مرحبا ...مفاجاه..الكرسى الساخن ..من هو ؟؟؟؟؟؟؟

[نزار حسن محمد]

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مفاجاه من العيار الثقيل .... من هو زعيم التمرد..

http://www.asmilies.com/smiliespic/FAWASEL/048.gif (http://www.asmilies.com/) من هو الاستاذ المحامى (( شبارقه..
يسرنا أن نستضيف ولى ايام ..انسان احببناه .. ولم يسلم الجميع من لدغاته ضيف ..عزيز على الكل ... الاستاذ ؟؟؟؟؟؟؟؟ من هوشبارقه))[/size/b][b]...
ck]تسلل إلى قلوبنا بهدوء وسكينة ( أحببناه فبادلنا كل الحب ) ..
فيسعدنا جميعاً أن نكون ضيوفاً علي.. شبارقه
نلتقيه من اليوم ولأيام التاليه لنستمتع معه وليحكي لنا عن أيام سعدنا برفقته عبر هذا الملتقى الجميل .. منتدى ودمدنى
http://www.asmilies.com/smiliespic/FAWASEL/053.gif (http://www.asmilies.com/)

[font=Arial Black]البطاقه الشخصيه يازعيم

http://tabatpeople.com/songs/imad/al3oba.ram

[Madanawi]

تحيلتي لك يا نزار والتحية أيضاً للصول وبنقول مرحب بيك وربنا يجعل الكرسي بردا وسلاما

السؤال الاول:

عرفنا بالصول تعريف كامل!

السؤال الثاني:

سر التسمية دي شنو؟ أظنك سنجك آخوي ولا ما كدي؟

وكل عام والجميع بخير..................................

[التيمان]

اهلا بك يا صول السودان


اين انت نحن بانتظارك

ولنا عوده

ودمت،،،

[شاكسس]

جاينك

اعمل حسابك ساى

[abu_ola]

استاذي صول سودان

لك التحية و المودة

و كل عام و أنت بألف خير

و أهلا و سهلاً بك كأحلي عيدية لنا

متمنياً لك أقامة طيبة في الكرسي الساخن



و لنـــا عـــــــــــــودات مش عودة واحدة - إن شاء الله -

[مزوني]

حبيبنا الغالي صول سودان حبابك

ودي فرصه سعيده انها تخليني اتعرف بيك أكتر

فلما نشوف بطاقتك الشخصيه نجيك بالسخن والبارد

والى الملتقى

[امير عبدالباقي]

الاخ العزيز صول سودان
لك كل التحايا ؛ وكل عام وانت بخير وعيد سعيد
مرحب بيك في الكرسي الساخن سوالي ليك
1/ قبل ان تقابل كل من نزار ؛ حمتو ؛ ودالماذون والبقيه من اعضاء مدني هل كانت الصوره نفس الصوره لهم في خيالك ؟
2/ كيف كان لقائكم مع الوالي وماهي النتائج ؟
3/ ماهي المكاسب التي استفادها المنتدي من لقائكم الوالي او المحافظ ؟
4/ ماذا تم في المهرجان ؟ وماهي العقبات التي تواجهكم ؟
5/ هل سوف يقوم المهرجان في مواعيده ؟
وهنالك اسئله كثيره رد علي هذه ونعود

[Jamal Elmahi]

حباب صول سودان حبابو
عيدنا في ضيافتك عيدين
أرح أأأجني أعقر الحاشي ...وجيب كبدة الابل قبال تبرد ...وافتش تيبار الشربوت ...والرهيفه التنقد...
وبعد داك كان فضلت فينا رقشه يا البرعي سنتر جاك بلا...

منتظرنك أأأأعشاي..

ود الماحي

[راسكال]

الصول البس الميرى واعمل تمام


عشان انا جايك مسخن

[خالد أحمد الصول]

بسم الله الرحمن الرحيم بدءا و منتهي و الحمد له علي تمام نعمته الذي لا يحمد علي مكروه سواه و نصلي ونسلم علي خير البريه محمدا الهادي المهدي , اللهم أشرح لي صدري ويسر لي أمري و أحلل عقدة من لساني يفقهو قولي آآآآآآمين
هو نزار ذلك الالق الذي يتسلل الي مسامك خلسه فيسري فيها الخدر اللذيذ هو الذي مكنني من إستنشاق عبير أحبتي في المنتدي الرائع الذي أرجع الناس الي طفولتهم و عفويتهم وجعلهم كالبنيان المتراص و كالجسد الواحد فإن من كان في أقاصي الصين يحن و يسلم علي من يجلس في كبري حاجة عشة و من كان في أمريكا يعانق أخيه في شندي فوق فإنهم قد أخذوا من العولمه ما جعل صلة الرحم إلزاما علي الراحمين ... أفرح ما أفرح بتقارب و تعاطف و تواد و تراحم الناس و أكثر ما أتكيف لعناق طويل بين الاحباب تسمع الخبطات علي الظهور من السلام وكأنها حرب
أحبتي أحبكم أحبكم أحبكم ففي الاولي أنتم زادي وفي الثانية أنتم أهلي وفي الثالثة أنتم مابقي لي في هذه الدنيا .. أتركوا البغضاء و ألتصقوا حبا يحببكم الله
هذه عينه و سوف أعود لكم بعد أن أودع أهلي و أسرج راحلتي و أتذود بذوادتي
فالشوق أنتم

[سوار الياسمين]

العم القدير والعزيز صول السودان
كل سنة وانت طيب
وربنا يحقق الاماني
وسعيدين جدا بي وجودك معانا ايام العيد السعيد
وجاياك بأسئلة خفيفة كدا

امنياتك للعام الجديد على المستوى العام والخاص؟

امنية تحققت لك ؟

بلد نفسك تسافر ليهو ؟؟ ومع مين ؟؟

اسئلة بسيطة انشاء الله بنرجع ليك تاني ايام العيد

كل عام وانت بخير
وتحياتي لك الاسرة الكريمة :)

[خالد أحمد الصول]

بسم الله الرحمن الرحيم
الاسم : خالد ود مدينة بت محمد ود عبد القادر
خالد ود أحمد ود محمد ود عبد القادر
العمر : عفوا الرقم الذي كتبته غير موجود في سجلاتنا
الحالة الاجتماعية : متزوج ولي أربعة أبناء (هبه)(آلاء)(عمر)(أحمد المرتضي)
الوظيفة : مسجل الدراسات العليا - كلية الطب جامعة الجزيرة
المؤهلات العلمية : بكلاريوس إلكترونات - مصر 1983 بكلاريوس إدارة أعمال - دراسات عليا - درام بريطانيا
السكن : دردق مربع 226 قطعة 53
الهوايات : الادب عموما و القصه خصوصا
أعمال أدبية : قصاصات و إنطباعات فترة دراسية (غير مطبوع) مشاركات عديدة في إذاعة الجزيرة و المنتديات

[صالح ابوشوارب]

كل عام وانت بخير .. لكن كمل البطاقة الشخصية اما العمر ما مهم .. بتك في الجامعة يعنى خمسين .. بنجيك بعد شوية

ابو ماجــــــــــــــــد

[خالد أحمد الصول]

