سكة سفر [الأرشيف] - منتديات ودمدني

مشاهدة النسخة كاملة : سكة سفر

ABUZAID

23-07-2004, 09:47 AM

سكة سفر

عَنْوَنْ معاك سكة سفر

مكتوبة بي أحلى السنين
مرصوفة لي آخر العمر

مشتولة بالريد والغرام
محفوفة بالفل والزهر

وعَنْوَنْ معاك سكة سفر

عَنْوَنْ معاك سكة غرام
أحلامو يانعة بتزدهر

كان قصدو فيها يصوغ معاك
زغرودة تبقى تدوم تسر

زعرودة تروي غرامي ليك
تشفي وتداوي جروح قدر

وعَنْوَنْ معاك سكة سفر

كان قصدو يِسْتَلِّكْ حُسام
ويقيف يقاوم ويصطبر

يهزم معاك كل الظنون
يدفن مخاوف ويستمر

كان بيكي يتحدى الظروف
يتحدى بيك كل البشر

وعَنْوَنْ معاك سكة سفر

بس موحشة.........

لو أظلمت لوحة عمر
وغشاها ناقوس الخطر

من قبل ما الفرح يستمر
شاد الحزن في الروح وكر

بكت البوادي غياب مطر
شكت المراكب شوق بحر

وأنا ياالجفيت دنياى حزين
صابر على الضنى والضجر

ما بين قوافي بتفتقر
وامواج سواقي بتنحسر

واطلال مكاناً قد هُجِر
واشواق متيم منتظر

آخر جزاىَ معاك جنيت
آهات جريح وبيوت شعر

وعَنْوَنْ معاك سكة سفر

ABUZAID

11-09-2009, 02:18 AM

اضناه ليك ساعة القمر
يشرف على الدنيا ويهل

اضناه مجلس حضرتك
يا حليلو مافات وارتحل

اصبح سراب لوحة عدم
اطلال شجون وبصيص امل

وفضل يداوم مجلسك
لكن وحييييييييييييييد
في بعدك اعياه العمل

ولعلها قصيدة اخرى ضائعة اتمنى ان اجدها بعد ( تعديلها )

أشرف صلاح السعيد

27-09-2009, 05:05 AM

أبو جودي

27-09-2009, 09:35 PM

أخي الغالي اشرف والأخ أبو زيد يعني حسي أنا أمشي وين ،،،، قطعتوها لي في رأسي ،،، يا تتموها ،،،، ولا تاني ما بخش ليكم بوست ،،،، في انتظاركم يا أكثر من رائعين ،،، أخوكم المتزوق والمنتظر حلاوة الكلمة لم تطلع من ناسه لكم التحية ،،،،،

محمد الجزولى

27-09-2009, 09:36 PM

اخى ابو زيد
سلامى بلا حدود
ما اعذبها من كلمات ...
وما اجمله من احساس نثر لنا هذه الروائع
فى انتظارك دوما اخى ابو زيد لنستريح مع كلماتك

المبارك ود إبراهيم

28-09-2009, 09:25 AM

وقريت معاك كل السطور
ولسة بقرا وبفتكر
راجى البقية واللقا
وبرجاك انت وبنتظر
بحرفك يتلاشى الحزن
ويحلى معاك باقى العمر
الرقة موقع بخطوتك
يرقص معاها داك خصر
تتهادى ليك كل اللحون
يثمل معاك كل البشر

اخى ابوزيد بإنتظار أن تلتقى وحرفك التايه لنتم معاك قعدة سكر..

ســــــــكة أبوزيد في السفر
أجــــــــــــمل قوافي كالدرر
فيها أحــــــــــــــــلام الغرام
لوحــــــة مـــن أبهي الصور
زغريــــدة في صمت الظلام
جاءت تبـــــــــــشر بالـــخبر
وليه ما نعـــــــنون مــعاك؟؟
جاييـــــك زول من حلة عمر
قاطـــــــع فيافي وجاي ليك
عــشان يشـوف الصار عليك
لكن أخروا الطيــــن والمطر
الناس حظـــــــوظ ودا القدر
وللأسف مافــــــــيش ظلط
كــــــــل الشــــــــــــــوارع
درب المواشي الصـــار هكر
الصـــــــــــبر يا أبوزيد أخوي
والصبر عاقــــــبو الحـــــــلو
ســـيب البكاء وسيب الضجر
آهات جـــــراحك أصبر عليها
صــــــــبر الجراح فيهو الأجر
وإنت يا أشـــــــــــرف أخوي
إنـــــــت مــــــــــــا زولا بحر
تعال معـــــــاي نشد الرحال
نقيــــف مع أبوزيد في السفر.

اسلام فرح

28-09-2009, 08:53 PM

ابو زديد والاخ اشرف والاخ المبارك

انتم الروعه بلا حدود واشكركم لانكم تهتمون لما اكتب بما لديكم من

ملكة في صنع الحروف ورصف الكلمات

لكم مني اجمل تحيه

المبارك ود إبراهيم

29-09-2009, 01:52 AM

ابو زديد والاخ اشرف والاخ المبارك

انتم الروعه بلا حدود واشكركم لانكم تهتمون لما اكتب بما لديكم من

ملكة في صنع الحروف ورصف الكلمات

لكم مني اجمل تحيه

هذا من زوقك إبننا إسلام شكرا علي الإطراء ونسأل الله التوفيق للجميع وحروفك تجبرنا دوما للوقوف عندها لك الود.

