المساعد الشخصي الرقمي

مشاهدة النسخة كاملة : بين الرذيلتين - ردكم مطلوب بشدة


Madanawi
20-12-2006, 03:45 AM
والله يا شباب كنت ايامها طالباً في جامعة الخرطوم - (مدرسة العلوم الرياضية - قسم الكمبيوتر) وكان هنالك سبب قوي جداً يدفعني الى كلية الآداب دفعاً كم مرة اسبوعياً. فذات مرة وأنا في محاضرة لمادة الفلسفة اليونانية القديمة وإذا به الدكتور زيدان رحمه الله يفاجئنا بقول أن:

الفضيلة وسط ذهبي بين الرذيلتين. حسب قول الفلاسفة اليونانيين في العصور الوسطى.

فسألته ، كيف الكلام دا يا دكتور؟

فأجاب، يعني الشجاعة وسط ذهبي ورذيلتيها هما الخوف والتهور.

والكرم وسط ذهبي ورذيلتيه البخل والإسراف.

فقلت له يا دكتور الصدق وسط ذهبي ورذيلته الاولى هي الكذب فما هي الرذيلة الاخرى؟

أترك الإجابة للحبايب الحلوين فما هو رأيكم في الموضوع دا؟
كاتم الأحزان
20-12-2006, 04:28 AM
على حد علمي

ربما يكون الغلو او المبالغة

والله اعلم
ود المطامير
20-12-2006, 06:54 AM
أنا عارف الإجابة وما بوريك ليها
وعارفك إنت ماعارفها وفى واحد مشارطك
على الإجابة !!
امير عبدالباقي
20-12-2006, 07:22 AM
مدناوي اخوي
والله انا زاتي مامقتنع بالوسطيه دي لكن يمكن تكون الاجابه النفاق
تسنيم خالد
20-12-2006, 01:23 PM
بالجد شئ يستاهل التفكير فيه
بس اعتقد انو الثرثرة والكلام من دون حساب
والشئ المتاح زيادة عن اللزوم
Madanawi
20-12-2006, 11:46 PM
الاخوان كاتم الاحزان والمسافر وتسنيم وأمير مشكورين على المشاركة وبس حبيت اقول لكم انه القصة دي حقيقية وحصلت معاي بالجد وأتمنى منكم التفكير فيها بجدية وكان غلبتكم انا ساوافيكم بالاجابة.

يلا شغلوا الطاسة وانجروا!!!!!!!!!!!!!!!!!!!!!!!

وين باقي الحلوين ، يلا شاركونا يا شباب
بنت الرفاعي
21-12-2006, 12:45 AM
أنا فكرت وقلت يمكن الغش, لكن الصدق ماحيكون وسط نفتش لي حل تاني.
وشكرا.
خالد أحمد الصول
21-12-2006, 02:25 AM
أفتكر أنها .......و التجمل
Madanawi
22-12-2006, 11:13 PM
يا شباب والله بالغتوا عديييييييييل كده - أحلها ليكم ولا شنو؟؟؟؟؟؟؟؟؟؟؟؟؟؟؟؟؟؟

كدي أدوها محاولة تانية وأنا واثق من قدرات الشباب!!!!!!!!!!!!!!!!!!!!!!!!!!!
دانية
13-01-2007, 02:38 AM
الاجابة قد تكون الصمت ولكن السؤال المهم انت ما وريتنا انو الفضيلة رذيلتيها هم شنو؟
ولا ما كدة
Madanawi
14-01-2007, 03:38 AM
والله يا دانية بالغتي عديل - كدى اعيدي قراءة البوست من الاول وتلقي اجابة سؤالك طوالي.

وعلى العموم الرد كما قال الدكتور أن هنالك بعض الفضائل مستثناه من القاعدة لان الصدق مثلا كلما استكثرت منه فانت بلا شك صديق وهي صفة حميدة وليست رذيلة. والله ولي التوفيق.

هل توافقون رأي الدكتور ام لا؟