شل شل كب لي جالون

[فنجاط]

وانا جاي على النت و اثناء ركوبي في احدي الحافلات عملت شكله مع الكمساري بسب زيادة تعرفة المواصلات . و الشئ الملفت للانتباه الكاسيت الكان شغال و بالتحديد الغنيها دي ....
نمشي غرب لطلمبة اجب
و نمشي شرق لطلمبة اجب
و يلا عديل لتوتيل
شل شل كب لي جالون
شل شل حسب القانون
شل شل لالا ما بديك ...
لاحظ معاي بي منظور سياسي بحت حتي انو الاغنيه ادت اي زول حقو الا نحنا ناس ولايات وسط السودان الجزيرة بالتحديد كيف ...؟!!
انا اقول ليكم . ناس الغرب ادوهم كرسي جنب الرئيس و طلمبة بنزين من اجب ، كمان تعال شوف ناس الشرق ادوهم امس كرسي و طلمبة من اجب برضو و كمان فوق ليها بوسه عباره عباره عن 600 مليون دولار . و ناس الجنوب كرسي طه عديل و ديل طبعاً ناس توتيل .
سمح ناس شل ديل منو ....؟؟
ديل يا أخونا ناس الشمالية اصلاً مستلمين الحكومة و وصلات النفط كلها خليها شل بس و كلها في جيوبهم . رايكم شنو
سمح الطلمبة بتاعتنا و كرسينا وين وين وين وين ....؟؟؟ هل من مجيب طبعاً لا .
طيب موش الكمساري عندو حق يشأكلني دا مفترض يشوتني بالجزمه عشان ما عندي طلمبة و لا كرسي يا اخي ده انا ما عندي صوت اطالب بيهو عن طلمبتي .
نهايتو الله يديك العافيه يا طه سليمان .
و المساحه الجايه مفتوحه ليكم يا ناس مدني عشان تفنجطو
تحياتي

[نزار حسن محمد]

يكفينا قبب الاوليه والصالحين يافنجاط .. وصدقنى كل زايل،،،

[صالح ابوشوارب]

الاخ فنجاط
والله ذكرتني هذه الاغنيه. بقض النظر عن الموضوع . فلفت نظرى العنوان . فهذه الاغنيه من تاليف فرقة ود ازرق بودمدني بقيادة سوسو والاخ العزيز كرن . في اوائل السبعينات . وكان في مقطع بيقول .
شل . شل .. كب لي جالون .. شل .. شل ما بكبو ليك
شل .. شل .. الطرمبه ديك ما بعيده عليك
فنجطه قديمه

[فنجاط]

اخي نزار حسن تحياتي
كلنا بنحب مدني وقببها لكن تعال ماشي جنب المستشفي وشوف الشباب ضايع مع الجبنات مع ادروب و غيرهو و معظهم مسطول عشان كده ما قدر اجي الجبنه ده كلو ليه عشان فلسان ونفسياتو تحت تحتين الارض . يا اخي عاين لي اخوانك المغتربين من ابناء ودمدني في الخارج لو مصانعك شغاله و كذلك مشروع الجزيره و طلمبتك منقطه ما كان استمتعوا معانا الان بأجواء رمضان الماطره دي و لا كيف .

[فنجاط]

صالح ابو شارب اخبارك
صاح الاغنيه قديمه بس نظرته ليها مع توقيع اتفاق السلام مع متمردين الشرق سياسياً
تحياتي
و مشكور على معلومة مؤلفين الاغنية

[بابكر]

والله يافنجاط اعمل حسابك من كترة الفنجطه عشان ماتقع بعدين تتعوق ساى

[التيمان]

اهين بيك بيننا



ونورت المنتدى




الـسلام علـيـكـم ورحـمة الله وبـركاته

لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم

أهــــــــــــــــــلا ً وسهــــــــــــــــلا

كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية
التي سنشاركك الطرح والإبداع فيها
مع خالص دعواي لك بقضاء وقت ممتع ومفيد






http://www.0zz0.com/2006/08/21/262276791.gif

http://www2.0zz0.com/2006/09/25/10/869308439.gif

http://www.0zz0.com/2006/08/21/642216188.gif


http://www.0zz0.com/2006/08/21/293657725.gif

http://www3.0zz0.com/2006/09/10/17/269409458.gif
http://song3.6arab.com/m7ammad-fouad_tayeb-tayeb.rm

[راسكال]

يا فنجاط


تقبل تحياتى


ودمت بود

[عماد الصادق]

أخي فنجاط..
والعيد على الأبواب .. كل عام وأنتم ونحن وهم في سلام..
وربنا يعيد علينا رمضان مرات ومرات..

بمناسبة التقسيم جنوب وغرب وشرق ثم شمال..
عاوزين نعرف نحن ولاية سنار والناس افي النص!!!
وين موقعنا من هذه التقسيمات..

صراحة المعادلة صعبة .. على لسان صعب صعب يا علي..

والضايعين وسط الكرعين كتااااار ...
ما أنا العبد الفقير إلا واحداً فقط...

[عبدالمنعم الصديق(خدرا)]

الغالى جدا فنجاط
لك الود والتحايا ولكل ناس مدنى
عارف ياغالى ولا كل التقسيمات القلتها دى بتهمنا
نحن عندنا اهم من شل واجب وتوتال
وكل طرمبات الدنيا مابتهمنا
وكل بترول الدنيا مابملى عيوننا
نحن عندنا الاهم
ارض الجزيره
قطن الجزيره
دهب الجزيره الابيض والاخضر
سواعدنا الهربت وخلت الجزيره
ناسنا الخلو الحواشات وفارشين بصل وليمون فى الخرطوم
كل السواعد الشغاله عمال زراعيين وعمال تربية مواشى فى الخليج
رجعوهم لينا وشوف بعد داك
مدنى حاتبقى دبى
والمناقل ابوظبى
وجنيه الجزيره صدقنى حايكون اغلى من الدينار الكويتى
الخير موجود بس كيف نحن نخت الرحمن فى قلوبنا
اخى فنجاط هذى دعوه اوجهها عبرك وعبر منتديات ودمدنى للاخ الفاضل عبدالرحمن سر الختم ولا احسبه الا من ابناء الجزيره الغيورين والحادبين عليها وأس الدعوة
كيف تكون الجزيره جاذبه لابنائها وغيرهم؟؟؟؟؟؟؟؟؟؟؟؟؟؟؟؟؟؟
ختاما لك التحايا ولكل غيور على الجزيره عموما ومدنى خصوصا ومدنى هى القلب لجسم ممتد اسمه الجزيره فكيف ينبض القلب ان لم تنتعش اطراف هذا الجسم ؟؟؟؟؟

[بات مان]

شرفة المنتدى والله يافنجاط




وكل عام وانته بخير


لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم