أين رشاقة المرأة السودانية ؟؟

[المسافر]

الموضوع ده شكله حيجيب هبوب بس أنا حأكتبه وأتخارج من المنتدى سريع !!!! لأنه أكيد لو ما في إمراة هنا حيكون في ( رجال المرأة . . . حلو حلا ) معنا!!!

والتحدث هنا على الرشاقة وعلاقتها بالصحة وليس الرشاقة والشكل الجمالي والذي يعتبر أيضاً مهم . .

الرشاقة بصفة عامة هي دليل على الصحة والعافية ، وهذا المعنى عكس المفهوم الموجود عندنا في السودان الذي يعتبر إن الواحدة كلما كانت سميييييينة ده دليل على إنها بصحة جيدة ومرتاحة نفسياً . . . الخ ، وهذا المفهوم مستمر إلى هذه اللحظة وخصوصاً الموجودات خارج السودان. . . وإن جميع الدراسات وكلام الأطباء والمهتمين بالحياة أكدوا إن السمنة عند النساء مرتبطة تماماً بعقليتها ومدى تركيزها فإرتفاع كمية الدهون تؤدي إلى تدمير في خلايا الدماغ بالإضافة إلى الأمراض الكثيرة والمنتشرة والتي هي معلومة للجميع يأتي ذلك كله على حساب واجباتها والتي تعتبر من أهم الواجبات على العموم ( وهي التربية والتنشئة لأجيال القادمة ) ، فما بالكم وهي تتقاعس أو يكون هناك تقصير في هذا الدور المهم . . . في زمن فيه قوة الأسرة وعنايتها بأبنائها هو ضمان مستقبلهم ومستقبل الأمة .

والغريب في الأمر إننا كل يوم بنسمع على مراكز للصحة والرشاقة وأكثر من عشرات القنوات الفضائية تقدم فقرات بهذا الخصوص . . . وكل هذا ولم يحرك جفن أي واحدة منهن وما زلنا نسمع ( بالمديدة والنشا ) وما زالت العروس ( بتنحبس ) قبل العرس لمدة شهر كامل لزوم التعليف والتسمين .

( ولو ما عايزات يحسن على الأقل يشوفن غيرهن )

[نور العيون]

و الله صدقت يا المسافر على الكلام د
لكن مازالت عقليه المراه السودانيه واحده
بالرغم من التقدم و الحضاره و الشيء الذي نسمع
به من التلفاز و غيره لكن نعمل شنو
و الله لسه معانا حبوباتنا و عماتنا العاشو
معاهم و لسه متاثرين بيهم كتير
و تسلم و لكن يوجد بعض من البنات من هن
يحافظن عل رشاقتهن و كمان الذي يلعب دور في هذا
السمن او الضعف او الرشاقه هو العامل الوراثي
بالنسبه لجسم المراه و ياتي بعد ذلك المحافظه عليه


تسلم مره اخرى يا المسافر

[كاتم الأحزان]

والله معاك في كل كلمة قلتها اخو المسافر وتحديدا
(يعتبر إن الواحدة كلما كانت سميييييينة ده دليل على إنها بصحة جيدة ومرتاحة نفسياً . . . الخ ، وهذا المفهوم مستمر إلى هذه اللحظة وخصوصاً الموجودات خارج السودان )

الحاجة البتزعل المرأة السودانية من أكتر النساء الفاهمات والمتعلمات
لكن بيغفلوا عن نقطة مهمة زي دي

يسلمووو

[المسافر]

مشكورة الغالية نور العيون على مداخلتك . . . وبصراحة أنا ما أتخيلت أنه في ( واحدة ) ممكن تشارك في مثل هذه الموضوع . . وده دليل على إنك ( رشيفة ) .

وتحياتي

[المسافر]

عزيزي كاتم الأحزان . . . مشكور على المداخلة والحمد لله لقيت واحد واقف معاي . . . وكما قلت هم فعلاً متعلمات بس في مجالهم فقط .

ولك كل تقدير

[سواااح]

عزيزي المسافر

الامر لا يرتبط بعقلية المراة السودانية
علي وجه الخصوص بل يشمل
المراة العربية عموما ..
مع علم الجميع بخطورة السمنة
والتهديد الذي تشكله علي الصحة

دمــــــــــــــــــــــــــت ،،

[DANY]

مش احسن ما يجيبوا ليك واحده معصعصه ايها المسافر!!!!!

