&*_للنقاش_*& 120 ألف سـودانية فاتهـن قطار الزواج في الخليج والسعوية ومصر!!!!. [الأرشيف]

مشاهدة النسخة كاملة : &*_للنقاش_*& 120 ألف سـودانية فاتهـن قطار الزواج في الخليج والسعوية ومصر!!!!.

مزوني

01-10-2006, 09:15 AM

120 ألف سـودانية فاتهـن قطار الزواج في الخليج والسعوية ومصر!!!!.

يـشن الشـباب السـوداني والغـير متزوجين ويعملون في دولة الامارات العربيـة ويرغبون في الزواج من بنات جنسـهن والـمقيمات معهم في نفس الدولة هجومآ ضـاريآ وعنيفآ عليهن وإنهن..( رافعات نخرتهن ) ولايرغبون في الزواج الامن هو وعلي إستعداد وأن يعيشـهن في مسـتوي البنات الخليجيات،وأن الزوج القادم لهـن لابد وأن يتمتع بمستوي عال وراقي وجاهـز و..( من مجاميعة!!!) كما يقول أهلنا المصرييـن أي بمعني أن الراغب في الزواج يكون مقـيم بصـفة دائـمة ( فهـن علي غير إستعداد للعيشـة في السـودان!!!)،ويـقول الشـباب أيضـآ في سلسـلة هجومهـم الـحامي،أن الفتاة السودانية التي تربت وترعرت وأكملت كل مراحل دراستها الوسطي والعاليـة بـمدارس وجامعات دولة الامارات نادرآ مايكون حلمها وان تتزوج سوداني!!!! وانها تتطلع الي شـاب وكما في المسلسلات العربية!!!! من ناحية الآبهة والمكانة الأدبية او العلمية والغــــني وسـفر في الصيـف الي لندن، وشــتاءآ الي مصر او الهند، وانة وبالبيـت اكـثر من (خـدامة!!!!!)،انهـم يقـولون ان البنت السودانية تطـمح في زوج الايكـون مثل أبوها الســوداني الـمغترب الـتعبان الذي يعتمد علي أكل اليوم باليوم!!!،انهـا- كـمايقول ومن التقيـت ومعهم في حـوار حـول هذا الـموضوع الشائك الذي غدا يشغل بال كثير من الاسـر السـودانية هناك ـ ان الفتاة السودانية ضائعـة مابيـن أحلامـها الكبيـرة والـواقع الـمعاش. يتهـم بعض من هؤلاء الشـباب اولياء أمورهـن وعدم ربطهم بـواقع الامــور.

مـن ناحيـة فهـناك إنتقادات حادة وضاريـة من الفتيات السـودانيات الائـي فـي سـن الزواج ويعشـن في الامـارات علي الشـباب السـوداني الذي لايعـيرهن إهتـمامآ ولايفكرون في الاقتـران باي سـودانيـة في ظـل وال...( السـوق ) الامـاراتـي ممتلئ بفتيـات من كل جـنس ولـون ومـلة!!!، وإنهـم واولآ يهـتمون ـ كـما قالت إحدي السـودانيات بمـغصـة شـديدة ـ بالبنات الأجنبيات حـتي وإن كان فارق السـن كبيـرآ، وأن نسـبة كـبيـرة من السـودانيين قد تزوجوا من بنات فليبنيات ولبنانيات بحـجة انهـن أنسـب من السـودانيات....( الـمسدريات!!!).

قال لي والـد سـوداني وعندة تلاثـة بنات بلغـن من العمر وماأصـبح معة الشـغل الشـاغل لـة " إنهـا مشكلة حقيـقية وحـادة هنا في دولـة الامارات العـربية ونسـميها نـحـن ـ المـسكوت عنة سـودانيآ!!!،ومن والـد لاتشـغلة في الغربـة مثل هـذة الـمسئـولية الخطـيرة خصـوصآ وان بناتنا هـن اقـرب للـتربية الاماراتية من السـوددانيـة،وهــو ايضـآ يشـغلنا نحـو اولادنا الذيـن يحـبون الحــياة بعـيدآ عن السـودان".

كـان من الصـعب جـدآ ومـعرفة كـم عـدد بناتنا والائــي ووصـلنا مرحلة ومافوق الثلاثيـن عامآ ولـم يتـزوجـن بعـد، ولـكن وبمســاعدة عـدد من الاخـوة القـدامي بالامارات والسـعودية ومـصـر و....بتـضـريبات حسـابيـة ، ووتخـمينات غـير علميـة وعـلي إفتـراض ان عـدد السـودانييـن بهـذة الدول قد وصـلـوا الي سـتة مليـون سـوداني،وبعـد إسـتبعاد الاطفال والقـصر والـمتزوجـين........." قلـنا العـدد 120 ألف!!!!).

