المساعد الشخصي الرقمي

مشاهدة النسخة كاملة : رمضان كريم...مدنيّة...تتربع اليوم ضيفة عزيزة على الكرسي السااااااااخن .


zoolfrda
23-09-2006, 04:39 AM
http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
إخــــــــــوتي الأعـــــــــــــزاء

http://www.asmilies.com/smiliespic/FAWASEL/048.gif (http://www.asmilies.com/)
مع أول أيام رمضان المبارك
يسرنا جميعاً أن نكون ضيوف على أختنا العزيزة
مدنيّة أم أحمد
نلتقيها اليوم ولإيام لتحكي لنا
ونحكي نحن لها
عن أيام سعدنا برفقتها عبر هذا الملتقى الجميل
نتركها أولاً لترحب بنا

http://www.asmilies.com/smiliespic/FAWASEL/053.gif (http://www.asmilies.com/)
من هي / مــدنــيـّـة ؟؟؟؟؟؟؟






http://www.asmilies.com/smiliespic/FAWASEL/059.gif

<BGSOUND balance=0 src="http://www.wadmadani.com/others/cardmid/s002.mid" volume=-40 loop=infinite>
مزوني
23-09-2006, 06:06 AM
العزيزة مدنيه حبابك آلاف

ورمضان كريم وتصومي وتفطري على خير

وانشاءالله يكون الكرسي بردا وسلاما عليك يا غاليه

دي تحيه سريعه عابره ولحد ما تعرفينا بي نفسك نبقى نظهر عليك

ولنا لقاء يا غاليه
ابراهيم
23-09-2006, 06:06 AM
هلا هلا بيك اختنا مدنية
اول حاجة رمضان كريم
ايام وليالي مقبلة علينا بين ثناياها اشراقات ايامها بركات ولياليها دعوات وقرآن وصيام وصلوات
بلغكم الله الشهر اجري حسناتكم مجري النهر.

اتلمو عليك رمضان وكرسي ساخن وجزيرة الفيل
نصيحتي ليك قبل الفطور ما تقربي الكرسي
اقامة سعيدة في الكرسي اختنا مدنية
بجيك بعد التراويح
Jamal Elmahi
23-09-2006, 08:20 AM
حبابك مدنية ورمضان كريم

مشاققه....
يافرده ...ياجرسه أظن رمضان جهجهك وبديت تلخبت...
مدنيّه ليست هي أم أحمد...سلوي أم أحمد ...مدنيّه مستقبلاّ أم أحمد وحالياّ عندها أمورتين حلوات ولاّ أنا غلطان....

ود الماحي
saleh farah
23-09-2006, 08:22 AM
اهلا بيك يامدنيه ونتمنى ان يكون الكرسى بردا وسلاما عليك طبعا الكرسى ده نحن بنعتبره برش رمضان لانه فى شهر مكرم الكراسى فيه بتتلم وناس كزام كراسيهم بتبور وما بتتفرتق الا قبل العيد بى يوم يومين تكونى انتى الساعه ديك قمتى من البرش .
منتظرنك تطلى وتعرفينا بى نفسك شويه عشان نقدر نسأل بارتياح
abosnoon
23-09-2006, 09:14 AM
أحيي نشاطك وتميزك وأتحافك لنا بالمفيد...
يلا شدي حيليك
hamad2
23-09-2006, 09:22 AM
مرحبتين حباب الاصيله مدنيّه
في البدايه أحيي نشاطك وتميزك وأتحافك لنا بالمفيد...
الكرسي الساخن في رمضان بكون مرطّب ..ملايكه ساي مافي شواطين
والله يا مدنيه الله يكون في عونك من اول يوم في رمضان الجماعه ديل قايلينك شيطان بتزوقي ولا شنو
ولي رجعه يااختي
محمد حسين (المميز)
23-09-2006, 10:47 AM
يا سلاااااااااااااااااااام
والله يافـــرده فعلا كده المنتدى قدّم لينا
هديــة رمضــــان
وده لأننا اليوم نجلس ونتحاور مع الأنسانه التي اتحفتنا
وفي فتره وجيزه بروائعها من خلال كتاباتها ومشاركاتها
في المنتدى وهي الرائعــه

مـامـا مدنيــّـــة

أهــلا وسهــلا بيك
وانشالله الكرسي يكون شتوي عليك

*************
اميمه عشريه
23-09-2006, 05:28 PM
تحياتي لا تحد .. وشكرا للفرده لهذا الاختيار الجميل .. وكل الاعوام وانتم بخير وتصوموا وتفطروا علي خير .. اهلا بيك مدنيه نورتينا وشرفت الكرسي البارد ده بس حلو مر .. تحياتي ليك عرفيني علي روحك وقربينا منك ... دمت ابدا
نزار حسن محمد
23-09-2006, 05:31 PM
هلا بالاخت النشطه جدا مدنيه رمضان كريم .. وشايف الناس منتظرين.. البطاقه الشخصيه ... يالله الجميع فى الانتظار..سيبى الجرسه...ورمضان جاى فى جو جميل وخاصه لسكان ودمدنى...مش كده يالله بسرعه يامدنيه....
zoolfrda
23-09-2006, 08:23 PM
مشاققه....
يافرده ...ياجرسه أظن رمضان جهجهك وبديت تلخبت...
مدنيّه ليست هي أم أحمد...سلوي أم أحمد ...مدنيّه مستقبلاّ أم أحمد وحالياّ عندها أمورتين حلوات ولاّ أنا غلطان....

ود الماحي

والله يا ود الماحي معليش ورمضان كريم

عليك الله من اللخبطة استلمت ليك الكرسي الساخن

الله يستر باقي رمضان ما نقول نستلم كوفي شوب أبوعلا ولا أهم الموضاعات الثقافية بتاعت أميمة


مدنية... الحكاية شنو

الجماعة جايين وقت الفطور ... لا لقوا لا مدنية لا فطورها

أسوكم أفطرم في دكان ود الصول ولا فطورك جهز ؟
سوار الياسمين
23-09-2006, 09:09 PM
مراحب يا اجمل مدنية في المنتدى
منورانا ورمضان كريم عليك

شنو الحكاية يا مدنية

ما تقولي لي لسة مع المطبخ من امبارح :eek:

والبنيات ديل خلاهم ساي ما تدحشيهم معاك في المطبخ ده
لانهم كان ما دخلو من اسه ما بينفع بعدين في الوقت الضايع :D

مستنين طلتك :) البهية
محمد حسين (المميز)
23-09-2006, 10:51 PM
يا اخوانا ماما مدنيــّــه
ما ظهرت لغاية الآن

خلاص انا ماشي اذاعة مانجو اسوّي ليها اعلان
وبرضو اخت اسمها في الجريدة ,,

تكون هربت من الكرسي ده؟؟!!

**********
abu_ola
23-09-2006, 11:11 PM
رمضان كريم أختي مدنية و كل عام و انتي بألف خير

حبينا نمر على العنقريب إحتمال الواحد يكون نسي حاجة و قلنا بالمرة نسلم عليك يا رائعة

بجيك بعد الإفطار
مدنيّة
23-09-2006, 11:26 PM
http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
إخــــــــــوتي الأعـــــــــــــزاء

http://www.asmilies.com/smiliespic/FAWASEL/048.gif (http://www.asmilies.com/)
مع أول أيام رمضان المبارك
يسرنا جميعاً أن نكون ضيوف على أختنا العزيزة
مدنيّة أم أحمد
نلتقيها اليوم ولإيام لتحكي لنا
ونحكي نحن لها
عن أيام سعدنا برفقتها عبر هذا الملتقى الجميل
نتركها أولاً لترحب بنا

http://www.asmilies.com/smiliespic/FAWASEL/053.gif (http://www.asmilies.com/)
من هي / مــدنــيـّـة ؟؟؟؟؟؟؟






http://www.asmilies.com/smiliespic/FAWASEL/059.gif

<BGSOUND balance=0 src="http://www.wadmadani.com/others/cardmid/s002.mid" volume=-40 loop=infinite>



اخجلتم توضعنا باستضافتكم الكريمة لشخصنا الضعيف

سعيدة جدا بوجودي معاكم في الكرسي بس يارب يكون كرسي جلوس فاخر يعني عشان رمضان وكدا ;)

زول فردة اخووووووووووي انا ام بنات ساااااااااااااااااااااااااااااااااااااااااي ماعندي ولاد اخوووووووي :D

واسفة جدا لتاخري في الدخول للمنتدي

مدنيّة هي انسانة بسيطة جدا ولدت ونشات في احلي مدينة في السودان مدني الجميلة
درست كل مراحلي التعلمية بها
الجامعة : امدمان الاهلية اقتصاد وعلوم ادارية تخصص محاسبة لكن ياجماعة مابعرف للمحاسبة اي حاااااااااااااااااااااااااااااجة :D

ام لبنتين امنية واية

السكن زي مابقولوا محل الرئيس بنوم والطيارة بتقوم :D

اها في حاجة تانية ولا خلا :D
مدنيّة
23-09-2006, 11:30 PM
العزيزة مدنيه حبابك آلاف

