موّضة ( البودي وفصل الدين عن الدولة )

[المسافر]

نبدأ بتعريف الموضات دي للناس القليلون الماعارفنها :-
موضة البودي : هي ملابس ضعيفة بشكل فظيع تلبسها الحريم اليومين ديل ( وتكون على يقين بأن الطريق إلى داخل هذه الملابس بمر بصراع ومعارك ) ونضرب مثلاً ( إمرأة عرضها 80 سم داخل ’’تي شيرت ’’ عرضه 20 سم . . . وممكن تتخيل الوضع )

موضة فصل الدين عن الدولة : هي نفس ( التي شيرت ) أعلاه بس لغاية (الصرة فقط ) وده في أفضل الحالات .
البكيني : ؟؟؟؟؟؟؟؟


في إحدى كليات الطب في الجامعات الخاصة ومجموعة من البنات والأولاد من النوع البعمل ( ميك أب ) مع البنات جالسين تحت شجرة وعندما دخلت عليهم صديقتهم وهي لابسة ( فصل الدين عن الدولة ) . . . وبصوت واحد هاااااااااااااااي يا دوب دخلنا العولمة ( نصيحة هنا لو أي واحد عندو عملية جراحية عايز يعملها أحسن يسويها من هسه وقبل الجماعة ديل ما يتخرجوا ) .


وقصدي هنا نوعية الملابس التي أصبح أغلب بنات الجامعات تلبسها دون حياة والتي تثير الغرائز وأصبحنا بحالة!!!) والواحد بقي يخجل ليهم وخصوصاً من ناس متعلمين ومفروض أن يكون مستوى أخلاقهم على مستوى قرايتهم ( والقلم ما بزيل بلم ) .

وين الوازع الديني والأخلاق ؟؟ ووين الأب والأم والأخوان ؟؟ ووين إدارات الجامعات ؟؟ ولا هم برضوا مع الموضة !!


وهل نحن في إنتظار أن نرى البكيني قريب في الجامعات وبرضوا حيقولوا عليها عولمة !!!

نسأل الله أن يحفظنا ويحفظ ولايانا

ودمتم

[نزار حسن محمد]

لاحول ولا قوة الابالله..نتمنى ان يعود للشارع السودانى زيه المحترم المحتشم

[سواااح]

المسافر ..

هذا كله من افرازات الاغتراب
والتشبة بالغرب .. والاهم
الغزو الثقاقي الذي يمارس علينا
والذي نتبعه دون وعي وانتباه

دمــــــــــــــت ،،

[المسافر]

أخي الغالي / نزار

دمت وسلمت على المرور . . وقبل من نشوف الملابس في الشارع مفروض نعرف الكبير منو والصغير منو في الشارع . . لأنو بصراحة القصة إتلخبطت خالص وبقى الإحترام معدوم تماماً . . ولا رأيك شنو!!!

ولك حبي وتقديري ،

[المسافر]

الفاضل / سوااااح

وإن الغرب عندما حاول أن يضغط علينا عرف من أي تأكل الكتف أتانا في ( الناقصات عقل ودين ) ..

وسلمت ،

[راسكال]

لاحول ولا قوة الابالله..نتمنى ان يعود للشارع السودانى زيه المحترم المحتشم

[معتز حمدتو]

شفت التوب وست التوب وما لاقاني اجمل منُ
لان جيل هذا الزمان اصبح يحب التخلص من العادات والتقاليد والمواريث الطيبة .
وقبل كل الذي سرد في هذا الموضوع ينبغي معاتبة البيت الذي اتت منه فكيف يسمح لها ابيها او امها او اخيه ناهيك عن بقية الاسرة بالخروج بهذه الصورة وهو ما يحتاج وقفة كبيرة .
لك الشكر اخي المسافر لهذا الموضوع .

