ركـــن الـنــفــســيــات

[محمد مصطفي]

والله ما عندي اااااااي موضوع وقلت الليلة بس اعمل البوست ده عشان تاني كلما احس اني ما عندي موضوع وزهجان اخش هنا افكها في روحي بدل امش اخش بوستات الناس واعمل ليهم نفسيات .. لا لا ما تقولوا عندي نفسيات لكن مش مرات كده الواحد بكون حاس انو راسو فااضي وما عندو مزاج يعمل شي ؟؟؟ وانا عااارف انو الناس الذيي كتااار بالذااات اخواني التيمان الواحد فيهم بكون ما نايم كويس او جا الشغل من الصباح قفلت معاهو وبكون مزاجو معكر .. يعني هو زول طبيعي بس في اللحظة دي ممكن تقول النفسيات قااايمة عليهو ومتضايق .. خلاص اااي زول متضايق يخش هنا ويبري في روحو بدل ما يمش يبري باقي الاعضاء ويجيب ليهم هم زاتهم نفسيات تطفشهم من المنتدي .. اااااااي ممكن تقول ده ركن النفساويات اها قلتو شنو ؟؟ اي زول عندو هترشة والا خرمجة يجي يفكها هنا ما يمش يملا بيها المنتدي .. اخير نلمها هنا والبوست ده نكلم المشرف يعمل عليهو Block لغير الاعضاء عشان ما يشوفو حرمجتنا وبكده المتصفح ما يشوف فضايحنا ..


مع تحياتي كبــــــــــــــــــــــــــــــــــــــــــــــــ ـــــــــــــــــــــــــــــــــــك

[ابراهيم]

يا كبك ازيك ..
يا اخوى النفسيات دي مرحلة الواحد اتخطاها ...
النفسيات بتداوى كعب وجع النفس الله ما وراك .. وجع النفس دة حاجة كدة صعبة خلاص
زي ما يكون ماخد ليك شاكوش جديد كرت وجيت ماش في الشارع لاقاك كلب سعران سكاك وفي اثناء الجري بتاعك واحدة كشحت فيك ملاح خدرة بايت وانت لسا جاري قمت اتزلقت في بلاعة لامن الكلب حن على حالتك ...
تشبيه ما بليغ لكن جا حسب النفسيات
المهم بوستيك بوستيك سمح بس لو لقينا طريقة ضاريناهو من الناس الحلوين يكون احسن عشان نفتو برانا وما نجيب ليهم نفسيات ..
ولا نقوم نعمل لينا مصطلحات ورندوق خاصة بينا
عشان الكلام كتير ومثير للاعصاب ومثير للشفقة ونحن ما ناقصين حد يشفق علينا ..
يا كبك انا خايفك تقول ما عايز معاي ..

[التيمان]

اى بالراندووووووك


بكون احسن


وانت مالقيت غيرنا ياكبك

[مزوني]

معقوله الركن ده وفيهو ردين بس

ماشاءالله انت عارف يا كبك الظاهر انو الناس ماشاءالله عليها نفسياتها فل واحتمال يا برهوته انا اللي أطفشكم كلكم من هنا لأني انا جد لا لاقي

وقت تجيني فيه قرفه ولا مصيبه زماااااااااااااان احنا النفسيات بقت علينا بي شهادة دكتور نفسيات

انتو عارفين آخر حاجه عمل شنو قام نكش شعروا وبقى ينطط براه زي الجاهو مسج من كبك

جدع فيني الروب حقوا وقالي ده حلالك ( مع ملاحظة انو مافي دكتور نفسيات غيرو) وقالي آخر حل انك تنتظر الفرج لأنو عندي في كتابي

الطبي منذ قديك الزمن وورثوا من أجدادو القدماء انو حيتفتح في عصر من العصور بوست اسمو ركن النفسيات بإسم كشك

لعل وعسى تلقى عندو العلاج ..........!!!!!!!!!!!!!! فربك يسهل ودي بدايه بس حبينا نسلم بيها عليكم

وللنفسات بقيه ولنا لقاء

تنفيسه لستك عربيه مقدود :-

أحييييك أخوي كشك على بوستك السمح شديييييييييييييد وعليك الله يا برهوته حاولوا ضاروه عشان الناس ما تختنا في القائمة السودا

وتحسبنا مجانيين ما ناس نفسيات

والله يديكم الصحه والعافيه

[نزار حسن محمد]

كبك ...انا عندى سؤال واحد ... ياخى زول فنان زيك كده العاجبه فى اسم كبك دا شنوا ...ماسر هذا الاسم هل هو لقب ام ماذا
.. وبالمناسبه نفسياتكم عينه ... لكن كلامك ياكبك فى محله فى بعض الحظات بتحس انك داير تشرط هدومك وتتكلم بالراندوك ..انت زاتك ماتفهم بتقول فى شنوا ... ايدك الصحه والعافيه ..