ورمضان كريم وتصومي وتفطري على خير

وانشاءالله يكون الكرسي بردا وسلاما عليك يا غاليه

دي تحيه سريعه عابره ولحد ما تعرفينا بي نفسك نبقى نظهر عليك

ولنا لقاء يا غاليه



تسلم كتيير كتتير جدو مزوني

شكرا ليك علي ترجيبك وشكرا ليك علي طلتك

وفي انتظار العودة باذن الله
:D
محمد حسين (المميز)
23-09-2006, 11:41 PM
اها في حاجة تانية ولا خلا :D



:rolleyes:

ده شنو يا ماما مدنيـــّـــة
انت قلت حاجه لكن ؟؟

دي بطاقة النادي ما البطاقه الشخصيه :D

تعالي النوريك البطاقه الشخصيه كيف :-1/


1/الأســــــم

2/ العمـــــر

3/الوظيفه وتاريخ التوظيف

4/ اسرتك و ترتيبك فيها

دي مبدئيــا كده الباقي في السكـّــه.. :p

بقو عليك اتنين ;)
رمضــان والبرش الناشف :D

***********
مدنيّة
23-09-2006, 11:41 PM
هلا هلا بيك اختنا مدنية
اول حاجة رمضان كريم
ايام وليالي مقبلة علينا بين ثناياها اشراقات ايامها بركات ولياليها دعوات وقرآن وصيام وصلوات
بلغكم الله الشهر اجري حسناتكم مجري النهر.

اتلمو عليك رمضان وكرسي ساخن وجزيرة الفيل
نصيحتي ليك قبل الفطور ما تقربي الكرسي
اقامة سعيدة في الكرسي اختنا مدنية
بجيك بعد التراويح


هلا وغلا فيك الغائب الحاضر

ورمضان مبارك عليك وعلي كل الاسرة الكريمة يارب

ههههههههههههههههه

والله ضحكتني كيف يا ابراهيم هسي دي ناس المكتب كانوا بشاغلوا فيني بالافيال دي والله

في انتظار الجية اخووووووووووي

هلا بيك :D
الزبير محمد عبدالفضيل
23-09-2006, 11:45 PM
مرحبتين حباب الاصيله مدنيّه
في البدايه أحيي نشاطك وتميزك وأتحافك لنا بالمفيد...
الكرسي الساخن في رمضان بكون مرطّب ..ملايكه ساي مافي شواطين

وطبعا الجو ملائم الان للاسئله ونخليك حتي نتعرف علي بطاقتك وبعدين ترسل ليك الاسئله
خطاب العبيد
23-09-2006, 11:49 PM
الاخت مدنية مرحب بيك فى الكرسى الساخن ولكم اتمنين يكون فىالسجن معانا عشان تونسينا بس دى حال الدنيا .

النقبل عليك .


ماهو سبب دخولك للمنتدى والمواظبة عليه والاشياء الجذبتك ليه شنو
وماقصدك معاى مخليانى لى هسه فى السجن حرام عليك الشمس ظلطت راسنا
مدنيّة
23-09-2006, 11:50 PM
حبابك مدنية ورمضان كريم

مشاققه....
يافرده ...ياجرسه أظن رمضان جهجهك وبديت تلخبت...
مدنيّه ليست هي أم أحمد...سلوي أم أحمد ...مدنيّه مستقبلاّ أم أحمد وحالياّ عندها أمورتين حلوات ولاّ أنا غلطان....

ود الماحي

والله ياود امي اكيد ما غلطان

ولا بجي الغلط بجنبك ويعني مش عشان ماشربت ابري في رمضان بتغلط كلامك صح اخووووووووووووي بتنين الله

يخليكم ويحفظهم لي لكن ببناتي ديل بجيبن لي ولاد سلوي وسلوي تقعد براها بعدين :p

:D
salwa
23-09-2006, 11:50 PM
مدوووووووووووووووووووووووووووووووووووووووون
حبابك الف يا عسول
ووالله الليلة نور ما عادي في الكرسي
وفعلا اتحفتينا كتير ومنتظرين التحفة الكبرى وهي طلتك الغالية
عموما هلا وغلا بيك
وبعدين انتي ما عارفة قيمة العندك انتي عندك جواهر
وبعدبن انا في ممكن نتبادل
يلا معاك نحن ووشدي حيلك
مدنيّة
23-09-2006, 11:53 PM
اهلا بيك يامدنيه ونتمنى ان يكون الكرسى بردا وسلاما عليك طبعا الكرسى ده نحن بنعتبره برش رمضان لانه فى شهر مكرم الكراسى فيه بتتلم وناس كزام كراسيهم بتبور وما بتتفرتق الا قبل العيد بى يوم يومين تكونى انتى الساعه ديك قمتى من البرش .
منتظرنك تطلى وتعرفينا بى نفسك شويه عشان نقدر نسأل بارتياح


هلا وغلا فيك اخووووووووي صالح فرح

برش برش مامشكلة بس المهم تكونوا انتو حنينين زي مدني والساخن الشافه اوعُلاء اخوي دا ماتوروني ليه انا :p

اسال براحتك اخوي مافي مشكلة بس لو شلت لي الفيل اللي في محل الاقامة دا بتكون ريحتني انا :p

:D
مدنيّة
24-09-2006, 12:00 AM
أحيي نشاطك وتميزك وأتحافك لنا بالمفيد...
يلا شدي حيليك


هلا وغلا فيك اخوووووووي ابو سنون

واحنا من غيركم اخوي ما بنسوي

:D
مدنيّة
24-09-2006, 12:04 AM
مرحبتين حباب الاصيله مدنيّه
في البدايه أحيي نشاطك وتميزك وأتحافك لنا بالمفيد...
الكرسي الساخن في رمضان بكون مرطّب ..ملايكه ساي مافي شواطين
والله يا مدنيه الله يكون في عونك من اول يوم في رمضان الجماعه ديل قايلينك شيطان بتزوقي ولا شنو
ولي رجعه يااختي

هلا وغلا فيك اخوووووووووي حمدتو

تمزينا استمديناه من وجودنا معاكم اخووووووووي

الخوف اخوي من شياطين الانس :p

والله المساء مادخلت عشان كدا اتاخرت ودا طبعا من سوء حظي انا فلكم العتبي حتي ترضوا


:D
مدنيّة
24-09-2006, 12:10 AM
يا سلاااااااااااااااااااام
والله يافـــرده فعلا كده المنتدى قدّم لينا
هديــة رمضــــان
وده لأننا اليوم نجلس ونتحاور مع الأنسانه التي اتحفتنا
وفي فتره وجيزه بروائعها من خلال كتاباتها ومشاركاتها
في المنتدى وهي الرائعــه

مـامـا مدنيــّـــة

أهــلا وسهــلا بيك
وانشالله الكرسي يكون شتوي عليك

*************

هلا وغلا فيك

تسلم كتيير المميز اخوووووي

الروعة مستمدة من وجودي معاكم اخووووووووي

ايوة كلهم عشان يخلوا الكرسي دا كرسي جلوس :p

:D
مدنيّة
24-09-2006, 12:17 AM
تحياتي لا تحد .. وشكرا للفرده لهذا الاختيار الجميل .. وكل الاعوام وانتم بخير وتصوموا وتفطروا علي خير .. اهلا بيك مدنيه نورتينا وشرفت الكرسي البارد ده بس حلو مر .. تحياتي ليك عرفيني علي روحك وقربينا منك ... دمت ابدا

كل لحظة وانتي بخير وانتي الخير في كل عام يا احلي اميمة في ود مدني وعلي فكرة كان نفسي جدا اتعرف عليك والله وانا الان في قمة سعادتي بمرورك علي فشكرا ليك كتييير كتيير

الحلو مر دا ياختي ما نجيب سيرته عشان نراعي مشاعره وكدا ;)

جيبوا اي عصير تاني وانا الحمد لله سكري وماعندي يعني بشرب اي حاجة :D

اسالي اختي ما بدا لكي وانا علي امرك اطيع

:D
مدنيّة
24-09-2006, 12:24 AM
هلا بالاخت النشطه جدا مدنيه رمضان كريم .. وشايف الناس منتظرين.. البطاقه الشخصيه ... يالله الجميع فى الانتظار..سيبى الجرسه...ورمضان جاى فى جو جميل وخاصه لسكان ودمدنى...مش كده يالله بسرعه يامدنيه....


هلا وغلا فيك اخووووووووي نزار

بركة في الشوفة باقي اخدت ليك غيبة كدا وحصلت اخونا ابراهيم

والله تعرف يانزار ياخوي احلي الشهور بالنسبة لي انا رمضان ونهائي ما بتجرس يعني ما تقولوا دا كلام ساااااااااي

بقوله لكن بالجد والله جرسة دي ماعندي اصلا انا واهم ميزة بتميزني اني انا صبورة جدا في حياتي والحمد لله :D

حليل مدني وحليل ناسها وحليل السكن فيها انا طبعا مدني دي من العيد للعيد :(


:D
مدنيّة
24-09-2006, 12:31 AM
مشاققه....
يافرده ...ياجرسه أظن رمضان جهجهك وبديت تلخبت...
مدنيّه ليست هي أم أحمد...سلوي أم أحمد ...مدنيّه مستقبلاّ أم أحمد وحالياّ عندها أمورتين حلوات ولاّ أنا غلطان....

