المساعد الشخصي الرقمي

مشاهدة النسخة كاملة : هل من تفسير يا سادة للذي يحدث


الجندي المجهول
22-08-2006, 01:24 PM
والله يا جماعة انا ما بعرف في السياسة اي حاجة وما عندي لون سياسي واصلاً في السودان العندنا دا اسمو تخبط بس سؤال واحد وعاوز ليهو اجابة مقنعة والسوال يا اهلنا بيقول الزيادة الاخيرة في البترول دي ال 1000 جنيه دي ليه وعشان شنو ياريت بس القي رد مقنع ولكم العتبي حتي ترضوا من سؤالي دا :confused: :confused: :confused:
HaSsOoN
22-08-2006, 01:41 PM
فعلا واللهي دايرين تفسير ياجماعه للموضوع دا .....والبعرف الاسباب ياريت يورينا الزياده ليه؟؟ ....

يديك العافيه يالجندي المجهول على فتح الموضوع دا
شبندر
22-08-2006, 09:20 PM
حسب كلام وزير المالية والإقتصاد الوطني الزيادة لسد عجز الموازنة البالغ 543 مليار دينار ،وذلك لتأخر دخول إنتاج حقل عدارييل الذي أعتمدته الوزارة في موازنتها لهذا العام المتوقع أن ينتج 200 ألف برميل في اليوم . وذكر بأن الوزارة تدعم البنزين والجازولين وإنها سوف تقلل من هذا الدعم .

أما الرد المقنع حول الزيادة هو

الوزارة تدعم المواد البتروليه يعني بأن السودان مستورد للبترول وغير مصدر له
مدنيّة
22-08-2006, 09:27 PM
والله بغض النظر عن الاسباب زيادة الالف جنية مرة واحدة كتيرة جدا والمشكلة انه ح يترتب عليها زيادة في اسعار كل السلع الباقية والسبب زيادة سعر الوقود
Jamal Elmahi
23-08-2006, 03:45 PM
حباب الجندي ....ليك وحشه أأأبوي....سمعته ولاّ جابو ليك ...ولاّ اللتنين...
الاجابه : ما هو باين في الكروش....الكروش الجغمت دم الشعب غالبا تجغم ليها ألف ذياده ....ألالف دا والله ما يحوق في شلاليفم الكبار ديل...
العين أأأبوي ما يملاها علا التراب ....ومرات التراب ذاتو في تلتله....


جمال الماحي