امتحان الحناكيش (محو الحنكشة)

[شبارقة]

>>>>>>>>>>>>>>>

[مزوني]

هههههههههههههههههههههههههه

الله يجازي محنك يا شبارقه لكن والله دي هياثيم الخلى ما بي باصوا فيها

بالحيييييييييييييييييل كده

لكن بيني وبينك انا زاااااتي ما بفوت الباص بي كتير هههههههههههههههه

تسلم يا عسل وما عدمناك

[ود المطامير]

أصبر على يوم , ماما وبابا مشوا قرية
المطامير علشان يجيبوا واحد يدينى دروس
خصوصية

[abu_ola]

العزيز شبارقة

لك مني المودة و المحبة

مشكور على هذا الإختبار الرائع و انت تذكرنا بالاصالة و التراث و تعسي جاهداً لمحو الحنشة و مساعدة أنصاف المتحنكشين للتمسلك بالهوية السودانية


نحن فاتحين مدرسة محو الحنكشة في ( أبو علا كوفي شوب )

عليه تم إختياركم عميد كلية دراسات الخلاء و الصــي

أكون شارك لو قبلت طلبنا و شرفتنا بزيارتكم الغالية

[شبارقة]

انت آ المسافر داقوسك الكبير دا ، والله ما داير ليك دروس ولا حاجة ، وعاااااااااااااااااارفك من نوع (بجدع ليك نعلاتك) و( انت بتبقى لينا؟؟) ..
أوعك تمثل لي حنكوش، وكان كشفت الامتحان بكشف حالك
****
لك خالص ودي

[ود المطامير]

قلت كدى آود عمّى ؟ خلاص هادى صمّت خشم .

[ابوقبس]

ياشبارقة ازيك كيف حالك امتحانك صعب خلى الباص من 10

[سوار الياسمين]

شبااارقة

بااااص بي وين بس
والله حرف البا ما بنلحقو

حالة صعبة خلاص
لاكن بحاول ليك بدون الماما والبابا
وعارفاك عارف النتيجة من اسه

[نوار مصطفى]

هههههههههههههههههههه
دة امتحان اسي
والله اقول ليك حاجة صعب حبتين

[نوار مصطفى]

الحناكيش بكوه قالوة ما جابوة درجة كاملة

[المسافر]

بصراحة يا شبارقة إمتحانك صعب عديل كده وأحسن منه أعرس ( علوية بنت الحاج ) !!!!!!

وسلمت

[تسنيم خالد]

هههههههههههههههههه
شبارقة والله انا بحب ليك جزء كبيييييير منو عشان انا ما حنكوشة بجيب 50% والله انا شاطرة ما تشوفني كدة...;)

[شبارقة]

شكراً يا شباب على المداخلات الحلوة، امتحان الحناكيش خلينا الباص من 10 ، وجاوبوا سؤال (سعال) وفطو سؤال، وربنا يباصيكم ، دايرنكم تبقوا هياثم خلا يا ناس ، وما تشرطو عينا مع الشماسة (المتشردين).
****
لكم خالص ودي

[كاوندا]

ماسميتموهم حناكيش
هؤلاء هم إخوانكم أو من ظهور إخوانكم أو بطون أخواتكم .. ولم شاءت جهات معينة لخلق طبقة من هذا القبيل فلامانع فهم شباب وشابات لطيفين سودانيين عاشو في مجتمعات غير سوادانية نتيجة لظروف آبائهم الذين ما فتئوا يعيشون أهليهم بالسودان وهذا هو الجزاء لتسمية أبنائهم بالحناكيش علي العموم معليش بس هم علي مستوى علمي وأخلاقي عالي جدا.. ولو عاوزين الدليل شوفو مايحصل في المجتمع السوداني اليوم .. ومافي داعي للآنفعال بس أقروا الجرايد.
وتسلموا من كل شر
كاوندا

[nezar]