أخي مدناوي:
العريس من بشتو ... و المطر من رشتو .... و الواحد بعد ما عجز بقي يخاف لانو نحنا أعمامكم ديل بقينا وزن الريشة الواحد من الضغط و السكري و الرطوبة ذي الراكوبة
شكري الجزيل علي مروركم الانيق

و أنا أمي بت عم أبوي و أصلي من السقاي شمال بحري و السوريبة جنوب مدني جعلي يعني ما سنجك مع أنني أتربيت معاهمو أحبهم ويحبوني و تحب ناقتهم بعيري
كل الحكاية أنو أخوك من أولاد البوليس و متربي في حي البوليس و الوكت داك لمان وصل الوالد (يرحمه الله) الي درجة صول كانت المديرية كلها فيها صول واحد عشان كدة تشريفا كان يطلق علي أولادة أولاد الصول مع أنو حكمة الله كلنا مافي زول طلع عسكري

أعزائي التيمان:
مروركم كالنسمه يخلف الاريج و العطر و البرودة الجميله ... و طبعا مرحلة صول دي أبوكم ما إستمتع بيها و مافي طريقة إلا يجتهد عشان يسموكم أولاد اللواء باذن الله

[التيمان]

بتك في الجامعة يعنى خمسين


واحتمال زياده

امكن اتزوج متاخر


ههههههههههه

[خالد أحمد الصول]

شاكسس:
يا عطرا يفوح يملاء خياشيم الروح و يسكرها
أنا في إنتظار طلتكم البهية و أدعوا لك من أعماق قلبي أن يحفظكم و يجعل البركة فيكم آآآآمين

أبو علا:
بدرا أنت في السماوات العلا ... أتشرف بكم و أنحني إحتراما لمروركم الكريم

مزوني:
يا عسل ... دائما ما تقلقني عبارات حوار الحضارات و حوار الاديان ... و أخاف جدا علي هذا الاجيل من فرق الاجيال ... ولكني إكتشفت أن هذا الجيل معافا و بكل خير عندما رأيتك عبر كتاباتك ...

بطاقتي: أولا أنني لا أكذب أبدا و ربيت أبنائي علي ذلك ... أحب كل الناس و لا أبغض أحد .... واقعي أمد رجلي قدر لحافي .... مررح أحب النكتة و أتذوقها ... أحب الصداقة و أخاف الله

[عزيز عيسى]

بسم الله الرحمن الرحيم بدءا و منتهي و الحمد له علي تمام نعمته الذي لا يحمد علي مكروه سواه و نصلي ونسلم علي خير البريه محمدا الهادي المهدي , اللهم أشرح لي صدري ويسر لي أمري و أحلل عقدة من لساني يفقهو قولي آآآآآآمين

حبيبنا الغالي خالد ودعبدالقادر (صول سودانا)،

جاييك بروح ودعابات أهلنا في ودمدني المعروفة.

لما قرأت مقدمة كلامك أنا قلت يا ربي دي خطبة العيد ولاشنو.. :D

بعد ما تاخذ شوية نفس بجيك راجعك يا الحبيب.

مع خالص ودي

أخوك الخواجة

[Bet-alsudan]

حياااااااااااااااااااااااااااااااك خخخخخ في الكرسي الساخن .. والله ونعم ما اختاروا

ياريت ولو تقوليينا عن نفسك شوية وتقولينا عن حياتك بمختصر مفيد ..

دمتم احبتي

[اميمه عشريه]

اهلا بيك يا صول وكل عام وانت بالف خير ...
امنياتي ان تتحقق كل امنياتك فهلا اشركتنا بها ماذا تمنيت لعامك الجديد ما كان اسؤأ ما حدث لك في عامك الفائت .. وما كان اجمل كا حدث لك ..
دمت يا صول ولنا عوده ان كان في العمر بقيه ..

[خالد أحمد الصول]

أحبائي الاعزاء
كل عام و أنتم بألق و عافية وصحبة و خير وجعل الله في أعيادنا فسحة للامل و الحب و العناق وجمعكم بأحبابكم و ما تودون
كان العيد حلوا و مرا
بداء بالخراف و ما أدراك ما الخراف فقد تدللت علي طالبيها و تعززت ثم كانت موجة البرد التي أبدلت موازين الزي و جعلت السويترات تحتل الدارة ... ثم كان يوم العيد فكان أول من زبح هو صدام حسين الذي أحبه فغشي الحزن أغلب الوطن ... ولكن جعل الانسان نسايا فنسي حكامنا فنسينا
لم يؤخرني إلا الضيوف الاعزاءعن الدخول لكم

[خالد أحمد الصول]

عزيزي عزيز عيسي
لانني أحبكم أتأدب في حضرتكم و أنتظر طلتكم البهيه فأحبس أنفاسي حتي أتنفسكم فتزول من علي صدري أكدار الحساسية و عتامة الهباب
أنتظركم في كل المحطات و أحمل شوقي في يدي
لك الحب وكل عام وأنت بخير

[خالد أحمد الصول]

بنت السودان
يا عطرا مميزا لا تستنشقه إلا الانوف المعافا
أوامر هي ما تكتبي و طاعتها من أوجب الواجبات فمن قرنت الوطن بإسمها فهي قطعا في قامته
أعزك الله بعزه عازه و جعل البركه تحيطك دفأ و حنيه...
تربيت عزيزتي في كنف رجل عسكري متدين فكانت تربيتنا تجمع بين الصرامة العسكرية و تسامح الصوفيه فصرنا نعشق الله و نحب الجمال ... رجل من الطبقة المتوسطه ... ترهقني مصاريف المدارس و أحب أبنائي وأخاف من زوجتي أجد نفسي في ثلاثة محاور العمل و البيت و المسجد ولا تتوسطها إلا واجبات صلة الرحم .. أنام بدري و أصحي كذلك و تعذبني القرحة و تتعبني إلام المصران ورغم ذلك آكل الشطة ... لم أشرب مريسة أبدا في حياتي ... لا أدخن و لا أعمر (من ودعماري) و أشك القميص داخل البنطلون رغم الكيلوات الكثيرة التي أحملها ... أجد نفسي وسيما إلا و أن هذا الانف يقف مني موقف العداء فأتواضع وأقول أنني أجمل الشينين
لك الوفاء وأن عدت عدنا

[خالد أحمد الصول]