ود الماحي

والله يا ود الماحي معليش ورمضان كريم

عليك الله من اللخبطة استلمت ليك الكرسي الساخن

الله يستر باقي رمضان ما نقول نستلم كوفي شوب أبوعلا ولا أهم الموضاعات الثقافية بتاعت أميمة


مدنية... الحكاية شنو

الجماعة جايين وقت الفطور ... لا لقوا لا مدنية لا فطورها

أسوكم أفطرم في دكان ود الصول ولا فطورك جهز ؟

انا طبعا يافردة حسيت انه رمضان خلا جرسك لما لقيتك كاتبي ام احمد :p

والله لكم العتبي حتي ترضوا لاني من سوء حظي ما دخلت نت بالمساء عارفين موضوع رمضان والشغلة الفيه الكتيرة وكدا :D

المنتدي كله افطره ماعندكم اي مشكلة ودكان واحد ما يفتح جنبينا عشان ما يشيل الاجر مننا يلا ابقوا لجوة اطلبوا وادللوا :p

:D
مدنيّة
24-09-2006, 12:40 AM
مراحب يا اجمل مدنية في المنتدى
منورانا ورمضان كريم عليك

شنو الحكاية يا مدنية

ما تقولي لي لسة مع المطبخ من امبارح :eek:

والبنيات ديل خلاهم ساي ما تدحشيهم معاك في المطبخ ده
لانهم كان ما دخلو من اسه ما بينفع بعدين في الوقت الضايع :D

مستنين طلتك :) البهية

تسلمي كتير كتيير ياسوارنا علي ذوقك ورقتك

والله سوارنا تعرفي انا مابعرف اشتغل في المطبخ ومعاي البنات بقفل الباب واخليهم هم في الغرفة مع التلفزيون

مرة بناتي جوني جوة المطبخ وقفلوا الباب قلت ليهم يعني انا بقفله منكم انتو قافلنه لشنوووووووووو ؟؟

تسلمي ياعسل وفي انتظارك دوما

:D
مدنيّة
24-09-2006, 12:43 AM
يا اخوانا ماما مدنيــّــه
ما ظهرت لغاية الآن

خلاص انا ماشي اذاعة مانجو اسوّي ليها اعلان
وبرضو اخت اسمها في الجريدة ,,

تكون هربت من الكرسي ده؟؟!!

**********

هههههههههههه

الله يديك العافية اخوووووي

بالجد والله ماكنت عارفة موضوع الكرسي دا عشان كدا ما دخلت فلكم العتبي جميعا

:D
مدنيّة
24-09-2006, 12:48 AM
رمضان كريم أختي مدنية و كل عام و انتي بألف خير

حبينا نمر على العنقريب إحتمال الواحد يكون نسي حاجة و قلنا بالمرة نسلم عليك يا رائعة

بجيك بعد الإفطار

الروعة مستمدة من وجودي معاكم يا اروع ناس

وبعدين شنو ياخوووووووي ابوعُلاء ما قلنا كرسي جلوس ياااااااااااااااااخ :p


تسلم اخووووووي من كل شر الله يديك العافية

في انتظار الطلة في اي وقت

:D
مدنيّة
24-09-2006, 01:08 AM
ده شنو يا ماما مدنيـــّـــة
انت قلت حاجه لكن ؟؟

دي بطاقة النادي ما البطاقه الشخصيه


غايتو انت يالمميز اخووووي قاعد لي علي الوحدة :D

الله يديك العافية
تعالي النوريك البطاقه الشخصيه كيف :-[/CENTER]1/


1/الأســــــم

اسمــــــــــــــــاء - زي ماقال المسطول مافي اسم محدد :D - بالجد اسمي اسماء
2/ العمـــــر

المميز اخوي شكلك بتهظر اكيد ماجادي :mad:

3/الوظيفه وتاريخ التوظيف

الوظيفة دي لو قلتها خايفة اترفد من المنتدي عشان كدا خليها تاريخ التوظيف 2000

4/ اسرتك و ترتيبك فيها

الحمد لله نشات في اسرة اتعلمت مها الكتير واستفدت منها اكتر بتوجيهاتهم لي ورعايتهم وحبي اللامحدود لابناءهم في ظل وجود اب يعشق ابناءه ربنا يرحمه ويسكنه فسيح جناته توفي وقد كنت في امس الحوجة لرعايته وحنانه كفاية كدا عشان خلا الدموع بقت قريبة

دي مبدئيــا كده الباقي في السكـّــه.. :p


سكة شنو يالمميز ؟؟ :eek: ماقلنا الناس تكون حنينة في رمضان :rolleyes:

بقو عليك اتنين ;)
رمضــان والبرش الناشف :D

يااااااااااخ قلنا كرسي جلوس ياااااااااااخ :p



:D
معتز حمدتو
24-09-2006, 01:18 AM
رمضان مبارك ياام البنات والسنه القادمه معاهم اخوهم
والله انا ماشايف الكرسي مسخن لحدي الان والناس ده كلها شكلها منتظره تعطيهم الضؤ الاخضر عشان انزلوا عليك ذي المطر بعدين محل الرئيس بنوم ده ما محدده لانُ الرئيس عندُ زوجتين وحدي من مدني ( حلة حسن ) والاخري من ( حوش ود بانقا ) . يعني احتمال ما يكون بنوم في الخرطوم فحددي ، بعدين اظهر وبان عليك الامان لاني عاوز احجز وحدي من بناتك مع وحدي من بنات نزار .
اديك الف عافية ولتميزك الراقي في طرحك للمواضيع التي تتناولينها واسلوب حوارك الرائع وردودك الشافيه رغم انها لم تكن شافيه في الكرسي .
لك الود مدنية ورمضان مبارك عليك وعلي اسرتك وعلي الامه الاسلامية قاطبة .
عوض صقير
24-09-2006, 01:32 AM
ألف مرحب بالأستاذة مدنية

أولا نحييك ونقول ليك رمضان كريم وكل سنة وأنت طيبة

ثانيا آسف جدا لتأخيرى فى الترحيب بسعادتكم لظروف خارجة عن الأرادة والله

ثالثا نكرر الترحيب بيك فى الكرسى الساخن
مدنيّة
24-09-2006, 02:09 AM
رمضان مبارك ياام البنات والسنه القادمه معاهم اخوهم
والله انا ماشايف الكرسي مسخن لحدي الان والناس ده كلها شكلها منتظره تعطيهم الضؤ الاخضر عشان انزلوا عليك ذي المطر بعدين محل الرئيس بنوم ده ما محدده لانُ الرئيس عندُ زوجتين وحدي من مدني ( حلة حسن ) والاخري من ( حوش ود بانقا ) . يعني احتمال ما يكون بنوم في الخرطوم فحددي ، بعدين اظهر وبان عليك الامان لاني عاوز احجز وحدي من بناتك مع وحدي من بنات نزار .
اديك الف عافية ولتميزك الراقي في طرحك للمواضيع التي تتناولينها واسلوب حوارك الرائع وردودك الشافيه رغم انها لم تكن شافيه في الكرسي .
لك الود مدنية ورمضان مبارك عليك وعلي اسرتك وعلي الامه الاسلامية قاطبة .


والله يامعتز ما تتخيل قعدت اضحك كيف والمدير جاء داخل لقاني بضحك ماعرفت اعمل شنو غايتو شكلي كدا ح اترفد مع كرسي الجلوس دا ;)

انا ساكنة في الخرطوم الجريف غرب اهاااا كدا حددت ولا اقول رقم المنزل ;)

بعدين مالك علي عايز الكرسي دا يسخن والدنيا رمضان ؟؟؟ خليك زول طيبان كدا وماتبقي من الاعداء ;)

بالنسبة للبنات كدا خلا انا اطمنت عليهم واحدة ليك والتانية لولد سلوي اها ياخوانا بتجوا علينا متين عشان نتمم الموضوع دا بسرعة :p

الروعة مستمدة من وجودي معاكم اخووووووووي

تسلم يارب ويديك الصحة والعافية

:D
مدنيّة
24-09-2006, 02:21 AM
ألف مرحب بالأستاذة مدنية

أولا نحييك ونقول ليك رمضان كريم وكل سنة وأنت طيبة

ثانيا آسف جدا لتأخيرى فى الترحيب بسعادتكم لظروف خارجة عن الأرادة والله

ثالثا نكرر الترحيب بيك فى الكرسى الساخن


هلا وغلا فيك استاذ عوض

ولا يهمك علي التاخير - طبعا مايفوتك اختك جات متاخرة برضو :p

وانا بكرر شكري وتقديري ليك

:D
عوض صقير
24-09-2006, 02:40 AM
طيب يامدنية بمناسبة الكرسى الساخن ورمضان

أول سنة صمت فيها رمضان كان عمرك كم ؟
مدنيّة
24-09-2006, 02:42 AM
شنو ياخوانا من امبارح شابكني مدنية وينك مدنية وينك ؟؟؟ :confused:

