حبيبنا نزار حسن محمد ... ضيفنا لهذا الأسبوع على الكرسي الساااخن

[نزار حسن محمد]

جيناكم ياحبايبنا... من ارض المحنه ومن ناس مدنى ناس الزوق والظرافه...
كانت لحظات جميله للغايه وانا التقى الاحباب ود الماذون وخالد صول السودان ونبيل حمدتو وعوض صغير وحسن على ونهله حيدر والصادق ساتى واتحدث مع السلامى ونتبادل الرسائل لسوء شبكة الاتصالات وضائع اهل مدنى مع الكسب لى شركات موباتيل وريبا والسودانى.. كدى انا جيت عشان اسلم عليكم وياما فى الجرب ياحاوى... انتظرونى عشان اتونس معاكم بتفاصيل التفاصيل.. والشكر موصول لكل من شاكرنى الفرحه بالمولوده الجديده رنيم ..اخوكم نزار حسن

[راشد خضر]

الف 1000 مبروك بقدوم ( رنيم ) وحمدا لله على سلامة أمها

مع تمنياتي لك نـزار بإجازة سعيدة

[Jamal Elmahi]

حباب ود حسن...
حمدلله علي السلامه وبركه الرجعته لينا سالم وغانم...يعلم الله ليك وحشه كبيره...
العروسه مبروكه وتربي في عزّك ....والعروسه الحلوه دي من هسه مخطوبه ومايكون فيها كلام....
بنرسل ليكم قولة خير...,وأنتوا رسلوا لينا موية الضحيّه ...أقصد خروف الضحيّه ....

مشاققه ....
رنيم ...انتباه وسلام تعظيم
رنيم ...والماعندو ياكل نيم
رنيم ...السمايه كفانا عضيم

عم رنيم

[محمد حسين (المميز)]

حبابك وحمدالله عالسلامه
اخونا نـــزار

وفي انتظار عودتك

**********

[سواااح]

ابو رنيم ..

حبابك اخوي وحمدا لله علي سلامتك
وما شاء الله عليك اخر ايام من رمضان
وكمان العيد في مدني
والمولودة الجديدة وافتتاح مسجد بركات
جعل الله ايامك عامرة بطاعته
وبارك فيك واثابك ..

دمـــــــــــــــــت ،،

[saleh farah]

حمدالله الف على السلامه يااجمل زول افتقدناه ايام العيد ، كل سنه وانت طيب ، ومبروك والف الف الف الف الف الف مبروك المولوده رنيم وحمدالله الف على سلامة والدتها التى نتمنى لها الصحه والعافيه دائما ، بالمناسبه ياودالماحى البت دى نحن دافعين مهره من ايام كانت فى مرحلة حرف الميم عشان كده يا اخوى فتش ليك خطيبه تانيه ولا تعال اقنع سراقه وشوف حاتتعب كيف لما تصل الياء المعرجه .

[نزار حسن محمد]

الاحباب .. والله مشتاق لكم وسيرتكم ما فارقتنا.. وغايتو ياود الماحى كان جاتك عشراقه بتكون من ود الماذون
الحبيب الرباطابى راشد لك الحب ايها المبدع الاصيل..
ود الماحى لك وحشه ياغالى والله كل يوم نحن فى سيرتك وذى ماقال الحو وكت سيرتك اجيبوها اهلى كتير بريدوها وحليل العشره مابتهون على الناس البعزوها ..
المميز.. المميز وينك ياراجل. مشتاقين وطال علينا فراقكم والله ياغالين
العرئس النفض الكيس ضياء شنو ياسواح مش كان الموعد فى عيد الفطر سالنا منك ووصفت للاخوه الاعضاء شارع بيتكم والجميع فى انتظار سماع المزيكه ومبروك مقدما ياعرئس
هلا بالحبيب الغالى ود جزيرة الفيل.. الشاعر الاصيل.. ود ملوك النيل كيفك ياصالح عندى لك ونسه طويله بس انتظرنى فى التلفون
مشكورين ياحبائب .. ولكم حبى اخوكم ودحسن

[خالد أحمد الصول]

الحبيب نزار
حمدا لله علي سلامة العودة .. مع إني متأسف علي عدم تلبية دعوه فطور فول كشك المظبط و لكن عزائي أخي أنكم ملأتوني القا بلقياكم و شوفتكم الغالية ... كل أملي أن يكون عودا حميدل لكم و تحياتي لام العيال و العروسه الجديدة و لي كلام كثير سوف أنزله بعد أن اقراء ووووا سوداناه

[امير عبدالباقي]

الاخ الحبيب ود حسن
لك كل التحايا
حمدلله علي السلامه ؛ مبروك البنيه ؛ اتصلت عليك تلفونيا ولكن لم نسعد بسماع صوتك وقابلت والدك وتونسنا كتير وقال انك بقيت نقيب ؛ وعرفت من وين جبت الظرافه والله راجل وناس وظريف جدا وعرفت منه انك في الخرطوم ؛
المهم حمدله علي السلامه

[elfatih61]

نـزار ود حسن ( سابقا) - و ( أبو رنيـم ) حاليــاً
تحيـات وأشـواق ليـك بالكوم يازول والله وحشتنا
ووحشت المنتدى، أولاً مبــروك ( رنيــم ) وإنشاءاللــه
في عز أبوها وأمها تتربـي وتكبـر وتشوفها من أحسن
البنـات يارب يا مجيب 0 ثانيـا حمدالله علس سلامــــة
عودتـك لينـا وبقدر ما فرحانين بالرجوع بقـدر
ما متشوقين نسمع حكاوي الاجـــازة
خاصة إنك قابلت الناس الحلوين
ناس منتدى مدنى الظرفين ونحسدك
على هذه اللمة والإنفـرادة بيهم والقبـال
عندنـا 00 ثالثاً الجديــد شنو في مدنـــــــى
والاخبار بالتفصيــل الممــل عشان نكون مواكبين
وإنت خير من يعكـس الاحـوال هناك - ورابعاً نحـــــن
عرسانا جاهزين يا أبورنيم 00 وداخلين منافسة عديـــل
كده مع ود الماحـي المن هسه بشرط عليكم في
مويـة رمضان 00 ونحن عروضنا عايــزين
البنت بالفاتحة بس كفاية أبوهــا
وأهلها 000 شنو ليــك !!

[elfatih61]

أبو رنيــم
يعنى هسه ود الماحـي ذي الضمن خطوبة رنيـم
وبدا يتشرط ليكم في موية رمضان 00 وشاعرنـا
صالح ود جزيرة الفيـل ولدو ( سراقـه ) جاهز وطبعا
ده إقناعوا صعب لانو أبوه شاعر وحجتو قويـة وأنا بتقدم
ومعاي فرساني الثلاث ( ضيـاء / محمــد -/حســام ) والعرض
بتاعنا بنتقدم بيه لاحقـاً 00

[حسن على]

الف 1000 مبروك بقدوم ( رنيم ) وحمدا لله على سلامة أمها

والله نحنا افتقدناك شديد

[Jamal Elmahi]

الحبايب ودفرح والفاتح...وابو الجكس ودحسن...
أنا كنته ناوي أتنازل ونحوّل قولة خير الرسلناها لي سراقه...,وأهو كلهم وليداتي ...
لكن مادام الموضوع جاب ليهو منافسه الحشاش يملأ شبكتو....
نبدأ بي فتح الخشم ...دهب ظبياني لي أم رنيم يغطي اليدين الي الكوعين ...فرائض الوضؤ...
والرجلين أسوره عيار أربعه وعشرين حدهن الركب...أما دهب الرقبه مجموعة كراسي بما فيهن كرسي جابر ونخلي أم رنيم كأنو عندها أبوعديلات ماتقدر تتلفت...أما التياب ليها ولي صاحباته شئ من سويسرا وشئ لندن وشئ موشئ....سمحه المقدره....
أبوالعروس ...عربيتين اخر موديل يختار الماركه هو...وعروس حنكوشه أخر موديل برضو ..وبرضو يختار الماركه هو براهو....وجامع ناصيه...
لسه ما أنتهيت من أبو العروس بجيكم صاد...

ود الماحي

[نزار حسن محمد]

الحبيب نزار
حمدا لله علي سلامة العودة .. مع إني متأسف علي عدم تلبية دعوه فطور فول كشك المظبط و لكن عزائي أخي أنكم ملأتوني القا بلقياكم و شوفتكم الغالية ... كل أملي أن يكون عودا حميدل لكم و تحياتي لام العيال و العروسه الجديدة و لي كلام كثير سوف أنزله بعد أن اقراء ووووا سوداناه

ودالصول .. بعد شهر انا معاكم والفوله المصلحه مابخليها... بس الظاهر انت نسيت انا قولته حااكتب ووووووووواطناه لكن عشان خاطرك الموضوع ساكتبه بعنوانك ووواسةداناه..لكم حبى ولى لمتكم الجميله.. ابورنيم

[نزار حسن محمد]

الاخ الحبيب ود حسن
لك كل التحايا
حمدلله علي السلامه ؛ مبروك البنيه ؛ اتصلت عليك تلفونيا ولكن لم نسعد بسماع صوتك وقابلت والدك وتونسنا كتير وقال انك بقيت نقيب ؛ وعرفت من وين جبت الظرافه والله راجل وناس وظريف جدا وعرفت منه انك في الخرطوم ؛
المهم حمدله علي السلامه

العزيز الغالى امير ازيك ياحبيب ..تعرف ياامير الوالد الله ادى الصحه والعافيه تزوج وهو صغير وانا كنت فرحته الاولى
لكن الركبين طالوا وبقيت اطول منه اه من اليوم داك بقى اخاف على من العين وبقى اقدمنى للناس بصفة اخوه الصغير
ولقايت الحظه ياامير فى ناس كتيره مصدقين بانى اخوه الوالد.. انشاء الله بعد شهر راجع مدنى اتمنى ان نلتقى ..ابورنيم[/COLOR]

[نزار حسن محمد]

أبو رنيــم
يعنى هسه ود الماحـي ذي الضمن خطوبة رنيـم
وبدا يتشرط ليكم في موية رمضان 00 وشاعرنـا
صالح ود جزيرة الفيـل ولدو ( سراقـه ) جاهز وطبعا
ده إقناعوا صعب لانو أبوه شاعر وحجتو قويـة وأنا بتقدم
ومعاي فرساني الثلاث ( ضيـاء / محمــد -/حســام ) والعرض
بتاعنا بنتقدم بيه لاحقـاً 00

الحبيب الفاتح والله يازول فى مدنى سالته منك نبيل حمدتو وقلته ليه الفاتح فى الفتره الاخيره مسجل غياب لكن الان متكيف عشان لقيتك .. طبعا اخوك بى البنت صرت نقيب كما قال لك الوالد لكن والله اخوك فرحان بيهم داير اطير السماء
بعدين مافى اى مشكله انا عندى تلاته بنات وحده لولد عمك ود الماحى وواحده لى سراقه وواحد لى ضياء الفاتح اه قصرته معاكم برغم مغريات عمك ود الماحى والحرمه طبعا عاجبه موضوع الدهب لكن اقتنعت فى النهايه..
.. اخى الفاتح ارجو ان تتابع ماساكتب فى الايام القادمه عن كل شى وا بتفصيل ..مع فائق حبى ..ابورنيم

[نزار حسن محمد]

الف 1000 مبروك بقدوم ( رنيم ) وحمدا لله على سلامة أمها

والله نحنا افتقدناك شديد

حسن على ..يافنان.. احتمال ناس المنتدى ماشافوك.. وانا بقول ليهم انتظروا ابوعلى اتوقع لك مستقبل باهر وانت اهلا له لما فيك من طيبت معشر وحسن خلق ..+ ابداع..لك كل الاشواق.. ابورنيم

[نزار حسن محمد]

[QUOTE=Jamal Elmahi]الحبايب ودفرح والفاتح...وابو الجكس ودحسن...
أنا كنته ناوي أتنازل ونحوّل قولة خير الرسلناها لي سراقه...,وأهو كلهم وليداتي ...
لكن مادام الموضوع جاب ليهو منافسه الحشاش يملأ شبكتو....
نبدأ بي فتح الخشم ...دهب ظبياني لي أم رنيم يغطي اليدين الي الكوعين ...فرائض الوضؤ...
والرجلين أسوره عيار أربعه وعشرين حدهن الركب...أما دهب الرقبه مجموعة كراسي بما فيهن كرسي جابر ونخلي أم رنيم كأنو عندها أبوعديلات ماتقدر تتلفت...أما التياب ليها ولي صاحباته شئ من سويسرا وشئ لندن وشئ موشئ....سمحه المقدره....
أبوالعروس ...عربيتين اخر موديل يختار الماركه هو...وعروس حنكوشه أخر موديل برضو ..وبرضو يختار الماركه هو براهو....وجامع ناصيه...
لسه ما أنتهيت من أبو العروس بجيكم صاد...

[SIZE=5][COLOR=Purple]ود الماحى
[SIZE=5]والله ياود الماحى عرفته من اين ياؤكل الكتفه .. ساعتين انا بقنع فى ام رنيم بان ارضى ناس المنتدى وهى ستين يمين بناته التلاته لى اولاد ود الماحى... وكمان قالت قبلانه بى العروس الحنكوشه ... بس الدهب.. شفته بقت ذى ادروب داير اموت والناس اقوله ليه اشهد وهو ماسك النار بس ياادروب قول لااله الا الله وهى الدهب بس ادروب قال داير النار عشان يسوى جبنه لكن ام رنيم قالت انشاء الدهب اعمل ليها ابوعديلات .. ام عديلات.

