ضيفنا على الكرسى الساخن ....سوار الياسمين

[نزار حسن محمد]

http://www.asmilies.com/smiliespic/FAWASEL/001.gif (http://www.asmilies.com)http://www.asmilies.com/smiliespic/FAWASEL/001.gif (http://www.asmilies.com)http://www.asmilies.com/smiliespic/FAWASEL/001.gif (http://www.asmilies.com)

<marquee scrolldelay="70" height="30" scrollamount="5" style="font-size: 14pt; font-family: Tahoma; font-weight: bold; color: #FFFFFF; text-decoration: blink" direction="right" bgcolor="#0000FF"> تفوح من كرسينا اليوم رائحة الياسمين</marquee>


تعالووووو معى نرحب بى سوار الياسمين
ضيفتنا لهذا الاسبوع ....

http://www.asmilies.com/smiliespic/FAWASEL/023.gif (http://www.asmilies.com)

البطاقه الشخصيه ..

http://www.asmilies.com/smiliespic/FAWASEL/038.gif (http://www.asmilies.com)

[محمد حسين (المميز)]

حبااااااااااااااااب ضيفتنا
بس وينها ماجات؟؟

خلاص نســوّي اعـــــلان للبحث عنها

***************

[hamad2]

نتمني لك اسعدالاوقات وانت ضيفا علي الكرسي الساخن

[abu_ola]

مرحبا سوار الياسمين في الكرسي الدافئ

نتمني أن تكون الأسئلة برداَ و سلاماً عليك

[امل حياتى]

والله اخوى نزار انت اخترت احلى شخصية ونحن منتظرنها فارق الصبر وبنقول ليها شدى حليك واربطى الحجر على بطنك

[سوار الياسمين]

مساكم خير يا ناس مدني والله انا متجرسة من ناس المنتدى عشان اسألتهم الطويلة فرجاءً الاسئلة ما تكون طويلة عشان زحمة الشغل عندي
ويلا نبدأ

الاسم هبة
العمر 22
مواليد الدوحة ومقيمة فيها الى الان
دبلوم ادارة اعمال
حاليا سنة اولى اعلام (انتساب وادي النيل )
العمل سكرتيرة بشركة منذ عامين
بنت وحيدة على 4 اولاد ( الدلوعة الحمد لله)
من مدني حي المنيرة


(تاني دايرين اكثر من كدة شنو )

[سوار الياسمين]

والله اخوى نزار انت اخترت احلى شخصية ونحن منتظرنها فارق الصبر وبنقول ليها شدى حليك واربطى الحجر على بطنك

الله يخليك يا امل حياتي وعليك الله ما تعطل شغلك عشان تنهش فيني
خليك ظريف وخفيف

[سوار الياسمين]

مرحبا سوار الياسمين في الكرسي الدافئ

نتمني أن تكون الأسئلة برداَ و سلاماً عليك


هلا ابو علا ونفس امنيتي والله

دمتى

[سوار الياسمين]

نتمني لك اسعدالاوقات وانت ضيفا علي الكرسي الساخن


اشكرك يا حمد بس ما تتقلو علي

[سوار الياسمين]

حبااااااااااااااااب ضيفتنا
بس وينها ماجات؟؟

خلاص نســوّي اعـــــلان للبحث عنها

***************


اها جيتك يا المميز لا تفتش ولا حاجة
ومستنية اسئلتك

[zoolfrda]

مرحب بيك يا هبه في العنقريب الساخن

وإن شاء الله يكون مرحب بيك

بس يا ريت يا هبه تكبري لينا حجم الخط شوية

عشان أعمامنا جمال الماحي وصالح أبو شوارب يقدروا يشاركوا معانا

ولي رجعة قوية

<center>
<EMBED SRC=http://www.geocities.com/axee13/amir2.ra VOLUME=35 WIDTH=300 HEIGHT=100 TYPE=Audio/x-pn-Realaudio-plugin EXTS=RA RAM MASTERSOUND CONTROLS=LARGECONSOLE AUTOSTART=TRUE>
</center>

[نزار حسن محمد]

ايوه ... يا سوار الياسمين مهم جدا موضوع الخط اكون واضح ... بعدين ماتخافى الكرسى حيكون لمدة اسبوع فقط واتمنى من الاخوان المشاركه باسئله قصيره .. ودمتم

[abosnoon]

ياهلا ومرحب بيك في الكرسي المستدير

[sambaaa]

الأخت العزيزة / سوارالياسمين

مرة تانية حبابك الفين وستمائة وواحد وعشرين
واتمنى ليك جلسة حلوة على الكرسي ( الحاااار جدا )

وأكيد تاني راجع ليك
شدي حيلك

[سوار الياسمين]

مرحب بيك يا هبه في العنقريب الساخن

وإن شاء الله يكون مرحب بيك

بس يا ريت يا هبه تكبري لينا حجم الخط شوية

عشان أعمامنا جمال الماحي وصالح أبو شوارب يقدروا يشاركوا معانا

ولي رجعة قوية

<center>
<EMBED SRC=http://www.geocities.com/axee13/amir2.ra VOLUME=35 WIDTH=300 HEIGHT=100 TYPE=Audio/x-pn-Realaudio-plugin EXTS=RA RAM MASTERSOUND CONTROLS=LARGECONSOLE AUTOSTART=TRUE>
</center>



هلا يا فردة ولا يهمك الخط بسويه ليكم قدر الحمار
وياااااااااااااااخوفي من قوة الرجوع بتاعتك يا ساتر يا رب

مستنياك

[Jamal Elmahi]

خفيفة الظل...همبريب المنتدي ...الدعاش ...عروستنا الاريج سوار الياسمين
الكرسي حار ...
السودان مولع نار...
قطر ليها بخار...
والمنتدي يغلي لامن فار...
ياربي القيامه قرّبت ولاّ أنا عندي أبنحّار

مشاققه..
مبروك الخطوبه ..وبخيت وسعيد وعجبني ليك ...وأنشاء الله أحضر جديدك وأشوف وليدك...
1-سعالي من هو سعيد الحظ؟
2-لما أدوك الشاكوش التالت وراسك داش أنفشيتي كيف؟
3-جبتي لي الابري ولاّ أدك رمضان؟

جمال الماحي

[محمد حسين (المميز)]

1-سعالي من هو سعيد الحظ؟
2-لما أدوك الشاكوش التالت وراسك داش أنفشيتي كيف؟


جمال الماحي


:rolleyes:

ياخوي جمــــــال
البت دي برااااااااااااها متجرّسه
كده بتعتزل طوااالي وتاني ما بتجينا
ما من البدايه الهجوم الكاسح ده..

بعدين حكاية الشاكوش التالت دي
يكون وراها التوقيع بتاعها ده ولا شنو؟؟ :p

لست أدري ..
كيف هذا الحب هان !!
وانا التي قد ذاب عمري
في غرامك وإستكان !!
:D

غايتو الله يعينك يا هبــه ((سوار الياسمين ))
جاوبي على ود الماحي على بال ما اجهـّـــز ليك
امتحان الكيمياء بتاعي ;)

***********

[عوض صقير]

الأخت سوار الياسمين ... شايف الجماعة ديل متفقين عليك .. بس أن شاء الله تكونى جاهزة للهجوم المتوقع

[سوار الياسمين]

خفيفة الظل...همبريب المنتدي ...الدعاش ...عروستنا الاريج سوار الياسمين
الكرسي حار ...
السودان مولع نار...
قطر ليها بخار...
والمنتدي يغلي لامن فار...
ياربي القيامه قرّبت ولاّ أنا عندي أبنحّار

مشاققه..
مبروك الخطوبه ..وبخيت وسعيد وعجبني ليك ...وأنشاء الله أحضر جديدك وأشوف وليدك...
1-سعالي من هو سعيد الحظ؟
2-لما أدوك الشاكوش التالت وراسك داش أنفشيتي كيف؟
3-جبتي لي الابري ولاّ أدك رمضان؟

جمال الماحي



عمي العزيز جدا ود الماحي

طبعا خلعتني :eek: بسؤالك ومين القال ليك اني اتخطبتى؟!!!!!
وبيني وبينك هو كان في مشروع وما تم الحمد لله :D
ومين القال ليك اني اخذتى شواكيش قبل كده( لا سمح الله) :mad:
(اجي اجي اجي :confused: رمضان ده كمان بدكو سجم خشمي) جبتليك كرتونة ابري ابيض واحمر هو انا اقدر انساك

[سوار الياسمين]

:rolleyes:

ياخوي جمــــــال
البت دي برااااااااااااها متجرّسه
كده بتعتزل طوااالي وتاني ما بتجينا
ما من البدايه الهجوم الكاسح ده..