اها انا جيت انتو مشيتوا ؟؟ :eek:

ولا زي مابقولوا نجيكم تكوركوا نكورك ليكم ماتجو :p

ولا ياربي يكون كدا خلا الكرسي الساخن انتهي ؟؟ :confused:

غايتو لو بقي كدا يبقي بالجد كرسي جلوس مريح راحة في الدنيا دي :D
عوض صقير
24-09-2006, 03:20 AM
كدى أول حاجة يامدنية جاوبى على السؤال الفوق ليك ده
ابوالنور
24-09-2006, 08:59 AM
اولا رمضان كريم وتصومي وتفطري علي خير انشاءالله يارب
ياريت تورينا سر احتكارك اسم مدني الجميله ؟؟؟؟؟
hamad2
24-09-2006, 09:00 AM
مدنيه علاقتك بي مدني ومن ولومن مدني من ياتو حي
واجمل حاجه لاقتك في مدني
وسر التسميه (مدنيه)
واديك الف عافيه
ابوالنور
24-09-2006, 09:15 AM
ليه نحنا ما محسوبين من المنتدي ولا شنو ما بردو لينا ولا نجي الخرطوم عشان نسمع رد؟؟ اظهر انو الكرسي دا حاسخنو
لانو الساخن في رمضان كويس مع المعده
ابوالنور
24-09-2006, 09:32 AM
وبعدين حكاية الفيل دي شنو ؟؟
sambaaa
24-09-2006, 02:08 PM
الأخت العزيزة / مدنية
الأخوان الأعزاء

رمضان كريم يا شباب
انا جيت زائر ساااااااااكت الليلة ... عشان استمتع بالقراءة الرمضانية الحلوة دي
اها .. بكرة بعد فنجان القهوة بقعد ليكم بمزااااااااج رايق شديد
نور العيون
24-09-2006, 09:58 PM
حباب مدنيهأختي و حبيبتي و ان شاء الله يكون كرسي مرطب بيك في رمضان ..
و الله جيت ارحب بيك و لي رجعه تانيه معاكي ....
و الشعر د مهداه ليكي يا حبيبتي ....









http://song1.bmx5.com/sh3r/25nzar/25nz12.ram
امل حياتى
25-09-2006, 12:06 AM
رمضان كريم يا مدنية وبعدين المميز ده لاعب ليك باك مالوا قول ليه الدنيا رمضان والجو حار والعطش حاصل وبراحة عليا

هل بتعرفى عواسة عصيدة + كسرة ولا مرت كمبيوتر سسسسسسسسسسسسسسسسساى
مدنيّة
25-09-2006, 01:52 AM
طيب يامدنية بمناسبة الكرسى الساخن ورمضان

أول سنة صمت فيها رمضان كان عمرك كم ؟


والله يا استاذ عوض جيتني جية :cool:

الصراحة ما متذكرة بس الحاجة الكويسة في السودان اننا بنعلم الاطفال الصيام من بدري جدا يعني من سبعة سنوات

تلقي الاسرة حريصة علي ان تعود ابنها علي الصيام ولو علي فترات - دا طبعا مابعني اني بديت اصوم وانا عمري

سبعة سنوات :D
مدنيّة
25-09-2006, 01:54 AM
كدى أول حاجة يامدنية جاوبى على السؤال الفوق ليك ده


والله يا استاذ عوض مع انه نظري ستة ÷ ستة لكن ماشفت السؤال لكي العتبي حتي ترضي :cool:

:D
مدنيّة
25-09-2006, 01:56 AM
اولا رمضان كريم وتصومي وتفطري علي خير انشاءالله يارب
ياريت تورينا سر احتكارك اسم مدني الجميله ؟؟؟؟؟


والبحبه كله كريم :D

وانت يارب كمان تصوم وتفطر علي خير ومل اسرتك

والله هو مش احتكار هو عشق لمدني وجمالها وحنيتها وطيبة اهلها :D

:D
التيمان
25-09-2006, 01:59 AM
نحنا ناس سلام ساكت


ورمضان كريم


وربنا يعينك
مدنيّة
25-09-2006, 02:12 AM
مدنيه علاقتك بي مدني ومن ولومن مدني من ياتو حي
واجمل حاجه لاقتك في مدني
وسر التسميه (مدنيه)
واديك الف عافيه

هلا وغلا فيك حمدتو

علاقتي بمدني علاقة البت بامها بما تحمل هذه العلاقة من معان

اجمل حاجة في مدني هي مدني زاتها :D

بطيبة اهلها بسماحتهم بحنيتهم بلطفهم برقتهم بشهامتهم برجولتهم

سر التسمية هو عشقي لمدني

:D
مدنيّة
25-09-2006, 02:16 AM
ليه نحنا ما محسوبين من المنتدي ولا شنو ما بردو لينا ولا نجي الخرطوم عشان نسمع رد؟؟ اظهر انو الكرسي دا حاسخنو
لانو الساخن في رمضان كويس مع المعده


هلا وغلا فيك اخووووووي ابو النور

لك العتبي اخووووووي حتي ترضي وفعلا بعتذر عن تاخري لظرف خارج والله عن يدي ويادوب الدخلة للمكتب ولسة

مافتحت اي حاجة من اوراق المكتب وقلت لازم اصلكم وارد ليكم انتو اهلي وناسي يا ابو النور وماتزعل من تاخري

عليكم ولك العتبي حتي ترضي

وبعدين شنو حكاية الكرسي الساخن دي قلت ياخوانا كرسي جلوس فااااااااااااااخر :p

اهلا بيك ابو النور واسال ما بدا لك وانا تحت الامر

:D
مدنيّة
25-09-2006, 02:19 AM
وبعدين حكاية الفيل دي شنو ؟؟


شنو يا ابو النور ياخوي

يعني بعد نسينا جيت تذكرنا تااااااااااااااااني :mad:

الفيل دا عشان جزيرة الفيل وطبعا قبل يومين هزمت المريخ اتنين وانا مريخابية عرفت حكاية الفيل شنووووو !!! :D


:D
محمد حسين (المميز)
25-09-2006, 02:19 AM
ماما مدنيــّـــة
كيف مع الصيام الليله
يلا ندردش شويه كده ونتعرف على شخصيتك اكتر

**يوم تمنيتي انه لا ينتهي


**يوم سيء مرّ عليك


**صفه تتمني انك تتخلصي منها



** أكله تحبيها جدا جدا



**أجمل لون تعشقينه



**لازمه ترافقك في شخصيتك وحركاتك



**أجمل مراحل فترات حياتك


** لو صحيتي ولقيتي نفسك زي الصوره دي تعملي شنو؟؟

http://x88x.Com/uploads/9d76160ead.gif (http://x88x.Com/)

لي عوده تاني..,,


*************
مدنيّة
25-09-2006, 02:21 AM
الأخت العزيزة / مدنية
الأخوان الأعزاء

رمضان كريم يا شباب
انا جيت زائر ساااااااااكت الليلة ... عشان استمتع بالقراءة الرمضانية الحلوة دي
اها .. بكرة بعد فنجان القهوة بقعد ليكم بمزااااااااج رايق شديد



هلا وغلا فيك سامبااااا قبل القهوة وبعد القهوة

منتظرين جيتك مرة تانية

ويارب دوما مزاجك رايق وماتنسي خت في بالك انه دا كرسي جلوس فاااااااااااخر ما كرسي ساااااااااااخن :p

:D
مدنيّة
25-09-2006, 02:24 AM
حباب مدنيهأختي و حبيبتي و ان شاء الله يكون كرسي مرطب بيك في رمضان ..
و الله جيت ارحب بيك و لي رجعه تانيه معاكي ....
و الشعر د مهداه ليكي يا حبيبتي ....









http://song1.bmx5.com/sh3r/25nzar/25nz12.ram


هلا وغلا فيك يانورنا

تسلمي يالغالية كتيير كتيير علي الترحيب

ومنتظرة جيتك بفارغ الصبر انا بس خليك حنينة علي :p

وبالنسبة للشعر دا والله نفس الشعور يانورنا :D

الله يخليك يانور العيون وبالجد نور العيون انتي

الله يديك الصحة والعافية

:D
مدنيّة
25-09-2006, 02:28 AM
رمضان كريم يا مدنية وبعدين المميز ده لاعب ليك باك مالوا قول ليه الدنيا رمضان والجو حار والعطش حاصل وبراحة عليا

