ناس نحنا و واقعين في محنة [الأرشيف]

مشاهدة النسخة كاملة : ناس نحنا و واقعين في محنة

vivid

31-12-2006, 07:52 AM

ناس نحنا و واقعين فوق محنة . . شاحد الله بي بركة سيدي الحسن . . يفك ليكن محنتكن. . و تاني محنة خترية زي دي ما تكاجركم . . و لا تتعارض ليكن فوق الدرب . . و يفك محنة مذيعاتنا النديانات . . خسوساً مذيعتنا الخدورية . . الشديدة . . المبغبغة . . غادة عربي قطعة الشيكولاتة . . و ما نشوف يدها أم حنة منقوشة . . قاعدة فوق جضمها الأملاس الطري . . و يا كوصر بيومي انتي بالذات الله يفك ليك محنتك المشاترة . . كيتن عليك . . عشان تسيبي السرحان و الشردان البتسوي فوقو في برنامج شوارد . . . . في ظمتكم فيكن واحد لاحظ محنة كوصر بيومي حلوة كيفن ؟؟؟ . . وحات سيدي الحسن . . محنة تكوي في الجضم . . بري بري بري . . غايتو انا محنتها دي . . ما بقدر أعاين ليها مرتين . . كوصر دي هي مراة محنة بس . . أنا غايتو قررت كان سافرت السودان اتكسر و اتفن لي ناس التلفزيون في خشم بابن . . و أقعد اكتب شعر . . و اتغزل فوق محنتها دي. . داك الليلة . . كنت فاتح التلفزيون . . و اتمعن فوق محنة غادة عربي . . المراة كلمة كلمتين تخت طراطيف أصابعينها فوق حنكها المدهش . . في ظمتي الحنة مو حنة . . و الدهب مو دهب . . و الحنك مو حنك . . و الجضم وقعت وراء النبي منو . . قطع برجل . . غايتو اليوم داك استمتعت بي محنة غدوية حتى الثمالة . . و بالليل كانت السهرة . . برنامج شوارد . . الله بسعلني كمان كوصر بيومي تقول لي غدوية انتي شنو . .. . كوصر المحنة بتجلعها . . و بتعذبها عذاب الله أكبر . . غايتو هي ملكة المحنة السودانية دون منازع . . غدوية الخدورية مراة بوبارة ساكت . . و ما قاعدة في الواطة . . محنتها فالصو . . بتتمحن عشان نشوف الحنة و الدهب و نموت بي شوقا . . لكن كوصر بيومي . . بتتمحن خلقة كدا بس . . اليوم داك . . من محنة غدوية لي محنة بت بيومي . . شلت هم كبير خلاس . . قلت يمكن ناس الخرتوم ديل . . المحنة بقت عندهم موضة. . بعدين كان الواحد القدر وداهو الخرتوم . . و ما اتمحنت قدامن . . يقولوا دا زول طرة ساكت. . و متخلف . . المحنة ما بعرفها . . شن فايدتو . . عشان كدا اسحن لي اتعلم المحنة هنا قبلي في السعودية دي . . قبل نمشي لي بلد المحن داك . . أها بقيت كل ما أنوم . . أنوم ممحن . . و كان صحيت أصحى ممحن . . و كان في يوم صحيت و لقيت روحي ما ممحن . . أقوم سريع سريع أخت خمستي فوق اتنيني. . و كان انتكيت . . انتكي و يدي في جضمي . . ذي المراة النفسا . . و في المكتب . . أقعد في الكرسي . . و قبل أخلف كراعي . . اتظكر كوصر بيومي . . أقوم أخلف يدي و أختها فوق حنكي . . و كان المدير سألني دا شنو . . أقول ليهو دي محنة . . انت مالك و مالي . . لكن يا أخوانا . . أمس اكتشفت أنو كوصر بيومي دي . . محنتها دي مو موضة زي ما كنت فاكر . . شايلة راصها القدر طبق الكسرا المعلق وراها دا . . برنامج شوارد . . ما يعزلوا ليهو عيلا . . الجلابة المُكان . . الواحد يجي خيمة كوصر بيومي . . و سروالو كاري بي الواطة . . و يقعد في البرش و يتشتح قدام كوصر بيومي . . عاد كيفن المراة دي ما تتمحن . . واحد يتشتح ليها بي يمينها و التاني بي شمالها . . و التالت يقاصدها عينك عينك . . وحات الله حاجة تحير . . أنا كان في بكانا . . اتمحن بي يديني الاتنين . . الله بسعلني . . في مرة . . استضافت ليها اتنين من شعراء بحر أبيض . . اتنييييين . . مكان و غلاد . . جواها داخلين يهدروا . . انبطحوا الاتنين قدام بت بيومي . . و المرأة الفوراوية ست الجبنة . . جابت ليهن الجبنة . . واحد فيهم . . استغفر الله . . ماسك تكة سروالو و يلولح فوقا لحدي السهر انتهت . . و التاني شايل ليهو جك موية في يدو . . و قعدوا الاتنين ينضموا فوق أهلن العرب . . و بت بيومي اتمحنت . . ختت راسها الغليد فوق راحت يدها . . و شبّحت عويناتا . . ومحنتها كل ما ليها ماشة زايدة . . الراجل يقول في الشعر و يلولح في تكت سروالو . . و جاي الخيمة شبعاااااان . . كل راس دقيقة يدشا . . عاااااااااااع . . عااااااااااع . . عااااااااااع . . و الراجل المعاهو . . شوف عيني . . قدر ما صاحبو يدشا يمد ليهو جك الموية الشايلو في يدو . . و صاحبنا يكرررع في الموية . . الحقيقة حاجة بطالة خلاس . . و حات إسم الله المراة الفوراوية ست الجبنة . . اليوم داك تعبوها جنس تعب . . لسة تلاقيها تداعي فوقن . . قدر ما تقعد فوق بنبرا . . الراجل القاعد يدشا و يترع دا . . يدق ليها الواطة بي عكازو . . و يلولح ليها في تكتو . . الفوراوية مسيكينة . . تجري تجيب ليهو الجبنة . . غايتو ناس التلفزيون ديل . . صحي حاقرين بي ست الجبنة دي جنس حقارة . . يا ربي قاعدين يصرفوا ليها ماهية كم؟؟؟ . . في ظمتي . . ناس دارفور ديل محنوا ناس الأمم المتحدة كلهم . . هسي كان فكروا لي الفوراوية ست الجبنة دي . . يقوموا يوصلوا قضيتها لي الأمم المتحدة . . و يقولوا مظلومة و حقوقها مهضومها . . و يمكن قضيتها تدخل تبع مفاوضات السلام مع الحيكومة . . و يطالبوا بي محاكمة عمر الجزلي و كوصر بيومي في لاهاي . . و تاني نحنا نقول حليلك يا محنة كوصر.