منقووووووووول من سودانيز أون لاين

مزوني

01-10-2006, 09:51 AM

....ماذا تقول سـودانية متزوجة من ثـري خليــجـي:

إمرأة سـودانية متزوجـة من رجل أعـمال اماراثـي ثـري وصاحب ملاييـن ولها منة ولد وبنـت،وهـي الزوجـة الثالثـة لة بجانب إثنتيــن اخريتين واحدة خليجة والاخــري ( الـجديدة)مغربيـة،تقول عـن حياتها:

إننـي الزوجة الثانية لـة،ولي منة ولد وبنـت ورغـم إنة يكبرني في العـمر كثيـلاآ الا ان هذا الامر لايزعـجني كثـيرآ خصـوصآ وانة يحـبني ويحـترمني وخصـص لي ولذريتي منـزلآ مسـتقلآ ويواصـلني ولايمـنع زيارات آهلـي وصـديقاتي لـي بالـمنزل ( وهـو شــيئ نادر الـحدوث!!!) ـ كـما قالـت هـي، وأسـافر معة وبقيـة زوجاتـة كل عام الـي لنـدن لقضــاء جـزء من شـهور الصيـف هناك، يسـمح لي بالسـفر الـي السـودان مـتي رغبـت. كـثيرآ ماأقارن حيـاتي مع هـذاالعـربي بـحيـاة زميـلاتي الـمتزوجات من سـودانييـن ويقـيمون منذ زمان طـويل بدولـة الامارات وأسـمع محـنهن ومأسـيهم والتي أغلبـها ماديـة وعـدم قـدرة الـزوج علي إسـتيفاء مسـتلزمات الحـياة بصـورة وكمـا كانت وتحـلـم بها في بـلاد الـدهـب والبهـجة، وأسـمع ن حالات الطلاق والزوج المتورط في ديون عندها أحـــــمـــد ربـــي كثيـرآ ان مثل هـذة الازمات لـم اسـمع بهـا منذ ان غادرت منـزل أهــلي لـمنـزل زوجــي!!!!!!.

وماذا تقول سـودانية أخري متزوجـة من أجـنبي بدولـة الامــارات:

...مـاجـبرني علـي الـمر،إلا شـماتة القريـب ونظـرات الأهـــل، وندرة الـمتقدميـن لخـطبتـي ( لـماحصــلت أصــلآ!!!!)،والعـمر الجاري مادائـر يقيـف وعـجـزني وكبـرني، اولاد اعمـامي وخـيلاني خايفيـن منـي قالـوا "كـل شـيئ ممكـن الا العرس من سـودانيات الخـليـج ...الـمتقرضـمات الـمتدلعات!!)،
.....لو كنـت عايشـة عمـري في السـودان كنت بكون مئـة في المـئة متزوجة من زمان وإتأخـرت لـحد مابقيـت 37 سـنة ولقيـت لـي واحـد رضــي بـي والحياة مع الاجنبـي أخيـــر الـف مـرة من نظرات الاشـفاق وشـماتة البتسـاوي وما البتســاوي!!!!!!!!).

اللمسة الساحرة

01-10-2006, 03:42 PM

الاخ الغالي مزوني:
لك التحية على الموضوع الحساس جدا ،،،، وعشان انا اول بت خشيت وبحكم اني اتولدت وتربيت في الخليج حاوريك حقيقة وجهة نظر البنات البتربو هنا او في دول الخليج عموما:
طيب بداية البت السودانيةفي الخليج هي المتضررة الكبرى من الغربة فالحياة الخليجية المختلفة اختلاف كامل عن الحياة في السودان تفرض على البنت السوداني كمية من القيود وتجعل احتكاكها بالجتمع الخارجي قليل .
والتربيةاو الثقافة في دول الخليج زي ماعارفين كلها جاية من الفضائيات فالاب غارق في العمل ليل نهار عشان اوفر ولو القليل والام اما بتشتغل او ماعندها زمن تقعد مع بنتها .
ماان تكبر البت وهي في هذا السجن تبحث لتجد الحل وقد رسمت في مخيلتها كما ذكرت شابا وسيما مقرش مرتاح مامهم حتى لو كان غير سوداني لان البنت هنا لم تنضج كفاية لتفكر في عاقبة او مستقبل مثل هذا الزواج.
برضو في سبب تاني لزواج السودانيات من ازواج غير سودانيين الا وهو ان كثير من ارباب المنازل يثقل كاهلهم عبء تربية الاولاد ومصاريفهم المتزايدة من تعليم ودراسة جامعية فاول مابيجي للبت عريس_ حتى لو ماسوداني بس المهم انو مرتاح وعندو فلووس_ مابيصدق الاب وبيرمي بتو دون نظر لمستقبلها بل تهربا من المسؤولية ...
ختاما اخي:
ماتكون حاسبني مع ال120000 ديل .....حاانط فيك وحاقتلك لو عملتها
:)