أستاذة أميمة عشرية
أمراه في قامة النخله ... يا من نزلتي بردا و سلاما علينا ... كنار سيدنا أبراهيم ... دائما أسابق عيني علي ما تكتبين و أدخل متضاريا خجلا الي محرابك و لا أرد ... كالذي يرمق من وراء الباب ... لا أرد تأدبا و حفظا للمقامات ... فكيف بي أن أتطاول لقامتك معاذ الله ... دائما وهجا و بريقا يهدي التائهين و تحط لديك الرحال فتجد ماؤها و مرعاها ....
ما منعني من دخول عالمك إلا الخجل و الضعف ولكني أشمك و أستنشقك و أكونك دائما
أعجبني مطفيسيد أحمد عندما تغني مفردة تقول .. حبيبة قلبي يا سودانية .. يا أحلي معاني في زول بيعاني ... با ود ضكران و يا بت دغرية ... و أعجب ما أعجبني ما وصف به عازة فإنها دوغرية ... التي نريدها
عزيزتي
أنني لا أفرق بين أيام الله و ليست لي الفانتازيا التي تجعلني أفصل بين هذه السنة و تلك الاخري ولكن كل أمنياتنا في كل فجر هي الستر و العفاف و توفق العيال
أسواء ما حدث لي حدثين الاول و بعد تعاقدي مع مقاول لبناء منزلي و إمضاء العقد معه إذا به يدفعني مليونين ونصف و يسلمني منزلي لم يكمل المطبخ ولم يعمل البياض ولا البلاط فكان أن قال لي من حقك أن تسجنني فقلت له و من حقك الحرية فعفوت
و الثاني لا أستطيع أن أحكيه حتي لا يجرح
أما أجمل حدث فهو دخول بنتي هبه كلية الطب بجامعة بخت الرضاء بالدويم و رحولنا في منزلنا الجديد رغم علاته

[خالد أحمد الصول]

أمير عبد الباقي
أيها الامير دائما في أدبك وذوقك
أغرب حاجة أندهشت كثيرا عندما قابلتك أنت فأنني كنت أظنك زول كبير في عمرك زينا كدة و عندما حضرت لمكتبي كنت مفتكرك أحد الطلاب و كنت عاوز أمشيك بسرعة عشان أتفرغ لي ناس المنتدي
فرحت كثيرا عندما قابلت نزار و ود المازون وذلك المهذب نبيل فهم عمالقة الزوق و الاحترام و الادب
كان لقاؤنا مفيدا جدا بالسيد/عبد الحليم سر الختم حيث كسبنا:
1. أن خصص يوم الثلاثاء من كل أسبوع في قصر الثقافة لمنتدي ودمدني يجتمع في قاعته أعضاء المنتدي يتحاورون و يتناقشون و يتطابيون و يقربون المسافات ((يعني أي واحد جاء من الغربه يجي قصر الثقافة يوم الثلاثاء كيوم ثابت لأعضء المنتدي))
2. وافق الأستاذ عبد الحليم علي عضوية المنتدي وهذا كسب كبير
3, وجه الموظفين علي تصميم موقع لوزارة الثقافة داخل المنتدي
4. وجههم بأن يتابعوا المنتدي يوميا و أن يسلموا كل راسله موجهه منه الي المسؤل المستهدف و إحضار الرد من الوزارة أو المؤسسة و إدخاله في المنتدي
5. هناك معوق أساسي ليوم المنتدي وهو المال فهو عصب كل عمل ناجح و لم يصلنا منه ما نبداء به اليوم
6. أعتقد أن الاحتفال بالمنتدي سوف يؤجل الي حين ميسره

[خالد أحمد الصول]

الاعزاء التيمان:
ما عاوز اقول أنا من ناس ما عد الخمسين لانو قانون المعاشات الجديد صدر و سوف يتضرر منه أمثالنا
كل سنة و أنتم طيبون و أوعه ااشربوت يكون كمل لاني جايب ناس الانضباط

[خالد أحمد الصول]

سوار الياسمين
هبه أنتي بنتي الثانية و طبعا أختك هبه معيده معانا بس مزنزقة زنقة تذاكر يوم العيد أصلو الخميس الجاي الامتحان و الناس ديل ما عندهم يمه أرحميني

[خالد أحمد الصول]

راسكال
يا أيها الرجل الكويس .... أنت رجل و الرجال قليلو

جمال الماحي
أحب الله و أذيدوا صلاه ... والله دائما أساكك في ردودك و لغتك الحلوه السهله و أنا في غاية الدهشة لانك خاطبتني فانت نخلة بين الشجيرات ... و أنني فرحا و أتباها بي تشريفكم لديواني فالسعادة كادت تشقني كما يشق أخرون العرقي
دائما أصنفك بأنك جيل و الناس كلهم جيل أخر فالعظام هم من يستعملون السهل الممتنع
أتكييف و كأنني قد شربت فنجال جبنة من نوال الحبشية عندما أولج بوستاتك

[عزيز عيسى]

الأخ العزيز خالد، هكذا أحب أن أنادي الأخوان بأسمائهم الأصلية..

كل عام أنت وعائلتك وأهل مدني أجمع بخير ودوام الصحة والعافية.

طبعا خرفان الضحية بالأمس كانت لحم وشحم وكمان تقول (باع) أما اليوم
أصبحت عبارة عن هياكل من العظام لا حس لا هم لا غم.

وكما وعدتك بأنني سأعود.. أحب أن أسألك بهذه الأسئلة الخفيفة التالية:

ما هي العلاقة التي تربطك بالأخوان الأعزاء
بابكر ودالصول، عوض أبوالمهتدي وأبوبكر حامد ودالمأذون.

لاحظت أنك ذكرت إسمك خالد ود مدينة بت محمد ود عبد القادر..
ثم أتبعت ذلك بإسم خالد ود أحمد ود محمد ود عبد القادر..
لماذا تكني بأسم والدتك ألم تؤثر تلك الكنية على إسم والدك أو تظهر
عليه بعض المضايقات حينما يتقدم إسم زوجته علي إسمه.

إذا كنت أحد المسؤولين في الحكومة ومن خلال معايشتك للواقع
في مدينة ودمدني.. ما هي الخدمات الضرورية التي تحتاجها
المدينة وتتمنى أن تكون من الأولويات التي يجب تنفيذها.

ما هو الفريق الذي تشجعه.. ومن هو لاعبك المفضل.
ومن هو فنانك وأغنيتك المفضلة.

ولك مني خالص الود.

[salwa]

اخوي ...صول سودان

والله منور والكرسي ذاد روقة ومركز بوجودك

زمعليش اتاخرنا عليك لكن العيد وكده والكد وما شابه والاولاد وابوهم

كل سنة وانت طيب يارب يجعله عليك بااااااااااااااااااااارد ولذيذ

كما الشربوت البارد

راجعين والله بس شوية نروق من جوطة العيد


وقدرها ونص وخمسة

عائدون

[راسكال]

عمنا صول السودان


سوال صغير بس محيرنى


لاحظتا اهتماك الشديد بى (الجبنا والشاى)


حكايتك معاهم شنو؟

[خالد أحمد الصول]

ما كنت أظن العيد يفصلني من أحبابي ... فقد كنت مرابطا علي البوست و لم يهش ذبابي غير يدي
أشوق ما أشتاق لك حبيبي نزار خلاص أبقي أظهر .....
قالوا الشحاد ساقته الصدفة الي منزل واحد بتاع بنقو و قال ليهو كرامة لله .. الراجل قال ليهو أسمع يا أخينا و الله اللحم عملناهو شية و ألناهو و الكمونيه نجضناها و كمان أكلناها و الكرعين كمان عملناهم كوارع و أكلناهم و الرا سويناهو بام و أكلناهو حتي باااااااااااع عملناها نغمة و دخلناها في الموبايل ......
شوقي لاخي ود المازون
و لك كل الامنيات الحلوه و كل نة و أنت طيب و عقابكم هنا في أمان الله
أخي المميز
أعلم أنك قريب كقاب قوسين و بعيد مهوي القرط
أبقي أظهر فما الدرجة ببعيده عن دردق
السفير
يا من تتجول في كل البلدان تدخلها مرحبا بك تحمل في الكفوف و تحمل جواز سفر دبلوماسي
نتوق لزيارتك في دولتنا تحمل لنا المحبه و الحنين و النوايا الحسنة
حمدتو
يا غاليا ننتظره كهلال رمضان ... و يا عزيزا له الود

