سوار الياسمين وصلت يا ناس مدني

[سوار الياسمين]

مراااااااااااااااااااحب يا ناس :) مدني

مشتااااااااااااااااااااااااااااااقين

ووحشتوني شديد واعذروني لو ما دخلتى على المنتدى في فترة الاجازة لانو كان صعب علي وانا في السودان وطبعا الشمارات والخبارات الجديدة كلها عايزاها بالتفصيل ;) وشماراتي انا خلوها بعدين :D

تحي :p اتي

[سواااح]

الاخت سوااااار الياسمين

حمدا لله علي سلامتك
دي هدية سلامة العودة
عارفها بسيطة
لكن ممكن تعبر عن فرحتنا
http://www.asmilies.com/smiliespic/FAWASEL/001.gif (http://www.asmilies.com)
وبالنسبة للشمارات
ابدي لينا انتي بالاول
وانحنا ما بنقصر معاك

دمــــــــــــتي ،،

[محمد حسين (المميز)]

ألــف حمدالله عالسلامه يا
ســوارالياسميــن
نورت المنتدى
بس وحــاتك طمنينا على مدني
وأحوال مدني وشوارع مدني
وأجـــــواء مدنـي

مرّه تاني هلا بيك

*************

[امل حياتى]

بصراحة المنتدى بقى كل نوووووووووووووووووور ونتمنى عدم الابتعاد منا مرة ثانية اهلا" وسهلا" وحمد الله على السلامة
والناس فى الاجازة ما بيخشو يسلمو على الناس

[نزار حسن محمد]

عودا حميدا طيبا بنتنا سوار الياسمين لك وحشه وابقى داخله لجوه الجماعه فى انتظار الشمارات.

[بسأل عليك]

هلا بيك وكيف ناس حلتنا الفوق الليهم ألله وعيشة السوق وكيف التومات إنشاالله نصاح وغنيماتنا .......... صحي بلغتي وصيتي لمدني وقلتي ليها ماني بفوتك وماني الزول البقبل موتك فيك معلق وبيكي مشعلق ؟

[اميمه عشريه]

الان فقط عرفت من اين كل هذا الاريج الياسميني الزاكي .. انه انت ..




شكراً.. لطوقِ الياسَمينْ

وضحكتِ لي.. وظننتُ أنّكِ تعرفينْ

معنى سوارِ الياسمينْ

يأتي بهِ رجلٌ إليكِ..

ظننتُ أنّك تُدركينْ..



وجلستِ في ركنٍ ركينْ

تتسرَّحينْ

وتُنقِّطين العطرَ من قارورةٍ وتدمدمينْ

لحناً فرنسيَّ الرنينْ

لحناً كأيّامي حزينْ

قَدماكِ في الخُفِّ المُقَصَّبِ

جَدولانِ منَ الحنينْ



وقصدتِ دولابَ الملابسِ

تَقلعينَ.. وترتدينْ

وطلبتِ أن أختارَ ماذا تلبسينْ

أَفَلي إذنْ؟

أَفَلي إذنْ تتجمَّلينْ؟

ووقفتُ.. في دوّامةِ الألوانِ ملتهبَ الجبينْ

الأسودُ المكشوفُ من كتفيهِ..

هل تتردّدينْ؟

لكنّهُ لونٌ حزينْ

لونٌ كأيّامي حزينْ

ولبستِهِ

وربطتِ طوقَ الياسمينْ

وظننتُ أنّكِ تَعرفينْ

معنى سوارَ الياسمينْ

يأتي بهِ رجلٌ إليكِ..

ظننتُ أنّكِ تُدركينْ..



هذا المساءْ..

بحانةٍ صُغرى رأيتُكِ ترقصينْ

تتكسَّرينَ على زنودِ المُعجَبينْ

تتكسَّرينْ..

وتُدَمدمينْ..

في أُذنِ فارسِكِ الأمينْ

لحناً فرنسيَّ الرنينْ

لحناً كأيّامي حزينْ



وبدأتُ أكتشفُ اليقينْ

وعرفتُ أنّكِ للسّوى تتجمَّلينْ

ولهُ ترُشِّينَ العطورَ..

وتقلعينَ..

وترتدينْ..

ولمحتُ طوقَ الياسمينْ

في الأرضِ.. مكتومَ الأنينْ

كالجُثَّةِ البيضاءَ ..

تدفعُهُ جموعُ الراقصينْ

ويهمُّ فارسُكِ الجميلُ بأخذِه ..

فتُمانعينْ..

وتُقَهقِهينْ..

" لا شيءَ يستدعي انحناءَكَ ..

ذاكَ طوقُ الياسمينْ.. "

[نور العيون]

الاخت سوااااار الياسمين

حمدا لله علي سلامتك
دي هدية سلامة العودة
عارفها بسيطة
لكن ممكن تعبر عن فرحتنا

وبالنسبة للشمارات
ابدي لينا انتي بالاول
وانحنا ما بنقصر معاك

دمــــــــــــتي ،،

[التيمان]

http://www.0zz0.com/2006/08/21/262276791.gif



http://www.0zz0.com/2006/08/21/642216188.gif


http://www.0zz0.com/2006/08/21/293657725.gif

[عوض صقير]

حمدلله على السلامة ... وأهم حاجة طمئنينا على مدنى
وطبعا جيتى ولقيتى البيت ( المنتدى ) مضيوف .... نتمنى أن نكون ضيوف خفاف الظل ومقبولين
مع تحياتى

[الزبير محمد عبدالفضيل]

عودا حميدا طيبا بنتنا سوار الياسمين لك وحشه وابقى داخله لجوه الجماعه فى انتظار الشمارات.



