المساعد الشخصي الرقمي

مشاهدة النسخة كاملة : (.................ش...................)


محمد ابوعاقلة
06-12-2006, 07:27 PM
الوقوف في محطات ... لا تعتمد اللافته أحد مكوناتها الرئيسية علي الأقل من حيث المبدأ ... أو أن ميلان الزنك لم يكن بالطريقة التي نريد ... هذا إن كانت المحطة جزء من شارع مفقود ... أو قيد الانشاء ... عبورنا نحو الداخل لا يكلف كل هذا العناء ... ربما لا هجرات موسمية ... أو القليل جدا من الفكرة المسممة .. والسخط الذي يلازم انزيم الثورة ضد كل ما هو إرث داخلي لا ينوي الخروج إلا بزفرة مخلفات روحية نتنه تزورنا عند الحاجة ... عندما يكتب القدر روشتة خروجك من عنق الأزمة بوافر البياض ... وكل الطمأنينة .
هنا استل المحارب سيف خاطرة ... ومال يمينا أقصي القلب ... لكي يهترش بطفيليات من ذلك الركن القصي من الروح والذي يقع في ظل الخطر ... خلف الشخير الذي يتطاول علي الأنفاس ويشعرها بالحرج . ولم تكن الخرمجه في اوج عظمتها آنذاك ... لأن واقع الأشياء لا يحتمل أي تكوين جديد لخلايا تعرف جيدا انها سوف تنتحر مجرد أن يطأ احساسي بالخوف قشعريرة ما مرت من هنا. فوقفت كل الشعيرات الدموية تسأل عن سر اللهفة . والخيال الذي صدم خاطري بقصد عفوي لا يأبه بتعفن الذاكرة أو انتعاش من كانت بالجوار.
محمد ابوعاقلة
07-12-2006, 04:42 AM
فلذا سوف اتدارك الموقف ... بكل هدوء ... لأن من يغيب عن ذاكرتك مرة .. سوف يغيب مرات ومرات ... ونعزي عدم تمكننا من الاتصال الي مشغوليات حشرنا انفسنا فيها وهي ليست بتلك الدرجة من الأهمية
شاذروان
08-12-2006, 02:23 AM
**ماحصل فارقتو دربك ..عشان كل الدروب مليانة طين
** واكتب لى يا غالى الحروف انشاء الله شيك طاير
محمد ابوعاقلة
08-12-2006, 09:55 AM
**ماحصل فارقتو دربك ..عشان كل الدروب مليانة طين
** واكتب لى يا غالى الحروف انشاء الله شيك طاير

وما حصل دفقت أملي علي سراب ...
وما بحاول يوم أسيب...
اما بخصوص الشيك الطاير ... جاري اصلاح بعض العطب الذي ألم بالجناح اللفت ...
في ليلة لم تبك الشمعه طويلا ... ليل الشتاء وحلم خريفي مخضر ... زي خاطرك الحلو
محمد ابوعاقلة
09-12-2006, 06:46 PM
وعندما لم يكتمل نصاب الشوق ... ادركت أن حس اللغة بدأ في العد التنازلي ... احتياجنا لكمة تصحيك من أي غيبوبة عرضية في غاية الأهمية وجزء من البهدلة التي تحصل دائما ... كان سجن الهاجس بلا نوافذ أو طعم في حلق السكوت ... المرارة التي توهمنا بأن لا فكاك سوف يأتي حاملا بعض أمنية .. أو جزء من شك قد يستمر طويلا وليس في متناول أيدينا فعل أي شئ في هذا الغياب الذي يسكنني وأنا في أواخر موسم الصهيل ... فالكبوة بت كلب ... واستمرارية التواصل حل لمشكلة الفراق ... ربما حل مؤقت ريثما تسكت حناجرنا التي ابتلت بدمعة قديمة لا زال أثر البلل يسكن في نفس المنطقة وبوتيرة تتزايد كلما داهمني الشعور.
شاذروان
10-12-2006, 03:35 AM
وعندما لم يكتمل نصاب الشوق ... ادركت أن حس اللغة بدأ في العد التنازلي ... احتياجنا لكمة تصحيك من أي غيبوبة عرضية في غاية الأهمية وجزء من البهدلة التي تحصل دائما ... كان سجن الهاجس بلا نوافذ أو طعم في حلق السكوت ... المرارة التي توهمنا بأن لا فكاك سوف يأتي حاملا بعض أمنية .. أو جزء من شك قد يستمر طويلا وليس في متناول أيدينا فعل أي شئ في هذا الغياب الذي يسكنني وأنا في أواخر موسم الصهيل ... فالكبوة بت كلب ... واستمرارية التواصل حل لمشكلة الفراق ... ربما حل مؤقت ريثما تسكت حناجرنا التي ابتلت بدمعة قديمة لا زال أثر البلل يسكن في نفس المنطقة وبوتيرة تتزايد كلما داهمني الشعور.

اول مرة تقول ليك كلام صاح يا..... هترشة ....
محمد ابوعاقلة
10-12-2006, 07:49 PM
وعندما يسود منطق البجم مساحة قطرها سحابة (اذا فرضنا انو البجم نوع من الطيور الما بنعرف ليها خرطة) عندها سنكورك فوق راس مدينة تشبة كثيرا تضاريس الفوضي ... وتنتهج سياسة التخويف الصوتي ببعض اللعلعة ... والجعجعة التي ليست في صالح طبلة في الرأس.
لذا لا تتوقع من ذلك البجم الذي يلفني بجناح في مهب الريح ... ان يسيطر علي الموقف . حتي وإن اتخذ نقاط ضعفي مرحلة عبور سهل ...
يااااااااااااااااااا .... وسوسة الصباح خرف مبكر
احساس انك لايوق بفرض وجود الويكة في جزء من الذاكرة التي تعاني الوحل .... من الذي جعل الويكة مرحلة أخيرة من مراحل تدهور البامية ؟... (مع عدم اختفاء اللايوق) وهل فقدت سعراتها الحرارية بحرارة أشواقنا ...
أم إننا عمدا ننهي تاريخ صلاحية البامية مع سبق الاصرار والترصد ...
احساس انك لايوق ... روشتة لعمر ممحوق ... بين تتشر في شمس او تشرك واحدة في عز الشمس ... او عندما يكون الطايوق مزنوق ...
حينها ستكون الكلمة سيدة الموقف بجدارة ... احساسك بالنشاف او كلايوق مضغوط نفسيا بفعل الكلمة النشطة والمسام المحموم بزوابع الحس الذي راود هطولي ... مذ جئت حاملا سيفي ورقبة ...
الكلمة تعني انك مزقت ستار السكوت واخترقت حاجز صوتك لأذن تهوي السمع ... أو لأنك في آخر طور من الهذيان الحرج.
كلمة لا تعرف ان موطئ قدمها سوف يكون في وسط الرأس ... أو (سيبك ياخ) ما تهترش ونحن ما شربنا شاي الصباح برائحة أنفاس ...
وعندما يحتضن ألقي كل مسام يصرخ تعال ... سوف اصبغ كل جدران احتشادك بكلمة تخرجني من طوري ... وتحرجني في كل لفة خاطر ... او وجودك يعني لي الكثير عندما يصبح الواقع مراً كقهوة انت سكرها
شنو الجاب سكر القهوة للايوق البامية ... سؤال ...
يحلو التضاد في حضرة من أهوي
هنا ازدادت معدلات نمو الشوق الجارف ... راودني عن نفسي في منعطف لا يخلو من بشتنه واضحه ... يذكرني هذا الصباح بصباح قبل 365 يوما مضت ... كان في كامل الصحة وموفور التشنج بحاجه جمبك ... وانت ساكت.
مرقت علي روحي ... لقيت نفسي معطون من ورا ... وملفوف كتبغ لا يريد المدخن استكمال الكيف مرة واحدة .. وأنا لا اريد ان ينتهي تبغي لكي لا اعتاد التسكع في دواخل رئة ادمنت تدخيني ... عندما كنت خاليا من النيكوتين آنذاك ...
جيب نفس ... هاك نفس ... بس كفاية
فيها حاجه لو بقيت درويش انطط ...
دي بالذات فيها حاجه ...
لو في عافية ... ما بتشوف وشي هنا ... انت عارف انو الكتابة روشتتي المفضلة ... مجرد ما تسكن فيني الهلهلا بسيح في اي حتة بيضاء فاضية ... فسحة عندما اكون في كامل الهندمة... وخرابة عندما يسككني الجن الاحمر وانا لا الوي علي شئ سوي الخروج معافا ... اعمل شنو ... علمني الشوق الهطول ... ياخي حاجه سخيفة انك تكون قاعد قدام شاشة وماوس ... ماوس يطقطق ...
خالد أحمد الصول
11-12-2006, 02:18 AM
و الله يا ولدي بالغت و شذيت
أولا: بالغت لأنك كنت شهابا يلمع فيما وراء الغلاف الغازي تشع و تشع ونحن من غفلتنا لاندري لاننا كنا ندحش النظر في هلال العيد بالاتجاه المعاكس حتي نفوز بجائزة السلطان..
و شذيت: لانك تركب النسمة تطوعها و تسافر بها إينما تحب و غيرك يركب مواصلات المزاد و أم كركابة
حبيبي: لملم ثيابك و أطوي لحافك ننتظرك في الثقافي نفاخر بك قومنا و نحلف بالطلاق عليك لتمد يدك تذوق طعامنا
nasir
11-12-2006, 06:33 AM
.. أو جزء من شك قد يستمر طويلا وليس في متناول أيدينا فعل أي شئ في هذا الغياب الذي يسكنني وأنا في أواخر موسم الصهيل ... فالكبوة بت كلب ... واستمرارية التواصل حل لمشكلة الفراق ...
والله مبالغة عديل
حياك الله
محمد ابوعاقلة
11-12-2006, 09:02 AM
و الله يا ولدي بالغت و شذيت
أولا: بالغت لأنك كنت شهابا يلمع فيما وراء الغلاف الغازي تشع و تشع ونحن من غفلتنا لاندري لاننا كنا ندحش النظر في هلال العيد بالاتجاه المعاكس حتي نفوز بجائزة السلطان..
و شذيت: لانك تركب النسمة تطوعها و تسافر بها إينما تحب و غيرك يركب مواصلات المزاد و أم كركابة
حبيبي: لملم ثيابك و أطوي لحافك ننتظرك في الثقافي نفاخر بك قومنا و نحلف بالطلاق عليك لتمد يدك تذوق طعامنا