ها جنى ات مطموس دحين دا امتحان ليك

[شبارقة]

لك التحية الأخ كاوندا وأنت تدافع عن (الحناكيش)، وهذا دليل على إخلاصك ووفاءك لأبناء جلدتك..
***
لك خالص ودي

[ود المطامير]

لك التحية الأخ كاوندا وأنت تدافع عن (الحناكيش)، وهذا دليل على إخلاصك ووفاءك لأبناء جلدتك..
***
لك خالص ودي

برافو عليك يا شبارقة

[شبارقة]

ياخوي يا المسافر مرمي الله مابترفع.. خليهم على غباهم...
***
لك خالص ودي

[التيمان]

ههههههههههه


صعبتها

والله


لكن جدعه منك رهيبه


الا تستعين بى

حبوبتك

وانا الله يرحمهم كلهم

[راسكال]

غلبنى عديل


واحد يدينى بخره


انا مزنوا

[شبارقة]

يا شباب امتحان الحناكيش الباص من (5) والامتحان مفتوح، امشي البيت وبعد تحلو تعال.
***
لكم خالص ودي

[salwa]

شبااااااااارقة


تعرف سعلنا الراجل طرطق اضنينو وعمل لي ما سامع


مشيت دقيت للماما والبابا عملو الشبكة تعبانة


قلت اسال جارتنا الدنقلاوية ولا الحلفاوية قدر ما دقيت الباب ما فتحوا


اعمل شنو غير انه اطلب بخرة زي راسكال والا الفضيحة


باااااااااااااالغت عديل والله اصلو في حياتي ما سمعت بالطلاسم دي


حنكشة مع مرتبة الشرف

دخلونا من حسه انا مسجلة في المدرسة انا واولادي وابوهم وحبوبتهم لو امكن


بعد العمر ده كلو فضيحة ..!!! ما ممكن

[ابورجاء]

الغالي راجل المره (شبارقة)
كيف الحال انا طبعا من أطر المنطقة
التي تتحدي فيسولوجية المنطق مع تراكيب
اواصر العلاقات الانسانية تلاحما مع
ايدلوجية المناطق المتاخمة للعصور
التي تلاقحة مع سيفونية اللا ارادة
المتلاحقة ...
فهمت حاجة ما سامعك نعم قلت شنو
على العموم انا زاتي ما فاهم..
المهم كلامك الجبتو ده يخربني ويطرشني
ما عرفتو ومن اسه انا اعادة ولو رفتوني
بدخل الفصل بتاع اتحاد المعلمين وبرضو ساقط
عارف عشان كده شوف لي شغلة معاك في المكتب
ان شاء مع البنغالي المعاك اسوي ليكم القهوة..
اتفقنا يا بركة تسلم...
ودوما في رعاية الله وحفظه....
مع كل الود باقة ورد...........

[Almostshar]

ياناس ده شنو ده

جاي ماشي بي هنا

لقيت حاجة ما بتنقال

الدلوكة : البدقو فيها للعرس
الشتم : الطار الصغير
والموليته . شكلكم ما كلينا كتير في الخريف
أكمل



الباص قتو من كم

[ابوشوتال]

ياشبارقة في حاجات نسيتا ؛ المطمورة - المحراكة -الجوز- اللداية- التكل-المشلعيب- الدوانة-

قايتو انا ما بعرف كتير - - - - - واظنك انت حنكوش لانو المثل بقول الفيك بدربوا - حصل سقت التيرات في الحراتة -حصل قرعت موية للصباح - الله واعلم

لك التحية

ابوشـــــــــــــــــــــوتال

[اميمه عشريه]

شبارقه تحياتي ليك وللجميع
اضيف للامتحان معرفه معاني الكلمات

الحنقوق:
الناف:
السعن:
العتود:
الخمارة:
المكرار :
المرق والوسادة:
السحاره :
الساسوية :
الكدمبس :
اللوية :
الطايوق :
القيل قيل :
العكا :
الدفيق :
الكشنة:
بني كربو:
السندقيقه :
القادوس :
الجاقوس :