وأهــــــــــــــــــــــــ وسهلا ــــــــــــــــــــلا

[Jamal Elmahi]

سوار الياسمين...بسم الله ما شاء الله السودان نفع معاك جيتينا راجعه بي جضيماتك....
بركه الرجعتي يابت أمي كان البحر وصّلك السد العالي....والابري والحلو مر كان أترسّفن مويه....
أها عملتي بي وصيتي ودبرتي ليك عريس ولاّ جيتي حانفه وشّك....
مشتاقين بالكوم ....تحياتي للاسره الكريمه....

جمال الماحي

[راشد خضر]

عوداً حميداً سوار الياسمين
وبهذه المناسبة أصبحت مؤهلة ومادة دسمة للكرسي الساخن
ولّه ايه رايك يا نزار

[sambaaa]

عوداً حميدا سوار الياسمين ، وبهذه المناسبة أصبحت مؤهلة ومادة دسمة للكرسي الساخن
والّه ايه رايكيا نزار
( والله يا راشد انا زاتي كنت بفكر في الحتة دي )

حمدا لله سلامتك يا سوار
ومنتظرين الشمااااااارات بفارق الصبر :D

[الشريف الهندي]

ألف حمدا لله على السلامــه سوار الياسمين وحمدا لله على عودتك من جديد ...... ها الاخبار شنو ؟

[zoolfrda]

حمد لله على السلامة يا سوسو

[سوار الياسمين]

اخواني الأعزاء ناس مدني السمحين

سواح
[الله يسلمك والبسيط منك كبير عندنا ]

المميز
[النور نورك ومدني بتسلم عليك وراجياك تمشيليها]

امل حياتي
[مافي نور بعد نورك والابتعاد لو كان للسودان فلازم تعزرو وكان صعب علي اني ادخل عليكم في السودان ما انت عارف الظروف كيف ]

عمي القدير نزار
[تحياتي ليك والشمارات موالها طويل خليها بعدين بي روقة ]

بسأل عليك
[ مدني كلها بتبلغك السلامات والأهل طيبين ومستنينك]

العزيزة جدا جدا اميمة
[ بل كل هذا الأريج نابع من طيب كلماتك فلكي مني جزيل الشكر على كلماتك العطرة]

نور عيون المنتدى
[مشتاقين ومقبولة الهدية ونبقى للشمِشرة لي بعدين ]

التيمان الحلوين
[ تسلموا على الترحيب وما تبقو تغيبو علينا كثير ]

عوض صقير
[حبابك عشرة يا عوض واذا ما شالك المنتدى نشيلك فوق راسنا]

السفير القدير
[ الله يسلمك ومشتاقين لطلتك البهية ]

عمي العزيز جدا ود الماحي
[ الشوق كميات والجضيمات خسن شوية واسكت ساي عن البيوت الغرقت والناس الي اتشردو بسبب النيل عشان كسر اما حكاية العرسان فده طوييييييييييييييييييييييييييييييلة ارجاها بس]

راشد خضر
[مالك علي يا خي انا ما صدقتى رقتى شوية من السفر تقول لي كرسي ساخن وعمي نزار خليهو في حالو هو سألك لا ارجوني كويس :D ]

العزيز سامبا
[ازيك يا راجل مشتاقين ووصلني انك شمتان وانصحك انك ما تفكر في موضوع راشد لاني اشك انو ممكن يتم]

القدير الشريف الهندي
[الله يسلمك من كل بلى والاخبار جايطة جوطة خليها ساي وتسلم على ترحيبك

[عوض صقير]

تسلمى سوار الياسمين ..... ولك خالص الشكر والتقدير

[نزار حسن محمد]

بتنا الفنانه سوار الياسمين... عاد نسوى شنوا الجماعه مشتاقين ليك شديد .. والشمارات كان بردة ماتبقى شمارات لكن انتى جايه تعبانه من السفر ... اه .اسبوع كفاك ولا اسبوعين غايتو انتى خليك جاهزه الناس ديل تلفوناتم تضارب. ساكت... سمح يابت اخوى.

[سوار الياسمين]

حمد لله على السلامة يا سوسو


الله يسلمك يا فردة ومشتاقين لطلتك البهية

[HaSsOoN]

وييييييييين ياسوار الياسمين وحشتينا عديل كدا والف حمد الله على السلامه ...وان شاء الله تكون اسمتعتي بالاجازه ...وفقدناكي كتير واللهي ...يلا ادينا الشمارات ...منتظرنك

[سوار الياسمين]

وييييييييين ياسوار الياسمين وحشتينا عديل كدا والف حمد الله على السلامه ...وان شاء الله تكون اسمتعتي بالاجازه ...وفقدناكي كتير واللهي ...يلا ادينا الشمارات ...منتظرنك


مراحب يا حسون والاجازة ما بطالة لاكن ما زي كل سنة
وتسلم يا غالي

[hamad2]

حمدلله على السلامة ... وأهم حاجة طمئنينا على مدنى
وطبعا جيتى ولقيتى البيت ( المنتدى ) مضيوف .... نتمنى أن نكون ضيوف خفاف الظل ومقبولين

[سوار الياسمين]

مراحب اخ حمد والبيت نور بوجودكم
وحبابك عشرة وتسلم على الترحيب