هل بتعرفى عواسة عصيدة + كسرة ولا مرت كمبيوتر سسسسسسسسسسسسسسسسساى


هلا وغلا فيك امل حياتي

ورمضان مبارك عليك وعلي كل اسرتك يارب

المميز دا بس قاعد لي علي الوحدة التقول في زول عينه مراقب :p

والله كلمتهم كلهم قلت ليهم دا كرسي جلوس فااااخر ما كرسي ساااخن - لكن بيني وبينك كدا لحدي الان والحمد لله

فعلا كرسي جلوس وفااااااااااااااااااااااخر كمان ;)

انت هسي في داعي للاسئلة التعسفية دي !!! :mad:

بالنسبة للعصيدة بعرف اعملها والحمد لله لكن والله الصراحة يعني الكسرة دي ماحصل اتشرفت بيها :D

واحنا ناس الخرتوم ديل اي حاجة عندنا جااااااااهزة والله لو كنا عايزين كسرة قبل ماتصل البيت في السكة وانت

ماشي بتتناولها من اقرب محل وكان الله يحب المحسنين :p

:D
مدنيّة
25-09-2006, 02:31 AM
نحنا ناس سلام ساكت


ورمضان كريم


وربنا يعينك


وعليكم السلام ورحمة الله تعالي وبركاته

والبحبه كله كريم :D

الله يعين الجميع

لكن مالكم يالتيمان ناس سلام ساااااااااكت !!! :confused:

ولا بس بتعرفوا للسجن !! :p

اهلا بيكم وشكرا ليكم علي تشريفكم وسلامكم

:D
مدنيّة
25-09-2006, 02:39 AM
ماما مدنيــّـــة
كيف مع الصيام الليله

والله يالمميز اخوي الليلة اول مرة اعرف انه رمضان حاااااااااااااااااار ومسخن ربك يتقبل بس

يلا ندردش شويه كده ونتعرف على شخصيتك اكتر

يلا

**يوم تمنيتي انه لا ينتهي


يوم 27 رمضان


**يوم سيء مرّ عليك


يوم وفاة ابي

**صفه تتمني انك تتخلصي منها

الطيبة الشديدة

** أكله تحبيها جدا جدا

الصراحة الاكل دا ماعندي بيه علاقة شديدة وكل الاكلات عندي تتساوي

**أجمل لون تعشقينه

الابيض


**أجمل مراحل فترات حياتك

فترة الطفولة لانها خالية من اي هموم والانسان بعيشها لحظة بلحظة من غير اي هم

** لو صحيتي ولقيتي نفسك زي الصوره دي تعملي شنو؟؟

http://x88x.Com/uploads/9d76160ead.gif (http://x88x.Com/)


يعني هسي مابالغت يالمميز !!!! :eek:

غايتو الله يسامحك :p
لي عوده تاني..,,

في انتظار عودتك


:D
waheeb
25-09-2006, 05:56 AM
الاخت مدنيه اولاً رمضان كريم وكل سنه واتنم طيبين..

الأخت مدنيه تشرفنا بمعرفتك عن قرب بعد جلوسك في الكرسي الساخن الذي اصبح بردا بجلوسك عليه ...

مرورانا هنا للاستمتاع بردودك الجميله .. وان شاء الله لينا عوده لكن قبال افوت بسأل

الامومه .. واجبات الزوجيه .. العلاقات الاجتماعيه كيف توفقين بين الثلاثه؟
اخوك ابو اشرف
ابوالنور
25-09-2006, 11:18 AM
الله يديك العافيه انشاءالله وتردي لكل احبابك المستنينك يا مدنيه
Jamal Elmahi
25-09-2006, 11:46 AM
مدنيّه أتي أتاريكي في السودان وتابي ترسلي الابري...أها كيتاَ عليك الليله علا أهريك سعالات...
أتي ياختي لغاية هسه تلفي وتدوري وما جاوبتي علي أي سعال....شابكانا هلا وغلا...سلامنا في السودان بعد العولمه بقي كدا؟؟ ولاّ الكلام دا جبتيهو من وين؟
سعالي أتي الحيكومه بتبقي ليك شنو؟ مابراك قلتي أتي والحيكومه زيتكم في بيتكم ...السياسه يابت أمي تطير ...كدي خلينا في الابري بترسليهو ولاّ أبل لي طرقة كسره...
أبو البنيات لوقال مدنيّه النقناقه دي علا أدبّل فيها ...بترضي بالضرّه ولاّ بتبطلي النقّه....
ماهو الحل في رأيك للبنات البايركس؟ وماهو العمر البتعتبر بعدو البت بايركس...أصلي شايل هم بت أخوي سوار الياسمين...
راجل المرا في السودان لسه مازال حلو حلا وسوقو حار ولاّ أسهمو دقّت الدلجه...

أنا غايتو طوالي رمضان بطلع لي في راسي ...وبالزات لوالراس ما شارب أبري...
بجيك صاد أأأبت امي..

ود الماحي
نور العيون
25-09-2006, 10:01 PM
حبابك مدنيه حبيبتي رايك شنو لو تجي الامارات و تقضي معاي شهر زي العسل ....
مدنيّة
25-09-2006, 10:13 PM
الاخت مدنيه اولاً رمضان كريم وكل سنه واتنم طيبين..

هلا وغلا فيك اخوووي ابو اشرف وكل لحظة انت بالف خير يارب

الأخت مدنيه تشرفنا بمعرفتك عن قرب بعد جلوسك في الكرسي الساخن الذي اصبح بردا بجلوسك عليه ...

الشرف لي انا اخوي اني استقطعت جزء من وقتكم عشان تجوني في كرسي الجلوس الفاخر دا :p

مرورانا هنا للاستمتاع بردودك الجميله .. وان شاء الله لينا عوده لكن قبال افوت بسأل

الاستماع لي انا بجلوسي وسطكم اخواني والاستفادة منكم ومحاولة تقديم ما يمكن ان يفيدكم


الامومه .. واجبات الزوجيه .. العلاقات الاجتماعيه كيف توفقين بين الثلاثه؟

والله في زمنا دا يا ابواشرف التوفيق بين الاشئاء الثلاثة دي صعب جدا يعني الواحد الا يكون عنده عصا موسي

عشان يقدر يوفق بينهم وكمان تزيد عليهم العمل بالجد المعادلة بتبقي صعبة جدا وبالتاكيد في واحد من الاربعة دي

بغطي علي الباقين بس الواحد بيحاول جهده لمحاولة التوفيق بيهم وربنا كريم


:D
مدنيّة
25-09-2006, 10:16 PM
الله يديك العافيه انشاءالله وتردي لكل احبابك المستنينك يا مدنيه

الله يخليك اخوووووووووي ابو النور

ومن حسن حظي وجودي معاكم هنا :D
مدنيّة
25-09-2006, 10:48 PM
مدنيّه أتي أتاريكي في السودان وتابي ترسلي الابري...أها كيتاَ عليك الليله علا أهريك سعالات...

وحاة الله الابري يا ود امي لو كنت عارفة ليك عنوان كان رسلت ليك

الابري ولا يهمك اسال ما بدا لك ;)

أتي ياختي لغاية هسه تلفي وتدوري وما جاوبتي علي أي سعال....شابكانا هلا وغلا...سلامنا في السودان بعد

العولمه بقي كدا؟؟ ولاّ الكلام دا جبتيهو من وين؟

هلا وغلا دي ياود امي قلت اكلمكم بلغتكم اللي بتعرفوها عشان

كلكم مغتربين :D واصلا كلهم ياو ود الماحي بجوا

يسلموا ويقولوا ح يرجعوا بس واحد فيهم رجع مافي :D

غايتو مافي زول سال غير المميز اخوي :D

سعالي أتي الحيكومه بتبقي ليك شنو؟ مابراك قلتي أتي والحيكومه زيتكم في بيتكم ...السياسه يابت أمي تطير ...

ود امي حكومة شنو !!!! :eek: ماعندي بيها اي صلة غير صلة

المواطن بحكومته :p

السياسة لو خلينها ود امي هي ما بتخلينا

كدي خلينا في الابري بترسليهو ولاّ أبل لي طرقة كسره...

ولا يهمك ود الماحي اخوووووووي وقدام الناس دي انت رسلت

عنوانك وانا برسل ليك الابري اها قصرت معك ود امي ;)

أبو البنيات لوقال مدنيّه النقناقه دي علا أدبّل فيها ...بترضي بالضرّه ولاّ بتبطلي النقّه....

والله ياود امي الضرة دي امهاتنا - امهات المؤمنين رضي الله عنهن -

ما رضن ولا اتقبلنها بصدر رحب اها عادي عايزنا احنا الهاملات ديل نقبلها !!!!! :confused:


ماهو الحل في رأيك للبنات البايركس؟ وماهو العمر البتعتبر بعدو البت بايركس...أصلي شايل هم بت أخوي سوار

الياسمين...

غايو البنات البايركس ديل يشيلن الصبر

ساااااااااااااااااااااااااااااااااااااااااااي وما يعملن لينا زحمة سمعتي يابت ياسواااااااااااااااار :mad:

راجل المرا في السودان لسه مازال حلو حلا وسوقو حار ولاّ أسهمو دقّت الدلجه...