عشان النجاح يبقي

( مدرسه النجاح لم ينجح احد ههههههههه):D :D

[شبارقة]

يا أبو شوتال اليك الرد:
المطمورة أسأل ، ود قرية المطامير بكلمك، ويا ما دفنا فيها العيش (يا حليلك يا خالي اللمين!)، والمحراكة : طاحنوة ناس قبل.
الجوز : جوز صفايح الموية ، ومعاهو عود بيسمو عود الجوز.
اللداية: تلاتة حجار بيولعو تحتها النار وبيشدو فيها الأكل ، وخاصة البليلة ويكوركو الشفع (شدينا لينا كرامةً دافية .. يا الله تجيب العافية!).
التكل: ناس لولا ونانسي بعرفوهو، تكل العواسة بيت سغير (صغير) لعمل الكسرة ، وعادة بيكون اسود من السكن (الكربون).
المشلعيب والدوانة اثنان متلازمان، المشلعيب شبكة تصنع من الشعر أو السعف وتعلق في سقف البيت (بيت القش عند ناس قَبُل)، وتعلق عليها الدوانة وهي عبارة عن نوع من القرع يفتح بطريقة معينة ويجفف ويصب ويعمل علية الروب (بيهزو هز).
وطلعنا مزاكرين .. وحافظين تراثنا ...
***
لك خالص ودي

[شبارقة]

الناف:
الساسوية :
الكدمبس :
القيل قيل :
العكا :
السندقيقه :
القادوس :
الجاقوس :
):D :D



ديل شنو ديل ، خجلتيني مع ناس نانسي ولولا!!
ديل جبتيهن من وين يا بت عشرية؟؟

[كف المطر]

عنقرة
لولح
طوطح
نجض
خجيجة
جدادة
خت
بشتن
بضنجان
فرطح
بُعُلُّو
بعُو
بغُم
بُق
بلع
بلية
بكش
بُكس
بنبر
بنجُوس

بهل
بوبح
بُورة
بغُم ......

[مدنيّة]

انتو شنو يعني الموضة القايمين لينا فيها دي :mad:
الواحد فيكم سمع لية بمصطلح كدا وجاي يحرجنا احنا :o
الواحد يعني اصلووووووو مايغيب من المنتدي دا !! :eek:
كدي هسي يا شبارقة يعني شنو هياثيم الخلاء دي ؟؟ جمع اسم هيثم ولا شئ تاني !! :(

ويااخوانا ختو في بالكم يعني ان الانسان ابن بيئته واكيد انسان المدينة ما زي انسان القرية وحتي في القري في قرية قريبة للمدينة وفي قرية قريبة للقرية يعني مافي داعي تحرجونا وتجيبوا لينا كلام زي دا :D

طبعا المشعليب دا عمري ماانساه لاني بتذكر لما كنت في المدرسة في العام جاء ذكره في حصة الجغرافيا وسالت منه المدرسة وقالت انه حاجة بيحفظوا فيها الطعام وبتتعلق بعيدة عن متناول الاطفال اها قصرت معك !! الخمسة ما بتديني ليهن ياشبارقة :p

[مدنيّة]

ديل شنو ديل ، خجلتيني مع ناس نانسي ولولا!!
ديل جبتيهن من وين يا بت عشرية؟؟


عجبني ليك الاحراج دا يا شبارقة :p
وانت زاتك طلعت ماعارف معاني الكلمات دي ;)
عليك الله زديه شوية يا اميمة عشان ما يجي يحرجنا احنا


عندي ليكم اقتراح رايكم شنو تختوا الكلمة ومعناها واحنا نختار المعني الصحيح للكلمة زي امتحانات زمان :D

[امل حياتى]

والله فى كلام اول مره اسمع به

[Madanawi]