[عوض صقير]

أخى المسافر

التعليم عندنا فى السودان ألف رحمة ونور تنزل عليهو

وللفقيد الرحمة ولكم جميعا حسن العزاء

وديل دكاترة المستقبل

( شيلوا شيلتكم )

[المسافر]

الاخ / راسكال

دمت على المرور ويديك العافية . . . بس الشارع نفسه عايز ليهو رقيب

[المسافر]

الموقر / معتز حمدتو ،

بداية لك التقدير على المرور والمداخلة . . . لكن التوب نفسه ظهرت فيهو موضة بس ما عارف أسمها وهي توب زي شبكة الصيادين مفتّح من كل الجهات وشفاف وصغير الحجم . . . يعني نقبل ويييييييييين !!!!!

ودمــت

[المسافر]

الأخ العزيز / عوض صقير

سلمت على المرور والمداخلة . . .

مش التعليم بس الذي توفي . . . كمان الأخلاق في نفس اليوم والساعة

ودمــت

[مرتضى ساتى]

والله موضوعك جميل يامسافر ونسال الله حسن الخاتمه
ونساله ان يستر بناتنا واولادنا وجميع المسلمين وجزاك الله على الطرح الجميل

[امل حياتى]

تسلم يا المسافر على المواضيع الرائعة ونتظر منك المزيد

[صالح ابوشوارب]

شكرا يالمسافر . والله دائما بتقدم لينا مواضيع جميلة .. اما بخصوص الموضة .. في زمنا كان في بعض البنات بتلبس فستان كنا بنسميهو ( جكسا في خط 6 ) .. لكن حقيقة ما كان تي شيرت حدو الصرة كانت الصرة مغطية .. يمكن الآن جكسا قلب الكورة فطلع الفستان في خط 18 والتى شيرت طلعت فوق العارضة ااااااوت


ابوماجـــــــــد

[المسافر]

الأوفياء / مرتضى ساتي . . أمل حياتي . . صالح أبو شوارب

لكم كل تقدير على المرور والمداخلة ورفع المعنويات . . وبخصوص موضات زمان أعتقد الشارع ماشي ( مرات تنازلي ومرات تصاعدي ) . . . مرة من فوق ومرة من تحت لغاية من يتلاقو في مكان واحد صغير وحنسميه ( اللين ).


وسلموا

[سواااح]

شكرا يالمسافر . والله دائما بتقدم لينا مواضيع جميلة .. اما بخصوص الموضة .. في زمنا كان في بعض البنات بتلبس فستان كنا بنسميهو ( جكسا في خط 6 ) .. لكن حقيقة ما كان تي شيرت حدو الصرة كانت الصرة مغطية .. يمكن الآن جكسا قلب الكورة فطلع الفستان في خط 18 والتى شيرت طلعت فوق العارضة ااااااوت


ابوماجـــــــــد


والله يا عم صالح
منتظرك تقول لينا
جسكا الان في ياتو خط ؟؟

[صالح شرف]

الله نساله السلامة
وازيدك في الغنا بيت
بقي تلقي البت
مارقة
(بالمنظر إياه) وبرفقة من...
الاب....
والام
والخت الكبرى(حلوه الكبري دي )
والاخ...
وهنا مربك الفرس...
سألت أحدهم ... عن ملابس بعينها... تلبسها من سيتزوج في القريب...
رد علي (والحمد لله ما كان كلامي استنكاري)ما حلوه انا الجبتها ليها...
تخيل ما ترتديه اخت (أخينا هذا)
كلر
ألوان
بوهيات
(قلنا تخيل)المهم...
كلو إلا ملابس...
حاجة غايتو



والله نساله
السلامة
ضاع الخوف علي الاعراض

[طلال الصول]

والغريب يالمسافر يااخوي
انو الموضات والتقاليع دي
ظهرت في طبقات المتعلمين
او بالاصح التعليم العالي مع انو ديل المفروض امخاخم مليانة وما يتأثرو بالثقافات
الدخيلة وعموما لينا الله وعيشة السوق
ونرجع نقول الغلط من اولاياء الامور حتى لو كانو ماعارفين

[جيفارا]

اولا يا حبيبنا المسافر ما تنسي الحر والسخانة

وأظن برضوا عندهم وجهة نظر في الحكاية دي بعد النظر الى موضوع التقليد والفيديو كليب والراحة والكلام براحة .