مع تحياتي:
اللمســـــــــــــــــــــــــــــــــــــــــــــ ـــــــــــــــــــــــــــــــــــة الساحرة

اللمسة الساحرة

01-10-2006, 03:45 PM

طبعا دايرة اضيف حااااااااااجة
انا رافضة نهائيا فكرة الزواج من شخص اجنبي يختلف معي في الثقافة والعادات والتقاليد لان الحياة مع تكون شبه مستحيلة

مزوني

01-10-2006, 05:36 PM

أختي الغاليه اللمسه الساحره

انا عارفك انتي شنو وزي ما بقول المثل رب أخ لك لم تلده أمك يمكن أي نعم ما اتقابلنا لكن يعلم الله مكانتك انتي وباقي أخواتي الجداد مكانتكم عندي ( مكككك شديد )

وانا عارفك يا بتي ما تنسي انك برلومتي :D ههههههههههههههه

يعني لو كنتي تبع ال 120000 انا حأكون تبع وين؟؟؟؟؟؟ :( :confused: :o

يعني حأكون حقل تجارب قدامك وحتى لو بديتي تخطي عليهم الرقبه سداده يا بت أمي انحنا بنعمل في شنو؟؟؟؟ :eek:

وفعلا زي ما قلتي تربية الخليج بالجد مشكله لكن انا واحد من الناس حأفضل شاكر الوالد انو لحقنا وجابنا بدري

وغير كده انا في السعوديه كنت عايش في ينبع

ناس بدو وصحراويين( حقين كرف زي ما بقولوا ) يعني في كل الأحوال مافي تنشنه لكن الحمدلله العواقب جات سليمه

هو الواحد مرات أي نعم بحلم وكلام زي ده لكن برضو يحاول يخت الامر الواقع قدامو ( يعني ما يشطح شديييييييييييييد ولا شنو؟؟؟)

وعلى العموم دعواتنا للجميع انو ربنا يوفقهم لما فيه الخير

وشكرا ليك أختي الغاليه اللمسه الساحره وربنا يوفقك في دراستك يا دكتورتنا الصغيره

معتز حمدتو

01-10-2006, 09:28 PM

صباح الخيرات مزوني ورمضان مبارك عليك ورمضان القادم بازرتك
والشئ الثاني مزوني كتكوتك ده طالبُ مقصه ولاشنو ؟ مالك شانقوا كده ؟ ياربي اكون باير .
ذي مابقولوا فتحت موضوع ذو شجون لانُ عدم زواج البنت مشكله كبري بالنسبة لكل اسرة وبعد شوية ببقي وهم للبنت ولكن ليس كل بنات الخليج بما ذكر في البوست وكذلك ليس كل اب يريد ان يفتك من المسؤولية بزواج ابنته من اي رجل يتقدم لزواج ابنته حتي لو ما كان سوداني ، فمن خلال عملي تجازبت اطراف الحديث مع سودانية صغيرة في السن ذات حسن وجمال تزوجت من اماراتي سعيا وراء العيش الرقيد والجواز ورفضها للهبوط الي ارض الواقع والعيش في السودان بعد وقت من الزمان فكانت موافقة امها علي زوجها طمعا ايضا في ضمان سكن امن واقامة دون التعب والبحث عن كفيل بعد ان هجرها زوجها فبدات الزوجة المكلومه في البكاء وبان شبابها بداء يزبل وتاهت مشاعرها واصبحت كما قالت هي كما الخمام ( الوسخ بالهجة الخليجية ) بعد ان تفاجات بزوج مثقل بالديون وبعد عام واحد من زواجها انهيت خدماته لفراره من الخدمه وحيازته سلاح من دون ترخيص وسجنه لفتره من الزمن بل اكثر من ذلك اكتشفت زواجه باجنبيه اخري وبنفس الطريقة تعاني وتهلث كلتا الاسرتين للحصول علي مايسد الرمق بل اكثر من ذلك فهو لا يملك منزل او اي مصدر دخل ويعيش عاله علي اخته الكبري ويقيم متنقلا بالايجار لعدم تمكنه من سداد 3 اشهر مع بعضهم فاصبحت لا تطيق حياتها واضافة بيت للقصيد لا تملك الزوجة اقامه لاكثر من 3 سنوات !!!!!!!!!!!!!!!!!!!!!!!!!!!!!
هذا قيضا من فيض وبالمقابل ليس معني ذلك بان كل من تزوجت بغير سوداني هي تعيسه ربما يكن اسعد من زواجها بسوداني ولكن مثلنا بقول لالوب بلدنا ولا تمر الناس .
وفي النهاية مشكور اخي الحبيب علي الاستطلاع والذي من خلاله نسال الله لبناتنا في هذا الشهر الفضيل العفاف والستر وان يجنبهن شر بنات الحرام واولاد الحرام ويرزقهن ازواجا يرضي عنهم هو رب العباد.