هههههههههههههههههههههههه
والله يا شبارقة صعبتها عديل كدا والله اسئلتك دي GOOGLE زاتو ما يجاوبها ليك كلها عشان كدا انا قررت ادخل في لجنة الاسئلة واضيف ليك ناس اب ستة و اب عشرين والسلوكة والناكوسي والبرينسة ولي ود الشرق المسافر اقول البنطون دا بلفا ولا ما بلفا،،،،،،،،،،،،،،،،،،،،

[شبارقة]

انت يا مدناوي بالجد مدناوي ، أب ستة واب عشرين والسلوكة والبرينسه دي حاجات نا س نانسي ولولا يلعلعن بيهن في جامعة الخرطوم، قالن شنو؟: نحن بقينا خشنين، ديل حاجات معرووووووووووووووفة في وسط الحناكيش،،،
***
لك خالص ودي

[ابورجاء]

الغالي اخوي شبارقة
اها يا اخوي تاني جيت اولا زي ما قلت
قبيل يطرشني ويخربني في كلمات ما عرفتها
بعدين انا قلت ليك انا ساقط ساقط واعادة
لو اديتني بخرة ما بنجح ولو امتحنتني
براي بجي الطيش عشان كده خليني الفه
بكتب المهرجلين بس بعدين( باري الساو ان
بقه جاو انتقو رمو )
ودوما في رعاية الله وحفظه...
مع كل الود باقة ورد...

[دانية]

سلام نحن ما حناكيش لكن نص كلماتك دي ما عرفناها

[Almostshar]

ياجماعة بطلو الغش وما تجيبو لينا كلام من أيام جدي الفات
وحبوبتي الودعت
إحنا ناس مدينة وساكنين في وسط البلد
بس الكلام القديم بنعرفه .

لكن ناس أم دقوقة وناس الككو ديل

نعملهم شنو

[ود المطامير]

هههههههههههههههههههههههه
والله يا شبارقة صعبتها عديل كدا والله اسئلتك دي GOOGLE زاتو ما يجاوبها ليك كلها عشان كدا انا قررت ادخل في لجنة الاسئلة واضيف ليك ناس اب ستة و اب عشرين والسلوكة والناكوسي والبرينسة ولي ود الشرق المسافر اقول البنطون دا بلفا ولا ما بلفا،،،،،،،،،،،،،،،،،،،،
إلفا كيف ؟ واللستك القدامى نايم ؟ !

[Madanawi]

انت امس كنت في النادي السوداني - القهاوي قافلة ولا شنو؟؟؟؟؟؟؟؟؟
نايم انت يا صاحبي - الناس عملوا كباري وغيرو الفكرة وانت يادوووبك غيرت الصورة ولا اقول ليك شكلك زحيتها حبة كدا هههههههههههههههههههههههههههههههههه

[ود المطامير]

انت امس كنت في النادي السوداني - القهاوي قافلة ولا شنو؟؟؟؟؟؟؟؟؟
نايم انت يا صاحبي - الناس عملوا كباري وغيرو الفكرة وانت يادوووبك غيرت الصورة ولا اقول ليك شكلك زحيتها حبة كدا هههههههههههههههههههههههههههههههههه

لو ما قافلة إنت أكان جيت النادى السودانى ؟
ما الكبرى خليناهو من النجمة التالتة وكدى
خلينى أجيب الرابعة وجيش المطامير جاهز
ويا الكبرى جاك بلا وأحلى بيت فى مدنى
ح يكون بيت قائد الغزو ( عارف الفكرة دى جبتها من وين ) ؟
شاااااطلر .
الصورة ... ما أخوك يادوب إتعلم يشيل ويخت .
وتحيّاتى لك .

[ود المطامير]

ديل شنو ديل ، خجلتيني مع ناس نانسي ولولا!!