[مزوني]

الحبيب الغالي ابو رنيم

اولا مبروك البنيه والحمدلله على سلامة امها الغاليه عليك طبعا,,,

لكن امانة يا راجل ما ألمتني ورجعت لي المواجع لكن على كل حال الحمدلله على السلامه

وعليك الله كما سلمت لي على مدني حيطه حيطه على الله لما نجيها شهر 2 انشاءالله

ونلاقي رفيق الدرب حسن علي وباقي الحلوين واتمنى في الفتره الشاتره دي الاقي اكبر كميه من الاعضاء

في مدني مع اني قابلت منهم ايامي الفي السودان لكن ما الكميه المطلوبه

على العموم يا حبيبنا ابو رنيم نتمنى ليك اجازة سعيده بمعنى الكلمه

وربنا انشاءالله يجعل ايامك كلها افراح يا غالي

وليك خالص حبي وتقديري

اخوك

مــازن

[zoolfrda]

نـــــــــــــــــــــــــــــــــــــــزار

حمد لله على السلامة يا ابو رنيم


وتعال جاي الكرسي الساخن راجيييييييييييييين

[نزار حسن محمد]

الحبيب الغالي ابو رنيم

اولا مبروك البنيه والحمدلله على سلامة امها الغاليه عليك طبعا,,,

لكن امانة يا راجل ما ألمتني ورجعت لي المواجع لكن على كل حال الحمدلله على السلامه

وعليك الله كما سلمت لي على مدني حيطه حيطه على الله لما نجيها شهر 2 انشاءالله

ونلاقي رفيق الدرب حسن علي وباقي الحلوين واتمنى في الفتره الشاتره دي الاقي اكبر كميه من الاعضاء

في مدني مع اني قابلت منهم ايامي الفي السودان لكن ما الكميه المطلوبه

على العموم يا حبيبنا ابو رنيم نتمنى ليك اجازة سعيده بمعنى الكلمه

وربنا انشاءالله يجعل ايامك كلها افراح يا غالي

وليك خالص حبي وتقديري

اخوك

مــازن
مازن ياأأبوى الله ماجاب الالم..مالك يازول متالم ياخى بعد الشر عليك.. ودمدنى كلها بتسلم عليك.. ومهما طالت الغربه مصيرنا راجعين تانى للام الحنونه ودمدنى
لك كل الحب ... ومصير الحى يلاقى حبايبه الغالين...اخوك ابورنيم

[نزار حسن محمد]

نـــــــــــــــــــــــــــــــــــــــزار

حمد لله على السلامة يا ابو رنيم


وتعال جاي الكرسي الساخن راجيييييييييييييين

الحبيب الغالى زول فرده ..ياخى الناس بتسلم عليك بشده.. بعدين انت مالك مستعجل كده ود الماحى وصاك على خلاص منتظرين الثور يقع عشان تسله سكاكنكم..

افو.. يازول انشاء الله كرسى كهرباء اخوك جاهز مويه ونور.. بس الله ادينى الوقت
طيرته لى الكلام من راسى بكرسك دا..يازول كتلوك.. ولا جوك.. انا راجيك تحت الشجره...ابو رنيم

[zoolfrda]

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
بناءً على طلب خااص جداً من العزيز جمال الماحي
http://www.asmilies.com/smiliespic/FAWASEL/048.gif (http://www.asmilies.com/)
يسرنا أن نستضيف لهذا الأسبوع ... ضيف خفيف الظل ومحبوب لدى الكل...
أحد أعمدة المنتدى...
تسلل إلى قلوبنا بهدوء وسكينة ( أحببناه فبادلنا كل الحب ) ..
فيسعدنا جميعاً أن نكون ضيوفاً عليه..
نلتقيه اليوم ولأيام ليحكي لنا ونحكي نحن له عن أيام سعدنا برفقته عبر هذا الملتقى الجميل ..
http://www.asmilies.com/smiliespic/FAWASEL/053.gif (http://www.asmilies.com/)

فمن هو أبو رنيم /نزار حسن محمد ؟؟؟

http://tabatpeople.com/songs/imad/al3oba.ram

[نزار حسن محمد]

الاسم نـــــــــزار حســــــــن محمـــــــــد عثمان
من مواليد .. رئاسة مشروع الجزيره ...بركات
المراحل الدراسيه الابتدائى والثانوى العام بركات الثانوى العالى الامير ثم مدنى الثانويه
التحقت بمعهد الموسيقى والمسرح لمدة سته اشهور ..ثم التحقت بمركز ترنيك سنتر وعملت بالخطوط الجويه السودانيه لفتره بعد ذلك عملت بادارة مشروع الجزيره ثم سافرت الى جمهورية اوكرانيا الاتحاد السوفيتى سابقا دراسة بالعاصمه كييف .. اقتصاد
واخذت اللغه الروسيه مادة تخصص .. بعد التخرج عملت مع شركة بودال السعوديه مدير لمكتب موسكو حصلت على عدة شهادات من جامعة الخرطوم وعدة شهادات من معاهد الكمبيوتر بدولة الامارات ثم بعد ذلك عملت كمترجم بقاعدة الظفره الجويه بابوظبى ثم بنك الاتحاد الوطنى بكل امارات دولة الامارات منذ سبع سنوات وانا بوزارة الاشغال العامه والاسكان رئيس قسم الكمبيوتر بامارة دبى..
متـــــــــــــــــــــــــــــزوج ولى ثلاثه زهرات يعنى نقيب فايزه سته سنوات وائلاف ثلاثه سنوات ورنيم اسبوعين
اه تانى فى حاجه ولا كفايه...

[ابراهيم]

هلا بالارباب الفارس
نزار حسن
ابو رنيم في رواية أجمل
اولاً بالتبادي مبروك البنية ربنا يحفظها ويرعاها ويعلى شانها
معليش التهنئة جات متأخرة لكن انت شافينا براك بقينا رقراق في المنتدى باقى الواحد شغال مع الدنيا توم آند جيري ...
عندى معاك ونسة كتيرة بس آخد لي لفة واجيك ..
اقعد عافية

[مدنيّة]

متـــــــــــــــــــــــــــــزوج ولى ثلاثه زهرات يعنى نقيب فايزه سته سنوات وائلاف ثلاثه سنوات ورنيم اسبوعين


http://www.asmilies.com/smiliespic/FAWASEL/002.gif (http://www.asmilies.com)

هههههههههههههه
نزار اخوي متزوج دي جااااااااااااااااريها كدا مالك ؟؟؟ ههههههههههههههههه
علي فكرة اخوي الصغير اسمه نزار
اهلا بيك واسفة علي التاخير بس شوية مشغوليات وياداب دخلت وشفت البوست الان
ربنا يخلي ليك الامورات وعقبال ماتبقي رائد ;)

http://www.asmilies.com/smiliespic/FAWASEL/002.gif (http://www.asmilies.com)

[ابراهيم]

http://www.asmilies.com/smiliespic/FAWASEL/002.gif (http://www.asmilies.com/)

هههههههههههههه
نزار اخوي متزوج دي جااااااااااااااااريها كدا مالك ؟؟؟ ههههههههههههههههه

http://www.asmilies.com/smiliespic/FAWASEL/002.gif (http://www.asmilies.com/)



مدنية ازيك
دى مغص للعزابة:D

[مدنيّة]

مدنية ازيك
دى مغص للعزابة:D


http://www.asmilies.com/smiliespic/FAWASEL/002.gif (http://www.asmilies.com)


http://www.asmilies.com/smiliespic/FAWASEL/002.gif (http://www.asmilies.com)

وينك مطول الغيبة ابراهيم ؟؟ :(

خلا شد حيلك انت زعيهم ياابراهيم :D :D

http://www.asmilies.com/smiliespic/FAWASEL/002.gif (http://www.asmilies.com)

[عماد الصادق]

أخونا نزار
لك التحية.. ومبروك ترنيم وعقبال ماتجيب تجيب ليهم اللخو
يشيل عنك وعنهم ويترسل الدكان...
تعرف يانزار أنا لي بنية واحدة في أولى ثانوي حالياً
مبسوط وحامد شاكر... بس كترة المراسيل للدكان والسوق
بتمنى الليلة وبكرة أجيب الولد... بس عشان أرسلوهو بدلاً عني!!!
رأيك شنو ود الماحي...

بعدين ممكن نعرف من مواليد كم!

[عماد الصادق]

ملحق

عذراً إن غيرنا في اسم الأمورة
ولا سبب غير الكُبر وفراق الأحبة
قبلاتنا للعروسة رنيم

[عوض صقير]

أخونا نزار حسن
أولا حمد لله على سلامت الوصول
وإن شاءالله لقيت الأمورة الجديدة فى أحسن حال

وطبعا حسب الأتفاق نحن من الآن حاجزين ومحمد عوض جاهز

اليوم مشينا أكلنا الفول مع ود الصول معى ود المأذون ونبيل حمدتو وحسن على

لنا عودة

[سواااح]

شيخ نزار مرة واحدة وفي الكرسي الساخن !!

نمشي نجهز حالنا وبجيك راجع

الكلام ما دخل الحوش !!

[نزار حسن محمد]

هلا بالارباب الفارس
نزار حسن
ابو رنيم في رواية أجمل
اولاً بالتبادي مبروك البنية ربنا يحفظها ويرعاها ويعلى شانها
معليش التهنئة جات متأخرة لكن انت شافينا براك بقينا رقراق في المنتدى باقى الواحد شغال مع الدنيا توم آند جيري ...
عندى معاك ونسة كتيرة بس آخد لي لفة واجيك ..
اقعد عافية

هلا بناس الجنائن بناس جزيرة الفيل.. الحبيب ابرهوته
كدى فى الاول عقبال ماابارك لك ليلة الدخوله...والله يابراهيم .. ذى ماقلت الواحد بقى افتش للزمن .. غايتو ربك كريم
ويابوى الونسه عندى عنا بس انت تابعين فى الايام القادمه وحتسمع شمارااات عجب...
ماطول الغيبه ... فتك عافيه

[sambaaa]

الاخ العزيز .. ود حسن

الف الف مبروك بمناسبة المولودة الأمورة ( رنيم )
وكانت امنيتي ان اشاركك كل لحظات الفرح والسعادة في مدنينتنا الحبيبة
كما اعلن لك سعادتي الغامرة بكل النجاحات الكبيرة التي ظللت تحققها تجاه المنتدى أينما حللت .
ولي عودة معك ،،،،.

[نزار حسن محمد]

أخونا نزار حسن
أولا حمد لله على سلامت الوصول
وإن شاءالله لقيت الأمورة الجديدة فى أحسن حال

وطبعا حسب الأتفاق نحن من الآن حاجزين ومحمد عوض جاهز

اليوم مشينا أكلنا الفول مع ود الصول معى ود المأذون ونبيل حمدتو وحسن على

لنا عودة
دفعه الحبيب عوض صقير الحمدالله كل الامور طيبه.. اما بخصوص محمد كدى شاور عمك ود الماحى ..الجيب الدهب للركب
والله ياعوض ياريت لو كان الواحد اجازته طويله عشان الونسه انا عارفه مابتنتهى.. انشاء نجتمع فى القريب العاجل
تحياتى لكل الاحباب بودمدنى.. لكن ياعوض امانه الكرسى مادايره ليه قعده ياكافى البلاء مافى واحد اقول ياخوانا ريحه نزار ده شويه ياخد ليه نفس..امانه ماوقع راجل....ابورنيم

[نزار حسن محمد]

شيخ نزار مرة واحدة وفي الكرسي الساخن !!

نمشي نجهز حالنا وبجيك راجع

الكلام ما دخل الحوش !!

تعرف ياضياء ان ساهل قاعد فى الكرسى الساخن لكن الله يسهل عليك قعدة الكوشه مع العروسه وهاك يازغاريد وهاك يامبروك وهاك ياابشر ياعرئس..حرم تصح الصباح بفليته..

توصيه ... كدى استشير عمك ود الماحى فى اليوم ده

[نزار حسن محمد]

الاخ العزيز .. ود حسن

الف الف مبروك بمناسبة المولودة الأمورة ( رنيم )
وكانت امنيتي ان اشاركك كل لحظات الفرح والسعادة في مدنينتنا الحبيبة
كما اعلن لك سعادتي الغامرة بكل النجاحات الكبيرة التي ظللت تحققها تجاه المنتدى أينما حللت .
ولي عودة معك ،،،،.

بركه الجيت بركه الجيت .. ياخى عثمان انت بقيت ذى هلال العيد تختفى مده ثم تظهر لتنشر الفرح والسعاده
اه انا فى انتظار عودتك.... اخوك ابورنيم

[خالد أحمد الصول]

حبيبي نزار
مبروك عليك الكرسي و مفصل عليك تب ... بعدين ما جبت سيرة فول كشك القاليك عليها عوض صقير .. يا زول الايام دي نحنا هنا هملة شديدة و الشاف نبيل حمدتو معرس من الجامعة ما كضب .. أصلوا الايام دي عمل ليهو دريبات تانية ... يعني ما بجيني إلا بعد خلاص يكون قعد ليهو 3 ساعات ... و كمان ود المازون الايام دي عريس جديد و كل مرة نرفع و نخت في راسنا نقول خلاص جاي يعزمنا علي وليمة كبيرة .. و هو عمل نايم زي أخوهو نزار حسن قدر ما قلنا يعمل لينا السماية هنا أصلوا الكلام دة لا دخل لا مرق ... علي العموم الشهر قريب بننتظر ...

