمول وقتي ليس إلا أما وقت العمل والجد فهم عاملون ممتازون ... ربما اثرت فيهم طبيعة البلد وقربهم من خط الأستواء . أما في الخارج فأنا سأتحدث عن المغتربين في المملكة العربية السعودية بصفتي مراسل . يغلب طابع الكسل وأعني الكسل الشديد على بعض المغتربين في هذا البلد وذلك لتوفر المعيشة وقلة العمل ووجود الكتشينة وهلم جر . أي أن طبيعة العمل أحيانا قد لا تضطر البعض إلى بذل مجهود كبير قد يكتفي بالجلوس على الكرسي فقط أو مزاولة بعض الأعمال اليدوية وهم بذلك يصابون بالخمول وبعد ذلك الكسل ... لا أنكر أنه يطلق على هذا الشعب بالكسول ... وقد يستغرب البعض عندما يجد النشاط المتمتع به هذا الشعب عند بذل العمل والدقة فيه ... يعني هناك تضاد في الفكرة والحقيقة والمضمون ... ولنا عودة


بداية كل فائق الشكر على المرور . . . أعتقد مرات كثيرة إن الموضوع مرتبط إرتباط وثيق جداً بعاداتنا وهي منفتحين وبمعنى أدق ( إجتماعين ) ونميل جداً لمواصلة والزيارات الكثيرة جداً وخصوصاً في الغربة والتي تجر إلى وضع ( الدبرسة ) والجلوس والخمول . . . إلخ .

[المسافر]

والله يا حبيبنا سمعنا ما سمعنا

عجازين وكسلانين ...... الخ

لكن في مقوله بتقول ليك :

" العارف عزو مستريح "

دمـــــــــــــــــــــــت !

نحن فعلاً لدينا أشياء كثيرة كويسة وقد تكون معدمة في باقي الشعوب . . بس ايضاً لدينا مساوي وكمان نادرة ويجب إن نتخلى عنها . . . لأن الوقت لا ينتظر

وتسلم على المرور والمشاركة أخي أبو قراط

[Madanawi]

الاخ المسافر لك الشكر على التطرق لموضوع حساس وهام جداً.

الكسل صفة تلازم من يتصف بها لكن يالتأكيد لا يمكن ان نوصف شعب باكمله بانه كسول ففي كل المجتمعات والدول تجد ان هنالك العديد من الذين يتصفون بهذه الصفة وانا قد اسلفت الذكر بان امريكا رائدة الحضارة والتكنولوجيا في العصر الحديث تعاني من مشكلة تزايد البطالة في سكانها الاصليين ان كان هنالك فعلا امريكان اصليين بمعني آخر امريكا تبحث عن المتميزين وتوفر لهم فرص العمل واللوتري والجنسية وا وا وا حتي تستفيد من خبراتهم و مؤهلاتهم ولكنها لا تنظر الى مواطنيها الكسلانين ان جاز لي التعبير. الان نجد الناس في السودان منهم من يعمل في اكثر من موقع ومنهم من يعمل دوامين او اكثر لسد الحاجات الاساسية وتحسين الاوضاع اذاً القول مجملا ان الشعب السوداني كسول هو غير صحيح ولا اساس له. من ناحية اخرى هنالك العديد من الجنسيات الاخرى التي تتنافس مع السودانيين من حيث المؤهلات في دول المهجر خاصة الخليج فهم يطلقون زور القول حتى يقللوا من فرص السودانيين بحكم ان السوداني محبوب ومرغوب فيه من قبل اصحاب الاعمال لامانته وعفته وكبرياءه ومؤهلاته المنافسة للاخرين.

انظر الى انجازاتك وانجازات امتك ولا تنظر الى صغار القوم الجاهلين.

[reemna]

السلام عليكم والله كلامكم ده كلو صاح والله حيرونا العالم ديل العاملنا ضحكه وارجوزات والعاملنا كسلانين والعاملنا حراميه وخاصه في الفتره الفاتت في الامارات خاصه كانت في قضايه كتيره هي حقيقيه لان فيه وحده ودي كانت كبيره مجموعة شباب سودانيين ومواطن وافريقيه سرقواصرافه ومن يوم الحادث داك والله وسمعة السودانيين في الامارات بقت زي الزفت والله وكل العايش في الامارات عارف البقولو ده قبل فتره الخارجيه السودانيه عملت احصائي ولقت كميه من الشباب السوداني في السجون الخارجيه في كل دول العالم مش الخليج ولا امريكا طيب ديل اذا كانو في السودان اتخيلو بلدنا كان وصلت وين بدل غربتم في بلاد الغربه ما تبقي لي صالحهم وصالح بلادهم بقت نغمه علي الكل وعلي سمعتنا كا سودانيين والله نحنا مش كسلانيين ابدا نحنا عقول اطباء في كل العالم ونحنا مهندسين طرق خططوا الامارات دي واساتذه بيدرسوا لليوم في السعوديين الاغبيه ديك . كل الهم ما بيقدروا عليه نحنا اسيادو بس تقول لي منو اذا اتنين تلاته خربو سمعة امه كامله الله يرفعك يا بلدي بي عزتو و جلالو يارب

[خالد أحمد الصول]