ديل جبتيهن من وين يا بت عشرية؟؟


ها ناس المطامير أمانة ما كتل راجل !!!!!
حتى ولو مابتعرفهم ما تعمل فيها أبو العرّيف
أبوى العمدة علمك كدا برضو ؟؟؟ !!!

[ود المطامير]

عجبني ليك الاحراج دا يا شبارقة :p


وانت زاتك طلعت ماعارف معاني الكلمات دي ;)
عليك الله زديه شوية يا اميمة عشان ما يجي يحرجنا احنا



عندي ليكم اقتراح رايكم شنو تختوا الكلمة ومعناها واحنا نختار المعني الصحيح للكلمة زي امتحانات زمان :D



أها خم . أصبر لى لما أرجع وأكلم أبوى العمدة .

[شبارقة]

أبونا العمدة الله يديهو العافية يا الـ ((msafir) يا خي ما تخلي اسمك بالعربي وتريحنا))، من زماااااااااااااان قنع من قعدة الديوان ومتابع روتانا سينما وميلو دي أفلام، بيموت في نانسي عجرم وهيفا، أبوي العمدة مما ولدو اللمين ركب ليهو الدش اطرطش.. وين إنت؟؟
***
لكم خالص ودي

[ود المطامير]

أبونا العمدة الله يديهو العافية يا الـ ((msafir) يا خي ما تخلي اسمك بالعربي وتريحنا))، من زماااااااااااااان قنع من قعدة الديوان ومتابع روتانا سينما وميلو دي أفلام، بيموت في نانسي عجرم وهيفا، أبوي العمدة مما ولدو اللمين ركب ليهو الدش اطرطش.. وين إنت؟؟

***

لكم خالص ودي

وأنا أقول مالو اليومين دول يتظبط ويتحلق
وماسك لينا فيها داير أعرّس داير أعرس
ها زول واللّة غير تغير الصور ما بعرف الحبّة

[almgnoonzman]

مبالغة شديد

[شبارقة]

الله يكفينا شر ناس التيجاني الماحي، دا الفكاهو منو؟؟
***
لكم خالص ودي

[شبارقة]

بما أنه لم يتجاوز امتحان الحناكيش أحد ، فسوف تبدأ الملاحق ،،،،
على جميع الحناكيش الاستعداد..

جدول الامتحانات سوف يعلق الخميس القادم ..

[الطويل]

هاااااااااااااااااااااااااااى شبارقه

أشلونك واشلون الشبارقه

انا جيتك داخل لأنو شفته لى كلمة حنكشه وقلته أمكن أكون المقصوووود لكن شكلى دخلته غلط عشان أنا ما فاهم اى حاجه

يلا خلينا نشوووفك

بااااااااااااااااااااااااااااااااااااااااااااااااا ااى حبيب قلبى

:D :D








عليك الله يا شبارقه لقيتنى كيف ما صعب بعرف اتنحكش صااااح يا صلاح

انا غايتو بحل ليك نص وربع اسعلتك دى بس الباقى صراحه ماعارفو

لكن كدى بمشى استعين لى بى صديق واجيك رادى

[مختار بازى]

والله انا حليت اكترمن النص
بس القلبني اقلب الكلام بتاعك دا
سؤأل ممكن استعين بطلبة الاهلية:D

[شبرقية]