[mnoma]

السلام عليكم ...يــــــا أبو رنيم

الف حمداً لله على ســـلامة العودة ... وألف حمداً لله على سلامــــة أم رنيم
وألف مليون مبروك الاميرة .... رنيم .... وتتربى في عزكم ان شاء الله
طبعاً التهنئة جات متأخره جداً ... بس ظروف الشغل هي السبب

كدي .... بمشي وبجيك راجعة
ســــــــــــلام :)

[امل حياتى]

الف 1000 مبروك بقدوم ( رنيم ) وحمدا لله على سلامة أمها

[hamad2]

الف 1000 مبروك بقدوم ( رنيم )وربنا يحفظها

[elfatih61]

يا أبو رنيم 000 بالله كلم ( أم رنيم )
الدهب الكتير اللى بقدموا ود الماحي ده زاتو مشكلة
يحفظوه وين !! يطلعوا ذكاتو كيف !! وغير ما جيب العين
والحرامية ما بعمل حاجة !!
عموما لو أم رنيم وافقت خلاص أدونا واحدة بس وما بنقصر مع
( إبن ود الماحي وإبن صالح ) وأهو نكون نسائب وأولادنا عدائـل
وعشان نراضي ( أم رنيم ) بكره من الصباح امشى سوق الدهب
وشوفي العايزاه بحضور نزار ورقم ( الفيــزا ) بجيكم بالتلفون
اها رأيكم شنو !!

[سواااح]

تعرف ياضياء ان ساهل قاعد فى الكرسى الساخن لكن الله يسهل عليك قعدة الكوشه مع العروسه وهاك يازغاريد وهاك يامبروك وهاك ياابشر ياعرئس..حرم تصح الصباح بفليته..

توصيه ... كدى استشير عمك ود الماحى فى اليوم ده

تعرف يا نزار ..

داك ما كرسي ساخن بس من نوع خاص
لكن طبعا اخوك ما مقلق عارف ليه ؟؟
لانكم حتكونوا موجودين
وعمي جمال الماحي ما عارفو مختفي وين الايام دي
لكن بلم فيهو
وبديك خبر قريب بالمواعيد النهائية ..

[نزار حسن محمد]

حبيبي نزار
مبروك عليك الكرسي و مفصل عليك تب ... بعدين ما جبت سيرة فول كشك القاليك عليها عوض صقير .. يا زول الايام دي نحنا هنا هملة شديدة و الشاف نبيل حمدتو معرس من الجامعة ما كضب .. أصلوا الايام دي عمل ليهو دريبات تانية ... يعني ما بجيني إلا بعد خلاص يكون قعد ليهو 3 ساعات ... و كمان ود المازون الايام دي عريس جديد و كل مرة نرفع و نخت في راسنا نقول خلاص جاي يعزمنا علي وليمة كبيرة .. و هو عمل نايم زي أخوهو نزار حسن قدر ما قلنا يعمل لينا السماية هنا أصلوا الكلام دة لا دخل لا مرق ... علي العموم الشهر قريب بننتظر ...

ود الصول ذى ماقلت الشهر مابعيد وبخت ناس عوض صقير ..لكن موضوع ودحمدتو ده خطير كتف الراجل من يطلع من القفص..لكن ناس ود الماذون .. بقى لحقنى ولاحقك ناس لسان ساكت..والسمايه بعمله لكم فى عيد الضحيه اه قصرت معاك ...على العموم ارجه العيش فى الطاحونه

[نزار حسن محمد]

السلام عليكم ...يــــــا أبو رنيم

الف حمداً لله على ســـلامة العودة ... وألف حمداً لله على سلامــــة أم رنيم
وألف مليون مبروك الاميرة .... رنيم .... وتتربى في عزكم ان شاء الله
طبعاً التهنئة جات متأخره جداً ... بس ظروف الشغل هي السبب

كدي .... بمشي وبجيك راجعة
ســــــــــــلام :)
منومه ازيكه ياملكه ..عقبال مانبارك لك تؤام ..قولى امين.. ماتتاخرى راجى جيتك..كيتن فى ناس ود الماحى

[نزار حسن محمد]

الف 1000 مبروك بقدوم ( رنيم ) وحمدا لله على سلامة أمها
الحبيب ياسر
عقبال ماتبقى ذى كده نقيب.. لك ودى اخوك ود حسن

[نزار حسن محمد]

الف 1000 مبروك بقدوم ( رنيم )وربنا يحفظها

حمدتو ياابو النسب ازيك ياجميل ومشكور عقبال مانفرح بيك ونشرب شرباتك ...لك الود ابورنيم

[نزار حسن محمد]

يا أبو رنيم 000 بالله كلم ( أم رنيم )
الدهب الكتير اللى بقدموا ود الماحي ده زاتو مشكلة
يحفظوه وين !! يطلعوا ذكاتو كيف !! وغير ما جيب العين
والحرامية ما بعمل حاجة !!
عموما لو أم رنيم وافقت خلاص أدونا واحدة بس وما بنقصر مع
( إبن ود الماحي وإبن صالح ) وأهو نكون نسائب وأولادنا عدائـل
وعشان نراضي ( أم رنيم ) بكره من الصباح امشى سوق الدهب
وشوفي العايزاه بحضور نزار ورقم ( الفيــزا ) بجيكم بالتلفون
اها رأيكم شنو !!

الفاتح..يازول تعالوا ساكت بالفاتحه بس ماحلال حلال... بس جيب معاك كيس صاعوط كارب من عبد الحق ومعاك جريده رياضيه... ود الماحى خلى على انا ...اها رايك شنو..

[نزار حسن محمد]

تعرف يا نزار ..

داك ما كرسي ساخن بس من نوع خاص
لكن طبعا اخوك ما مقلق عارف ليه ؟؟
لانكم حتكونوا موجودين
وعمي جمال الماحي ما عارفو مختفي وين الايام دي
لكن بلم فيهو
وبديك خبر قريب بالمواعيد النهائية ..
ياسواااح من يوم ما اعلنتا مواعيد الزواج ود الماحى دخل الغابه مشى اشترى التمر براه ومن دربه داك دقش الكمبوا
قال فى عرسك حيقلب هوبه اكون بدرب ياربى,,,

[Madanawi]

مبروك البنية با ابو رنيم وربنا يجعلها قرة عين لك ولوالدتها آمين
دحين آخوي اقعد لينا في الكرسي دا وخلينا نعرف ناخد وندي معاك
قلت لي من بركات؟؟؟؟؟؟؟؟؟؟؟؟
السرايات ولا الجعليين ولا اللاسلكي ولا السوق؟؟؟؟؟؟؟؟؟

[عماد الصادق]

أبو رنيم..
شنو يعني فطيتنا وما اشتغلت بينا...
عسى المانع خير ...
لكم التحية

[مصباحيه]

زار حمد لله على سلامة وصولك والف الف الف مبروك بوصول الفارسه رنيم وتتربى فى عزكم وربنا يخليها ليكم ويطول عمرك ليهم وانشا الله يارب مليون سسسسسسسسسسسسسسسسسسسسسسسسسسسسسسسسسسسسسسسنه

[معتز حمدتو]

العزيز ابو الرجال
مبروك البنية وتتربي في عزكم وربنا يجعلها من الصالحات وحمدا علي سلامة العودة
( طبعا تسمية ابو الرجال لانك ح يكون عندك مع بناتك رجال كمان )
لك التحية يانزار وحمدا علي سلامة ام البنات
والله ياشباب المنتدي العاوز احرر السوق ادخل منتدي ودمدني واقول عندي بنيه ، لكن العندً اولاد اقيف جنب الجامع ولا كيف ؟ .

[Madanawi]

يا الله وبعدين معاك يا نزار - نغير الكرسي دا ولا شنو؟؟؟؟؟؟؟؟
يا زول تعال ما تبتعد قرب - انت مشلوط مشلوط في كرسي النار دا نسال الله التخفيف للجميع ومن الجميع

[مدنيّة]

أبو رنيم..
شنو يعني فطيتنا وما اشتغلت بينا...
عسى المانع خير ...
لكم التحية

http://www.asmilies.com/smiliespic/FAWASEL/002.gif (http://www.asmilies.com)

ما براك ياعماد ياخوي لكن انا غايتو سكت وعديتها بس لقيتك انت ما بتعدي ااااااااااااي حاجة :D

http://www.asmilies.com/smiliespic/FAWASEL/002.gif (http://www.asmilies.com)

[نزار حسن محمد]

اخى عماد والله اشهد رب العباد كتبت الرد مباشرة لكن اظهر حصل خطاء ما وانا بعد ماكتبت الرد ما رجعته عشان كده ارجوا المعذره اخوك بقه ابو البنات جنس لخمه خليها على الله .. تعرف ياعماد مافى اجمل من البنات لكن متفق معاك دايرين اخوى للمرسال وابقى لهم جباره شايف عمنا ابوشورب سم ولده الله جابو ... تسلم ياحبيب وماتزعل .. ولك العتبه حتى ترضى وبالمناسبه لو كنت متابع الكرسى مع اخونا عوض قال لكم انا ونزار دفعه ياحبيب نحن مواليد 61 لكن عمرنا
بنحسبه بالحظات السعيده معاكم ..لك الود ابو رنيم

[نزار حسن محمد]

أبو رنيم..
شنو يعني فطيتنا وما اشتغلت بينا...
عسى المانع خير ...
لكم التحية

تانى تب ما بفوتك فى انتظار سعالك ..اخوك ودحسن

[نزار حسن محمد]

مبروك البنية با ابو رنيم وربنا يجعلها قرة عين لك ولوالدتها آمين
دحين آخوي اقعد لينا في الكرسي دا وخلينا نعرف ناخد وندي معاك
قلت لي من بركات؟؟؟؟؟؟؟؟؟؟؟؟
السرايات ولا الجعليين ولا اللاسلكي ولا السوق؟؟؟؟؟؟؟؟؟

مدناوى تسلم ياحبيب .. وانا قاعد ومتوهط تب وفى انتظار زياراتكم.. اه قلت لك من بركات ومن ابناء السريات
اى يعنى ود عز وماكل وز لكن اصحابى كلهم من ابناء الجعلين ابناء الطبقه الكادحه واهل الوالده ناس دكان عواض اكبر دكاكين بركات.. لكن دايرك تعرف حاجه اولا بركات هى الحياه بالنسبه لى اجمل ايام العمر هى بركات
.... وفى انتظارك ياحبيب ...ابورنيم

[نزار حسن محمد]

العزيز ابو الرجال
مبروك البنية وتتربي في عزكم وربنا يجعلها من الصالحات وحمدا علي سلامة العودة
( طبعا تسمية ابو الرجال لانك ح يكون عندك مع بناتك رجال كمان )
لك التحية يانزار وحمدا علي سلامة ام البنات
والله ياشباب المنتدي العاوز احرر السوق ادخل منتدي ودمدني واقول عندي بنيه ، لكن العندً اولاد اقيف جنب الجامع ولا كيف ؟ .

ابو الاولاد .. معتز الحبيب تسلم يابو الرجال .. تعرف يامعتز يوم تجيك رساله المشرف للكرسى الساخن ... بتعرف اليوم داك الله واحد .. انا فى انتظارك ياحبيب وعقبال ماتجيب اخت الاولاد .. انشاء الله يارب لك ودى الابدى ابورنيم

[نزار حسن محمد]

يا الله وبعدين معاك يا نزار - نغير الكرسي دا ولا شنو؟؟؟؟؟؟؟؟
يا زول تعال ما تبتعد قرب - انت مشلوط مشلوط في كرسي النار دا نسال الله التخفيف للجميع ومن الجميع

يامدناوى هو البقعد فى الكرسى دا تانى مافى طريقه للتغير ..لكن مشلوط دى فتشتا عليه فى جميع القواميس
لم اجد لها معنى ..غايتو اللهم احفظنا من مشلوط وهاروت وماروت.. فى انتظارك ماطول الغيبه.. ابورنيم

[نزار حسن محمد]

http://www.asmilies.com/smiliespic/FAWASEL/002.gif (http://www.asmilies.com)

ما براك ياعماد ياخوي لكن انا غايتو سكت وعديتها بس لقيتك انت ما بتعدي ااااااااااااي حاجة :D

http://www.asmilies.com/smiliespic/FAWASEL/002.gif (http://www.asmilies.com)

مدنيه انتى ياخيتى كان مامجربه قعدة الكرسى ..تعرفى ياانا كبرته ولا الكيبورد بتاعى برسل الردود للمنتدى اخر ..
ارجو المعذر وصدقونى لن ولم اتعمد ان اتجاوز اى عضوء فمعزتكم عندى بالدنيا كلها..لك الود ابورنيم

[Madanawi]

ما سمعت بي " شربت شاى حار شلوطني" يعني سلخ لساني ،،،،،،،،، والكرسي الساخن يسلخك بي اسئلة الشباب الحلوين ديل - اديك السؤال البعدو ولا استنى شوية عشان ما اكتر الطلة وابقى مسيخ؟؟

[سواااح]

نزار ..