بعدين حكاية الشاكوش التالت دي
يكون وراها التوقيع بتاعها ده ولا شنو؟؟ :p

لست أدري ..
كيف هذا الحب هان !!
وانا التي قد ذاب عمري
في غرامك وإستكان !!
:D

غايتو الله يعينك يا هبــه ((سوار الياسمين ))
جاوبي على ود الماحي على بال ما اجهـّـــز ليك
امتحان الكيمياء بتاعي ;)

***********


اخوي المميز كيف اصبحتى انشاء الله كويس
للمعلومية نحمد الله ما في اي شواكيش حصلت لي
وما عاش ولا كان الي يديني شاكوش
وخذ في بالك اني ادبي يعني ما متعودة على الكيمياء وبلاويها
خليك في العربي واوعى من التاريخ

مستنياك

[امل حياتى]

والله يا سوار يا عسل انا اتخيلتك متزوجة وعندك تفلين سبحان الله انت لسه وردة متفتحة وان شاء الله ربنا يديك اللى فبالك

[سوار الياسمين]

والله يا سوار يا عسل انا اتخيلتك متزوجة وعندك تفلين سبحان الله انت لسه وردة متفتحة وان شاء الله ربنا يديك اللى فبالك



امل حياتي
الوصل ليك الفكرة ده شنو :confused: ؟!!

متزوجة وبتفلين قلت لي

الا يكون انت بتشوف لقدام :D

[امل حياتى]

عفوا" اختى سوار على الغلط الاملائى بصراحة انا كنت بحضر حصة الاملاء بالشباك وكنت دائما" اجيب اعد والمشكله هى التنوين ههههههه نأسف للغلطة المطبعية وبقليك انت دمك شربات وربنا يديك الصحة والعافية

وبقلك هل فضلتى العمل على الدراسة ! ولماذا

[سوار الياسمين]

وبقلك هل فضلتى العمل على الدراسة ! ولماذا


هو مش حكاية تفضيل بس لانو الشغل جاني صدفة من طرف الوالد انه عرض علي الشغل في الشركة ولقيتها فرصة خاصة انو الراتب بيكفيني وزيادة فقلت ليه لا ما اشتغل وفيما بعد اكمل الدراسة وبيني وبينك الدراسة ملحوقة بس الشغل هو الصعب في ايامنا الحالية ده والحمد لله على ذلك

تحياتي ليك يا امل حياتي

[التيمان]

انا ما بسال بس بقول ليك ربنا يكون فى عونك

[zoolfrda]

سوار الياسمين ... دايرين الردود تكون بصراحة شديدة

صحيتي من النوم لقيتي نفسك :

في يدك ثلاثة بالونات مليانه موية .....ترميهم على منو ؟

لقيتي نفسك في السجن وحيشنقوقي بعد ساعات ... تعملي شنو ؟

دخلتي المنتدى لقيتي نفسك المشرف العام ..... أول حاجة تسويها شنو ؟

عرفتي إنو والديك ما الحقيقيين وتم تبديلك في المستشفى مع بت تانية ؟

لقيتي نفسك في طيارة وبعد دقائق حتقع ؟


آها .. يا سوار أخدي ليك كباية موية وجاوبي على أسئلة الشمارات التحت دي :

أكتر عضو تلاقيهو دايماً متصل بالمنتدى ؟؟

عضو تحسي انو خجول ؟؟

عضو ترتاحي لوجوده ؟؟

أحلى موضوع نزلتيهو في المنتدى ؟؟

أكلتك المفضلة ؟؟

أغلى هدية جاتك ؟؟

رصيدك في البنك كم ؟؟

امنية كان نفسك تتحقق وما اتحققت ؟

بتشوفي نفسك في ياتو مجموعة من ديل:

أنانية ولا مغرورة ولا ما بتتقبلي النقد ؟؟


أما الأسئلة الجادة :

هل الفتاة السودانية في قطر ...متحررة ؟؟

وما هو مفهوم التحرر بالنسة ليك ؟؟

وأتمنى إنو أسئلتي تكون خفيفة الظل عليك

ولي رجعة تانية

[مدنيّة]

غايتو يافردة بالجد اسئلتك كرسي سااااااااااااخن

سوار ياعسلنا الله يكون في عونك

[محمد حسين (المميز)]

خـــــلاص فـــرده ما خــلّ لينا
ســــــــؤال

جـــــــاوبي وربنا حيدخلك الجنه
انشاءاللــه

*************

[راشد خضر]

هلا وغلا بسوار الياسمين وآسف للتأخير ، اصلي الأيام الفاتو كنت ( ؟ ) مشغول وبدخل في الألعاب كإثبات وجود واطلع بسرعة .
عموما ود الماحي ذي ما قالوا ما خلى لينا سؤال إسئلة خاصة حكاية ( الطيارة ، الأعضاء ، والسؤالين الآخيرين )

[سوار الياسمين]

سوار الياسمين ... دايرين الردود تكون بصراحة شديدة

صحيتي من النوم لقيتي نفسك :

في يدك ثلاثة بالونات مليانه موية .....ترميهم على منو ؟

في السكرتيرة المعاي عشان مساختها
والمحامي عشان دمو الثقيل
وفيك عشان سؤال نكير ده

لقيتي نفسك في السجن وحيشنقوقي بعد ساعات ... تعملي شنو ؟
اقضي الباقي في حضن امي اشيل منها رضاها علي ودعواتها لي لاني لو قلتي اصلي ولا اقرا القران ما حفهم انا بقول في شنو

دخلتي المنتدى لقيتي نفسك المشرف العام ..... أول حاجة تسويها شنو ؟
أستقيل

عرفتي إنو والديك ما الحقيقيين وتم تبديلك في المستشفى مع بت تانية ؟

احمد الله على النعمة ده لاني ما كنت حلقى احسن من الوالدين ديل في الدنيا كلها
لقيتي نفسك في طيارة وبعد دقائق حتقع ؟
استغفر ربي

آها .. يا سوار أخدي ليك كباية موية وجاوبي على أسئلة الشمارات التحت دي :

أكتر عضو تلاقيهو دايماً متصل بالمنتدى ؟؟
عمي نزار

عضو تحسي انو خجول ؟؟
سواح

عضو ترتاحي لوجوده ؟؟

كثييييييييير

أحلى موضوع نزلتيهو في المنتدى ؟؟

حكاية تضحك الغنماية (يوم ما ابوي نساني)

أكلتك المفضلة ؟؟

مالح (البامية البايتة من يد ست الحبايب) فقر مش
حلو ( ام علي)

أغلى هدية جاتك ؟؟
سلسلة دهب

رصيدك في البنك كم ؟؟

؟؟؟؟؟ خلي الطابق مستور

امنية كان نفسك تتحقق وما اتحققت ؟

اتعلم عزف احلى الة موسيقية في حياتي البيانو وللاسف في الدوحة ما عندى معاهد تعلم الموسيقى

بتشوفي نفسك في ياتو مجموعة من ديل:

أنانية ولا مغرورة ولا ما بتتقبلي النقد ؟؟

في الثلاثة

انانية في الشغل

مغرور وقت ما بحب ارفع ضغط حد

ما بتقبل النقد الظالم او الجارح او العارفاه انو حيكون كيدة لي لا اكثر

أما الأسئلة الجادة :

هل الفتاة السودانية في قطر ...متحررة ؟؟

على درجات في المتحرر بزياد كانهم ما عندهم اهل ( الله يهدي)
وفي الفي المعقول بدون ما يكون في تجاوزات وديل كثير والحمد لله

وما هو مفهوم التحرر بالنسة ليك ؟؟

مفهومو اني اعمل الحاجة الي انا عايزاها بدون تجاوز للخطوط الحمراء الي انا واضعاها لنفسي قبل ما يحددوها الاهل والحرية بتكون موجودة عند وجود الثقة بين الاهل والبنت نفسها

وأتمنى إنو أسئلتي تكون خفيفة الظل عليك

ولي رجعة تانية

عليك الله انت ما قريت ملاحظتي اول البوست ياخي عطلتني عن الشغل بطول الاسئلة بتاعتك
بس بيني وبينك عجبتني يديك العافية ( وما تكتر)

[سوار الياسمين]