مديت يدي ... وفرتقت ضفاير الصباح ... ومشطت المسافة البتفصل بين فروة الراس والحكاية المن سخف ... لقيت الضو كلو زيت ... وغبار كتب علي نفسو الرحيل .. كاسح ... اذا رجفت ضفيرة ...
محل ما تفوت مداين خوف ... والخطوة سالت في كعب المشاوير لون من هزيمة ... او كما يبدو ... آثار علي طين المظنة ... ورحلة في الجوف عندما سكت صوت المغني ... ونامت شمعة في دمعة لسه لينة ... جيتني من وين ناطي لي ... في حلقي باقي كلام ... وفي عيني مساحة من الشوف البيغرق في بركة حلم ... وبركة أمل لسه في الطور المراهق ... او حاجه من ذاك القبيل ... كيف تجيني وانت سايح زي شموع الليل ولوني المسمر في حيطة الضو والمكان اللسه جابني بلا هوية ... سكتك .. ما عرفتها وين بتمشي ... وياتو شارع كان بوديك لي محطة عشم نهايتك ... أي شارع كان بقول لي ... اني عامل زي رصيف ... وحتي شرياني المعتق بالمحنة ... جزء من مجاري الدهشة والدم البنقط في بحر بسرق مسار ... وكانت عقدة الشوق في وحل ... ممحونه زي شرقة مداك يوم ما سأل عن المسافة القدر ما تزيد يزيد الشوق ... او اني القاك خط مستقيم في ضلع أعوج ... اذا كان الضلع الأعوج سبب رئيسي في كمية النزيف ... او جرح مستني اعلان تدشين ...
محمد ابوعاقلة
13-12-2006, 08:26 PM
.. أو جزء من شك قد يستمر طويلا وليس في متناول أيدينا فعل أي شئ في هذا الغياب الذي يسكنني وأنا في أواخر موسم الصهيل ... فالكبوة بت كلب ... واستمرارية التواصل حل لمشكلة الفراق ...
والله مبالغة عديل
حياك الله

ناصر ... المبالغة في انك تكون مستقيم وحبيبتك من ضلع أعوج ... وما بتقدر تعمل اي حاجه غير انك ترضي بالواقع البستفز فينا كل صباح ...
محمد ابوعاقلة
17-12-2006, 10:10 AM
اسخف حاجه انك ما تترك اي أثر في أي مسام حايم ... اذا قاصد يتلفت او لا
وعندما طفش ... كان شائل في يدو اليمين مطوة وجرح ... وشاش غشاش ... طز في اي حاجه بتجي ماشه بالليل علي طرف اصابع ... وشهوة بايته ... ماكان ويحيح الروح طلع في شكل هوا حار
محمد ابوعاقلة
17-12-2006, 10:17 AM
لملم خواطرك في طرف لهفه وامش ...
ما تقيف اذا فترت رُكب بين نزيف أو نزوه عابره علي رصيفك وانتظر ...
تقطع طيوفك قبل شوفك ومن بعيد ...
سلم علي الوجه البياخد من ملامحك ومشتهيك ...
يا قشه في تيار ممدد من غرق ...
انا ظني فيك ... انك تنوم في شاطئ بِستناك تجي ...
جاي والشوق المطفح مال إليك ...
وبكت نهايات موج مكسر في ايديك
بين اصابع وضل ممحن .... خائف عليك
وتعالي في الوقت الفلاني ...
بالجد بعاني من المسافة ... من نسيت عيني فيك
محمد ابوعاقلة
20-12-2006, 04:49 AM
جمبلق ... من غير ما اعاين في اعماق شرقت من بقة حنان ... حنان كان فايض ... بنز مع العرق ... وكان منديل الشوق مساج ... بلي ريقك واديني اقش باقي الشوق الطلع زيتي ... كانت الاعماق بتنده عن ولف غائب ... بالأحري كان مستور وبتدسدس في شوية غربة ... وبخجل من وسيلة اتصال مناسبة ... حسيت بالرمشة البتطلع وتنزل في خمسه يوم ... اجتياح شتوي لروح غِمرت من زمهرير ساكن في شريانك ... ومبلول ... عصب مشدود وبترتح ... قسمة ما بتقبل اقسما علي نفسي ... وحاصل الضرب مجرد أمنية ما لقت حظها من يوم عرفت الأماني ... ودقشت ذات مره خيال محبب ... كل مرة بفاجئني بقحه او خروج عن المألوف اذا كان الكلام عن الصحة مجرد (مافي عوجة) كلنا بنحلم بعدم العوجه ... والمشكلة في الهيكل الحايم بينا لأي محطة ... أو والوقوف في الممنوع بتصريح مسبق ... الشمس كل مرة تلكز فيني (يا زول هاي .. صلّح ضلك) وانا اتلفت عندما احس إني اخطبوط وعندي تمانية ضلله ... كلهم بتوقيت زوالي وماشين في ضريسه ... منهم من قضي نحبه .. ومنهم من ينتظر ضريسه جديدة ... كل واحد بلون مختلف ونكهة خاصة وطعم لا يخلو من السكر ... اذا كانت الموية مخصصة لحمام زاجل او راحل فر ... لي وين ... ما معروف ... دائما كان بختار الغصن المائل ... وصفيحة مايلة ... وحالة مايله ... وتوقيت غريب ما عندو اي حسب ... لمتين تسرق مننا لحظة شوف ونحن تائهين وبنفتش عن واحة ... والغريبة انو ضلك بقطع النيل من غير بلل ... ياااااااااااااا ... الغربة ناشفة وما بتتبلع ... اذا حاولت ابلعا، عسر هضم ... واذا خليتا بجوع في كبت ... يا انا اسكت والحرية تفرهد ... او اتكلم وتبقي الغربة من الكائنات الميتة البمشي في جنازتا يوميا...
محمد ابوعاقلة
26-12-2006, 02:59 AM
وتبرجت لغتي ... كما الدواخل حين اشتهيتك بطعم لا يخلو من بلعك ... كيف لا ... وانت تسكنين في عصب الحروف وفي طرف اللسان ... شتيمة ضد أي واقع سخيف ... ونمط حقير بسف في تراب الروتين كل يوم ... لا تخلعي هذا الصدق الذي يلفك ... ويرمي بي بعيدا حيث الأماكن العامة ... والشوق المشع ... لا تقتربي أكثر ... خصوصا في موسم المسام النشط ... والتار الذي يبحث عن فضيلة ... يحبها أكثر ... ويشعللها أكثر ... حتي الدم ...
خوضي في معتركي الصعيب ... فأنت الوردة التي تصنع عبيرها لصالح أنف واحد .. رغم أنفي أحيانا او عندما تكون الحاجات في (حيص بيص) ترين ما الذي يجذبني نحوك أكثر أيتها البت القامة.
محمد ابوعاقلة
27-12-2006, 09:25 PM
ستفت كل الشوق ...في قليبين وحيلة ... ولفتين شارع ... وحتي الملايات نفضتها ... ما وقع منها إلا باقي حلم ... حلم من قعر الواطة ما قام ... يقوم كيف والسماد فرقة ... والمويه من عرق التوتر وماشه لي مصبات النزيف ... فما نخرت سبلوقتك الواطه ولا فرح الطريق يوم ما جيت بعند بيتكم ... الشوق كان بزيدني طول ... يزيد الشوق ... يقل مدماك من الحيطة ... يزيد الطول ... يشق عمق النظر طوبه ... دخلتك وانت بتفلي المشط ... وقدامك مرايا... وفي وشك شكل مطبوع علي وشك ... شوق وشين .. في قلبين .. ولفتين شارع ... خفت من المرايا تبوس عويناتك ... خفت من المشط يسرق ضفيرة ونص ... وكانت تنيت الرقبه بتنز بالانوثة ... كنت واقف ... وكنت خايف تدركيني ... لو كورك الرقراق ... او إتفتح نفاج دواخلي علي وريد اللهفة فيك ..يا سكت كل الغنا ... يا نبح كلب الشوارع فيني يوم ما لمستك بالغلط ... كداري والشوارع هم ... البال لغم ... اتفجري ... يا ساكنه في حس يومي والخطوة البتحسب كم مشيت والباقي كم ... يا كل كم ... اعذريني اذا سرقتك وكنت ناوي ... اعذريني اذا كتبتك في الغناوي ... اشتليني علي عيونك لو تفرهد بالأماني...