أرجو أن أدلوا بدلوي في هذا الموضوع الحساس
إن السودان يقع في المنطقة المدارية و الموصوفة بأعلي المناطق حرارة في العالم الشي الذي يوثر علي مزاج و زوق و القدرة علي العمل و هناك دراسات كثيرة و ندوات عالمية عن العمل في جو حار حيث أثبت العلم أن الاشخاص في الجو الحار أقل نشاطا و عملا من الناطق الباردة (و النشاط هنا لا يعني مرادف الكسل إنما يعني أن المناخ القاسي يوثر علي المخ البشري فيشتت أفكاره و يقلل من طاقته الانتاجية) فقدر السوداني أوقعه في تلك المناطق المدارية مما جعل المزاج السوداني يميل الي إيقاع الدليب و الدلوكه وهو أيقاع هادئي يناسب الجو الحار .. كما و أن المناخ الحار يؤثر أيضا في المزاج العكر و سرعة الغضب و الهياج ....
و لكن هذا لا يعتبر عائقا بالنسبة للمواطن السوداني الخلاق المبدع فإن الاجداد إبتكروا طريقة للتغلب علي الجو الحار .. حيث يبداء دائما السوداني يومه أبكر من كل الشعوب فيعمل في جد و نشاط في المزارع و المصانع و كل الاعمال اليدوية و الزهنية الي الظهيرة حيث تشتد الشمس و تزداد الحرارة فيركن الي قيلوله تقيه من وهجها القاسي و حرارتها القائطه و ما أن تنتكي الشمس و يبرد الجو حتي يستأنف نشاطه فيما يسمي الضهرية فيفوق إنتاجه أضعاف أقرانه في تلك الدول ذات الجو البارد ...
يا ليت الذين يقولون علي السودانيين أنهم كسولين أن يأتوا ليعملوا ساعة في ظهيرة السودان القاسية ... أراهن أن جلودهم سوف تتشقق و تزوب و يصابون بضربة الشمس حيث يزوبون كما الايس كريم

[ود المطامير]

(قهاوى الحبش ) ؟ وأنا أقول شفتك وييييييين ؟!

[عماد عبدالشكور]

انا بعتقد انو نحن فينا شوية كسل
لكن فينا صفات تاني كتيرة ما موجودة في اي شعب في الدنيا

[المسافر]

الاخ العزيز مدناوي

بداية لك كل تقدير على المرور والمشاركة . . . وإنت ضربت مثل بأمريكا وتناسيت دول عظيم كاليابان مثلاً .
إنت محق في إننا خارج أوطننا نعمل بجد وإجتهاد ومشهود لينا في جميع دول العالم إننا في وطننا بتخازل ونخجل حتى من ممارسته أعمال بسيطة .
ودمت

[المسافر]

الاخ / ريمنا

تحية وتقدير على المشاركة . . . وقصة السودانيون بتاعين الصرافة في دبي دي قصة بسيطة وهنالك قصص كثيرة صارت تنسب للسودانيون بمجرد اللون أو الشكل . وكل أفريقي هو سوداني . . . نحن فينا الكسل وهو أيضاً موجود في جميع دول الخليج والدول العربية أيضاً .. . وبإمكانك تري نسبة الخدم والسواقيين بمقارنة مع عدد مواطني أي من دول الخليج . . . وإظننا نحن لم نصل إلى هذه الدرجة بعد .

وسلمتِ

[المسافر]

(قهاوى الحبش ) ؟ وأنا أقول شفتك وييييييين ؟!

على الأقل أنا بقعد برة مش بعمل فيها بعاين في التلفزيون !!!!

ودمت

[المسافر]

انا بعتقد انو نحن فينا شوية كسل
لكن فينا صفات تاني كتيرة ما موجودة في اي شعب في الدنيا



مشكور عزيز عماد على هذه المشاركة

والكسل هو صفة موجودة في كثير من الشعوب وخصوصاً الدول العربية بس ( المصريون ) طبعاً شعب صاحب سخرية تافة هو من أثاروا تلك النكات وبدورها أكثرت في واقعنا ولكننا الأفضل دائماً .

ودمت

[دانية]

الشعب السوداني مشكلتة ماالكسل مشكلته التكبريعني مثلا واحد اتخرج من الجامعه يصر انو يلقي وظيفه معينة وبراتب شهري ولايشغل بعمل اي شي يدر عليه دخل بسيط وممكن بعدها يكون اغني واحد من العمل ده لو اجتهد فيه ولان خريجي الجامعات كتار والفاقد التربوي اكثر فيظهر الطابع العام علي الشعب السوداني انه كسول .بعكس بقية الشعوب.

[المسافر]

الشعب السوداني مشكلتة ماالكسل مشكلته التكبريعني مثلا واحد اتخرج من الجامعه يصر انو يلقي وظيفه معينة وبراتب شهري ولايشغل بعمل اي شي يدر عليه دخل بسيط وممكن بعدها يكون اغني واحد من العمل ده لو اجتهد فيه ولان خريجي الجامعات كتار والفاقد التربوي اكثر فيظهر الطابع العام علي الشعب السوداني انه كسول .بعكس بقية الشعوب.