ودي البداية ولهم بدو انا ذاتي حا أشيل الدولة وامشي البحر واشيل سنارة واولع السجارة ما هي خربانة خربانة ز

إنـــك لا تهدي من احببت ولكن الله يهدي من يشــــاء

مسافر ارجو لك الاستقرار بأن ترا ما تتمناه في الدار وخارج الدار

[شبرقية]

سالوا مدير جامعه سودانية " ليه بتسمح للبنات بالبس دا "
قال ليهم " الواحدة بشوف ابوها لما ينزلا وهي بمنظرها زاتو انا تاني اعمل شنو"
يعني الاساس تعبان

سمعت بالانفتاح الي حصل في السودان بس ابدا متوقعت انة يكون وصل للمرحلة دي
دا كلو الفهم الغلط للحرية والعولمة
الناس فاكرة انه الحرية انك تتحرر من كل شي حتي هدوكم


سترك يارب

[هيثم عبدالعال]

أنا أشجب وأدين وأستنكر وووووووووووووووووو بس خلاص (يعني أنا أحسن من حكامنا )
وبعدين لو الواحد إتكلم مع واحد مفعوص ولا واحده مفعوصه لسمع ما لم تسمع أذناه طيلة سني عمره وأكيد آخرها ... دي حريه شخصيه !!!!.

[مرتضى يوسف العركي]

الراقي المسافر :
سبق ان قلت لكم لو تسافر من غير رضانا بنشقى نحن
واقول لو لم تستمر بهذه القيم العالية لن نجد يوما ما نستحي عليه حتما
قيمة عالية لموضوع خطير
املك حاليا فقط دعاء بالستر والحفظ
اكرر شكري وامتناني.

[Madanawi]

أين دور البيت؟

التعليم في المدارس والجامعات للتحصيل الأكاديمي والتربوي .. لذا سمّيت الوزارة بالتربية والتعليم ، والتربية أولا ثم التعليم ،،،،،،،،،،،،،

اللهم ارفع مقتك .. وغضبك عنّا ،،

[شبارقاوية]

هههههههه ذكرتنى موقف جميل يالمسافروبتعليق ديل دكاترة المستقبل
لما كان زواجى طلبت انا من والدى ان يجيب غناية للحنة وقامت الدنيا ولم تقعد
انت دكتورة وانا معلم ومربى اجيب لى غناية فى بيتى لغاية ما اعمامو اقنعوه
تخيل والموضوع عادى فما بالك لو فصلت الدين عن الدولة وطبعا ما ممكن نعملها
ودا كله نابع من الاسرة واذا لم تستحى فافعل ما تشاء

[صلاح ودالطاهر]

المسافر ..

هذا كله من افرازات الاغتراب
والتشبة بالغرب .. والاهم
الغزو الثقاقي الذي يمارس علينا
والذي نتبعه دون وعي وانتباه

دمــــــــــــــت ،،
اتفق معك اخي سواح ولكن المشكله الحقيقة تقع علي رب الاسره واذاكان رب البيت بدف ضارب فشيمة اهل الدار الرقص

[مختار بازى]

غفر الله لنا تقصيرنا وهدانا وهدى بناتنا لطريق الرشاد وجعلنا كما يحب ويرضى

[المسافر]

والله يا عم صالح
منتظرك تقول لينا
جسكا الان في ياتو خط ؟؟


هسي جكسا بقى
عندو كاشف رقم

[المسافر]