غايتو يافردة بالجد اسئلتك كرسي سااااااااااااخن

سوار ياعسلنا الله يكون في عونك


الله يكون في عون الجميع يا مدني
تسلمي لي

[سوار الياسمين]

خـــــلاص فـــرده ما خــلّ لينا
ســــــــؤال

جـــــــاوبي وربنا حيدخلك الجنه
انشاءاللــه

*************

والله يا المميز الحمد لله مريت من سؤال نكير الدنيا باقي نكير الاخرة

وتسلم على مرورك

[سوار الياسمين]

هلا وغلا بسوار الياسمين وآسف للتأخير ، اصلي الأيام الفاتو كنت ( ؟ ) مشغول وبدخل في الألعاب كإثبات وجود واطلع بسرعة .
عموما ود الماحي ذي ما قالوا ما خلى لينا سؤال إسئلة خاصة حكاية ( الطيارة ، الأعضاء ، والسؤالين الآخيرين )


كملت الاسئلة بتاعتك ولا شنو اخوي راشد
الباقيين لاكن ما بيعجزو حيطلعوا لي اسئل من تحت الواطة
تحياتي ليك

[zoolfrda]

عليك الله انت ما قريت ملاحظتي اول البوست ياخي عطلتني عن الشغل بطول الاسئلة بتاعتك
بس بيني وبينك عجبتني يديك العافية ( وما تكتر)

أكتّر شنو لا سمح الله

دي شوية أسئلة كده من طرف الجيب

أمّال كان جبت ليك أسئلة جوه الجيب حتقولي شنو

ما تستعجلي ... جايييييييييييك

كلمة حق:
ما شاء الله عليك ... بردتي الكرسي

[سوار الياسمين]

ووووووووب :eek: علي هو في من جوة الجيب كمان

امانة ما ضعتى :confused:

مستنياك يا :D نكير

[محمد حسين (المميز)]

والله يا سوار الياسمين
اجاباتك كانت رائعه ولذيذه في نفس الوقت
وبالجد تستحقي المزيد من الأسئله عشان تتحفينا
باجابات تانيه:p

يلاّ يافرده شد حيلك
:rolleyes:

************

[zoolfrda]

سوار .....علاقتك شنو بالآتي :

المكياج ؟

كريم فير اند لفلي، نيفيا وكريمات تفتيح البشرة ؟

الجينز ؟

الصلوات الخمسة والسنن ؟

التلفزيون والقنوات الغنائية ؟

المطبخ والطبخ ؟

تختاري ياتو من العرسان الثلاثة ديل وبكل أمانة:

شاب أمريكي مسلم وملتزم ومستعجل إجازتو بس أسبوعين وحياخدك معاهو أمريكا طوالي؟

شاب سوداني ود بلد مغترب في قطر الحاله ماشه ومكافح؟

شاب قطري ميسور الحال ومرتاح شديد معرس وعندو أولاد وبنات؟

بكل صراحة الصورة التحت دي ضحكتك ولا بكتك؟
http://www.moq3.com/pics/up/f_07_09_06/12585ce70e.jpg (www.moq3.com)

[سوار الياسمين]

سوار .....علاقتك شنو بالآتي :

المكياج ؟

بحبو وبحب اتفن فيهو وعندي خبرة كبيرة في مجال المكياج

كريم فير اند لفلي، نيفيا وكريمات تفتيح البشرة ؟

فير اند لفلي ما بحب استعملواو الحمد لله ما عندي شريعة مع باقي الكريمات

الجينز ؟

بحبو بس ما بحب البناطلين

الصلوات الخمسة والسنن ؟

احمد الله محافظة عليها بس السنن بصراحة ما مواظبة عليها كثير

التلفزيون والقنوات الغنائية ؟

عادي زي باقي الناس بقابلو قبل النوم

المطبخ والطبخ ؟

لالالالا الا المنطقة ده لازم عند امي اكون فيها اسطى وما عندي فيها اي مشكلة وانا بحب الطبخ شديد

تختاري ياتو من العرسان الثلاثة ديل وبكل أمانة:

شاب أمريكي مسلم وملتزم ومستعجل إجازتو بس أسبوعين وحياخدك معاهو أمريكا طوالي؟
الاستعجال ما حيفيد وبعدين الحيخليني اتزوج امريكي شنو واولاد البلد راحو فين يا راجل ويعني شنو انو امريكي بلا امريكي بلا احزنون

شاب سوداني ود بلد مغترب في قطر الحاله ماشه ومكافح؟
السمح ولد بلدي طبعا وبلا نقاش زاتو الكفاح بيكون حلاوتو براها لما تلقى الشي الانت تعبان فيهو قاعد يكبر قدامك (اشمعنى زنقتها في قطر يعني بالزات ;) )

شاب قطري ميسور الحال ومرتاح شديد معرس وعندو أولاد وبنات؟
ده الناقص انت في زول قال ليك انا قنعانه من حياتي عشان اتزوج خليجي عموما القروش تطير بتمشي وبتجي
وبعدين انا عندي فكرة في بالي بحكم عشرتي مع جنسيات كثيييييرة جدا لنو الرجل السوداني خاصة اكثر راجل بيحترم المرأة وبيقدرها واهلها وبيقدر تعبها وده مش مجاملة لاكن عشان انا شفتى الجنسيات التانية بتتعامل كيف مع بعض
( هوي الراس :D اوعى يكبر )

بكل صراحة الصورة التحت دي ضحكتك ولا بكتك؟
http://www.moq3.com/pics/up/f_07_09_06/12585ce70e.jpg (www.moq3.com)


ضحكتني في الاول وبعدين زعلتني
(يا خي انت بتجيب الصور ده من وين اسه ديل يطلعو كيف )

امانة يا فردة لحد هنا وكفاية ده جيب ده ولا جراب حاوي

[التيمان]

لا اله الا الله انتى تعبانه تعب المكوجى يوم الوقفه


الله معاااااااااك

[راشد خضر]

سوار الياسمين تحدثي بإيجاز فيما لايزيد عن سطرين !

1 - علاقتك بالشعر ( بأنواعه )
2 - ما تحبينهُ في الطبيعة
3 - إن خُـيِّرتِ بالعيش داخل المياه أو البر كما الآن (اذا أخترت الماء تُمنحين مقدره علي التنفس داخلها فقط !)
4 - أي أنواع الموسيقي تحبي سماعها ؟
5 - ما يعجبك في السودان وما لايعجبك !
6 - أيهم تفضلي في الآتي ( رحلة بالمركب للجزر النيلية ، رحلة صيد بالبراري ، رحلة بالبص لحديقه ) ولم ؟
7 - نسبه لعقدة البنات من السمار ، لدينا كريم تغذية وتفتيح يظهر مفعوله ببط ْ خلال سنه غير أنه بـ 350ريال بما تنصحيهُنّ به . أم بالديانا السريعة ( إن كان لابد !)

[محمد حسين (المميز)]

سوار الياسمين
معليش الأسئله كترت عليك
لكن ان دلّت فأنما تدل على جمهورك
يلا ياستي شويّة أسئله كده:-
;)

1/ مدينـــة زرتيهــا وعجبتك جدا جدا
(( داخل السودان )) و (( خارج السودان ))

2/ مدينة اتمنيتي انك تزوريها وحتى الآن مستنيه الفرصه
(( داخل السودان )) و (( خارج السودان ))

3/ شخصية معجبه بيها وتتمني تشوفيها وتتكلمي معاها.
(( السبـب ))

4/ قـنــاتك المفضـله في التلفزيون..

5/ فنانك المفضل ..
((السوداني)) و ((العربي))

6/ صفة عاجبااااااااك في نفسك..

7/صفة كارهاااااااها في نفسك..

8/ صفة بتحبيها تكون في الشخص اللي تتعاملي معاهو؟

9/ هواااااااااااااااايتك..

:rolleyes:

وبــــــــــــــس,,,:p

****************

[عوض صقير]

الأخت سوار الياسمين .. فى الحقيقية الأبنة سوار الياسمين ( وذلك لأن عمك نزار دفعتى )

عندى سؤال وهو .. ماهو التعليق الذى قيل عنك ومازال فى ذاكرتك حتى هذه اللحظة ..... بصراحة بالله

[سوار الياسمين]

سوار الياسمين تحدثي بإيجاز فيما لايزيد عن سطرين !

1 - علاقتك بالشعر ( بأنواعه )

علاقتي بيهو زي علاقة الزيت بالموية

2 - ما تحبينهُ في الطبيعة

البحر

3 - إن خُـيِّرتِ بالعيش داخل المياه أو البر كما الآن (اذا أخترت الماء تُمنحين مقدره علي التنفس داخلها فقط !)