نزار حسن محمد

31-12-2006, 11:38 AM

vivid

01-01-2007, 05:18 AM

العزيز ..فيفيد ..الشفت ..

انت ..مالك ماشى بعيد ..انا من يوم ماجيت المنتدى دا متمحن فى الدنيا دى كلها .. كدى عاين للصوره هم براهم ناس كوصر وغدويه المتمحنات براهم.. المحن كتير ياأأأخوى بس خليها على الله ..
والله اشتقنا لى كلامك الكله محن يافيفيد ...

نزار حسن
وحات الله صحي . . انا مالي ماشي بعيد . . وصورتك دي في وشي . . عليك ابوك وريني شعورك و انت متمحن . . داير اعرف السمحة ياتا . . المحنة بي اصبعين و الا بي تلاتة اصابعين.http://wadmadani.com/vb/images/icons/icon10.gif http://wadmadani.com/vb/images/icons/icon10.gif http://wadmadani.com/vb/images/icons/icon10.gif

نيازى كشك

01-01-2007, 09:16 AM

انا مافاهم اى حاجة

نزار حسن محمد

02-01-2007, 01:24 AM

يافيفيد
قالوا.. المحن انواع .. وهى كالاتى
المحنه بى اصبع واحد .. دى قالوا اسمه ورطه وخازوق
المحنه بى اصبعين .. اسمها اصبرو لى..
المحنه بى ثلاثه اصابع .. اسمها ..بارك الله فيك والفيك انعرفت
المحنه بى اربع اصابع اسمها ..صابرين يا حزن الغناء
المحنه بى خمسه اصابع اسمها.. الرماد كال حماد
المحنه الخمسه اصابع مقفوله.. اسمها.. قادر الله

