مشرفنا العزيز .. صالح فرح .. ضيفنا على الكرسي السااااخن لهذا الأسبوع

[zoolfrda]

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
وتتواصل مفاجآتنا للشهر الكريم
http://www.asmilies.com/smiliespic/FAWASEL/048.gif (http://www.asmilies.com/)
فضيفنا لهذا الأسبوع ... ضيف من عوالم الروعة والجمال...
أحد فرسان الكلمة الرقيقة...
تسلل إلى قلوبنا بهدوء وسكينة ( فأبدع شاعراً وأبدع مشرفاً ) ..
فيسعدنا جميعاً أن نكون ضيوفاً عليه..
نلتقيه اليوم ولأيام ليحكي لنا ونحكي نحن له عن أيام سعدنا برفقته عبر هذا الملتقى الجميل ..
http://www.asmilies.com/smiliespic/FAWASEL/053.gif (http://www.asmilies.com/)

فمن هو صانع الفرح / صالح فرح saleh farah ؟؟؟

http://tabatpeople.com/songs/imad/al3oba.ram

[أبوريلان]

مرحب بصانع الفرح



تعال قبال السنين تجرى*** وتعـال فـرح لياليـــــنا

[abosnoon]

عسي ان تكون اقامة طيبة واهلا وسهلا بيك...

[عوض صقير]

نشكرك أخونا زول فردة على هذه العيدية الظريفة

تقديم الأخ صالح فرح للكرسى الساخن فهو عيدية جات فى وقتها

مرحب بيك أخونا صالح

وفى أنتظار البطاقة

[saleh farah]

الاخوان عبدالمنعم زول فرده ميريلان ابوسنون عوض صقير شكرا ليكم جميعا على المبادره الحلوه والاطراء الجميل الذى يشبه طيبة اهلكم ، بينى وبينكم رمضان خش العضم ووصل العيون ماكان ممكن تخلونى شويه لحدما ابل الريق ولو كان بعد الستوت اكون احلا ، لكن مرحب بيكم وتعالوا نخلى العيد عيدين .

[saleh farah]

اخوكم صالح فرح صالح محمد نور على من ابناء جزيرة الفيل محطة حجر حيث النشأة وارتواء الحب الاثر الذى تمتاز به مدينتنا الجميله بين الجيران والاهل والاصدقاء ، ثم ارتحلت بجسدى الى حي ناصر الحي الذى يعتبر امتدادا لحى جزيرة الفيل الام ، بعد اكمال الدراسة ارتحلت مرغماً الى دار الغربة وختيت الرحال فى دولة الامارات العربية المتحدة - مدينة العين .
متزوج من كريمة الاستاذ الفاضل محمود ابوالعزايم
واب لثلاثة اطفال ولى العهد
سراقه صالح فرح 11 سنه
واميرتان
سهيه صالح فرح 9 سنوات
سلافه صالح فرح 7 سنوات
مريض منذ سنوات بداءِ اتمنى ان لا تطال جرثومته احد الذين احبهم وهو داء الشوق والاشتياق للعوده الى مدنى الحنينه

[نزار حسن محمد]

هلا بى اخوه الاخوان شاعرنا صالح فرح حللت اهلا ونزلت سهلا.. كدى ياصالح ورينا سر حرف السين حكايته معاك شنوه .. وتقيل جاى وراء

[امير عبدالباقي]

الف مرحب
بالحبيب صالح فرح
هذا يوم جميل ان تكون ضيفا علي الكرسي وجد نحن سعداء بهذا الشرف الذي يجعلنا تبحر في اعماق ومشاعر ملتهبه بالعواطف الجميله
اولا متي بدات معك موهبه الشعر ؟
وهل تتزكر اول شي كتبته ؛ وهل تسعفك الذاكره بذكر شي منها ؟
ماهي الاشياء التي كانت تلهمك بالكتابه ؟
سوف نرجع

[ابراهيم]

الجميل الشاعر صالح فرح تحياتي
وشكراً يا فردة على العيدية
عليك يا صالح انا ما عايز اعمل ليك نفسيات لكن بس عايزك تاخد ناس المنتدي في رحلة
تعزمهم فطور عند ابو عركش وبعدها ومروراً بشدرة مهدي وزقاقات جزيرة الفيل على جناين ابوعجاجة
على مهل كدة خسمتك بالنبي تسوقنا الرحلة دي بحروفك
وحاتك هسي متعلقة في فروع خاطري منقاية شهية سميتها شجن شجن سايقني ليها شوق خرافي وكمية من الحاجات في الفروع التانية
كدي وبرضو على مهل قول لينا حديث شجن فوق جزيرة الفيل
وبجيك راجع

[saleh farah]

هلا بى اخوه الاخوان شاعرنا صالح فرح حللت اهلا ونزلت سهلا.. كدى ياصالح ورينا سر حرف السين حكايته معاك شنوه .. وتقيل جاى وراء

ودحاج حسن ازيك يارائع ازيك وشنو الحكايه انا هسه قايلك خشيت عشان تعزمنى السمايه ، سبحان الله برضو بحرف السين

حرف السين ياسيدى حرف موسيقى لما اتقال بالسين ودلاله على الدلع والعجن لما اتقال بالثاء لكن صدقنى الاسماء دى عاجبانى من زمان خصوصا سراقه وسهيه فهى اسماء نادره لاناس عِظام ( سراقه بن مالك ) وسهيه ذات الضفائر وطبعا زى كل اب بحب انه اولاده اكونو متفردين عشان كده انا سميتم اسماء متفرده وزى ماقالت لى واحده من الاخوات اسماء اولادك عامله زى اغانى حسن عطيه ، يكفى ان هذه الاسماء كانت اعادة تاريخية لاسماء منسية وقد خلدت ببعض القصائد من قبل بعض الاخوان امثال الشاعر المبدع اسحق الحلنقى رفيق الدرب الذى تغزل فى ابنائى واسمائهم حيث قال عن سراقه

ياسراقه يا اصل مليان عراقه
العمر ياضى عمرنا
نحن ليك شلناهه باقه
لما طليت بالسلامه
ضقنا طعم الابتسامه

وعن سهيه
الله جابك لي هديه
للسنين الباقيه ليا
بنسا ريد الكون ده كله
الا ريدتك ياسهيه

وسلافه كنت عايز اسميها سفانه على اسم ابنة حاتم الطائى ولكن فى بعض الناس رفضه هذا الاسم خوفا من التحريف والتقينا عند سلافه

[saleh farah]

الف مرحب
بالحبيب صالح فرح
هذا يوم جميل ان تكون ضيفا علي الكرسي وجد نحن سعداء بهذا الشرف الذي يجعلنا تبحر في اعماق ومشاعر ملتهبه بالعواطف الجميله
اولا متي بدات معك موهبه الشعر ؟
وهل تتزكر اول شي كتبته ؛ وهل تسعفك الذاكره بذكر شي منها ؟
ماهي الاشياء التي كانت تلهمك بالكتابه ؟
سوف نرجع

رفيق الدرب امير عبدالباقى وين الغيبه يازول ؟
يعنى مانشوف حروفك الا فى الزنقه دى ؟

ادين فى هذا الدرب للاستاذ الجليل الجيلى قسم السيد لاعب جزيرة الفيل فى السبعينات والمدرب المعروف المقيم بالمملكة العربية السعودية حين كان استاذاً للغة العربية بمدرسة جزيرة الفيل الابتدائية حيث كان يشجعنا على كتابة النثر والشعر والمشاركة فى الجمعيات الادبية باعمال خاصة حتى ولو كانت ركيكه وعدم الاعتماد على الاعمال المكتوبة فمن هذا المنبر احييه تحية التلميذ لاستاذه ، ثم تبلورت هذه الموهبه فى معية الاجلاء اسحق الحلنقى ومحمد عبدالله برقاوي والسر ابوالعاقلة الذين التقيتهم بمدينة العين فلهم الفضل فى اعادة هذه الموهبه بعد ان بدأت تخمد بمرور الايام .
اول قصيده كتبتها كانت تعج بالعواطف ايام حب ابنة الجيران اليتيمه واذكر منها

ماذنبها ان كانت من غير امٍ وابٍ
فان مكانتها فى القلب اعظم
كثير من حاول امتلاكها من غير مأرب
وكل قلب سواها اعزب

الالهام يتبادر الى ذهنى كلما طافت بفكرى او احاسيسى نسمه حنينه كانت ام حزينه فالقصيده لاتأتى ان لم نحسها قبل كتابتها وانت سيد العارفين .

[saleh farah]

الجميل الشاعر صالح فرح تحياتي
وشكراً يا فردة على العيدية
عليك يا صالح انا ما عايز اعمل ليك نفسيات لكن بس عايزك تاخد ناس المنتدي في رحلة
تعزمهم فطور عند ابو عركش وبعدها ومروراً بشدرة مهدي وزقاقات جزيرة الفيل على جناين ابوعجاجة
على مهل كدة خسمتك بالنبي تسوقنا الرحلة دي بحروفك

الحبيب العزيز ابراهيم ازيك ياسيدى والله بدل ما اسوق الناس ديل انا لقيت نفسى فى حوسه وطلعت برا جوا اللقاء بمالهذه الامكنه من ذكريات اتمنى ان تعود ولو لساعات ، واعدك انى حا البى طلبك بس مش هسه .

وحاتك هسي متعلقة في فروع خاطري منقاية شهية سميتها شجن شجن سايقني ليها شوق خرافي وكمية من الحاجات في الفروع التانية

نحن دايما بننتظر اعمالك يا ابراهيم ان كانت شعرا او نثرا بشوق شديد فلا تحرمنا نتاج هذه الموهبه البديعه .

كدي وبرضو على مهل قول لينا حديث شجن فوق جزيرة الفيل

جزيرة الفيل هى انعكاس يومى متكرر لشخصى الضعيف عندما اجد نفسى فى زيارة لاحد الاصدقاء او الذهاب للمشاركة فى احد الافراح او سايقانى الدموع عندما اذهب لاداء فاتحه فى مأتم فجزيرة الفيل مدرسة اجتماعية متفرده بكل ماهو جميل .


وبجيك راجع

ماتتأخر بشتاق ليك
والشوق لو تعرف كيف حراق
كان مشوارك خليته
رحمت قليبى من الاشواق

[ابراهيم]

رفيق الدرب امير عبدالباقى وين الغيبه يازول ؟
يعنى مانشوف حروفك الا فى الزنقه دى ؟

ادين فى هذا الدرب للاستاذ الجليل الجيلى قسم السيد لاعب جزيرة الفيل فى السبعينات والمدرب المعروف المقيم بالمملكة العربية السعودية حين كان استاذاً للغة العربية بمدرسة جزيرة الفيل الابتدائية حيث كان يشجعنا على كتابة النثر والشعر والمشاركة فى الجمعيات الادبية باعمال خاصة حتى ولو كانت ركيكه وعدم الاعتماد على الاعمال المكتوبة فمن هذا المنبر احييه تحية التلميذ لاستاذه ، ثم تبلورت هذه الموهبه فى معية الاجلاء اسحق الحلنقى ومحمد عبدالله برقاوي والسر ابوالعاقلة الذين التقيتهم بمدينة العين فلهم الفضل فى اعادة هذه الموهبه بعد ان بدأت تخمد بمرور الايام .
اول قصيده كتبتها كانت تعج بالعواطف ايام حب ابنة الجيران اليتيمه واذكر منها

ماذنبها ان كانت من غير امٍ وابٍ
فان مكانتها فى القلب اعظم
كثير من حاول امتلاكها من غير مأرب
وكل قلب سواها اعزب

الالهام يتبادر الى ذهنى كلما طافت بفكرى او احاسيسى نسمه حنينه كانت ام حزينه فالقصيده لاتأتى ان لم نحسها قبل كتابتها وانت سيد العارفين .


يا سلام عليك يا صالح
الوفاء لأهل الوفاء ..
فقد درسني استاذ الجيلي في ذات المدرسة
جزيرة الفيل الابتدائية ... فكان الأستاذ والأب والصديق
له مني عبر هذه العيدية اسمي آيات الشكر ووقفة وفاء .. له ورفقاءه استاذ فقيري واستاذ حيدر وكل الكوكبة المعلمين اينما كانو ..

[نور العيون]

الاتخ صالح فرح مبروك جلوسك على الكرسي الساخن و ان شاء الله تعيد كويس
و عندي سؤال :
كيف بدا مشوارك الشعري ؟ و من اي سن بداته ؟و كيف كانت البدايه ؟

كفايه كده و لي رجعه تاني قريب ....

[saleh farah]

يا سلام عليك يا صالح
الوفاء لأهل الوفاء ..
فقد درسني استاذ الجيلي في ذات المدرسة
جزيرة الفيل الابتدائية ... فكان الأستاذ والأب والصديق
له مني عبر هذه العيدية اسمي آيات الشكر ووقفة وفاء .. له ورفقاءه استاذ فقيري واستاذ حيدر وكل الكوكبة المعلمين اينما كانو ..

اخى ابراهيم ان لم نحترم من اناروا لنا الطريق فمن بربك نحترم؟
قد يمر الانسان بعدة مراحل دراسية ولكن يظل استاذ التأسيس هو المعلم بحق وحقيقه فهو الشخص الذى يزيل عن اعيننا امية الحروف وقوقعة الانغلاق على النفس فهو بحق يستحق ان نصير له خداما كما قال شوقى
من علمنى حرفاً صرت له عبدا
ولكن اخى كيف لنا ان نكافئ هولاء الاشخاص المؤثرين فى حياتنا ان لم نكن حافرين اسمائهم فى زاكرتنا وهو اضعف الايمان فلنعطى هؤلاء القوم حقهم بالعمل بكل ماغرسوه فينا من اخلاق .

[saleh farah]

الاتخ صالح فرح مبروك جلوسك على الكرسي الساخن و ان شاء الله تعيد كويس

الله يبارك فيك يانور وان شاء مانجيك فى زنقه

و عندي سؤال :
كيف بدا مشوارك الشعري ؟ و من اي سن بداته ؟و كيف كانت البدايه ؟

مع انه السؤال ده اجبت عليه فى هذا البوست ولكن خاطرك طيب ، بدأت كتابة الشعر منذ المرحلة الابتدائية وكانت البداية فى المنتديات الادبية ( الجمعية الادبية ) التى تقيمها مدرسة جزيرة الفيل الابتدائية ثم توالت الاحداث .

كفايه كده و لي رجعه تاني قريب ....

مرحب بيك يانور العيون فى اى لحظة .

[نور العيون]

تسلم يا صالح و معليش ما انتبهت في الكلام و الدنيا صيام و رمضان و كل سنه و انت طيب

[ابوالنور]

مرحب بيك اخونا صالح فرح وشكلنا حا نستمتع بردودك الجميله يا زول ياراقي

[Jamal Elmahi]

أحلت الكرسي عرشاَ أبا سراقه
فأنتشي القرطاس ورقص اليراعه
فأنبهل الشعر نهراَ من العين للدباغه
فتضايرنا وعلي قدر اللحاف نمد الكراعه

مشاققه...
ماهو رأيك في الشعر الحلمنتيشي...أي شعر الفكاهه؟
هل لديك أي شطحات حلمنتيشيه؟ نموذج منها ان وجدت...

شلاقه...
بت الجيران العامريه هل كانت اخر شاكوش؟
أري تحت الخنفس كراضيم شاكوش
وأخشي أن يكون أحدها في الكراع ....وبالذات في عضم الشيطان...
سعالي ...فلقته كم شاكوش وفلقوك كم شاكوش....وقالو الشاعر ما ببدع ألاّ بعد الشاكوش الاول رأيك شنو...؟

يحلو معك النضم فبجيك صاد...