حاولت ابقي ولد حريف
كيف!!! ...
كيف تسكت السبلوقه والموسم خريف
محمد ابوعاقلة
04-01-2007, 01:04 PM
اضحك يا ليل
اضحك بالليل
هديت الـحيل
او انك ناسي ...
طوالي بتنسي ... إننا في آخرك ... في آخر مدار ... وصوت الذاكرة ضعيف ... وكنت بنادي ليك .. من اول خطوة ... وفي نص الدرب ولآخر العمر ...
تتذكري لم فتشت عنك في دواخلك
يوم فتر حيلي ومرقت
يوم لقيتك في محمد وكان محمد في دواخلك
كنت زي عصفور مزرزر في محطة
والمحطة ... وريد وريد
يا عيونك لم تسرح في شرايين المحطة
كنت بشرح ليك حكايتك
انو جواك أي شريان فيني نطه
يا المسوره في فراغ قلبي ومداخلك
حسي بي ... لو حصل فاتك مسارك
واعتمدتك لمبه والشارع ضلام
وفي سيرتك ...
ضحك ليلي
محمد ابوعاقلة
06-01-2007, 09:14 AM
السماء عطشان ... والسحابات تشبه الريق المدسدس في ناصية من ساحة حلق ... كوركنا كواريك ناشفة وكان الاحساس لسه لين ... وحكينا عن الولف ... ويييييين لم كان الولف قتال ... والدمعة بتسبق سلامنا الحار ... وقدر ما كتمنا كمية الشوق ... لقينا السحاب فاتح للشمس الف شارع وساحة كبيرة مجهزة بالفضيحة وحاجه بتشبه ضل وهمي كان واقف وبس ... من غير اي تطلعات او خطوتين تقينا من رماضا بتشوشو كل الخطوة ومساحة لا بأس بها اذا افترضنا انو تحقيق احلامك بتم في خطوة ونص او تكون وريث غير مناسب في وقت شال الزمن اغلي ما نملك ... كم كانت المساحات همباته وفي يدنا حلم ... مشروع حلم بغيمه نضيفة ونسمه تمسح من الجبين عرق التوتر والسخف زي تلتوار ما فيهو أي موقف مؤقت او قارب نجاة .
انا ما بعرف حكاية الاسماء المستعارة ... مستعارة يعني ما حقتك .. ولا اسمك ... امكن كلمة ملخبطة او مستلفة من اي قاموس ... علي كل حال امكن تصل كلمتك او ما تصل ... تصل كيف واي حاجة بقت كسيحة او فيها حاجه زي كدا ... ابو القدح هد فينا ونحن ما جايبين خبر ... واهي الحياة ماشه ... مرات تقيف بيك في حته تافهة ومرات تعدي بيك من أحلي حته ... تفوتك ابتسامتين كان مفروض تعيش فيهم ولو ابتسامة واحدة ... وتعدي زي الأيام وعمرك محسوب ... اي لحظة تمر بتقربنا من الموت ... واي لحظة تطش منك كأنك ماسك علي جمر الزمن واقف ... واقف تعمل شنو .. ياخي اتحرك لو بقي في الحيل حبة تقومك ... او حبة تموت بيها وانت عزيز ....
محمد ابوعاقلة
13-01-2007, 06:04 AM
أمرق امشي وين؟ ما عارف ... امرق من روحي ... امشي هناك ... مصير وسخف ... وتكتب في دفتر الأحوال عن الهروب البنخر في حيطان وحده ... وكمين أف بتطلع بعفويه لأبعد حد ... كل الحصل كان مكتف ... ليه ما يكون ... لازم يحصل كده عشان القلب يبكي ... والمعاناة تستمر غصباً عن أي حاجه تافهة بنشوفا في اليوم الف مره ... اذا كان حايمه في دواخل زول أو بتترك أثر في اي حدقة اتعلمت تشوف الغلط كل يوم ومافي شي بمنعا الا العمي او عندما تغيب شمس العصرية ... كل التوهان والجري ورا سراب ... من أجل متعه زايفه أو حقيقية ... امكن الموضوع عبارة عن خدعة بني آدم ... مجرد ما يعيش في سعادة ... بنسي أي إبداع أو إحساس بطعم الحياة. للأسف ..ما شغالين بزئبق الجوانا ... في كل الظروف هياكل بتمشي ... وين .. أي سكه .. أو أي سرير فاضي في يوم من الأيام كان شائل وسخنا .. وشاف كل أحلامنا ونحن مفتحين .. المسألة ما كانت يقظه والسلام .. ولا العين كانت بتتمني تشوف صعاب .. بس الحياة كانت كده .. ليل طويل ... ونهار ملخبط .. زحمة وناس وكواريك .. ومواصلات ممله .. ما بتستمع فيها حتي بقراية عمود واحد بحبر باهت وفكره سياسية وسخانه ... او واحد كضاب كان بكتب عن الثورة .. نفس شباك الحافلة اليومي ... مناظر كشريط فيديو ... بتتعاد كل يوم ... عزاي انو الهوا بغير شكل الشدر كم سنتميتر او ينفض جلاليب الناس الواقفه ومنتظرا قدر... كل الحاجات كانت بتوحي برتابه، بتسرق كل يوم امنية ... وتجهض في اي لحظه بداية حلم ... ما كان المصير معروف .. ولا النهايات كانت مرتبه مسبقا .. سخف اننا نسند ضهرنا في الماضي ... نلوك في مجد ما حنشوفو الا في كتاب تاريخ ... ولا احساسنا كان مجرد انك تعايش وضع ... او تبصق علي وش هزيمة .. وكل رموز الطيبه بدت تتلاشي .. مجرد ما ظهرت القروش مكتوبه في ورق وتستلما من أي شباك معتمد ... ونص العمر بضيع في انتظارك لموعد او قعدة سكر عشان النص التاني من العمر يتنسف ... وفي آخر يوم من حياتك .. لو قعدت مع الزول الجواك وسألتو .. طلعت بشنو؟ مع منو؟ لي منو ... مع اننا كنا عارفين ما كل حاجه بتحقق بجرة قلم .. ولا كل أمل يساوي تحقيق ... تطلعات لو كانت اكتر من اللازم مشكله ... ولو كانت مافي، مشكلة اكبر ... وانك تتعايش مع متغيرات كتيره ضغط نفسي ... اذا كان زئبق الروح جامد مدي الحياة ... وفي كتير من الأحيان بتطلع توقعاتنا ردة فعل في وكت غير مناسب ... او الوكت غير مناسب لردة الفعل ... ونكتم غيظنا البتكون في جوانا مشروع غدة او تذكرة مجانية لمصحة نفسية. وين الحاجات الكانت بتتفجر ...

وين الزول الممكن يبكي معاك من جووووووووه لمن تحس إنو دموعك طالعه منو ...
شاذروان
13-01-2007, 08:14 AM
ياشيخ تلب انزل كبكب
وارمى الحترب فى الميضنة
فى الباردة تعب لى الحارة تسب
عجمان وعرب فى الميضنة
البس خضرب وادخل قصرب
والحس واشرب فى الميضنة
دى الدنيا تهب شقيش ما تصب
القبلى حرب ....
لى سيدك حب لا تخش ضرب
لى يوسف جب فى الميضنة
دقنا وشنب درويسنا يسوق
تايوتا تكب فى الميضنة
ياشيخ تلب وين الزغلب
الكان تلب
ديل صبحو غرب
ام اضحو جنب فى الميضنة
انزل كبكب وارمى الحترب
فى الميضنة .........
محمد ابوعاقلة
14-01-2007, 07:47 PM
انت عارفه ... انا زهجت من الحال ... كواريك وبس ... واقوم اخلي البوست دا في خبر كان ... ذكري تافهة ... التمني مرتاد سجون.
اميمه عشريه
17-01-2007, 12:25 PM
كدي يا ابو عاقله خليك عاقل كدي وبراحه براحه من غير اي شوشره جيب كلامك ده وتعال لي بهناك بهدوؤؤؤؤؤؤؤؤؤؤ هسسسسسسسسس:D سسسسسسسسس:D سسسسس
محمد ابوعاقلة
10-02-2007, 08:34 AM
كدي يا ابو عاقله خليك عاقل كدي وبراحه براحه من غير اي شوشره جيب كلامك ده وتعال لي بهناك بهدوؤؤؤؤؤؤؤؤؤؤ هسسسسسسسسس:D سسسسسسسسس:D سسسسس

هناك وين؟
الثقافي ...
سوري
كلامي اجتماعي ...
محمد ابوعاقلة
10-02-2007, 08:38 AM
تتذكري ...يوم جيت من سفر ... دافرني شوق ... منتظره في الخاطر كلام ... ورشحتي حضنك يسجن الفرح المسافر في غيوم الشوق سنين ... كانت رسائلك مرهم الغربة البمسح بيها صبرا كان بقيف علي فد رجل مستعجلك ... كان رديفي الهم وخوف علي فد سرج ... الغربة فينا ابو القدح مولوده في عز الصهيل ... مولوده والموسم حصاد كل السطور من واطه فيك ... ما تلومي محراتي المصدي اذا حرن في حته من جسدك ورم ... يا لابسه احساسي وغريزتك (فوق ركبتك) لي حاسه في فصل الشتا ... دفيني لمممن تسيح حروفي علي المسام خطأ منطقي ... أعد المحاوله من جديد ... ختيت حلاوتك في الحروف نقطة عسل ... خطأ مطبعي ... ذوبتي من جسدي الجليد ... وفتحتي طاقتين من فعل نشوة وعوالم تنتفض جرة ألم ... يا أعد!! يا قلم ... خليني في الواقع غيور وانا بردفك أباجوره والليل انقسم ... نص في السرير والتاني حالف يبقي حلما صاحي يلفاك يا صباح ...ما كان في داعي!! تظبط منبهك آخر الليل للكلام ... يا انت يا المليان كلام ...ما بوعدك والذكريات غيبوبة في واقع تعيس ... يا ترعة من نيل للجداول والمساحات والسراب ... يا واقفه في بور الخطاوي الصادة في مشهد حزين ... راجعة خديك لون غروب ... مكسوفه والخاطر مكسر في قفاك ... خميتو للزمن البجيبك صدفه في الكبري البتعبر منو دقاقة هواك ... عبيني للفقرا المساكين قوت وحب ... قرقري القصب النشف زمبارة للصوت النشاز.. مقطوعة للطير البنقد في الأمل آخر العصاري‎ ... وارمي شوال للبجيك عابر سبيل أو الذين يسألون عني (إجحافا) عربون مودة استعصت علي لم كنت مشغول بيك وبس .