امل حياتى

01-10-2006, 11:26 PM

وماذا تقول سـودانية أخري متزوجـة من أجـنبي بدولـة الامــارات:

...مـاجـبرني علـي الـمر،إلا شـماتة القريـب ونظـرات الأهـــل، وندرة الـمتقدميـن لخـطبتـي ( لـماحصــلت أصــلآ!!!!)،والعـمر الجاري مادائـر يقيـف وعـجـزني وكبـرني، اولاد اعمـامي وخـيلاني خايفيـن منـي قالـوا "كـل شـيئ ممكـن الا العرس من سـودانيات الخـليـج ...الـمتقرضـمات الـمتدلعات!!)،
.....لو كنـت عايشـة عمـري في السـودان كنت بكون مئـة في المـئة متزوجة من زمان وإتأخـرت لـحد مابقيـت 37 سـنة ولقيـت لـي واحـد رضــي بـي والحياة مع الاجنبـي أخيـــر الـف مـرة من نظرات الاشـفاق وشـماتة البتسـاوي وما البتســاوي!!!!!!!!).

يا حبيبى مزيونى مافى وحده سودانية هنا بيتزوجها اجنبى ده كلام ساكت لدرجة انو مطلعين نكتة على الفتاة السودانية

بتقول : فى وحده سودانية لابسها جن مشت لشيخ بيعالج بالقران الشيخ قرأ فيها القران واتكلم مع الجن قال له اطلع اطلع

الجن رد عليه اطلع من وين انا ماشيف شىء

ومن هنا بنت بلدنا السوداء الشينة دى مافى حد اجنبى بيتزوجها الا نحن السوانيين وعشان كده انا ضد الشاب السودانى الذى يتزوج باجنبيات

مدنيّة

01-10-2006, 11:43 PM

http://www.asmilies.com/smiliespic/FAWASEL/003.GIF (http://www.asmilies.com)

علي فكرة يامزوني دي مش مشكلة في الخليج والدول اللي ذكرتها فقط لا دي مشكلة كبيرة جدا في السودان كمان

http://www.asmilies.com/smiliespic/FAWASEL/003.GIF (http://www.asmilies.com)

مدنيّة

01-10-2006, 11:45 PM

ومن هنا بنت بلدنا السوداء الشينة دى مافى حد اجنبى بيتزوجها الا نحن السوانيين

http://www.asmilies.com/smiliespic/FAWASEL/002.GIF (http://www.asmilies.com)

دي نظرتك للبت السودانية ياامل حياتي ؟؟؟

http://www.asmilies.com/smiliespic/FAWASEL/002.GIF (http://www.asmilies.com)

مزوني

03-10-2006, 09:48 AM

الأعزاء معتز حمدتو وأمل حياتي ومدنيه شاكر ليكم مشاركتكم للنقاش وربنا يديكم الصحه والعافيه

الأخ الغالي أمل حياتي مع كل احترامي لكلامك لكن في نقطه مهمه انو كلامك ده كان زمان حتى في السعوديه لما يجي واحد حلبي ويقول انا سوداني

كانو يتخلعوا وما بصدقوا الا يجيب ليهم الجواز لكن حسه نظرتهم اتغيرت وانا حسه هنا معاي شباب خليجين تسمعهم يتغزلوا في السودانيه والله لما راسك يشطب