[خالد أحمد الصول]

أي عزيز عيسي
الود أنت و أشياء أخري ... أشكرك علي وفائك بالعهد و هذه شيمة الرجال و أجد فيما كتبت هاديا لي .. فإنني أخي أمي (يرحمها الله) بنت عم أبي (يرحمه الله) ... وهي أمراء قبيله تأتيها العصافير جائعة فتبرحها مسرورة تزغزغ تملاء الكون ...
بابكر أخي الاكبر و الذي أعتز و يعتز زماني به فإن أفعاله تحكي عنه و قصره الذي في الجنه نتوق أن ننظر له ... أما عوض أبو المهتدي فهو إبن عمي وود المازون أبن خالت زوجتي ....
اللهم لا تجعلني مسؤلا في هذه الحكومة التي تقول خلاف ما تفعل!!!! أول ما أفعله هو إزالة الاكوام و الجبال من النفايات التي عمت كل أرجاء المدينه و ألبستها حله زاهية من القبح .... هؤلاء المنظفون يتجعجعون في المزياع "لقد كونا غرفة طواري 24 ساعة" و ما زالت الاوساخ 6 أيام تتكدس في نواحي الشوارع و الخيران و التي في المنازل صارت مرتعا للذباب ... و أمام منازل المسؤلين نظيفة براقة و كفي .
لا أكذب أن قلت أنني لا أشجع أي فريق كروي و إن كنت أميل من بعيد للهلال و أهلي مدني
فناني المفضل و أن كنت قد هجرت الاستماع قليلا هو مصطفي سيد أحمد

[خالد أحمد الصول]

العزيزه سلوي و أبو الاولاد و الولاد
كل عام تفرحون و كل عام لا تزال البسمة تطقي علي الوجدان حتي تصير أوقاتكم كلها حب وود و روعه
مشكورة علي المرور برغم غسيل عدة العيد و الكميات الهائله من الدهن و ترويق البيت وواجبات الضيافة و لم تذكري لنا ماذا فعل بكم الشربوت
فإن جاري محمد حمل المفتاح ليفتح الدولاب و إذا به يبعبص في الشماعة و لم ننتبه إلا علي صوت ضحكته الداوية
أتمني من أعمق أعماق قلبي لكم حفظا و صحة و هناء و سعادة و إن عدتم عدنا

[خالد أحمد الصول]

إبني العزيز راسكال
جعلك الله رأسا لكل ما هو نافع و مفيد
أما عن القهوه و الشاي فإننا قوم قد عشنا في هذه الدنيا سنين عددا أوهنت منا العظم و أشعلت منا الراس شيبا .. فإستعنا علي نوائب الدهر و النعاس و النسيان بالقهوه و الشاي بدلا من ما حرم الله وذلك برغم أنني لا أنتمي لقبيل الشايقية الذين أحبهم

[خالد أحمد الصول]

شي من حتي يتسلل داخلي و يقول لي كيف تشرق الشمس و أنتم نيام؟؟؟ ساعدوا الشمس حتي تتوهط صدر السماء ... لماذا تقزفون بالاوساخ في قارعة الطريق رغم قول الرسول الكريم و لماذا و لماذا و لماذا

[نزار حسن محمد]

الرائع الاديب محبوبى الفنان...
الود لك.. وكل الاشواق.. اخــــــــــى / خالد((صول سودان))
كل عام وانت والاسره الكريمه بالف خير
لم اقصد الغياب ولكن ادخل لكى استمتع بما تكتب واتابع من حديثك اخبار مدنى وناس مدنى..
ودعوتك الكريمه لكل اهل المنتدى المتواجدين بود مدنى ..عشان كده لابد من تحديد ميزانيه ضيافه لشخصك الكريم وانا اعلم بكميات السندوتشات والعصائر والبارد الذى تقدمه لضيوفك انابه عنهم
اشكرك والكريم لايضام ...
خالد السنه دى قالوا جاكم برد صاروخ عابر قارات من سيبريا.. وقالوا الناس من صلاة المغرب تحت البطاطين ..ومافى زول حايم فى الشارع الا المزودين بى كريستال البلح ...
امبارح سمعته لى نكته من الضحك لمن انشرقته ..قالوا واحد مسطول بلف فى سجارته ساكن فى شقه
جرس الباب ضرب فتح الباب لم يجد احد قامت زوجته سالته دى منو ..قال ليه لامافى حاجه دى مس door ساكت.
اخى خالد لك كل الود واتمنى ان نلتقى فى القريب العاجل ...

[خالد أحمد الصول]

عزيزي نزار
الشوق مرابط علي كل الجنبات و ملاء الخياشيم حتي قالت بس ... سعدت بزيارتك الخفيفة و التي نزلت علينا بردا و سلاما و أشعلت القلب حنان و الفم ضحكا ... و كل ما أتمناه لكم صحة و عافية و شوقا دافئا و سترا من الستار ...
شكرا علي تلك الطرفه وشكرا علي القهقه التي لنا زمان منها ... ما ذال الليل طفلا و الجماعة سحرو البرد في السودان ... يعني من 10 الواطة تسخن تقول صيف ... والي الان لم نتمكن من القشرة بي البدل بتاعتنا خلاص طولت في الدواليب و إنهردت ...
قال عيد الله حمد
الراجل بتاع شربة و جوهو أصحابوا كلهم في العيد قام جاب ليهم اللحم كلو بالصاج و مشي يجيب الشطة بالليمون لمان جاء لقا ليك الجماعة قضوا علي الاخضر و اليابس ... إتحير .. و قال ليهم و الله سيدنا إبراهيم لو عارفكم كدا كان عملها مرطبات

[خالد أحمد الصول]

عوض صغير .. السفير .. زول فردة ... جمال الماحي .... عماد الصادق ... السلامي ... نبيل حمدتو .... مدنية .... نور العيون ... أبو مهتدي ... وكل الاسامي التي حفرت في وجدان الوطن الصغير و كل من لم يرد إسمه
هذا المنتدي آخا بين أبناء مدني و جعلهم كالبنيان الواحد و أرجع العلاقات الحميمة القديمة الي نصابها تحاببا و تواددا و حنيه فكلما زادت الرقعة الجغرافية للمدينه زادت المحبه والتمازج و الحنان

[عوض صقير]

أخى العزيز خالد ود الصول

والله كنا منتظرين هذه اللحظة بفارق الصبر

طبعا ياجماعة أخونا خالد ود الصول هو القبلة لكل أعضاء المنتدى بمدنى
ذهبنا له عدة مرات بمكتبه الكائن بقسم الدراسات العليا بكلية طب الجزيرة
وهو أنسان مبدع وأديب بارع وقد كان يصدر مجلة خاصة به بمجهود فردى تصدر شهريا