بالجد كلامي دا ياود الماحي فعلا صدق حمادة بت انه راجل المرا حلو

حلا لانه واقع الحال بقول كدا انا خلال شهرين

بعرف رجال متزوجين اتزوجوا علي زوجاتهم بنات لم يسبق لهن الزواج من قبل وفعلا بقت حاجة تدعو للتفكير

لماذ؟؟؟؟ تقبل البت براجل المرا !!!! خلينا نناقش الموضوع دا في بوست منفصل

أنا غايتو طوالي رمضان بطلع لي في راسي ...وبالزات لوالراس ما شارب أبري...

يكون من شراب القهوة الكتير :p

بجيك صاد أأأبت امي..

في انتظراك ود امي بس ما تبقي زي باقي الناس تقول بجي و ما

تجي ;)
مدنيّة
25-09-2006, 10:53 PM
حبابك مدنيه حبيبتي رايك شنو لو تجي الامارات و تقضي معاي شهر زي العسل ....

لو ساعة بس معك ياعسل بتبقي احلي من العسل :D

يلا انتي بس رسلي التاشيرة والتذكرة :p

لقيتني داخلة علي طمع صح ;)

يديك الف عافية يانورنا
مدنيّة
25-09-2006, 11:40 PM
الناس دي وينها !!! :eek:

شكلكم بالجد صايمين :p

المهم انا باخد لي طلعة وبجي باذن الله

العنده اي سعال يخته لما ارجع بجاوب عليه :D
اللمسة الساحرة
25-09-2006, 11:56 PM
الغالية جدا مدنية لك التحية وانت صامدة حتى الان فةق الكرسي الساخن ،،، بس الله يستر ماتقعي مع رمضان والصيام... بهنائك برمضان تصومي وتفطري على خير وعايزة اسئلك سوؤالين كدة ماحازيد وليا عودة معاكي ياعسل....
طبعا انا انقطعت من المنتدى فترة ولما جيت المنتدى لقيتك قابضة الجو فماعارفة بتعتقدي السبب شنو ؟
وماعارفة برضو كيف قادرة توفقي بين شغل رمضان وبناتك والمنتدى احنا البنشتغل مع امهاتنا بس وماعندنا بنوتات امورات زيك شايفين انو مافي زمن لي نت انتي بتلقي زمن لي دة كلو وين؟
وبرضو عاوزة اعرف الحاجة الاعجبتك في منتدى ود مدني شنو؟؟؟
وهل زوجك راضي كل الرضى عن قاعدك في النت ؟؟؟
ارجو انو اكون ماتقلت دمي عليك ,,, وراجعة ليكي تاني....


مع تحياتي:
اللمســـــــــــــــــــــــــــــــــــــــــــــ ـــــــــــــــــة الساحرة
مدنيّة
26-09-2006, 01:00 AM
الغالية جدا مدنية لك التحية وانت صامدة حتى الان فةق الكرسي الساخن ،،، بس الله يستر ماتقعي مع رمضان والصيام... بهنائك برمضان تصومي وتفطري على خير وعايزة اسئلك سوؤالين كدة ماحازيد وليا عودة معاكي ياعسل....

هلا وغلا فيك اللمسة الساحرة وانتي فعلا لمسة وساحرة كمان ;)

ورمضان مبارك وكل لحظة وانتي طيبة وكل الاسرة يارب واسالي ما بدا لكي وادللي ياعسل وانا تحت الامر والطوع





طبعا انا انقطعت من المنتدى فترة ولما جيت المنتدى لقيتك قابضة الجو فماعارفة بتعتقدي السبب شنو ؟

بقولوا بلدا ما فيها التمساح بقدل فيها الورل :p انا لقيتكم مافي

قلت احاول ابقي زيكم كان اقدر واحاول اضع لي لمسة في المنتدي بس برضو ماقدرت ولما رجعتي انتي ياداب كدا

اللمسة ظهرت في المنتدي :D





وماعارفة برضو كيف قادرة توفقي بين شغل رمضان وبناتك والمنتدى احنا البنشتغل مع امهاتنا بس وماعندنا بنوتات امورات زيك شايفين انو مافي زمن لي نت انتي بتلقي زمن لي دة كلو وين؟

شغل رمضان احنا الحمد لله ماعندنا ضيوف كتار بحكم اننا في

الخرطوم لانها البلد دي صعبة خلا والناس ممكن تكون جيران بس ما في زول جايب خبر زول يعني ما زي مدني كلها

ضيوف ودا داخل ودا مارق لذلك شغله ما كتير اما بالنسبة للمنتدي انا بدخل الصباح من المكتب شوية شغل وشوية

منتدي بس الكلام بينا ما يصل لمديري ;) البنات بعد ارجع من البيت هم بكونوا رجعوا من الروضة وكل الوقت ليهم

لغاية لما انومهم :D





وبرضو عاوزة اعرف الحاجة الاعجبتك في منتدى ود مدني شنو؟؟؟

منتدي ود مدني بالنسبة لي متنفسح بحس من خلاله اني مع اهلي

وناسي وزي ما المغتربين بدخلوا لانهم حاسين بغربة انا كمان حاسة بغربة لاني بعيدة من مدني الحنينة




وهل زوجك راضي كل الرضى عن قاعدك في النت ؟؟؟

عادي جدا وهو زاتو لو لقي ليه وقت بدخل بس لانه مشغول جدا وما

بلقي زمن ولما يلقي زمن بفضل انه يقضيه مع بناته :p



ارجو انو اكون ماتقلت دمي عليك ,,, وراجعة ليكي تاني....


انتي اسعدتيني جدا بمرورك علي وكنت في قمة السعادة وانا

بحاورك ويارب انا اكون اوفيت في استفساراتك ولو في اي سؤال او استفسار انا حاااااضرة لو بقيت حية ومنتظرة

رجعتك بكل شوق



:D
مدنيّة
26-09-2006, 02:30 AM
اها يا اخوانا

قعدت وقعدت وقعدت وقعدت انتظرتكم مافي زولا جاني :(

يلا بالاذن وبجيكم تاني لو بقيت حية

العنده سعال يخته لما اجي برد عليه باذن الواحد الاحد

:D
bakri
26-09-2006, 09:03 AM
مدنيه رمضان كريم

قلت اسلم عليك اول

واجيك راجع
ابوالنور
26-09-2006, 09:10 AM
أفضل لي أن اعود للمريخ بالمجان من أن اخذل الوالي

فجر نجم المريخ علاء الدين يوسف مفاجأة من العيار الثقيل في حوار مطول اجرته معه الصدى في الساعات الاولى من صباح اليوم بمطار الخرطوم لحظة تواجده مع بعثة منتخبنا الوطني المغادرة الى ليبيا وابان علاء الدين يوسف انه لم ولن يجلس مع الهلال مشيراً الى ان أي مفاوضات يقوم بها الهلال مع اسرته لا علاقة له بها وأنه صاحب الكلمة الاولى والاخيرة في تحديد النادي الذي يلعب له مؤكداً انه باق بالمريخ ولن يتركه الا اذا تلقى ما يفيد من نادي المريخ بعدم الرغبة في خدماته.. واضاف: لن اجلس مع الهلال لمجرد التفاوض مهما كانت المغريات ولن اخون الوالي ولن اخذله لانني اثق فيه وقد منحته وعداً قاطعاً باعادة تسجيلي للمريخ وسأظل على هذا العهد مهما كان حجم العرض المقدم من الهلال وتابع قائلاً: أحب ان اطمئن جماهير المريخ ان عودتي للقلعة الحمراء مسألة وقت ليس الا وكل ما تردد عن جلوسي مع الهلال او دخولي في مفاوضات معه اشاعات الغرض منها خلق فجوة بيني والجماهير مؤكداً انه يثق كل الثقة في ان رئيس المريخ جمال الوالي سيقيمه التقييم الذي يتناسب مع ما قدمه للمريخ.. وكشف علاء عن اصابته بالملاريا ظهر اليوم ولكنه رغم ذلك أصر على السفر مع المنتخب الى ليبيا حتى لا يتخلف عن اداء ضريبة الوطن..

نص الحوار غداً
نور العيون
26-09-2006, 09:42 AM
و الله يا مدنيه حبيبتي الله يعينك و انت لغايه حسي صامده و انتي ما شاء الله عليكي و الله يديكي العافيه و سلمي على بناتك العسل
Jamal Elmahi
26-09-2006, 11:01 AM
أها يابت أمي جيتك صاد....بالله العالم ديل التقول شربوا ليهم جردقه بعد الفطور ...مشوا وين ياربي؟
س سعال...ياتو في نظرك الاولي التخرّج أم التخارج...يعني أخير البت تابي العرس وتقول دايره أواصل تعليمي وبعد داك تبور بورة عدوك ...ولاّ أحسن تعرّس والقرايه ملحوقه ..؟؟

سعال برئ...ماهي نصايحك للبنات لاصطياد العرسان...تسبيل العيون...تتمسكن لامن تتمكن...تتلحلح...تقلب هوبه...تعمل فيها تقيله...تتكوزن...تتبلور....تتمحور...تتخشلع...تتشيط ن...أم هناك مأرب أخري....
ماهي الطريقه التي أتبعتيها لاصطياد ابو البنات...؟ الدنيا رمضان والكضب حرام والقبله لي قدام....

