المساعد الشخصي الرقمي

مشاهدة النسخة كاملة : زواج صغيرات السن من كبار السن لماذا؟؟؟؟؟؟؟


ابورجاء
19-11-2006, 10:09 PM
السلام عليكم أحبائي
الموضوع برضو ملطوش من bakri
ماهي الاسباب التي تجعل بنات في عمر
الزهور يتزوجن من رجال في اعمار اباءهن؟؟؟؟
هل عامل الماده هو اساس هذه الزيجات ؟؟؟
هل تفكر البنت عندما تقدم على هذه الخطوة
في الطريق المظلم الذي تسير فيه؟؟؟؟
وهل يفكر الرجل ألف مره قبل الاقدام على هكذا أمر؟؟؟؟
والكثير الكثير نترك لكم المجال فيه فتفضلوا...
ودوما في رعاية الله وحفظه...
مع كل الود باقات من الحب والإمتنان........
سواااح
20-11-2006, 08:05 AM
ابو رجاء ..

الغالب ان العامل المادي
له دور مؤثر في ذلك
ولكن اقول لمن تتعاطي
هذا الامر .. فكري في فارق السن
والامور الاخري المترتبة
علي ذلك ...

دمـــــــــــــــت ،،
ابورجاء
20-11-2006, 11:31 AM
الغالي سواح
لك كل الحب وباقات من الورد
مرورك طيب كروحك ..
نعم المادة هي النعمة النغمة
لكن ليس مبررا لبيع النفس
في سوق النخاسة ودفن الراس
في الرمال كما النعامة من الأهل
فالأب باع وما كسب والبنت رضيت
ولم تصيب والشاري قبل المباع دون
اتباع لعقل ولا ضمير ..
فهل نفعت المادة البائع والبضاعة
والمشتري ؟؟؟؟؟؟
منعول ابوك مادة تجعل اللا معقول معقول
والأكل فيها اليوم غدا مأكول البائع فيها
خسران والشاري ندمان......
ودوما في رعاية الله وحفظه...
مع كل الود باقة ورد......
Jamal Elmahi
20-11-2006, 12:04 PM
الحبيب أبو رجاء
أريت حالك زين أأأبوي ...وين الحي بيك...والله ليك وحشه...ماتطوّل الغيبه أأأأعشاي
موضوعك عاصر علي اللحم الحي...وكمان واقع معاش ...الموضوع متشعب وشائك وتتعدد اسبابه وظروفه وملابساته...
فأذا أخذنا الموضوع من زاوية البت فالاحتمالات كتيره...الايجابي منها قد يكون شهامه من البت وتضحيه لتعول اسرتها وتصرف علي تعليم من يصغرونها من الاخوه والاخوات من الزوج العجوز ميسور الحال...
أكتفي بهذا الركن القصي الايجابي حتي احتفظ بصورة البت السودانيه الاصيله بت القبائل...

ود الماحي
مزوني
20-11-2006, 11:54 PM
آآآآآآآآآآه وآآآآآآآآآآآآآآآه

انا واحد من الناس بتضايق عديييييييييييل لما اشوف ولااسمع

حاجه زي دي لكن الله غالب وبالجد الماديات عمت ناس كتييييييييير

وزي ما قال أبونا واخونا جمال الماحي في الجانب الايجابي

ودي كلنا بنقيف ونصفق ليها ,, لكن ساااااااااااي كده؟؟؟؟؟؟؟

زي وحده ( بدون ذكر اسامي ) وضعها ماشاءالله تبارك الله

وساكنه ليها في عماره مع اهلها تلاته ولااربع طوابق في احد الاحياء الراقيه بمدني

وسواق لحد الجامعه ووووو

يعني ماشاءالله الحال ممتاز ,, عزمتنا العرس عشان نتفاجأ بي العريس

الطاعن في السن !!! وطبعا انا وباقي الزملاء فجعتنا كانت كبيييييييييييييييييييره

ولما سألناها بعد العرس قالت انها بدت تكبر ومافي زول زي الناس اتقدم ليها

قلنا ليها الكلام ده ما مقنع في النهايه قالت دي امور شخصيه ومادايرة زول يتكلم فيها !!!!