شايفك مجهجه الناس
مرة ابو رنيم
ومرة ود حسن
ما تبقي ليك علي واحدة

دمــــــــــــــت ،،

[ابوالنور]

ابو النيذ كل سنه وانت طيب عيديه مباركه انشاءالله وبعدين زح لينا الطاقيه دي حبه عشان نقدر نميز

[saleh farah]

ود الحسن يا اخوى شنو حكايتك ؟
انت قاعد فى الكرسي الساخن ولا فى بيت سمايه ؟
ماتلخم الناس بالتباريك والامنيات دى ارجع لى جو الكرسى الساخن
س 1
ماهو الشئ الملفت فى زيارتك لمدينة ودمدنى ؟

[نزار حسن محمد]

ما سمعت بي " شربت شاى حار شلوطني" يعني سلخ لساني ،،،،،،،،، والكرسي الساخن يسلخك بي اسئلة الشباب الحلوين ديل - اديك السؤال البعدو ولا استنى شوية عشان ما اكتر الطلة وابقى مسيخ؟؟

مدناوى .. يبقى لينا بطرش جنس شلوطنى دى ماسمعت بيها ..دى الا قاطعه من راسك سلخ لسان ده سمعت بيها ..
يازول انا قاعد فى انتظار اسعلتك بس مايكون فيها كلام شلوطنى وسلخنى وهلم جر ...ودحسن

[نزار حسن محمد]

نزار ..

شايفك مجهجه الناس
مرة ابو رنيم
ومرة ود حسن
ما تبقي ليك علي واحدة

دمــــــــــــــت ،،

والله ياسواااح هم المجهجنى..كل واحد بكتب بكيفه ومجبور خدم الفكى على الصلاه ..عاد اسوى شنوا ...

[نزار حسن محمد]

ابو النيذ كل سنه وانت طيب عيديه مباركه انشاءالله وبعدين زح لينا الطاقيه دي حبه عشان نقدر نميز
ابو النور.. الظريف ..بجيك صوره عما قريب من غير طاقيه..لكن انت فك المحنه ...برجاك بعد مااقلع الطاقيه..

[Jamal Elmahi]

وأنا أقول ياربي المنتدي العام دا عجاجتو في السما مالو...والكتاحه شنو؟ وهو تاريهو أبو الجكس متحكر في البنبر الساخن....
بالله دخاخين الكرسي الساخن تجيب الضهبان...الشئ حطب طلح....
زي ماقال ابو النسب ود فرح رنيم خطفت الاضواء وبرّدت البنبر لي أبوها...البنبر بقي زي الخاتنو في موسكو...هاك الايسكريم دا...
يا أبو الجكس...أو في رواية أخري أبوفائزه...وفايزه دي نحن بنكاتل فيها عديل...
سعالي أأأعشاي ماهي علاقتك بالجوامع والاعمال الخيريه؟
الشيخ الطيب ود السايح أداك مفتاح واحده من خزاينو ومعاها التبروقه لزوم الطيران للسودان كل اسبوع ولاّ الحاصل شنو؟
أغلب البمشو موسكو بجو يساريين ...أنت يساري ولافي يمين ولاّ عملتها كيف طلعته زي الشعره من العجين؟
بما أنك وعيني بارده من وجهاء القوم مما ولّد قوه مغنطيسيه هائله لجذب الجكس اليك فكيف تتضارف علي نفسك من غيرة المدام؟

مشاققه...
ماتقوم تاكلني حنك وتكلفت لي الاجابه...بجيك صاد زي ماقال أخوي ود الصادق...

ود الماحي

[نزار حسن محمد]

ود الحسن يا اخوى شنو حكايتك ؟
انت قاعد فى الكرسي الساخن ولا فى بيت سمايه ؟
ماتلخم الناس بالتباريك والامنيات دى ارجع لى جو الكرسى الساخن
س 1
ماهو الشئ الملفت فى زيارتك لمدينة ودمدنى ؟

ابو سراقه كفينك ياغالى ... اسمع انا قاعد استقبال ناس السمايه على ناس الحوليه..بس ورينى كيف بلخم الناس
سعالك ده ياخوى مالى ولا مو كدى..
1ج
الشى الملفت فى مدنى مهما طالت بيك الغربه عند دخولك سوق مدنى لابد من مقابلة ناس عزيزين عليك ..وبعد السلام تشعر نفسك كانك لم تفارقهم.. وهذا مايميز ابناء مدنى

[HaSsOoN]

والالف مبروك البنيه ياود حسن وان شاء الله تتربى في عزكم ومعليش جات متاخره شديد مني ....لكن شكلك كدا ماخليت زقاق في مدني يابختك واللهي .......لكن ياود حسن انشروا لينا صور الاجتماعات والحفله اذا امكن .......زتاني شي رايك شنو في ام سنط ومنتع الكاسح السياحي ؟؟؟احكي للجماعه ووريهم عن الصرح الجميل دا

[نزار حسن محمد]

وأنا أقول ياربي المنتدي العام دا عجاجتو في السما مالو...والكتاحه شنو؟ وهو تاريهو أبو الجكس متحكر في البنبر الساخن....
بالله دخاخين الكرسي الساخن تجيب الضهبان...الشئ حطب طلح....
زي ماقال ابو النسب ود فرح رنيم خطفت الاضواء وبرّدت البنبر لي أبوها...البنبر بقي زي الخاتنو في موسكو...هاك الايسكريم دا...
يا أبو الجكس...أو في رواية أخري أبوفائزه...وفايزه دي نحن بنكاتل فيها عديل...
سعالي أأأعشاي ماهي علاقتك بالجوامع والاعمال الخيريه؟
الشيخ الطيب ود السايح أداك مفتاح واحده من خزاينو ومعاها التبروقه لزوم الطيران للسودان كل اسبوع ولاّ الحاصل شنو؟
أغلب البمشو موسكو بجو يساريين ...أنت يساري ولافي يمين ولاّ عملتها كيف طلعته زي الشعره من العجين؟
بما أنك وعيني بارده من وجهاء القوم مما ولّد قوه مغنطيسيه هائله لجذب الجكس اليك فكيف تتضارف علي نفسك من غيرة المدام؟

مشاققه...
ماتقوم تاكلني حنك وتكلفت لي الاجابه...بجيك صاد زي ماقال أخوي ود الصادق...

ود الماحي

هلا هلا ابو الاميره يازول وين انت ..سعلين منك بشده الله بشهد..تعرف ياود الماحى اخوك بعد الرحلات الماكوكيه دى
بقيت افتش على محلات المساج والطلح طار من راسى كدى ماعندك كورة زيت سمسم زايده
والله صدقت ياود الماحى البنات ما ضراة امهم وحبيبات ابوهم ودى خيرات رنيم..لكن ياعشاى انا مابدور الايسكريم بدور الداردومه.. بعدين بعد دهبك الكثير ده ام فايزه قالت فايزه واخواتها لى اولاد .. ود الماحى..اه ابقى راكز ساكت ياعشاى

ها ااا نجى للجد..علاقتى مع الجوامع بدات من ماكنت طالب وتحديدا فى كييف عاصمة اوكرانيا عندما قام خالى وهو الطيار كابتن صديق بزيارته لى فى كييف ومعه صديق وزميل عمل سعودى ولم يجده مسجد فى كييف من هنا ...وبعد صلاة احد الفرائض دعوا لى بان اكون سباق فى عمل بيوت الله وكل اعمال الخير ..وكانت دعوه صادقه والحمدالله من ذلك اليوم وربنا ميسر لى اى عمل خير اتبناه.
عندما سافرت لموسكو سافرت بعد خروجى من بيت الاشباح تحديدا بعد خروجى بيومين وكنت جاهز للسفر لموصلة الدراسه هناك كنت انتمى للجبهه الديمقراطيه.. وانت تعلم ماهى شعارات الجبهه الديمقراطيه..
اما بخصوص الجكس برغم انى مافهمته كلمة تتضارف دى لكن الحمدالله اولا ام فايزه الله اديها الفى مراده عارفانى
وحافظانى ومن يوم ماتبيت انا يانى انا مع الجكس يانى نزار ومع الحبوبات يانى نزار ومع الشرامه يانى نزار..
ولو داير تعرف السبب اقراء بتمعن شعارى المكتوب تحت..
اه ياود الماحى انشاء الله مااكون اكلتك حنك.. وراجيك يا الذ من العسل.. اخوك ابو فايزه وبالمناسبه فايزه دى مسميها على الوالده الله اديها الصحه والعافيه...اخوك ودحسن

[نزار حسن محمد]

والالف مبروك البنيه ياود حسن وان شاء الله تتربى في عزكم ومعليش جات متاخره شديد مني ....لكن شكلك كدا ماخليت زقاق في مدني يابختك واللهي .......لكن ياود حسن انشروا لينا صور الاجتماعات والحفله اذا امكن .......زتاني شي رايك شنو في ام سنط ومنتع الكاسح السياحي ؟؟؟احكي للجماعه ووريهم عن الصرح الجميل دا

حسون الغالى كيفك ياامير بالمناسبه حسن على بسلم عليك بشده..
فعلا ياحسون ماخليت شارع ما مشيت فوقه وصدقنى ياحسون مدنى مابتنفات..لكن باذن الله قريبا سوف ارجع لى ودمدنى وفريقنا .. وهناك عامره حلقات الذكر.. بخصوص الصور انا ماتصورت معهم لنا الفتره كانت بسيطه لكن اتشاء الله نبيل حمدتو اتذكر وقوم انزل صور الاخوه الاعضاء المتواجدين الان بمدنى
ام منتجع الكاسح .. والله عينى بارده شى مفرح للغايه وروعه وآيه من الجمال .. وطبعا ياحسون اخر خبر سمعته هذه المنطقه سوف توزع قطع سكنيه للمغتربين درجه اولى .. وسوف اكتب عن منتجع الكاسح بتمهل ..لك ودى

[محمد حسين (المميز)]

http://x88x.com/uploads/bb7b076291.gif (http://x88x.com/)


واللـــه يا ود حسـن معليش مشغول عنكم اليومين دي

لأننــا مضغوطين كده في الشغــل

لكن لابــد افضى واجيك في الكرسي الساخن

العملته لينا زي يوم السمايه كده


الحكايه شنو يا خوانا الزول ده غلغلوهو لينا


كدي الندردش شويـّــه معـاك


**في مشيتك لمدني دي عاوزين أكتـر حاجــه لقيتها اتغيرت وعجبتك

وحسستك انه مدني ماشه لقدام..



** زماااااااااان لمن كنت صغيــّــر كده في الابتدائي كان نفسك

لمن تكبر تشتغل شنو؟؟



** عاده أو لازمــه في تصرفاتك وماقادر تخليها



** بينك وبين المنتدى كده (( سمعنـا انه الجكس زمااان معاك حكايه ))

عاوزين نعرف أكتــر حاجه بتعجبك في الجنس الآخـر



** رأيك شنو في الشخصيـّــه الفي الصوره دي؟؟


غايتو حاولنا نسخـّــن بيك الكرسي شويـّـه

http://00op.com/up/uploads06-11-06/92089317dd.gif
يــلا لينــا عوده معــاك,,


**********

[Madanawi]

نزار ود حسن آخوي انت اولاد حسن ديل كلهم بيكونوا جبهة طيمقراطية وبعدين بيمسكو الصراط المستقيم ولا شنو؟
لانو عندي صاحبا لي برضو اسمو ود حسن وكان كل يوم في بيوت الاشباح واحيانا في في بيوت الاشباح زاتها ما بتعرفها وكان وما زال زول فنان و انسان واخو اخوان ود جيران واخو محمد واحمد وعصام وكمان غسان اظنك عرفتو كان في السعودية وهسي في السودان !!!!!!!!!!!!!!!!!!!!!

حيرتك ولا ازيدك كمان وكمان

[ابوالنور]

[QUOTE=نزار حسن محمد]ابو النور.. الظريف ..بجيك صوره عما قريب من غير طاقيه..لكن انت فك المحنه ...برجاك بعد مااقلع الطاقيه..[/QUOTE
تسلم يا ابوالنيز وتحياتي لمحمد السر عواض

[أبوريلان]

النقيب ود حسن سلالالالالالالالالالالام

يارب تشوف أولاد أولاد رنيم قوووووووول آآآآآآآآآآآآآآآآآآآآآآآمين

مباررررررررركة وتربى هى وأخواتها فى عزكم

انا ما عندى ليك أسئلة بالمعنى بس دردشة

خليك معاى وأرجع بالذاكرة وبالمجان كمااااااااااااااااااااااان


فى إيجاز أحكى لينا عن :-


1) البوابة وأنت راجع من مدنى والوقت متأخر .

2) بص عمك المرحوم عبداللطيف ( سواق المرضعات ) .

3) ساحة مارنجان وستات الفطور والشاى .

4) سوق بركات .

5) شفخانة بركات .

6) الباشا .

7) نادى موظفين بركات زمااااااااااااان .

8) إستراحة بركاااااااااااااااات .

