عتاب للجميع !!!

[المسافر]

الســادة / المشرفين والأعضاء والزملاء . . . الكرام


بصراحة أنا ( خلّلت ) في رتبة ملازم ( عضو جديد ) أنتو ما عندكم ترقيات في المنتدى . . . ولا عايزين واسطة برضو . . .

في إنتظار الإفادة يا ناس !!! وإلا حأتمرد وأشيل البندقية وأدخل الغابة .



:mad: وبس :mad:

[وليد عمر سعيد]

والله انا بايدك يا المسافر اخوك برضو عتت في ملازن اول زمن

دون ذكر اسماء في واسطه في الشغله دي

دمـــــــــــــــــــــــــت

[امير عبدالباقي]

الاخوه المسافر وابوقرط
لكم التحيه
انتم ماعاوزين واسطه انتم الخير والبركه بعدين الترقيه بتجي من ايديكم انتم كل ماكانت مشاركاتكم كتيره الكمبيوتر براهو برقيكم مباشرا يعني بعدد مشاركاتكم
وضحت الصوره

[ابوالنور]

اها دا كلام وليد والمسافر انتو ما عارفين انو النجوم دي بديها الكمبيوتر يعني خشو يومي وفتشو وردو وناقشو ولا شنو

[راسكال]

يا شباب مستعجلين مالكم انا تعبتا تعب شديد لمن وصلتا لى مراقب وليسا الجهد مستمر ولو فيها تمرد

وحمل سلاح وخش الغابه انا كان اول زول خشيت لكن الحكايه زى ما وضح ليكم عمنا امير مشاركات


وخلونا نشوفكم

[elfatih61]

المسافــــــر (و) أبو قـــــرط
لكل مجتهد نصيب والترقيات
هنا من غير واسطــات
عايزين قريـب جدا
نشوف وبكثرة
نجـوم تلمع
ذهبــــاً

[سواااح]

المسافر ..

اول عدد مشاركاتك للمئة
وتاخذ النجمة الثانية
وهكذا واصل جهدك
لكن لا تنسي ان تكون
مواضيع ومشاركات مفيدة
لكن اعمل حسابك من المعاش

دمــــــــــــــت ،،

[المسافر]

الاخ العزيز والزميل / وليد أبو قراط

الحمد لله لقيت واحد حيغش معاي الغابة لأني بصراحة بخاف من الظلام !!!!!!!

ودمـــت

[المسافر]

المشرف المخضرم / أمير عبد الباقي
والعزيز / ابو النور
والغالي / راسكال
والمحترم / elfatih61
والأخ الفاضل / سوااااح

مشكوريين على رفع المعنويات والتصبيرة دي . . . ولو فيها معاش أحسن تنسوا موضوع الترقية ده !!

ولكم حبي وتقديري ،