ود الماحي

[سوار الياسمين]

منور الكرسي الساخن ابا سراقة
حللت اهلا ونزلت سهلا
ليك كم سؤال كدا على الطاير

امنيات تتمناها لكل من

ام سراقة

سراقة

سهيه

سلافة

(حفظهم المولى جل جلاله )

خطوة تريد ان تخطوها في ايامك المقبلة

مرحلة تريد ان تنساها مضت في حياتك

دعاء تتهجد في دعائه كل صلاة

دمتى يا ابا سلافة (اخر العنقود سكر معقود)

[نزار حسن محمد]

ابن جزيرة الفيل ...شاعرنا صالح ..صورتك الخايف عليها وتكتمل الفرحه مع وجود صور الابناء وقصيدة امى... ودمت لنا

[elfatih61]

أبت نفسى إلا أن أشارك في التحايا للإستاذ صالح فرح

جزيــرة الفيــل وجناينها ومدنــى وشوقها وأهلها والعيــن المدينة الحنينــة
كل الاسماء السابقــة لها رابط مشتــــرك ( الخضـــرة والطيبــة ) 0 ماذا تقـول
في هذا الكم الهائــــل من الخضـــرة والطيبـــة !!! ودمتم لنا

000

[saleh farah]

تسلم يا صالح و معليش ما انتبهت في الكلام و الدنيا صيام و رمضان و كل سنه و انت طيب

وانتى طيبه يانور العيون معليش رمضان اثر فينا كلنا مابراك ، عادى ياستى ولا يهمك
الف مرحب بيك

[saleh farah]

مرحب بيك اخونا صالح فرح وشكلنا حا نستمتع بردودك الجميله يا زول ياراقي

اهلا بيك اخونا ابوالنور واهلا بكل الجمال واشعاعه الذى تساقط علينا فى هذا الموقع من حروفك الجميله

[saleh farah]

[QUOTE=Jamal Elmahi]أحلت الكرسي عرشاَ أبا سراقه
فأنتشي القرطاس ورقص اليراعه
فأنبهل الشعر نهراَ من العين للدباغه
فتضايرنا وعلي قدر اللحاف نمد الكراعه

الزول العسل جمال ا لماحى ربنا يحيل كل ايامك حلوه يازول ياراقى
العرش ملكنا كلنا انا وانت ومدنى الجميله

مشاققه...
ماهو رأيك في الشعر الحلمنتيشي...أي شعر الفكاهه؟
هل لديك أي شطحات حلمنتيشيه؟ نموذج منها ان وجدت...

الشعر الحلمنتيشى من اجمل انواع الشعر حيث يمثل المدرسة الفكاهيه فى الشعر كما الكوميديا فى التمثيل ونحمد الله انه بلدنا مليئه بهذه النوعيه خصوصا الايام دى فى رمضان ناس حلمنتيش مامقصرين معانا .

كان عندى بعض التجارب ولكن للاسف لا اذكرها فقد كانت ايام البال الرايق ايام الدراسه
ولكن وانا بشاهد فى فقره رياضيه اتزكرت حاجه رياضيه بتقول
حليل زمن الهلال يابا
زمن كسلا وزمن قاقا
مابتغلبه باصابه
طبعا اخوك هلالابى على السكين ودى كان كتبتها ايام هزايم الهلال المتواليه من المريخ

شلاقه...
بت الجيران العامريه هل كانت اخر شاكوش؟
أري تحت الخنفس كراضيم شاكوش
وأخشي أن يكون أحدها في الكراع ....وبالذات في عضم الشيطان...
سعالي ...فلقته كم شاكوش وفلقوك كم شاكوش....وقالو الشاعر ما ببدع ألاّ بعد الشاكوش الاول رأيك شنو...؟

هههههههههههههههههه
بت الجيران هى شماعة كل شاب عندما يتحول من عالم الطفوله الى عالم الرجال ويبدا فايروس الحب يدغدغ قلبه وان كانت لاتملك من الجمال الشئ الكثير
ولكن هى النظره الاولى
بالنسبه للشواكيش اييييييييييييييييك حدث ولا حرج
اكيد حتت الابداع دى بتجى مع المصائب والمشاكل والشعر المحسوس اصدق واقرب الى قلب كل انسان ونحن بطبعنا ناس حنينين عشان كده الحاجه الحزينه بتلقى ليها مكان فى انفسنا
بس مرات كمان بتلقى الحته دى فى عيون الناس التانين
وانا عندى تجربه مع احدى الزميلات حيث تحولت هذه الجميله ذات العيون الضاحكه الى كومة من الاحزان
فسألتها شعريا
لو قلت لي سر الحزن
امكن اقاسمك فيه انا
وامكن تساعدنا الظروف
ونبدل الاحزان غنا
الشفتو فى عينيك كتير
موال حزن مليان شجون
مرات اقول امكن ظروف
هى البدلت طبع العيون
ومرات اسافر فى الخيال
ارجع واجيك مليان ظنون
نسيتى كل الناس معاك
شهيتنى بسمة زول حنون

يحلو معك النضم فبجيك صاد...

الف مرحب بعودتك والبيت بيتك

ود الماحي[/QUOTE

نقول اهلا تقول مشتاق

[saleh farah]

منور الكرسي الساخن ابا سراقة
حللت اهلا ونزلت سهلا
اهلا بيك ياسوار مليان ياسمين واتمنى من المولى عز وجل ان يجعل ايامك كلها بردا وسلاما

ليك كم سؤال كدا على الطاير

امنيات تتمناها لكل من

ام سراقة

اتمنى ان احتفظ لها بما احمله لها من حب واحترام وان يتزايد هذان التوأمان ويكونا عنوان حياتنا

سراقة

اتمنى ان اراه بارا بمدينته ودمدنى وان يكون احد الذين يضيفون اليها شيئاً علمياً كان او اجتماعيا

سهيه

حبيبة بابا سهيه ودلوعته بتمنى ليها من كل قلبى ان تكون امينه وتحفظ هذا الاسم وتكون ذات الجدائل الاخرى

سلافة

اتمنى ان تكون كاخويها بارة بابيها وامها ومدينتها وان تكون احدى بنات السودان الفاعلات .