9) ورشة العربات ( الجرس للدخول والفطور ) .

10) الترعة .

11) علاقتكم بأبناء السرايات .

12) جاركم العزيز - خالد الرشيد .

13) بص السائق عم عمر الرجل خفيف الظل .

14) بوفيه بركات .

بس كده كفاية


* لماذا لم تسلك طريق الوالد وتعمل بالمشروع كغالبية أبناء بركات للحفاظ على السكن المجان .
* إحترام المواعيد سمة من سمات المشروع ويرجع الفضل للإنجليز ، ماذا أضاف لك المشروع من هذا الجانب ؟
* معظم أبناء موظفى رئاسة بركات عملوا فى المشروع فى بند الطلاب ، هل كنت من المحظوظين بهذه البنود وفى أى الإدارت عملت وما الفائدة التى جنيتها ؟


إمكن أرجع ليك تانى لأنو حان الوقت لأداء صلاة العصر


ما تنسى يا نزار تبلغ تحياتى للوالد المحترم حسن محمد عثمان أطال الله فى عمره وأنعم عليه بالصحة والعافية .

[نزار حسن محمد]

http://x88x.com/uploads/bb7b076291.gif (http://x88x.com/)


واللـــه يا ود حسـن معليش مشغول عنكم اليومين دي
لأننــا مضغوطين كده في الشغــل
لكن لابــد افضى واجيك في الكرسي الساخن
العملته لينا زي يوم السمايه كده


الحكايه شنو يا خوانا الزول ده غلغلوهو لينا


كدي الندردش شويـّــه معـاك


**في مشيتك لمدني دي عاوزين أكتـر حاجــه لقيتها اتغيرت وعجبتك
وحسستك انه مدني ماشه لقدام..



** زماااااااااان لمن كنت صغيــّــر كده في الابتدائي كان نفسك
لمن تكبر تشتغل شنو؟؟




** عاده أو لازمــه في تصرفاتك وماقادر تخليها



** بينك وبين المنتدى كده (( سمعنـا انه الجكس زمااان معاك حكايه ))
عاوزين نعرف أكتــر حاجه بتعجبك في الجنس الآخـر



** رأيك شنو في الشخصيـّــه الفي الصوره دي؟؟


غايتو حاولنا نسخـّــن بيك الكرسي شويـّـه
http://00op.com/up/uploads06-11-06/92089317dd.gif
يــلا لينــا عوده معــاك,,


**********
=5]المميز يبتاع المـــــوزه ازيك ياحنكوش كفيك ابوى والله سمعت قالوا الناس القاعدين بره ديل دايرين ادخلوهم تانى الدفاع الشعبى ..شد حليك وانكرب يابوى .. مابقى الا الدائم..
تعرف مالفت نظرى فى مدنى ثلاثه اشياء اولا وصول آليات مطار مدنى ثانيا ..تسوير ساحة الحاويات ثلاث وصول وتركيب خط الانابيب بتاع البترول..وبالمناسبه مدنى الجديده ستكون الشرق خلف حنتوب قطع اراضيه درجه اولى
واخر تخطيط وتنظيم.
والله يالمميز اول الحاجه انا فى الابتدائى كنت راس هوس .. والا ان تخرجت يعنى عشت حياتى الدراسيه بطول وبالعرض
فى الابتدائى كانت رغبتى اكون طيار..وذلك تعلقا بخالى..
اما بخصوص العاده التى لازمتنى حتى الان هى نسيانى سبب اى زعل او مشكله يعنى اكون فى نص المشكله اقوم انسى السبب العملت بى المشكله وطباعا ام البنات مستقله هذه العاده بمزاج..
اما بخصوص الجكس والله يالمميز علاقتى معاهم عسل على للبن..حكمت الله اشوفونى اعرفهم اشوفم اعرفم وفى روايه اخرى هم بعرفه ود الرحات من ود ناس ود العوض..
بعدين بخصوص الصوره دا ماذاتوا الخلانى ابدل طار الذكر بالطشت ..يازول مالك بجرجرنى فى الكلام..وام رنيم قاعده لى ذى المراجع العام..
تسلم يامميز ومذيدا من التميز[/COLOR]

[نزار حسن محمد]

QUOTE=myrelan]
النقيب ود حسن سلالالالالالالالالالالام

يارب تشوف أولاد أولاد رنيم قوووووووول آآآآآآآآآآآآآآآآآآآآآآآمين

مباررررررررركة وتربى هى وأخواتها فى عزكم

انا ما عندى ليك أسئلة بالمعنى بس دردشة

خليك معاى وأرجع بالذاكرة وبالمجان كمااااااااااااااااااااااان


فى إيجاز أحكى لينا عن :-


1) البوابة وأنت راجع من مدنى والوقت متأخر .
2) بص عمك المرحوم عبداللطيف ( سواق المرضعات ) .
3) ساحة مارنجان وستات الفطور والشاى .
4) سوق بركات .
5) شفخانة بركات .
6) الباشا .
7) نادى موظفين بركات زمااااااااااااان .
8) إستراحة بركاااااااااااااااات .
9) ورشة العربات ( الجرس للدخول والفطور ) .
10) الترعة .
11) علاقتكم بأبناء السرايات .
12) جاركم العزيز - خالد الرشيد .
13) بص السائق عم عمر الرجل خفيف الظل .
14) بوفيه بركات .

بس كده كفاية


* لماذا لم تسلك طريق الوالد وتعمل بالمشروع كغالبية أبناء بركات للحفاظ على السكن المجان .
* إحترام المواعيد سمة من سمات المشروع ويرجع الفضل للإنجليز ، ماذا أضاف لك المشروع من هذا الجانب ؟
* معظم أبناء موظفى رئاسة بركات عملوا فى المشروع فى بند الطلاب ، هل كنت من المحظوظين بهذه البنود وفى أى الإدارت عملت وما الفائدة التى جنيتها ؟


إمكن أرجع ليك تانى لأنو حان الوقت لأداء صلاة العصر


ما تنسى يا نزار تبلغ تحياتى للوالد المحترم حسن محمد عثمان أطال الله فى عمره وأنعم عليه بالصحة والعافية .[/QUOTE]

البوابه زمان كانت ياعم بركات ولا مرنجان ولا شارع النص ياعم.
بتاع المرضعات دى قلبته فيها هوبه عديل
ساحات مرنجان وستت الشاى ..ذى ماقال حاج مذكر والله ستات الشاى ديل نحن بنخته معاهم قرض...وحكمت الله بريدونا وبريدوم... سوق بركات وذكريات عمر منذ الطفوله وحتى يومنا هذا..شفخانة بركات ويوم اكون ماحافظ لى قصيده او حديث دينى جاك ولد يادفتر العياده..لكن كنت بمشى بقعد تحت شجرة النبق بتاعت مدرسة البنات لقايت ماتنتهى الحصه.. الباشا .. والد المرحوم حسن الباشا وصلاح الباش كاتبنا المميز وعبدالله الباشا..هو رمز من رموز بركات
نادى موظفين بركات لو عايزنا نرجع ذى زمان قول للزمن ارجع يازمان..ياحليل مركز شباب بركات ومحمد الحبشى بتاع البوفيه.. والحارس طه...وناس زمان استراحة بركات ..ذكريات الطفوله والصبا والشباب..
ورشة العربات اول وظيفه امين مخزن بالورشه وعشرة عمر مع ناس مدينة ودمدنى.. وكانت ماشى ذى الساعه بتاعت بق بن.ظبط وربط
الترعه ..البلهارسيا الشقاوه المتناهيه... علاقاتى مع ابناء حى الجعلين كانت مميزه
اما سعادة العقيد خالد الرشيد نقل الان الى واو مازالنا على اتصال ..بوفيه بركات نكون ضابحين فى البيت لكن كنت بمشى اكل فول من البوفيه بنكهة خروف البيت
الوالد اطال الله فى عمره كانت رسالته واضحه جدا بان يصل جميع اخوانى للمراحل الجامعيه وبعدين كل واحد يشق طريقه وهذا مافعله بالتحديد .. وانا اكبر اشقائى وكلهم جامعين وفى تخصصات مختلفه
المشروع وبحكم وظيفة الوالد كمدير لشئون الخدمه.. الاداره الماليه كنت انا بادفع التمين مرتين عندما ادخل المكتب بكون الفراشين بعد ماانتهوا من النظافه
عملت فى بند الطلاب تحديدا فى اكثار البذور وكان اول راتب استلمه فى حياتى مبلغ 22 جنيه..وكان صرف الراتب يتم فى ساحة المحالج بمرنجان بعد ماستلمت الراتب ركبته البرنسه واذا بى اجد البرنسه كلها ناس بركات قمت دفعت للبرنسه كلها من اول راتب..
لك الشكر وسلمك سوف يصل الوالد ..رقى نشف

[نزار حسن محمد]

نزار ود حسن آخوي انت اولاد حسن ديل كلهم بيكونوا جبهة طيمقراطية وبعدين بيمسكو الصراط المستقيم ولا شنو؟
لانو عندي صاحبا لي برضو اسمو ود حسن وكان كل يوم في بيوت الاشباح واحيانا في في بيوت الاشباح زاتها ما بتعرفها وكان وما زال زول فنان و انسان واخو اخوان ود جيران واخو محمد واحمد وعصام وكمان غسان اظنك عرفتو كان في السعودية وهسي في السودان !!!!!!!!!!!!!!!!!!!!!

حيرتك ولا ازيدك كمان وكمان

مدناوى عاد نسوى شنوا اولاد حسن كلهم جبهه ديمقراطيه..مع العلم الوالد اتحادى ديمقراطى..
صحبك دا ماصاحبى انا ذاتى دا العابد الزاهد ابواسيل شقيقى الاصغر ابو سمره السكره سامر حسن محمد

[راشد خضر]

كلام ذي ما بقولوا المختصر المفيد ، وربنا يحفظ الزهرات الثلاث

وتهنئة خاصة نزار بهذا الكفاح الذي يُـرضي.

[نزار حسن محمد]

كلام ذي ما بقولوا المختصر المفيد ، وربنا يحفظ الزهرات الثلاث

وتهنئة خاصة نزار بهذا الكفاح الذي يُـرضي.

ويحفظك لينا ياوجيه..حبيبنا الربطابى راشد....مشكور على المرور

[Madanawi]

اعرج بيك شوية كدا قريب ما بعيد لحدي روسيا وايام الدراسة - مع مداخلة عن اسماء في حياتنا وما بدور اطول عليك،،،،،،،،،،،،
- رقم واحد ::::::::::: ياسر حمدالله (ابوراس)

[الزبير محمد عبدالفضيل]

حباااااااااااااااب ابو رنيم ولك التحيه والشوق ياغالي مبروكه البنوته وتتربي في عزكم وعودا حميدا

[Madanawi]

يا نزار بقيت شرار ولا شنو - انت الايام دي ملك الجمهور اللذيذ دا عشان كدا خليك جنب الكمبيوتر ولا العروسة الصغيرة ماسكاك مننا - طبعا من حقها ومن حقك وربنا يخليكم لبعض آمين

[نزار حسن محمد]

اعرج بيك شوية كدا قريب ما بعيد لحدي روسيا وايام الدراسة - مع مداخلة عن اسماء في حياتنا وما بدور اطول عليك،،،،،،،،،،،،
- رقم واحد ::::::::::: ياسر حمدالله (ابوراس)

مدناوى ياحبيب... الله ياسر ابورس هذا الانسان العبقرى طبعا ياسر زميل دراسه بمدنى الثانويه وروسيا..
وياسر كان عبقرى رياضيات حتى الروس احتاره فى صاحب هذا الراس الروسمانى.. وهو صديق عزيز

[نزار حسن محمد]

حباااااااااااااااب ابو رنيم ولك التحيه والشوق ياغالي مبروكه البنوته وتتربي في عزكم وعودا حميدا

السفير ايها الرجل التقى النقى لك كل احترامى وتقديرى وتحياتى للاسره الكريمه.. اخوك ودحسن

[نزار حسن محمد]

يا نزار بقيت شرار ولا شنو - انت الايام دي ملك الجمهور اللذيذ دا عشان كدا خليك جنب الكمبيوتر ولا العروسة الصغيرة ماسكاك مننا - طبعا من حقها ومن حقك وربنا يخليكم لبعض آمين

والله يامدناوى ...زول فرده قال داير اخلنى فى الكرسى الساخن لفترة اسبوع اخر لكن انت براك اجبت نيابه عنى والله اخوك مذنوق جنس زنقه ...عشان كده مالاقى راحتى.. لكن قربيا سوف اتفرغ بمزاج...بعدين انت استعجلت ساكت يابوى بالرساله.. ولا ماكدى...لك تحياتى

[السلامى]

صديقى العزيز أبو رنيم أطال الله أعماركم . كم هو مؤسف عدم لقيانا ولكن الاتصال بيننا كان جزء يسير يعوض ذاك العدم ومن الغرائب هو وجودى خارج المدينة أيام العيد الثلاثة فى مدينة كنانة وعدت فى اليوم الرابع متأخرا فأتصلت بنبيل واخبرنى بأفتتاح المسجد فضاعت فرصة اللقاء بيننا ثم مرة أخرى اللقاء فى مكتب صول سودان لظروف أسرية حتى كان تلفونك الاخير بأنك سوف تغادر السودان اليس تلك حكمة بالغة بجانب أنك حاولت الوصول الئ عند حضورك السابق ودخلت فى شارع أخر .

