لامتين عضو جديد ونجمة واحدة ؟؟

[ود المطامير]

ها ناس هووى !! معقول بعد النقّة دى كلّها والشكل والحنك وقعاد من الصباح لحد آخر
الليل كل دا ويادوبك مليت لى نجمة واحدة ؟ وكمان شنو ؟ عضو جديد , حرّم لو فى الشرطة
أو الدفاع كان النجوم والسيوف يلمعوا على كتفى , وأنا ود قرية المطامير دا الكلام السمح
ما بعرفو وقعّيد الحروف مو هيلى , عِلأ كييفن لسة نجمة واحدة ؟ ولامتين عضو جديد , ضيف
يعنى ؟ حرّم إحنا فى قرية المطامير حكاية الضيافة تلاتة يوم خلّيناها زمان بس تدخل كدا وإنت
طوالى بقيت ود البيت , هسى أنا كلّما أرجع البلد يقولوا الملازم جا , عاد لامتين الحالة دى ؟
عضو جديد ودبّورة واحدة الناس ديل النزير عّى دا ماشغال معاهم مايراعوة شويّة !! ويهاودونى
دبّورتين تلاتة حقات العيدية , ويدّونى بيت فى مدنى المشية والجية هدّتنى أنا وحمارى وعارف
الجنيات مدناوى وشاكسس ح ينطوا فى حلقى ....

[نوار مصطفى]

اتصبر هههههههههههههههههههههههه

[مرتضى ساتى]

تستاهل ومنى ليك ياmsafir ترقيه خاصه لانه كتاباتك لذيذه
حنكك سنين ولا تزعل من اليوم انت الريس ولك منى الف تحيه

[ود المطامير]

أصبر أكتر من كداااااااااا ؟؟

[ود المطامير]

شكرا على الترقية والثناء الجميل
الريس وبس ؟ إنت ما شايف الرؤساء الواحد
عندو كم وظيفة تانى ؟ القائد الأعلى للدفاع
و و و و و
وتسلم لى

[شبارقة]

هوي آ المسافر، ديل يا خوي النقباء (أسمع جعجعةً ولا أرى طحيناً) ..
سد دي بي طينة ودي بي عجينة ، وخليك زي أخوك منعصر جنب الحيط وماسك خشمو..
*****
لك خالص ودي

[ود المطامير]

قلت كدى يا شبارقة آخوى ؟ عِلا بقولوا ما
راح حق وراهو مطالب
وتحياتى وحبى

[نزار حسن محمد]

يامسافر .. ياشبارقه .. وعد رجال .. ال بوصل فيكم الرقم 100 فى المشاركات بترقى فبل التانى آآه ياجنيات .. ياهو داك الميس .. وكل واحد اعضى طرف جلابيته بطرف سنونه . وانا بحسب لحدى تلاته
آآآه جاهزين .. الله واحد ... ومالوا تانى... وثلاثه كووووف..

[ود المطامير]

واللّة أكان كدا ؟ شبارقة ح يجى الأول , لأنو
بقصص الحمير ساكت بسبقنى

[شبارقة]

انت آجنا حمير شنو الشابكني بيها؟؟
طالما ما كدي .. بجيب ليك حديقة الحيوان
وأحسن تخليني في حميري ديل أنا لساني سوط عنج ..
والله جابك لي .. وكان جراي ألحقني
***
لك خالص ودي

[ود المطامير]

ما بنختلف علمنى ركوب الحمير
أحفظ البحر جرف جرف

[Madanawi]

والله يا مسافر انا من خلقت في الدنيا دي ما لاقيت زولاً طماع متلك...................

من - داي - ون زي ما بقولوا الخواجات من أول يوم وانت تضاير في الجماعة وترفع في سقف المطالب بتاعتك التقول داخل نيفاشا ،،،،،،،،،،،،،، يا خوي بلا حق بلا مطالب روح ارجع المطامير ولا المسامير دي ، وبعدين كبرت وليك 19 سنة واغتربته وبرضو ما قادر تدفع حق الحمار تقوم تجي تدفعنا ليهو نحن وبيت في مدني مرة واحدة والله دي أشعب ما سواها،،، لكن نحن برضو ساهرون وكدا واولاد مدني ما بتدقسو بالساهل يا ناس الشرق - شرق الله الباااااااااااارد.

[ود المطامير]

أها يا جماعة الخير صدقتونى ؟ ماقلت ليكم ح ينط
لى فى حلقى ! أنا عارفو .