طبعا بعد ما اتضايقت من كتر الكلام والقيل والقال ,,,,,,,

يعني الحكايه ركوب راس ولا الحاصل شنووووووووووووووو؟؟؟؟

انا شخصيا بنتظر لحد ما تخش وحده من الاخوات وتدينا هي رأيها

والى ذلك الحين تقبلوا خالص حبي وتقديري

وتسلم كتييييييييير حبيبنا ابو رجااااااااء وربنا يديك العافيه يا حبيبنا
بات مان
21-11-2006, 12:05 AM
الزواج الذى ده بكون


فى اغلب الاحيان


عرضوا مادى


وذللك للاسباب التى تمر بها الفتات

وزواجذى ده اخير عدمو
بابكر
21-11-2006, 03:22 AM
اوروا بقى !!!!!!بالمصرى دى !!
زيكو منيب
21-11-2006, 06:15 AM
و الله يا جماعة عادة الزواج بيكون بغرض مادي

اووو الخوف من العنوسة
سوار الياسمين
21-11-2006, 10:39 PM
بصراحة ما عندي الا جوابين

يا اما السبب مادي وده بيكون الاغلب

يا اما الخوف بالسنين الي بتجري وخايفة تبقى في خبر كان

والله اعلم لو في اسباب تانية
امل حياتى
21-11-2006, 11:59 PM
المشكلة الشباب الصغار ما بيقدرو يمسكو بيوت عشان كدة الجكس بيتجه للمعلمين الكبار
فتاة مالي
22-11-2006, 02:51 AM
اانا رأي ِساعات البنت بتفتقر الى حنان الاب لذلك بتتزوج واحد في عمر ابوها بحثاً عن هذا الحنان المفقود
لكن كثير من القصص لزواجات من هذا الشكل ما وجدها
وشكرا
طبعا ومتفقه معكم عاى الماده
لكن انا
عن نفسي لا اوافق ابدا على مثل هذه الزيجه
لانها بتكون مثل الى بيدفن نفسه حي.....
ابورجاء
23-11-2006, 10:58 AM
الغالي ود الماحي
ليك كل الاشواق وآهة بتحرق قلب المشتاق
والله طلتك تمسح كل الفينا من الهم الغلب في
الاعماق والغيبنا هم اللم نكوس في الريالات
يا أأبوي الريال طاير ونحن وراهو
(ما ريال مدريد عشان عشاقو مايزعلو)
ومعاك في كل الكلام القلتو . لكن ما مبرر
انوالبت تبيع نفسها...
ووالله ما قصرت انك عايز تحافظ علي صورة
بت بلدي في حين انو في من يحاول التشويه
والنيل من قيمنا ,وعاداتنا وتقاليدنا السمحة.....
وراجيك للركن التاني ما تتأخر في انتظارك يا حبيبنا
ودوما في رعاية الله وحفظه ...
مع كل الود باقة ورد .....
ابورجاء
23-11-2006, 01:57 PM
الغالي مزوني
لك كل الاماني الحلوه والفرح الخرافي
لك كل الأشواق يا زول يا رايع والله مشتاق
مرورك له نكهة مميزة وعطر يشم من البعد
كصندل حيدر اباد (ما شميتو لكن كلموني)
يا مزوني يا وليدي الخلاك تتأوه كتير كده هو
زاتو المجنن بوبي خلاهو يعضي في نفسو
خليها على الله الآهات كتيره ملت البلد..
الزي زولتك المزعلاك شديد دي كتير ما يدوك
الدرب كميات.
ومعاك منتظرين واحده من الاخوات تجي وتدينا
الراي لانهن صاحبات الوجعة وراين يهمنا ابقن
داخلات لا جوه وقولن رايكن هنا......
ودوما في رعاية الله وحفظه....
مع كل الحب والود باقات من الورد.....
ابورجاء
23-11-2006, 02:50 PM
العزيز بات مان
لك التجلة والتقدير ومشكور على المرور
وتسلم على شعورك بس العرض المادي
ده يعني بيع وشراء صح طيب ليه البت
تبيع نفسها ده هو السؤال؟؟؟؟
ودوما في رعاية الله وحفظه...
مع كل الود باقة ورد.....
ابورجاء
23-11-2006, 03:47 PM
الغالي بابكر
تشكر عل المرور يا عم
نأورعلى ايه يا باشا هو في ايه
هو في حاجة يأورو عليها ما كلو
محصل بعضو يا عم...
وتسلم على اريحيتك ولطافتك لكن
بالجد منتظرنك تدينا رايك شكلك
مدكن شيتن كتير عن الموضوع بس قلت
تسوي مرورك وتعمل التمام وتجي
وتتفرجخ في الواطه وتقول الكلام العديل
الموزون اها في انتظار بس ما تتأخر ...
ودوما في رعاية الله وحفظه...
مع كل الود باقة ورد........
ابورجاء
23-11-2006, 03:59 PM
الغالي زيكو منيب
مشكور على المرور
نعم عادة يكون بغرض مادي
لكنه حتما خوفا من العنوسة
إذا ماهو الحل؟؟؟؟؟
ندبل يعني راجل المره ده حلو حلا
وده هو الي جاب الكلام البنحكي عنو
واحد متزوج وعندو اولاد يمشي يختار
ليهو وحده قدر بناتو او في دور اولادو
وهي بكل بجاحة تقبل عشان قروشو
لكن ما بتقدر العواقب البعد العرس...
ودوما في رعاية الله وحفظه....
مع كل الود باقة ورد....
ابورجاء
23-11-2006, 04:06 PM
سوار الياسمين
كل الشكر على مرورك
وفعلا ديل جوابين لكن الجوابات كتيييييييييييره
بس دايرين نعرفن من صاحبات الوجعة
تنتظر معانا والا تمشي وتجي اها ما تتأخر ..
ودوما في رعاية الله وحفظه....
مع كل الود باقة ورد....
ابورجاء
23-11-2006, 04:10 PM
أمل حياتي
مرورك دائما مايكون لطيفا ورقيقا
فلك كل التجلة مع خالص الإمتنان
والشباب الصغار خليهم يكملو قرايتم
لحدي ما يبورو يحصلو امات طه .
ودوما في رعاية الله وحفظه....
مع كل الود باقة ورد.....
ابورجاء
23-11-2006, 05:01 PM
الاخت فتاة مالي
لك كل مداخل الشكر المعتق بالبخور
والعود والصندل تلامس فيك شجاعة
الفارسات لقدومك والخوض في غمار
المعركة كوني دوما هكذا ...
ودوما في رعاية الله وحفظه...
مع كل الود باقة ورد..
محمد السر احمد
24-11-2006, 06:08 AM
دا سببو عزوف الشباب عن الزواج بسبب عدم توفر مقومات الزواج الاساسية لانو جد كل شاب بحلم انو يتزوج لكن من وين يجيب حق العرس لكن اعمامك عندهم القرش و ما عارفين يودو وين
ابورجاء
24-11-2006, 10:24 AM
الغالي محمد السر
لك كل التجلة وانت تشاركنا الرأي
لكن ماهو السبب الحقيقي لعزوف
الشباب عن الزواج هل هو العامل
المادي أم هو شئ اخر انت تعرفه
وانا وهم؟؟؟؟؟؟؟
ذاك موضوع جديد نتطرق له قريبا
ان شاء الله...
ودوما في رعاية الله وحفظه....
مع كل الود باقة ورد....
محمد مصطفي
25-11-2006, 01:44 AM
ابو رجاء موضوع جميل