[مدنيّة]

http://www.asmilies.com/smiliespic/FAWASEL/002.gif (http://www.asmilies.com)

والله تعرف ياكبك طبعا البوست دا موجود في النيلين وكنت حابة يكون هنا برضو بس تاني خفت علي قول مزوني يقولوا علي مجنونة


http://www.asmilies.com/smiliespic/FAWASEL/002.gif (http://www.asmilies.com)

[امل حياتى]

كبك انت شكلك ده عايز عرس وصدر حنين ونفسياتك دى كلها تروح سااااااااااااااااااااااااااااى

[محمد مصطفي]

شكرا علي تعليقلاتكم لكن داير اقول حاجه يا مزوني انا ما مجنون

ويا اخ نزار ده ما اسمي لكن ده لقب انا من ما قمت لقيت لقبي كبك

اسمي اصلا محمد مصطفي احمد الطريفي

مع تحياتي كبــــــــــــــــــــــــــــــــــــــــــــــــ ـــــــــــــــــــــــــــــــــــك

[التيمان]

كبك ...انا عندى سؤال واحد ... ياخى زول فنان زيك كده العاجبه فى اسم كبك دا شنوا ...ماسر هذا الاسم هل هو لقب ام ماذا


ههههههههههههههههههههههههههههه

[راسكال]

ياكبك

والله انا من اشد المعجبين بالبوستر بتاعك دى

وحركه جميله منك

وداير أشوف منك الكتير من التالق والحركات دى ok

لكن شايف الناس دى كلها بتعلق

علي لقبك الجميل والموسيقي

وعليك الله وريهم معناه شنو

وانا مستنى عشان أعرف الرد و المعنى

وحركة حلوه

[مزوني]

لكن داير اقول حاجه يا مزوني انا ما مجنون

صباح الليل حبيبي كبك سلامتك من الجن يا ملك ويقطع لسان اللي يقول عليك كده يا منجى

لكن الحكايه كلها انو انت أخوي في النفسيات لكن الفرق البيني وبينك

انو نفسياتك مؤقته مرات مرات لكن حقتي دايمه وعدت مرحلة النفسيات وحاجات كميه زي دي

لكن يا مان مع اني ما قلت انك مجنون لكن برضو معليش يا سكر وكلو ولا زعلك يا زعيم

والى الملتقى

[محمد مصطفي]

اديك العافية يا مزوني لكن داير اقول ليك حاجه
انت ما دام نفسياتك دايمة خش الركن ده واتكلم زي ما انا دخلت واتكلمت خش اتكلم مع نفسك وانحن بنخش ونساعدك علي نفسياتك


اخوك كبك

[Jamal Elmahi]

حباب ود الطريفي...
الله يشهد ما هاين علي أقول ليك كبك...ود الطريفي أحلي ولاّ دايرني أعصر علي كبك....
حامدنو وشاكرنو ماعندي نفسيات لكن قلته أسلم عليكم ونطق الحنك وكان طلعته منكم بي نفسيات شكيتكم علي أبيداَ قويه....

ود الماحي

[صباح]

اخي: كبك


بل علي العكس معنا انك كتبت انشاء اللة حرف ما معناها انك ما ( معناه ما عندك موضوع ...... بل علي العكس انت بحاول تتكلم عن الجواك ..... ود حاجة كويسة

مامعناها نفسيات .... ما في حاجة اسمهاها نفسيات ؟؟؟؟؟؟؟؟؟؟

بل توتر .... نتيجة تفكير كثيرفي مشكلة قد تكون بسيطة خالص ..............

شكلك انسان حساس؟؟؟؟؟؟؟؟؟ من الذين يتاثرون بالاشياء الحولهم؟؟؟؟؟؟؟؟؟

كونك انت كتبت ما يدور فس راسك ... انا بعتبروا شيء جميل خالص.....

ياريت كل انسان يكون صريح حتي ولو مع نفسوا شوية......