أها مابجيك صاد عشان ما تقاشريني...يبقن علي أتنين عدم أبري وكمان مقاشره....

جمال الماحي
نزار حسن محمد
26-09-2006, 07:01 PM
الاخت مدنيه .. معليش طولت الغيبه غصبن عنى كل من انفلونزا الطيور جابته لينا نور العيون ..هههه هى بتوريك..
مدنيه ياريت كل الاعضاء فى نشاطك .. ومانسحرك ..
سؤال على خفيف....نسيبتك لو قالت ليك لو ماجبتى لى ولدى الولد بعرس ليه تعملى شنوا...
مدنيّة
26-09-2006, 09:53 PM
الاخت مدنية مرحب بيك فى الكرسى الساخن ولكم اتمنين يكون فىالسجن معانا عشان تونسينا بس دى حال الدنيا .

النقبل عليك .


ماهو سبب دخولك للمنتدى والمواظبة عليه والاشياء الجذبتك ليه شنو
وماقصدك معاى مخليانى لى هسه فى السجن حرام عليك الشمس ظلطت راسنا


اولا تقبل اعتذار خطاب اخوووووووووووي لاني والله ما شفت كلامك ولما شفته زعلت من نفسي جدا عشان نظري بقي ضعيف :(

بعدين الله يسالك يعني معقولة بس يكون سجن وكرسي سااااااخن !!! :eek:

بالنسبة للمنتدي زي ماقلت انه بحسسني اني فعلا في مدني بكل ما تحمل مدني من معان ;)

لو بايدي السجن دا نكتبه ليك باسمك ياخطاااااب اها عاد رايك شنووووووو :p

يديك العافية اخووووووي وتقبل اعتذراي مرة تانية

:D
مدنيّة
26-09-2006, 09:56 PM
مدوووووووووووووووووووووووووووووووووووووووون
حبابك الف يا عسول
ووالله الليلة نور ما عادي في الكرسي
وفعلا اتحفتينا كتير ومنتظرين التحفة الكبرى وهي طلتك الغالية
عموما هلا وغلا بيك
وبعدين انتي ما عارفة قيمة العندك انتي عندك جواهر
وبعدبن انا في ممكن نتبادل
يلا معاك نحن ووشدي حيلك


سلوي ياغالية

تقبلي اسفي انتي كمان والله ماشفت كلامك انتي وخطاب اخوي فلكم العتبي حتي ترضو - اها رضيتوا ولا لسة !! :confused:

دا نورك انتي ياعسل منتدي مدني

تسلم ياربي وكمان ربنا يخلي ليك اولادك ويحفظهم ليك طوالي نتبادل انا خلا قفلت علي الولد الكبير عشان ما بنقدر

ننتظر الصغار ديل لغاية لما يكبروا عايزين الجاهز الجاهز احنا :p

تقبلي اعتذاري للمرة التانية

:D
مدنيّة
26-09-2006, 10:04 PM
مدنيه رمضان كريم

قلت اسلم عليك اول

واجيك راجع


الله اكرم

الله يسلمك من كل شر اخووووووووووي

منتظرين جيتك في اي وقت اهلا بيك

:D
مدنيّة
26-09-2006, 10:07 PM
أفضل لي أن اعود للمريخ بالمجان من أن اخذل الوالي

فجر نجم المريخ علاء الدين يوسف مفاجأة من العيار الثقيل في حوار مطول اجرته معه الصدى في الساعات الاولى من صباح اليوم بمطار الخرطوم لحظة تواجده مع بعثة منتخبنا الوطني المغادرة الى ليبيا وابان علاء الدين يوسف انه لم ولن يجلس مع الهلال مشيراً الى ان أي مفاوضات يقوم بها الهلال مع اسرته لا علاقة له بها وأنه صاحب الكلمة الاولى والاخيرة في تحديد النادي الذي يلعب له مؤكداً انه باق بالمريخ ولن يتركه الا اذا تلقى ما يفيد من نادي المريخ بعدم الرغبة في خدماته.. واضاف: لن اجلس مع الهلال لمجرد التفاوض مهما كانت المغريات ولن اخون الوالي ولن اخذله لانني اثق فيه وقد منحته وعداً قاطعاً باعادة تسجيلي للمريخ وسأظل على هذا العهد مهما كان حجم العرض المقدم من الهلال وتابع قائلاً: أحب ان اطمئن جماهير المريخ ان عودتي للقلعة الحمراء مسألة وقت ليس الا وكل ما تردد عن جلوسي مع الهلال او دخولي في مفاوضات معه اشاعات الغرض منها خلق فجوة بيني والجماهير مؤكداً انه يثق كل الثقة في ان رئيس المريخ جمال الوالي سيقيمه التقييم الذي يتناسب مع ما قدمه للمريخ.. وكشف علاء عن اصابته بالملاريا ظهر اليوم ولكنه رغم ذلك أصر على السفر مع المنتخب الى ليبيا حتى لا يتخلف عن اداء ضريبة الوطن..

نص الحوار غداً


يديك العافية ابو النور اخووووووووووووووي

شفت الواحد لما يعشق المريخ بتهون امامه اي حاجة تانية ;)

شكرا ليك كتيييير كتيييير

:D
مدنيّة
26-09-2006, 10:09 PM
و الله يا مدنيه حبيبتي الله يعينك و انت لغايه حسي صامده و انتي ما شاء الله عليكي و الله يديكي العافيه و سلمي على بناتك العسل

الله يسلمك من كل شر يا روح المنتدي

بستمد قوتي من وجودك بقربي يانورنا عشان كدا خليك قريبة لي طوالي ;)

البنات بسلموا عليكي هم كمان

:D
مدنيّة
26-09-2006, 10:23 PM
أها يابت أمي جيتك صاد....بالله العالم ديل التقول شربوا ليهم جردقه بعد الفطور ...مشوا وين ياربي؟

اهلا بيك ود امي تمام انك اوفيت بوعدك بالرجعة ;)

واتخيل يا ود امي كل يوم هم شكلهم شاربين الجردقة دي زوووووووووول فيهم قاعد مافي حالتهم سعبة خلا :p




س سعال...ياتو في نظرك الاولي التخرّج أم التخارج...يعني أخير البت تابي العرس وتقول دايره أواصل تعليمي وبعد داك تبور بورة عدوك ...ولاّ أحسن تعرّس والقرايه ملحوقه ..؟؟



القراية زيها مافي ود امي وبعد كان بارت خليها التبور بورة بشهادة اخير من زواج من غير تعليم



سعال برئ...ماهي نصايحك للبنات لاصطياد العرسان...تسبيل العيون...تتمسكن لامن تتمكن...تتلحلح...تقلب هوبه...تعمل فيها تقيله...تتكوزن...تتبلور....تتمحور...تتخشلع...تتشيط ن...أم هناك مأرب أخري....

اتخيل يا ود الماحي في مسج متداولة هنا في السودان بتحكي عن

انه البت فعلا في الاول بتقول عايزة واحد يكون قاري في جامعة كدا ويكون في كلية كدا ويكون شكله كدا وكل

شوية بتتنازل لما في النهاية تصل لانها عايزة واحد مسلم فقط انا في قناعتي انها الوحدة لو ما لقت الحاجة

العايزاها اخير ليها بيت ابوها يلزمها من الاول احسن من انه يلزمها بعد كم سنة وتحمل لقب مطلقة ومعاها كم طفل

جاراهم وارءها


ماهي الطريقه التي أتبعتيها لاصطياد ابو البنات...؟ الدنيا رمضان والكضب حرام والقبله لي قدام....

هههههههه

تصدقني لو قلت ليك هو الصادني ما انا !!!!!!! ;)





أها مابجيك صاد عشان ما تقاشريني...يبقن علي أتنين عدم أبري وكمان مقاشره....

الصراحة راحة ود امي ومع ذلك ولا يهمك كان قلبك حدثك بسعال كدا

نسيته تعال قوله وانا تحت الامر




جمال الماحي

:D
مدنيّة
26-09-2006, 10:35 PM
نزار حسن محمد

الاخت مدنيه .. معليش طولت الغيبه غصبن عنى كل من انفلونزا الطيور جابته لينا نور العيون ..هههه هى بتوريك..

انفلونزا تيوووووووور اددديل كدا !!!! :eek: مالك علي روحك ياخوووووووي :confused: نورنا يابت الحكاية شنو

قالوا الخبر اليقين عندك انتي ;)

الف حمدا لله علي سلامتك ويارب ما تشوف شر ابدا واجر وعافية



مدنيه ياريت كل الاعضاء فى نشاطك .. ومانسحرك ..

