واقع غرامى؛محض للنقاش ...هل فى إستطاعت الحب أن ينقلب الى خوة؟!؟..

[معتز تروتسكى]

خالص التحايا ..
الزملاء الاعزاء..
وجدت هذه الاغنية بقسم الاغانى فقمت بتنزيلها وسماعها ..
وفجاءة...!!!
أوحت لى ببعض الاسئلة التى قد تبدو موضعية من خلال واقع غرامى بين أثنين وصل الى حد الوله..
ثم أتت علية متغيرات ادت برفض الفتاه "غالبا" لظروف أسرية او اختلاف بين العشقين أو أو من المسببات...
هل يتثنى لنا أن نقول انه من الإمكان أن يتحول كل ذاك الحب الى خوة وصداقة عادية ؛ أم مستحيل هذا ؟
أم يتوقف على عامل الزمن أم على عامل المبررات التى ادت الى الأنفصال وو الخ...
سالت نفسى بعض هذه الاسئلة فوجدت احيانا أُجيب "بلا" وأحيانا "بنعم"...!!
عموما هى أسئلة يمكن ان تؤسس لمشروع نقاش من هذا الجانب..
فما هو رأيكم؟!!!؟


......

...
http://www.alrakoba.net/topupload/users/trotosky/nda-taha.mp3
...

[سواااح]

عزيزي معتز ..

لا اتوقع انه احساس وشعور الحب بالذات
يمكن ان يصبح يوما ما اخوة او صداقة فكلاهما سيان عندي
الحب .. وبكل ما تعنيه هذه الكلمة
تلك الدقات التي كانت تتسارع
وتتلاحق الانفاس
وربما تعرق الجبين
هذا كله يصبح يوما .. اخوة او صداقة ؟؟
ربما اكاد اجزم ان هذا مستحيل
انسان تضع له مكانة عميقة في وجدانك
يصبح بكل سهولة .. اخ وصديق ؟؟
كلا .. وابدا ..
تلك المشاعر والاحاسيس المرهفة تتبدل ؟؟
لا .. والف الف لا ..

دمــــــــــــــت ،،

[HaSsOoN]

الريد ماببقى خوه ...فعلا ماببقى خوه ياجماعه لانو انا بشوفا صعبه انو الزول يكون حابي فجأه ينصدم انو مافي امكانيه لمواصلت الحب دا وواحد من الاطراف يقترح انو يكون صداقه بس من الصعب جدا تكون العلاقه زي ماكانت عليها.يوم كانت حب ممكن تقل العلاقه وترخي وماتكون زي اول.....وانا عن نفسي بقطع العلاقه طوالي يمكن يكون في تواصل بس عالرسميات مناسبات وكدا بس مااكتر

ويامعتز مالك على المواضيع الحساسه دي هههههههههههههههههههه يديك العافيه ياحبيبنا وواصل مواضيعك الحلوه دي

[معتز حمدتو]

صعب الغرام والهيام ولحظات العشق والسرحان مع الاماني السندسية ان يصبح أخوة بعد كل تلك المتغيرات ان تزوجة اخوك صعبة تكون بالنسبة اخت .

[معتز تروتسكى]

خالص التحايا
سواااح
ياسيدى يديك العافية كتير..

تعرف يازميل كلامك مافيهو غلط لانو الاغلبية حتاكد على كلامك...
طيب ماهلنا قالو البحب مابعادي
يبقى ليه من دون النظر للمسببات نقلب كل الحب داك عاداوة؟! ..
فالزوله النحن بنحبها دى ؛ صحيح حبها مايحينتهى باى حال لمن الاحوال لكن لو بقينا واقعين فى ان نتفهم الظروف التى منعت الارتباط النهائى شكل الفهم ده مكن يقود لى شى افضل من العداوة التى كانت باسباب غير منطقية ..
مثلا لو اخدنا من الاسباب حكاية الامراض او اذا نصحها دكتور بانو زواجهم ربما يعود باثر سلبى فى اطفالهم من وفاة او تخلف او او..
فماعارف لكن لو خشت حبة عقلانية والناس اضطرت انو تنفصل ما ممكن تبقى الشغله صداقة وخوة بعد المبررات القوية دي ..؟
ولا رايك شنو عزيزى..؟
ولا انت شاكوشك عنيف لوووووول..
وابقى صادى ورينا كلامك ...
التحايا النواضر..
.