(حفظهم المولى جل جلاله )

خطوة تريد ان تخطوها في ايامك المقبلة

ما اتمناه كثيرا ولكن هى زيارة مدنى التى بعدت عنها ولاول مره اكثر من احدى عشر شهراً .


مرحلة تريد ان تنساها مضت في حياتك

ان كنت اريد ان انسا شيئا فاتمنى ان اتمكن من نسيان الغربه .

دعاء تتهجد في دعائه كل صلاة

اللهم اغفر لي ولوالدى ولأهل بيتى ولمن علمنى حرفاً وان يجمعنى بهم فى اعلى الجنان

دمتى يا ابا سلافة (اخر العنقود سكر معقود)

كتر خيرك ياسوار مليان ياسمين

[saleh farah]

ابن جزيرة الفيل ...شاعرنا صالح ..صورتك الخايف عليها وتكتمل الفرحه مع وجود صور الابناء وقصيدة امى... ودمت لنا

ودحاج حسن اخوى صورتى ياتا الخايف عليها ماصورتى عندكم من كان الموقع ده فيه عشره اشخاص ولا داير صوره تانيه ؟ ان شاء الله صور الاولاد حاتنزل ليكم بعد العيد لانه اخوك دالوقت ماعنده اسكنر والله الاسكنر العندى عفا عليها الدهر ولكن وعد تشوفو الاولاد وامهم وفى اللحظات دى ممكن تعاينه للقمره والنجوم لحدما انزل ليكم الصور بتاعت الاسره وهى مابتختلف عنهم كتير .
ام القصيده فانا حاضر وهاهى عشان خاطر نزار ودحاج حسن كل شئ ممكن وعشان انت زول بى طبعك كريم انا بهديها نيابة عنك لكل امهات ودمدنى

كيف اصبحتى يا امى
وشوقك لينا كيف اصبح
لسه بترسمى البسمات
تغالبى الدمعه ماتسرح
ولا الشوق غلب عينيك
بقت الدمعة ليك تفضح
***
دموعك غاليه ياامى
حرام ترميها فى الاشواق
محال ضحكاتك الحلوه
تكون محبوسه فى الاعماق
كفايه علينا فى الضلمه
تطلي علينا بالاشراق
تلامسى ارواحنا بيك نفرح
***
ليالى الغربه يا امى
ليالى عذاب ملانه سراب
وطيفك انتى وحياتك
بحسد عزة الاحباب
بهامس فينا يوماتى
يظلل صيفنا بالاعناب
يزيد اشواقنا فيك نسرح
***
امد ايدى اجيكى قريب
اقالدك يمه بى تحنان
نمازج الدمعه بالفرحه
نرسم صورة لى انسان
شايل الريده زاد غربه
لهفة شوق بعد حرمان
لاقى الليله فيك مطرح
***

[saleh farah]

أبت نفسى إلا أن أشارك في التحايا للإستاذ صالح فرح

اهلا بيك اخى الفاتح وتحيتك وصلت

جزيــرة الفيــل وجناينها ومدنــى وشوقها وأهلها والعيــن المدينة الحنينــة
كل الاسماء السابقــة لها رابط مشتــــرك ( الخضـــرة والطيبــة ) 0 ماذا تقـول
في هذا الكم الهائــــل من الخضـــرة والطيبـــة !!! ودمتم لنا

صدقت اخى الفاتح فمدينة العين مدينه ساحره ووجه الشبه بينها وبين مدنى هو الخضره والهدوء واصالة اهلها اصحاب البلد الذين اجبروا الغرباء ان يكونوا مثلهم وان تكون الطيبه والاحترام عنوان للتركيبه السودانيه ، جد الواحد بشعر بانه فى بلده وهو فى مدينة العين ويشعر بالغربه كلما ابعدته الاميال عنها داخل دولة الامارات ولكن تظل مدنى هى مدنى وتظل جزيرة الفيل احدى زوايا الدائرة الغير مرئيه فمدنى اخى الفاتح كالحب والابوه والحنان اشياء لاترى ولكنها تحس وتستشعر ومع صعوبة هذه الاشياء فهى ام حنونه تمنحها لكل من تطأ ارجله ترابها الطاهر وكلنا يعلم ويعرف كم اناس اتوا الى مدينة ودمدنى ولم يقدروا على مغادرتها بل صاروا من اهلها الغريب يمكن ان يتساءل ماالذى جعل هؤلاء الناس من مواطنى ودمدنى ولما بدلوا ديارهم الام ولكن الاجابه تجدها عند ابناء ودمدنى ومريديها الذين يتبسمون ويتحدثون ويتجولون وهم يحملون حنان ودمدنى واسرارها التى لاتحصى .
000
لو قلت لي مشتاق بقول
ولو قلت لي محتار بقول
ولو قلت قول فى اى زول
معاك بقول
لكن وحاتك فى الحبيبه مابقول
وحبيبتى مدنى هى الاصول
قوليا فيها شن اقول

[admin]

الاستاذ الجليل / صالح فرح صالح
سعيد انا جدا بوجودك بيننا .. واحس ان العيد اعياد وانتا تتربع على الكرسي الساخن .. ومع كل حرف تكتبه نعرفك اكثر ونحس بالمسافات تقصر بيننا.. قلت في رائعتك مدني الحنينة:-