[خالد أحمد الصول]

أستميحكم عزرا أخواني فالنعطي هذا الرجل القامة جزءا من حقة:

قال رسول الله (ص):
"إن لله عبادا إختصهم بقضاء حوائج الناس حبب إليهم الخير و حبب الخير إليهم. هم الآمنون من عذاب الله يوم القيامة" صدق رسول الله

أهداني هذا الزاهد الفنان الاستاذ نزار حسن هذا الكتيب الانيق و الذي يحكي قصة بناء مسجد بركات النموذجية
عكفت عليه قراءه و تحليلا و عرفت من قصته قصة أخونا نزار حسن هذا الزاهد الفنان و الذي آل علي نفسه حمل المسؤلية التي أبت الجبال علي حملها و لم ينسي أهلة في بركات فخدمهم في أعز ما عندهم و هي الصلاه ... ذهب أخينا نزار مع والده لزيارة الاحباب في بركات و سمعوا نداء الاذان فخفوا سرعا الي المسجد ... و نظر إذ نظر فإذا هي زاوية بالية تسع عد قليل من المصلين . يصلوها بشق الانفس وهي غير مهيأه للوضو أو قضاء الحاجة ... إعتصر الالم قلبه و سرت روحه عالية تبحث عن البديل ... ولأن عمل الخير دائما ما يفعله أحباب الله .. فإن الله قد أحب أخونا نزار و سخر له في طريقة كل من يحب الخير و يدعوا له ... فكان ان صار الحلم حقيقة و أن تم ما أراد الله فقد أبتهج و شكر كل سكان بركات النموزجية الله علي أن جعل لهم إبنا صالحا كالحبيب نزار .. و لقد بني الله له قصرا في الجنة

[نزار حسن محمد]

صديقى العزيز أبو رنيم أطال الله أعماركم . كم هو مؤسف عدم لقيانا ولكن الاتصال بيننا كان جزء يسير يعوض ذاك العدم ومن الغرائب هو وجودى خارج المدينة أيام العيد الثلاثة فى مدينة كنانة وعدت فى اليوم الرابع متأخرا فأتصلت بنبيل واخبرنى بأفتتاح المسجد فضاعت فرصة اللقاء بيننا ثم مرة أخرى اللقاء فى مكتب صول سودان لظروف أسرية حتى كان تلفونك الاخير بأنك سوف تغادر السودان اليس تلك حكمة بالغة بجانب أنك حاولت الوصول الئ عند حضورك السابق ودخلت فى شارع أخر .

الرجل الراقى يوسف السلامى ..

ياخى ولا يهمك ولا يعكر دمك الجايت اكتر من الريحات بس شده الهمه فى لليلة المنتدى المرتقبه وواثق تماما بانكم قدر المسئوليه الكبيره... وقلبى معاكم وربى يهون لكم كل القواسى... لك ودى ابو البنات

[نزار حسن محمد]

أستميحكم عزرا أخواني فالنعطي هذا الرجل القامة جزءا من حقة:

قال رسول الله (ص):
"إن لله عبادا إختصهم بقضاء حوائج الناس حبب إليهم الخير و حبب الخير إليهم. هم الآمنون من عذاب الله يوم القيامة" صدق رسول الله

أهداني هذا الزاهد الفنان الاستاذ نزار حسن هذا الكتيب الانيق و الذي يحكي قصة بناء مسجد بركات النموذجية
عكفت عليه قراءه و تحليلا و عرفت من قصته قصة أخونا نزار حسن هذا الزاهد الفنان و الذي آل علي نفسه حمل المسؤلية التي أبت الجبال علي حملها و لم ينسي أهلة في بركات فخدمهم في أعز ما عندهم و هي الصلاه ... ذهب أخينا نزار مع والده لزيارة الاحباب في بركات و سمعوا نداء الاذان فخفوا سرعا الي المسجد ... و نظر إذ نظر فإذا هي زاوية بالية تسع عد قليل من المصلين . يصلوها بشق الانفس وهي غير مهيأه للوضو أو قضاء الحاجة ... إعتصر الالم قلبه و سرت روحه عالية تبحث عن البديل ... ولأن عمل الخير دائما ما يفعله أحباب الله .. فإن الله قد أحب أخونا نزار و سخر له في طريقة كل من يحب الخير و يدعوا له ... فكان ان صار الحلم حقيقة و أن تم ما أراد الله فقد أبتهج و شكر كل سكان بركات النموزجية الله علي أن جعل لهم إبنا صالحا كالحبيب نزار .. و لقد بني الله له قصرا في الجنة

الرجل القامه خالد محمد احمد ود الصول

ياخى عقتنى ماعندى غير اقول جزاك الله خير الثواب.... لكن ماتنسى الفوله المصلحه من كشك

[نزار حسن محمد]

ا

لاعزاء اعضاء منتدى ود مدنى ..من اجل عيون مدنى ومن اجل منتدانا الحبيب 100 ريال او مايعادلها ..تجعل اسم منتدانا على كل لسان والمليون خطوه تبداء بخطوه...واليد الواحده مابتصفق فهل تكاتفنا مع اللجنه المنظمه لليلة منتدى ودمدنى الثقافيه ..اتمنى ذلك
ودمتــــــــــــــــــــــــم

[حسن على]

الاخ العزيز نزار حسن كيف الحال والله مشتاقين

انا ماعندي سؤال حقي اختو كلو في مدني بس داير حاجه واحده
داير اخطب رنيم رايك شنو وبعدين الاولاد في عدم

رايك شنو ياابو البنات

[نزار حسن محمد]

الاخ العزيز نزار حسن كيف الحال والله مشتاقين

انا ماعندي سؤال حقي اختو كلو في مدني بس داير حاجه واحده
داير اخطب رنيم رايك شنو وبعدين الاولاد في عدم

رايك شنو ياابو البنات

حسن على ..يابوى انت وين كدى شوف اعمامك ناس ود الماحى وصالح فرح والفاتح كان اتنازلو ... قشه ماتعتر لك

[HaSsOoN]

امر من هنا وتعظيم سلام لحببنا ود حسن واتمنى ليو دوام الصحه والعافيه

تاني شي ياحسن علي انا بخسرك والله رنيم نزار دي انا اول زول ختيت عيني عليها يعني بالواضح كدا داير اخش لفت هههههههههههههههههه ولا اقول ليك نحول الموضوع لاعمامنا الكبار مجلس قيادة الثوره بقياده ود الماحي هههههههههههههه

[نزار حسن محمد]

امر من هنا وتعظيم سلام لحببنا ود حسن واتمنى ليو دوام الصحه والعافيه

تاني شي ياحسن علي انا بخسرك والله رنيم نزار دي انا اول زول ختيت عيني عليها يعني بالواضح كدا داير اخش لفت هههههههههههههههههه ولا اقول ليك نحول الموضوع لاعمامنا الكبار مجلس قيادة الثوره بقياده ود الماحي هههههههههههههه

حسوووون ..مجلس قيادة الثوره ليه تلاته ايام ماشاف النوم ذى انقلاب هاشم العطاء..وبعد اعادة النظام
اليوم هم مشغولين بالحتفالات جنس عرضه والدولكه ماتديك الدرب اصبر شويه يابوى يومين وبفضوه لينا بعد داك نشوف راى حسن على وعمك ود الماحى ..

[Jamal Elmahi]

الوجيه أبو النسب ود حسن...أبوفايزه أحلي...
سعالي في السياسه...
بما أنك دفعة ود صقير فنحن أولاد حفره أي دفعه...وبما أنك دفعه فبماذا تفسر بورتك ؟ أي تأخرك في الزواج؟ أي الزواج في الزمن الضائع؟ مع أيماني التام بالقسمه والنصيب لكن برضو بؤمن ب وجعلنا لكل شئ سببا...يعني بدون لف ودوران دايرين أسباب عزوفك عن الزواج في فتره مبكره....

مشاققه...
قلته أحرك الكرسي بقي أبرد من سيبريا ....

ود الماحي

[ابراهيم]

الارباب نزار سلامات ياخ والله انا مقصر معاك في الكرسي
وشايفك سخنت بالجماعة ماشاءالله عليك
انا عندي ليك سؤال صغيروني كدة لزوم افتتاحية وبجيك راجع كان الله مد في العمر
رايك في الكيزان شنو ..؟؟

[نزار حسن محمد]

الوجيه أبو النسب ود حسن...أبوفايزه أحلي...
سعالي في السياسه...
بما أنك دفعة ود صقير فنحن أولاد حفره أي دفعه...وبما أنك دفعه فبماذا تفسر بورتك ؟ أي تأخرك في الزواج؟ أي الزواج في الزمن الضائع؟ مع أيماني التام بالقسمه والنصيب لكن برضو بؤمن ب وجعلنا لكل شئ سببا...يعني بدون لف ودوران دايرين أسباب عزوفك عن الزواج في فتره مبكره....

مشاققه...
قلته أحرك الكرسي بقي أبرد من سيبريا ....

ود الماحي

ماشاء الله عينى بارد على الصوره هذا الشبل من ذاك الاسد..
قلت لى سبب تاخرى من الزواج شنو طيب ياوجيه نرجع لك لى وراء اولا انا اكبر اخوانى بعد ماامتحنت الشهاده ودخلت معهد الموسيقى والمسرح تركتها وعملت بسودانير ومشروع الجزيره وكان اربعه من اخوانى واخواتى التحقه بجامعة الخرطوم والمصاريف بقت صعبه على الحاج لهذا شلت الشيله مع الحاج وفرغت نفسى لاخوانى وحكمت الله دا اتخرج من جامعة الخرطوم ادخل البعده واستمر المسلسل
والعمر ماشى بعد داك سافرت روسيا عشان اكمل تعليمى وكان ما الحاجه مسكتنى كان لىيوم الليله
سوة للحوته لا حبلا....

[نزار حسن محمد]

الارباب نزار سلامات ياخ والله انا مقصر معاك في الكرسي
وشايفك سخنت بالجماعة ماشاءالله عليك
انا عندي ليك سؤال صغيروني كدة لزوم افتتاحية وبجيك راجع كان الله مد في العمر
رايك في الكيزان شنو ..؟؟

ابراهيم ...ود الجنائن اريدك اتآ يالعشا باللبن واريد كل ناس جزيرة الفيل...
ناس جزاك الله خير ديل من يوم اتولد وانا معاهم عكس عكاس وراى فى الجماعه ديل ذى ماقال شعرنا محجوب شريف ياخرطوم وينك باسم دين كل عوج مبدى ومختوم...

[Jamal Elmahi]

الوجيه أبو فايزه
والله راجل وود رجال ...السويتو أأأعشان قليلين البسوهو الزمن دا والعرس أأأبوي ملحوق وشوف أهو ربنا أكرمك بي أم فايزه والعروسات الحلوات ديل ...عيني بارب ويا ود الشافع ودقر العين...
سعال...
كنا بنسمع بالروس قادمون وبعد العولمه بقت أهل العوض قادمون ...ما وجه الشبه بين المقولتين...؟
ولك الود والتحيه

ود الماحي

[نزار حسن محمد]

الوجيه أبو فايزه
والله راجل وود رجال ...السويتو أأأعشان قليلين البسوهو الزمن دا والعرس أأأبوي ملحوق وشوف أهو ربنا أكرمك بي أم فايزه والعروسات الحلوات ديل ...عيني بارب ويا ود الشافع ودقر العين...
سعال...
كنا بنسمع بالروس قادمون وبعد العولمه بقت أهل العوض قادمون ...ما وجه الشبه بين المقولتين...؟
ولك الود والتحيه

ود الماحي

ود الماحى هلا هلا باهل العوض...لو تذكر زمان فى الدافورى كونا بنجى اتنين اتنين ونقول الروس الروس والكباتين بقولوا لينا.. حباب التيوس ..يازول جماعتك ماطلعوا تيوس بحق وحقيقه وكان مكضبنى اسعال ابوعلاء..اه وجه الشبه بين المقولتين الروس = تيوس واهل العوض= تروس..اتآ ماسمعته بى عجبونى الليله جوه وترسه البحر صددوه

[abu_ola]

ود حسن كيفيك آآآآبوي مشتاقين بالحيل آآآ الخزين

أول التبادي كل سنة و انت طيب و العيد مبارك عليك

و تاني شي البنــــــية مبروكة أن شاء الله تتربي في عزكم و ربنا يجعلها من المومنات القانتات و زي ما قالت جاحة بتول خالة ود الماحي ( الأصلو نخلة منو الخير ما بخلا ) و شد حيلك شوية كان تصل عقيد و تقلب الشغلانة لانو قالوا النقيب الذيك كده و ناس الملازم الزينا الترابة ما بسوها

و تالت شي الجامع مبروك و أن شاءالله قلبك ديمة عامر بالإيمان و التقي و الصلاح ...... في واحد من أخونا قال ليك من بني بيتاً لله بني الله له بيت في الجنة ( بس ما تعمل حكاية اخونا الشايقي القالو ادوه بيتين في الجنة باع الأول ، و أجر التاني ، و سكن مع عزابة في النار )