و بعدين البنت السودانيه ماشاءالله عليها لكن الحاله اللي انا اتكلمت عنها نادره جدا ولا شنو؟؟؟؟؟؟؟؟؟؟؟؟؟؟؟؟

ويا مدنيه ما تزعلي أو تفهمي أخوي أمل حياتي غلط وقصدوا انو دي نظرات الشباب الخليجين للبنت السودانيه

وبعدين هو سوداني ومتزوج من سودانيه ولو الكلام ده قاصدوا ماكان عرس سودانيه صح؟؟؟؟؟؟؟؟؟؟؟؟؟؟؟

وبعيد عن الانحياز والمشاكل يا حبايبنا خلونا نتناقش بي حب وأخوه عشان نصل لي حاجه حلوة ولا شنو؟؟؟؟؟؟؟؟؟؟؟

وليكم خالص حبي وتقديري

Jamal Elmahi

03-10-2006, 01:33 PM

حباب الشباب ...
ظاهرة البوران دي ظاهره عالميه ...مش السودانيات بس ...ودا راجع لعدة عوامل أهمها نسبة الزكور للاناث ففي السودان كانت قبل فتره بنسبة تمانيه بنات لولد واحد في المواليد والبالغين ...في أمريكا والله أعلم بنسبة تسعه بنات لولد واحد وفي مصر أسكت ساكت...أما الهند أسكت كب....
فالمشكله مادلع بنات ولاّ عزوف الشباب من الزواج لكن هن كتار يودوهن وين ويعرسوهن كيف دا السعال؟؟؟

مشاققه...
قعدن يغنن راجل المرا حلو حلا وبرضو عاملين أضان الحامل طرشه...مثني وثلاث ورباع راحت شمار في مرقه...
أتلحلحوا شويه وغطو قدحكم ...دا قدح دا ولاّ طاجن عواسه....

ود الماحي

ودكبوشيه

04-10-2006, 07:22 AM

مزوني : تشكر علي الموضوع الحساس وهذه هي الحقيقه التي لاتسر السودانيون خارج الوطن او داخله ... لكن اللوم علي البنت لانها دائما تنظر الي العالي عشان كده العنوسه في السودان وصلت الي اعلي مستوياتها واتمني من الاخت حواااااااء النظر في الموضوع بعين الاعتبار ولك مني الف سلالالالالالالالالام

ابراهيم

04-10-2006, 05:03 PM

والله يا مزوني
اول حاجة سلامات كتيرة ومشتاقين ..
بالنسبة للموضوع صراحة انا الوقت وقت سحور وما قدرت اقراهو وعندنا اذان هنا مستعجل يعني اسرع من القطار المر
وعلى قول المثل الجواب باين من عنوانه ...
انت مالك عايز تجيب الهوا .. خلينا كدة كويسين في حاجتين ما تجيب سيرتهم
البحر والقطر او المترو في رواية اكثر منطقية
عشان ديل بجيبو نفسيات طوالي
وكدة تكون اجدع ناس

abosnoon

06-10-2006, 10:06 AM

تشكر علي الموضوع الحساس وهذه هي الحقيقه التي لاتسر السودانيون خارج الوطن او داخله ... لكن اللوم علي البنت لانها دائما تنظر الي العالي عشان كده العنوسه في السودان وصلت الي اعلي مستوياتها واتمني من الاخت حواااااااء النظر في الموضوع بعين الاعتبار ولك مني الف سلالالالالالالالالام

اللمسة الساحرة

07-10-2006, 01:23 AM

تم عمل استطلاع رأي شمل مجموعه من بنات احدى الجامعات عن مواصفات زوج المستقبل ..
كانت شروطهم كا الاتي :