مع ان الفقرة الاخير من السؤال ما فهمتها تمام لاكن انا بختار البر عشان اتمتع بالبحر اكثر

4 - أي أنواع الموسيقي تحبي سماعها ؟

والله على حسب المود بتاعي (بيني وبينك عندي غزالة بتطلع لي جنونة يعني ) فعلى حسبها بحب اسمع نوع الموسيقى بس عموما بفضل الكلاسيكية لانها بتخليني هادئة وانو الدنيا سلام واني ما عندي مشاكل

5 - ما يعجبك في السودان وما لايعجبك !

بيعجبني ناسو وما بيعجبني الفوضى من قطع الكهربا الكثيرة مع وجود الجمرة

6 - أيهم تفضلي في الآتي ( رحلة بالمركب للجزر النيلية ، رحلة صيد بالبراري ، رحلة بالبص لحديقه ) ولم ؟

رحلة بالمركب طبعا لاني انا بحب الموية سواء بحر او نيل شديد وبتحس انك بتقدر بس بمجرد النظر تفضي اي ضيقة عندك ليها زي الكأنها بتسمعك

7 - نسبه لعقدة البنات من السمار ، لدينا كريم تغذية وتفتيح يظهر مفعوله ببط ْ خلال سنه غير أنه بـ 350ريال بما تنصحيهُنّ به . أم بالديانا السريعة ( إن كان لابد !)

البيجي سريع بيفوت سريع وان كان لا بد بنصح بالكريم اب 350 لانو بيدوم اكثر وحتى ولو كان ببطئ
وهو السمار مالو يا جماعة الوحدة بقت لما تخت يدها في وشها زي الما بتاعتها

وتسلم يا راشد على اسإلتك

[سوار الياسمين]

سوار الياسمين
معليش الأسئله كترت عليك
لكن ان دلّت فأنما تدل على جمهورك
يلا ياستي شويّة أسئله كده:-
;)

1/ مدينـــة زرتيهــا وعجبتك جدا جدا
(( داخل السودان )) و (( خارج السودان ))

داخل : الابيض والقضارف
خارج: اديس ابابا واسكندرية

2/ مدينة اتمنيتي انك تزوريها وحتى الآن مستنيه الفرصه
(( داخل السودان )) و (( خارج السودان ))

داخل : كسلا
خارج : ماليزيا وتركيا

3/ شخصية معجبه بيها وتتمني تشوفيها وتتكلمي معاها.
(( السبـب ))

نصرة الله عاجباني شخصية كثير وبينطبق عليهو المثل انت رجل والرجال قليلو

4/ قـنــاتك المفضـله في التلفزيون..

بيني وبينك كلو بقى محصل بعضو بس بحب ONE TV

5/ فنانك المفضل ..
((السوداني)) و ((العربي))

سوداني :ندى القلعة
عربي : انغام وصابر وفيروز

6/ صفة عاجبااااااااك في نفسك..

اني بحب الناس وبحب لمتهم

7/صفة كارهاااااااها في نفسك..

العصبية السريعة بعض الاحيان وما عندي صبر في كل شي وشمشارة
8/ صفة بتحبيها تكون في الشخص اللي تتعاملي معاهو؟

البساطة والصراحة

9/ هواااااااااااااااايتك..

طبخ الاكلات الجديدة والحلويات والقراءة قبل النوم:rolleyes:

وبــــــــــــــس,,,:p

****************

وبس والله ما قصرتى اسئلتك خفيفة وظريفة

[سوار الياسمين]

الأخت سوار الياسمين .. فى الحقيقية الأبنة سوار الياسمين ( وذلك لأن عمك نزار دفعتى )

عندى سؤال وهو .. ماهو التعليق الذى قيل عنك ومازال فى ذاكرتك حتى هذه اللحظة ..... بصراحة بالله

يعني بعد ده اقول ليك يا عمو عوض :D

بصراحة ما بتذكر تعليق كدا بس الناس بيقولو لي انو قريبة للقلب وبدخلوا بسرعة والحمد لله :p

[محمد حسين (المميز)]

احلى حاجه حكاية
شمشاااااااااااااااره دي:D

وبعدين شكلك كده سمينه شويه
مادام انك بتحبي الأكل والطبخ
:rolleyes:
وتسلمي على الأجابات

*********

[مهيرة]

منورة ياسوار الياسمين
وفرحتنا كبيرة كبيرة بيك في المنتدي
وفي الكرسي
ورمضان كريم

يابت يامنورة من حي المنيرة
لماذا سمي هذا الحي بالمنيرة في مدني ؟

سوار الياسمين :

عليك الله اعملي لينا صينية فطور رمضان كده من ذوقك
يعني مثال من أمورة المنيرة والدوحة
يلا فطور يعجب ود الماحي وانت عارفها مزاج العرب ( اهل العوض ) كيف !!

[سوار الياسمين]

منورة ياسوار الياسمين
وفرحتنا كبيرة كبيرة بيك في المنتدي
وفي الكرسي
ورمضان كريم

وين يا مهيرة ومشتاقين وشنو الغياب ده شفتي لما تجي المنتدى بنور كيف
ورمضان كريم علينا وعليك واخلصتي عواسة الابري ولا لا
طبعا السنة ده في الاجازة جربت ليك عواسة الابري طرقة وحدة وحاتك ما تنيتها

يابت يامنورة من حي المنيرة
لماذا سمي هذا الحي بالمنيرة في مدني ؟

[COLOR=DeepSkyBlue]اسالك سؤال هو من امتى ناس السودان بيسموا بسبب يعني حي الاندلس سمو ليه كدا ويا ستي يمكن سمو المنيرة عشان جيت سكنتى فيهو خخخخخخخ
ولو عارفة السبب يا ريت توريني [/COLOR
]
سوار الياسمين :

عليك الله اعملي لينا صينية فطور رمضان كده من ذوقك
يعني مثال من أمورة المنيرة والدوحة
يلا فطور يعجب ود الماحي وانت عارفها مزاج العرب ( اهل العوض ) كيف !!

ابشري والله عشان ود الماحي بالزات انا اكرب ليكم صينية شنو الما فيها والحلو خمسة انواع انا عندي كم عم اسمو ودالماحي ومافي اغلى من ناس مدني عشان اعمل ليهم فطور كارب

[محمد حسين (المميز)]

واللــــه يا سوار الياسمين
احسن حاجه في الموضوع انه
جاب لينا الأستــاذه الراقيــه

مهيـــره

بعدين حي المنيـره ده اصلا اسمه
اللقـــد
وحتى الآن الأغلبية بتقول اللقد
الآّ ناس اللقد هم بيقولو المنيرة

************

[سواااح]

سوااااااار الياسمين

سبق وذكرتي ان علاقتك بالشعر
مثل علاقة الزيت بالماء
اي انه لا يوجد اي رابط بينك وبينه
ولو رابط حسي ؟؟ او مجرد التذوق ؟؟

سوااااااار الياسمين ..
تترحل الامنيات منا
مثل ايام العمر
مع العلم انه هناك
وقت محدد للاحلام
فاذا لم تتحقق فيه
يكون قد انتهي امرها ..
سوااار وامنيات في الخاطر
تنتظر شروق شمسها ؟؟

سواااااااار الياسمين ..
ما سر الارتباط
بينك وبين كلمات
نص نزار قباني
سوار الياسمين ؟؟

سواااااااار الياسمين ..
كانت الايام تمضي
وهي تحمل قطعا
افراحاً وجراحاً
فماذا عن فرحة من اعماق القلب ؟؟
وماذا عن جرح نزف علي شفرة الالم ؟؟

http://arab.6arab.com/majdah..6oog-al-yasameen.rm

[ابراهيم]

اختنا سوار الياسمين أو هبة ازيك
وبركة الشفناك طيبة
والله ماشاءالله منورة وبعدين الزول الجاب الغنية دي يا سواح والله الغنية ابداع والكرسي زول فردة يسخنو انت تجي تبردو انا ما عارف الزول دة بجيب الأسئلة دي من وين!!
يا سوار انا حسي انا ما عندي أسئلة جاهزة بس سؤال واحد لزوم مقبلات ونجي تاني ...
السؤال:

رايك شنو في البوتقة التعجبية المنصهرة ابنعاجياً ومحدودبة فكرياً من زاوية ومتفلطحة ازدواجياً من زاوية أخرى؟


بمشي وبجيك
ابقى عافية

[الشريف الهندي]

سوار الياسمين ...