السؤال الأول:
اشرح المصطلحات التالية باختصار:
الدلوكة، بدقوا فيها ايام الهجيج والحفلات والربات
الشتم، اعتقد نفس الفكرة
الدلكة، عجينة لونها اسود
اللخوخة، باقي الكسرة ويفضل الابري
الرحط، علي مااعتقد قشة بجدعوها في البايركس يوم الصبحية عشان يعرسن نظام باقة الورد وكدا
الضريرة، محلب مسحون بعملوا للعريس في صنقوعوا
الفركة، قطعه قماش مزركشة وملون ترتديها العروس في الجرتق
الشملة، قماش من النار لما اتقلب لونها اسود ورحيتها ياااااااااااااااااااااي تكتم النفس
النطع زي البرش بس مقدود في النص ،
الموليتة، الاااااااااااااااااااااااااااااااه علي ايام الخريف وحلاتا لما تكون ماشا فيها سرفة
الحسكنيت، نوعية من الشجر
الرانتوق، والله الماما ماعرفتو
التبش، اخو العجور
التبر، عدو العيش
الضريسا، نوعية من الشوك الدقاااااااااااااااااق
الكنتوش، حلة قوية
القرقريبة، بعوسوا بيها
الدوكة، بعوسوا فيها
المشلعيب، قرعة بعلقوها في راس الراكوبة لحفظ الطعام حاليا يستعاض عنها بالتلاجة
المرحاكة، الطاحونة في ذلك الزمن
الحسوَّة، شربة
الرتيلا، كانها لمبة
الجقر، الفار الكبير عتيد البرم،
المسلَّة، بخيتوا بيها المراتب ولا بفكوا بيها المشاط وايمشطوا بيها
المقشاشة، المكنسة
الخُرُج ، جيب الحمار
البربندي، كانه مسمار
الِّلبا، ياسلام حلو حلاة .... بلغة العلم الحديث يعني السرسوب
القلاَّبة، بصيدوا بيها العصافير ياحرااااااااااااااااام الكجَّامة، بت عم القلابة الفرار. بكسروا بيهو
السؤال الثاني:
حول هذه القصة إلى لهجة الحناكيش:
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قت ليهو:
قاعورد، عندي شحتفت روح، وخمة نفس، والقلب طاحونة الماحي، والخشم عرديب، واللضنين يسون صنننننننن.
[size="6"]

قبل سنة عشة مرضت مشت للطيب خالد قال ليه لزم تمشي الدكتور في مدني قامت مشت
وسالها الدكتور وصفت اوجاعها و طلع عندها ملاريا
السؤال الثالث:
(الدِعا) بكسر الدال من الأشياء المنتشرة في مجتمعنا السوداني، أي الدُعاء على من تغضب عليه، فأكمل العبارات التالية بالجمل أو الكلمات المناسبة كما في المثال:
1ـ تعال ، تجيك الطاوية حبالا.
2ـ ..طير.....، يطير نوم عينك.
3ـ أنزل، ...نزلت المية من حلقك.................
4ـ أطلع ، .......[COLOR="darkorchid"]طلعت ريوحتك ............
5ـ ...نعم...، نعامة تزازي بيك

السؤال الرابع:
اشرح الأمثال السودنية التالية:
1ـ مرق بي قد القفة. طلع بيييييييييييش
2ـ العاجبو حلقو ببلع اللالوب. يعني عامل فيها فنان ولا زول لعلاع
3ـ ام زمبيري أكلي وطيري... المرا اللعواتة ولا السمبرية





اها ياستاذ شبارقة ان شاء الله نجحت النتيجة متين

[ابوالنور]

يجب قراءة التنبيهات التالية قبل الشروع في الإجابة:
1ـ ممنوع دخول هياثم الخلا.
2ـ يمكنك أن تغش في الإمتحان وأن تشاور الـ (ماما) والـ (بابا) .
3ـ الباص 20 من 100 والتصحيح تحت الجذر.
السؤال الأول:
اشرح المصطلحات التالية باختصار:
الدلوكة، الشتم، الدلكة، اللخوخة، الرحط، الضريرة، الفركة، الشملة، النطع، الموليتة، الحسكنيت، الرانتوق، التبش، التبر، الضريسا، الكنتوش، القرقريبة، الدوكة، المشلعيب، المرحاكة، الحسوَّة، الرتيلا، الجقر، عتيد البرم، المسلَّة، المقشاشة،الخُرُج ، البربندي،الِّلبا، القلاَّبة، الكجَّامة، الفرار.

