الحاضر يحدس الغايب

[ود المطامير]

أول شى مبروك عليكم العيد ومبروك علىّ أنا النجمة التانية وما أدونى ليها شان نزار كفيلى , لا أدونى ليها شان أنا مؤدب ومهذّب وأدونى ترقية وعملونى بوليس للمنتدى العام فى الكبرى , أى زول جايى أوقفو وأحقق معاهو , هى يعنى وكالة من غير بواب ؟ أى واحد من العرب ديل يركب حمارو ويشيل مخلايتو ويلا الكبرى جاك بلا , وشبارقة ود عمّى لما يحصلنى ويترقى وياخد نجمة تانية بعيّنو مساعد لى فى التفتيش اللى قبل السوق الصغير (موجود ولأ شالوهو ؟ ) يعنى زوغان مافى وإليكم القرارات
بصفتى مدير جبهة الشرق أقرر الاتى
_1 أربطوا الحمير على مسافة بعيدة من مدنى منعاً لتلوث البيئة .
_2 الدخول إلى المدينة الساعة تمانية صباحاً والخروج التانية ضهراً .
_3 الظهور بمظهر حضارى شان مافى زول يقول ليك أبو عريب وتتخانقوا وتقع المشاكل .
_4 ممنوع الحوامة ساكت , ناس الجداد يمشوا محل الجداد وناس الغنم يمشوا مكان الزرايب .
_5 بصفتى كفيلكم كلكم يلزم عليكم مراجعتى للتوقيع عند الدخول والمروق .
_6 تبلغوا سلامى لأبوى العمدة وأمى كل يوم وتجيبوا لى منها قفة الزوادة .
_ 7 رسوم العبور ألف جنية تدفعوها من غير عمّى ( نزار ) يعرف .
_ 8 المبيت فى المدينة ممنوع منعاً بتاتاً وخالص وشديد .
_ 9 وإنتو مارقين شيلوا معاكم أكبر كمية من خيرات الملجة لأهلنا التعابا الغلابا .
_ 10 إى حنكوشة يتنطط عليكم لو ما سيحتو دمو ما تجوا مارقين بيجاى , عندكم ضهر .
اللهم هل بلغت اللهم أشهد ...

[راسكال]

مسافر

الف مبروك النجمه التانيه وعقبال الاشراف

ومدنى وراها رجال شد حيلك يا بطل

[شبارقة]

وشبارقة ود عمّى لما يحصلنى ويترقى وياخد نجمة تانية بعيّنو مساعد لى فى التفتيش اللى قبل السوق الصغير

طلق طلاقة تلاتة (طلاق يسري بأثر مستقبلي) باخد النجمة يعني باخد النجمة، ود الحاج قال لي أكان حصلت (مية) بدرعلك نجمة فوق كتفك، وتاني حاجة آ خوي انت قايل شبارقة هين ولا مقطوع لين؟
أنا شغل الشحتفة والتعب تب ما بدورو، انا بعينوني في السوق السغيَّر، ولا السوق الشعبي، يعني زول عربات ساكت، علا انت كان تعبت أخوك تب ما بقصر معاك، أخوك عشا البايتات، مقنع الحوبات ، الاسد الرزم، المدفع الرزام، عشميق حبل الوجج. هع.
***
لكم خالص ودي

[المسافر]

عندي في كل بند إعتراض :

1- أربطوا الحمير على مسافة بعيدة من مدنى منعاً لتلوث البيئة .
بس دي المشكلة لإنو حماري من النوع الفنجاط وما بركز . . . حاول أعمل لينا ( بواركن بسياج )

2- الدخول إلى المدينة الساعة تمانية صباحاً والخروج التانية ضهراً .
إنت عارف براك بص الحلة لما يصل المدينة . . بكون المنتدى أمتلا على الأخر . . . أعمل لناس الحلال ديل مواعيد براهم !!!