حبابك ومنوره والله الكرسي الساخن والله

واتمنى ليك اقامه طيبه ....
اسمعيني لو سؤال ابراهيم ده غلبك خليني أنا بجاوب عليهو . . .

[سوار الياسمين]

سوااااااار الياسمين

سبق وذكرتي ان علاقتك بالشعر
مثل علاقة الزيت بالماء
اي انه لا يوجد اي رابط بينك وبينه
ولو رابط حسي ؟؟ او مجرد التذوق ؟؟

في حالات نادرة لما ممكن الكلمات تسرح بي وتدخل جواى بدون ما اشعر وتخليني في حالة هيمان وقتها بس ممكن يكون في رابط بينا

سوااااااار الياسمين ..
تترحل الامنيات منا
مثل ايام العمر
مع العلم انه هناك
وقت محدد للاحلام
فاذا لم تتحقق فيه
يكون قد انتهي امرها ..
سوااار وامنيات في الخاطر
تنتظر شروق شمسها ؟؟

الامنيات كثيييييييييرة يا سواح بالرغم من بساطتها بس اعذرني عن البوح بيها لانو ممكن بعض الناس يستهانو بيها عشان كدا بفضل انها تكون جواي

سواااااااار الياسمين ..
ما سر الارتباط
بينك وبين كلمات
نص نزار قباني
سوار الياسمين ؟؟

بعتقد انو في ترابط بيني وبين مقدم طوق الياسمين لاننا نقدر معنى سوار الياسمين وعندي سوار ياسمين محتفظ بيهو لي 4 سنين لانو بيحمل ذكريات جميلة بالنسبة لي .

سواااااااار الياسمين ..
كانت الايام تمضي
وهي تحمل قطعا
افراحاً وجراحاً
فماذا عن فرحة من اعماق القلب ؟؟
وماذا عن جرح نزف علي شفرة الالم ؟؟

فرحة من اعماقي عندما اصبحت عمة لاول مرة بابنت اخوي اسيل
جرح قليلة الحمد لله منها عندما غدرت بي صديقة وخانتني متجاوزة صداقاتنا للوصول لمبتغاها ولكن ربك كان كبير لما رجع لي اعتباري وحقي وعرفو الناس حقيقتها

http://arab.6arab.com/majdah..6oog-al-yasameen.rm

واشكرك يا سواح على الاغنية وعلى اسئلتك الي بالجد اسعدتني :)

[سوار الياسمين]

اختنا سوار الياسمين أو هبة ازيك
وبركة الشفناك طيبة
والله ماشاءالله منورة وبعدين الزول الجاب الغنية دي يا سواح والله الغنية ابداع والكرسي زول فردة يسخنو انت تجي تبردو انا ما عارف الزول دة بجيب الأسئلة دي من وين!!
يا سوار انا حسي انا ما عندي أسئلة جاهزة بس سؤال واحد لزوم مقبلات ونجي تاني ...
السؤال:

رايك شنو في البوتقة التعجبية المنصهرة ابنعاجياً ومحدودبة فكرياً من زاوية ومتفلطحة ازدواجياً من زاوية أخرى؟


بمشي وبجيك
ابقى عافية\


]اخ برهوم وين الغيييييييييبة ده كلها والله مشتاقين :)
ونورتنا اليوم في الكرسي

والله انا شايفة انو المشنكاح مشلكح اكثر من اللزوم خاصة عند الفكر الالمستكنيح ولا شنو يا الشريف

:D :p
خخخخخخخ يخرب بيتك يا برهوم [/SIZE]

[سوار الياسمين]

سوار الياسمين ...

حبابك ومنوره والله الكرسي الساخن والله

واتمنى ليك اقامه طيبه ....
اسمعيني لو سؤال ابراهيم ده غلبك خليني أنا بجاوب عليهو . . .


يا هلا يا الشريف اخيرا شرفتى وجيتنا
شوف جوابي على ابراهيم وقول لي رأيك شنو فيهو

[عوض صقير]

بنت الأخ سوار الياسمين

ماهى أصعب مهمة كلفت بها ... وهل أنجزتيها كما طلب منك ؟؟

[سوار الياسمين]

بنت الأخ سوار الياسمين

ماهى أصعب مهمة كلفت بها ... وهل أنجزتيها كما طلب منك ؟؟

[CENTER]
مراحب عم عوض اصبحتى كويس انشاء الله

يمكن ما جاتني مهمة صعبة لهناااك بس كان في الشغل بتجي ضغوط شديدة وبعضو بيكون سري وعايزنو بسرعة فالحمد لله بقوم بيهو على اكمل وجه

تحياتي ليك على مرورك

[عوض صقير]

ماشاء الله عليك بنت الأخ سوار الياسمين

أجاباتك دبلوماسية بتذكرينى بأجابات الدكتور الفذ / مصطفى عثمان أسماعيل

[zoolfrda]

هووووووووووووووووووووووي :

وزنك كم ؟

طولك ؟

ما وريتينا ترتيب الكم وسط أخوانك الأربعة ؟ وعلاقتك كيف معاهم؟ وهل حاقرين بيك وبيفرضوا رأيهم عليك ؟

عندك سيارة ؟

كان الإجابة لا، ليه ولشنو ومستنيه شنو؟ وبتتوصلي كيف ؟

كان الإجابة نعم، نوعها ؟ الموديل ؟ صيانتها أخبارا شنو ؟ كان اللستك ضرب حتعملي شنو ؟ نفسك تغييريها بشنو ؟

كان معزومة لعرس، وأول ما طلعتي من البيت ماشا عليهو، وقفتك زولة ما بتعرفيها قبل كده وكشحت كباية قهوة عليك وكوركت فيك وقالت ليك، ما تفتحي ، عميانا !!! حتتصرفي معاها كيف بالتفصيل؟

أشرب لي كباية موية وأجيك تاني...

[سوار الياسمين]

هووووووووووووووووووووووي :

وزنك كم ؟

قبل ولا بعد الريجيم

طولك ؟
167

ما وريتينا ترتيب الكم وسط أخوانك الأربعة ؟ وعلاقتك كيف معاهم؟ وهل حاقرين بيك وبيفرضوا رأيهم عليك ؟

قبل الأخير وعلاقتي مع الكبير دلوعة والي بعدو زي صديقي والفوق مني توم اند جيري والبعدي دلوعي انا وزي ولدي يمكن الفوق لي بيفرض رأيو علي شوية (بيني وبينك هو تار قديم بيناتنا عشان كبستى عليهو بعد ما كان هو الكل في الكل والبعدو شنو بت ما ولد كان ولد كان بتكون اهون شوية )
عندك سيارة ؟
انا دوبي مقدمى على الرخصة يعني في السكة

كان الإجابة لا، ليه ولشنو ومستنيه شنو؟ وبتتوصلي كيف ؟
بوصل مع ابوي قاعدة في عرابيزو

كان الإجابة نعم، نوعها ؟ الموديل ؟ صيانتها أخبارا شنو ؟ كان اللستك ضرب حتعملي شنو ؟ نفسك تغييريها بشنو ؟
حيكون موديلها سوزوكي انشاء الله زرقاء وكان اللستك ضرب في ما بعد حاتصل في حد يكون قريب من المكان الي انا فيهو ده بعد ما ابكي طبعا واجعر زييييييين

كان معزومة لعرس، وأول ما طلعتي من البيت ماشا عليهو، وقفتك زولة ما بتعرفيها قبل كده وكشحت كباية قهوة عليك وكوركت فيك وقالت ليك، ما تفتحي ، عميانا !!! حتتصرفي معاها كيف بالتفصيل؟

اول شي حبلم واتنح في المصيبة الطلعتلي وتاني شي حاجعر وبعد ما ادارك الموقف اضربي ليك ضرب صاح تندم انها جات قدامي وانا عندي يد قصيرة لاكن طرشى الله لا يوريك لما اعصب

أشرب لي كباية موية وأجيك تاني...