السؤال الثاني:
حول هذه القصة إلى لهجة الحناكيش:
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قت ليهو:
قاعورد، عندي شحتفت روح، وخمة نفس، والقلب طاحونة الماحي، والخشم عرديب، واللضنين يسون صنننننننن.

[COLOR=red][SIZE=6]السؤال الثالث:
(الدِعا) بكسر الدال من الأشياء المنتشرة في مجتمعنا السوداني، أي الدُعاء على من تغضب عليه، فأكمل العبارات التالية بالجمل أو الكلمات المناسبة كما في المثال:
1ـ تعال ، تجيك الطاوية حبالا.
2ـ .......، يطير نوم عينك.
3ـ أنزل، ....................
4ـ أطلع ، ...................
5ـ ......، نعامة تزازي بيك

السؤال الرابع:
اشرح الأمثال السودنية التالية:
1ـ مرق بي قد القفة.
2ـ العاجبو حلقو ببلع اللالوب.
3ـ ام زمبيري أكلي وطيري

أعزائي الحناكيش مع خالص أمنياتي بالنجاح والتفوق،،
ملحوظة:
في حالة الباص سوف تسجل ضمن هياثم الخلا، وتخرج من لفظ حنكوش.



اها انا جيت

نمرة وااحد ترمسة شاي

نمرة اتنيني جك الليل مويه

نمرة تلاته جبنه في شغااال

نمرة اربع حوقة الليلت تمباك

عشان اجاااوبلك كلام القلتو ده وانا مصنغر جنب الكرجاكه هناك مستني التقر عشان العيتان ما يرضعو

[ابوالنور]

السؤال الأول:
اشرح المصطلحات التالية باختصار:
الدلوكة اناء من بعر البقر وجلد اماعز تستعمل للمناسبات ، الشتم، اناء من النحاس والجلد يستعمل اعلان لشي سوف يجري الدلكة دي بعرفه لكن ما بقدر اوصف الحاجات الجواها كلها لكن غايتو اتخايل لي يا ربي مش المحلب والصندل وكم حاجه صغار بحرقوهم بي دخان الطلح وطوالي بجيك وجع عيون ا ، اللخوخة، اها دي فير ان لفلي اليللنا وهي عباره عن عجينه بيجلبطوها في الوش الرحط، اها دا حبل بيربطو في تص العروس وزيرة العروس بتقول ليك اكان ما دفعت حق الرهط ما بتاحد عروسك الضريرة، اها دي باقي الدلكة لكن نيه ما منجضه بكبوها في راس العريس الفركة، قطعه من القماش تستعمل للنفسا او المراة البتولد الشملة، اها دي تصنع من الصوف والصوف هو شعر الحيوانات تتعمل للدخان النطع، اها دي يعميني ويطرشني الموليتة، يا سلام خشمي جمه نوع من انواع الخضار ينظف وياحذ شوية دكوة علي حبت طحنيه علي شوية اتي علي شطة علي ملح وهاك يا ملاريا طيري الحسكنيت، نوع من انواع الخضار برضو الرانتوق، دي مزكرة طشاش التبش، واحيانا الدردقو نوع من انواع الخضار يستعمل في السلطه الخضراء التبر، نوع من انواع الغش يستعمل للخرفات الضريسا، نوع من انواع القش فيهو 620 شوكه يعني كان لمن فيك تلاته ضريسيات احتمال كبير يودوك الحوادث الكنتوش، يا سلام واها دي حله مبالغة تهبشه بس امك تجيك جاريه جري مالك اجنا بتكركب القرقريبة، ودي كمان نوع من انواع السعف او البلاستيك تساعد في عملية عواة الرهيفة الدوكة، ودي البعوسو فيها الرهيفة المشلعيب، ودا البرفعو فيه الشرموط من الكللب واللبن ويصنع من الحنقوق المرحاكة، ودي البنضفو بيها الدوكه او الصاج الحسوَّة، دي ميوه سخنة عليها بصله وزيت وتحت تحت كده بولو ليها الفرطاقه عكس امشعيفه الرتيلا، دي النمله والنفضي الجقر، اها ده مكرهنا البيت زاتو اكبر فار شفتو بسمو الجقر عتيد البرم، العتيد جني الماعز لكن البرم ده حلا في مدني المسلَّة، اله زراعيه تستعمل للزراعة في الخريف وقت تجي رشه يعني المقشاشة قش كتيييييير بيكون مربوط وبقشو بيها الوساخه ،الخُرُج وده البشيلو فيهو حاجات الشوق او القش للبهايم او العليقه للبقر وكده يعني انا يصنع من الجلد او الخيش او البلاستيك شوالات السكر بين قويصين ، البربندي وده البربطو فيهو الحمار وهو عبارة عن حديده سنينية ويدق في الوطه ،الِّلبا، يا سلام علي اللبا اها ده لبن البهيمة الوالده في اليومين الاوائل القلاَّبة، القلابه والشرك نوع من انواع السلاح يصاد بهي الطير وتصنع من السلك والشرك من سبيب الحصان الكجَّامة، نوع من الات الزراعه يستعمل في قليع حطب القطن
السؤال الثاني:
حول هذه القصة إلى لهجة الحناكيش:
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.