بداية لك تقدير على المرور والمشاركة . . . وموضوع التكبر فعلاً هو الجزء الأكبر في الموضوع والغريب في الأمر إنهم عندما يتغربون خارج الوطن يعملون في أي مجال مهما كان . . . كما يضاف إلى ذلك الإتكالية الشيء الذي يجعلهم أكثر كسلاً وتعالياً .

ودمتِ

[Madanawi]

يا شباب الشعب السوداني ما كله كسلان ، صدقوني........ بس ممكن يكون العائد المادي غير مشجع داخل السودان ودا طبعا ليس مبررا كافيا لان يترك الانسان عمله و كمان من يتصف بالكسل لا يكون ذلك بس في مجال العمل وحسب لانه بيكون كسلان في جميع الاصعدة ومشاركاته تكاد تكون معدومة يعني لما تشوف عضو في المنتدى جل مشاركاته هي نسخ ما شارك به عضو قبله فهذا ايضا نوع من الكسل والسلبية كمان...............

[ابوشوتال]

الشعب السوداني شعب طموح جدا ونادر علي مستوي العالم العربي مثلا العزابة في اي دولة عربية الواحد لما يجي جديد من البلد اسكنوة ويصرفوا علية لغاية ما يشتغل هل هذا كسل ؟ الناس فاهمانا غلط وخاصة دول الخليج بس الكسل فيهم هم لانو الواحد مستحيل يمشي مشوار نصف كيلوا علي رجلية ؟ بس طيبتنا والطيبة كتلتنا
نحن عندنا كل شي في بلدنا ؟ بس المثل بقول ليك اعطي الخبز لخبازة ولو ياكل نصو فما ممكن انا مثلا مهندس او محاسب اواي مهنة تانية اشتغل مزارع ؟ طيب هم استقدموا لاجانب ليي ماكانوا اشتغلوا في البلدية براهم وموش البلدية بس اغلب المهن الحرة هم مستقدمين فيها الاجانب اخي من يقول نحن كسالي هو الكسلان والمثل بقول الفيك بدربوا
لك الود

[عزيز عيسى]

أخوي المسافر،

كدي النحكي ليك النكتة دي:

قالوا كان في واحد كسلان ساكن مع جماعة اليوم كله نايم.. الجماعة يمشوا الشغل
ويرجعوا البيت يلقوا صاحبنا برضو نايم وما بيعمل أي حاجة.. الجماعة يدخلوا المطبخ
ويجهزوا الأكل ويقوموا يصحوه يقوم ياكل وتاني يرقد في السرير يمدد رجليه ويتغطي ينوم.
أها الجماعة زهجوا من الحكاية دي.. يوم رجعوا لقوه نايم قاموا شالوه بي سريره
وقرروا يأخذوه على المقابر يدفنوه ويرتاحوا منه لأنه ما منه فائدة.
وفي أثناء ما هم ماشين في الطريق وشايلين الراجل في السرير أخينا شعر بحرارة
الشمس وقام صحى وجلس في السرير. بعد شوية جاهم واحد راجل جاري وقال ليهم
الجنازة بتاعتكم دي حية.. الجماعة قالوا ليه أيوه عارفين الزول دا ما منه فائدة
اليوم كله نايم وما بيعمل لينا أي حاجة في البيت وقررنا ندفنه ونرتاح منه.
الراجل قال ليهم طيب خلوني أحل ليكم المشكلة وقام سأل الكسلان وهو مازال
جالس في السرير وقال ليهو: يا خي أنا عندي فكرة هل من الممكن تغسل ليهم العدة فقط.
الراجل الكسلان قال للجماعة عليكم الله شيلوا السرير ويلا خلونا نمشي.

الكسلان إختار إنه يدفنوه بدل يغسل العدة.

أها شفت ليك كسل أكثر من دا.

[المسافر]

يا شباب الشعب السوداني ما كله كسلان ، صدقوني........ بس ممكن يكون العائد المادي غير مشجع داخل السودان ودا طبعا ليس مبررا كافيا لان يترك الانسان عمله و كمان من يتصف بالكسل لا يكون ذلك بس في مجال العمل وحسب لانه بيكون كسلان في جميع الاصعدة ومشاركاته تكاد تكون معدومة يعني لما تشوف عضو في المنتدى جل مشاركاته هي نسخ ما شارك به عضو قبله فهذا ايضا نوع من الكسل والسلبية كمان...............


ق
بل يومين كده قال لي واحد من ابناء قرى الجزيرة بأنهم يعانون جداً من اسعار الخضروات واللحوم الغالية !!!! وسألته على الفور . . . آليس لديكم مياه في هذه القرية . . . فأجابني إنها متوفرة جداً !!!
وبإمكان تتخيل ( بيت مزارع مساحته 2000 متر مربع به مياه متوفرة وأرض خصبة جداً ويشتري الخضار واللحوم من السوق . . . أيوجد كسل أكثر من ذلك ) هذا هو أصل وصلب الحياة وهو لقمة العيش . . . هؤلاء المزارعين لست على إستعداد لتوفيرها حتى لأنفسهم !!!