يافراشـــات دوري بينا نمشي لي مدنى الحنيــنه
ننســـا بين خضرة ربوعه غربه كم طالت سنينه
***
اصـــلو نحن غلطنا مره سـبنا ارض الطيبه فتنا
فارقنا احضـــانه ومشـينا فى دروب الغربه تهنا
عشـنا بين آهــه وأسيه وياما فى غربتنا شــفنا
لاعرفنا نعيــــش بدونك لا السـنين داوت جرحنا
***
لما تجمعنا الليالي ونبدأ نســـــرح فى ملامحك
دون ارادة نقيف عشانك وفى الخيال بالايد نصافحك
نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك
***
من سنين بتمنـــــى ارجع امشي للقبه وازوره
اطوف بيوتك حاره حاره واغشــا حبوبتى البدوره
اغازل المســــــاح بكلمة اهدى للكاشف شعوره
والقا فيك يامدنــــى روحى والليالي يضوى نوره


وهذه اسئلتي
1- احكي لنا قصة هذه القصيدة الرائعة .. وتاريخ كتابتها؟
2- احس بقصائدك بانها عالية التطريب .. غنائية بعض الشئ .. فهل تم تلحين وغناء بعض كتاباتك؟ امثلة اذا كانت الاجابة بنعم؟

[saleh farah]

الاستاذ الجليل / صالح فرح صالح
سعيد انا جدا بوجودك بيننا .. واحس ان العيد اعياد وانتا تتربع على الكرسي الساخن .. ومع كل حرف تكتبه نعرفك اكثر ونحس بالمسافات تقصر بيننا.. قلت في رائعتك مدني الحنينة:-

اهلا بحبيبنا الادمن والله ليك وحشه وربنا يجعل كل ايامك عيد

يافراشـــات دوري بينا نمشي لي مدنى الحنيــنه
ننســـا بين خضرة ربوعه غربه كم طالت سنينه
***
اصـــلو نحن غلطنا مره سـبنا ارض الطيبه فتنا
فارقنا احضـــانه ومشـينا فى دروب الغربه تهنا
عشـنا بين آهــه وأسيه وياما فى غربتنا شــفنا
لاعرفنا نعيــــش بدونك لا السـنين داوت جرحنا
***
لما تجمعنا الليالي ونبدأ نســـــرح فى ملامحك
دون ارادة نقيف عشانك وفى الخيال بالايد نصافحك
نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك
***
من سنين بتمنـــــى ارجع امشي للقبه وازوره
اطوف بيوتك حاره حاره واغشــا حبوبتى البدوره
اغازل المســــــاح بكلمة اهدى للكاشف شعوره
والقا فيك يامدنــــى روحى والليالي يضوى نوره


وهذه اسئلتي
1- احكي لنا قصة هذه القصيدة الرائعة .. وتاريخ كتابتها؟

هذه القصيده كتبتها بناء على طلب الاخ عصام محمد نور عند زيارته لمدينة العين واحياء حفل لجمعية ابناء مدينة ودمدنى الخيرية وقد تناقشنا شلة عن الاغانى التى قيلت فى مدنى فشجعنى الاخ عصام على كتابة قصيدة خاصة بودمدنى وقد كان ولاول مره اكتب قصيدة فى قعده واحده فقد اتت الكلمات تباعاً تتسابق لتحكى شيئا عن مدنى وقد اخذها معه الاخ عصام وقال انه حايغنيها وحتى الان لا اثر لهذه القصيده وقد كان ذلك تقريبا قبل سبعة اعوام .

2- احس بقصائدك بانها عالية التطريب .. غنائية بعض الشئ .. فهل تم تلحين وغناء بعض كتاباتك؟ امثلة اذا كانت الاجابة بنعم؟

لقد كانت بحق اغلب القصائد تاخذ الطابع الغنائى ولكن كما تعلم البعيد عن العين بعيد عن البال وقد كانت هنالك عدة محاولات لايصال هذه الاعمال لبعض الفنانين ولكن للفن قصة اخرى فقد صار الفن تعبير سافر عن الشللية والماديات فلازم اكون عندك صديقك ملحن وصديق اخر فنان او اكون عندك قروش قدر قروش على احمد عشان تتغنى ليك اغنيه ، طبعا كان ممكن الواحد اتملق الناس واوصل الاغانى حيث انت تعلم بان اسرتى اعلاميه بحته ولها يدها الطويله فى الاعلام السودانى ولكن اتمنى ان تصل قصائدى عن حب واعجاب وليس عن طريق المجاملة .
هنالك قصائد تغنت وهى ( كلام الناس ) وقد غناها الفنان القلع عبدالحفيظ ومطلعها يقول
الناس كان عرفت ماتعرف
عارفنى بلاك انا مابعرف
عارفنى بريدك من بدرى
والماعارف مفروض اعرف
وهناك عدة قصائد ملحنه بطرف الاخ الموسيقار عواض محمد عابدين منها اتخيلت صورتك ، وحكاية خصله ، بعذرك ، الحب السامى

[حبة التفاح]

I]لو كانت غيرة اتكلم قبال الغيرة نارا تقيد
تعال عاتبنا اتظلم حرام الفرقة بينـــا تـزيد
وحرام الزيك يتألم تحرقو الدمعة يوم العيد[/I]
من استطاع ان يكتب هذه الاحاسيس ويطفيء نارا متقدة في حنايا حبيب
لابد ان يحيل سخونة الكرسي الى برد وسلام ويجعلنا نقف عاجزين امام ردوده الحريرية.