[lamis]

اخي معتز
من الصعب على الانسان ان يغير حبه الغرامي الى حب اخوه او صداقه
لان الحب الصادق لا ينسى ابدا
واذا تحول هذا الحب لاي سبب من الاسباب فسوف يتحول الى كراهيه

اشكرك على هذا الموضوع ولي عوده

[hamad2]

ممكن ابقي خوة لاسباب معينة

[حاج]

لك التحية الأخ معتز تروتسكي على هذا الطرح
لا يمكن أن تتحول العلاقة من حب إلى أخوة إطلاقاً إلا في حالة واحدة لو كانت ( جكًيس ساي )
مع التحية للأخ الرائع ودفعة البندر معتز حمدتو

[hamad2]

لو شاكوش مع الزمن ما ببقي خوة

[madaniboy]

اهلا اخوي معتز موضووعك جميل بس صعب جدا جدا جدا ان ينقلب الحب الى اخوو ولكن يمكن للاخوة والصداقه ان تنقلب الى حب ويسلموو على الموصووع
اخووك
فاقد حنان

[سواااح]

خالص التحايا
سواااح
ياسيدى يديك العافية كتير..

تعرف يازميل كلامك مافيهو غلط لانو الاغلبية حتاكد على كلامك...
طيب ماهلنا قالو البحب مابعادي
يبقى ليه من دون النظر للمسببات نقلب كل الحب داك عاداوة؟! ..
فالزوله النحن بنحبها دى ؛ صحيح حبها مايحينتهى باى حال لمن الاحوال لكن لو بقينا واقعين فى ان نتفهم الظروف التى منعت الارتباط النهائى شكل الفهم ده مكن يقود لى شى افضل من العداوة التى كانت باسباب غير منطقية ..
مثلا لو اخدنا من الاسباب حكاية الامراض او اذا نصحها دكتور بانو زواجهم ربما يعود باثر سلبى فى اطفالهم من وفاة او تخلف او او..
فماعارف لكن لو خشت حبة عقلانية والناس اضطرت انو تنفصل ما ممكن تبقى الشغله صداقة وخوة بعد المبررات القوية دي ..؟
ولا رايك شنو عزيزى..؟
ولا انت شاكوشك عنيف لوووووول..
وابقى صادى ورينا كلامك ...
التحايا النواضر..
.

عزيزي معتز ..

ربما الاحساس مستواه يختلف عند الناس
وذلك يعود بنسبة كبيرة
الي مستوي العاطفة التي نحملها
فكلما زاد مستواها
كلما زاد التمسك بالشخصية
فهنا تكمن المعادلة
ويحب يحب يوما لا يجب ان يعادي
ومن احب لا يكره
لكن من وجهة نظري
اري انه صعب جدا ان اتعامل مع انسانة
في وقت ما باسلوب واحساس معين وجذاب
باحساس صداقة واخوة ..

دمـــــــــــــــت ،،

[ابورجاء]

الغالي معتز
والأعزاء الافاضل
أولا موضوع في غاية الروعة والجمال.

بعد ده نخش في النضمي الصاح اول حاجه

الحب علاقة سامية تجمع بين اتنين لا غرض منها غير
الاحترام والموده والالفة اذا فقدت واحده من التلاته ديل
يصبح ده ما حب سموه ذي ما عاوزين.
والاخوة ايضا علاقة بين اتنين وقوامها برضو التلاته الفاتو.
يعني لو كان في حب لا بد تكون في خوة والعكس صحيح
أذا فقد الحب تظل الخوة لكن هنا العكس غير صحيح .
شغلة بسيطه اذا انت بتحب واحده حب صادق وجاد لا
يمكن يتغير الحب باي سبب من الأسباب .
الخلاصة انو البحب لا يمكن يكره ابدا ابدا ابدا ....
بمعنى انو الحب لو ما تتوج بالزواج بديهي
انو ما يكون في كره أذا في خوة.
وهذا المطلوب اثباتو...
ودوما في رعاية الله وحفظه..
مع تقديري وأمتناني...

[معتز تروتسكى]

خالص التحايا
الزميل العزيز..
HaSsOoN

يعنى انتو الشغلة كسر رقبة عملتوها مابتبقى خوة ...
رغم انى حاسى انها ممكن تبقى خوه...
صحى صعبة شويه ؛ لكن مامستحيله
ياصديقى بخلاف من اشكالية الاصطدام بالواقع يبقى كيف يكون الحال ..؟
هل حيتلقى كل شى بينانتهم ولاحتى سلام عشان نسميهو كبرياء؟؟
طيب التواصل عبر الرسميات ده ما ممكن يخلى القلب يتاور ويحن وربما يقدر احد فيهم يتفهم الظروف؟
قايتو تاريكم كلكم واقعين لى شوشتكم فى المشاكل الغرامية ؛والله الزمن البتقول عليهو موسى كلو يطلع فرعون لووووول
يديك العافية يافرده وابقى واصل...