ودمت

[المسافر]

الشعب السوداني شعب طموح جدا ونادر علي مستوي العالم العربي مثلا العزابة في اي دولة عربية الواحد لما يجي جديد من البلد اسكنوة ويصرفوا علية لغاية ما يشتغل هل هذا كسل ؟ الناس فاهمانا غلط وخاصة دول الخليج بس الكسل فيهم هم لانو الواحد مستحيل يمشي مشوار نصف كيلوا علي رجلية ؟ بس طيبتنا والطيبة كتلتنا
نحن عندنا كل شي في بلدنا ؟ بس المثل بقول ليك اعطي الخبز لخبازة ولو ياكل نصو فما ممكن انا مثلا مهندس او محاسب اواي مهنة تانية اشتغل مزارع ؟ طيب هم استقدموا لاجانب ليي ماكانوا اشتغلوا في البلدية براهم وموش البلدية بس اغلب المهن الحرة هم مستقدمين فيها الاجانب اخي من يقول نحن كسالي هو الكسلان والمثل بقول الفيك بدربوا
لك الود



تحية وتقدير يا ابوشوتال على المرور والمشاركة . . . ويجب أن نفرق بين الكسل وبين عاداتنا الجميلة والنادرة . . . وأنا معك في مثلك ( أدي الخبر لخبازه ) . . . ونحن في خلال نفس المهنة بتجد التكاسل وعدم الطموح وعدم الرغبة في تطوير والرقي بها عقلياً ومادياً . . . وأنا هنا لا أقصد السودانيون فقط وقصدي العرب بصفة عامة . . . وإنني أعلم أن العرب في دول الخليج هو أكثر شعوب الدنيا كسلاً ولكنها جات فينا نحن .

ودمت

[المسافر]

الأخ المحترم / عزيز عيسى
تسلم على هذه الطرفة الرائعة وطبعاً النكات كثيرة جداً ومنها
واحد كسلان جداً شغلوه بواسطة كبيرة في محل أثاث منزلي ومجال عمله بس يرقد في السرير الخاص بالعرض . . . وبعد شهر قدم إجازة سألوه ليه ( قال تعبت من الشغل !! )

كل نكتة أو طرفة تظهرت أصبح هؤلاء الجهلاء ( العرب ) ينسبوها لنا وما عارفين إننا سوياً بنشرب من نفس الكأس وربما نحن أهون حالاً منهم .

وتسلم مرة أخرى

[Madanawi]

ليس بالخبز وحده يحيا الانسان يا مسافر، وربما من قال انو الخضار غالي وهو من اهل الجزيرة له مهنة اخري اذا لا ينتقص ذلك من قدره شيئاً وما ممكن ناس الحلة كلهم يشتغلوا مزارعين. لان منهم الاطباء والمهندسين والتقنيون والمحاسبين والقانونيون والمعلمين والسواقين واواواواوا.

اضافة الى انه حتى ولو فرضنا ان الشخص المذكور كسلان فهل هذا يعني ان السودانيون شعب كسلان؟؟؟؟؟؟؟؟؟

يا جماعة - الشر يعم دي قاعدة غير صحيحة واساسها عسكري وليس علمي!!!!!!!!!!!!!1

[امل حياتى]

الاخ المسافر لك الشكر على التطرق لموضوع حساس وهام جداً.

الكسل صفة تلازم من يتصف بها لكن يالتأكيد لا يمكن ان نوصف شعب باكمله بانه كسول ففي كل المجتمعات والدول تجد ان هنالك العديد من الذين يتصفون بهذه الصفة وانا قد اسلفت الذكر بان امريكا رائدة الحضارة والتكنولوجيا في العصر الحديث تعاني من مشكلة تزايد البطالة في سكانها الاصليين ان كان هنالك فعلا امريكان اصليين بمعني آخر امريكا تبحث عن المتميزين وتوفر لهم فرص العمل واللوتري والجنسية وا وا وا حتي تستفيد من خبراتهم و مؤهلاتهم ولكنها لا تنظر الى مواطنيها الكسلانين ان جاز لي التعبير. الان نجد الناس في السودان منهم من يعمل في اكثر من موقع ومنهم من يعمل دوامين او اكثر لسد الحاجات الاساسية وتحسين الاوضاع اذاً القول مجملا ان الشعب السوداني كسول هو غير صحيح ولا اساس له. من ناحية اخرى هنالك العديد من الجنسيات الاخرى التي تتنافس مع السودانيين من حيث المؤهلات في دول المهجر خاصة الخليج فهم يطلقون زور القول حتى يقللوا من فرص السودانيين بحكم ان السوداني محبوب ومرغوب فيه من قبل اصحاب الاعمال لامانته وعفته وكبرياءه ومؤهلاته المنافسة للاخرين.

انظر الى انجازاتك وانجازات امتك ولا تنظر الى صغار القوم الجاهلين.

مدناوى رد جميل واثنيك يعطيك الف عافية

[ود المطامير]

كسلانين وبس ؟ هه
دا شبارقة مرة قال لى
هاك كُد لى العضم دا .

[المسافر]

الغالي مدناوي
العزيز أمل حياتي

تحية وإحترام . . . أنا فقط ضربت مثلاً وما قصت شيء بعينه فناس الجزيرة هم أهلي وأنا أعلمهم جيداً بس حاولت احدد مهنة بعينها وهي المزارع . . . وأعلم أيضاً هناك إناس أفضل ومختلفين تماماً .
وحتى نستفيد من نقاشنا يا ريت لو نحدد مع باقي الأعضاء النقاط التي تعتبر كسلاً فعلاً لدينا ونحاول أن نجد لها حلول . . . فلربما نسهم في بناء وطننا .