بحس بانوا مرتاح خالص؟؟؟؟؟؟؟؟؟؟؟

وفقك اللة اخي

[التيمان]

هههههههههههههههههههههههه


كبك المجنون

[ابوالنور]

كبك ...انا عندى سؤال واحد ... ياخى زول فنان زيك كده العاجبه فى اسم كبك دا شنوا ...ماسر هذا الاسم هل هو لقب ام ماذا
.. وبالمناسبه نفسياتكم عينه ... لكن كلامك ياكبك فى محله فى بعض الحظات بتحس انك داير تشرط هدومك وتتكلم بالراندوك ..انت زاتك ماتفهم بتقول فى شنوا ... ايدك الصحه والعافيه ..
انا كلامي زي نزار دا وربنا يديك العافيه لكن انابعرف كبك واحد اسمو نزار هل انت ام لا؟

[امينو]

السلام عليكم

تحياتي للجميع بعد انقطاع طويل
مشكوووور يا اخ كبك على الموضوع دا لانو انا رجعتا للمنتدى بي نفسيات عجيييييبة
ومافي بوست بستحملني غير البوست دا :d غايتو الله يكون في عونكم جاكم بلا

لكن بس خليني اجمع الحاجات التاعباني كلها عشان اونسكم بيها...

[محمد حسين (المميز)]

هااااا ود الطريفي
كدي أشرح للبنــّــوت الفي المنتدى ده
وخصوصا بناتنا ناس برّه زي سوار الياسمين
أشرح ليهم معنى كلمــة
كبـــــــــك

صدّق يا كبك سبب نفسياتك دي يكون اسمك
هههههههههه

ماتزعل مني زي مزوني عشان قال ليك يا مجنون
ولا ماكده يا جنــّــي
هههههههه

جـنّ جـنّ جـنّ جـنّ جـنّ جـنّ جـنّ
----------------------------------------
ياخوي هاك الصوره دي كل يوم لمن تصح من النوم اصطبح بيها
والنفسيات باذن الله تروح
http://x88x.Com/uploads/811213eb22.jpg (http://x88x.Com/)
هاااا ود الطريفي ما تاخد على كلامي دي كانت هترشه انسان
عنده
نفيسه عكليته كده
لمن تلقى دوا للنفسيات رسل لي
تكسب فيني أجر

*************

[ابوالنور]

يصطبح بالصوره ولا............................................... .................................................. ........

[RUDWAN]

حبابكم عشرة 0 بالله ديل ناس عندهم نفسيات0 الله يرحم التجانى الماحى

[RUDWAN]

فى شنو ياابو النور روق المنقة

[مزوني]

لا حولااااااااااااااااااااااا البوست ده ماشاءالله نكت لينا أمينو شخصياً!!!!!!!!!!!!!!!

يا راجل مشتاقين والله شمار نفسياتك وصلني هنا ليه زمن حتى لي درجة انو اتلخبط عليك الإختصاص وما عارف تتم رمضان وتبدا العيد وين؟؟؟؟؟ هههههههههه

يا حاج الحال من بعضو الناس كلها في الهوى سوى ويا كبكنا ليك حل في مشكلة وجع النوايط ؟؟؟؟ انا دي هاجسي الأكبر

وووووووووووووو ........آآآآآآآآآآآآآآآآآآآآآآآآآآآآآآآ........... .....إإإإإإإإإإإإإإإإإإإإإإإإإإإإإإإإإإإ.......... ................ووووووووووووووووووو

هوي الآذان أذن أمشي أحلل فطوري وأجي

[محمد مصطفي]

انا داير اقول حاجه شايف البوست ماشي كويس لكن داير اقول حاجة والله يا ناس مدني طلعتو النفسيات دي حقتكم براكم
ومالله الحاجة التانية الزول الجد نفسياتو كعبة شديد شديد شديد المميز

وداير اقول حاجة تانية الناس الدايرين اعرفو سر كبك طيب يا خوانة انا داير اقول حاجة الناس السالو من اسم كبك ديل واحد من اتنين يا ما ساكنين مدني يا هم من مدني لكن ما مقيمين فيها لانو اي زول ساكن مدني بعرف كبك ويا ابو النور نزار دا ما انا


وشكرا يا خوانة


كبك

[ابوالنور]

تسلم يا حبيب علي الدردقه غايتو انحنا الحمدلله الكديسه لسه ما قامت

[محمد مصطفي]

وحتقوم بتين دي كديسة ولا لوري


كبك