[saleh farah]

I]لو كانت غيرة اتكلم قبال الغيرة نارا تقيد
تعال عاتبنا اتظلم حرام الفرقة بينـــا تـزيد
وحرام الزيك يتألم تحرقو الدمعة يوم العيد[/I]

لو سبت انت القول
حلو ا لكلام بنسمعه وين
الشوق والضحكه والاحلام
الكانت بينا ليها سنين
نسيتنا وجيتنا بحكاية
قساوة ودمعة ماليه العين

من استطاع ان يكتب هذه الاحاسيس ويطفيء نارا متقدة في حنايا حبيب
لابد ان يحيل سخونة الكرسي الى برد وسلام ويجعلنا نقف عاجزين امام ردوده الحريرية.

ومن استطاع ان يلهم انسان بان يستشعر هذه الاحساسيس وان يكون اول المتذوقين لهذه الابيات لابد وان يكون حريرا متكسر فى سماء الابداع

[سواااح]

عزيزي صالح فرح ..

لا اخفيك ان قلت لك
اني وجدت انك تنثر الفرح
هنا .. وهناك .. وبين الدواخل
عفواً ان تاخرت .. ولكن .. جد لي عذراً

صمت الكلام
والليل همس ليّ نجيماتو
وين اكون
ما انا ضائع ليّ زمن
بفتش ليك ..
بسال عنك ..
ولسه تايه في فصولك

الشفيف .. صانع الفرح
عفواً مرة ثانية
فقد اتيت فقط .. لالقاء التحية
وانا ارقبك من علي البعد
وانت تفرح وتحزن وتشجن
فلك العتبي حتي ترضي ..
ولي عودة اخري
ان بقي في العمر .. بقية ..

دمـــــــــــــــــــت ،،

[راشد خضر]

مرحب بالأخ الشاعر ، ابوسرا..... عفواً صالح فرح .

نحنُ هنا نتابع
.

[ابوالنور]

اهلا بيك اخونا ابوالنور واهلا بكل الجمال واشعاعه الذى تساقط علينا فى هذا الموقع من حروفك الجميله

تسلم والله من كل بلوه انشاءالله يا رب العالمين

[saleh farah]

عزيزي صالح فرح ..

لا اخفيك ان قلت لك
اني وجدت انك تنثر الفرح
هنا .. وهناك .. وبين الدواخل
عفواً ان تاخرت .. ولكن .. جد لي عذراً

اهلا بيك ياسواح يارائع
وصمت الكلام حكاية بتروي عن ظلم الاحبة
وسهو العيون قساوة احر من جمر المحبة

صمت الكلام
والليل همس ليّ نجيماتو
وين اكون
ما انا ضائع ليّ زمن
بفتش ليك ..
بسال عنك ..
ولسه تايه في فصولك

الشفيف .. صانع الفرح
عفواً مرة ثانية
فقد اتيت فقط .. لالقاء التحية
وانا ارقبك من علي البعد
وانت تفرح وتحزن وتشجن
فلك العتبي حتي ترضي ..
ولي عودة اخري
ان بقي في العمر .. بقية ..

دمـــــــــــــــــــت ،،

نقول اهلا تقول مشتاق
وتحرق فينا بالاشواق
حاضن الريده فوق عشه
وحارم غيرك الرقراق

وما تتأخر بشتاق ليك

[saleh farah]

مرحب بالأخ الشاعر ، ابوسرا..... عفواً صالح فرح .

نحنُ هنا نتابع
.

اهلا بيك اخى راشد ونحن معكم نترقب

[اللمسة الساحرة]

الاخ صالح فرح ، انا ماجيت اسال جيت اسلم علييييك واقول ليك
كل سنة وانت طيبة وام سراقة وسراقة بالف صحة وعافية

[صالح ابوشوارب]

الاخ صالح فرح
كل عام وانت بخير .. طبعا انا بحب جزيرة الفيل من ما كنت صغير .. لانى كنت بنتظر اى عرس عشان نمشى مع العريس جزيرة الفيل .. ونمشي الجناين .. ونقطع السعف .. وطبعا لمن عرست فرحت لاني انا ماشي جزيرة الفيل .. وكانت بداية حياتي الزوجيه ومشينا في سيره بي بصات جبرونا مع الاهل والزغاريد ووصلنا جزيرة الفيل ودخلنا الجناين وقطعنا جريد النخل وزرنا قبة مدني وسعدابي والبحر .. فانتم جزء من مسيرة التفاؤل واتمنى ان امشي مع ابنائي في السيره لي جزيرة الفيل .. وكل عام وانت بخير وهذه هي عيديه لك وللاسرة

[saleh farah]

الاخ صالح فرح ، انا ماجيت اسال جيت اسلم علييييك واقول ليك
كل سنة وانت طيبة وام سراقة وسراقة بالف صحة وعافية

وكل سنه وانتى طيبه يالمسه ساحره وربنا يحقق الامنيات وتقبلى تحيات وتهانى ام سراقه وبقية العقد

وكتر خيرك ماقصرتى
لا اتناسيتى ولا اتنكرتى

[saleh farah]