ودمت

[المسافر]

كسلانين وبس ؟ هه
دا شبارقة مرة قال لى
هاك كُد لى العضم دا .

طبعاً إنت قطعت علاقتك بيهو عشان ما تكُد ليهم العضم .

[reemna]

صباح الخير اخوي المسافر هي فعلا قصه بسيطه علي البيعملو فيه الشباب بالخارج زي ما قلته واحتمال الخليجين اتعودو علي الكسل الله خلقهم لقو ملاعق ذهب في خشومهم لاكن انحن برضو بقينا زيهم الهنود والاسيويين ملو البلد والحبش والافارقه وشغلو كل الاعمال بس العيب من الكساله العندنا ابو الشغل وقعدو الساده اصحاب الاعمال لقو باب رزق جديد وما شاء الله ملو البلد !
لاكن انحنا الكسل ده لقينا شنو? لقينا شعب من قام يناضل علشان يعيش استقلال في الاول وبعدين موت علشان نوحد جنوب وشمال ونلم بلد مشتت وتعب علشان نسبت انو نحنا هنا ولليوم مش قادرين نسبت مكانا في افريقيا كا افارقه ولا كا عرب طيب بنقول بس بلكلام انو نحنا بنعمل بس وين العمل ؟ نبدا من جوا الشوارع كترو فيها المجانين وتسال ليه يقولو ضغوط الحياه والحقيقه كل واحد عندو مشكله استسلم للئاس وقعد وجن والفارش ليه فرشه ويبيع في شويت حاجات اظن قوت اليوم ما يكفيه وقاعد تحت الشمس ويقول ما لاقي شغل وده برضو من الكسل لانو في اشغال كتيره زي انو يشتغل بناء مثلا والبلد العمران فيها ما شاء الله بس ليه يتعب ويشيل تقيل قعاد الارض افضل ولا كمان الخلو زراعتهم ديك ولملمو قريشاتهم وجو الفتح محل( جزم) ولا مواخزه والمحل هدوم وكلها شغلانات ما بيعرفو ليه والواحد يومين ويفلس ويرجع يندم علي ارضو الباعها بي رخس التراب وده علشان شنو مش برضو علشان شغل الزراعه متعب وعايز طول البال والله كسلانين ونص وجد الما بتشوفو العين مايقدر يوصفو القلم بلجد انا عارفه انك ممكن تقولي ناقضتي كلامك بس قبل ما اشوف شي وبعد ما شفته شي تاني وكل ما اسال يقولو تبريرات مش مقنعه المهم اعزروني اذا اخطات ولا شي بس الواحد يحب يقول كلام كتير بس اخلي ليكم الباقي ونتواصل

[المسافر]

صباح الخير اخوي المسافر هي فعلا قصه بسيطه علي البيعملو فيه الشباب بالخارج زي ما قلته واحتمال الخليجين اتعودو علي الكسل الله خلقهم لقو ملاعق ذهب في خشومهم لاكن انحن برضو بقينا زيهم الهنود والاسيويين ملو البلد والحبش والافارقه وشغلو كل الاعمال بس العيب من الكساله العندنا ابو الشغل وقعدو الساده اصحاب الاعمال لقو باب رزق جديد وما شاء الله ملو البلد !
لاكن انحنا الكسل ده لقينا شنو? لقينا شعب من قام يناضل علشان يعيش استقلال في الاول وبعدين موت علشان نوحد جنوب وشمال ونلم بلد مشتت وتعب علشان نسبت انو نحنا هنا ولليوم مش قادرين نسبت مكانا في افريقيا كا افارقه ولا كا عرب طيب بنقول بس بلكلام انو نحنا بنعمل بس وين العمل ؟ نبدا من جوا الشوارع كترو فيها المجانين وتسال ليه يقولو ضغوط الحياه والحقيقه كل واحد عندو مشكله استسلم للئاس وقعد وجن والفارش ليه فرشه ويبيع في شويت حاجات اظن قوت اليوم ما يكفيه وقاعد تحت الشمس ويقول ما لاقي شغل وده برضو من الكسل لانو في اشغال كتيره زي انو يشتغل بناء مثلا والبلد العمران فيها ما شاء الله بس ليه يتعب ويشيل تقيل قعاد الارض افضل ولا كمان الخلو زراعتهم ديك ولملمو قريشاتهم وجو الفتح محل( جزم) ولا مواخزه والمحل هدوم وكلها شغلانات ما بيعرفو ليه والواحد يومين ويفلس ويرجع يندم علي ارضو الباعها بي رخس التراب وده علشان شنو مش برضو علشان شغل الزراعه متعب وعايز طول البال والله كسلانين ونص وجد الما بتشوفو العين مايقدر يوصفو القلم بلجد انا عارفه انك ممكن تقولي ناقضتي كلامك بس قبل ما اشوف شي وبعد ما شفته شي تاني وكل ما اسال يقولو تبريرات مش مقنعه المهم اعزروني اذا اخطات ولا شي بس الواحد يحب يقول كلام كتير بس اخلي ليكم الباقي ونتواصل



لله درذرك . . . إنتِ تكلمتي عن الواقع تماماً لأن أغلب المشاركين في الموضوع كان كلامهم كلام ممزوج بعزة الوطن في الغربة . . . وكلامك ده أكده لي مستثمر سوداني في السودان أتى إلى دولة الخليج ليبحث عن عمالة أسيوية لمشروع أقامه في السودان وعندما سألته قال لي ( إن السودانيون كسلانين وبتاعين نقة ساي ) . . .