يا بت ... حبك مر عليه الحول،
طلعي لي زكاتو ...
محمد ابوعاقلة
10-03-2007, 09:28 AM
مسجون في خط مجنون ... اوله في كعب الخطوة ... أصغر من قعر الكون ... ضيق بشكل فظيع ... أحلام في مليمتر منسي قصاد شباك الريح الجابت عطرك لي نخرة زول عندو حساسية ... وهاك يا بوح ... يا البوخ الطالع من طاقة قلب مكسوف يتكثف في عينيك والهجرة صعيد ... حوّمتك فيني غمامة ورشه ... دعاشك صّر احساس الألفة جواز مختوم من كل الناس ضرورة ملحة ... ونقطي يا ... يا ... انسانة ... تّمري شفاف القلب بالنقطة اليود ... بّلي الناشف من ريق الصمت بالكلمة التهرس ... النظرة الحادة وكِت تغرس ... في شبكية زول احتكرت مشهد ثابت (شدرة صبار ورمال متحركة ... تدفن في واحة مراهقة ... تفتش عن فرصة إنها تحيا ... تحلب في الواطة عشان خيلك تسِند حيلك ... ويصبح فعل الكبوة بسيط) إتنفض واصل ... مجهودك فردي ... رُشَاشِك فّج رحيل الرملة ليان ... آثار إترسمت في وش إنسان ... وشفت عيونك في قلب الطل ...ألوان فنان بتفوح بالفل ... أتلقاها مجاري وصهريج ... للزمن الجاري بلا رجلين ... للذكري الختت يدها في خدين ... محنه وسرحت ... رفعت يدها في وش الغربة ونزلت كف ... حار ومكربن من غيظا بايت في ريكة هم ... مين قال ليكي المجري مسرب وانا كشحت المويه رهاب ... مين جاب ليكي وشاية تنقط في زنكي الراس جوطه وازعاج ... وخلاكي تكركبي في مخي صاموله وحلجت ... بوادر أزمة ... بَنشر صوتك في حزن عميق ... وانا ضميتك رقعة نار ... منفاخ من نفس دعاشك وريحة حيط مبلول ... يا وحلانة في طين البال ... وملككه جوه شوارع الروح ... انا سميتك حرية ... تطلعي زي ما تحب عينيك مشوار عصريه ... تدخلي نص الليل صياده ونبله ... حجرك بوسه وقبله ... وطاااااخ ... فرتقتي أيادي ... أصوات بتنادي ... حنجرة بلعت كل الآه وخِنقت ... كباية ريق (انا مضايق ما بتتخيلي كيف) ... دافر موج النشوة سواحلك ... سدرك قيف ... شعرك لبلاب الليل الدافن قيفك ... صوتك بابور الليستر يشفط باقي النشوة الضاجه دفاق ... حتي الشدر النائم صَفّق ... لون الليل شفاف ولزج ... ممزوج بالنور الفي خديك ... نظرة عينيكي فلاش وبرق ... يا بت من ضو ... غرستك إستارتر ! ولعي لمبه ناصية وشارع وغرف القلب ... لفيني برنسيس ... يربطني لعابك ... وما اتدفق الا دواخلك سلطان الكيف ... اتشوشو وانا بتأهب أدخل جوه مساحة روح ... نيكوتينة ريد ... قطران للسوط البتمايل تهدي ...د وغنج يمحط كل الفرقة ... يفنس ضهر الغربه شمال وشرق ... اشفطي ماتخلي الريح تفضحني معاك ...
جيفارا
11-03-2007, 04:51 AM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
محمد ابوعاقلة
31-03-2007, 07:08 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

.....
?
.....
اميمه عشريه
02-04-2007, 03:42 PM
لسه يا ابو عاقله ما غيرت رأيك ...:confused: ...؟؟؟؟؟؟؟
محمد ابوعاقلة
17-04-2007, 10:49 PM
لسه يا ابو عاقله ما غيرت رأيك ...:confused: ...؟؟؟؟؟؟؟

ما بحب الجهجهة ...
إن ضاقت عليك ... فجها
أمرق علي روحك اذا كان الخروج واجب ... الخروج في سبيل زيرين وكوز
الكوز مربوط في شدرة ... الشدرة القايمة في آخر الشارع ... الشدرة بتفتح ناصية ... الناصية نهاية حيطتنا ... الحيطة تعاين بالجمبة ... في الجمبة شفوت وحرامية ... منتظرين الحيطة تصنقر في مطرة ... المطرة تنقط شكشاكة .. وتسل الروح ... وكان همباتي الشارع واقف ... تاكل نفسو علي عكاز ...نهر الشفع بالكوراك ... قامو الشفع فكو البيرق ... كان البيرق فوق الحيطة علم السودان ... اتبلبل ودنقر من شكشاكة ... ياهوي يا ناس ... همباتي الحلة القاعد تحت الشدرة قاليكم اسكتو ... خلوني اكمل بكري البن ونشوف الراي ... الراي الواحد ... وكب التاني ... فنجانك واحد ... والتالت كان تفل البن حاتل في شرقرق ... استغرق زي عشرة دقايق ... والراي كان واحد ... ما مسدود راس لكن الوضع بحتم ذلك ... رسم الهمباتي علي الواطة خطين زي سكة حديد ... واحد بشبه راي الزول الخارج في سبيل زيرين ... والتاني مشيهو علي رجلين ... ما تلف زي مروحة الطربيزة (عندما تنفخ مروحة الطربيزة الهوا للناس وتصدق ... بتشيل من جمبك الهوا وتجيبو ليك تاني (مع انو هواك) يعني ما جات بي حاجة جديدة ... هوا نتيجة فرفرة وكوراك من جيبك ... وانا البدفع التمن ... يا خوي لا تمن ولا حاجه ... كنا قاعدين تحت شدرة الجاب المراوح شنو ... زي الزول البجرجرو فيهو وما داير يقوم ... ياها زااااتا ...

الا اذا كان التاريخ عايز يعيد نفسو ويودينا حلفا الجديدة تاني ... ح الفا
حتكون لمتين جديدة ... ما كفاية .
ابورجاء
19-04-2007, 10:21 PM
الغالي الحبيب الطيب الجميل الرائع محمد ابو عاقلة
عذرا حبيبنا لكن مثل هذه الدرر حرام ان تدفن هنا
فمكانها الطبيعي الثقافي لينهل منها كل زي قلب شفيف
وتكن نبراسا يضئ عتمة الدنيا الكؤد وبسمة املا للذي
فقد الطريق انهاإضاءات وشموع حق ونور لذلك حبيبنا
ارجوا منك السماح لنا بنقلها الى فضاء ارحب واوسع
لتأخذ حقها من المتعة للاحباب .....

تخريمة مع المشاققة :ـــ
اعلم اني قد خربشت لك في هذه الصفحة الجميلة
وكان حري بي ان ارسل لك رسالة في الخاص لكن
دونها ومنعك تلك الخاصية فلك كل العذر واخراها
إنحناءة كبرى تأدبا لا تعبدا لشخصك وقلمك ونبضك
وقلبك الكبير وكن بخيرا دوما صديقي.....

ودوما في رعاية الله وحفظه....
مع كل الود باقة ورد...
المكاشفى
20-04-2007, 04:51 AM
ابوعاقله تسلم حبيبى على كل الكلام الجميل
وماتسمع كلام زول هنا ده بس والزارعنا اللجى يقلعنا
وله يحزف المشاركه والدايرنا اللجينا هنا نحن مابنمش
لى زول ...... وحبيته ابو قجيجه واريتو ابصلعه طاير.
اميمه عشريه
20-04-2007, 08:54 AM
اقسم بالله اهم جابوووو:D ووووووو:D ووووووووك ...
اها شوفي البحلك تاني منو ...
( ما قلنا ليييييييييييك :) )
اميمه عشريه
20-04-2007, 08:56 AM
ابوعاقله تسلم حبيبى على كل الكلام الجميل
وماتسمع كلام زول هنا ده بس والزارعنا اللجى يقلعنا
وله يحزف المشاركه والدايرنا اللجينا هنا نحن مابنمش
لى زول ...... وحبيته ابو قجيجه واريتو ابصلعه طاير.


ما تخليك محضر خير ياااااااااااااخي ليه كده :cool: :D
المكاشفى
20-04-2007, 10:37 PM
لا والله ياممو ماقاصدك انت
ولو عايزه ابو عاقله موش الثقافى
البيت اجيبو لييييك
هيع هيع هيع
محمد ابوعاقلة
21-04-2007, 07:59 AM
الشماتة عطرون الصعوط
قصدي خشم بيوت
والبيوت ما فيها باب
محمد ابوعاقلة
21-04-2007, 08:40 AM
جبتوني هنا !!!
غصبا عني !!!
بالغتو معاي ... فكيتو الشفرة الداخل بيها علي إنسان ... ومارق بيها علي روحي ... حليل الشين البين قوسين ونقاط ... كانوا نقاط تفتيش الروح من عولاق الغربة الدافرة علي وانا ساكت ساي ... اتعودت أخش بالنفاج الفاتح راسي علي نصين ... اتعودت أخش في حتات بتوقع إنها صح ... ما بتخطر بالبال ... زمان لم يكون عندي مزاج اشرب نفسين... بتكل علي حيطة نقطة ... فتلة وربطة ... بزاق يتحاوم في ورقة ... وتبلها ساعة تسرح منك وانت مِقهِي ... وتشفط لمن ريقك ينشف ... فجأة يجيك واحد إريرة ... لابس كاكي مبشتن وفي كرعينو سفنجة ... يطلب منك فكها بس ... ياخ بتبالغ ... هو شنو هو !!! ما بقدر أفكها ليك ياخ اعذرني ... كلها واحدة ... لحدي الآن هو ما عارف أنا بشرب في شنو!!! كان بالزكمة مليس ... وانا خفت يعاديني ... واحسن حاجة انك تعمل رايح ... وتفتح موضوع ما ليهو علاقة ... اسمع يا ... امبارح قبضتو الزول الطفر وسرق البيت الناصية ... قال لي بطل حركات ما تخليني أشمك ... طبعا كان واحد لايوق ... قفل كل شوارع زغبير ... المشكلة خشمو صغير واكبر حاجه شلاليفو ... ما زول شوشاوة ... ونظرو مخستك كلو غشاوة ... قايلني بمصمص في بحاري ... والزول الزاد الهم بله ... بقي كمساري ... وانا سايق وجاري ... بشفط وقايم سداري ... شفط اجباري ... ودخان الحاجة مشتت ... تصدقو انو اللستك بنشر لم اكلت رصيف الفكرة ... ولم فرشت الموعد بكره ... ولازم اعمل لنك جديد ... ماوس وسترة ... وفافرت آخر ينزل بالعنوان مليون بكسل في كل مقاهي الانترنت ... شبكة بتقبض بس سمك الساردين ... ويا صير الدين اسمك مكتوب ما تعمل أمي وانت بتاكل صارقيل الطين. كرفس وشو وقال ... كرعين البقرة ... البقرة بتنطح بي قرنين ... يا زول ما بديك نفسين اسكت ساي خليني الوك الفكرة الدخلت بالنفاج وبعدين نتفاهم ... وانا بتلكك في لايوقك ظهرت فكرة .. ادخل جواك في شكل قرن ... وآآآآح من قرن الشطة ... خلاك تتمطا وانا متكيف لامن ظهرت بطنك ... لا قاش لا ماش ... والعسكري الهرّاش ...طفشني منو دعاش ... خلاني قاعد وماش ....ومرة زي فينيق ... طالع بدون إبريق ... يابس علي الريق ... يا زنقة عمرك كم.
ومرقت زي اطرش وكمان مباري الزفة ... جبتوني من إلفة ... نقرة بتوديني ... ورحولي كان صدفة ... فتشت ما لقيتو ... ياربي غاتس وين ... يا الطفشوك مني ... يا الابعدوك عني ... واحشني كيف بهناك ... كان المكان هادي ... لا شكلة لا كوراك ... يا ش وجوك طاشين ... كانت حكاية زول ... خش بدون أبراك ...
اميمه عشريه
21-04-2007, 02:15 PM
جبتوني هنا !!!
غصبا عني !!!
بالغتو معاي ... فكيتو الشفرة الداخل بيها علي إنسان ... ومارق بيها علي روحي ... حليل الشين البين قوسين ونقاط ... كانوا نقاط تفتيش الروح من عولاق الغربة الدافرة علي وانا ساكت ساي ...