الاخ صالح فرح
كل عام وانت بخير .. طبعا انا بحب جزيرة الفيل من ما كنت صغير .. لانى كنت بنتظر اى عرس عشان نمشى مع العريس جزيرة الفيل .. ونمشي الجناين .. ونقطع السعف .. وطبعا لمن عرست فرحت لاني انا ماشي جزيرة الفيل .. وكانت بداية حياتي الزوجيه ومشينا في سيره بي بصات جبرونا مع الاهل والزغاريد ووصلنا جزيرة الفيل ودخلنا الجناين وقطعنا جريد النخل وزرنا قبة مدني وسعدابي والبحر .. فانتم جزء من مسيرة التفاؤل واتمنى ان امشي مع ابنائي في السيره لي جزيرة الفيل .. وكل عام وانت بخير وهذه هي عيديه لك وللاسرة

وانا بحبك وبحب كل ماله علاقه بمدينتنا ام السودان واتمنى ان نتقابل فى جزيرة الفيل وان نزور الجنائن مع بعض لانى انا برضو والله مشتاق للجناين ومشتاق لى تراب مدنى وشواطيها وطلتك دى فال خير علي وعلى كل ابناء ودمدنى بمناسبة العيد السعيد اعاده الله علينا وعليكم باليمن والبركات .

اتخيلت صورتك ومن حلاته
لقيت ملامحك ياها زاته
العيون نفس العيون
والخدود ساكناها نون
القوام محراب فنون
زاد جمال اللقيا لون

[bakri]

استاذنا صالح فرح كل عام وانت بخير وربنا يحقق الامانى

متين بتكتب الشعر عندك اوقات محدده للكاتبه ولا ممكن تكتب فى اى لحظه

ممكن تكتب عن احداث بدون ما تشاهدها

[saleh farah]

استاذنا صلاح فرح كل عام وانت بخير وربنا يحقق الامانى

متين بتكتب الشعر عندك اوقات محدده للكاتبه ولا ممكن تكتب فى اى لحظه

الحبيب بكرى كل سنه وانت طيب وربنا يجعل ايامك كلها عيد

بالنسبة لكتابة الشعر فهو ليس له مواعيد محدده انما هى خواطر تولد فى لحظات محسوسه وكما قال البعض القصيدة هى التى تكتب نفسها اي بمعنى اوضح الاحساس هو الذى يأتى بالقصيده فالونسه اليوميه عباره عن قصيده وكل منا يكتب بمعرفته او لنقل بموهبته ولكن قليلون هم الذين يدمنون هذا الشئ المسمى كتابة الشعر فكل منا تمر به لحظات تجلي او لنقل لحظات مراجعة ومتابعة للاحاسيس والمحب للشعر هو الذى يقوم بترجمة هذه الاحاسيس لابيات شعريه تتألف منها هذه المسماة قصيدة .

[حبة التفاح]

استاذنا صالح ...
تخيلت ان هنالك جزيرة نائية مخضرة مزهرة تنبض فرحا وتطرب سرورا وبهجة,
هذه الجزيرة تعيش على انغام الحب وترانيم السلام....ليست بجزيرة عادية,,
ولكنها مملكة الفرح ,,,
لايدخلها الا من يحمل تأشيرة مختومة بابتسامة تشع سحرا وجمالا...
وانت من يحمل هذا الختم الوضئ المضيء
ياباعث الكلمة....هنيئا لنا بك
قل لنا شروط الدخول الى تلك الجزيرة وكيفية الخروج منها ببعض الجماليات الشعرية ؟؟؟؟؟؟

[saleh farah]

استاذنا صالح ...
تخيلت ان هنالك جزيرة نائية مخضرة مزهرة تنبض فرحا وتطرب سرورا وبهجة,
هذه الجزيرة تعيش على انغام الحب وترانيم السلام....ليست بجزيرة عادية,,
ولكنها مملكة الفرح ,,,
لايدخلها الا من يحمل تأشيرة مختومة بابتسامة تشع سحرا وجمالا...
وانت من يحمل هذا الختم الوضئ المضيء
ياباعث الكلمة....هنيئا لنا بك
قل لنا شروط الدخول الى تلك الجزيرة وكيفية الخروج منها ببعض الجماليات الشعرية ؟؟؟؟؟؟

هذا الوصف لايشبه الا تلك المملكه المليئة بالملوك والاميرات ، انها صوره من مملكة ودمدنى التى تضاء بالجماليات قبل شروق الشمس واطلالة هلال العيد وقمر 14 ، فودمدنى هى الملهم والمستلهم . ولاتحتاج هذه المملكه لتأشيرة دخول انما تحتاج الى انسان يرتدى ثوب الانسانيه من غير الوان ومن غير مسميات فودمدنى ياعزيزتى هى ارض الانسانيه .

[zoolfrda]

<CENTER style="MARGIN: 0px"><CENTER style="MARGIN: 0px"><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 505px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=5 scrollDelay=25 direction=up width=550 bgColor=#000000 height=505><CENTER>





الأخــــــــــــوة الأعـــــــــــــــــزاااااااااء

كنا في ضيافة مشرفنا الغالي

صانع الفرح .. صالح فرح

سعدنا بصحبته في كرسي العيد فكان بكل ما تحمله كلمة الروعة

كان في كل حروفه يؤكد حبه الكبير لنا وللمنتدى

كان بسيط ورقيق وتلقائي جداً ..

نشكر له روحه الجميلة .. واريحيته المتفردة ..

ادامك الله لنا أخاً غالياً يا صالح ..

ودعوات خالصة لك بالتوفيق والسداد في مستقبل أيامك ..

وهنيئاً لنا بك ..:)
</CENTER>













http://www.wadmadani.com/others/cardmid/s001.mid