1- يقدر المراه
2- ما يكون من النوع الكذاب .. ماعايزين لا ابيض ولا الوان كل انواع الكذب ممنوعه
3- يكون صررررريح وعفوي ..
4- رومانسسسسسسسسسسسسسي
5- يحبها لشخصيتها ..
6- ملتزم .. بس بدون تشدد .. يعني يصلي ويصوم
7- مثقف .. بس بدون فلسفه زاااااايده
8- يحب السفر مع العائله ( زوجته بس ) شباب لااااااااااااااااااااا
9- انيق .. .. مقبول الشكل .. <<< زي كذا يعني
10- حالته الماديه مرتفعه .. ( وارث ورث كبير ) .. ولد عز .. وظيفته محترمه ..
11- يحب القعده بالبيت ..
12- له حضور .. يعني ماجالس مع الناس ولا كأنه معهم
13- مايحب التليفزيون وقنواته المفضله السودان واليمن
14- مايكون بخييييل .. اعوذ بالله الجنيه يبكي بجيبه مايطلع
15- متحضر ..
16- مايحب السهر مع الشباب بالرحلات والقعدات ولا غيره
17- شخصيته قويه برا البيت فقط
18- يكون عنده سكن مستقل تمامااا عن عائلته
19- قلبه طييييييييييييييييييييييب .. بس مش اهبل
20- يساعد في امور المنزل ..
21- ماعنده اصدقاء كثار عشان مايكون 24 ساعه برا البيت
22- يكون جسمه رياضي .. مماعايزين كروش
23- مايكون من انصار الحاج متولي
24- ولد عائله طيبه ومعروفه .

اي شخص تتوفر فيه الشروط دي ممكن اقدم اوراقه وانا موافقة عليهو,
عشانكم تلاتة ارباع الشروط
ههههههههههههه

تنبوشة

07-10-2006, 01:21 PM

والله يا المسة الساحرة شروطك دي كتير الكمال لرب العالمين . وأنا بشروطك دي أخشى عليك من العنوسة .وشكرا

mohammed ahmed

09-10-2006, 10:27 AM

سلملم
تعرفوا يا أخواتنا عشان كده العندها زوج حقو تكنكش فوقو وماتديه فرصه يفرفر .. عشان الحكاية يبدو انها حتبقي بعد شويه فيها معيط شعيرات ماهي حتدور بين بنات حواء عشان مايدونا فرصه نعملهما ثلاثه وأربعه كمان .. تجو نجرب ؟؟؟؟؟؟؟؟ يعني فيها شنو لو الواحد شاف ليه شوفه في الحلال .. آخ ... آخ ... آآآآآآآآآآآآآآآآآآآآآآخ
بس أوعه من الضرب في الرأس ..
وإنشاء ربنا يسهل لأخواتنا الما إتزوجن رجال الحلال .. ويحفظ بيوت أخواتنا المتزوجات ..

dream

09-10-2006, 10:51 AM

الزبير محمد عبدالفضيل

09-10-2006, 11:48 PM

الاخ العزيز / مزوني لك التحيه ورمضان كريم وكل عام والجميع بخير

أشكرك جزيل الشكر علي طرح هذا الموضوع المهم والمهم جدا جدا جدا وخاصه للاسر الذين يقيمون في الخليج او

بقية دول العالم . عزيزي مزوني موضوعك جميل جدا وممكن من نقاش الاخوه الاعضاء سوف تكون هنالك حلول

تلوح في الافق . البنت السودانيه التي عاشت كل حياتها خارج السودان وبعيدا عن العادات السودانيه السمحه

سوف يكون هناك فارق في التوافق والامتيازات السودانيه ولغير سودانيه

ومن وجهة نظري زواج السوداني من غير سودانيه او العكس سوف يكون له محاسن ومساوي وما سويه تكون اكثر

من محاسنه من اختلاف اشياء كثيره

والزواج من سوداني وسودانيه يوجد فيه روح الترابط الوثيق والتقارب والتفاهم والقرب والناس سوف تعرف

بعض اكثر والود والحب والعشره الجميله . كل هذه المواصفات لاتوجد في الزواج من غير سودانيه او العكس

أحب ارسل وجهة نظري لكل سوداني وسودانيه تعيش خارج حدود الوطن ونصيحتي لهم الزواج من بنت

البلد او ابن البلد هو عين العقل حتي لو وجدت مشاكل سوف تكون اخف . زواج من أجنبيه او أجنبي سوف

تكون المشاكل شايكه ولا يعلم بحلها الله سبحانه

امل حياتى

10-10-2006, 10:34 PM

بس يا اخوى السفير بسمع من نصف الناس المتزوجيين بيقولو الفتاة السودانية باردة جنسيا" وهذه مشكلة كبيرة فى حد زاتها

ويرجع الى ذلك بالتأكيد الى الختان الفرعونى

مزوني

11-10-2006, 12:51 AM

جمال الماحي ودكبوشيه ابراهيم وأبو سنون ومجددا اللمسه الساحره تنبوشه محمد أحمد دريم السفير وأمل حياتي

شاكر لكم مشاركتكم الموضوع الحساس والمطلوب يا جماعه انو الناس تحاول تصل لي هدف أو معرفة السبب الحقيقي لهذه المشكله

أحيانا تكون المشكله من البنت وأحيانا تكون من الولد ومنو فينا الما بغلط..........