أثبتنا بالدليل نحن كسلانيين . . . ودعنا هنا نتكلم عن السودانيون فقط . . . إذن كيف يتم إقناع الأخريين بذلك وكيف يتم العلاج من وجهة نظرك ؟

ودمتي

[Madanawi]

الغالي مدناوي
العزيز أمل حياتي

تحية وإحترام . . . أنا فقط ضربت مثلاً وما قصت شيء بعينه فناس الجزيرة هم أهلي وأنا أعلمهم جيداً بس حاولت احدد مهنة بعينها وهي المزارع . . . وأعلم أيضاً هناك إناس أفضل ومختلفين تماماً .
وحتى نستفيد من نقاشنا يا ريت لو نحدد مع باقي الأعضاء النقاط التي تعتبر كسلاً فعلاً لدينا ونحاول أن نجد لها حلول . . . فلربما نسهم في بناء وطننا .

ودمت

الموضوع يا اخوي ابسط من كده بكتير ، المثل بيقول الما بتحدثو نفسو ما بيحدثوه الناس.

يعني كل فرد في المجتمع مفروض يكون ذو همة وينفع الوسط الحوالينو.

[المسافر]

الموضوع يا اخوي ابسط من كده بكتير ، المثل بيقول الما بتحدثو نفسو ما بيحدثوه الناس.

يعني كل فرد في المجتمع مفروض يكون ذو همة وينفع الوسط الحوالينو.



تحية مرة ثانية عزيزي مدناوي . . . وبصراحة أن موجود وممكن تقرأ مشاركة الأخت ريمنا فهي أكثر واقعية ولمست الموضوع ببساطة أكثر وضربت أمثال كثيرة . . .
قد يبدو الموضوع ضرب من الجدال ولكننا زي ما قلت بنحاول ولو بكلمة أن نوضح ما هو حاصل .

ودمت بألف خير

[reemna]

[وارجع واقول انا لي سنتين ما جيت السودان وبسمع من الوالد انو البلد اطور الناس ماشيه لي الامام بس اسي لمن جيت شفته شي من الكسل المش عادي ليه نحنا كده ليه شبابنا كده كلو جالس ارض ياخي نص الفارشين في الارض ديل شباب عافيه وصحه وكلهم مش من ناس الخرطوم الجاي من الشرق ولا من الغرب والجنوب وديل الاكتر بحجت حقهم الفي الخرطوم العايزين يشيلوهو ولا قصة ستات الشاي والجلسه حوليها انا كنته بسمعها من صديق لي بيدرس في جامعة التقانه وهو مقيم اصلا بامريكا فا حكي لي عن ستات الشاي والجلسه عندها وكل الغالبيه عطاله وكلهم شباب ما بتتخيل لمه شفته المنظر بعيني في السوق العربي حاجه مأسفه طيب انتو قاعدين كده الحيبني البلد دي منو ولا خليك من البلد البياكل البيوت الفاتحه دي منو الاطفال البيعلمهم منو وانتو كده تمشي في الشارع كميه من العطاله ما عاديه وكلو خريج جا معات وتسال ليه ما شغال يقوليك اجيب شغل من وين
انا اقوليك تجيبو من وين اي شغل طاله ما انو مش حرام اشتغلو وانشاء الله تشتغل كناس بس ما تقول اشتغل شنو ود الجيران اصحابو قالو ليه تعال اشتغل معانا كلنا شغالين في محل بتاع كوفي اشتغل معانا قاليهم اشتغل كاشير والله ده الفضل طيب مش احسن من كل يوم تشحد في المسكين ابوك وهو ما لاقي ياكل الصغار ياخي اخجلو يا شباب ولا كل الطالع عليهم لا انا ما بشتغل ده وما بشتغل ده الواحد رافع نخرتو وقاعد من ضل لي ضل ومن شجره لي شجرة وجكس ومشاغله ومش همو ناس البيت بلحريقه المهم هو وقشرتو ومرقاتو والله تقول شنو بلد بحالها فارشه الارض ويكفيك السوق العربي وسوق امدرمان ده البسمع عنو في سنتين طار في مرقت يوم واحد اتاري التطور ده كان في الشوارع والنوادي و اللبس و الانسان زاتو ياهو المن عشرين سنه دك او احتمال قبل عشرين سنه كنه احسن من الان علي الاقل الستالايت ما خرب البيوت والشباب والا البنات ؟؟؟ ولا البنات كمان هم بقا شغلهم الشاغل العرس وبس ما في اشتغل انا دم انو اخوي قاعد وما شغال والحاله بيقوو البنات بيشتغلو اسرع من الولد قلته ليهم ليه قالو لي علشان جكس وما فاهمه يعني شنو هو الشغل بلشكل ولا شنو ؟ انحنا من صغارنا لي كبارنا بقينا كساله والله قالت لي خلتي بيتها زي ثلاث شوارع من بيتنا وقفة الركشه قلته ليها لي ما نمشي برجولنا قالت لي لاواللهما بقدر خلاص الركشات دي كسرتنا طيب ده ما كسل وده ابسط البسيط من انواع كسلنا نعمل شنو ؟[/COLOR[/FONT]] [/B][/SIZE][/COLOR][COLOR="DarkSlateGray"]
المهم نحنا كسلالالالالالالالالالالالالالالالالالالالالالالاني ن وبلفم المليان واخخخخخخخ بس