التحايا النواضر..

[معتز تروتسكى]

خالص التحايا
الزميل العزيز..
معتز- حمدتو
(سيد الاسم)

طيب عزيزى انا بعرف ناس ظروفهم فصلتهم من بعض ولكن قلوبهم لازلت معلقة مع بعض بالرغم من ارتباط كل منهم بشخص اخر !!!
صحيح هو مابلشى الصحيح انو زوله ارتبطت بى زول تبقى تفكر بره او العكس زول ارتبط بى زوله اخرى ويبقى يفكر بره..
لكن قوانين القلوب دى شى صعب وداير حكمة مابعدها حكمة...
كذلك يمكن مايبقى خوة زى ماذكرت ؛ بس فى الحالة دى اخير الخوة
لانو ده ببقى حب بطريقة غير شرعية...
طيب لو الناس بقت حكيمة ممكن تاخد الامور بى بساطه ورغم ارتباط كل منهم بشخص اخر ..؟
هل ممكن يسردوا الواقع بطريقه جميلة ؛ويبقو يتواصلوا بى اسرهم الجديده ويطرحو الموضوع عادى حتى فى ظل وجود شريك كل منهما..؟
ولا الشغلة بتجيب غيره من الشركاء الجدد؟
ولا رايك شنو ؛غايتو شغلة ثعبه خلاث لوووووول

التحايا النواضر..

[معتز تروتسكى]

خالص التحايا
الزميلة العزيزة..
lamis

غايتو لميس نحن من الصباح بنعبر فى اتجاه واحد
والله زاتو جابك لينا الموضوع دايرين نتاولوا من كل الاتجاهات عشان مايبقى كلو (male) فقط ..
اما بخصوص الكراهية دى "دى بقت زى حكاية لاتوجد منطقة وسطى بين الجنة والنار" يعنى انتى ختيتها يا حب ولا كراهية ...
قايتو حبكم صعب خلاص شكلو كده...
خوة فى الله ساى ما ممكن "الهى منكم يابنات حواء" لوووووول..
ماقلنا فى ظروف ربما تكون اقوى واقوى ذكرنا بعضها ربما تكون علمية زى حكاية الدكتور دى..
يعنى ننسى ده كلو نقلب كراهية...؟!!
المهم ياعزيزة نمسع منك اضافة اخرى...
التحايا النواضر...

[معتز تروتسكى]

خالص التحايا
الزميل العزيز..
hamad2

عزيزى نسمع منك وده انا البفتش ليهو رغم انو الشغلة ذاتها ماعارفه بتبقى كيف لكن يحلنا الحلا بله...

التحايا النواضر..

[معتز تروتسكى]

خالص التحايا
الزميل العزيز..
حاج
تشكر على الحضور سيدى..

الجكيس ده مامرحلة صغيره او بداية السكة ..
نحن مرحلتنا دى خلاص الشغلة وصلت العصب الحي وفجاءة جات ظروف خلتو ماشى يبقى خوة..!!
طيب نشيل حكاية خوة دى ونسميها صداقة ماممكن شويه تتبلع..؟

كدى من خلاصة تجربة فى الازقه والحوارى والجكيس السطحى والجكيس العميق اقدر اطلع لينا بى حاجة ياعمك وانت اصلك مابتتعب...
يديك العافية ويدى سيد الاسم ود البندر معتز حمدتو العافية كمان...


التحايا النواضر..

[معتز حمدتو]

تروتسكي
تحياتك النواضر ده جميلة بالحيل ،،، وان شاء الله اجعل ايامك كلها نواضر
بعدين حد بمقامك وكمانك الراقي ما يبقي سيد الاسم ليك التحايا النواضر سيد الاسم
الموضوع وما فيه يبقي بعد الطرفين كل واحد امشي لجهة اجيب ليه غيره من العنصر الجديد وتبقي عملت خلخله في حياة ربما يكون رب العباد من الاول لا يرد لك فيها خيرا .
بعدين تعلق القلوب وحتي بعد الانفصال هل تفتكر فترة من حياتك تنسي بسرعة كده ؟
وكما قال رسولنا الحبيب مخاطبا ربه ( اللهم لا تلمني في ما تملك ولا املك ) فيعني مسألة الاحاسيس ده حاجة صعبة لكن ينبغي علي الانسان ان يتنازل شوية عن الابراج العاجية في بعض الاحيان .
لكن يا تروتسكي عندي ليك سؤال عاوز افهم معني كلمة تروتسكي ؟ إن لم يكن لك مانع .
بعدين التحايا النواضر ده ما أظن فى حد سبقك عليها واعتبرها مميزه جدا لله درك .