وتقول لي ما نجيبك بجاي ياخي انت بتبالـــغ لكن ..:eek: :D ..
محمد ابوعاقلة
23-04-2007, 08:28 PM
جبتوني وما حسيت بي حاجه ... حتي حمار النوم الهنّق ما صحاني ... كان نومي تقيل زي طاشر طن +
القدرة بتعــلم المشي
العترة بتصلح المشي
وليوم الليلة الاتنين ما وصلو (التقول ماشين في شوق ...)
تاريخ صلاحية الأحلام البايتة قرّب ينتهي ... نطبع رقم جديد ... ونكضب علي روحنا ...
نعمل شنو !!!!
وكان عندكم حبة روّاب ... كبو لي هنا ...
ماعون مقدود مقفول بي قطنة ... ودي في وحل ودي بي خجل (أشحد وزعلان علي روحي)
الما بعرف يتصرف غبي ... ولم نستدر عطف الناس مجرد إحساس بجس نبض بأهميتنا في عيون غريبة في وكت لسه باقي علي الإلفة عشرة محطات ... وخت إحتمال الروح تبنشر في أي لحظة ... ومافي أي طريقة تتنفخ من جديد إلا ونحن ماشين علي هناك ... يوم تتنفخ الصفارة الكبيرة. النسوان كلهن عرايا وما بناخد بالنا ... (في حين قضينا العمر كلو نفتش عن الأماكن اللينة فيهن ... ومن أين تؤكل الكتف) ... بتتشطب فينا الغريزة وتبقي حواء مجرد زميل حشر غير مرغوب فيهو ... هو الفاضي ليها منو .. وهي زاتا تقول الفاضي ليكم منو . عيونا علي الـ pass ونقعد في ضلو ... يوم لا ضل إلا ضلو .
محمد ابوعاقلة
25-04-2007, 08:11 PM
قبل التدشين ...
أمس نمت بدون ما أقصد ... صحاني المنبه بدون ما يقصد ... وقلعت جزمتي ...
بعد التلـــــوين ...
لقيت الحقيقة باهتة وأي حاجة بنعمل فيها تأكيد وجود ... بعدما الله أثبتو من زمان .
إثبات وجـــودك ... اشتراكك في منتدي ...
تأكيد اشتراكك ... تكتب الباسورد مرتين ... (أي زول بتوقع إننا نغلط في أي لحظة) الحتة دي غايظاني غيظ .




يا مشرف :
شيل (الشين) دي برة عليك الله وخت لي مكانا نقطة ...
ان شاء الله نقطة ضعفي الوحيدة كان ما عندك :D ... عشان الواحد يقعد بدون قلق .
محمد ابوعاقلة
29-04-2007, 08:54 PM
لمن تبقي الانثي كيان ... شِبعة وأربعة أركان
جير الجدران ... كل الحيطان
وفي جواي تتعارضي مِرِق
وحتي العود التاكل حيلي المائل
راكوبة تفلتر شمس الساعة اطناشر ضليلة ورقراق
يبقي نداكي بنقط من وردة وأوراق
شميتك ريحة طين ... جواك فيتامين ...
وانا أبلع في ريق الحوجة دِرِب
أنهض ترِرِب ...
القاكي ضجيج الشوق العارم فوضي
وطبعي خِرِب
يا بت ... إنسانك
واقف لسه ومشتاق ليك
محمد ابوعاقلة
05-05-2007, 07:13 AM
أحلي حاجة تجي تلقي نفسك مقلوب مع الصفحة ...
أو الصفحة إتقلبت بيك ...
أو قلبو الصفحة وانت مافي ...
المشكلة تلقي نفسك إتقلبت علي الصفحة البتوجعك ...
وخدر ...
لمممممن يدك تبقي تقيلة وتقع منك وين ما تعرف ...
المرتبة تخنق شرايين صفحتك ...
وتنطبع اشكال كروكية علي خدك عبارة عن ملاية مكرفسة ...
تديك شكل زول نام فترة طويلة ... يصحي يلقي نفسو ما حلمان بأي حاجة ...
نوم وبس ...
أسخف حاجة تنوم وتصحي تلقي نفسك ما حلمان بأي حاجة ....
أهو ضياع زمن والسلام
عثمان إدريس
06-05-2007, 02:16 AM
أسخف حاجة تنوم وتصحي تلقي نفسك ما حلمان بأي حاجة ....
أهو ضياع زمن والسلام



ونحنا متلتلين وراك نجي نضيع في زمنا كل يوم نشوفك بتخرف تقول في شنو :p

وما عندنا أي حل وسط نسوي شنو مسكونين فيك ودايرين لينا فكاك ما لاقيين









الكتاحة :D

شيل واحدة من الكافين وخت لينا بدل الفاء باء وأديها لزة يمكن تدور :D
شاذروان
07-05-2007, 05:10 AM
كتحتنا جنس تكتح ........
كان المكان هادى لاشكله لا كوراك ... وكانت حكاية زول ...
نعترض على نقل البوست لكن خليك مركز ايوة ولا لا ؟؟؟ عشان نبطل تحشر (كسر الحاء)
وحليل الشين البين قوسين ونقاط وانا ساكت سااااى
شاذروان
07-05-2007, 05:14 AM
ما عرفتها يا ودابوعاقلة لسه ؟؟؟ معليش باقى على العرفة عشرة محطات بس ... لوك الصبر مانحن كلنا صااااااابرين
محمد ابوعاقلة
08-05-2007, 07:12 AM
ونحنا متلتلين وراك نجي نضيع في زمنا كل يوم نشوفك بتخرف تقول في شنو :p

وما عندنا أي حل وسط نسوي شنو مسكونين فيك ودايرين لينا فكاك ما لاقيين









الكتاحة :D

شيل واحدة من الكافين وخت لينا بدل الفاء باء وأديها لزة يمكن تدور :D



كان ضيعت زمنك وراي واطاتك اصبحت ...
وهل تعلم إني ربطت كوزي من زمان
ما كوز سبيل ...
كوز عويل ....
والسكلبه بالجقلبه
الــبكا حاصل وتعب المفاصل ...
واتمغيييييييييييت ما قدرت اطول
والبت كعكول
محمد ابوعاقلة
08-05-2007, 07:18 AM
كتحتنا جنس تكتح ........
كان المكان هادى لاشكله لا كوراك ... وكانت حكاية زول ...
نعترض على نقل البوست لكن خليك مركز ايوة ولا لا ؟؟؟ عشان نبطل تحشر (كسر الحاء)
وحليل الشين البين قوسين ونقاط وانا ساكت سااااى

الجيه دي بايعاز من ود ادريس علي ما يبدو !!!!!
والجايات اكتر بما انو ما عندي امل ...
ما تشاؤم ... لكن
الاحتباس الحراري فرض نفسه بقوة في هذه البؤرة الملتهبة
إلا يعملو ليكم كدا حتي تقتنعو ...
شلاليت ...
محمد ابوعاقلة
08-05-2007, 07:22 AM
ما عرفتها يا ودابوعاقلة لسه ؟؟؟ معليش باقى على العرفة عشرة محطات بس ... لوك الصبر مانحن كلنا صااااااابرين


داوي المحطات بالصبر ...
صبرين عند اللزوم ...
أو شحتفة كل تلاتة ساعات ...
علي حسب رغبتي ...
الشفقه مسيطرة علي الموقف ...
وانا زول شليق ...
درويش
08-05-2007, 09:36 AM
سلاما يا زول
من جوه الروح
سلامات تلقاك
وتداوي جروح
سلامات من زات
لي زات الروح
سلامات تلقاك بي وجه صبوح...
قليل ان اقول ما اريد وكثير جدا ما قلت
وافر الشكر
مع امنيات بلقاء متي وكيف شئت

اخوك

الدرويش
درويش
08-05-2007, 09:46 AM
سلاما يا زول
من جوه الروح
سلامات تلقاك
وتداوي جروح
سلامات من زات
لي زات الروح
سلامات تلقاك بي وجه صبوح...
قليل ان اقول ما اريد وكثير جدا ما قلت
وافر الشكر
مع امنيات بلقاء متي وكيف شئت

اخوك

الدرويش
محمد ابوعاقلة
09-05-2007, 06:13 AM
سلاما يا زول
من جوه الروح
سلامات تلقاك
وتداوي جروح
سلامات من زات
لي زات الروح
سلامات تلقاك بي وجه صبوح...
قليل ان اقول ما اريد وكثير جدا ما قلت
وافر الشكر
مع امنيات بلقاء متي وكيف شئت