الله نساله السلامة
وازيدك في الغنا بيت
بقي تلقي البت
مارقة
(بالمنظر إياه) وبرفقة من...
الاب....
والام
والخت الكبرى(حلوه الكبري دي )
والاخ...
وهنا مربك الفرس...
سألت أحدهم ... عن ملابس بعينها... تلبسها من سيتزوج في القريب...
رد علي (والحمد لله ما كان كلامي استنكاري)ما حلوه انا الجبتها ليها...
تخيل ما ترتديه اخت (أخينا هذا)
كلر
ألوان
بوهيات
(قلنا تخيل)المهم...
كلو إلا ملابس...
حاجة غايتو

والله نساله
السلامة
ضاع الخوف علي الاعراض



حلوة شديد الخت الكبرى دي !!!!!!!
وكلامك في محلو تماما وطبعاً ديل
هم المغتربين ! لأنهم أغلبهم بيأخذ
ملابس ما بلاد الغربة ( الملابس دي
حسب البلد الهو فيها ) وبرسلها
لأخواتو وأهله . . . وكمان الملابس
الموجودة في السودان كلها أصبحت
كدا . . . ولكن برضو لو في شخص
حريص ممكنك يجد بدائل كثيرة.

وأهبك كل الوداد

[المسافر]

والغريب يالمسافر يااخوي
انو الموضات والتقاليع دي
ظهرت في طبقات المتعلمين
او بالاصح التعليم العالي مع انو ديل المفروض امخاخم مليانة وما يتأثرو بالثقافات
الدخيلة وعموما لينا الله وعيشة السوق
ونرجع نقول الغلط من اولاياء الامور حتى لو كانو ماعارفين



عزيزي طلال الصول
القلم يا أخوي ما بيزل بلم !!!
لو فعلاً البيت تربى على أسس أسلامية وخلق
مع وجود رقابة أكيد ما حتكون في مشكلة.

وأهبك كل الوداد

[المسافر]

اولا يا حبيبنا المسافر ما تنسي الحر والسخانة
وأظن برضوا عندهم وجهة نظر في الحكاية دي بعد النظر الى موضوع التقليد والفيديو كليب والراحة والكلام براحة .
ودي البداية ولهم بدو انا ذاتي حا أشيل الدولة وامشي البحر واشيل سنارة واولع السجارة ما هي خربانة خربانة .
إنـــك لا تهدي من احببت ولكن الله يهدي من يشــــاء
مسافر ارجو لك الاستقرار بأن ترا ما تتمناه في الدار وخارج الدار



عزيزي جيفارا
أعتقد فكرة الساخنة دي لموضة ( فصل الدين على الدولة )
حتكون مجدية بس موضة البودي حتكون صعبة شوية لأنه
إنعدمت المنافذ لدخول وخروج الهواء !

وأهبك كل الوداد

[المسافر]

سالوا مدير جامعه سودانية " ليه بتسمح للبنات بالبس دا "
قال ليهم " الواحدة بشوف ابوها لما ينزلا وهي بمنظرها زاتو انا تاني اعمل شنو"
يعني الاساس تعبان

سمعت بالانفتاح الي حصل في السودان بس ابدا متوقعت انة يكون وصل للمرحلة دي
دا كلو الفهم الغلط للحرية والعولمة
الناس فاكرة انه الحرية انك تتحرر من كل شي حتي هدوكم


سترك يارب




لأن على ما أعتقد بقت شيء عادي جداً في السودان
أن تطلع البنت الشارع بهذه الطريقة ونادر ما تجد الإنسانة
المتلزمة .
ومثل هذه الملابس هي المتوفرة في السوق . . . لذلك ومع
دور الأهل يجب أن تكون للحكومة دور في ما يستورد من
الأشياء وخصوصاً الملابس .

وأهبك كل الوداد

[المسافر]

أنا أشجب وأدين وأستنكر وووووووووووووووووو بس خلاص (يعني أنا أحسن من حكامنا )
وبعدين لو الواحد إتكلم مع واحد مفعوص ولا واحده مفعوصه لسمع ما لم تسمع أذناه طيلة سني عمره وأكيد آخرها ... دي حريه شخصيه !!!!.