قالوا آآآخوي التسوي كريت تلقا في جلدها .... بس البنية بقت ليك جبارة و جوبكت لينا الشغلانة لا عرفنا نأكل لقيمات السماية و لا نضرب فتة الحولية و لا نشيل خبيز العيد في جيوبنا و لا نسألك و لا ننــطط و نأخد راحتنا في المنتدي طالما انك متحكر في الكرسي ،،، صحيح أنا جيت متأخر بس حقي ما بخليه تب و من الساعة دي دا دربي على عبد المنعم الأسد أقول ليه خلي لينا ود حسن دا شوية فوق الحلة و بكوريك لي ناس الفريق اي زول عندو عود يحمشو تحت النار كان يولع الكرسي شوية

هسي أنا جيت أسلم و أبارك بس لاكين بجيك صاد أأأعاشي كان ما لقيت نار الكرسي بقت هبـــــــــــــود

[نزار حسن محمد]

QUOTE=abu_ola;117658]

ود حسن كيفيك آآآآبوي مشتاقين بالحيل آآآ الخزين

أول التبادي كل سنة و انت طيب و العيد مبارك عليك

و تاني شي البنــــــية مبروكة أن شاء الله تتربي في عزكم و ربنا يجعلها من المومنات القانتات و زي ما قالت جاحة بتول خالة ود الماحي ( الأصلو نخلة منو الخير ما بخلا ) و شد حيلك شوية كان تصل عقيد و تقلب الشغلانة لانو قالوا النقيب الذيك كده و ناس الملازم الزينا الترابة ما بسوها

و تالت شي الجامع مبروك و أن شاءالله قلبك ديمة عامر بالإيمان و التقي و الصلاح ...... في واحد من أخونا قال ليك من بني بيتاً لله بني الله له بيت في الجنة ( بس ما تعمل حكاية اخونا الشايقي القالو ادوه بيتين في الجنة باع الأول ، و أجر التاني ، و سكن مع عزابة في النار )

قالوا آآآخوي التسوي كريت تلقا في جلدها .... بس البنية بقت ليك جبارة و جوبكت لينا الشغلانة لا عرفنا نأكل لقيمات السماية و لا نضرب فتة الحولية و لا نشيل خبيز العيد في جيوبنا و لا نسألك و لا ننــطط و نأخد راحتنا في المنتدي طالما انك متحكر في الكرسي ،،، صحيح أنا جيت متأخر بس حقي ما بخليه تب و من الساعة دي دا دربي على عبد المنعم الأسد أقول ليه خلي لينا ود حسن دا شوية فوق الحلة و بكوريك لي ناس الفريق اي زول عندو عود يحمشو تحت النار كان يولع الكرسي شوية

هسي أنا جيت أسلم و أبارك بس لاكين بجيك صاد أأأعاشي كان ما لقيت نار الكرسي بقت هبـــــــــــــود [/QUOTE]

سعادة الملازم ..ابوعلاء حبابك يادخرى وعقبال ماتبقى لواء...
وانشاء الله يباركه لك السمح...وذى ماقلت البنيه جات فى الوقت المناسب حاسه بابوه..وبعدين يابوى انا يادوب ماتحكرت كويس فى الكرسى وراجيكم ياعشاااى بس ماتنسوا بياض الفكى الداير عيال والداير عروس والداير يبقى صلاح ادريس.. والداير يبقى حماد هناى نسيت اسمه تلقى فى قسم الاغانى..ابو علاء اخوى اليومين ديل الشربوت بتاع السمايه خلى كلامى كتور الله يسترنا يابوى ..كدى انت ماتتاخر انا راجيك وكان الكرسى بقى هبوت ماتخاف انا عندى طلح وشاف..

[نزار حسن محمد]

حرارة الكرسي نستك الناس معليش يا ابوحسن
اخوك النخلي

دي رنيم لا حلم لا خيال
وعد ومن الله جات اشوفا
دي الامنية الكست ليها
ومنتظر زمان طلة طيفا
حلوة خدرت الجروف وبياض لغيوم
شال مني تعب السفر وغدر الهموم
رشت السعادة غيمه ولوفه
اغاني فرح وسط لوز قطن الجزيرة
رشيقه هادية طلت حروفا


اخى الف مبروك وارجو ان لا تنقطع مننا
دعواتكم لنا دوما بالعافيه والصحه

الحبيب ودالنخلى والله الجماعه قدر ماقلت لهم مشغول ماخلونى وفى الكرسى قعدونى عاد نسوى شنوا مجبور خادم الفكى على الصلاه ..ومشكور يالعمده على القصيده وانشاء نبارك لك التيمان..امين..خالص تحياتى للاسره الكريمه... اخوك ودحسن

[سوباوي]

خليل الندى سيد البهاء .. نزار حسن محمد عثمان "ود حسن"

أجمل الرجال قادمون ساعة فساعة .. وأجمل الحوار حين يستدرجنا للسؤال .. استيقظت

اليوم باكراً لأقف في صف الأرزاق .. لأن لا رزق يوزع بالنهار فالضوء معطية الوضوح ..

فوجدت عميم رزق وزع بسخاء .. الأرض مبلولة والسماء يتقفطن في زرقة أنيقة والشمس

في غياب راهبة آثرت التأخر لحين شروق ..

وللمطر تداعياته الخاصة في دواخلي .. وأنا ببقايا لسعات برد حميدة وبجانبي فنجان قهوة

يتصاعد بوخه في ميس وأحس أنه وبمكر جميل يتآمر مع هذا الطقس الماطر ليحرض فيَّ

أشياء تنفلت عن كونها عادية المزاج .. وهنا يستدرجني السؤال نحوك بلطف أنيق فيما

يشكله المطر في ذواتنا فتعتلينا تلك النفسية الرقيقة فنكون أوان الهطول أكثر تسامحاً

ويخرج من أعماقنا على ألسنتنا ما يؤكد عمق إيمان لا ننتبه له في الأحوال العادية مثل "يا

لطيف تلطف " ، "يا ساتر" ، "الله أكبر" وهنا لا أقول أننا بعيدون من الله في غير هذه

الحالة ولكن ما وددت قوله أننا نكون أكثر صفاء نحو أنفسنا ونحو الله ونحو من بالجوار

ويفتح المطر بداخلنا أبواب سماح كثيرة ومن ثم الشعور بأننا في تصالح تام مع كل الأشياء

هل يصيب فيك المطر يا صديقي مثلما يصيب بي .. ؟

منتهى الجمال حين الجلوس على ضفاف النيل في أي من محطاته الحالمة وأبلغها عندي في

محطته شمبات عندما كنت أخرج من غرفتي بداخلية كنانة في الليالي البيض من كل شهر

حاملاً ذاك الكرسي المعاق وإن كانت إعاقته تبين أنها ليس إلا فكرة متواضعة لسيدة الطريق

"الركشة" فكانت هذه أمتع أوقاتي وحينها يأتي من الأصدقاء من يقول : يا سوباوي "دي

الليلة ملفوفة بكم كرت" فأضحك في مرح لأجيب بانها "الليلة ملفوفة بخمسة موجات نيل

أبو لستك وشوية دعاش وكل ما تنطفي بفتح قزاز القمرة وبولع منها" يعني يا ود حسن

الهترشة الكثيرة دي كلها عشان بس أقول ليك كل ما تمشي مدني لا بد وأنك بتكون بتقيف

على ضفاف النيل فأي الحالات كانت تعتريك ؟

لا شك أن الآنسة رنيم بذات ألق أخواتها فلها مني قبلة في جبينها وهي نائمة لأجل أن

ترتعش فتتبتها الملائكة لنوم هنئ .. أنهن يا عزيزي هكذا قد اختصرن لك المشوار نحو

الجنة .. وكيف لا وسيصبحن عما قريب وكل واحدة منهن تحتفظ بمفاتيح الجنة تحت قدميها

أتمنى أن يحفظ الله عدوياتك يا صديقي وتأتي برابعة إليهن في القريب .. أرى أن خطاب

رنيم بالخارج كثيرون والعروض باهرة وود الماحي الجميل يقف على قنطارين من الذهب

وأبو سراقة ينسج وأبنه في معلقة رزينة والفاتح يناوش في هدوء حميم فمن تتوقع أن يفوز

بها ؟

سأعود بك عزيزي لدائرة دافئة .. فللعباد والبلاد شئون طريفة وهنا يحضرني العزيز "علام

يوسف صالح" أتوافقني في أنه جن لونه براهو وسلط ما بيتوصف وخصوصاً عندما تكون

المسألة خد وهات ويتباصو فيك هو و الرائع مروان .. لي ولهم الكثير من المواقف .. ولي

وللشفيف سامر حسن ود وإلفة طيبة برغم من أن فترة ما عرفته فيها لم تسعنا للتعمق حيث

عاد أدراجه للوطن محملاً بأحزانه الخاصة ... هل حدثتنا عن هؤلاء نزار با عتبار أنهم

شخصيات لا يستهلكها التكرار إطلاقاً ؟

أخيراً .. معذرة صديقي لهذا الحضور المتأخر ولكن الأيام دي بس خليها على الكريم ..

العزيز نزار .. لك الود والبهاء والألق ولك معطر تحياتي ...

يجوز أن أعود مرة أخرى ..

[نزار حسن محمد]

الاديــب... سوباوى..خليل العزه اه بتخيل قصاد شمبات حليل اهلى..الرائع مجاهد
اسمعنى ياعشأى أنا ذى كلامك السمح ده مابقدر عليه.. وكلامك الجميل ده بذكرنى لحظات دخولى لصفحة الثقافى ..حرم يامجاهد ببقى ذى الحج بخيت الحاج ((حاج مذكر))
وهاك ردى ياحبيب ..اول شى
المطر.. والبحر.. والغيم .. والليل.. هم سر الهامـــــى
نعم المطر يصيب فى سهم ويحرك بدواخلى سلطان الابداع((ذى الابر الصينيه)) اغنى لنفسى كما لم اغنى من قبل..
اعشق البحر قبل طلوع الشمس وعند المغيب ..تعترنى لحظات اتحدث مع نفسى بصوت مسموع تترتب
الاشياء فى دواخلى .يتسع صدرى اترنم بأغانى زمان وياتنى صوت عثمان الشفيع.
اما بالنسبه .. للاموره رنيم
بالامس كان فتح الخشم بين النسوان من امريكا كانت على الهاتف ام الماحى زوجة العزيز جمال ومن الامارات كانت زوجتى ام رنيم .. وقالوا.. ابو العروس.. كفاه ..كدوس..
بعدين انت ياسوباوى لمت كيف فى الخال مروان والخال علام ..والشقيق سامر..
الخال مروان ..رفيق درب طويل بداء منذا دخولنا مرحلة الابتدائى ومازال مستمر.. اما علام .. وسامر فهم على دربنا سائرون..
مجاهد ..انشاءالله اكون قدرت اجاوب .. وبعدين ياخى مشكور وجدته اتصالك على الهاتف وسوف اتصل بك والعزيز سامبا تحدث معى وشرح لى قدر المعاناه والتى اعلمها جيدا مع اهل السعوديه..
لك ودى وتقديرى .. وفى انتظار عودتك ...اخوك ودحسن


http://www.arab-x.com/uploads/Feb-06/06e485fa8d.gif (http://www.arab-x.com/)
http://tabatpeople.com/songs/sudan/mohalamin/wadmadani.rm

[abu_ola]

ود حسن يا أخوي بما أنك أصبحت أبو بنيات ( ربنا يحفظن ليك ) و علاقتك بالجكس سمن على عسل حسب ما سمعت دايرنك تقدم السبت كان تلقي الأحد اها يا الخزين قول لينا البورة دي بفكوها بشنو ؟؟

و كان في بت ما عرسوها كلو كلو البحصل ليها شنو ؟؟

الوليدات الماقادرين يعرسوا ديل تنصحم بشنو ؟؟

بعدين الكلام دا كلو مسئولية منو ؟؟؟


الإبتدائي الزماان ( الأساس حالياً ) على زمة الوزير قال دايرين يسوه تسعة سنوات اها توقعاتك شنو بقسموه النص ( قميص و رداء ) و لا بخلوه كم طويل ؟؟ بعدين رأيك شنو في العلاقة بين الشافع اب 6 سنوات البقرأ مع المراهق أب 15 - 16 سنة ؟؟؟ و كان أدوك فرصة في الوزارة دي بتحل الإشكالية دي كيف ؟؟؟

[نزار حسن محمد]

ود حسن يا أخوي بما أنك أصبحت أبو بنيات ( ربنا يحفظن ليك ) و علاقتك بالجكس سمن على عسل حسب ما سمعت دايرنك تقدم السبت كان تلقي الأحد اها يا الخزين قول لينا البورة دي بفكوها بشنو ؟؟

و كان في بت ما عرسوها كلو كلو البحصل ليها شنو ؟؟

الوليدات الماقادرين يعرسوا ديل تنصحم بشنو ؟؟

بعدين الكلام دا كلو مسئولية منو ؟؟؟


الإبتدائي الزماان ( الأساس حالياً ) على زمة الوزير قال دايرين يسوه تسعة سنوات اها توقعاتك شنو بقسموه النص ( قميص و رداء ) و لا بخلوه كم طويل ؟؟ بعدين رأيك شنو في العلاقة بين الشافع اب 6 سنوات البقرأ مع المراهق أب 15 - 16 سنة ؟؟؟ و كان أدوك فرصة في الوزارة دي بتحل الإشكالية دي كيف ؟؟؟