السنة المضت عائشه شغلت الكولر واتصلت بي دكتور لؤي قال ليها لازم ضروري جدا فيري امبورتنت تقابلي بروف بشري اخصائي الجلديه قالت ليه اوكي يا هيظبر لانو انا الحبة دي اتعبتني وخلت منطري وحش قدام اصحابي
أها وكت سعلا موجوعه من شنو قت ليهو:
قاعورد، عندي شحتفت روح، وخمة نفس، والقلب طاحونة الماحي، والخشم عرديب، واللضنين يسون صنننننننن.

[size="6"]السؤال الثالث:
(الدِعا) بكسر الدال من الأشياء المنتشرة في مجتمعنا السوداني، أي الدُعاء على من تغضب عليه، فأكمل العبارات التالية بالجمل أو الكلمات المناسبة كما في المثال:
1ـ تعال ، تجيك الطاوية حبالا.
2ـ..[COLOR="Green"]طير.، يطير نوم عينك.
3ـ أنزل، ....النزلة التورم حلقك................
4ـ أطلع ، ....يطلع نافوخك...............
5ـ ..نعم....، نعامة تزازي بيك

السؤال الرابع:
اشرح الأمثال السودنية التالية:
1ـ مرق بي قد القفة. يعني ساي كده يعني مرق من المولد برا حمص
2ـ العاجبو حلقو ببلع اللالوب. دي ما خابرا
3ـ ام زمبيري أكلي وطيري العربي الملخوم ياكل ويقوم
أعزائي الحناكيش مع خالص أمنياتي بالنجاح والتفوق،،

اها يا شبارقه الشراء الليحميك النوم قول امين

[المكاشفى]

عمو جبارقه عمو جبارقه
انا عايز انزل التيست لازاله الحنكشه
اها بابا قال ليك الرسوم كم

[شبارقة]

عمو جبارقه عمو جبارقه
انا عايز انزل التيست لازاله الحنكشه
اها بابا قال ليك الرسوم كم


حلااااااااااااااااااااااااااااتو يا بنات أمي حلاتو .. حلاتو .... حلاتو

علييييييييييك الله يا المكاشفي هسه كان قلنا ليك حنكوش بتصدّق!!

[شبارقة]

أبو الرتينة :
الحسكنيت، نوع من انواع الخضار برضو الرانتوق!!
يااااااااااااااااا حليلك يا حبوبة السرتيّة ، الدنيا كلها اتحنكشت فضلنا أنا وانتي!!

الله يرحم زمانك!!

[meshanshow]

بالغته 20 اجيبوها من وين