ABUZAID

01-10-2009, 11:17 AM

وقريت معاك كل السطور
ولسة بقرا وبفتكر
راجى البقية واللقا
وبرجاك انت وبنتظر
بحرفك يتلاشى الحزن
ويحلى معاك باقى العمر
الرقة موقع بخطوتك
يرقص معاها داك خصر
تتهادى ليك كل اللحون
يثمل معاك كل البشر

اخى ابوزيد بإنتظار أن تلتقى وحرفك التايه لنتم معاك قعدة سكر..

العزيز الغالي - اشرف صلاح سعيد

كل سنة وانت بالف خير

تتهادى ليك كل اللحون
يثمل معاك كل البشر

عهدتك دوما قلما لا يستهان به من خلال كتاباتك الرائعة
واليوم اجدني متلعثم اللسان وانا اكتشف فيك روعة الصياغة الشعرية

اتمنى ان يجد المنتدى الثقافي في عهدك وعهد الكثير من المبدعين القا زائدا
ورونقا مونقا

لك كل شكري وتقديري

أشرف صلاح السعيد

03-10-2009, 08:11 AM

أخى أبوزيد لك كل التحايا والشكر لكلماتك الطيبات ..
ويلا وراك نتم خطى الكلام ونعمق بطن الثقافى مع كل الجميع من مدنى الجمال..

أما العيون خيال جنون
تاخدنا نوصل لأبعد جزر
كيف يوصفوك أو يرسموك
واللون بيعجز فى السحر
حتى الحروف تحتار معاك
تتحول رقم سمو الصفر
يكفينى بيك بعرف الجمال
وحتى الجمال معاك فتر
كيفن يجارى فى روعتك
والحسن بعدك جد عقر
مقتول غرامك وطلتك
ما بطلتك بعدم وزر
بنسى الضلال وكل الفساد
وبقدس إله بصلى الوتر
أداكى ليا دون الخلق
كيفن أجحد فى الشكر..

Raheeg

08-10-2009, 12:58 AM

وأنا ياالجفيت دنياى حزين
صابر على الضنى والضجر
اخي أبوزيد أسلوب أجمل من رائع وشعر مرهف رصين المتأمل لشعرك يجدك أخذت من كل عبقري شعر أجمل مافيه .أخذت من الشابي رصانته ومن المتنبي قوة كلماته مع الفرق في أنك تأخذ من اللهجة العامية القدر اليسير وبذلك في وجهة نظرى أنا أصبح شعرك أروع من الروعة. لك مني كل الحب.

ABUZAID

08-10-2009, 01:16 AM

ABUZAID

08-10-2009, 01:18 AM

اخى ابو زيد
سلامى بلا حدود
ما اعذبها من كلمات ...
وما اجمله من احساس نثر لنا هذه الروائع
فى انتظارك دوما اخى ابو زيد لنستريح مع كلماتك

الرائع الاخ - محمد الجزولي

كل الجمال وهبوه ليك

شكرا على المرور الجميل

ونتمنى المزيد

ABUZAID

08-10-2009, 01:22 AM

ســــــــكة أبوزيد في السفر
أجــــــــــــمل قوافي كالدرر
فيها أحــــــــــــــــلام الغرام
لوحــــــة مـــن أبهي الصور
زغريــــدة في صمت الظلام
جاءت تبـــــــــــشر بالـــخبر
وليه ما نعـــــــنون مــعاك؟؟
جاييـــــك زول من حلة عمر
قاطـــــــع فيافي وجاي ليك
عــشان يشـوف الصار عليك
لكن أخروا الطيــــن والمطر
الناس حظـــــــوظ ودا القدر
وللأسف مافــــــــيش ظلط
كــــــــل الشــــــــــــــوارع
درب المواشي الصـــار هكر
الصـــــــــــبر يا أبوزيد أخوي
والصبر عاقــــــبو الحـــــــلو
ســـيب البكاء وسيب الضجر
آهات جـــــراحك أصبر عليها
صــــــــبر الجراح فيهو الأجر
وإنت يا أشـــــــــــرف أخوي
إنـــــــت مــــــــــــا زولا بحر
تعال معـــــــاي نشد الرحال
نقيــــف مع أبوزيد في السفر.

العزيز الغالي - المبارك ود إبراهيم

لك التحية والشوق

صــــــــبر الجراح فيهو الأجر
وإنت يا أشـــــــــــرف أخوي
إنـــــــت مــــــــــــا زولا بحر
تعال معـــــــاي نشد الرحال
نقيــــف مع أبوزيد في السفر

تأبى الكلمات الا الاختباء
ويابى القلم الا السكون

لك التحية وانت قامة من قاماتنا