[المسافر]

الاخت الفاضلة / ريمنا

أعتقد إنك أثرتي الموضوع من جميع أشكاله وبطريقة واقعية وأنا ضربت مثل قبل كده للأخ مدناوي بناس الجزيرة وهم أهل الزراعة الذين أصبحو يعتمدون على غذاؤهم من السوق زي ناس المدن وكذلك أهلنا في الغرب والجنوب رجالهم اليوم كلهو في الضللة والحريم شغالة وده عادة في كثير جداً من القبائل الموجودة في السودان . . . أما في المدن بتجد البنت بتشغل ورجال بطوله قاعد في البيت ومعديها كلها صعلقة وجلوس من ضل إلى ضل .
والله يا ريمنا شباب السودان بقى مغلوب على أمره وأغلب الشباب طموحهم أكبر من الواقع بكثير عشان كده بتجدي أغلبهم بفضل ما يشتغل ، وحتى الجامعة أصبحت بتخرجهم ولهم فاشلين دراسياً ومحطمين طموحياً . . . بالتالي تراهم فاشلين في حياتهم العملية !!!
الأمثال كثيرة جداً عن كسلنا ومتنوعة

ودمتي

[المسافر]

وتستمر مسلسلة الإهانات من قبل بعض الفضائيات
العربية . . . ويتم تشبيه السودانيين بالكسل . . .
هل العرب هم أهل لأن ينتقدونا ؟! وكلنا في الهواء
سواء !؟ بل السوداني لو تم تكليفه بأني مهمة سوف
يقوم بها على أكمل وجه أفضل من جميع الجنسيات
الأخرى ( العربية ) من مواقع أخلاقنا وحميتنا !!!!
ولكن إذا أتتنا مثل الإنتقادات من جنسيات ك ( ياباني)
أو ( أمريكي ) ستجد بكل تأكيد منا القبول !!!

[عجيب]

السلام عليكم
عزيزي المسافر
هذا الكلام عن الكسل السوداني موجود في نظر الكثيرين من الاخوه الاجانب الذين لم يرؤ السودان او الذين زارو السودان وعمل به .
نحن شعب رحيم وحنين وعطوف ومساعد ومتساعد نعم ده الحاصل في السودان انا بعمل دوام واحد وطموحي كل اني اتزوج ويكون عندي بيت وعربية ومصاريف يوميه ثابته وهذا حال كل سوداني موجود بالسودان . لا هذه ليست لانو البلاد في حالة حرب بل هذا طبعنا الذي لايتغير ولن يتغير نحن شعبا يتماشه مع الظروف المعيشة واليوم الشعب السوداني كله مجتهد في عمله وهو الحال في جميع مرافقنا العامه والخاصة كل يوم في احسن واجمل بمجود سوداني فردي او جماعي وبطبعتنا السودانية بمجاملاتها ولماتها وسعادتنا مع اهلنا في الفراش او العرس ده السودان.
هل هذا كسل
اما اخوتنا المغتربين فهم يعملون ليلا نهارا وبكل جهدا وجد وامانة وكل من توكل له شي ياديه باكمل وجه وبكل صدق لا بفاق فيه ولا غش لانو هذه حال الغربه وتجده انشط من النحل في كل شي لا ان ياتي الي السودان ويتوقف كل شي

[طلال الصول]

الصراحة الشعب السوداني بيغلب عليو الكسل اي نعم في صفات حلوة كتير ة
بس الكسل موجود سواء في السودان اة برا منو في اي بلد بالذات البلدان العربية
وكمان مافيش دخان من غير نار
مثلا الانجليز مشهورين بالبرود مافي احد قال انهم ما باردين
ولاحظو انها صفة الكسل ما التصقت بي شعب غير السوداني
لي .........................

[بابكر]

مشكلتنا اننا كســـــــــــــــــــــــــــــــــلانين وغالاطين !!
واحد سعودى قال,,, والله السودانيين من شدة ماهم كسلانيين عندهم بلد اسمها ((كســـــــــــــــــــــلا )))

[بابكر]

الصراحة الشعب السوداني بيغلب عليو الكسل اي نعم في صفات حلوة كتير ة
بس الكسل موجود سواء في السودان اة برا منو في اي بلد بالذات البلدان العربية
وكمان مافيش دخان من غير نار
مثلا الانجليز مشهورين بالبرود مافي احد قال انهم ما باردين
ولاحظو انها صفة الكسل ما التصقت بي شعب غير السوداني
لي .........................

ياسلام عليك ياطلال يارائع !! كلامك منطقى لابعد الحدود!!