اخوك

الدرويش


جيتني بعد بكيت علي نفسي مرة ومرتين ...
دامي الخطي وصفر اليدين ..
كنت وين العمر كلو ... كنت وين
وانا في انتظارك من متين
كنت ويييييييييييييييييييييين
ياخ الكلام دا بتاع عاطف خيري وغناه سيف الجامعة ... وقدر ما فتشت للاغنية دي ما لقيتا ..
انا عارف حظي تعيس ... اي حاجة اكون عايزا ما بلقاها ..
وكمان عندي سهو مبالغة ..
الدرويش .. نفحاتك دخلت بيتنا
ازيك يا زول ...
كان حيين بنتلاقي ... بس الخوف من شارع مدني
الشريف الهندي
09-05-2007, 06:30 AM
ياسلاااااااااام عليك يامحمد ياخ ده انت رائع بالجد والسياحه بين سطورك لها طعم آخر
ياسلااااااااااام واعلن من اليوم ادماني لكتاباتك يارائع ... كن بخير وكما اشتهي لك انا
شاذروان
10-05-2007, 04:33 AM
غبيان انا ؟؟!
مسكين انا ؟؟!
.....................
الناس تساسق للمطار وانا غابى فى نوبة الوطن
رفعت اعضاى بالصبر
درويش مشوكشش بالنضر
رقانى سيدى نفر حوار
الدنيا بتناغم على
من جنة
من آخر البحر
ممدودة من باب الجوار
وانا لسه غرققان فى السبر
مدفور ومعصور فى شبر
ممنوع وما داير افر
مطرود وما داير اقر
ساكنى فى الطين الهوى
حفيان ومطعون من ورا
لكنى بس
لى كل هم
لى كل غم
لى كل يم
عندى المراكب والدواء
...............
غبيان انا؟؟!!
شاذروان
10-05-2007, 04:49 AM
آهات زمن الفرقة والانتظار ..
ها قد حجزنا لانفسنا مقعدا معكم لنجلس فى سقف غروب ضائع بين الحقيقة والارتحال .... علينا فقط ان نخرج نفساً عميقاً كلما احتجنا للحياة .....
.
.
.
.
..

.
.
.
.
.
بهناك......
بطل التشاؤم والشلاقة .....
.......بس الصبر......
درويش
12-05-2007, 04:46 AM
امبارح
حاسيك بتساور
وتنقر في طرف الخاطر
فتشت الم من ضي عينيك
لي سفراً ليك ذاد وتزاكر
واحتجت الون بيك الكون
وسراب شاحب
لونو مشاتر ...
البارح حاسيك
بتنقر
وتساور في طرف الخاطر ...

لا اجد غير هذا متمنيا ان ينال الرضي
ويكون عربونا لصداقة اتمناها
ومرحبا بك متي شئت
وكيف .

اخوك

الدرويش
درويش
12-05-2007, 04:50 AM
امبارح
حاسيك بتساور
وتنقر في طرف الخاطر
فتشت الّم من ضي عينيك
لي سفراً ليك ذاد وتزاكر
واحتجت الون بيك الكون
وسراب شاحب
لونو مشاتر ...
البارح حاسيك بتساور
بتنقر
في طرف الخاطر ...

لا اجد غير هذا متمنيا ان ينال الرضي
ويكون عربونا لصداقة اتمناها
ومرحبا بك متي شئت
وكيف .

اخوك

الدرويش
درويش
12-05-2007, 04:52 AM
امبارح
حاسيك بتساور
وتنقر في طرف الخاطر
فتشت الم من ضي عينيك
لي سفراً ليك ذاد وتزاكر
واحتجت الون بيك الكون
وسراب شاحب
لونو مشاتر ...
البارح حاسيك
بتنقر
وتساور في طرف الخاطر ...

لا اجد غير هذا متمنيا ان ينال الرضي
ويكون عربونا لصداقة اتمناها
ومرحبا بك متي شئت
وكيف .

اخوك

الدرويش
محمد ابوعاقلة
12-05-2007, 07:52 AM
ياسلاااااااااام عليك يامحمد ياخ ده انت رائع بالجد والسياحه بين سطورك لها طعم آخر
ياسلااااااااااام واعلن من اليوم ادماني لكتاباتك يارائع ... كن بخير وكما اشتهي لك انا


وجودك دافع يحفز التراخي للرحيل
انتم من يزرعون الألق ...
برغم القلق ...
محمد ابوعاقلة
12-05-2007, 08:02 AM
غبيان انا ؟؟!
مسكين انا ؟؟!
.....................
الناس تساسق للمطار وانا غابى فى نوبة الوطن
رفعت اعضاى بالصبر
درويش مشوكشش بالنضر
رقانى سيدى نفر حوار
الدنيا بتناغم على
من جنة
من آخر البحر
ممدودة من باب الجوار
وانا لسه غرققان فى السبر
مدفور ومعصور فى شبر
ممنوع وما داير افر
مطرود وما داير اقر
ساكنى فى الطين الهوى
حفيان ومطعون من ورا
لكنى بس
لى كل هم
لى كل غم
لى كل يم
عندى المراكب والدواء
...............
غبيان انا؟؟!!

والناس تعاين في اللي راح وخلينا قدامنا الوطن
قاعد علي حافة ضياع
دائش علي بؤرة صراع
غبيان وما ناقص محن
درويش ولالوبة...
درويش ودق نوبة
درويش قلب هوبة
وخل الوطن مبهم
دايرنو يتقسم؟
الناس البدقو الطار
طارين وطيرم طار
طرش الشدر اوكار
هج المكان ود أبرق
قايلين سلامك حار
فتحو المراقص وبار
شافو الخلوق تنشق
والعود زمان قال طق ...
محمد ابوعاقلة
12-05-2007, 08:07 AM
امبارح
حاسيك بتساور
وتنقر في طرف الخاطر
فتشت الم من ضي عينيك
لي سفراً ليك ذاد وتزاكر
واحتجت الون بيك الكون
وسراب شاحب
لونو مشاتر ...
البارح حاسيك
بتنقر
وتساور في طرف الخاطر ...

لا اجد غير هذا متمنيا ان ينال الرضي
ويكون عربونا لصداقة اتمناها
ومرحبا بك متي شئت
وكيف .

اخوك

الدرويش



الخاطر لملم باقي النشوة الفيك اندفقت
وجيتك دافر ...
حسيتك زي ما حسيتني بساور
فتشت مداخل الروح عن ذات الفكرة
في الشباك ما كان في تذاكر ...
أسهل حاجة واصعب حاجة دخولك ساهر
تطلع زي نضفت الفكرة العفنة
وتصبح طاهر ...
تدخل جوه الناس بي نفس المظهر
زي غيمة ونسمة وقلبك ماطر
بتحبك جد ...
ما شوف ومظاهر ...
خليني اساور في طرف الخاطر
او بالمرة اهبش حاجات إتمسحت
محمد ابوعاقلة
12-05-2007, 08:31 AM
ماكنت قايل إني ممكن أسرقك والدنيا ضو ... عز السكوت ... شريان ملولو في الأيادي الماسكة جمر الفرقة نو ... دهست خيولك فكرة عابرة علي طريق... مشيتي وين ... وانا كنت وين ...
واقف علي ناصية عواطف ... كتاحه الشوق والعواصف. لافح صدي ... داخل سُدي ... سارح بدون ساحة ومدي ... جواكي يا نقطة ندي ... وقعت تبل عصب الطريق وحلم ممزق ما فتر يقراكي صم ... حرف أبكم ساكت عليك ... تقريهو او ما تقريهو ما كان مشكلة ... لكن بحس إني بتكلم معاك ... نايمة والليل حاسي بي ... ساكته والشوق ضاجي بي ... حايمه وين ما تكوني أو ما تنومي ... إني بتنفس هواك بنهم شديد .
في حته قاعدين يوم برانا ... في لحظة كان الليل معانا ... جانا حب الناس سوا وانا كنت مليان بيك وبي ... إدفق الحب من عيونك في إيدي في شكل دمعة بتشكي لي ... ما كنت بقدر أهبشك ... ما كنتي لي ... ديني قال ما أهبشك ... وحبي كان ما فيهو شك ... عايزاني تاني أقول شنو ... قلت كل العندي وأكتر ... كنت صادق ... ناس تقول الريد دا دقسة ... وناس تقول لي حبك أشتر .
وكنت واثق إنهم ما قادرين يقولو ... كانو عايشين حب جبان في زول جبان ... كان اهتمامهم بالغريزة وقبلة سخنة من قبل ما يبدوا الكلام ... وكان الكلام زي اي زول ونسه وخلاص ... ومع السلامة باهتة زي كلمة ندامة ... وضياع مقنن في شكل اتنين كضبو ...
الصراحة بتبقي راحة ... لو قلعنا الشــك سوا ...
المناحة بتبقي واحـة ... لو فرشنا الشوق هوي ...
في سكة ما بتعرف رجوع .
محمد ابوعاقلة
25-05-2007, 01:17 PM
سميتك البت التي تسرقني مني في وضح انبهار ... إنزار اذا عز المزار ... مقتولك الزول المدشدش في ودار ... لميني عارفك حاجة مني ... حاجه بتحلي المسار ... حاجه بتخلي الحواس تتشابى ليك ... وانا زي مكتفني الهوي ... حرية تكتب في الشبابيك البراح ... وكان الصباح الببدا من عينيك وشاح ... غطاني ما حسيت بخوف ... رجعني للحتة البتمرقي منها جايه لي ... وانا كنت ماشي عليكي فاجأني المطر ... رحمة للناس البترفع يدها ودقو ناقوس الخطر ... وانا كنت عطشانك براك ... وحلان في انسانك ... ساكن في قيعانك ... وحايمه بي ما قلت شي ... ما نقنق الحس البحوم جواكي لحظة وانفتح باب للضجيج ... رجي روحك لو غفيت او داهم الشوق المبيت ... أو حتل بالمرة مخنوق من ظروف الغربة الشارع زحام ... وانتي عارفه صعوبة اللقمة الحلال ... خلتني أخرت السؤال والمشاعر واقفه صف ... الدموع النازله ما قدرت تجف ... الايادي الرافعة دعوة بتترجف
شاذروان
28-05-2007, 04:10 AM
هكذا تلطمنا الصور الفاجعة على طول ارصفة المأساة ويصبح الجفاف رمزا لكل الاشياء الغائبة ... ويزداد طعم العلقم مرارة فى حلوقنا حتى نجد فرحة حقيقية تزغرد فى اعماقنا حينما يسقط المطر ... وحينما ترتفع اصوات الحرية وتدق اجراس الحياة من جديد ..........
هكذا اصبحت الحياة .... دائما فى انتظار الجديد ولا جديد....
.
.
.
.
بهناك......
انت ما عاجباك البلد دى ولا شنو؟؟؟ الكتاحة بتاعتك ماشديدة !!
محمد ابوعاقلة
28-05-2007, 09:51 PM
هكذا تلطمنا الصور الفاجعة على طول ارصفة المأساة ويصبح الجفاف رمزا لكل الاشياء الغائبة ... ويزداد طعم العلقم مرارة فى حلوقنا حتى نجد فرحة حقيقية تزغرد فى اعماقنا حينما يسقط المطر ... وحينما ترتفع اصوات الحرية وتدق اجراس الحياة من جديد ..........
هكذا اصبحت الحياة .... دائما فى انتظار الجديد ولا جديد....
.
.
.
.
بهناك......
انت ما عاجباك البلد دى ولا شنو؟؟؟ الكتاحة بتاعتك ماشديدة !!