_3 الظهور بمظهر حضارى شان مافى زول يقول ليك أبو عريب وتتخانقوا وتقع المشاكل .
لكن قروش اللبن الفكة دي باقي ليك البنطلون بقدر بشيلا . . . ولا عايز ينشلونا كمان !!

_4 ممنوع الحوامة ساكت , ناس الجداد يمشوا محل الجداد وناس الغنم يمشوا مكان الزرايب .
والله حيرتنا أنا راجل ( إستثماري ) عندي الجداد والغنم . . . أمشي مع منو ؟؟

_5 بصفتى كفيلكم كلكم يلزم عليكم مراجعتى للتوقيع عند الدخول والمروق .
إنت دائماً بتقيف مع الحناكيش . . . نحن ما بنعرف نوقع . يعني نبصم وبعدين أنا كفيتي ( أميمة ) . . . ولا نسيت !!!!

_6 تبلغوا سلامى لأبوى العمدة وأمى كل يوم وتجيبوا لى منها قفة الزوادة .
إنت القفة بتاعت المرة الفاتت كملت ولا شنو . . . كل يوم عايز ليك قفة . . كرهتنا زاتو تاني ترسل قروشك وبعدين اسأل من القفة .

_ 7 رسوم العبور ألف جنية تدفعوها من غير عمّى ( نزار ) يعرف .
ألف جنيه للزول ولا للجداد ولا للغنم !!! وبصراحة لو ما بتقسم أنا بكلم كفيلك القديم ( نزار ) وكفيتلك الجديدة ( أميمة ) .

_ 8 المبيت فى المدينة ممنوع منعاً بتاتاً وخالص وشديد .
خلينا نحن نبيت بس الجداد والغنم بنشوف لينا ( منتدى قريب ) . . قصدي زيبة قريبة نأجرها .

9- وإنتو مارقين شيلوا معاكم أكبر كمية من خيرات الملجة لأهلنا التعابا الغلابا .
ما توصي حريص وخصوصاً مع البص الكلو يوم مكسور فيهو حاجة ما بنخلي شيء تب وراءنا بس أبقى باك رقبتك .

_ 10 إى حنكوشة يتنطط عليكم لو ما سيحتو دمو ما تجوا مارقين بيجاى , عندكم ضهر .
وأي حنكوش ما بتقدر عليهو رسلو لي جاي ومعاهو ( كزازتين ) كركار وودك أبيض وخلي الباقي علي . . عاد بنجمو ليك نجام

[ود المطامير]

حبيب القلب .... راسكال .......
تسلم واللّة إنت كلك زوق وفن , وما عليك
منهم أتمسكن لحدما تتمكن ,
ريده شديدة منى ليك .
المطرطش ... شبارقة ود عمّى ....
ها زول الكواريك والطلاقات فى شنو ؟ كدى عاين
لكتفك شوف ود عمّك بواسطتو جاب ليك النجمة وإنت نايم
وبعدين الشغلانة دى مغذاها غير , كدى شوف إنت بهناااك
وأنا فى الكبرى يعنى إحنا محاصرين م....... ماتفهمها وأتلحلح معاى
تومى بالعربى ..... المسافر ....
ها زول إنت لا لامى جاى ولا جاى !! الظاهر أبوظبى ضيعتك
فى اللفة , لا بقيت حنكوشة فِرد مرة ونسيت قديمك
تقول لى داير باركنات بجنازير للحمير وترجع تقول (البص)
بصل الس...,هازول شبارقة ودعمّى لما يصل مدنى بالحمار
الباظ يادوب تلقاة بسخنوا فيهو , الباظ حق الحريم والناس الكبار
ومنو القال ليك المظهر الحضارى لازم بالبنطلون ؟ هلا هلا
جيوب السديرى تبلع الفيل ,وقلت (إستسثسماررى) حرّم الكلمة
دى أنا وشبارقة أخوى ما عرفناها شنو ؟
وقلت لو ما قدرنا على حنكوشة نرسلو ليك ومعاهو عكازتين !!!
(وكت ما عندك عكاز الجابك تعارض هِنى شنووووووو ؟؟؟؟