لكن انا اعتقد العامل المادي بلعب الدور الاكبر

ودمت يا غالي
محمد السر احمد
25-11-2006, 04:53 AM
اخي ابو رجاء ان العامل المادي اهم شئ لاي شباب داير يعرس هل حايعرس بسجم خشمو( معليش للالفاظ )لكن دا واقعنا شباب عاطل ما لاقي شغل ماتت كل الامال و الطموحات الجميلة بينما هنالك ما تتوفر لدية العربية والبيت و الكشكوش
السؤال ماذا نعفل؟؟؟؟؟؟؟؟؟؟؟؟؟؟؟؟؟؟؟؟؟
ابورجاء
25-11-2006, 11:01 AM
الغالي كبك
لك التجلة وانت تعانق الحرف هنا
نعم الكل يتفق على ان العامل المادي
هو عصب المشكلة لكنه ليس الوحيد
ولي السبب الاساسي للمعضلة فالمال
وسيلة لتحقيق الغاية وليس العكس ...
فلنبحث عن الاسباب الحقيقية والدوافع
التي تجبر او تجبر عليها البنت للقبول
بتلك الزيجة المدفوعة الأجر....
ودوما في رعاية الله وحفظه..
مع كل الود باقة ورد....
ابورجاء
25-11-2006, 11:22 AM
الغالي محمد السر
لك كل الأمنيات الحلوة الجميلة
يا الغالي لا نختلف ان المال كما ذكرنا
مرارا هو من الاسباب لكنه ليس الوحيد
او الاساسي هناك اسباب اخرى ومسببات
كثر منها ما نتحرج ان نذكره هنا وهناك
انت تعلمها وانا وهو وهي لكن ما يهمنا
كيف المخرج واين السبيل؟؟؟؟؟
ويا حبيبنا في شباب كتير عندهم العربية
والبيت واللازي منو بس ما يفكر حتى مجرد
تفكير انو يتزوج لماذا ؟؟؟؟
دي الحاجة المحيرة بوبي وعايز يعرف ...
ودوما في رعاية الله وحفظه..
مع كل الود باقة ورد......
محمد السر احمد
26-11-2006, 02:57 AM
فهمتك يا عزيزي ابو رجاء الموضوع دا الكلام فيو كتير وداير غرقة مغلقة واانشاء الله نتلاقي
wdelsair21@hotmail .com
ابورجاء
28-11-2006, 10:39 AM
الغالي ود السر
لك كل الامنيات الحلوة والامل
المعبق بالمسك والكافور تلامس
كل الالق فيك ....
وعملنا ليك كلك يمين وحفظ باسم
يالا ادخل لا جوه وقول الفي ضميرك
وخلي لي باقي الكلام......
ودوما في رعاية الله وحفظه...
مع كل الود باقة ورد.....