وفيها أبداعات هذا الأنسان الفنان

وأتمنى من أخونا ود الصول عرض ماكان يصدر من مواضيع فى مجلته بهذا المنتدى

ومرحب بيك أخى خالد
ونتمنى لك أقامة محاطة بالهدوء والسكينة فى هذا الكرسى

وطبعا ح نرجع ليك تانى بعد ما نزار يسخن لينا الكرسى شوية

[ابوالنور]

صول سودان كل سنه وانت طيب وكرسي بارد برود شتوي انشاءالله

[نزار حسن محمد]

هلا ..هلا .. اخوانا خالد قالوا كان حلقوه لى اخوك بل راسك... توش ندخل فى الموضوع .. بالتفصيل
وعارفك صريح وواضح ذى عين الشمس ..
1/ كم عدد الشواكيش .. ما قبل ام الدكتوره
2/ لكى تصل لى ام الدكتوره. كيف وصلت ..احكى كل الحظات.من طق طق لى سلام عليكم
3/ بعد ...مشوار الحياه اليومتى ..كيف تواجه اظافر الكديسه...وخاصه لحظات الاوامر..
ماتتاخر يالاسد ..

[عوض صقير]

أخى ود الصول
كبف أصبحت
ح نجيك راجعين بعد ماترد على أسئلة أخونا نزار

[راشد خضر]

عمنا / ود الصول لك التحية وللمشاركين بهذا البوست الثر ، وكل عام الجميع بصحة وعافية
وبخصوص النقاش في العمر ، أحب أقول ( الشباب شباب القلب ) وأنت أهل لذلك .

[عوض صقير]

يانزار الزول ده كل ماتجيب ليهو سيرة الكديسة
يختفى من المنتدى
الظاهر عليهو مسلم كل المفاتيح للكديسة
وزى ما أنت عارف أنو أعترف بذلك

[عوض صقير]

يانزار الزول ده كل ماتجيب ليهو سيرة الكديسة
يختفى من المنتدى
الظاهر عليهو مسلم كل المفاتيح للكديسة
وزى ما أنت عارف هوأعترف بذلك مسبقا

[خالد أحمد الصول]

الحبيب عوض صقير
يا من تطل علينا بردا و سلاما ... أيها المهذب خفيض الصوت ... تهنأ بك هذه المدينه الانثي و تفتخر بك أمام مثيلاتها من المدن و دائما نقف لك إحتراما
أخجلتم تواضعنا بإطرائكم الذي نتمني أن نكون أقل من أقل من قليله ...
هي هترشات أيام الصبا ... أحتفظ بكل أعدادها و الله زكرتني أحاول أن أنقل لاحبائي في المنتدي تاريخ تلك الفترة
لك حبي وودادي

[خالد أحمد الصول]

أبو النور
شرفا و ودا تقبلت دخولك لنا و شوقا و حنانا نقوم للسلام عليكم مصافحة و عناقا
ما عزاؤنا في الكرسي إلا و أنه يأتي بكم فأنتم بهار المنتدي

[خالد أحمد الصول]

أبو نزار
يا صاحب القصر الذي هو في الجنة و كفي ....
تمر بنا فتخضر أوراقنا و تتفتح أزاهرنا حتي نخاف علي أنفسنا من البهائم
أولا: لم أكن صاحب شواكيش لانني كنت مصنفا من العينه (ش م) و التي تتحاشاها البنات و لا تقربها فكان حظنا منهم كحظنا من الجنيه السوداني الجديد
ثانيا: ونسبه لاننا من التصنيف أعلاه (ش م) وبعد جهد جهيد تحصلنا علي كديسه و لخوفنا من فرارها الي حقول أخري فضلنا أن نسلمها مهمه تشغلها وهي مفاتيح المواضيع .. فصارت مثل ناس الهدف .. يدخلوا العاوزنو و يحمو العاوزنو
ثالثا: هي غلطة وحيدة فعلتها أم العيال وإلي الان تندم عليه و تدفع في ثمنها و هي أنني كنت قد إستحميت 3 مرات و عملت ساونا و حلقت و عملت كل الكريمات المصرح بها وغير المصرح بها و قشرت ليك بي أخر صيحة من البنطلونات التريفيرا و القميص الهزاز وقوام قوام قابلتها ليك و كانت حزينة لان كل صاحباتها عرسوهم إلا هي و شافت شهادة ميلادها لقت الحكاية ماشة علي ال37 و في هذا الاثناء فاجأتها ليك بموضوع العرس فوافقت طوالي ... أخوك ما خلي الموضوع يبرد تاني يوم عقدت و من اليوم داك متعقده.
حاشية:
(ش م): تعني شنا مره

[خالد أحمد الصول]

الشفيف عوض صقير
طلتكم تطرد الكأبه و تجلس مكانها ...
قالو ود النوبة شين شنا مرة و كان عندهم عرس.. لولد قشر أحلي قشرة .. بنطلون تريفيرا أصفر و قميص هزاز أخضر و فات الحفله ... البنات رقصن مع كل الاولاد إلا هو و لغاية ما إنتهت الحفلة كان زعلان زعل شديد لانو ما في واحدة إشتغلت بيهو ... رجع و بي زهجتو ديك شات ليك باب القطية لغاية ما أمو صحت قالت ليهو ... آدم ... لعبتي جيتي ... قال ليها: لعبتي جيتي ..... تلدو ولاد زي الجعارين ... و تقول ليهو ... لعبتو جيتو

[خالد أحمد الصول]

العزيز راشد خضر
أشراقه الشمس تذيد الدنيا بهاء و نعمة ... و مروركم يشرق شمسنا بهجة و ضياء
نحتاج خياشيمنا الي نقاء هواكم و تهفو براعمنا الي ماؤكم
مضي قطار العمر و عدي ... هي محطات تمر علينا ... لنصل الي أخر المحطات التي نتمني أن نصلها سترا و مخافة للرب

[خالد أحمد الصول]

الغالي عوض
طبعا نحن أعضاء جمعية (أصدقاء الكدايس) نحيي بهذه المناسبة السعيده كل كدايس السودان و الكدايس البره و نتمني لهم مستقبلا باهرا في لم كل المفاتيح و قيادة دفة الامور بحنكة و دراية .. كما إننا نشجب و ندين الطابور الخامس و العملاء و الخونة أمثال الامام نزار الخامس و اللواء عوض صقير موسي رشاش الذين ما فتئو يحرضون الشعب الامن الراضي بإسلوب الحكم الرشيد و تلك السياسة الديمقراطية لحكومة الكدايس الرشيدة

[نزار حسن محمد]

شفت ياعوض ...تصريح صول سودان عمل ليهم كمان ((جمعيه كدايس)) وطلعنا بالواحد ورفع جزرنا التربيعى ...
ياربى يكون مضرب لى كديسه حنكوشه جديده ... بعدين ناس خالد ديل ..رمشة عين ساكت تخليه اسقيد للصباح... والكديسه الاصليه ماجايبه خبر .. لكن انا وراه وراه مابخلى وبجيب لك قراره

[عوض صقير]