تجيك الكشة يا فردة ياخي ما معقول كدا حرااااااااااام عليك رمضان جاي ما تخليني ادعي عليك ياخي اديني نفس شوية ما عندك موضوع غيري يا خي ادي المعاك نفس

عمي نزار انت وييييييييين اهي اهي اهي اهي

تاني ما اشوفك هنا يا خي فارقني وشنو كل شوية تشرب ليك موية بالع رملا

[نزار حسن محمد]

خلاص .. ياسوار دربك مرق تب وعندك بس الخميس والجمعه وماقصرتى اوفيتى وكفيتى. برغم علمى التام بان جميع اعضاء المنتدى دايرنك شهر تانى لى قدام.. بس صديقنى بعد مانفك تثبيت كرسيك ح يلحقوك لقايت مايختفى الكرسى وخاصتا اهل العوض.. مره اخره تسلمى ياغاليه مع تحياتى عمك نزارودحسن

[Jamal Elmahi]

ابشري والله عشان ود الماحي بالزات انا اكرب ليكم صينية شنو الما فيها والحلو خمسة انواع انا عندي كم عم اسمو ودالماحي ومافي اغلى من ناس مدني عشان اعمل ليهم فطور كارب

ستات البنات وعروسات المنتدي مهيره وسوار الياسمين ....ما تتبارن لي كدي يقوموا يسحروكن علينا ...ياواحد الله ويا محمد رسول الله...ودقر العين...ويا أرض أحفظي ما عليكي ...ملايكه وعايشات وسطنا ...
والله عشان ظرافتكن وخفة دمكن أنا ألا أعرض ليكن في عرسكن لامن قلبي ينقطع...وقلبي أن شاء الله ماتنا ...
أها قلتو لي الفطور متين؟ والواحد لازم يكون صائم ؟ هسه صيامنا البرا اّبري دا ياربي بجوز؟

مشاققه ...
غايتو يا سوار الياسمين الشباب ما خليتي ليهم صفحه يرقدو عليها ...وهن الراقدنلها شنو ...يرقدن الغبا الغباهن ....هسع المتل سوار مفروض خطابا يكونو واقفين صف بدايتو في الدوحه واخرو في مدني...ياحليل الرجال البكسروا العناقريب ....بس فالحين لي في الاسعله ...أسعلتكم تطير عليكن ...ما تتحركوا أأأأجنيات....

ود الماحي

[Jamal Elmahi]

بت أخوي العزيزه سوار الياسمين...
بجيك من الاخر....
أتقدم ليك عريس بعد ما دخل قلبك من أوسع أبوابو وأتحكّر جواهو وأتوسد الصمام الايمن وخلف كراعو في البطين الايسر وخلي قلبك يضرب زي الدلوكه وكان هو فتي أحلامك ...لكن الوالد حلف ستين يمين ماتعرسيهو ....بتسوي شنو؟ حتعرسيهو من غير رضا الوالد ولاّ حتتنازلي عن فتي أحلامك وسعادتك؟

السعال التاني العكس تماماَ ...لو الوالد جاب ليك عريس وقال ليك دا ياهو عريس الموسم وياهو الدايرنو ليك وياسوار مبروك عليك ...وأنتي تشوفي العمي وما تشوفي العريس وما نازل ليك من زور ....وأبوك حلف ستين يمين تعرسيهو ....حتعملي شنو يا بت أمي.... جتعرسيهو وترضي أبوك ولاّ ترفض العريس ....بصراحه النبي عليك...
بالله أنا عيوني رقرقن خلي أتي ...

ماهي مواصفاتك لفتي أحلامك ....عشان ندردقو ليك....

ود الماحي

[سوار الياسمين]

خلاص .. ياسوار دربك مرق تب وعندك بس الخميس والجمعه وماقصرتى اوفيتى وكفيتى. برغم علمى التام بان جميع اعضاء المنتدى دايرنك شهر تانى لى قدام.. بس صديقنى بعد مانفك تثبيت كرسيك ح يلحقوك لقايت مايختفى الكرسى وخاصتا اهل العوض.. مره اخره تسلمى ياغاليه مع تحياتى عمك نزارودحسن

صباحك خير عم نزار
بي وين شهر تاني كفاية لحد هنا زاتو فردة لما يجي يكره اي زول انو يقعد (العكس صحيح)
واهل العوض الكلهم حنية فرحت جدا بوجودهم الله يخيلهم للمنتدى وانا بالجد اليومين الفاتو انبسطى شديد حتى غيرتو لي مودي في الشغل وكنت سبب اني اجي كل يوم مبسوطة للشغل عشان اتصبح بعبير كلماتكم من الصباح

تحياتي ليك ولكل ناس المنتدى

[سوار الياسمين]

يخليك لينا يا عم الماحي ولي ناسك وحبايبك
ولالالا ابدا ممكن تجي فاطر وانا سمعتى فتوى عند واحد بي هنا انو الصيام بدون ابري لا يجوز وعلى ذمتو بس انت كنكش في الفتوى ده شديد

[سوار الياسمين]

للسؤال الاول

طبعا يا عمي في الاول بحاول اقنع الوالد واشوف اسباب رفضو ليهو وكان اصر اكيد ما راح اتزوج بدون موافقة الوالدين لاني ما حكون سعيدة بدون رضاهم

وللثاني

حصل جاني عريس زي ده وابوي فعلا كان عايزه بس ببساطة انا رفضتى بيني وبينك ما نزل لي من زور وابوي ما ناقشني كثير وكان حصل كدا حارفض العريس (مع انو ابوي ما حيعملها ويجبرني ابدااااااااا هو اهم شي انو ينزل من زوري لانها حتكون عشرة العمر كله ما سنة ولا اثنين)

وللثالث

اكيد انو يكون على خلق طيب كريم ما يكون عصبي ولا انسان بارد تلجة عندو مستقبل طموح يخاف الله فيني يحترم اهلي ويقدرهم وظيفة كويسة ممكن تتطور لقدام بس حاجات بسيطة ما مستعصية ولا شنو :p

[مزوني]

العزيزة الغاليه سوار اليا سمين ( ممكن نقول هبوية !!)

حبابك ملايييييييييييييين على الكرسي وما شاءالله لقيتك صنديده ونص وخمسه .........

بتمنى ليك التوفيق ..

انا طبعا بي حكم انقطاعي الطويل من المنتدى يمكن تكون أسئلتي شبه مكررة أو قديمة حبة كده لكن خديني على قدر عقلي اتفقنا

وطبعا ما تشيلي هم أسئلتي خفيفه وبارده زي التلج

السؤال الأول ما سبب اختيارك لإسم سوار الياسمين؟؟؟


وانا عندي يد قصيرة لاكن طرشى الله لا يوريك لما اعصب

نفهم من كده انك سميييييييييييييييييييييييييييييينه لدرجة انو يدخلوك الأوضه ولا المكتب بي الدفر ولا شنو ؟؟؟؟؟

لحظات تكوني سعيده فيها ( طبعا بإستثناء الأهل والمنتدى لأنو ديل سعادتهم براهم صاااااااااااااااااااح ؟؟؟)

موقف ظريف ( ويا حبذا لو كان في الشارع ) يعني ما يكون في البيت ولا في الشغل يعني مثلا في السوق في عرس ......الخ

والعكس تماما موقف من شدة ما كريه لما تتذكريه تجيك القشعريرة أو كما يسمونها علماء اللغه العربيه

وبنتهز دي مناسبه وبقول ليك ليك رمضان كريم وتصومي وتفطري على خير يا ست البنات

ولنا لقااااااااااااااااء

[سوار الياسمين]

العزيزة الغاليه سوار اليا سمين ( ممكن نقول هبوية !!)

حبابك ملايييييييييييييين على الكرسي وما شاءالله لقيتك صنديده ونص وخمسه .........

بتمنى ليك التوفيق ..

