التيمان ـ عاجل

[شبارقة]

الليلة داير احدثكم شوية عن التيمان، ما التيمان حقين منتدانا لكن التيمان بصورة عامة
زمان أهلنا قالوا: التيمان بالليل بنقلبوا كدسة (قطط) عشان يخشوا البيوت ويشربوا اللبن، والرواية دي ما عارف ليها أساس من الصحة ودايرين نشوف تيمان منتدانا رايهم شنو!!
والطريف انو في حلتنا تيمان هم ياسر وناصر، ناصر استلف من زول قروش، وكلما الزول دا يلاقي واحد فيهم يقول ليهو أنا ياسر، ويضطر يفكوا، لحدي ما يوم دقسو ولاقاهم ماشين مع بعض وزرَّاهم زرة كلب في بيت فلاتة.
برضو كان معانا تيمان في مدرسة مدني الثانوية وهم قيس وقصي، كانوا مفلسين وطلبت الإدارة منهم صور عشان امتحان الشهادة ، قام واحد فيهم اتصور وسلموا الادارة نسختين من الصور، لكن للأسف قبضوهم وبشعوا بيهم.
دحين يا اخوانا (وخير الكلام ما قل ودل) التيمان ديل كل مرة كاتبين موضوع يا تو فيهم البكتب المواضيع ويا تو فيهم البرد، دايرين إجابة عاجلة.
ديرين نسألهم كمان بخور التيمان دا سموهو عليكم ولا جات صدفة!!
***
ولكم خالص ودي يا (Twin)

[نزار حسن محمد]

والله ياشبارقه انا زاتى منتظر معاك الرد

[ود المطامير]

كدسة ؟وأنا أقوووووووول

[شبارقة]

انتو التيمان ديل الليلة ما جايين ولا شنو؟؟
ولا لسه (ما طلقوهم) من الجامعة؟؟؟
وما بخليهم حتى لو زاغو!!
ياتو فيهم البكتب ويا تو البيرد؟؟؟
:confused: :confused: :) :confused: :confused:

[التيمان]

والله كنا الاتنين مع بعض

خارج النص(بس بعض ماكان معانا هههههه)

لكن اختلفنا ومجتبى سجل بى شاكسس

ومعاه همس القصيد والمنار

وكم نفر كده

من منتديات تانيه

والله بخور التيمان ده قمنا لقينا فى اكيد ديل تيمان

تانين زمان

وحكايه الكدايس دى والخزعبلات دى كنا

بنهرب بيها الشباب فى المدرسه

ولكن ياناس المنتدى اعملو حسابكم

مانقوم ننقلب هكر

ندمر المنتدى

ونسرق الايميلات

ودمتم

واى استفسار


جاهزين والله

وبعدين الجامعه مقفله

ادعو لينا انها تفتح زهجنا من العطاله

ودمتم مره اخرى


وتقبلو تحياتنا

التيمــــــــــــــــــان

[abu_ola]

تيمانا الحلوين اخباركم شنو

قلت لي مجتبي عامل فيها أنفاصلي و إختار اسم جديد

أها البياخد الـــ 52 % فيكم منــــــو


بخور التيمان عرفناهو ما تابع ليكم


أها خط التيمان من كنـــار دا تابع لي منو ؟؟؟؟


طيب تيمان برقو الما بتفرقو - المثل دا ما تابع ليكم برضو ؟؟؟؟

أهـــا فنانكم المفضل منو تيمان عطبرة و لا ثنائــــي العاصمة ؟؟

[شاكسس]

تووووووووووووش


ولكمووووووووووووووو

:confused:
انا جيتك ياشبارقه انت

اقول ليك حاجه ده كلام ونسه ساى

والله 52 بتاعت شنو؟
:p
ممكن نتقسمها

خخخخخخخخخ:D

نا س كنار قالو لينا ممكن نعملها قلت ليهم تدونى

عمود ازرعوا فى بيتنا

ادونىواحد بتاع كنار

اجرتوا لى ناس موبى تل
:cool:
والله لحدى المعسكر كان معانا

وبعداك كل واحد اكل نارو براه

طبعا ثناى العاصمه

لما ترجع بالسلامه

طبعا خطبنا التومات
:cool:
وحاينزل اول سريط لينا معاهم

نحن نغنى وهم الشياله

ودمتم بسعاد:D

[شاكسس]

وينك؟ يا ابو علا


هربت خايف نقلب عليك

ماتخاف

[Almostshar]

تيمان
كدسه
بخور


؟


إنتو


كم واحد

[شاكسس]

خخخخخخخخخخ

2بس

الجوطه دى كولها

دمت،،

[Madanawi]

يا شاكسس ويا مجتبى دي آخرتها ، بتاعين بخور ودجل وكجور

الله يحمينا من عيناً ترمي وتكسر و تعضر كمان تودي القبور

خليكم واضحين معانا الحكاية شنو واوع تحاول تلف او تدور

[محمد مصطفي]

لكن يا اخوانه ديل ما مفرض انقلبو كدسه ديل مفروض


انقلبو فيلا ديل سمان شديد


ولا شنو يا التومات اقصد التيمان



هههههههههههههههههههههههههههههههههههههههها

[شبارقة]

حالتهم دي ما قاعد يأكلو..
***
لكم خالص ودي

[شاكسس]

لكن يا اخوانه ديل ما مفرض انقلبو كدسه ديل مفروض


انقلبو فيلا ديل سمان شديد


ولا شنو يا التومات اقصد التيمان



هههههههههههههههههههههههههههههههههههههههها

عاين لو سمحت التومات دى شنو

نحن شايفنا لابسين طرح


ودمت،،