عزيزى نزار
زى ماقلت أخونا ود الصول بكون رامى لى قدام بالكلام ده
أو
أحتمال يكون كتب الكلام ده تحت التهديد المباشر لكديسته

[صالح ابوشوارب]

الاخ العزيز خالد ( ابوهبة ) طبعا انا مستمتع وانت تحاور في الدافورى دا .. وسؤالى هو ..
هل كويت الرده بتاع الوالد بمكوة الفحم وعملتليها نشا ؟
هل لاحظت الوالد وهو بيربط الكرشليق ؟ بالله وصف لينا هذه العملية ؟
معلوماتك شنو عن الديدبان ؟

اخوك ابو الله جابو

[خالد أحمد الصول]

حبيبي نزار
شوف أي حاجة مقبوله منك لكن أمور الكدايس دي أحسن تشوف ليك فار يتحدث فيها ... لانو ناس النقابة ديل صنفوك من المعارضة و عايزين يعملوا جبهه تحالف مع كديستك و سوف يتصلو بيها بالفاكس عشان يحرروها من الطغيان الامبريالي ... و بعدين يدوها دورة تدريبية و دورة جتمية عن أنجع السبل لمسك جميع المفاتيح ... دحين أعمل حسابك و لم نفسك

[خالد أحمد الصول]

بعدين يا عوض صقير دة شعرا ما عندك ليهو رقبة ... و أنا عارفكم وزن الريشه يعني لو ناس الجمعية ديل عرفو بيك الله يستر عليك ساي و يكفيك شرهم و الكدايس دي بقت ما بتاكل الفيران بقت تهرش الفيران

[خالد أحمد الصول]

أخي صالح أبو شوارب
أشم فيك راحة اشلاق البوليس و أشكرك علي المرور اللطيف و الاطلاله الحلوه
البردلوبة: هي زي البوليس المميز و الذي يشبه القميص الطويل و الذي يصل طوله الي ما تحت الركبة إلا أنه مصنوع من الكاكي القاسي يغسل و يكوي بالنشاء فيصير قاسيا أنيقا حتيي أن العسكري لا يحب الجلوس به حتي لا تتكسر مكوته.
القلاشين: قطعة طويلة من الصوف تلف في مكان الشراب لتحمي الرجل و الساق و تعطي أناقة حلوة للعسكري.
أما الديدبان: هو المكلف بحراسة الاشياء المهمة كمخزن السلاح و الوزراء و المسؤلين و يحمل سلاحا جاهزا للإطلاق و تكون نوبة حراسته كل ساعتين يكون فيها صارم القسمات منتصبا حتي تضن أنه لا يرمش و لا يأكل

[خالد أحمد الصول]

شفت ناس نزار و عوض صقير بجيبو لينا الهوا و موضوع الكدايس ديل نحنا بنعزهم و بنحترمهم ... أكان بي خاطرنا و لا غصبا عننا و ما عايزين يا جماعة تصحو لينا كدايسنا ديب يقومن يخربشننا و يتعبننا بي اللبن و الحاجات التانية..
زوكي بوش بالانجليزي
لكي العتبي حتي ترضي و ما تسمعي كلام أعمامك ديل الناس ديل قلبهم مقطوع بس عاملين فيها زي الموضوع كدة ما عامل ليهم حاجة و أتحداهم كدي قولي لي أي واحد منهم نننننننناو يرقد رز
دة طبعا رد علي الرسالة الخاصة التي أرسلتها Sukibush معاتبة فيها أعداء الكدايس و معلنة فيها العزم علي الرد الحاسم لهم علي غرار التفجير و الاحزمة الناسفة

[عوض صقير]

أخى ود الصول
حقيقة نحن بدينا نخاف وصول أى خبر من هذه التصريحات
لكدايسنا وزى ما أنت عارف الكديسة فى الهجوم خطيرة جدا
ربنا يستر
ولكن الظاهر أخونا نزار عامل بدكير لأظافر كديسته عشان كده ماخايف

[خالد أحمد الصول]

كويس يا عوض أحسن ليك تجي تقيف في الصف لانو صفنا دة بتاع جلدتين جلدتين لكن المابقيف في الصف بجيبو ليهو أربعة من وراء يشدوهو تمام و بعدين يدوا ليك عشرة زي السم ... أها شد حيلك يا نزار

[عوض صقير]

أخى خالد

عاوزين نبدأ فى تسخين الكرسى ده شوية لأن الجو قالوا عندكم بارد شديد

نبدأ أولا بالبطاقة الشخصية

يلا فى أنتظارك

[نزار حسن محمد]

افو ياودصقير .. انت الظاهر بقيت تهضرب .. والا الكديسه جاتك فى الحلم بطاقة شنو ..ورئيس جمعية الكدايس اينقرش صوتوا...لكن انا معاك كان بى..الطلح والشاف بنسخن الكراسى من الهبوت.. انت ياود الصول..قالووووو الراجل محلل ليه اربعه كدايس ...ده من خلاف فك التسجيلات.. اسع لو الكديسه الاصليه.. قالت لك عافيه لك ..انت بتجيب كديسه جديده ولا بترقد رز.... وتقول انا رئيس جمعية الرفق بالكدايس

[خالد أحمد الصول]

عزيزي الودود عوض صقير
بسم الله يا زول إنت بقيت تهضرب وله شنو ... علي العموم إنت سوف نعملك نائب رئيس جمعية الصابرين علي كدايسهم ... و لازم تتحمل بالصبر و إستحمال الهرشات و الكرشات و البرشات

[خالد أحمد الصول]

عزيزينا نزار
مكره أخاك لا بطل ... و قالو في المثل ... الفيك بارد بيهو
علي العموم أنحنا عندنا جلسات سرية ... و مباحثات و خبارات بين بركات و نواحي عديدة
للسؤال عن حقيقة كديستكم و تعليمها طرق التدخل السريع و الحرب بالمناظير الليلية
و التفجيرات بالاحزمة الناسفة و و ضع المتفجرات في الطرق التي تؤدي لراجل المره

[بنت الرفاعي]

أجمل التحايا أرسلها لك أقول ليك عمو ولا كيف؟
عجبتني طريقة ردودك وتميزت في الكرسي جدا جدا.
سؤال: الديمقراطية موقعه شنو عندكم في البيت موجودة ولا لأ,واذا موجودة كيف بتستخدموها ولصالح منو؟!
بعدين أنا شايفاكم موضوع الكدايس ده عاجبكم شديد, الظاهر هي عندكم قوية الشخصية جدا جدا جدا لكن برضو حتى ولو مفروض تكون السيادة ليكم برضو انتو الأولى والا............!:d
وشكرا

[عوض صقير]

أعزائى
خالد ود الصول
نزار

آسف جدا للهضربة دى
الظاهر إنى لم أحضر الحلقة الأولى من هذا الكرسى
وبالتالى لم أقرأ البطاقة إلا بعد ما أديتونى لكذة فى رأسى

والظاهر أنو سيرة الكدايس دى بتلخبط الزول شوية

[Jamal Elmahi]

الحبايب خالد ..ودحسن ..ود صقير
عجبتني ونستكم وقرقرابكم جابني من الشارع...وقلته أغشي أشرب معاكم قهوة المغربيه أخير من ميّه...في البيت الجديد يا خالد...والبيت الجديد كان النفوس إتطايبت بشيل سته نسوان...إتنين إحتياطي مركزي...والزارعا ألله فوق كبري حنتوب بتقوم...أنا غايتو نازل البلد شهر تلاته مضرّب لي علي زواج جماعي وقلته المولد مايفوتني بس مشكلتي الضريره بتسوي لي الحساسيه والدبس...

