ماهو موقفك اذا قيل لك ( احبك ) ؟؟

[Bet-alsudan]

كثير منا يتكلم عن الحب وماهو الحب وماهو شعور الشخص الذي يعاني من لوعه الحب وسكراته
فالبعض عندما يحب يتردد كثيرا ليصارح محبوبه بذالك الشعور وعندما يصارحه قد يجاب بالرفض او القبول.... وهنا سؤال يطرح نفسة واريد من الجميع ان يشارك :

بالنسبة للطرف الاخر ( الشخص المعني بالحب ) لو كنت مكانه وصارحك شخص ما بانه يحبك وقد يموت من اجلك وانه يعاني من حبك سنوات طويلة .... ما موقفك وماذا تقول له في تلك الحالات :

1- اذا كنت تحبه ايضا وتكن له الموده ؟

2- اذا كنت لا تشاطره نفس الشعور ولا تريد ان تخسره كصديق سواء ( ذكر \ انثى ) ؟

3-اذا كنت تكن له بعض المودة ولكن لا تريد ان يظهر حبه لك دائما ؟


ماذا ستفعل في تلك الحالات ؟

ارجوا من الجميع الاجابه بكل صراحة وصدق


دمتم على الطاعاات

[شاكسس]

1- اذا كنت تحبه ايضا وتكن له الموده ؟

2- اذا كنت لا تشاطره نفس الشعور ولا تريد ان تخسره كصديق سواء ( ذكر \ انثى ) ؟

3-اذا كنت تكن له بعض المودة ولكن لا تريد ان يظهر حبه لك دائما ؟



الغاليه بنت السودان

اولا تشكرى ع الموضوع الراقى ده


1. من الطبيعى مادمت انا احبه يقى دى مافيها شى ييقى بقينا اخوان او.......

2.ما بقدر اقول ليه عديل يا اما هو حسى بها او بقى صديق فقط او اكلمو عديل انت بمثاب اخى لى


3. والله دى ماعارف يحلوها كيف
على العموم تسلمى يابنت السودان

تقبلى تحياتى،،

[راسكال]

بيت السودان

بصراحه لو جاتنى الكلمه دى من شخص ابادله نفس المشاعر والاحاسيس

باتاكيد هكون جاهز للوقوف جنبو بكل حماس وجديه عشان احافظ على الحب دى

ولكن السؤال المهم لو جاتك الكلمه دى من شخص انت ما بيتحبو أصلاً او مابيتكن ليهو اى مشاعر

خاصه هنا التصرف هيكون كيف بغض النظر عن الاحراج والمطباط العاطفيه البيتكون حصلات

وتدمير الشخص المصرح بى بمشاعرو هنا الكلام الجد انو الزول يحاول انو يفهم الطرف التاني

بعدم احساسو بى الحب ده بدون ترك اثار جانبيه فيه ولكن كيف ومتين دى المهم

واخيراً وليس أخيراً بحيك يا بيت السودان علي الموضوع الجميل ده

وبصراحه هو انطرح في زمن انا شخصياً كونت محتاج لى زول اتكلم معاهو فيه

وبشكرك مره تانيه

مع خالص احترامى وتقديرى

[المنار]

كلمة أحبك الزمن دة بقت ماساهلة
بقت علي كل لسان في
كل مكان وكل زمان
كتير بنسمع بي سبب ولا من غير سبب
أنا هي الكلمة دي مأثر فيني ليها 3يوم حامياني النوم
جد المشكلة انو الواحد بقي يخااف منها عديييييييل كدة لكن لو لقيت الإنسان اكيد ما
اتردد لحظة اني اكون معاهو بكل حواسي ..
لكم جزيل الشكر مع خالص تحياتي

[محمد مصطفي]

مشكوره يا بت السودان علي الموضوع


لكن انا شايف كلامي نفس كلام راسكال


ودمت يا غاليه.........

[التيمان]

مشكور يا حبيب علي الموضوع



ده شنو يا كبك


دى بنت السودان

وهذا ان دل على انك بتجى بس داير تزيد مشاركات


سبحان الله



والف شكر لكى ياغاليه


ودمت،،

[محمد السر احمد]

1- اذا كنت تحبه ايضا وتكن له الموده ؟
طبعا دي يوم الهنا و بكون اسعد زول.

2- اذا كنت لا تشاطره نفس الشعور ولا تريد ان تخسره كصديق سواء ( ذكر \ انثى ) ؟
اقول بحبك لكن بفهم تاني.

3-اذا كنت تكن له بعض المودة ولكن لا تريد ان يظهر حبه لك دائما ؟
المانع شنو من اظهار الحب .


ماذا ستفعل في تلك الحالات ؟
اولا اكون صريح مع الشخص الاخر .
ثانيا اراعي مشاعرو
تلسمي يا بت السودان و اتمني ان اكون صريحا دايما .