راسكال

02-01-2007, 04:12 AM

كلام يجيب المحنه

ههههههههههههههه

تسلم يا غالى

؛؛؛

وليد عمر سعيد

02-01-2007, 04:14 AM

ههههههههههههههههههههه

مشكور حبيبنا

DANY

02-01-2007, 09:01 AM

يافيفد المحنه بتاعة نزار بتاعة كشخه ساى
بس انا عندى ليك سؤال ! انت سمعت صوت كوثر بيومى ؟؟ عليك الله ما بيعمل شحتافة روح ؟؟؟؟ المره دى عندها مشكله كبيره فى صوتها ! يعنى مامفروض تكون مزيعه ابدا !!عشان كده هى بتتمحن كيتا على التلفزيون السجمان ده ,, وكيتا على المشاهدين العواليق ديل ,, والماعاجبو يقفل التلفزيون بتاعو ويلولح تكتكو ذى ما عايز!!!

ود المطامير

02-01-2007, 09:57 AM

الّلة لا جاب محن

vivid

02-01-2007, 10:02 PM

نزار حسن محمد

03-01-2007, 12:25 AM

اخى الشفت فيفيد .
كل عام وانت بالف خير ،،
بالله داير رايك بصراحه فى محنة ود الشرق القيافه ده(( مسافر بيومى!!!))

http://www.y1y1.com/u/uploads/848b0c7cf6.jpg (http://www.y1y1.com/u)

vivid

03-01-2007, 04:34 AM

أبو النييييييييييز

ود الشرق دا كان اسمو وليد محمد عبد الله

الزول دا عمنا

و نحنا محنة أعمامنا مو خمج

ما بتمحنوا عيلا وكتين تصل الحد

http://wadmadani.com/vb/images/smilies/biggrin.gif http://wadmadani.com/vb/images/smilies/biggrin.gif http://wadmadani.com/vb/images/smilies/biggrin.gif

ود المطامير

03-01-2007, 07:00 AM

ها زول البضاعة دى دحين ما كنت عارضها فى سوق رفاعة ؟؟
مالة بارت ؟ خمخمتها وجيت جارى بيها مدنى قلت تحصّل بيها
اخر السوق ولأ شنو ؟؟!!

ود المطامير

03-01-2007, 07:08 AM

عّمك على العين والراس عِلا العِمّة التبقى ليك
ذى مشنقة صدام هسى عليك اللّة أنا قدرك ؟ ما قدر
ولدك ! أها أنا ( عروة أبراهيم عثمان ) قرية
الشرفة بركات .

vivid

04-01-2007, 06:41 AM

ها زول البضاعة دى دحين ما كنت عارضها فى سوق رفاعة ؟؟
مالة بارت ؟ خمخمتها وجيت جارى بيها مدنى قلت تحصّل بيها
اخر السوق ولأ شنو ؟؟!!

المسافر

دا البوكس حقق المتمحن فوقو دا؟؟؟

http://wadmadani.com/vb/images/smilies/biggrin.gif http://wadmadani.com/vb/images/smilies/biggrin.gif http://wadmadani.com/vb/images/smilies/biggrin.gif

بالمناسبة أبو علي بسأل منك

و قال طول ما لاقاك

Madanawi

06-01-2007, 03:40 AM

والله يا شباب لكن بالجد محانيناً جنس محن يعني الواحد ممكن يلملم محنكم دي ويعمل ماجستير محن ويقدمو في جامعة ام محن الكبرى ويمحنهم هم زاتم،،،،،،،،،

هاهاهاهاهاهاهاهاهاهاهاهاهاها

محمد مصطفي

06-01-2007, 07:13 AM

كلام يمحن صحي

ههههههههههه

دمت يا غالي،،،،

vivid

07-01-2007, 08:19 PM

والله يا شباب لكن بالجد محانيناً جنس محن يعني الواحد ممكن يلملم محنكم دي ويعمل ماجستير محن ويقدمو في جامعة ام محن الكبرى ويمحنهم هم زاتم،،،،،،،،،