ود الماحي

[خالد أحمد الصول]

العزيزة مرام
تحيه تسابق التحية من عمك خالد و كان مروركم نسمه باردة علينا نتمناها كلما إشتد علينا الهجير
الديمقراطية عندنا هي سيادة الصوت الداوي ... و مخالب الكدائس الخطرة
بمناسبة الشخصية أسوق لك هذا المثل المثال و هو "الخواف ربي عيالو و عيال جارو

[خالد أحمد الصول]

عوض صقير أيها الحبيب
ما أنا عارف المغته و مغرق شطة
عشان كدة بقيت تقرا سطر و تفط سطر ... يا زول ما تخاف من جنس كديسه و دي حيوانات اليفة
خربشتها ما بتعمل السعر

[خالد أحمد الصول]

علي الطلاق يا ود الماحي أنا من أشوف أسمك في بوست بتكيف كيف بس الصايم و الاذان أذن و ختا ليهو سفه من عبد الحق ... و لا زي العطشان تب ... و قدموا ليهو موية صاااااقطة
و الونسه بدونك تخرب و ناس نزار و عوض صقير حقروا بي خلاص و التقول كدايسهم من الكدايس السياميه ... أصلوا أولاد أخوي في حي الزهور قالوا جيرانهم الحرامي جاهم و سرق كلبهم ... حليل زمن الكلاب بتخوف الحرامي ..ز أسع بقت تخوف الكدايس ....
بعدين الكديسه بتاعتنا بتجوط المنتديات دي كلها بحثنا عن من يحبون راجل المره و تقول كدة .. تنط عليهم
لما جابت ليك كثافتهم بقوا يغنوا و يقولو ... حتي حت الشرا ... أقلبي راجل المرة ....
حرررررررم ساكت لو في ضميرك قلت داير تعرس إجازتك دي تقضيها في حوادث الجراحة دحين يا أخوي أوعاااااك من جنس المواضيع دي .... و كمان نسوانا قالن تاني لو طلقوهن يمرق الراجل ما بمرقن هن و ده حق شرعي سمعناهو في التلفزيون

[Jamal Elmahi]

حرررررررم ساكت لو في ضميرك قلت داير تعرس إجازتك دي تقضيها في حوادث الجراحة دحين يا أخوي أوعاااااك من جنس المواضيع دي .... و كمان نسوانا قالن تاني لو طلقوهن يمرق الراجل ما بمرقن هن و ده حق شرعي سمعناهو في التلفزيون

زين الشباب خالد
أخوك عضلات تبش ولسان طول السوط...يعني حنك ساي أرقد ليك القوارير سلطه (حلوه القوارير دي مش أنعم من الكدايس وقابلات للكسر كمان)...
أصلي جاي أحضر عرس أخوي يوم 15 شهر تلاته ودي بمثابة دعوه من هسه عشان بعدين ما تقول إطرشني...وطبعاَ أأأعشاي الحنّه البتحنن واحد بتكفي إتنين..والله الواحد حلاتو بالحنه معنقل كريعاتو وخاتين ليهو تحتن مخده...والسيره البتسيّر عريس بتسيّر عريسين وزيتنا في بيتنا...
وكمان أخوك حريف فاكي تيكه...يعني جايي بدون قاروره...أها شنو ليك حرفنه وشدّه وغسيل عدّه يعني عمليه عبلانج ما يعملا... إتا أقعد لي حانف وشّك لغايه ما الجكس النضيف يكمل...
سعالي سعال برئ في السياسه...
تكاليف الزواج لراجل المرا كم؟
ماهو رأيك في الزواج العرفي لمن إستطاع إليه سبيلا؟

العريس
ود الماحي ...والرهيفه التنقد...

[خالد أحمد الصول]

و الله يا ود الماحي يا ممسوخ الكلام ده إلا تاباهو
و أسكت سيبني من القوارير ديل و الله فلاتي يأخد ليهو 250 الف يبقيك لافي زي السورو
و طبعا الكدايس هنا مستعمرات يعني الكديسة الكبيرة هي القاعدة تحافظ علي سلامة الكديسة الصقيرة يعني كل فترة نسيبتك بتذور بتها تشوف البيها و العليها ... و لو سمعت كلام زي دة طوالي تمشي للمستشارات و مافي إستشاره غير الفلاته بس بتبقي في ... الزول دة ما يعرس تب و ما يفكر في العرس ... الزول دة ينسي مش العرس ينسي نفسو زاتو ... الزول دة لو سمع ليهو حفله يجيهو أبو كباس .... و عينات كتيرة و كل شي بي تمنو .... كمان في عملية عكسية ... يعني لو جكسية عايزاك خصوصا لو كنت راجل مره ... تقوم تعمل ليك نفس الشي من الفلاتي بس يكون معكوس ... يعني مرتو لو جاب ليها سيرة العرس تشجعوا ... نسيبتو ترقد أسبتالية بالجلطة و تبقي في روحها ... أخوانو يجيبوا ليهو الشنطة ....
علي العموم أطمنك ... راجل المرة هنا بقي حلو حلاه ... يعني هي البتتكفل بي الحاجات إنت بي مجهودك
لكن شمارك لو في بربر يظهر في دقايق

[عوض صقير]

العزيز ود الماحى

ده الكلام ولا بلاش
وطبعا ود الصول المادة دى عامل ليها دروب
ومابقدر على الكلام ده
وكدى أبدأ لينا أنت وبعدك نشوف البحصل شنو
ولو الأمور مشت كويس معاك نحن بعدك جاهزين
وطبعا ود الصول ح يكون طابور خامس ويخرب عليك هذا المشروع

[خالد أحمد الصول]

شفت يا ود الماحي خلاص الموضوع بدأ من أسع
أها عوض قال ليك ((وكدى أبدأ لينا أنت وبعدك نشوف البحصل شنو )) يعني البحصل شنو يتاوقوا بي الضرا و يشوفوا راجل المرة الحصل عليهو شنو ... يا زول أعمل حسابك و أحفظ دمك

[نزار حسن محمد]

افو..افو ياود الصول ..شفت كيف الرجال بانت ..يابوى وانا شهر تالته بتلقانى معلك فوق فى البنطون بتاع الجنيد ذى الخبر المستعجل فى الجريده .. وانت ياود الصول اعمل ورقة اجازه من الكديسه واتكرب وبريم شنباتك وقول ليها انا معزوم فى عرس قريب فى الجنيد اه اول مانصل عند ودالماحى بنمشى فريق وراء لزوم كاسات الشجاعه ..وال.. لذى منو بعد داك الباقى على وعلى ودالماحى اما عوض صقير بنرسل الكديسه الجديده فى طريد..شن قولك يا رئيس..