مزوني يا خوي انت عايش لسة وينك من زمان الفرحة ما سايعاني بتشريفك :)
انا طبعا بي حكم انقطاعي الطويل من المنتدى يمكن تكون أسئلتي شبه مكررة أو قديمة حبة كده لكن خديني على قدر عقلي اتفقنا

الرجال كلهم وحاتك ماخداهم على قدر عقلهم :D
خخخخخخخ

وطبعا ما تشيلي هم أسئلتي خفيفه وبارده زي التلج

السؤال الأول ما سبب اختيارك لإسم سوار الياسمين؟؟؟

كان سمعتى الاغنية بتعرف اني بحب الاغنية ده شديد وماجدة الرومي اكثر
نفهم من كده انك سميييييييييييييييييييييييييييييينه لدرجة انو يدخلوك الأوضه ولا المكتب بي الدفر ولا شنو ؟؟؟؟؟

كنت والحمد لله منذ زمن ليس بالبعيد لاكن يا زول ما للدرجة ده :eek: (شنو الكلام الغريب ده ما لدرجة يسبو لي الاوضة )

لحظات تكوني سعيده فيها ( طبعا بإستثناء الأهل والمنتدى لأنو ديل سعادتهم براهم صاااااااااااااااااااح ؟؟؟)
لما يكون الجو شتاء ماطر وبكون انا مع صحبتي في الكوفي شوب قاعدة في طاولة دائمة الجلوس فيها كل ما بمشي المحل ده اضوائو خافتة والموسيقى هادئة

او عندما نكون في البحر جالسين على الشط في هدوء وسكينة بدون ازعاج من الحوالينا مقابلا البحر وفي ايدينا قهوة ساخنة

موقف ظريف ( ويا حبذا لو كان في الشارع ) يعني ما يكون في البيت ولا في الشغل يعني مثلا في السوق في عرس ......الخ

طبعا ده موقف معروفة بيهو لما ابوي نساني في الشارع لما نزلت للصرافة وقايلني راكبة جنبو مشا لمان وصل قريب للبيت عاين جنبو لقاني ما موجودة ( والولد قال احتار البت ده مشت وين ) اتخيل

والعكس تماما موقف من شدة ما كريه لما تتذكريه تجيك القشعريرة أو كما يسمونها علماء اللغه العربيه

يوم من الايام كان الوالد تعبان راقد في المستشفى والسرير الجنبو فيه راجل كبير جدا في السن الممرض كان بيحاول يلفظو الشهادة ومات الراجل ولا حد من عيلتو موجودة حتى الممرض قعد يبكي هو والدكتور ويعلق ولدو ما جه شافو من خمسة ايام

وبنتهز دي مناسبه وبقول ليك ليك رمضان كريم وتصومي وتفطري على خير يا ست البنات

ولنا لقااااااااااااااااء

ينعاد علينا وعليك يا مزوني واسعدني وجودك هنا جداا

[مزوني]

والله اتا اتشرف أكتر بوجودي معاك

لو دايره بحر أنصحك تجي الهند لي حتة اسمها قوا

انا بعرض ليك صورها قريب مع الغروب

وانشاءالله حتعجبك

[سوار الياسمين]

تسلم يا مزوني على الصورة
(ما طلعت)
خخخخخخ

[محمد حسين (المميز)]

لالالالالالالالالالالالالالالالالا
اخونا نزار ماتفك التثبيت
عندنا ناس معارف سمعو باختنا سوار دي
وقالو لازم يجو يشاركو معانا
وهســّــه قالو اجرو ليهم لورييـــن
وجايين من الغرب شايلين معاهم
كووووووووووووووووووم
من الأسئلــه
لسوار الياسمين
عشان كده خليها في الكرسي كده تاني شهرين

***************

[HaSsOoN]

خخخخخخخخخخخخخ اتجدعتي ياسوار الياسمين لقيتيني مافي كان خليتك تقولي الروب وطبعا انا زايغ علشان الكرسي الساخن لانو وصلتني اخبار انو انا كان المفروض اكون في الكرسي الساخن من زمان لاكن انا مفتح في النهايه انا حقعد في الكرسي حقعد

وحمد الله على سلامتك مره تانيه جيتي الوحه وخليتي الجو الاوروبي الفي السودان ورجعتي للرطوبه

تحياتي ليك .....

[مزوني]

يا سوار ده الرابط حق الصور الوعدتك بيه وانشاءالله تعجبك

http://wadmadani.com/vb/showthread.php?p=104966#post104966

[saleh farah]

ياجماعه شطبتو ولا لسه ؟؟؟؟؟؟؟؟؟؟؟؟ لانه عندى سؤال صغنونى للمبدعه سوار الياسمين
الاخت ياسمينه ماهو شعورك وانتى تردين على الاسئله التى وجهت اليك مع تباينها ؟؟؟؟ سؤال بسيط مش كده استاهل الزمن الاضافى

[سوار الياسمين]

لالالالالالالالالالالالالالالالالا
اخونا نزار ماتفك التثبيت
عندنا ناس معارف سمعو باختنا سوار دي
وقالو لازم يجو يشاركو معانا
وهســّــه قالو اجرو ليهم لورييـــن
وجايين من الغرب شايلين معاهم
كووووووووووووووووووم
من الأسئلــه
لسوار الياسمين
عشان كده خليها في الكرسي كده تاني شهرين

***************

شكيت محنك يا المميز
شهرين وناس من الغرب

خليتو ليك كلو كلو يا المميز

[سوار الياسمين]

خخخخخخخخخخخخخ اتجدعتي ياسوار الياسمين لقيتيني مافي كان خليتك تقولي الروب وطبعا انا زايغ علشان الكرسي الساخن لانو وصلتني اخبار انو انا كان المفروض اكون في الكرسي الساخن من زمان لاكن انا مفتح في النهايه انا حقعد في الكرسي حقعد

وحمد الله على سلامتك مره تانيه جيتي الوحه وخليتي الجو الاوروبي الفي السودان ورجعتي للرطوبه

تحياتي ليك .....

حسون المنتدى ازيك
وينك يا راجل ما قاعد تطل علينا
ومدام شرفتنا فالناس ديل ما حيسيبوك
والله يسلمك فاتك جنس جو في السودان العجب القضارف ثلاثة يوم مطر وبرق ورعد حاجة عجيبة والله
والرطوبة خليها ساي نحمد الله على كل حال

[راشد خضر]

اكيد انو يكون على خلق طيب كريم ما يكون عصبي ولا انسان بارد تلجة عندو مستقبل طموح يخاف الله فيني يحترم اهلي ويقدرهم وظيفة كويسة ممكن تتطور لقدام بس حاجات بسيطة ما مستعصية ولا شنو
طيب لنفرض الوظيفة راتبها ضعيف ، هل عندك الإستعداد لتغطية العجز أم بإعتقادك أن على الرجل كل شئ ، ويتصرف بإي صورة من الصور لتوفير متطلباتك .

لما يكون الجو شتاء ماطر وبكون انا مع صحبتي في الكوفي شوب قاعدة في طاولة دائمة الجلوس فيها كل ما بمشي المحل ده اضوائو خافتة والموسيقى هادئة
دا إلا في بورسودان هق. . هق. . هق . وبعدين ياخ البحب الموسيقى العادئة لا بد له من تذوق الشعر ، يعني ما تكون الحكاية ( ذي الموية على الزيت )
تخريمة : باين عليك خفة الدم وذلك لإختلاف حرف الضحك المعتاد( هـهه ) الى ( خخخ ) ---
هق :p هق :p هق

[سوار الياسمين]

ياجماعه شطبتو ولا لسه ؟؟؟؟؟؟؟؟؟؟؟؟ لانه عندى سؤال صغنونى للمبدعه سوار الياسمين
الاخت ياسمينه ماهو شعورك وانتى تردين على الاسئله التى وجهت اليك مع تباينها ؟؟؟؟ سؤال بسيط مش كده استاهل الزمن الاضافى


سلامات اخ صالح

بالجد انا كنت مستمتعة بارد على كل سؤال بيطرح علي من كل فرد من افراد المنتدى البعتبرهم زي عيلتي التانية

وسؤالك ابسط من البسيك وينك يا خي من زمان

تسلم على مرورك

[سوار الياسمين]

يا سوار ده الرابط حق الصور الوعدتك بيه وانشاءالله تعجبك

http://wadmadani.com/vb/showthread.php?p=104966#post104966



لاكن يا مزوني صورك ما عجيبة جبتهى من وين
تسلم كثير عليها

[سوار الياسمين]

طيب لنفرض الوظيفة راتبها ضعيف ، هل عندك الإستعداد لتغطية العجز أم بإعتقادك أن على الرجل كل شئ ، ويتصرف بإي صورة من الصور لتوفير متطلباتك .