هههههههههههههههههههههههههههه
وتأكيد على كلامك عزيزي هيئم لو تكلمت
مع واحدة لابسة مثل هذه الملابس حيكون
ردها ببساطة ( أنا ما قاعد أسوى حاجة غلط )
مفتكرات إنو الغلط هو ( الكبائر فقط ) !!!

[المسافر]

الراقي المسافر :
سبق ان قلت لكم لو تسافر من غير رضانا بنشقى نحن
واقول لو لم تستمر بهذه القيم العالية لن نجد يوما ما نستحي عليه حتما
قيمة عالية لموضوع خطير
املك حاليا فقط دعاء بالستر والحفظ
اكرر شكري وامتناني.


عزيزي الموقر الحلامابي
أكرر تقديري وإمتناني الدائم لشخصك
فدمت لنا ذخراً .
ولي عظيم الشرف بأن تشرق صفحتي
بإسمك ، فشكراً لحضورك الآسر .

وأللهم أحفظنا وأسترنا جميعاً . . . اللهم أمين

وأهبك كل الوداد

[المسافر]

أين دور البيت؟

التعليم في المدارس والجامعات للتحصيل الأكاديمي والتربوي .. لذا سمّيت الوزارة بالتربية والتعليم ، والتربية أولا ثم التعليم ،،،،،،،،،،،،،

اللهم ارفع مقتك .. وغضبك عنّا ،،



تسلم الغالي جداً مدناوي

وطبعاً الحكومة قادانا كل دقيقة بتوسع التعليم وسياسة
التعليم العالي . . . الخ ، وهي في الواقع زيادة في
الفساد ليس إلا .

واللهم آمين

[المسافر]

هههههههه ذكرتنى موقف جميل يالمسافروبتعليق ديل دكاترة المستقبل
لما كان زواجى طلبت انا من والدى ان يجيب غناية للحنة وقامت الدنيا ولم تقعد
انت دكتورة وانا معلم ومربى اجيب لى غناية فى بيتى لغاية ما اعمامو اقنعوه
تخيل والموضوع عادى فما بالك لو فصلت الدين عن الدولة وطبعا ما ممكن نعملها
ودا كله نابع من الاسرة واذا لم تستحى فافعل ما تشاء



دكتورة ومعلم وغناية في بيت الأستاذ !!!!!!!!!!!!!!!
كويس ما تخلونا نلبس العايزنو ! هههههههههههه

فعلاً الأسرة هي الأساس ولكن ليس بالمراقبة فقط
وإنما بالتربية الجيدة وعلى الأسس الإسلامية وغرس
الخلق العظيم في الأبناء منذ الصغر .

وأهبك كل الوداد

[المسافر]

اتفق معك اخي سواح ولكن المشكله الحقيقة تقع علي رب الاسره واذاكان رب البيت بدف ضارب فشيمة اهل الدار الرقص


مشكور عزيزي ود الطاهر على المرور والمشاركة
ودور الأسرة يجب أن لا يكون بالمراقبة للبنت في الدخول
والخروج وفي سلوكها وإنما يجب أن يكون في التربية
الحسنة والتربية على أسس إسلامية لتعرف الواحدة
وين الخطأ والصاح والعيب .

وأهبك كل الوداد

[المسافر]

غفر الله لنا تقصيرنا وهدانا وهدى بناتنا لطريق الرشاد وجعلنا كما يحب ويرضى



مشكور الاخ الموقر مختار

اللهم أستر ولايانا وأحفظنا جميعاً
اللهم أمين

وأهبك كل الوداد

[ودالسني]

الاخ العزيز المسافر
الف شكر علي طرحك الراقي لهذا الموضوع الخطير
مصيبتنا في السودان لا ناخذ من العولمه والتطور
الموجود في الغرب الا مثل هذه الاشياء ..