انا الداقش شوارع فاضية وادليت محطة مافي.
وما ارتاحت مخالي الشوق ... مشتحه والسفر ضهرين ...
وانا الواقف علي رجلين ... ملكك طيني من دمعة
مخدّر في الهوي الماشي .. مودر روحي في شارعين
شارع تاني برجع بي ... وشارع فرعي من همين
ولسه الناس بتنده ليّ بي اسمين
اسم ساكت..
لحدي الآن
.
.
.
ولسه عندي أمل بطنو طامة
.
.
.

بهناك
قطرة الندي لا تصمد كثيراً في جفاف الأشياء
هكذا قال لي : احساسي السخيف
ثم مضي يلوي في خشمو
عثمان إدريس
29-05-2007, 12:05 AM
الجيه دي بايعاز من ود ادريس علي ما يبدو !!!!!
والجايات اكتر بما انو ما عندي امل ...
ما تشاؤم ... لكن
الاحتباس الحراري فرض نفسه بقوة في هذه البؤرة الملتهبة
إلا يعملو ليكم كدا حتي تقتنعو ...
شلاليت ...


صباحك صافي يا رايق ... :D

ليس بإيعاز منى ولا يحزنون !! نعم أعرفها .. ولكني لا أملي عليها ما تكتب ولا أين تكتب ولا متى تكتب ..!


كن مبدعاً كما أنت .. عزيزي .. محمد .. وإن كنا نريدك أن تعيد فتح ملف قديم نطمع في نقاشه

بحرية و بعمق أكثر فهل لنا ذلك ..!

دمت بود ..
عثمان إدريس
29-05-2007, 12:33 AM
بهناك
قطرة الندي لا تصمد كثيراً في جفاف الأشياء
هكذا قال لي : احساسي السخيف
ثم مضي يلوي في خشمو


حبيبنا حاول إعتبرها X وأبدع علي ذلك عشان ما تشغلك أكثر .. أي نعم هي مشاركة

هناك ولكن أغلب حضورها هنالك أقرب منه للمتاوقة من المشاركة بديل محدودية

مشاركاتها .. فهي في طور النشاط و ليس التميز .. ;) كن بخير ..!









نتابع بشغف .. منقطع النظير .. وأحيانا تجدنا مرينا من غير قولة سلام .. ليس جفاً ولكن ...
محمد ابوعاقلة
29-05-2007, 09:05 AM
وإن كنا نريدك أن تعيد فتح ملف قديم نطمع في نقاشه

بحرية و بعمق أكثر فهل لنا ذلك ..!

دمت بود ..[/color][/size][/font][/center]

الملفات العندها حمي كتيرة...
فأي ملاريا تقصد ...
ايحاء أو بترصد

إني بوادي كلو مسخن
وبرد نفسك
محمد ابوعاقلة
29-05-2007, 09:08 AM
90 و 117
ما فرق كبير عشان نقول محدودية
دي آخر مرة اتطرق للموضوع دا
وانت عارف انو ما عندي موضوع من زماااااااان
دمت لي
شاذروان
30-05-2007, 03:47 AM
90 و 117
ما فرق كبير عشان نقول محدودية
دي آخر مرة اتطرق للموضوع دا
وانت عارف انو ما عندي موضوع من زماااااااان
دمت لي

والله مافرقت يا ودابوعاقلة .........
(طول بالك........)
ودمدنى ..... ماعندى اى موضوع ........!!!!!
شاذروان
30-05-2007, 03:59 AM
حبيبنا حاول إعتبرها X وأبدع علي ذلك عشان ما تشغلك أكثر .. أي نعم هي مشاركة

هناك ولكن أغلب حضورها هنالك أقرب منه للمتاوقة من المشاركة بديل محدودية

مشاركاتها .. فهي في طور النشاط و ليس التميز .. ;) كن بخير ..!

والله ياودإدريس المتاوقة دى ما مقصودة لكن الجهاز بتاعى عندو مشكلة مع (حب النيل ) ماعارفة ليه ؟؟ كتير ما بدخل معاى ولما يظبط معاى بيطلع طوالى ... لكنى مرات كتيرة بكون متابعة وبشغف....

.
.

ويا ود ابوعاقلة X أو Z برضو مافرقت .....(برد نفسك)






نتابع بشغف .. منقطع النظير .. وأحيانا تجدنا مرينا من غير قولة سلام .. ليس جفاً ولكن ...

ومتابعييييييييييين ‍‍‍‍‍‍‍‍....
عثمان إدريس
31-05-2007, 01:20 AM
الملفات العندها حمي كتيرة...
فأي ملاريا تقصد ...



ملف النيلين ..!
محمد ابوعاقلة
02-06-2007, 05:36 AM
والله مافرقت يا ودابوعاقلة .........
(طول بالك........)
ودمدنى ..... ماعندى اى موضوع ........!!!!!

خلاص خشي في الموضوع ... ونحن وراك ...
محمد ابوعاقلة
02-06-2007, 05:37 AM
ملف النيلين ..!

النيلين!!!!

الجامعة ولا المنتدي ...
الأزرق ولا الأبيض ؟
عثمان إدريس
03-06-2007, 11:14 PM
النيلين!!!!

الجامعة ولا المنتدي ...
الأزرق ولا الأبيض ؟

يا أخي ما تنح ...! :rolleyes:

خليت الكتابة في منتدي النيلين ..! ما دايرين نسأل ليه ..! بس هل في امكانية ترجع

تاني ..!!؟

بعدين النيلين أخضر الازرق والابيض دي شنو ؟؟!!
محمد ابوعاقلة
05-06-2007, 09:30 AM
يا أخي ما تنح ...! :rolleyes:

خليت الكتابة في منتدي النيلين ..! ما دايرين نسأل ليه ..! بس هل في امكانية ترجع

تاني ..!!؟


السما قريب ...
وتحياااااااتي
salah
05-06-2007, 10:18 PM
ابو ( عاقلة ) ادينا ليها واحده واحده ذي نقط الدرب ( بكسر الدال والرا ) عشان تشفينا من رهق اسمو الغربة حط علي جته اتعبتها مآلات العلائق الما ناجحه بين حبيب وحبيبه .

تسلم زول مرهف ,,,,,,
محمد ابوعاقلة
06-06-2007, 09:37 AM
ابو ( عاقلة ) ادينا ليها واحده واحده ذي نقط الدرب ( بكسر الدال والرا ) عشان تشفينا من رهق اسمو الغربة حط علي جته اتعبتها مآلات العلائق الما ناجحه بين حبيب وحبيبه .

تسلم زول مرهف ,,,,,,

صلاح ...
أي حاجة بتجي براها...
وأي شعور محتاج تضحية

والريح تنوح فوق الدروب واخوفي من صوت الرياح وكتين تنوح وتسوي أو
زيك غريب والغربة طالت يا مسكين زي يا
التراب ملينه عيشتو
أريتني زيك كل يوم يحضني جو
في بحور الريد نسافر والمراكب كاسحة ما دام ريحنا نو
نمشي لي أرض الحبايب يا حلاتي
في الدغيش والدنيا ضو
محمد ابوعاقلة
06-06-2007, 09:45 AM
نادي حنينك يدخل في ضفر الشوف خجلان ... يبلع فكرة لقيا علي أطراف إنسانك ... يا أكتر زوله بتدخل زي ما عايزه الفكرة تكون بي طعم مميز ... سكة بتكتب للخطوات عنوان ... في أي مكان بتلاقيني هواجسك فتحت قوس ( بتفتش عن إنسان ) في أي مكان جواك تلقيني محكر كلوريد صوديوم وفي جواي أكسيد الهم في الدم ... ومرة بتطلعي من تفكير وسخان بي كربون الحوجة (طبعا في وكت عصيب) زي كمساري البص لمن اركب وانا ما عندي قروش التذكرة وفي جيبي بطاقة طالب يدك والحظ واقف جنب الكمساري وسارح بالشباك ... نزل الحظ في أول لفة وانا سارح بالشباك التاني أبزق ومحتاج كلينكس ... مبلول بي عرق الساعة اتنين والراس كابس ... ما تطلعي هسي بتتزلقي ... خلي الهوا في نص الكبري يضرب روحي ويقسمني عليك ... امكن ننزل في أول قيفه يمين ... نزرع فيتامين القدرة ونحصد شوق في اول ضحكة سوا ... الشوق عنوان النص ... الخوف البرجف من حق البص والباقي تسالي ... نسرح طوالي ... نرجع كداري ومالو ... الوضع سخيف ... والمستقبل برضو مخيف ... لكن حنقيف قدام الخوف الواقف في نقطة تفتيش والدنيا تهنضب فينا تكورك ... ارفعو يديكم عن مشروع الحب وشوفو قرايتكم !!! ... دنقرنا الاتنين وانا متأكد كان إحساسنا سوا ... في الزمن الأصبح بي وشين ... متوتر وشين ... وسرحنا كأنو الأمر مجرد نكتة ورحنا نغطغط في الشوق خجلان ... احساس تعبان يتكلم عن فرصة متاحة لو ضحك الحظ ... أو لاحظ إننا مندمجين بي شكل غريب ... يا سخف اللحظة الوقفت قدامنا ونحن بنبحث عن كيفية نلقي طريق ... أو نطفي حريق ...
وانا بتحسس فيك ... لاحظت دواخلك دابت فيني وانا سائل فيك ... تفاعل إنساني ما عندو قضية بأي مصالح ... زول متصالح ... فلتت من يدو القدرة وخلت خشمو مشقق ومالح ... وفي الوقفة أمكانية قعاد... وحنكون بُعاد ما تشفقي ... انا ماشي أتلقى العلم ... بداية حلم ... لم المتاريس تختفي
الحظ يزورنا ونبقى في
أنا جاي ليك لمممم العوينات تكتفي
أنا ما أظن يوم أختفي ... أو نبقى في الواقع خيال
علي وشي أقعد منكفي