[المسافر]

الاخ العزيز / خالد ( صول سودان )

بداية تحية طيبة أبعثها للشخصك الموقر مع تمنياتي بدوام الصحة والعافية . . . وكذلك أحيي فيك أسمك وهو دلالة عن الرقي والتحضر والهدوء والتركيز ( لشيء في نفس يعقوب ) !!!!

ثانياً وكما وصفت نفسك إنت من الجيل القديم . . . وهنا يأتي إتهامي لك ولكل جيلك . . . إستلمتم السودان وكان في عزه وشموخه وكان مضرب الأمثال في الإقتصاد والوحدة وكان الواحد بدرسوه ويأكلوه ويعرسو ليهو ويسكنوه وذلك لأن السودان بخير . . . والآن بعد أن إنعكست الأية تماماً إنتم لم تتحملوا مسئولية البلد بالشكل المطلوب . . . إستهترتم وتلاهيتم بحياتكم ومصالحكم على حساب البلد . . . ( ودليلي هنا قيّم حال الشباب في زمنكم وفي هذا الزمن ) .

طبعاً أن أول مرة أتعامل مع شخصك عشان كده قلت أخش شمال من باب ( مافي محبة إلا بعد عداوة ) . . . ولو عايز تطردني من الكرسي بتاعك أرجوك أرسلها لي على الخاص !!!!!

ودمت يا الغالي
أخوك / خالد المسافر

[خالد أحمد الصول]

إبني المسافر
التحية تأتيك مسرعة فرحة مسرورة بمروركم
و ما خط يراعك إلا و أن أعلمني أن هذا الجيل بخير .. وفقه الله
إبني
كنا نتبع أباؤنا و نستلهم منهم خطاوينا ... فكانت الدنيا بها صعوبه يجابهها أباؤنا بالصبر و الكد و العمل
لم نكن نعرف البوتوجاز .. فالنار هي الفحم أو الحطب و الحطب هو الواقود الذي تفزع له النسوه و نحن الاطفال الي الاطراف البعيده و البعيدة جدا في بعض الاحيان ...
لم نعرف صنابير المياه التي في كل أنحاء المنزل ... كنا نأتي بها من بعيد ... كانت المدارس متفرقة أيدي سبا أقربها حوالي ال15 كيلو ... كنا نذهبها برجولنا ... في غائظ الحر و زمهرير البرد ... لا نعرف ماذا يعني هامبيرقر ... ولكنا نفرح و تمتلي بطوننا بماء الفول فهو الرحيم علي المعدة و الحنين علي الجيب .... كنا نبيع و نشتري في الاجازات و نكد و نكدح ... فنشتري ملابس المدرسة و شبطها .. و كراساتها .... كنا نحترم المدرسين و لا نسير في الطرقات التي يطئونها ... و لم نسمع بالتدخين و لا التمباك إلا عند عتات الطلاب و هم قلة ..... لم نعرف ماذا تعني الدروس الخصوصية ولم نكن نظن أن الاستاذ يحضر للتلميذ في المنزل يتأدب له ليعطيه درسا خاصا فيعطيه التلميذ أجره ضعفين ...كنا نظن أن الأستاذ كاد أن يكون رسولا .... لم تخطر علي بالنا أبدا خيانه الصديق و الجار ولا التعرض لبنت الفريق .. كنا طاهرين كالسحاب نقيين كالبرد ....
حاولنا إبني المسافر أن نورث ما إكتسبناه لإبناؤنا و لكن قالوا لنا لكم دينكم و لي دين

[خالد أحمد الصول]

حررررم يا ود حسن الكلام دة بتاباهو عديل ... يا زول مافي أي واحد خارج خط النار بتاع الكدايس .... يعني لو قايل الاميال و البحار و المحيطات دي يتعمل ليك ساتر و الله ما ساتر إلا الله ... الناس ديل عندهم صواريخ زي حقت الامريكان ... من امريكا يفكو ليك أتنين تهردم ليك مصنع الشفا و ما تضرب ليها زول غير الغفير و حتي هو كما جرحو صغير .... و الله ناس حاج أبكر يرسلوا ليك ورقة ... بس زي المدافع الأمريكية ...
شهر ثلاثة ده قريب و أنا بحجز ليكم في البنطون بس كديستي في طرفي أصلوا قالوا البنطون فيهو فيران و أنا بخاف من الفيران ... علي العموم بعدين النشوف منو فيكم راجل فلانه

[العابر الوفي]

التحيه لكم جميعا


اشكر جميع الأعضاء الذين دوما يساعدوننا في اجتياز الكرسي الساخن ويتركون هذا البوست منيرا دوما

الأخ صول سودان لك التحيه الوفيه مني بالجد وجودك هنا كان بمثابه مدرسه نأخد منها كل ما يزيدنا فايده ومرح كل صباح جميل واحلى حتى عجبتني منك هي
الفول فهو الرحيم علي المعدة و الحنين علي الجيب
حقيقه والله رجعت ذكريات روعه لك وخليتنا نسرح في عالم ذكرياتنا الخاصه وجيلنا الخاص ما حقول ليك نحن بنقول البيتزا خفيفه على المعده وفداها الجيب كلو ولكن حقول ليك احلى شي الفوله وبس هههههههههه واكيد باقي كلامك رائع انت شرحت واقع وفروق بين جيلين مختلفين

بالجد ما لاقي كلام غير الله يديك العافيه يا رب وسلمت

[نزار حسن محمد]

الحبيب الغالى.. ابو الدكتوره

صدقنى لو قعدناك سنه ونص فى الكرسى الساخن ..مابنشبع من حديثك العسل .. وانا عارفك لو بمرادك ماتفارق الاحباب لكن عاد نسوى شنوا من خربشت الكدايس والبسمعوا كواريك الكدايس .. على العموم نحن وراك وراك وبنجيك فى ودمدنيات عشان كده بنخليك ترتاح من سخانة الكرسى نهاية هذا الاسبوع
ومشكور ماقصرت ودوما فى حفظ الله ورعايته ياحبيب

[خالد أحمد الصول]

العابر الوفي
عبور كان دافأ و وفيا و ليس عابرا ... و خلف لنا نسيما باردا و حلاوة و طلاوه
نشكرك جميلا علي ثقتكم الغالية بنا و ما نحن إلا قطرة منكم ... ولا نورد إلا موردكم
فأنتم يراعنا و قرطاسنا ... فلكم الاحترام إجلالا و دمتم

[خالد أحمد الصول]

عزيزي الوفي نزار
حمدا لله فقد تم لنا النزول من الكرسي المسخن ... فقد كان كل جماعة في الفريق بيجمعوا من كل زول 10 الف و يشترو خروف يضبحوهو و يكوموهو يوزعو علي الذين دفعوا ... الراجل جاء داخل البيت مرتو قالت ليهو إنشاء الله تكون دخلتنا ... قال ليها .. نعم دخلتكم .. بس خليتهم قاعدين يمرقوا فيكم

[خالد أحمد الصول]

أوعد المتصفحين أنني سوف أقوم برصد تاريخ السودان الحديث بصورة ثلثه حتي يتفكر شبابنا بما صنعه الاباء المتقدمون و أن تعم المنفعة لما هم ليسو بسودانيين