[مختار بازى]

اتفق مع دانيه فالواحد لما يتخرج بيرفع (قرنو) ويقول ما حيشتغل الا في مجالو فوالله انا بعرف ناس
عتتو من العطاله ولعب الكوتشينه مع انو في مليون حاجه او شغله ممك الواحد يشتغلها ففي مصر مثلا
تلقي بتاع توصيل الطلبات خريج حقوق ومعاهو بكالريوس ومع ذالك بعمل موصل طلبات ...........!!
لكن نرجع لي كلامك برضو انحن ما وصلنا لحدي ما يضربو بينا المثل في الكسل .وخيردليل جل الشباب
الفي الخارج بيعمل بنسبة تزيد عن اصحاب الارض فوق 85% ومشهود ليهو بالكفاءه .
ونرجع نقول دي خصله في البعض وليست شمه يعرف بها السودانيين.
ودمت زخرا لنا ايها المسافر.

[المسافر]

السلام عليكم
عزيزي المسافر
هذا الكلام عن الكسل السوداني موجود في نظر الكثيرين من الاخوه الاجانب الذين لم يرؤ السودان او الذين زارو السودان وعمل به .
نحن شعب رحيم وحنين وعطوف ومساعد ومتساعد نعم ده الحاصل في السودان انا بعمل دوام واحد وطموحي كل اني اتزوج ويكون عندي بيت وعربية ومصاريف يوميه ثابته وهذا حال كل سوداني موجود بالسودان . لا هذه ليست لانو البلاد في حالة حرب بل هذا طبعنا الذي لايتغير ولن يتغير نحن شعبا يتماشه مع الظروف المعيشة واليوم الشعب السوداني كله مجتهد في عمله وهو الحال في جميع مرافقنا العامه والخاصة كل يوم في احسن واجمل بمجود سوداني فردي او جماعي وبطبعتنا السودانية بمجاملاتها ولماتها وسعادتنا مع اهلنا في الفراش او العرس ده السودان.
هل هذا كسل
اما اخوتنا المغتربين فهم يعملون ليلا نهارا وبكل جهدا وجد وامانة وكل من توكل له شي ياديه باكمل وجه وبكل صدق لا بفاق فيه ولا غش لانو هذه حال الغربه وتجده انشط من النحل في كل شي لا ان ياتي الي السودان ويتوقف كل شي



أتفق معك لأبعد الحدود في تحليلك
وعملنا مقارنة بيننا وبين الشعوب
العربية نجد أنفسنا أكثر نشاط
وإجتهاداً والجميع ملاحظها وخصوصاً
في الغربة . . إذا فالمشكلة هي كان
الوضع السياسي على ما أعتقد !!
وحال البلد بصفة عامة .

وأهبك كل الوداد

[المسافر]

الصراحة الشعب السوداني بيغلب عليو الكسل اي نعم في صفات حلوة كتير ة
بس الكسل موجود سواء في السودان اة برا منو في اي بلد بالذات البلدان العربية
وكمان مافيش دخان من غير نار
مثلا الانجليز مشهورين بالبرود مافي احد قال انهم ما باردين
ولاحظو انها صفة الكسل ما التصقت بي شعب غير السوداني
لي .........................



وزي ما قلت عزيزي طلال مع الكسل
وإن وجد هنالك صفات جميلة كثيرة
وتكاد تنعمد في باقي الشعوب والكثير
يراها مستحيلة ولكنها موجودة
ولله الحمد .

وأهبك كل الوداد

[المسافر]

مشكلتنا اننا كســـــــــــــــــــــــــــــــــلانين وغالاطين !!
واحد سعودى قال,,, والله السودانيين من شدة ماهم كسلانيين عندهم بلد اسمها ((كســـــــــــــــــــــلا )))


عزيزي بابكر والله النكات كثيرة
منها البضحك ومنها البحزن وبخلي
الواحد يقتاظ . . . والمصيبة عندما
نهان تأتي من أرذل الأقوام . . . .
( إذا أتتك مذمتي من ناقص فهي الشهادة بأني كامل )

وأهبك كل الوداد

[المسافر]

اتفق مع دانيه فالواحد لما يتخرج بيرفع (قرنو) ويقول ما حيشتغل الا في مجالو فوالله انا بعرف ناس
عتتو من العطاله ولعب الكوتشينه مع انو في مليون حاجه او شغله ممك الواحد يشتغلها ففي مصر مثلا
تلقي بتاع توصيل الطلبات خريج حقوق ومعاهو بكالريوس ومع ذالك بعمل موصل طلبات ...........!!
لكن نرجع لي كلامك برضو انحن ما وصلنا لحدي ما يضربو بينا المثل في الكسل .وخيردليل جل الشباب
الفي الخارج بيعمل بنسبة تزيد عن اصحاب الارض فوق 85% ومشهود ليهو بالكفاءه .
ونرجع نقول دي خصله في البعض وليست شمه يعرف بها السودانيين.
ودمت زخرا لنا ايها المسافر.



هي بالفعل موجودة في السودان وهي سبب تأخرنا
وأنا أعتقد يرجع ذلك بسبب أشياء جميل فينا وهو
ترابطنا ، الشخص هذا لو ما وجد ما يعتنى به
ويصرف عليه وهو عاطل عن العمل . وهذا
الصفة غير موجودة مثلاً في المصريين وباقي
الجنسيات !!!!!!!!

وأهبك كل الوداد