كاتب الرسالة الأصليه اللمسة الساحرة
تم عمل استطلاع رأي شمل مجموعه من بنات احدى الجامعات عن مواصفات زوج المستقبل ..
كانت شروطهم كا الاتي :

1- يقدر المراه
2- ما يكون من النوع الكذاب .. ماعايزين لا ابيض ولا الوان كل انواع الكذب ممنوعه
3- يكون صررررريح وعفوي ..
4- رومانسسسسسسسسسسسسسي
5- يحبها لشخصيتها ..
6- ملتزم .. بس بدون تشدد .. يعني يصلي ويصوم
7- مثقف .. بس بدون فلسفه زاااااايده
8- يحب السفر مع العائله ( زوجته بس ) شباب لااااااااااااااااااااا
9- انيق .. .. مقبول الشكل .. <<< زي كذا يعني
10- حالته الماديه مرتفعه .. ( وارث ورث كبير ) .. ولد عز .. وظيفته محترمه ..
11- يحب القعده بالبيت ..
12- له حضور .. يعني ماجالس مع الناس ولا كأنه معهم
13- مايحب التليفزيون وقنواته المفضله السودان واليمن
14- مايكون بخييييل .. اعوذ بالله الجنيه يبكي بجيبه مايطلع
15- متحضر ..
16- مايحب السهر مع الشباب بالرحلات والقعدات ولا غيره
17- شخصيته قويه برا البيت فقط
18- يكون عنده سكن مستقل تمامااا عن عائلته
19- قلبه طييييييييييييييييييييييب .. بس مش اهبل
20- يساعد في امور المنزل ..
21- ماعنده اصدقاء كثار عشان مايكون 24 ساعه برا البيت
22- يكون جسمه رياضي .. مماعايزين كروش
23- مايكون من انصار الحاج متولي
24- ولد عائله طيبه ومعروفه .

اي شخص تتوفر فيه الشروط دي ممكن اقدم اوراقه وانا موافقة عليهو,
عشانكم تلاتة ارباع الشروط
ههههههههههههه

عجييييييييييييييييب ده واحد من الأسباب البخلي ود الناس يزووووغ ( لووووووووووول ) لكن بالجد برضو العينه دي في وموجوده بي كثره

أختي اللمسة بس يلا ربنا يسهل على الجميع

كاتب الرسالة الأصلية السفير
والزواج من سوداني وسودانيه يوجد فيه روح الترابط الوثيق والتقارب والتفاهم والقرب والناس سوف تعرف

بعض اكثر والود والحب والعشره الجميله . كل هذه المواصفات لاتوجد في الزواج من غير سودانيه او العكس

وده شي أكيييييييييييييييد يا حبوب لكن تبدوا المصيبه انو لو هبشت من الشباب المتزوجين من الاجانب بتلقى منهم المتزوجين لي مصالح ماديه

او تجاريه أو العكس والمصيبه انو بقت تظهر عند السودانيين برضو في بعضهم ( واحد اتزوج المديره حقت الشركه اللي شغال فوقا وهي اكبر منو بي 20 سنه )

والمآسي كتيييييييييييييره لو قلنا نعدها وانشاءالله اي مشكله وليها حل وربنا يكون في عون الجميع

كاتب الرساله الأصليه امل حياتي
بس يا اخوى السفير بسمع من نصف الناس المتزوجيين بيقولو الفتاة السودانية باردة جنسيا" وهذه مشكلة كبيرة فى حد زاتها

ويرجع الى ذلك بالتأكيد الى الختان الفرعونى

!!!!؟؟؟؟؟!!!!!!! ( لا تعليق )!!!!!!؟؟؟؟؟!!!!!!