معليش على التاخير ياابوعلاء ...مشيت استشرت شيخى ابو نافوره وجيتك تب بالنجيضه..
1/ البوره بفكوه ...بتلاوة جزء من القران الكريم بعد صلاة الفجر ..والجزء الثانى بعد منتصف الليل
2/ والبت الماعرسوها كلو كلو دى ..هى رافضه العرس ولا ما جاء سعدها ..لو رافضه الزواج بتركب قطار البوره وعلاجها فى البند رقم1 وكان رافضه العرس .. الرماده دى فى خشمه.
3/ الوليدات الماقادرين يعرسوا ديل بنصحم ..اولا بالتوكل على الله ..بعد داك مافى حاجه صعبه اولا النيه بعد داك بيت الحلال بيسرو الله بس هو يكون صادق النيه..ومهما كانت الصعوبات بشوف بعينه
وخلى اجى اسعلنى...
اه الكلام ده كله مسئولية منوا!! ... المسئوليه مشتركه من الدوله ثم الاسره ثم اصحاب الشان..
والداير بيت الحلال فى راكوبه بعيش لكن الداير يشطح ..خلى ارجى حظه فى الكريبه
****
لو بقيت فى وزارة التربيه اولا برجع لى نظام زمان اول كان نظام الا اربعه سنوات كتاب ثم ثلاثه سنوات الاوسطه..برجع لى نظام الست سنوات ابتدائ ثم ثلاثه سنوات عام ثم ثلاثه سنوات العالى
لانك ياابوعلاء شفت نظام الاشكوله بتاع العشره سنوات فى روسيا ..وطبعا ببداء من عمر خمس سنوات حتى سن ال15 بكون الواحد دخل الجامعه ..لكن النظام دا فى السودان غير مجدى وناس وزارة التربيه بحاوله يطبقه هذا النظام ..ولكن من وجهة نظرى نظام الست سنوات هو الذى اثبت نجاحه ايام الدكتور محى الدين صابر ..بعدين ناس ال15 سنه ولاسع فى صف اول ديل من ما الواحد يعيد سنتين يحول مباشرة للتدريب المهنى ..يتعلم ليه صنعه...
اه ياابوعلاء كان كلامى ده ماعجبك تعال نستشير الفكى ابكرونه ...

[sambaaa]

http://www.moq3.com/pics/up_06/h_22_11_06/6eb386cce6.JPG (www.moq3.com)

يا ابوفائزة سلامااااااتي

بعدين كدي ده شنو ده :eek: ؟؟
الصورة دي كانت في كوفي شوب ابوعلا .. ولا شنو الحكاااية ؟؟
ووين ام فائزة من العمايل دي ؟؟
هههههههه
اخد نفسك واشرح لينا الحاصل قبل الفاس يقع فوق الراس :D
انا جاايييييك بصور كتيرة .. داير افتح نافذة الماضي معاك ..

[sambaaa]

http://www.moq3.com/pics/up_06/h_22_11_06/88627ceb7a.JPG (www.moq3.com)

يا حــلاة الدنيا عليها
عيني بااااردة .. :)
يا ود حسن .. الامورة دي .. خطيبة أحمد ولد سلوى .. ولا خطيبة الماحي ود جمال الماحي ؟؟؟:D

[sambaaa]

http://www.moq3.com/pics/up_06/h_22_11_06/044d5463aa.JPG (www.moq3.com)

حليل زمااان .. رسم الزمن لوحته على محياك يا ابوفائزة ..
من تفتقد من المجموعة الفي الصورة دي ؟
كيف كان الشتاء في ذاك الزمن ؟
هل تساقطت كل الاوراق الخضراء ؟ .. أم هناك غصن أخضر تحتفظ به ؟
هل تحن للماضي وتشتاق إليه ؟
هل تريد العودة مرة أخرى لهذه الايام السندسية ؟

[نزار حسن محمد]

ابوعفان ..كدى قول بسم الله ..الصوره رقم واحد دى من بنات الدفعه وهى من بنات الارياف يعنى ذى ناس اهل العوض ساكنين بعيد عن المدينه وقامت عزمتنا لمنطقتهم الريفيه والجالسه فى الوسط دى حبوبته حاضره الحرب العالميه حجتنا جنس حوجا..والزميله ريتا الان من اشهر اطباء العيون ..
الصوره الثانيه..
[فهذه هى ايلاف بنتى الثانيه وقالت كان ماجبت صورة فى المنتدى بتمشى تدق اختها رنيم واليومين ديل تهديد شديد اللهجه.....
الصوره الثالثه ..
[فهذا الفريق الجامعى السودانى باكرانيا..وكنا مشاركين فى الدوره الافريقيه وماتشوف اخوك قاشر كدى انا جيت الشوط الثانى وكنت بموسكو ومن المطار وعلى الملعب.. وكانت لنا ايام

[sambaaa]

قالو كترت الطلة بـ ........... :)
لكن يجب ان اطل عليك مرة اخرى .. لأن الصورة ادناه تحمل الكثير جدا لتكلمنا عنه
http://uae4up.com/uploads/4124028353.jpg (http://uae4up.com)

[Jamal Elmahi]

..والزميله ريتا الان من اشهر اطباء العيون ..


وجنني ياخي العيون
هن أساس الريد والجنون...

العيون الفيك لو صفن
أجرحنك وأتلاصفن
مرّه نظرن لي أوقفن
شالو نومي ما أنصفن ....
ويا حلاتن هي أخصائية عيون....

مشاققه ...
الجامع يجبّ ما قبله....جامع بركات دا بمسح ليك قديم وجديد...وأتا قايل الجامع ما عندو عيون....

بالردميّه ...
سامبا أريت حالك زين ومشتاقين يانور العين...

أبو النسب

[نزار حسن محمد]

عريسنا المرتقب زين الشباب عثمان سامباااا
تعرف يابوعفان فى عام 86 على ماعتقد عندما ضرب السودان الجفاف والتصحر كنت اتابع بالم شديد التقارير التلفزيونيه اليوميه.. لما يحصل لى اهل هذا البلد الطيب واذكر تحديدا كان فى الحى دعوة فطور لموظفى وعمال مشروع الجزيره عند احد الجيران وكنت من ضمن الشباب الذى يخدم على اعمامنا لتناول ما لذا وطاب من طعام وكان فى ذلك الوقت محافظ مشروع الجزيره العم العزيز عبدالله الزبير
فذهبت اليه وتحدثته معه فى مايحصل لى اهلنا من مجاعه وتصحر واخبرته بانى اريد ان اقوم بحمله
من اجل تقديم يد المساعده ...فشجعنى وبدات حملة تبرعات من مكان الدعوه وقد خطبت باعالى صوتى
فى الحضور بان يسهمه فى تقديم تبرعات ماديه وعينيه وبعد انتهاء الفطور كنت قد جمعت مبلغ محترم
من الحضور وخترت للجنه من شباب الحى وبدات الحمله والتى استمرات لمدة اسبوعين وانتهت بجمع مبلغ 8 الف جنيه وهذا المبلغ فى ذلك الزمن كان له قيمته + لورى نيسان كبير محمل بالاشياء العينيه من ملابس وبطاطين ومواد غذائيه وذهبت مع اعضاء اللجنه للخرطوم وقمنا بتسليم هذه الاشياء ومنذا
ذلك التاريخ ...وهبت نفسى لعمل يفيد الناس وكان دائما ربى يسهل لى الامر بعد ذلك قمت بتشيد مركز للشباب بالمنطقه وخلوه لحفظ القران وامنت بان النيه لعمل الخير..لايتوقف فى طريقها شياء بل تشعرباشياء غريبه وعجيبه وانت تقوم بعمل الخير وتشعر بوجود الله عن قرب عن قرب وهذا ماجعلنى انوى بناء هذا المسجد برغم التكلفه الكبيره ولكن لم تكن كبيره على رب العز والجلاله وبحمد الله الان بدات فى بناء المسجد الثانى ..ولن اتوقف كما ارجوا ان يستفيد الشباب من هذه التجارب لعمل الخير ومشكور كتير حبيبنا العريس ابو عفان

[نزار حسن محمد]

مشاققه ...
الجامع يجبّ ما قبله....جامع بركات دا بمسح ليك قديم وجديد...وأتا قايل الجامع ما عندو عيون....
ابو النسب


الزعيم ابو الرجال ود الماحى ...كمان النزيدك من الشعر بيت من موسكو ركبت الطائره ونزلت فى السعوديه ويالحج جاك زول ...بعد مااديت الفريضه حتين مشيت سلمت على ناس البيت...

اه ويقوم القدر تانى اودينى لى بلاد الروس واقوم ادعوه خالى وصديقه السعودى لى هناك ويقومه ببناء داك يالمصلى بمدينة كييف ... وبعدين العيون دى ذاتا الخلتنا نبقى ناس جوامع ساكت عاد اسوى شنوا ..ادا الله وادى حكمته..

[التيمان]

http://www3.0zz0.com/2006/11/24/17/99975537.jpg


انحنا ناس سلام ساى

[نزار حسن محمد]

التيمان الظراف يعلم الله بحبكم من جوه قلبى وزعلت جدا انى ماقبلتكم عند حضورى لمدنى لكن الجايات اكتر من الريحات ..وانشاءالله نتقابل فى القريب تحياتى للوالد ودايرين نسمع نتائج مشرفه فى الامتحانات...وشكر على مروركم والذى سيكون مسك الختام على ظهر الكرسى الساخن،،،

[محمد السر احمد]

ابو فايزة انا عارف عنك ما هو اجمل من ذلك لكن دايرك توري ناس المنتدي عن ناس بركات وعن رضو حجة فايزة عنك ودعواتة السمحة

[ولد مدنى]

حبيبنا ابو رنيم 1000 1000 1000 مبروك المولوده وربنا يرجعك بلدك سالم غانم وبنقول ليك مرحب بيك فى وطنك التانى
ود مدنى

[ولد مدنى]

حبيبنا ابو رنيم 1000 1000 1000 مبروك المولوده وربنا يرجعك بلدك سالم غانم وبنقول ليك مرحب بيك فى وطنك التانى
ود مدنى

[نزار حسن محمد]

ابو فايزة انا عارف عنك ما هو اجمل من ذلك لكن دايرك توري ناس المنتدي عن ناس بركات وعن رضو حجة فايزة عنك ودعواتة السمحة


هلا بالمريخابى محمد السر ..
الان اكتب وفى مخيلتى شارع الترعه رقم 2 وفريق الافنديه وحى الجامع وحى السوق وحى المورده وحى نادى العمال وحى البوسته وحى الجعلين والسريات ...يامحمد مالك زايد على المواجع...الان قربت اخلص من كتاب يحكى عن تاريخ بركات وناس بركات سوف يرى النور قريبا...
ام بخصوص الوالده الحاجه ست الاسم فايزه فيعجز اللسان عن القول فى ست الاسم ادعوه معى بان ربى يحفظه لنا ولكل من يعرف الحاجه فايزه .. ودى شيخى الاول والاخير ...لك ودى اخى محمد

[نزار حسن محمد]

حبيبنا ابو رنيم 1000 1000 1000 مبروك المولوده وربنا يرجعك بلدك سالم غانم وبنقول ليك مرحب بيك فى وطنك التانى
ود مدنى

العزيز ولد مدنى اتابع كل ماتكتب وكم انا سعيد بوجودك بيننا ...ولك الود وانت تبارك وتدعوا لى بالعوده
وانشاء الله قربت كلها شهور واكون معاكم فى ربوع ودمدنى تسلم ياغالى ...عمكم ودحسن

[محمد السر احمد]

نسيت اهم حتا بالنسبة ليك القرررررررررررررررررررية انشاء ترجع بالسلامة ونتمني ليك كل السمح ويخلي ليك الحجة فايزة
ااااااااااااامين

[نزار حسن محمد]

يا محمد قرية بركات النموذجيه دى ما من الاحياء الجديده ... والحمدالله فيها اعلى مئذانه فى ولاية الجزيره اه تانى اسوى شنوه اعرس تانى ولا شنو رايك...

[محمد السر احمد]

ما بتقدددددددددددددددددددددر الحكومات قوية حماة الله وعفاها
دايرين منك تحكي لناس المنتدي عن اليوبيل الفضي لمدرسة بركات المتوسطة
ههههههههههههههههههههههههههه

[نزار حسن محمد]

ما بتقدددددددددددددددددددددر الحكومات قوية حماة الله وعفاها
دايرين منك تحكي لناس المنتدي عن اليوبيل الفضي لمدرسة بركات المتوسطة
ههههههههههههههههههههههههههه

اليوبيل الفضى لمدرسة بركات المتوسطه ...هذه المدرسه الحبيبه للنفس خرجت فطاحلة من ابناء وطنى ...تعرف يامحمد الذاكره صبحت خربه كل الذى اذكره كنت عضوه فى للجنه الاحتفال وطبعا الدكتور غازى صلاح الدين كان من خريجى هذه المدرسه وكان معنا فى الاحتفال...
على ماعتقد الان اصبحت معهد زراعى او شى من هذا القبيل..لك الشكر ابوحميد