عايز أشوفك ...
ملامحك جميلة ... جميلة جدا
ولبسك أنيق ...
مداخلك طويلة ... ونفسك عميق



خبر عاجل
قبضو علي بتهمة الشروع في الشوق...
فتحو محضر إختلاء بأنثى ...
هم شمو ريحتك فيني ...
دي كل الحكاية!!!
محمد ابوعاقلة
10-06-2007, 07:44 AM
قبّلي جاي واديني أضانك
(****) بس .
ما تضحكي ... أنا بتكلم جد في موضوع ممتد ... جزرو التربيعي وأسك واحد ... وانا أصلا فاصله وفاصل مرة مداري ومرة بضاري وما كضبت علي روحي ... ولا خليتك تدمي جروحي ... لمن كان الشاش غالي ... ما عارفين التكلفه كم ... كم حُمتي معايا أماكن ... دروب ومساكن ... ساحات ومدائن ... ونرجع بي وقّف يا عم ... كنت بأشر لأي حديدة في شارع النيل ... ومرة وقف لينا البوكس الشائل شوالين وكراتين صابون اللوكس ... السواق كان واحد وسخان بره وجوه علي ما يبدو ... إتوقع إننا نركب قدام ... نطينا ورا ... طفرنا سوا ... قعدت في شوال سكر ... وأنا أتململ في طرف البوكس ومجهجهني هوا ... والزول السائق شماني شديد ... أنا شايفو بلف في مرايتو شمال وشرق ... ومحمر لي لو وقعت عينو علي عيني ... كان بتأسف علي إنو وقف رفع إتنين بحبو بعض ... طبعا كان بتأمل تركب جنبو وانا ستالين في الباب ... تكالة وداير أوصل بأي طريقة ... لكني طلعت شفت وقريت أفكارو من أول لمحة سريعة ... ودقة سريعة ركبنا ورا ... إتناقشنا عن النقل البري ... الشايلين السكر مع صابون ... وسوبر ريد مع المعجون ... ومرة الجاز مع الليمون ... عن تجار الجملة وقطاعي ... نظام اقطاعي ... وعن الزول البمسك ويقطع من طرف الفكرة وزي ما يحصل يحصل ...
إتكلمنا عن البوكس المليان والراس الفاضي ...
عن جلاد الشارع والقاضي ...
والناس الما خلونا قعدنا في شاطئ النيل نسترجع ماضي
بالجد بتأسف وما راضي ... نظامنا العام وقعادك لازم فرادي ... يا تفتح رادي أو تتخارج بي غادي ... ما تملانا فقُر .... ما فارقه معاهم ... أو تكسح لأي مكان تتعاطي وراهم ... أفيون الصبر .
ومتين نجي راجعين متماسكين في نص الشارع عينك يا تاجر ... يا الزول الفاجر ... نسرح متقاودين ... زي أي اتنين ماشين كداري علي الواطة وأسفلت مشقق ... مبسوط ومجرتق ... والضحكة لغاية إضني ... كانت سرحه طويلة وكنت بعاين للشعر الفالت من طرحه ... ولم تشاغل فيها هبوب الشارع العام ... تتلفت منشرحه ... ما شالت هم السكة ... وشكل المسكه ... ولم يصادف لستك حفرة ... عمك زاد عدّاد السرعة ... عايز إكشحنا بأي طريقة ... أديترو سخّن زي شوقي وانا راكب جمبها سارح في عينيها وخصلة بتلعب في خد ... وعمنا قام فرمل فجأة وكبس البوري ... دخل في لوري ... وكبانا كأننا شوالين ... إندفق السكر من البت ... وانا

يا بت يا عصفورة
انا واقع في مطمورة
أربطي جردل ...
أرمي حبالك تدلدل
وختي معاك في الجردل صورة ...
لو أبقي معاك بس في الصـورة ...
كان مشكلة البير إتحلت ...
وقرينا الفاتحة وجزء من سورة .
شاذروان
11-06-2007, 03:48 AM
ياريت لو قريتو الفاتحة ده كلو ماكان حصل .........

بالجد مستمتعييييين باندهاش ... ياودابوعاقلة
محمد ابوعاقلة
12-06-2007, 10:04 AM
ياريت لو قريتو الفاتحة ده كلو ماكان حصل .........

بالجد مستمتعييييين باندهاش ... ياودابوعاقلة

كنت متوقع الاجابة دي ...
ناس كتاااار لو قرو الفاتحة من قولة تيت ... ما كان شفتينا
ابديها من ود الملوح لغاية وين اقول ليك !!!
البكا بحررو اهلو
وبعدين انتي لسه حايمه في البلد دي
لا دايرين تورونا ... لا دايرين تهمشونا
شاذروان
13-06-2007, 07:02 AM
نحن........ شاذروان........ وما اظن فى اكتر من كدة تعريف وانا من البلد دى ظاتها يعنى امشى افوت وين ياودابوعاقلة ؟؟؟ كان مشيت تانى بجى راجعة ..... يعنى قااااااعدة شديد









كن بخير كتاحتنا .... وذى ما قلت ليك مستمتعين جدا بالابداع
محمد ابوعاقلة
15-06-2007, 05:47 AM
نحن........ شاذروان........ وما اظن فى اكتر من كدة تعريف وانا من البلد دى ظاتها يعنى امشى افوت وين ياودابوعاقلة ؟؟؟ كان مشيت تانى بجى راجعة ..... يعنى قااااااعدة شديد









كن بخير كتاحتنا .... وذى ما قلت ليك مستمتعين جدا بالابداع

انا ما عندي اي فكرة حاليا عن الحاصل شنو !!!!!
شاذروان
23-06-2007, 06:10 AM
ماعندى أى فكرة وماعندى أى موضوع .........
شاذروان
26-06-2007, 03:21 AM
احساسنا بالغربة والعزلة ليس مرتويا فقط من وقوفنا على هاوية الهزيمة ولكن ايضا من الصمت وانهيار الاحلام .. وعدم قدرتنا على اجتراح المعجزة واستدعاء الحلم الى ارض الواقع من جهة اخرى ...ومن ثم يلوح الصمت فيبدو كابوسا رهيبا يقعد فوق احلامنا فيحيلها الى أشلاء مبعثرة وشاهدة على مأساوية الموقف ...... فهذا ليس صمتا عاديا ... بل صمت كثيف , ثقيل , رازح , صمت شامل يلف حياتنا ..ويصيبها الركود فتموت ويسود الافق ويضيق كالسراديب المعتمة ويستحيل علينا حتى مجرد التعبير عن أبسط الاشياء وتتحول الرغبات البسيطة العادلة فى ضمير الحياة الى جرائم , لان فى محاولة تحقيقها تمزيق لاستار الصمت ذاتها وتختزل الكلمات حتى تتحول الى رموز جادة اذ يستحيل علينا الافاضة .....

احرص الا تسمع.......
احرص الا تنظر ........
احرص الا تلمس .......
احرص الا تتكلم ........
قف ‍‍‍‍,,
وتعلق فى حبل الصمت المبرم
ينبوع القول عميق
لكن الكف صغيرة
من بين الوسطى والسبابة والابهام
يتسرب فى الرمل كلام ..........
محمد ابوعاقلة
29-07-2007, 07:32 AM
فتشت عنك سما واطه ... ما لقيتك !!!
خشيت ... لقيتك
قلت يمكن تاريخ الصلاحية انتهي !!!
عجبي
درويش
01-08-2007, 04:39 AM
وين يا زول
خبارك
زمن من نفسك
وصوتك
انشاء الله طيب آخوي
تدوم عليك العافية
أخوك
ذوالنون أحمد نايل
الدرويش
عثمان إدريس
09-08-2007, 12:10 AM
السما قريب ...
وتحياااااااتي


متعسفين ...!
وتحيااااااااااااااتي دبل كلتش ...!:d
عثمان إدريس
09-08-2007, 12:54 AM
جينا غاشيين قلنا يمكن نلاقي لينا واحد يجرنا معاهو في حديدتو شكل شوال ملح

مالقينا حتى الشارع البودي لي حينا ..!

ما عارف هل انا ضهبان ولا ناسي

لكن الفي خيالي دا أكيد من العلي ما من حاجة تناية زي ما بقولوا ناس السياسة !!

وبرضو من الدهشة جينا خمينا لينا جغم

كن بخير

كما انت

كتاتيحو ..!!
محمد ابوعاقلة
31-08-2007, 10:26 PM
وين يا زول
خبارك
زمن من نفسك
وصوتك
انشاء الله طيب آخوي
تدوم عليك العافية
أخوك
ذوالنون أحمد نايل
الدرويش

يا ذا النون ...

الحاصل ... تعب
تعب شديد ... والمصيبة كنت في نفسي !!!
محمد ابوعاقلة
31-08-2007, 10:29 PM
جينا غاشيين قلنا يمكن نلاقي لينا واحد يجرنا معاهو في حديدتو شكل شوال ملح

مالقينا حتى الشارع البودي لي حينا ..!

ما عارف هل انا ضهبان ولا ناسي

لكن الفي خيالي دا أكيد من العلي ما من حاجة تناية زي ما بقولوا ناس السياسة !!

وبرضو من الدهشة جينا خمينا لينا جغم

كن بخير

كما انت

كتاتيحو ..!!

ما اعتقد إني بخير !!!
دي الحقيقة يا عثمان ...
والله دي الحقيقة ...