[Bet-alsudan]

كلامك صحيح ولكن ده ما يعني التخلي عن العادات والتقاليد لانو دي عادات وتقاليد بلادي انا كييييف اتخلى عنها وما اعمل بيها؟؟!!؟!؟ ... ممكن اني اصلح بعض المفاهيم عند عقليات ناس السودان وخصوصا الكبار في السن بس ما اكتر من كده ... ولكن كلامك من ناحية علمية صحيييح 100%

[مزوني]

والله ماشاءالله كل رد أحسن من التاني يا المسافر

وشفت انا معاك انت ومع كاتم وسواح وبنت السودان ........< -:)

وكلو كلام في الصميم وانت يا داني لقيتك مباااااااااااالغه ههههههههههههههههه

وسلمت يا المسافر وتقبل تحياتي

[بنت الرفاعي]

أولا:شكرا موضوعك جميا جدا.
تانيا: يا المسافر مفروض ماتجمع لأنو التطور وصل السودان وفي بنات ونسوان بفتشوا على الرشاقة
وبعدين الجملة الأخيرة دي فيها نوع من الإغاظة للبنات لأنو ده معناهو انو بنات بلدكم مابيعجبوكم مع انو انتو بتفضلوا البنت والمرة الصحته كويسة ,وده ما معناهو انو كلامك غلط بالعكس عندك معلومات علمية صحيحة ومفروض فعلا النسوان يتوعوا من الناحية دي مش كناحية جمالية بل كناحية طبية يمكن تقنعهم أكتر.

[شاكسس]

ههههههههه
والله يا المسافر درت الجلد ساى

ربنا يعينك


تحياتى،،

[المسافر]

الامر لا يرتبط بعقلية المراة السودانية
علي وجه الخصوص بل يشمل
المراة العربية عموما ..
مع علم الجميع بخطورة السمنة
والتهديد الذي تشكله علي الصحة


بداية لك التحية والتقدير العزيز سوااااح . . .
وبالفعل مرتبطة السمنة ببعض الدول العربية وخصوصاً الأفريقية . . . وده دليل على مدى تخلف تلك المناطق .

وسلمت

[المسافر]

العزيز / داني

كل تقدير وإحترام على المرور والمداخلة . . . وبصراحة أنا شايف المعصعصة دي حتكون أكثر نشاطاً وهمة . . . وهو المطلوب .

ودمــت

[المسافر]

العزيزة / بنت السودان

دمتِ وسلمتِ على المرور والمداخلة . . . وطالما العادة كانت سيئة ومضرة فلماذا لا نتركها وخصوصاً إن هذه العادة ليست مستمدة من تشريع مثلاً .

[المسافر]

يدك ألف عافية الغالي مزوني

وطالما المشرف معانا . . . بعد كده الواحد ممكن يتكلم بعين قوية

وتسلم

[المسافر]

الأخت الغالية / مرام

لكِ التحية والتقدير على مرورك ومشاركتك

بداية لولا إعتزازي ( ببنت بلدي ) لما أثرت الموضوع وده دليل أيضاً للإهتمام بها لأن بها أشياء كثيرة جميلة يندر أن تتوفر في غيرهم ، وأتمنى أن أراها في أعلى المراتب رشاقاً وجمالاً وفهماً . . . وأعلم تماماً إن هنالك كثير منهن يقومن بأدوارهن بشكل ممتاز وأكثر رشاقة .

أما بخصوص الإيقاظة فلكِ العتبى حتى ترضي وأنا لم أقصد ذلك بالتحديد إنما قصدت دافعاً للإهتمام بالرشاقة . . . وبكرر إعتزاري يا مرام .

ودمتِ

[المسافر]

الغالي شاكسس

مشكور على مداخلتك ولفت نظرك لي . . . بس ما تتجابن وتخليني براي !!!

وسلمت

[Madanawi]

المسافر تحية عطرة لموضوعك الذيذ دا وأود أن أضيف ان الثقافة الصحية تكاد تكون معدومة في السودان والكثير من دول العالم حتى المتقدمة منها وأنا شاهدت العديد من البرامج الأمريكية التي تستضيف أشخاص تصل أوزانهم الى أكثر من مائتي كيلجرام، لذلك الثقافة الصحية مطلوبة والمقدرة المالية عامل مهم حتى يستطيع الكثير من الناس توفير وجبات غذائية متعددة وصحية وبحساب السعرات الحرارية المطلوبة يومياً والكاربوهيدريتات وتجنب الوجبات السلبية وأخص بالذكر هنا الوجبات السريعة فهي من أهم العوامل التي تؤثر سلباً على صحة الانسان إذ اننا لا نعلم كم مرة استخدم نفس الزيت لعمل البيرجر أ واللحوم والفراخ المقلية بل وحتى الطعمية،،،،،،،،،،،،،،،،

على العموم المثل الشعبي بيقول :

الرشــــــــــــــــــــــــــاقة كتلت إشــــــــــــــــــــــــــراقة

ولا ما كدا يا بنات حـــــــــــــــــــــــــــــــــــــــــــــــــ ــواء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المسافر]

تسلم يا مدناوي على مرورك ومشاركتك اللطيفة . . . وبصراحة في السودان تحديداً يندر ما تجد واحدة مهتمية بهذا الأمر وطبعاً ذي ما قلت لقلة الثقافة العامة لدينا وبصراحة أكثر الواحدة لما تكون ذات قوام جميل ورشيقة تشد الواحد من أول نظرة وكمان عندي نظرية ثانية أنو الواحدة كلما كانت سمينة بتكون ظريفة والعكس صحيح . . . أتمنى أكون غلطان عشان من يحدث تناقض في الموضوع !!!!

ودمـت