هاهاهاهاهاهاهاهاهاهاهاهاهاها

مدناوي

وحات الله مسافر دا محنتو بالشء الفلاني

اسألو في قصة الماجستير دي

بعدين ما يقوم يعمل ليك فيها ضبان اخدر

و تبقى في البحلك

http://wadmadani.com/vb/images/smilies/biggrin.gif http://wadmadani.com/vb/images/smilies/biggrin.gif http://wadmadani.com/vb/images/smilies/biggrin.gif

ود المطامير

07-01-2007, 11:34 PM

المسافر

دا البوكس حقق المتمحن فوقو دا؟؟؟

:D :D :D

بالمناسبة أبو علي بسأل منك

و قال طول ما لاقاك
أبو على ياتو فيهم ؟ واللّة عندى كترة أبو على
عووووك مابتحسبوا

سواااح

16-01-2007, 09:35 AM

فيفيد ..

التمحن بيني بينك
حاجة ما طوالي كويسة
لانو مرات بدخلك
في مواقف محرجة
والله الساتر ..

دمــــــــــــــت ،،

ود المطامير

16-01-2007, 01:52 PM

فيفيد ..

التمحن بيني بينك
حاجة ما طوالي كويسة
لانو مرات بدخلك
في مواقف محرجة
والله الساتر ..

دمــــــــــــــت ،،
واللّة يا سيادة المشرف فيك الخير , زكرتنا الحبيب فيفد
يا ربى مشى وين؟ عليك اللّة مرة مرة أبحت لينا حاجات
ذى دى نتزكر بيها الحبايب الغايبين دول .

بنت الرفاعي

16-01-2007, 10:46 PM

الله لا جاب محن انشاءالله.
والمتمحن يفك المحنة أحسن ليهو قالوا كترته بتجيب الضغط والسكري.:d
بس ماقلت لي المذيعات ديل شايلو معاهم كدة لييييه؟؟

vivid

05-02-2007, 07:39 AM

يا شباب

سوري علي الغيبة الطويلة

الله يقطع الشغل

لكن جيتكم

وسّعوا الطريق

ابودجانه العباس

05-02-2007, 09:32 AM

يا شباب

سوري علي الغيبة الطويلة

الله يقطع الشغل

لكن جيتكم

وسّعوا الطريق

من شدة ما طولت محنتنا زاتو
الله يجازي محنك
محن تمحن الممحن في محنتو...

nahla abass

05-02-2007, 09:17 PM

والله محنتك دى دايرا لا مفسر أحلام عديل كدى
ولا ماكدى

vivid

06-02-2007, 02:30 AM

والله محنتك دى دايرا لا مفسر أحلام عديل كدى
ولا ماكدى

نهلة

دايرين لينا مفسرين محن

اعملي إعلان مدفوع الثمن

لمن يأنس في نفسه الكفاءة الاتصال بي فيفيد

Madanawi

06-02-2007, 02:39 AM

والله محنتك دى دايرا لا مفسر أحلام عديل كدى
ولا ماكدى

طيب ومحنتك المدبلجة دي يا نهلة نفسرها كيف ؟

لاهي زحة توب كمشروع محنة لسه سيرى النور. ولاهي محنة ابو اصبع ولا اتنين ولا خمسة.

ما تحولي تفسريها لينا يمكن نفهم حاجة.

ود المطامير

06-02-2007, 07:16 AM

والله يا الحبيب إنت ما مضمون تقلع وتفرحنا بشوفتك وتغطس
تانى غطسة الجن اللحمر لكن المره دى بنكتفك ساااااى .

vivid

06-02-2007, 10:05 PM

والله يا الحبيب إنت ما مضمون تقلع وتفرحنا بشوفتك وتغطس
تانى غطسة الجن اللحمر لكن المره دى بنكتفك ساااااى .

ود المطامير

كان دايرين تكتفوني جيبو لي صورة كوصر أم محنة

يا جماعة من هم المتمحنون في هذا المنتدى؟؟؟

:D :D :D

Madanawi

06-02-2007, 10:53 PM

يا شباب ما تجابو الزول المحنة دا!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!