بل بالعكس انا مع حياة الشراكة وضد انو الحمل كلو يكون على الراجل لوحدو وهنا تكمن حلاوة الحياة بوجود الشراكة بيناتهم وبستغرب من النسوان الي ممكن الراجل البختلس اموال عشان يلبي طلباتها وفي النهاية يدخل السجن عشان ما قدر يسد المبلغ وللاسف الحكاية ده حصلت هنا في الدوحة في النهاية الراجل في السجن والمرا اطلقت منو بالمحكمة واتزوجت واحد تاني زي الماحصل شي

دا إلا في بورسودان هق. . هق. . هق . وبعدين ياخ البحب الموسيقى العادئة لا بد له من تذوق الشعر ، يعني ما تكون الحكاية ( ذي الموية على الزيت )
ومين قال ليك الا هناك هنا في الدوحة الحكاية ده متوفرة وفي اي حتا انت عايزها قايلها زي السعودية الناشفة عندكم وبعدين ما شرط عشان بحب الموسيقى الهادئة اني احب الشعر وانا في حاجات تعجبني لمان اسمعها بس ما لدرجة اني اقعد اكتب او اشتري دواووين

تخريمة : باين عليك خفة الدم وذلك لإختلاف حرف الضحك المعتاد( هـهه ) الى ( خخخ ) ---
هق :p هق :p هق

ما اصلوا دمي خفيف انت قايل شنو :D
تسلم يا راشد على الاصتباحة

[عوض صقير]

سلام بنتنا سوار الياسمين

سؤالى هو :
ماهو الفرق بين هبه قبل العمل .... وهبه بعد العمل ؟

[waheeb]

الأخت العزيزه سوار الياسمين..
اولا مرحب حبابك في الكرسي البارد بي اجاباتك اللبقه وثباتك رقم كل هذه العواصف من الاسئله..
عزراً ان كان حضورنا متأخراً بعض الشئ ولكن مشاغل الدنيا تحرمنا اوقاتاً كثيره من الاستمتاع معكم..
لم يترك لي الاخوه الكثير من الاسئله وقد اجدتِ الاجابه وسؤالئ ما رايك اذا تقدم اليك رجل متزوج ( راجل مره يعني) فيه كل مواصفات فارس احلامك هل توافين عليه؟ ولماذا؟...

حاجه خارج النص.. انا معجب بكل مشاركاتك وردودك في المنتديات..

[سوار الياسمين]

سلام بنتنا سوار الياسمين

سؤالى هو :
ماهو الفرق بين هبه قبل العمل .... وهبه بعد العمل ؟

مراحب يا عم عوض

هبة قبل العمل : زهج وعدم موضوع عدم طولة البال مجال التفكير في مواضيع محصورة بتحب الطلعة كل يوم تلفون 24 ساعة صداقات كثيييييييييرة جدا بصراحة مواضيع فارغة الدلع زايد شوية

هبة بعد العمل : حصل طول البال التفكير بقى منظم بتحب قعدة البيت الصداقات محدودة جدا (لانو حصل عملية فرز) صار في اعتدال في الدلع (وقت اللزوم ولما تعصلج الامور) هادئة جادة شوية اكثر من الاول واقعية شديد جني والخيال والسرحان و( الضحك على الدقون)

وتسلم يا عم عوض

[سوار الياسمين]

الأخت العزيزه سوار الياسمين..
اولا مرحب حبابك في الكرسي البارد بي اجاباتك اللبقه وثباتك رقم كل هذه العواصف من الاسئله..
عزراً ان كان حضورنا متأخراً بعض الشئ ولكن مشاغل الدنيا تحرمنا اوقاتاً كثيره من الاستمتاع معكم..
لم يترك لي الاخوه الكثير من الاسئله وقد اجدتِ الاجابه وسؤالئ ما رايك اذا تقدم اليك رجل متزوج ( راجل مره يعني) فيه كل مواصفات فارس احلامك هل توافين عليه؟ ولماذا؟...

حاجه خارج النص.. انا معجب بكل مشاركاتك وردودك في المنتديات..

تحياتي ليك اخ وهيب
والدنيا تلاهي ما تاخد في بالك
طبعا ما راح اقبل لسبب بسيط اني ضد فكرة انو الراجل يتزوج على زوجتو مهما كانت الاسباب وانا لنفسي ارفض انو الكون الزوجة الثانية ( اسباب بسيطة)

وتسلم يا وهيب على مرورك الكريم

[نزار حسن محمد]

الاحباب ... متاكد تماما بان اختكم سوار الياسمين .. اوفت .. وكفت .. وانا على يقين انه الاعضاء ..استمتعوا بردود ..زهرتنا سوار الياسمين .. تسلمى ياسوار وماعدمناك .. ونتمنى لك التوفيق فى جميع ضروب الحياه .. ونكرر الشكر والامتنان ... عمك ودحسن

[سوار الياسمين]

وأخييييييييييييييييييييرا

وينك يا عم نزار من زمان تنجدني :eek:
انت قلتى لي كرسي ساخن ما جمرة من النار
(بهظر والله ) :D
بل بالعكس انا اسعدني وجودي في الكرسي الساخن شديد
واتمنى لك ناس المنتدى الصحة والعافية :)
وانشاء الله يكونو لقوني :p خفيفة عليهم

[محمد حسين (المميز)]

الف حمدالله عالسلامه
دي ياسوارالياسمين عاوزه
كرامه
لكن بالجد استمتعن معاك والواحد كأنه
كان متابع مساسل مثير جدا مليان بالأثاره والتشويق
والأحداث
والليله كانت الحلقه الأخيره,,
ربنا يديك العافيـــه

************

[zoolfrda]

يعني الزول ما يشرب ليهو كباية موية يلقى سوار خارجوها

خلاص ما مشكلة يا سوار ووالله كان أسبوع جميل وياريت لو كان شهر

سؤال أخير كده

تعتقدي منو الحيكون خليفك في الكرسي

منو الضيف الجديد ......؟؟؟؟؟؟

[سوار الياسمين]

انا عن نفسي اعتقد حيكون الشليق ابوعلا

ويارب ما يخيب ظني

[خالد أحمد الصول]

إبنتي العزيزة هبه: أو هبويه كما نقول
لي إبنه إسمها علي إسمك وهي حبوبه و لدوها في سبهة أشهر وكان وزنها حوالي 1.13 جرام وهي الان ما تتخيلي الزوله ديل و الحمد لله تم قبولها في كلية الطب بخت الرضا هذا العام وهي حابه تتعرف عليكي شديد و حملتني هذه الامانه و قالت لي أديها رقم جوالي 0024922896076 وهي في إنتظار مكتتبك علي عنواني..
أما أنا فأقول ليك .. كلما تصفحت في المنتدي أجد عطرا من الياسمين ... وزوقا عالي .. أسلوب بديع
وأسالك ... ما هي تطلعاتك و نظرتك للمستقبل
ما أنت عامله و قد رمت بك الظروف أن تكوني مغتربة و عامله
قلبي معك يابنتي فإنك لم تعيشي دنيتك و تتمتعي حتي تحملتي مسؤلية العمل و المستقبل

[سوار الياسمين]

إبنتي العزيزة هبه: أو هبويه كما نقول
لي إبنه إسمها علي إسمك وهي حبوبه و لدوها في سبهة أشهر وكان وزنها حوالي 1.13 جرام وهي الان ما تتخيلي الزوله ديل و الحمد لله تم قبولها في كلية الطب بخت الرضا هذا العام وهي حابه تتعرف عليكي شديد و حملتني هذه الامانه و قالت لي أديها رقم جوالي 0024922896076 وهي في إنتظار مكتتبك علي عنواني..
أما أنا فأقول ليك .. كلما تصفحت في المنتدي أجد عطرا من الياسمين ... وزوقا عالي .. أسلوب بديع
وأسالك ... ما هي تطلعاتك و نظرتك للمستقبل
ما أنت عامله و قد رمت بك الظروف أن تكوني مغتربة و عامله
قلبي معك يابنتي فإنك لم تعيشي دنيتك و تتمتعي حتي تحملتي مسؤلية العمل و المستقبل



عمي العزيز صول السودان تحياتي ليك وده شرف لي انه انا وبنتك لينا نفس الاسم ومبروك عليها كلية الطب موفقة انشاء الله وقريبا انا حاتصل اتعرف عليها وربنا يديم المحبة

وتسلك كثير على كلماتك العطرة الفرحتني شديد لما قرأتها

وبتصدقني يا عمي كان قلتى ليك انو ما عندي تطلعات كثيرة غير اني اقدر اكمل دراستي واعيش حياة سعيدة مستقرة برضى الوالدين وبركتهم وعن الغربة انا من يوم ما تولدتى فيها يعني ما شيء جديد علي

وبصراحة يا عمي انا الشغل ده بالصدفة لما اقترح علي انزل تدريب عندهم في الشركة بعد ما كنت خلصت دبلوم ادارة اعمال وناس الشغل عجبهم شغلي فعيننو عندهم ولي سنتين الحمد لله مبسوطة معاهم وتحمل المسؤلية شيء جميل يا عمي وبيشد وبي نمي شخصية الزول
تسلم يا عمي على سؤالك ودمداخلتك اللطيفة ده