[saleh farah]

ياسلام عليك يامعتز ، لكن انا بختلف مع الاخوه الذين اجزموا ان الحب ماممكن ابقى خوه لكن انا بقوليك من واقع حي ممكن وممكن جدا يبقى اكتر من خوه بس بشرط
لو كان الطرفين فعلا بحبه بعض ووصلا الى مرحلة انكار الذات وحب الطرف الاخر والتمنيات لصاحبه بالسعاده وانبل انواع الحب ان يتمنى المحب لمحبوبته ان تصل الى درجات السعاده العليا التى يتمناها لها ولم يتمكن من توفيرها هو وصدقونى لو الانسان بحب فعلا ممكن انظر لمصلحة الحبيب وشيئا فشئيا يتحول هذا الحب الى خوه وصداقه والمجربين كثر بس الشجعان قله الذين يعترفون بذلك .

[Jamal Elmahi]

حباب معتز ...
الموضوع حيوي وواقع معاش ...والاجابه عليهو أيضاَ واقع معاش ...وفي نظري كل الاجابات صحيحه لاننا بشر تختلف امزجتنا وقناعاتنا وقيمنا واخلاقنا وعاداتنا وعرفنا وبالتالي نختلف في استجابتنا وردة فعلنا تجاه هذا الموضوع...يعني وارد عند البعض ينقلب الحب بقدرة قادر الي خوّه ...وعند البعض الي عداوه...وعند البعض الاخر حب للطيش لايمكن أن يتحول الي خوه أبداَ لو سلّم عليها بعد الشاكوش كهربتا تقرّب تشلّو....
ولله في خلقه شئون...

جمال الماحي

[سواااح]

خالص التحايا
الزميل العزيز..
معتز- حمدتو
(سيد الاسم)

طيب عزيزى انا بعرف ناس ظروفهم فصلتهم من بعض ولكن قلوبهم لازلت معلقة مع بعض بالرغم من ارتباط كل منهم بشخص اخر !!!
صحيح هو مابلشى الصحيح انو زوله ارتبطت بى زول تبقى تفكر بره او العكس زول ارتبط بى زوله اخرى ويبقى يفكر بره..
لكن قوانين القلوب دى شى صعب وداير حكمة مابعدها حكمة...
كذلك يمكن مايبقى خوة زى ماذكرت ؛ بس فى الحالة دى اخير الخوة
لانو ده ببقى حب بطريقة غير شرعية...
طيب لو الناس بقت حكيمة ممكن تاخد الامور بى بساطه ورغم ارتباط كل منهم بشخص اخر ..؟
هل ممكن يسردوا الواقع بطريقه جميلة ؛ويبقو يتواصلوا بى اسرهم الجديده ويطرحو الموضوع عادى حتى فى ظل وجود شريك كل منهما..؟
ولا الشغلة بتجيب غيره من الشركاء الجدد؟
ولا رايك شنو ؛غايتو شغلة ثعبه خلاث لوووووول

التحايا النواضر..

عزيزي معتز ..

هنا انت تجعل القلوب تذرف دماً
هنا انت تنثر الملح علي الجرح
هنا انت تعيد شريط الذكريات
هنا انت تقلب المواجع
هنا انت تبعثر بقايا اشتات العقل
انت كنت تحبها
وهي كانت تحبك
ففرق الدهر بينكما
سواء براضاكما ام غصباً عنكم
وانت تزوجت
وهي حتماً تزوجت
ودارت عجلة الزمن
والتقيتم بعد سنين
فهل يكون اللقاء طبيعيا
اتيت انت بزوجتك
واتت هي بزوجها
فهل يكون احساسكم تجاه بعض
هكذا .. دون ذكريات
علي الاقل
تؤرق الخاطر ؟؟؟

دمــــــــــــــــت ،،

[محمد حسين (المميز)]

لا والف لا
ماببقــى ماببقـــى ماببقــــى

وأسأل مجـــرّب ولا تسألش طبيـب

***********

[مدنيّة]

لا لا لا لا لا

[abu_ola]

الخوة و الحب زي قضيب القطار توأمين متجاورين متلاصقين مصنوعين من نفس المعدن و في نفس المصنع و بنفس الطول و السماكة و قوة التحمل و يمشي عليهما نفس القطار كل يوم بس عيبهم الوحيد أنهم لا يمكن أن يجتمعان حتى عند أبعد المحطات


جيت تقول الريدة خوة !!!
بعد ما خلخلت روحي
فيني ما خليت مروة

*****
خوة وين بتبكي سيده
خوة بتسهر ليالي
إلا دي الخوة الجديدة !!!