قل هو الله احد - عشان ما تسحرني :p -

يديك العافية اخوي دي مدني ولازم نكون ليها في قمة نشاطنا


سؤال على خفيف....نسيبتك لو قالت ليك لو ماجبتى لى ولدى الولد بعرس ليه تعملى شنوا...

الله يرحمها ويغفر ليها

لكن ح ارد علي اساس السؤال في حد زاته وفهم الناس ليه

تعرف انه في زمنا دا البنات افضل من الاولاد - الا من رحم ربي -

انا غايتو بناتي عندي بالدنيا كلها وابوهم برضو ما بقبل فيهم ولا برضي بغيرهم - ما تقول اني يعني كدا بطمن في

نفسي لكن بالجد دي حقيقة - وطبعا العلم اثبت انه حتة ولد وبت دي وعشان الناس تعرف ربنا سبحانه وتعالي جعلها

من الرجل لكن ومع ذلك لو عايز ليه ولد ومقتنع تماما انه في وحدة تانية بتجيبه ليه يمشي طوااااااااااااااااااالي من

حقه ;)

:D
اللمسة الساحرة
27-09-2006, 01:00 AM
تسلمي ياغالية على اجاباتك واسلوبك الجذاب وطلعتي حناكة يابت , حلوة حكاية غاب التمساح يقدل الورل دي ...
وبرضو انتي استاذتنا واحنا جمبك ولا حاجة وبالجد انتي فاكهة المنتدى يديكي الف عافية ويعينك على الكرسي الساخن



مع تحياتي:
اختك/اللمســـــــــــــــــــــــــــــــــــــــــــــ ـــــــــــــــــــــــــــــــــــــــــــــة الساحرة
مدنيّة
27-09-2006, 10:17 PM
تسلمي ياغالية على اجاباتك واسلوبك الجذاب وطلعتي حناكة يابت , حلوة حكاية غاب التمساح يقدل الورل دي ...
وبرضو انتي استاذتنا واحنا جمبك ولا حاجة وبالجد انتي فاكهة المنتدى يديكي الف عافية ويعينك على الكرسي الساخن



مع تحياتي:
اختك/اللمســـــــــــــــــــــــــــــــــــــــــــــ ـــــــــــــــــــــــــــــــــــــــــــــة الساحرة


تسلمي يا عسل المنتدي

وعلي ف كرة دا ما حنك :p دي حقيقة

كلنا بتعلم من بعض اختي الغالية

وشكرا ليك كتييير كتييير

:D
zoolfrda
28-09-2006, 12:56 AM
<CENTER style="MARGIN: 0px"><CENTER style="MARGIN: 0px"><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 505px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=5 scrollDelay=25 direction=up width=550 bgColor=#000000 height=505><CENTER>





الأخــــــــــــوة الأعـــــــــــــــــزاااااااااء

كنا في ضيافة الاخت الغالية جداً

مدنية

كانت بكل ما تحمله كلمة الروعة

كانت في كل حروفها تؤكد حبها الكبير لنا وللمنتدى

كانت بسيطة ورقيقة وتلقائية جداً ..

نشكر لها روحها الجميلة .. واريحيتها المتفردة ..

ادامك الله لنا اختاً غالية يا مدنية ..

ودعوات خالصة لك بالتوفيق والسداد في مستقبل أيامك ..

وهنيئاً لنا بك ..:)
</CENTER>













http://www.wadmadani.com/others/cardmid/s001.mid
مدنيّة
28-09-2006, 01:09 AM
http://x88x.Com/uploads/c0f0ae4109.gif (http://x88x.Com/)

بكل اعضاء منتدي ود مدني


كنت سعيدة جدا وانا في ضيافتكم

http://x88x.Com/uploads/7eaeb71162.gif (http://x88x.Com/)

ويارب اكون كنت ضيفة خفيفة عليكم وخصوصا اننا في رمضان

http://x88x.Com/uploads/7eaeb71162.gif (http://x88x.Com/)

شكرا ليكم مرة تانية


http://x88x.Com/uploads/987ec207bb.gif (http://x88x.Com/)

اخي زول فردة علي استضافتك الكريمة

:D

كنت حابة ارفق لي اغنية بس للاسف ماعرفت :( لكن اظنها بالنية بتكون وصلت :p


http://x88x.Com/uploads/18a96acb4f.gif (http://x88x.Com/)
medo_dh
28-09-2006, 03:58 AM
اهلا بيك مدنية في احلى منتدى منتدى ودمدني واتمنى تتواصلي ديمة معانا
ابوالنور
29-09-2006, 08:46 AM
الاسبوع الاول عدي علي خير وياااااااااااااااااااااااااااااااااااااااااااااااا ااااااااااااااااااااااااااااااااااارب من التاني!!!
ابوالنور
29-09-2006, 09:08 AM
http://www.merrikhalsudan.com/modules/NukeGallery/images/10ix.jpg


حلم الجيعان عيش
مدنيّة
29-09-2006, 10:07 PM
اهلا بيك مدنية في احلى منتدى منتدى ودمدني واتمنى تتواصلي ديمة معانا


http://x88x.Com/uploads/a7c847a9c4.gif (http://x88x.Com/)

اخووووووووووي ميدو


http://x88x.Com/uploads/8ce8de67cc.gif (http://x88x.Com/)

بيك وبوجودك معانا في المنتدي

http://x88x.Com/uploads/996c4a3ace.gif (http://x88x.Com/)
مدنيّة
29-09-2006, 10:10 PM
الاسبوع الاول عدي علي خير وياااااااااااااااااااااااااااااااااااااااااااااااا ااااااااااااااااااااااااااااااااااارب من التاني!!!


http://x88x.Com/uploads/7a5b4965ad.gif (http://x88x.Com/)


ابو النور اخووووووووووي دي جرسة من رمضان يعني ولا نفهم شنووووو :eek:

يلا شد حيلك كلها ثلاثين يوم وتعدي


؟؟؟؟

http://x88x.Com/uploads/7a5b4965ad.gif (http://x88x.Com/)
مدنيّة
29-09-2006, 10:12 PM
http://www.merrikhalsudan.com/modules/NukeGallery/images/10ix.jpg

حلم الجيعان عيش


http://x88x.Com/uploads/5a69a2e903.gif (http://x88x.Com/)

دي بقي مافهمتها

http://x88x.Com/uploads/5a69a2e903.gif (http://x88x.Com/)
Madanawi
20-08-2007, 05:29 AM
يا مدنية هل جمال الماحي استلم الآبري ولا لسة ؟؟؟

لأنو مرّ رمضان وأتى آخر على طلبه للآبري

ويا ريت لو ينوبنا من الآبري نصيب
عماد عبدالشكور
22-08-2007, 12:51 AM
يا مدنية كرسيك دا والله فاتني
انشاء الله يجيبوك في رمضان الجاي دا قولي امين
عمر البشير
22-08-2007, 08:06 AM
شكيت محنك يا عماد اسي الموضوع ده جبتو من وين.
صديق بلال
22-08-2007, 08:57 AM
بمناسبة إطلالتك الرائعة يا أخت مدنية علينا...
يسرني ويطيب لي أن أنتهز هذه الفرصة الجميلة... أن أهنئك وأهنئ جميع أفراد الأسرة الكريمة بقرب إطلالة شهر الخير والبركات... شهر رمضان الكريم... أسال الله تعالى أن يعيده عليكم وعلينا وعلى أمة الإسلام باليمن والخير والبركات...
كما أسأله تعالى أن يبلغنا جميعا هذا الشهر الفضيل وأن يعيننا في طاعته وأن يعيده على الجميع باليمن والخير والبركات...
وكل عام وأنتم بخير وصحة وعافية وسعادة وهناء...
مرتضى ساتى
22-08-2007, 09:31 AM
يا مدنية كرسيك دا والله فاتني
انشاء الله يجيبوك في رمضان الجاي دا قولي امين

والله ياعماد ياخوى كلامك صاح بس لهسى انا ما عارف رمضان ياتو الفات ولا رمضان البعد شويه ده ولا السنه الجايه المهم دخلنا وشفنا ردود اختنا مدنيه وصراحه كانت دبلوماسيه سديد عندنا راي وكم سؤال ولكن بنحتفظ بيه لاي رمضان وربنا يطول عمركم ولنا لقاء
طلال الصول
22-08-2007, 09:49 AM
اختنا الغالية مدنية والله ليك وحشة
شهر مبارك عليك انشاءالله
ومنورة نور شديد
عندي ليك كم سؤال كدا حلوين اتجهز لي بس
عماد عبدالشكور
22-08-2007, 08:18 PM
الله يكتر الكراسي قولوا امين
مدنيّة
22-08-2007, 10:19 PM
يااخوانا الكرسي حق الادمن
ما تعملوا لينا مشاكل سااااااااااي

وانت ياعماد انا وصيتك علي الادمن ما علي انا

اه ياجماعة يلا علي كرسي الادمن بهناك باقي فيه تكيف ما كرسي مغترب عاد:D