الجندي المجهول

13-10-2006, 08:38 AM

مرحب يا شباب ورمضان كريم وجيت ماري بالصدفة وعجبني الموضوع وبي صراحة بناتنا المغتربات او على الاصح اللاتئ نشأن وتربين بدول الخليج او اي مكان خارج السودان يكون وضعهن مختلف بعض الشي نسبةً للبيئة التي قمن وترعرعن بها وهذا لا يعفيهم من المسئولية خاصة المتعلمات منهم في الجامعات السودانية وقصة التطلع هذه اصبحت هاجس كبير فانا من هنا اقول والله البساطة زيها مافي ومثال بسيط الان ممكن تتزوج واحد مليان فلوس ممكن بعد فترة يفلس ويبقي على الحديد فالزواج اقلاها مبني على الخلق والادب والود واختيارات اخري جميلة اهم من المادة . انا معاك انو المادة مهمة ولكن ليس لتغير شكل الحياة ولكنت للخدمة الحياتية العامة علاج اكل تعليم يعني اداة وليست غاية فياريت يصل الجميع الي فهم ام التيمان وابو التيمان

mohammed ahmed

14-10-2006, 10:53 AM

سلملم
عشان نقدر نناقش المسألة بموضوعية أكثر أتمني أن نختار عناصر كالآتي :-
1) عنلصر ( ذكر وأنثي/أجنبي وسوداني والعكس ) عاشت التجربه وانتهت بالفراق.
2) عناصر ( ذكر وأنثي/أجنبي وسوداني والعكس ) مازالوا عايشين التجربة.
3) عناصر ( ذكر وأنثي/أجنبي وسوداني والعكس ) بيفكروا يدخلوا التجربة.
وبعدين ننقاش الموضوع بجدية وبعدها ممكن نصل لإضاءات حلول وممكن نعرضها علي متخصصين بالأمر... وبأمانه حقو لو في بيناتنا واحد بفتش ليه علي موضوع بحث بتاع تخرج ما ح يلقي أحسن من كده مشروع.
وتسلموا

مزوني

19-10-2006, 10:06 AM

حبايبنا الجندي المجهول ومحمد ود أحمد

شكرا لمروركم ولي عوده انشاءالله

elfatih61

19-10-2006, 12:19 PM

الآخ مزونــي 00 تحياتي ليــك ولإثارة موضوع يعتبر من المواضيع الهامة الحساسة
وبما إنك مقيم في دولة الامارات 00 تعرف أن هناك كثير من الاسر السودانيـة لهم
أولاد وبنات تربوا وترعرعوا في الخليج وفيهم من ولـد وعاش من صغره هنـا 00
وكثيرا من هؤلاء الشباب بعد تخرجهم أو إكتفائهم بالثانويـة وجدوا عمل هنـا ومصدر
رزق أي كان نوعــه المهم جلسـوا وفيهم من تــزوج !!
عايزك يا مزوني بشوية بحث وتحري وبعملية حسابيــة ، تقــدر لي ومن خلال سمعـك
أو معرفتـــك أو إحتكاكك بالاسـر السودانيـة نسبة النجــاح لزواج
- شاب وشابة عاشوا حياتهم من الصغر وحتى التخرج والى أن تزوجو بالخليــج0 !!
- شابــة ترعرعت في الخليج الى أن تزوجت من رجل يعمل هنا وإستغلت بحياتها !!!

صدقنى ستندهش من النتيجـــة 000السواد الاعظم منها زواجات فاشلة وبيوت خربانة
ومشاكـل تافهة ولســه ولســـه --- وطبعا السبب معروف ليكم كلكم التربيـة والاب غير
فاضي جاري وراء المعايش والام مع صديقاتها والاولاد للخادمات أو يربوا نفسهم بطريقتهم
والانجـــراف والتأثــر من الجاليـات الاخرى والطامة الكبـــري طبعا
( المولات 00 والبناطلين الناصلـة والشعور المبرمــة والمشيات الغريبـة )

ولاحياة من تنــــادي 00 !!

مزوني

19-10-2006, 02:07 PM

العزيز الغالي الفاتح ليك مني كل التحياي

ربنا يسمع منك ويورينا الامارات .... انا حسه مجدوع في زفت بقولوا ليها الهند !!!!

لكن بالشفتوا في السعوديه تقريبا بكون اخف نسبيا من الحاصل في باقي الدول ( على حسب الشفتو والله اعلم )

لكن الواحد يقول شنو السودانيين بي صورة عامه بي نسبة 101% ماعندهم كبير اي زول داير يعمل

الفي راسو هو وبس

وربنا يجيب العواقب سليمه

شكرا ليك أخوي الفاتح على مشاركتك وربنا يمتعك بالصحه والعافيه

سمسم

21-10-2006, 03:20 PM

كلامك منطقى ولاكنك بالغته فيه كثير ارجو ان تراعى مشاعر هم ولا تظلمهم

شكرا على الموضوع